Satmara Niyes

פרייטאג פרשת משפטים א' דר"ח אדר א' 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף דברי יואל. פארן דאווענען האט דער רבי תפילין געלייגט פאר די בר מצוה בחורים.
ב"ר אברהם גברא הי"ו.
ב"ר אלחנן טויב הי"ו.
ב"ר משה לוי חיים לאנדא הי"ו.
ב"ר ישראל מאיר פעלדמאן הי"ו.
ב"ר אהרן יוסף בערגער הי"ו.
ב"ר יוסף הערשקאוויטש הי"ו.
ב"ר בעריש קארנבלי הי"ו.
ב"ר אליעזר יודא מארקאוויטש הי"ו.

דער רבי איז צוגעגאנגען צו הלל און ביים ליינען עולה געווען רביעי, נאכן דאווענען איז פארגעקומען א לחיים מיט די בר מצוה בחורים בהיכל הביהמ"ד.

נאך שחרית האט רבינו שליט''א מנחם אבל געווען משפחת הגה"ח ר' לייבוש וויינפעלד ז"ל, דערביי האט דער רבי איבערגעקוקט אינטערעסאנטע בריוון וואס רבינו שליט''א האט אים געשריבן נאך מיט אריבער 55 יאר צוריק.

▫️ סאטמאר'ע נייעס 🌴 ▫️

דאנערשטאג 'בצל הקודש' פון כ''ק רבינו הגה''ק שליט''א

ארום 8:10 איז רבינו שליט"א אריינגעקומען אין ביהמ''ד צו תפילת שחרית, דער רבי האט געצינדן 5 ליכט און צוגעגאנגען צום עמוד לרגל די יומדהל''ק.
פתיחה: הרה"ח ר' אהרן הערש בערקאוויטש הי"ו, בעל קורא: ר' ליפא בר"וו לאנדא הי"ו (מאנסי).
עליות. כהן: הרה"ח ר' יושע הערש הכהן גליק הי"ו. לוי: הרה"ח ר' שמחה ישראל אפפעל הי"ו. שלישי: רבינו שליט"א. הגבה: הרה"ח ר' רפאל פערלמוטער הי"ו מראה''ק מאנסי. גלילה: הב' אברהם ב"ר יושע הערש גליק הי"ו.

נאכן דאווענען איז פארגעקומען א מסיבת לחיים לרגל די יומדהל''ק דער רבי האט געטרינקן לחיים און דערציילט עובדות וסיפורים א לענגערע צייט.

נאכמיטאג ארום 3:15 איז רבינו שליט"א אריינגעקומען אין ביהמ''ד צו תפילת מנחה, דער רבי האט געצינדן 5 ליכט און צוגעגאנגען צום עמוד.

נאך מנחה האבן זיך אנשי שלומינו געזעגנט פון רבינו שליט"א, און דער רבי האט זיך ווארעם באדאנקט פארן ארטיגע רב הרב שלמה אהרן דענעביים שליט"א וועלכע האט אוועקגעגעבן דאס ביהמ''ד ומקוה פארן רבי'ן ולטובת אנשי שלומינו הבאים להסתופף בצל הקודש, און געשטאנען צו די הילף במשך די פארגאנגענע וואכן מיט אלע הצטרכות'ער.
אויך האט זיך רבינו שליט''א באגריסט מיט הגה"צ אב"ד היבנוב שליט"א וועלכע איז דאן אנגעקומען, און עס האט זיך פארמירט א שיינע שמועס.
דערנאך איז רבינו שליט''א אריבערגעפארן צום פאלם ספרינגס אינטערנעשענעל עירפארט ווי ארום 4:30 האט זיך די פריוואטע פליגער געהויבן אויפן וועג אהיים קיין ניו יארק.

אויפן פליגער האט רבינו שליט''א עוסק געווען בתורה א לענגערע צייט און די סוגיא פון דבר שיש לו מתירין וואס מ'וועט לערנען אין די ישיבה לכבוד יו"ט פסח הבעל"ט, און דערנאך האט דכר רבי געשריבן חיד''ת א לענגערע צייט.

ארום 11:50 האט די פליגער געלאנדעט אינעם טוטער-בארא עירפארט, דער רבי האט תיכף געדאווענט מעריב אין עירפארט כחצות הלילה, און נאך מעריב האט רבינו שליט''א זיך באדאנקט פאר די מנין וואס איז געקומען אפווארטן, און דער ציבור איז אריבער שלום נעמען, דערנאך האט זיך דער רבי ארויסגעלאזט אויפן וועג אהיים לביתו נאוה קודש אין קר"י.

בזמן שהצדיק בעיר הוא הודה הוא זיוה והוא הדרה

▫ סאטמאר'ע נייעס 🌴

מיטוואך 'בצל הקודש' פון כ''ק רבינו הגה''ק שליט''א

ארום 8:00 איז רבינו שליט"א אריינגעקומען אין ביהמ''ד צו תפילת שחרית. בעל תפילה: ר' אברהם חיים פילאפף הי"ו (וומסב''ג).

פארנאכטס ארום 5:55 איז רבינו שליט"א אריינגעקומען צו תפילת מנחה, צווישן מנחה און מעריב האט דער רבי עוסק געווען בלימודו, און ביים זמן האט מען געדאווענט מעריב, דער רבי האט געצינדן 5 ליכט און צוגעגאנגען צום עמוד לרגל די הילולא קדישא פון זקינו מרן הגה"ק הקדושת יו"ט זיע''א.

נאך מעריב האט דער רבי מעריך געווען שלחנו הטהור לרגל די הילולא קדישא בהיכל הביהמ"ד, דער רבי האט זיך געוואשן צו די סעודה, בעפאר מ'האט אויפגעגעבן די פיש האט הרה"ח ר' משה פאלקאוויטש הי"ו געמאכט א סיום אויף מסכת סוטה, און דער רבי האט געזאגט קדיש, ביים לחיים נאך די פיש האט דער רבי געוואונטשן 'זכותו יגן עלינו ועל כל ישראל', במשך די סעודה האט מען געזינגען ניגוני התעוררות.
פאר די פלייש האט רבינו שליט''א דערציילט סיפורי קודש פונעם בעל הילולא זיע''א א לענגערע צייט.
מיט מכתם לדוד האט דער רבי מכבד געווען הגה"צ אבד''ק מאנסי שליט"א.
רבינו שליט''א האט משמיע געווען דב"ק אויפן פסוק 'ואלה המשפטים אשר תשים לפניהם' און געטייטשט במשנתו פונעם בעל הילולא זיע''א און ארויסגעברענגט די גרויסקייט פון זיך מקשר זיין צו צדיקים הקודמים דורכ'ן לערנען זייערע ספרים און אפילו דורך פארציילן עובדות וסיפורים, און ממשיך געווען איבער די גדלות פונעם בעל הילולא און מסיים געווען בברכת קדשו.
דער רבי האט געבענטשט אויפן כוס. מען האט געענדיגט ארום 8:10. אויפן וועג ארויס האט זיך דער רבי באדאנקט פאר הרה"ח ר' משה פאלקאוויטש הי"ו ובני משפחתו וועלכע האבן צוגעשטעלט די סעודה פארן גאנצן ציבור.

▫️ סאטמארע נייעס 🌴 ▫️