סאטמארע נייעס

ליל א' דחנוכה 'בצל הקודש' פון כ''ק רבינו הגה''ק שליט''א

דער רבי האט געדאווענט מעריב ארום 6:00 בביתו נאוה קודש, פאר מעריב האט הרה"ח ר' בערל שטיין הי"ו אנגעצינדן די מנורה.

ארום 9:10 איז רבינו שליט''א אריינגעקומען אין ביהמ''ד הגדול צו הדלקת נירות חנוכה ברוב עם הדרת מלך, דער רבי האט אריינגעגאסן די אויל און געזאגט די ברכות ההדלקה.
דערנאך האט דער רבי געזאגט די זמירות און מען האט געזונגען נגוני התעוררות, און די קאפעליע האט געזונגען די פיוטים כנהוג.

דערנאך האט רבינו שליט''א משמיע געווען דב''ק דברי דרוש ופלפול אין די סוגיא במס' שבת פון כבתה זקוק לה, און דערנאך ממשיך געווען בדרך אגדה אז די עבודה פון די צדיקים איז נישט צו באשאפן עשירות נאר צו נעמען די עשירות און געלט וואס ליגט אויף פרעמדע פלעצער ביי די אומה"ע און עס משפיע זיין פאר כלל ישראל, און דאס איז געווען דער נס חנוכה ווי די כהנים האבן געמאכט אז די אויל פון אנדערע פלעצער זאל אנקומען אינעם מנורה און אזוי איז געווען גענוג פאר אכט טעג, און דאס איז די סיבה פארוואס מען ליינט ברכת כהנים אום חנוכה וואס איז משפיע שפע פאר כלל ישראל, דער רבי האט נאכגעזאגט אז 'להדליק נר חנוכה' איז בגי' 'הזן את הכל' און אנגעוואונטשן גרויס שפע וברכות לרוב פארן גאנצן ציבור.

נאך די דב''ק האט מען ממשיך געווען צו זינגען ניגונים, דער רבי האט געטרינקן לחיים און געוואונטשן ברכות קדשו. מען האט געענדיגט ארום 10:35.

▫️ סאטמארע נייעס 🌴 ▫️

דינסטאג פרשת מקץ 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' חיים הערש מיטטעלמאן הי"ו, ווי דער רבי איז געווען סנדק ומוהל.

דער רבי האט געדאווענט שחרית בהיכל המתיבתא סניף עצי חיים שיעור ג'. פארן דאווענען האט דער רבי געלייגט תפילין פארן בר מצוה בחור ב"ר קלמן אליעזר בהר"ר אברהם עקשטיין הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ד פסוק א'. דערנאך איז פארגעקומען א לחיים מיטן בר מצוה בחור בהיכל הביהמ"ד.

נאכמיטאג ארום 5:15 האט דער רבי געדאווענט מנחה בביתו נאוה קודש.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
זמני כניסה בקו''פ איז געווען פון 8:15 ביז 12:15 אויפדערנאכט, בביתו נאוה קודש אויף היוז סט.

בעת די זמני כניסה איז פארגעקומען א חתימת שטרות ווי הרה"ח ר' שלמה יוסף באש הי"ו האט אפגעקויפט א כתה אינעם בנין הת"ת החדש במוסדות קרית יואל, דער רבי האט אינטערגעשריבן די שטרות אינאיינעם מיטן נדבן און מאציל געווען מברכת קדשו פארן נדבן ובני משפחתו.

אזוי אויך איז פארגעקומען אן אסיפה מיט די רבני וסופרי לשכת ההוראה לעניני סת"ם שע"י קהלתינו הק' אין וומסב"ג אין שפיץ פון הרה"ג ר' עזרא משה כאירה שליט"א מו"ץ בקהלתינו הק' ויו"ר לעניני סת"ם, הגה"צ ר' הערש לייב בערנשטיין שליט"א דומ"ץ בית מדרשינו בית מנחם צבי, ויו"ר וועד הכשרות קרית יואל, הגה''צ ר' נפתלי הירצקא צוויבל שליט"א ראה"כ וומסב''ג, און הרה"ג ר' ישראל בער שטיין שליט"א דומ''ץ ביהמ"ד אור ישראל אלימלך, אינאיינעם מיט די פרישע העכער 20 סופרים וועלכע האבן זיך געלערענט אינעם לשכות הוראה לעניני סופרות אין וומסב''ג, מען האט אויסגעשמועסט א לענגערע צייט פארשידענע לעזונגען בנוגע די מכשולות פון די פסול'ע מזוזות, צווישן אנדערע איבער די שטארקע דורכברוך איבער ספעציעלע סופרים וואס די לשכת הסת"ם האט אויפגענומען נאר אויף צו שרייבן מזוזות וואס ווערט פארקויפט דורך די לשכת הסת"ם, דער רבי האט משמיע געווען דברי הדרכה וחיזוק פאר די סופרים, און די אלע פרישע סופרים זענען אריבער און דער רבי האט באטראכט יעדעמס כתב באזונדער און מאציל געווען מברכת קדשו.

אזוי אויך איז געווען א קורצע אסיפה מיטן וועד החינוך פון בית רחל דמוסדותינו הק' אין וומסב"ג איבער דעם נייעם סדר מלבושי צניעות וואס וועט ווערן איינגעפירט צום נייעם שנת הלימודים הבעל"ט

דער רבי האט געדאווענט מעריב ארום 11:10 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

מאנטאג פרשת מקץ 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית בהיכל המתיבתא סניף דברי יואל. פארן דאווענען האט דער רבי געלייגט תפילין פארן בר מצוה בחור ב"ר יואל וועלץ הי"ו אדמינסטראטער מוסדותינו הק' וומסב"ג.

ביים ליינען איז דער רבי געגאנגען הגבה. און נאכן דאווענען פארגעלערנט דעם טעגליכן תהילים שיעור אויף קאפיטל כ"ד פסוק א'. דערנאך איז פארגעקומען א לחיים מיט די בר מצוה בחור בחדרו הפרטי.

ארום 3:30 האט דער רבי געדאווענט מנחה בביתו נאוה קודש.

נאך מנחה איז דער רבי אראפ אינטן אינעם זאל בביתו נאוה קודש אויף צאנז קט. צו די שמחת השבע ברכות בחצרות קדשינו צוגעשטעלט דורך רבינו שליט"א פאר די בני המשפחה, און עס זענען געלאדענט געווארן די בעלי מנגנים פון קהלתינו הק' פון קר"י און וומסב''ג וועלכע פירן אן מיט די ניגונים ביי די מעמדים און מאורעות בצל הקודש, און די בעלי מנגנים וועלכע זינגען אין די קאפעליע ימים נוראים און חנוכה, און די בחורים מזמרים וועלכע פירן אן מיט די ניגונים ביי די סעודת ליל שב"ק מידי שבוע בשבוע.
במשך די סעודה זענען הערליך געזינגען געווארן פילע שירות ותשבחות חדשים וישנים דורך די בעלי מנגנים.
פארן זמן האט מען געבענטשט, מיט ברכהמ''ז האט דער רבי מכבד געווען חדב"ן הגה"צ רב דביהמ"ד אהל פיגא שליט"א, ברכות ראשונות: הגה"צ רב דביהמ"ד בית ברוך שליט"א, ברכה אחריתא: חדב"ן הגה"צ רב דביהמ"ד קול אליהו שליט"א.

דערנאך האט ממשיך געווען מיט נגינה און דער רבי האט משמיע געווען דב"ק און ארויסגעברענגט די גרויסקייט פון שמחה של מצוה און בשבח פון די בעלי מנגנים וועלכע ברענגען אריין א שמחה של מצוה אין אנדערע אידן, און ממשיך געווען איבער די עבודת הנגינה ביי רבותיה"ק זיע''א לבית סיגוט און צאנז, און פארציילט עטליכע סיפורים איבער די חשיבות פון ערליכע נגינה, און געזאגט הדרכה איבער דעם פליכט וואס ליגט אויף די בעלי מנגנים זיכער צו מאכן צו זינגען נאר ערליכע ניגונים וויבאלד א ניגון איז מקשר צום מחבר הניגון און מסיים געווען מיט ברכות לרוב פארן גאנצן ציבור.

דערנאך האט מען ממשיך געווען מיט ניגוני הודאה און דער רבי האט זיך אויפגעשטעלט טאנצן. מען האט געענדיגט ארום 6:30.

זמני כניסה בקו''פ איז געווען פון 8:00 אזייגער ביז 12:30 אויפדערנאכט, בביתו נאוה קודש אויף איהעל קט.

רבינו שליט''א האט געליינט די תנאים פון די פאלגענדע מחותנים.
- הרה"ח ר' יקותיאל יודא מאלח הי"ו - הרה"ח ר' אברהם קלמן אליעזר מאסרי הי"ו.
- הר''ר נפתלי הירצקא פריעדמאן שליט"א ' הר"ר חנני' גאלדבערגער שליט"א.

דער רבי האט געדאווענט מעריב ארום 11:40 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

זונטאג פרשת מקץ - כ"א כסלו 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית אין ביהמ"ד הגדול.

אין די פארמיטאג שעה'ן איז דער רבי געווען אויף די וועכענטליכע באזוך אינעם בית השחיטה המהודרת.

נאכמיטאג ארום 4:50 האט דער רבי געדאווענט מנחה בביתו נאוה קודש.

ארום 5:40 איז דער רבי אנגעקומען בהיכל המתיבתא סניף ברך משה צום מעמד ההודאה כ''א כסלו אינאיינעם מיט די תלמידי המתיבתא, ביים אנקומען איז דער רבי געטאנצן אויפן פלאץ א לענגערע צייט אויף חסדי ה' און נאך ניגוני הודאה, דערנאך האט דער אורח הכבוד הרה''ג ר' אלחנן זאב יוסף פריעדמאן שליט"א ממשיך געווען מיט זיין דרשה, און מען האט געזינגען נאך ניגוני הודאה.
דער רבי האט געמאכט א לחיים און אנגעוואונטשן פאר די מנהלים און אלע תלמידי הישיבה, און משמיע געווען דב"ק אויפן פסוק 'וישב יעקב בארץ מגורי אביו' און געטייטשט בדרך דרוש אז יוסף הצדיק האט משפיע געווען א דרך הצלה פאר אלע צדיקים במשך הדורות וביניהם רביה"ק בעל הנס זיע''א, און דער רבי האט ארומגערעדט איבער די קשר וואס רביה"ק זיע''א צו די תלמידי הישיבה, און וואס דאס פארלאנגט צו גיין אין זיינע דרכים, און דער רבי האט אויסגעשמועסט באריכות הדרכה צו גיין און זיינע וועגן, און עקסטער ארומגערעדט יעדע בחור זאל האלטן פאר די אויגן ווען מען האט חתונה זיכער מאכן אז מען מאכט נישט זיין טאטע אויסגעבן איבריגע געלטער פאר די הוצאות החתונה און אלע ענינים ובפרט בנוגע שטריימלעך, און משבח געווען די תקנה גדולה וחשובה צו קויפן דעם בארימטע 'כתר שטריימל', און מסיים געווען בברכת קדשו.

דערנאך האט מען ממשיך געווען מיט ניגוני הודאה און דער רבי האט זיך אויפגעשטעלט טאנצן א לענגערע צייט. מען האט געענדיגט ארום 6:50.

זמני כניסה בקו''פ איז געווען פון 8:30 ביז 11:30 אויפדערנאכט, בביתו נאוה קודש אויף איהעל קט.

בעת די זמני כניסה איז אריין בקו''פ הרבני הנגיד ר' משה יצחק לאנדא הי"ו בונה ומיקם ביהמ"ד החדש ברך משה דקהילתינו הק' בשכונת טווין אין מאנסי אינאיינעם מיט די אנדערע חברי וועד קרן הבנין פונעם ביהמ"ד, דער נדבן ר' משה יצחק הי"ו האט געצייגט פארן רבי'ן די פערמיטן וואס מען האט ערהאלטן, און איבערגעגאנגען די ווייטערדיגע פלענער פון די בוי ארבעט און דער רבי האט מאציל געווען מברכת קדשו.

רבינו שליט''א האט געליינט די תנאים פון די פאלגענדע מחותנים.
- הרה"ח ר' הערשל זאבעל הי"ו - הרה"ח ר' יואל ברש"י ליבערמאן הי"ו.
- הרה"ח ר' מאיר דוד היילברוין הי"ו - הרה"ח ר' יואל ברא"י לאנדא הי"ו.

דער רבי האט געדאווענט מעריב ארום 11:30.

נאך מעריב ארום 11:50 איז דער רבי אריבער אין ביהמ"ד בית שמואל בשכונת דברי חיים צו די שמחת השבע ברכות צוגעשטעלט דורך די מתפללי הביהמ"ד לכבודו פון רבינו שליט"א און הגה"צ רבי יואל האלבערשטאם שליט"א רב הביהמ"ד.
דער רבי האט געטרינקן לחיים און אנגעוואונטשן פארן חתן, מחותנים, און פארן גאנצן ציבור, מיטן בענטשן האט דער רבי מכבד געווען הגה"צ רב הביהמ"ד שליט"א און דערנאך האט דער רבי געזאגט די שבע ברכות, און זיך אויפגעשטעלט טאנצן אינאיינעם מיטן חתן און די גאנצע אויבנאן. מען האט געענדיגט ארום 12:15, און דער רבי איז אהיים לביתו נאוה קודש.