Satmara Niyes

זונטאג ד' דחוה"מ פסח 'בצל הקודש' פון כ''ק רבינו הגה''ק שליט''א

רבינו שליט''א איז אריינגעקומען צו תפילת שחרית אין ביהמ''ד הגדול ארום 9:50. בעל תפילה: הרה"ח ר' עקיבא הירש הי"ו (וומסב''ג), צו הלל איז דער רבי צוגעגאנגען.

פתיחה: הרה"ח ר' משה שווארטץ הי"ו (וומסב''ג), און הרה"ח ר' אברהם יעקב לאנדא הי"ו (לאנדאן).
כהן: הרה"ח ר' ליפא פריעדמאן הי"ו (וומסב''ג). לוי: הרה"ג ר' אנטשיל גרובער שליט"א (מאנסי). שלישי: הרה"ג ר' אברהם שלום פריעדמאן שליט"א מראשי מבצר הכוללים. הגבה: נכד רבינו הרב חיים יחזקאל שרגא טייטלבוים שליט"א בן הגה"צ רב דביהמ"ד בית ברוך שליט"א. גלילה: הרה"ח ר' יקותיאל ישראל פריעד הי"ו.
רביעי: רבינו שליט"א. הגבה: נכד רבינו הרב יושע מרדכי אלעזר לאבין שליט"א חתן חדב"ן הגה"צ רב דביהמ"ד ברך משה שליט"א. גלילה: הר"ר אברהם לייב לאנדא שליט"א.

מוסף: נכד רבינו הרב דוד טייטלבוים שליט"א בן הגה"צ אב"ד סיגוט שליט"א. מען האט געענדיגט ארום 11:30.

▫️ סאטמאר'ע נייעס 🌴 ▫️

שב''ק ג' דחוה"מ פסח 'בצל הקודש' פון כ''ק רבינו הגה''ק שליט''א

פרייטאג צונאכטס ארום 8:30 איז רבינו שליט''א אין ביהמ''ד מעוטף בטליתו און צוגעגאנגען צו מנחה, קבלת שבת: הרה"ח ר' משה גאלדשטיין הי"ו, און דער רבי איז צוגעגאנגען צו ספירה ציילן.
מען האט געענדיגט ארום 9:40, דער ציבור איז אריבער זאגן גוט שבת און דער רבי איז אהיים לביתו נאוה קודש.

ארום 12:10 איז דער רבי אריינגעקומען צום שלחן הטהור אין ביהמ"ד הגדול צד צפון, און אנגעהויבן כדרכו בקודש שלום עליכם ברגש ובנעימה, ביז מלך תמים דרכו.

מיט די זמירות האט רבינו שליט''א מכבד געווען, כל מקדש: הרה"ג ר' מענדל באכנער שליט"א רב דביהמ"ד קשאנוב קר"י, מנוחה ושמחה: הרה"ג ר' יוסף שמואל ראטענבערג שליט"א מו"ץ.

רבינו שליט''א האט געזאגט תורה אויפן מדרש 'אתם מכרתם את יוסף חייכם שאתם אומרים עבדים היינו' און געטייטשט בדרך דרוש אין די סוגיא פון הקדש מפקיע מידי שיעבוד.

קה אכסוף: הרב אלחנן חיים טייטלבוים שליט"א חתן הגה"צ אב"ד ציעשנוב קר"י, ברכהמ''ז: הגה"צ רב דביהמ"ד בית ברוך שליט"א.

עובדות וסיפורים די וואך האט רבינו שליט''א דערציילט פון הרה''ק הדברי חיים זיע''א וואס די יארצייט געפאלט פרייטאג כ"ה ניסן.

קה רבון עלם: הרה"ג ר' יחזקאל לאקס שליט"א מו"ץ, די פרישע חתנים זענען אריבער נעמען פירות, און עס איז פארגעקומען א שלום זכר ביי ר' אהרן בר"י פאללאק הי"ו, און ביי ר' ישי בר"י גאלדבערגער הי"ו, אז ביום השביעי: הרה"ג ר' יצחק שלום פריעדמאן שליט"א מו"ץ. מען האט געענדיגט ארום 2:15.

וביום השבת קודש

שב''ק אינדערפרי איז רבינו שליט''א אריינגעקומען אין ביהמ''ד ארום 9:40. פסוקי דזמרה: הרה"ח ר' יואל בר"ע הירש הי"ו, דער רבי האט פארגעזאגט וכרות פסוק בפסוק, און צוגעגאנגען צו שחרית והלל.
פארן ליינען האט מען געזאגט שיר השירים כנהוג.

הוצאה והכנסה: נכד רבינו הרה"ג ר' זלמן טייטלבוים שליט"א רב דביהמ"ד בית מנחם זאב, און הרה"ג ר' יואל פריעדמאן שליט"א מו"ץ בקהלתינו הק' במאנסי, פסוקי שמע ישראל: הרה"ג ר' נתן דוב שווארטץ שליט"א מו"ץ.

עליות. כהן: בעל ברית ר' אהרן בר"י פאללאק הי"ו. לוי: הרה"ח ר' אלעזר גרובער הי"ו. שלישי: הגאון הגדול הדומ"ץ שליט"א. רביעי: הרה"ח ר' אלישע הורוויץ הי"ו. חמישי: הרה"ח ר' מאיר דוד מאסרי הי"ו. שישי: רבינו שליט''א.

נאכ'ן עולה זײן האט דער רבי קורא שם געווען לרגל הולדת הבת אצל:
ר' נחמי' כ"ץ הי"ו.
ר' אברהם עביר בר"י שווארטץ הי"ו.

שביעי: ר' אהרן בר"מ גאלדשטיין הי"ו - דער רבי האט קורא שם געווען לרגל הולדת בתו למז''ט. הגבה: נכד רבינו הרב דוד אלימלך האלבערשטאם שליט"א חתן הגה"צ רב דביהמ"ד אבני צדק שליט"א. גלילה: ר' נחמי' כ"ץ הי"ו.
מפטיר: הרה"ח ר' משה מאיר טייטלבוים הי"ו. הגבה: נכד רבינו הרב נחמן כהנא שליט"א חתן הגה"צ רב דביהמ"ד ברך משה שליט"א. גלילה: ר' אברהם עביר בר"י שווארטץ הי"ו.

צו תפילת מוסף איז דער רבי צוגעגאנגען לרגל די הילולא קדישא פון אביו רביה''ק זיע''א קומענדיגן שב"ק כ"ו ניסן, פתיחה לאנעים זמירות: הרה"ח ר' הערש אלימלך קליין הי"ו.

נאכ'ן דאווענען זענען פארגעקומען די ברית'ן:
לבן הנולד אצל ר' אהרן בר"י פאללאק הי"ו, ווי דער רבי איז געווען סנדק ומוהל.
לבן הנולד אצל ר' מענדל בר"י פריעדמאן הי"ו, ווי דער רבי איז געווען סנדק ומוהל.
מען האט געענדיגט ארום 1:15.

רעוא דרעווין

צו מנחה ושל''ש איז דער רבי אריינגעקומען אין ביהמ''ד ארום 8:25. מנחה: הרה"ח ר' יחזקאל בראך הי"ו. הוצאה והכנסה: הרה"ח ר' יואל בר"א גאלדבערגער הי"ו. כהן: הרה"ח ר' חיים טורנהיים הי"ו. לוי: הרה"ח ר' ישראל נחמי' ווערצבערגער הי"ו. שלישי: חדב"ן הגה"צ רב דביהמ"ד ישמח משה שליט"א. הגבה: רבינו שליט''א. גלילה: הרה"ח ר' שמואל יעקב טעללער הי"ו.

זמירות ביי של"ס האט דער רבי מכבד געווען. אודה הרה"ח ר' נח גפן הי"ו. שיר המעלות: הרה"ח ר' משה גאלדשטיין הי"ו.

רבינו שליט''א האט געזאגט תורה אויפן פסוק אין שיר השירים 'אני חבצלת השרון שושנת העמקים' און געטייטשט אז אין זכות וואס כלל ישראל טוט מצוות לפנים משורת הדין בפרט אין יו"ט פסח ווען מען איז מחמיר בחומרות יתירות, פירט זיך הקב"ה אויך לפנים משורת הדין און איז מקיים מצוות השבת אבידה און מצוות פריקה וטעינה מיט כלל ישראל כאטש הקב"ה איז א זקן ואינו לפי כבודו, און מעורר געווען מען זאל זען אנצוהאלטן די מסורת אבות און נישט נאכצולאזן קיין שום חומרא וואס מען האט געזען ביי די עלטערן אום יו"ט פסח.

ידיד נפש: הרה"ח ר' אבא וויינבערגער הי"ו (לאנדאן), קל מסתתר: הרה"ח ר' שלום יוסף גאטליעב הי"ו (וומסב''ג), דער רבי האט געבענטשט על הכוס.

מעריב מוצש''ק איז דער רבי צוגעגאנגען לרגל די הילולא קדישא כ''ו ניסן קומענדיגן שב''ק. נאך הבדלה איז דער ציבור אריבער זאגן א גוטע וואך. מען האט געענדיגט ארום 10:25.
מוצש"ק שפעט אין די נאכט, אום 1:30, איז רבינו שליט"א ארויס געגאנגן מלוה זיין די מיטה פון הרה"ח הישיש ר' חיים הערש ווייס ע"ה (וומסב"ג) וואס איז אריבער געגאנגן לפני ביתו נאוה קודש אויף צאנז קארט.

▫️ סאטמאר'ע נייעס 🌴 ▫️

פרייטאג ב' דחוה"מ 'בצל הקודש' פון כ''ק רבינו הגה''ק שליט''א

רבינו שליט''א איז אריינגעקומען צו תפילת שחרית ארום 9:50. בעל תפילה: הר"ר שרגא גאנדל שליט"א. צו הלל איז דער רבי צוגעגאנגען.

פתיחה: הרה"ח ר' יואל דוד שווארטץ הי"ו און ר' יעקב אליעזר רובין הי"ו.
כהן: הרה"ח ר' עמרם כהן הי"ו. לוי: הרה"ח ר' שלום לאנדא הי"ו. שלישי: הרה"צ ר' חיים אלעזר ווייס שליט"א מחמעלניק מאנסי. הגבה: הר"ר אברהם דוד וואגשאהל שליט"א (מאנסי). גלילה: הרה"ח ר' יעקב יצחק שטיינמעטץ הי"ו.
רביעי: רבינו שליט"א. הגבה: הרה"ח ר' חיים בעריש פילאפף הי"ו. גלילה: הרה"ח ר' יואל ברא"ז פריעדמאן הי"ו.

מוסף: הרה"ג ר' יעקב שלמה פאנעט שליט"א רב דביהמ"ד שערי תפילה בשכונת העלף האלאו בקר"י.

נאכן דאווענען איז פארגעקומען א ברית לבן הנולד אצל ר' יחיאל שטיינמעטץ הי"ו, ווי דער רבי איז געווען סנדק ומוהל. מען האט געענדיגט ארום 11:40.

▫ סאטמאר'ע נייעס 🌴

דאנערשטאג א' דחוה"מ פסח 'בצל הקודש' פון כ''ק רבינו הגה''ק שליט''א

רבינו שליט''א איז אריינגעקומען צו תפילת שחרית ארום 9:50. בעל תפילה: הרה"ח ר' אלחנן טויב הי"ו, צו הלל איז דער רבי צוגעגאנגען.

פתיחה: הרה"ח ר' אברהם דוד גאטליעב הי"ו (וומסב''ג) און הרה"ח ר' ליפא עפשטיין הי"ו (מאנטרעאל).
כהן: הרה"ח ר' יודל כ"ץ הי"ו. לוי: הגה''צ ר' שמחה שלום שטיינבערגער שליט"א רב דביהמ"ד דברי חיים. שלישי: הרה"ג ר' יצחק שלום פריעדמאן שליט"א מו"ץ. הגבה: הר"ר מאיר מייער שליט"א. גלילה: הרה"ח ר' אברהם פילאפף הי"ו.
רביעי: רבינו שליט"א. הגבה: הרה"ח ר' מנחם ישראל באסול הי"ו. גלילה: הרה"ח ר' שמואל לייב פריעד הי"ו.

מוסף: הרה"ג ר' יואל יצחק שטערן שליט"א מו''ץ ודומ"ץ דינוב קר"י. מען האט געענדיגט ארום 11:30.

נאכמיטאג ארום 6:15 איז געווען אויף א ביקור חג בקו''פ הגה"צ רבי מנחם מאיר ווייסמאנדל שליט"א אבד"ק נייטרא מאנסי, עס האט זיך פארצויגן א לענגערע ידידות'דיגע שמועס צווישן אנדערע איבער פארשידענע שאלות און מכשולות וואס מאכט זיך אום פסח, פרישע הידורים ביי שחיטה און סופרות, און איבער הלכות מעקה, דער רבי האט אים ווארעם מאציל געווען מברכות קדשו און געגעבן א הגדה של פסח לב אהרן, און ארויסבאגלייט ביז צו די גאס.

ארום 8:30 האט דער רבי געדאווענט מנחה בביתו נאוה קודש, און מעריב ארום 9:15, דער רבי איז צוגעגאנגען צו ספירת העומר.

▫️ סאטמארע נייעס 🌴 ▫️

ליל ב' דיו''ט 'בצל הקודש' פון כ''ק רבינו הגה''ק שליט''א

ביים זמן איז דער רבי אריינגעקומען אין ביהמ''ד צו מעריב, מערבית ואמירת הלל: הרה''ג ר' יוסף דוד לעווי שליט"א, מען האט געענדיגט דאווענען ארום 9:45. נאכן דאווענען איז דער רבי ארויף אויפן ארון קודש און געוואונטשן א גוט יו''ט פארן גאנצן ציבור, און אהיים לביתו נאוה קודש.


פארן סדר איז דער רבי געגאנגען אין מקוה, דערנאך האט דער רבי פארטיילט מצות פאר די אייניקלעך.

ארום 10:40 איז רבינו שליט''א אריינגעקומען צום סדר מעוטף בטלית שאולה און קיטל און זילבערנעם קאפל, כמעשהו בראשונה כך מעשהו בשניה האט דער רבי האט אפגעראכטן די עבודת הקודש, במשך דעם סדר האט דער רבי געזאגט 13 מאל דברי תורה אויף, קדש, כרפס, יחץ, מגיד, ויוצאינו ה' משם, מצוה עלינו לספר, עד שדרשה בן זומה, ברוך שנתן תורה, בעבור זה, פסח מצה ומרור, והיא שעמדה לאבותינו, אני ולא שליח, שפוך חמתך.

נכד רבינו הילד בן הרה"ג ר' זלמן טייטלבוים שליט"א רב דביהמ"ד בית מנחם זאב האט געזאגט די סימנים אויף אידיש.
הגבהת הכוס לקידוש: הרה"ג ר' זלמן טייטלבוים שליט"א.

ביי מה נשתנה האבן אלע אייניקלעך געפרעגט צוזאמען.
מען האט געגעסן די כזיתים פון מוציא מצה הארט פאר חצות, ארום 2:00 האט דער רבי געזאגט דעם לשם יחוד מיט א ברען און געגעסן דעם אפיקומן מיט א דביקות. דער אפיקומן איז גע'גנב'ט געווארן דורכן געטרייען הויז בחור הב' ליפא דייטש הי''ו.

ביי שפוך חמתך האט מען געעפנט די טיר און מען האט ממשיך געווען באמירת הלל מיט א געוואלדיגע התעוררות און דערנאך די פיוטים מען האט געענדיגט ארום 3:55.

נאכן סדר איז דער רבי אריבער אין ביהמ''ד הגדול און איז צוגעגאנגען צום עמוד ציילן די ערשטע ספירה ברשפי אש קודש און דערנאך ממשיך געווען דעם סדר ביים שלחה"ט אין צד צפון אין ביהמ''ד הגדול, דער רבי האט פארגעזינגען בנעימה אחד מי יודע און חד גדיא, געזאגט תורה אויפן פיוט 'פודה כהלכה' און דערנאך האט מען ממשיך געווען מיט ניגונים לכבוד יו''ט. מען האט געענדיגט 4:35.

יום ב' דפסח

דעם צווייטן טאג יו''ט איז רבינו שליט''א אריינגעקומען ארום 11:05. פסוקי דזמרה: הר"ר איתמר מייזליש שליט"א, צו שחרית איז דער רבי צוגעגאנגען און צוגעשיקט צו חזרת הש"ץ נכדו הרב יואל אשכנזי שליט"א בן חדב"ן הגה"צ רב דביהמ"ד אבני צדק שליט"א, דער רבי איז צוגעגאנגען צו אמירת הלל מיט גרויס התעורורות.

הוצאה והכנסה: הרה"ח ר' שלמה פארגעס הי"ו (וומסב''ג) און הרה"ח ר' מרדכי וועכטער הי"ו (וומסב''ג), פסוקי שמע ישראל: נכד רבינו הרב חיים הערש טייטלבוים שליט"א בן חדב"ן הגה"צ רב דביהמ"ד ברך משה שליט"א.

עליות. כהן: הרה"ח ר' אליעזר דוד גליק הי"ו. לוי: הרה"ח ר' ברוך ליפא לעווי הי"ו. שלישי: הב' החתן ב"ר יואל ברד"ש גאלדבערגער הי"ו (וומסב''ג). רביעי: הרה"ח ר' אבא וויינבערגער הי"ו (לאנדאן). חמישי: רבינו שליט"א. הגבה: הרה"ח ר' הלל טייטלבוים הי"ו. גלילה: הרה"ח ר' יוסף משה גלאנץ הי"ו.
מפטיר: הרה"ח ר' שלום יצחק וויינבערגער הי"ו. הגבה: הרה"ח ר' שלום הלוי לאנדא הי"ו. גלילה: הרה"ח ר' יודא יושע וויינשטאק הי"ו.

מוסף: הגאון הגדול הדומ"ץ שליט"א, פתיחה לאנעים זמירות: הרה"ח ר' שמואל לייב בראך הי"ו. מען האט געענדיגט ארום 2:40.

ביים מיטאג טיש בביתו נאוה קודש האבן מיטגעגעסן די חתנים מחוץ לעיר, במשך די סעודה האט מען געזינגען ניגוני יו"ט, מיט די פיוט פון ברח דודי האט דער רבי מכבד געווען הבה"ח יואל בהר"ר בעריש גראס שליט"א (מאנטרעאל), אשר הניא: הבה"ח מנחם זאב בהר"ר יחזקאל מוקאבעצקי שליט"א (לאנדאן), שושנת יעקב: הבה"ח בנימין ב"ר משה יעקב בר"א וועלץ הי"ו (ב"פ).
מען האט אריינגעברענגט א קוגל לכבוד סעודת אסתר, און דער רבי האט געהייסן זינגען ותוסף אסתר.

רבינו שליט''א האט געזאגט תורה אויפן מדרש 'שומר מצוה לא ידע דבר רע זה אסתר שעוסקות בביעור חמץ' און געטייטשט אז בזכות פון אסתר וואס האט אויך חושש געווען אויף מצוות דרבנן איז מען ניצל געווארן פון די גזירת המן.
דערנאך האט דער רבי אנגעהויבן אם על המלך טוב, און מכבד געווען מיט ברכהמ''ז הבה"ח מרדכי אפרים פישל ב"ר ישראל שמחה לאנדא הי"ו וועלכע האט זיך פארהערט ביים רבי'ן טויזענט בלאט גמרא. מען האט געענדיגט ארום 4:50.

דער רבי איז אריינגעקומען צו תפילת מנחה ארום 8:30. בעל תפילה: הרה"ח ר' משה מאיר גאטליעב הי"ו. און ביים זמן ר"ת האט מען געדאווענט מעריב, בעל תפילה: הרה"ח ר' יודא אליעזר גאטעסמאן הי"ו, דער רבי איז צוגעגאנגען צו ספירת העומר.
נאך הבדלה האט דער רבי געוואונטשן א גוטן מועד און אהיים לביתו נאוה קודש. מען האט געענדיגט ארום 9:30.

▫ סאטמאר'ע נייעס 🌴

יום א' דפסח 'בצל הקודש' פון כ''ק רבינו הגה''ק שליט''א

רבינו שליט''א איז אריינגעקומען צו תפלת שחרית ארום 10:50. פסוקי דזמרה: הרה''ג ר' ברוך שלמה וויינבערגער שליט"א, דער רבי האט געזאגט וכרות פסוק בפסוק און צוגעגאנגען צו שחרית, און צוגעשיקט צו חזרת הש"ץ הרה"ג ר' יואל מייזליש שליט"א בן הגה"צ אבד''ק מאנטרעאל שליט"א, און דערנאך צוגעגאנגען צו אמירת הלל מיט גרויס התעורורות.

הוצאה והכנסה: הרה"ג ר' יוסף הערש סופר שליט"א מו"ץ, און הרה"ג ר' וואלף אהרן טעלער שליט"א מנהל מבצר הכוללים, פסוקי שמע ישראל: הרה''ח ר' יעקב הערש פריעדמאן הי''ו (וומסב''ג).

עליות. כהן: הרה"ח ר' אברהם יושע העשיל הכהן גלאנץ הי"ו. לוי: הרה"ח ר' אהרן יוסף שמואל בערגער הי"ו. שלישי: הגאון הגדול הדומ"ץ שליט"א. רביעי: הרה"ח ר' יעקב זוסמאן סופר הי"ו. חמישי: רבינו שליט"א.

נאכ'ן עולה זײַן האט דער רבי קורא שם געווען לרגל הולדת הבת אצל: ר' יצחק מאיר פארקאש הי"ו (מאנסי).

הגבה: הרה"ח ר' משה יוסף הירש הי"ו (וומסב''ג). גלילה: הרה"ח ר' משה גוטמאן הי"ו (וומסב''ג).
מפטיר: הרה"ח ר' יחזקאל דוד בערקאוויטש הי"ו (וומסב''ג). הגבה: הרה"ח ר' משה אברהם לעפקאוויטש הי"ו (וומסב''ג)
גלילה: הרה"ח ר' ישעי' בנימין שפילמאן הי"ו.

נאך עטליכע מינוט הפסקה איז דער רבי אריינגעקומען מלובש מיטן קיטל און זילבערנעם קאפל און צוגעגאנגען צו מוסף און טל בענטשן בהתעוררות.

פתיחת הארון צו טל: הרה"ח ר' שמואל אהרן לאנדא הי"ו, צו קוה איז צוגעגאנגען הרה"ח ר' יצחק ערענפעלד הי"ו, פתיחה לאנעים זמירות: ר' שמואל ישעי' רעטעק הי"ו. מען האט געענדיגט ארום 2:30.

נאכן דאווענען איז פארגעקומען א ברית לבן הנולד אצל ר' שמואל צבי שטערן הי"ו, ווי דער רבי איז געווען סנדק.

ביים מיטאג טיש בביתו נאוה קודש האבן מיטגעגעסן די הונדערטער חתנים מחוץ לעיר, במשך די סעודה האט מען געזינגען מערערע ניגוני יו''ט, און דער רבי האט מכבד געווען די מנגנים צו זינגען די פיוט 'ברך דודי'.

רבינו שליט''א האט געזאגט תורה אויפן פסוק 'והיה כי יאמרו עליכם בניכם מה העבודה הזאת לכם' און געטייטשט בדרך דרוש אין די סוגיא פון שלא כדרך אכילה, נאך די תורה האט דער רבי מרחיב בדיבור געווען בהדרכה ישרה פאר די חתנים וואס וועלן דאס יאר בס''ד אויפשטעלן אידישע שטובער און בהמשך הזמן אליין פירן דעם פסח, און דערציילט א מכשול וואס האט דאס יאר פאסירט פון בליעות איסור חמץ אין א אידישע קאך נאר ווייל מען איז נישט נזהר געווען און זיך נישט געפירט צו נעמען נאר וואס מען האט געמאכט אליינס אינדערהיים, אל תטוש תורת אמך פסח קען מען נישט און מען דארף נישט אלעס האבן און מען דארף עס געדענקן א גאנץ לעבן.

מיט ברכהמ''ז האט דער רבי מכבד געווען הבה"ח שמעון ב"ר מנחם צבי כהן הי"ו (ב"ב). מען האט געענדיגט ארום 4:30.

נאכמיטאג ארום 8:30 איז רבינו שליט''א אריינגעקומען אין ביהמ''ד צו מנחה. מנחה: הרה''ג ר' ישראל העניך שעהר שליט''א.
נאך מנחה האט אויפגעטרעטן הרה''צ ר' בערל גלאנץ שליט''א מבארדיוב קר''י לטובת דעם יערליכן אפיעל פון כולל שומרי החומות.

▫️ סאטמארע נייעס 🌴 ▫️

ימים הראשונים של יו''ט פסח 'בצל הקודש' פון כ''ק רבינו הגה''ק שליט''א

מאנטאג ערב פסח

אינדערפרי איידער תפילת שחרית איז פארגעקומען א ברית לבן הנולד אצל ר' ירמי' בנציון קאפפעל הי"ו, ווי דער רבי איז געווען סנדק.

רבינו שליט''א איז אריינגעקומען אין ביהמ''ד הגדול צו תפילת שחרית ארום 9:10. בעל תפילה: הרה"ח ר' שמחה ישראל אפפעל הי"ו.
הוצאה והכנסה: ר' הערש לייב פאגעל הי"ו. כהן: הרה"ח ר' יעקב בר"ש פריעדמאן הי"ו. לוי: הרה"ח ר' אהרן ווייס הי"ו. שלישי: רבינו שליט"א. הגבה: ר' יודל ברנ"ש שווארטץ הי"ו. גלילה: ר' אלי' ברח"א שפיטצער הי"ו.

תיכף נאכן דאווענען האט דער רבי געטרינקן לחיים בחדרו הפרטי אויף ביר כנהוג, און דערנאך בביתו נאוה קודש האט דער רבי פארקויפט דעם חמץ פארן גוי, דער רבי האט געמאכט דעם קנין און איבערגעגעבן דעם שטר, דערנאך ארום 10:20 איז דער רבי אריבער פארנט פון ביהמ''ד הגדול צו שריפת חמץ, דער רבי האט געזאגט 'לשם יחוד לקיים מצוות אך ביום הראשון תשביתו שאור מבתיכם' און אריינגעווארפן די חמץ און דעם לולב, און צוגעווארט די חמץ זאל פארברענט ווערן, און געזאגט די יהי רצונ'ס מיט כל חמירא בהשתפכות הנפש, און ביים ענדיגן געוואונטשן א גוט יו''ט ַ

נאכמיטאג ארום 2:20 איז דער רבי געגאנגען אין מקוה, און דערנאך ארום 2:55 אנגעקומען אינעם מצה בעקעריי בבנין ישיבה קטנה אויף געציל בערגער, דער רבי האט אריין געגאסן דאס וואסער אין די מעל און פארטיילט טייגלעך פאר עטליכע מיירעס, דער רבי האט פארגעזאגט הלל ברגש קודש והשתפכות הנפש, און געוועלגערט א מצה, און דערנאך זיך אומגעקוקט ביי די רעדלערס און ביים אויווען. און דערנאך מפריש געווען חלה.

דערנאך ארום 4:15 איז דער רבי אריבער צום צענטראלן מצה בעקעריי דקהלתינו הק', און זיך אומגעקוקט אויפן סדר האפי' און אין אלע אפטיילונגען א לענגערע צייט, דער רבי אריין געגאסן וואסער אין די מעל און מפריש געווען חלה, און זיך אומגעקערט לביתו נאוה קודש.

שפעטער נאכמיטאג איז דער רבי אראפ אינעם נייעם גרויסן זאל בביתו נאוה קודש, דער רבי האט אפגעברענט די לעכט, און זיך אומגעקוקט אויפן מלכות'דיגע סדר טיש ווי עס האבן מיטגעהאלטן בצל הקודש די אריבער 300 חתנים אנ''ש וועלכע זענען פלאצירט געווארן צווישן ביידע הייליגע סדר נעכט.

פארן זמן הדלקה"נ איז דער רבי געגאנגען נאכאמאל אין מקוה לכבוד יו"ט.

ארום 8:25 איז רבינו שליט''א אריינגעקומען אין ביהמ''ד און צוגעגאנגען צו מנחה און אנגעהויבן הודו, נאך מנחה האט דער רבי געזאגט דעם סדר הקרבת קרבן פסח. מערבית: הר"ר דוד לייב קרויס שליט"א, דער רבי איז צוגעגאנגען צו הלל בהתלהבות אש, נאכן דאווענען איז דער רבי ארויף אויפן ארון קודש און געוואונטשן 'א גוט יו''ט' פארן גאנצן ציבור און איז תיכף אהיים לביתו נאוה קודש. מען האט געענדיגט ארום 9:55.

פארן סדר האט רבינו שליט''א פארטיילט מצות פאר די אייניקלעך.

ארום 10:25 איז רבינו שליט''א אריינגעקומען צום סדר מעוטף בטליתו אויפן קיטל, און מיט א זילבערנעם קאפל, כשתילי זיתים סביב לשלחנו די הונדערטער חתנים תלמידי ישיבתינו הק' וועלכע האבן זוכה געווען מיטצוהאלטן די סדרים בליל התקדש חג הפסח, כשהמלך במסיבו, די טישן זענען געווען מלכות'דיג אויסגעשטעלט מיט א מייסטערהאפטיגן סדר וואס דער געטרייער הויז בחור איז מסדר כמדי שנה בשנה מיט א געניטשאפט, אז יעדער אין אלע ווינקלן זאלן קענען מיטהאלטן די געהויבענע מאמענטן בצל הקודש פון קיום מצות הלילה, אמירת הגדה ודברי תורה, אמירת הלל ברגש קודש ובהשתפכות הנפש, וואס איז אפגעראכטן געווארן מיט א דביקות ושמחה של מצוה.

דער רבי האט מסדר געווען די קערה, די מצות און די סימנים, און געזאגט אתקינו סעודתא דמלכא און רבוש''ע, און פארגעזאגט 'קדש' און אלע סימנים בקול נעים אויפן נוסח המקובל פון רבותינו הק' זיע''א.

במשך דעם סדר האט דער רבי געזאגט 16 מאל דברי תורה, פאר קדש, כרפס, יחץ, הא לחמא עניא, השתא הכא, עבדים היינו, ר' יוסי הגלילי אומר, ברוך שנתן תורה לעמו ישראל, רשע מה הוא אומר, והיא שעמדה, ועכשיו קרבנו המקום לעבודתו, ואומר לך בדמיך חי, אני ולא מלאך, ויאפו את הבצק, שפוך חמתך.

במשך דעם סדר האבן די אייניקלעך בני הרה"ג ר' חיים הערש אשכנזי שליט"א רב דביהמ"ד רב טוב, געזאגט די סימנים אויף אידיש.

דער רבי האט געזאגט הנני מוכן ומזומן לקיים מצוות כוס ראשון און זיך אויפגעשטעלט און געזאגט דעם לשם יחוד פון קידוש און געמאכט קידוש בהתלהבות קודש, הגבהת הכוס: נכד רבינו הרה"ג ר' חיים הערש אשכנזי שליט"א.
נאך קידוש האט דער רבי געווינקן אז יעדער זאל מאכן קידוש.

תיכף נאך מגיד האט דער רבי געזאגט דעם הננו מוכן פאר מצוות סיפור יציאת מצרים באש קודש, אויפגעדעקט די מצה, און פארגעזאגט די סדר ההגדה ברגש ובנעימה.
ביי מגיד האט דער רבי געזאגט דעם נוסח פונעם ספר הזוהר הק' 'פקודא בתר דא'.
פאר מה נשתנה האט דער רבי צוזאמגעקלאפט די הענט כף על כף כמנהג אביו רביה"ק בעל ברך משה זיע''א ע"פ מנהג בעלזא.
ביי מה נשתנה האבן געפרעגט די קשיות די אייניקלעך בני הרה"ג ר' חיים הערש אשכנזי שליט"א אויף אידיש, און דערנאך אלע אייניקלעך צוזאמען, ביי די מכות האט דער רבי אראפ געגאסן וויין פונעם בעכער כנהוג, און תיכף געהייסן ארויס טראגן.

נאכן צווייטן כוס האט דער רבי אויסגעטוהן דעם טלית, דער רבי האט זיך געוואשן און געזאגט דעם לשם יחוד וברכת המוציא און על אכילת מצה ברגש קודש און געגעסן די כזיתים מצה און שפעטער די כזיתים ביי מרור און כורך מיט א דביקות.
ביי שלחן עורך האט דער רבי געגעסן די איי פון די קערה, און דער רבי אליינס האט תיכף געגעסן דעם אפיקומן פאר חצות, דער אפיקומן איז גע'גנב'ט געווארן דורך נכד רבינו הב' החתן ישראל דושינסקיא בן הגה''צ רב דביהמ''ד אהל פיגא שליט''א. נאך ענדיגן דעם אפיקומן, האט דער רבי צוגעווארט מען זאל סערווירען די סעודת יו''ט פאר אלע מסובין.

מען האט אנגעגאסן דעם כוס של אליהו, געעפענט דעם טיר, נאך די תפילה פון שפוך חמתך בהתעוררות וברגש האט מען אנגעפילט דעם רבינ'ס כוס רביעי פונעם כוס של אליהו און מען אראפגעשיקט שריים פאר אלע מסובין, און דאן האט מען ממשיך געווען באמירת ההלל בהתעוררות רב ובגעגועים, ובפרט ביי פיוט פון נשמת כל חי ווי דער רבי האט מאריך געווען ברגש קודש בבכיות ובהשתפכות הנפש. נאכן סדר האט מען ממשיך געווען מיט די פיוטים און זמירות ונגוני יו''ט. מען האט געענדיגט ארום 3:30, און דער רבי איז ארויף בחדרו הפרטי ווי דער רבי האט געזאגט שיר השירים מיט א דביקות ברגש קודש.

▫️ סאטמארע נייעס 🌴 ▫️