סאטמארע נייעס

מיטוואך פרשת ראה 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' מאיר אלי' ווערטהיימער הי"ו, ווי דער רבי איז געווען סנדק.

דער רבי האט געדאווענט שחרית בהיכל המתיבתא סניף ויואל משה. פארן דאווענען האט דער רבי געלייגט תפילין פארן בר מצוה בחור ב"ר אברהם יצחק מארקאוויטש הי"ו.

נאכן דאווענען האט דער רבי פארגעלערנט דעם טעגליכע תהילים שיעור אויף קאפיטל כ"ב פסוק כ"ה. דערנאך איז פארגעקומען א לחיים מיט'ן בר מצוה בחור בחדרו הפרטי.

נאך שחרית האט דער רבי מנחם אבל געווען הרה"ח ר' יוסף קליין הי"ו ומשפ' היושב ע"פ בנו ע"ה.

פארנאכטס האט דער רבי מנחם אבל געווען משפחת הרה"ח ר' חיים שמואל שפילמאן ע"ה.

ארום 7:30 איז דער רבי אריבער אין שטוב פון הרה"ח ר' יושע מרדכי ב"ר מיכל שלעזינגער הי"ו אין די בריגעדאן געגנט אין קרית יואל, צו די שבע ברכות לרגל השמחה בבית גיסו הרבני הנגיד ר' יצחק אייזיק בר"נ גרינפעלד הי"ו מגדולי הנדיבים לבנין המפואר שוהל-הויף בעיר סיגעט יע"א. דער רבי האט זיך באגריסט מיט זיין פאטער הרה"ח ר' נתן הי"ו לרפו"ש, און עס האט זיך פארצויגן א לענגערע שמועס איבער די היסטאריע פון די נסיעות קיין סיגעט נאך די קריג, און איבער די השתוקקות פון רביה"ק בעל דבר"י זיע"א צוריק צו פארן להשתטח על קברי אבותיו הק' זיע"א, און די נסיעות פון מר אביו רביה"ק הברך משה זיע"א קיין סיגעט. דער רבי האט געטרינקן לחיים און מאציל געווען מברכות קדשו פארן חתן, די מחותנים און די בני המשפחה.

ארום 8:10 האט דער רבי געדאווענט מנחה בביתו נאוה קודש אויף איהעל קט.
דערנאך איז געווען זמני כניסה בקו''פ ביז 1:30 אויפדערנאכט.

רבינו שליט''א האט געליינט די תנאים פון די פאלגענדע מחותנים.
הרה"ח ר' יעקב חיים לאנדא הי"ו - הרה"ח ר' יואל בר"א פייערשטיין הי"ו.
הרה''ח ר' דוד קויפמאן הי"ו - הרה"ח ר' יואל ברי"ש ווייס הי"ו.

דער רבי האט געדאווענט מעריב ארום 12:45, און דערנאך ווייטער ממשיך געווען אויפנעמען דעם ציבור.

▫️ סאטמאר'ע נייעס 🌴 ▫️