סאטמארע נייעס

פרייטאג ערש''ק בהר 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית אינאיינעם מיט תלמידי כתות ו' ז' ח' סניף הר"ר שלמה נח היילברוין שליט"א בבנין הת"ת 'בנין קליין'.
ביים אנקומען איז דער רבי תיכף אריין בהיכל הביהמ"ד זיך אומקוקן אויף די לימודים.
פארן דאווענען האט דער רבי געלייגט תפילין פאר די בר מצוה בחורים.
בן הרה"ג ר' מאיר האלבערשטאם שליט"א רב דביהמ"ד קשאנוב ומו"ץ דקהלתינו הק' וומסב''ג.
ב"ר חנוך דוב הורוויץ הי"ו.
ב"ר יושע דוב שווארטץ הי"ו.
ב"ר בנימין בלעקמאן הי"ו.

נאכן דאווענען איז פארגעקומען א מסיבת לחיים בהיכל הביהמ"ד, די קינדער האבן געזינגען עטליכע ניגונים און חרוזים, דער רבי האט געטרינקן לחיים און אנגעוואונטשן פאר אלע קינדער, און משמיע געווען דב"ק און ארויסגעברענגט אז ביי ספירת העומר זעט מען אז מען ציילט יעדן טאג מער ווי די פריערדיגע טאג, דאס קומט אונז זאגן אז מען דארף זיין מוסיף והולך און שטייגן יעדן טאג מער און מער, און מסיים געווען בברכת קדשו.

דערנאך האט דער רבי פארטיילט שיריים פאר די מלמדים צו פארטיילן פאר די קינדער.

▫ סאטמאר'ע נייעס 🌴

דאנערשטאג פרשת בהר 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' גדלי' דוד זאלדאן הי"ו, ווי דער רבי איז געווען סנדק.

רבינו שליט''א האט געדאווענט שחרית בהיכל המתיבתא סניף ברך משה. פארן דאווענען האט דער רבי געלייגט תפילין פאר די בר מצוה בחור ב"ר יואל מאסרי הי"ו.
ביים ליינען איז דער רבי געגאנגען הגבה, און נאכן דאווענען פארגעלערנט דעם סוגיא שיעור בשיעורי הישיבה, דערנאך איז פארגעקומען א לחיים מיט די בר מצוה בחור בחדרו הפרטי.

אין די פארמיטאג שעה'ן איז דער רבי געווען אויף די וועכענטליכע באזוך אינעם בית השחיטה המהודרת.

ארום 8:40 האט דער רבי געדאווענט מנחה בביתו נאוה קודש, אויף איהעל קט.
דערנאך איז געווען זמני כניסה בקו''פ ביז 12:30 אויפדערנאכט.

בעת די זמני כניסה זענען אריין בקו''פ הנהלת התאחדות אברכים שע"י קהלתינו הק' אפנעמען ברכת הקודש לקראת דעם מעמד 'יומא דרבי שמעון' ווי אלפי אנשי שלומינו וועלן אויסניצן דעם גרויסן טאג ל"ג בעומר מיט שעות פון לימוד התורה און אמירת תהילים, און דער רבי האט אנגעוואונטשן ברכת קדשו פאר די עסקנים.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענדע מחותנים:
הרה"ח ר' יואל בר"ב פיש הי"ו - הרה"ח ר' וואלף גרובער הי"ו.
הרה''ח ר' חיים שרגא פריעד הי"ו - הרה"ח ר' שלמה ברש"י אפפעל הי"ו.

דער רבי האט געדאווענט מעריב ארום 12:30 און געציילט ספירה פארן עמוד.

▫️ סאטמארע נייעס 🌴 ▫️

מיטוואך פרשת בהר פסח שני 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' יואל בר"מ עקשטיין הי"ו, ווי דער רבי איז געווען סנדק.

רבינו שליט''א האט געדאווענט שחרית בהיכל המתיבתא סניף ויואל משה. פארן דאווענען האט דער רבי געלייגט תפילין פאר'ן בר מצוה בחור ב"ר מנחם מאיר האפפער הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"א פסוק ב'. דערנאך איז פארגעקומען א לחיים מיט'ן בר מצוה בחור בחדרו הפרטי.

ארום 5:25 איז רבינו שליט''א אנגעקומען אין די זאלן פון כינור דוד ווי דער רבי האט מעריך געווען שלחנו הטהור לרגל פסח שני אינאיינעם מיט תלמידי ישיבה קטנה סניף היכל התורה וומסב''ג בהנהלת הרה''ג ר' יודא שטאלצבערג שליט"א.
דער רבי האט זיך געוואשן און געגעסן חלה און דערנאך געגעסן א שטיקל מצה, און מען האט אויפגעבן די מאכלים אזוי ווי יו"ט, במשך דעם טיש האט מען געזונגען ניגוני פסח און ניגוני יו"ט, מען האט אויפגעגעבן מצה כרעמזלעך און דער גאנצער ציבור איז אריבער נעמען שיריים.
רבינו שליט''א האט משמיע געווען דברות קודש א לענגערע דרוש ופלפול לכבוד היום, און דערנאך ארומגערעדט הדרכה פאר די בחורים צו זיצן און הארעווען אין די תורה הקדושה, און מסיים געווען בברכת קדשו.
מיט ברכהמ''ז האט דער רבי מכבד געווען דעם מנהל הרה''ג ר' יודא שטאלצבערג שליט"א. מען האט געענדיגט ארום 7:00.

ארום 8:30 האט דער רבי געדאווענט מנחה בביתו נאוה קודש אויף איהעל קט.
דערנאך איז געווען זמני כניסה בקו''פ ביז 12:00 אויפדערנאכט.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענדע מחותנים.
הרה"ח ר' יואל ברא"ש כ"ץ הי"ו (מאנטרעאל) - הרה"ח ר' יואל בר"ה מיטטעלמאן הי"ו.
הרה''ח ר' מיכל וויינגארטן הי"ו (וומסב''ג) - הרה"ח ר' ישראל יעקב בראך הי"ו.

דער רבי האט געדאווענט מעריב ארום 12:00, און געציילט ספירה פארן עמוד.

▫️ סאטמאר'ע נייעס 🌴 ▫️