Satmara Niyes

פרייטאג ערש''ק ויגש 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן:
- לבן הנולד אצל ר' יואל אלעזר אייזדארפער הי"ו, ווי דער רבי איז געווען סנדק ומוהל.
- לבן הנולד אצל ר' שמחה קרויס הי"ו, ווי דער רבי איז געווען סנדק.

דער רבי האט געדאווענט שחרית אין ביהמ"ד אהל ישראל מאיר אויף מאנטען אינאיינעם מיט די כולל לחתנים. פארן דאווענען האט דער רבי געלייגט תפילין פארן בר מצוה בחור ב"ר ליפא סאנדעל הי"ו.

נאכן דאווענען איז פארגעקומען א לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די ראשי החבורה, פארן מנהל הכולל הרה"ג ר' וואלף אהרן טעללער שליט"א, פארן בר מצוה בחור, און אלע חתנים לומדי הכולל, און משמיע געווען קורצע דב"ק והדרכה פאר די חתנים.

▫️ סאטמארע נייעס 🌴 ▫️

דאנערשטאג פרשת ויגש זאת חנוכה 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן:
- לבן הנולד אצל ר' הערשל מיטטעלמאן הי"ו, ווי דער רבי איז געווען סנדק.
- לבן הנולד אצל ר' יוסף מארקאוויטש הי"ו, ווי דער רבי איז געווען סנדק.

דער רבי האט געדאווענט שחרית בהיכל ישיבה גדולה שיעור ד'. פארן דאווענען האט דער רבי געלייגט תפילין פאר די בר מצוה בחורים.
- ב"ר חיים הערש כ"ץ הי"ו.
- ב"ר ישעי' שבתי בראך הי"ו.
- ב"ר חנני' יו"ט ליפא שאלאמאן הי"ו.

דער רבי איז צוגעגאנגען צו הלל און ביים ליינען געגאנגען הגבה.

נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די רמ"י הישיבה, בר מצוה בחורים, און אלע תלמידי הישיבה, און מען איבערגעגעבן א קוויטל כוללות פון אלע תלמידי הישיבה און מען האט ממשיך געווען מיט ניגוני התעוררות.
דערנאך האט דער רבי משמיע געווען ברכת הקודש חנוכה דארף זיין 'איש וביתו' און איז מסוגל פאר שידוכים און אנגעוואונטשן שידוכים פאר אלע בחורים, דערנאך זענען אלע תלמידי הישיבה אריבער און דער רבי האט פארטיילט מטבעות קודש פאר אלע בחורים.

דערנאך איז דער רבי ארויס אין חצר פון ישיבה צו שריפת הפתילות, דער רבי האט אנגעצינדן די מדורה און אריינגעווארפן די קנויטן, און געטאנצן אויפן פלאץ פאר עטליכע מינוט, מען האט געענדיגט 1:00.

נאכמיטאג ארום 4:45 האט דער רבי געדאווענט מנחה בביתו נאוה קודש.

נאך מנחה ארום 5:15 איז דער רבי אריבער אין די זאלן פון כינור דוד ווי דער רבי האט מאריך געווען שלחנו הטהור לכבוד זאת חנוכה אינאיינעם מיט תלמידי שיעור ג' פון די ניין סניפי ישיבות קטנות פון מוסדות קרית יואל. דער רבי האט זיך געוואשן צו די סעודה, במשך די סעודה האט מען מאריך געווען מיט ניגוני חנוכה וימים נוראים.
מיט מזמור שיר חנוכת האט דער רבי מכבד געווען הרה"ג ר' וואלף לאנדא שליט"א מנהל ישיבה סניף רב טוב.
דער רבי האט משמיע געווען דב"ק און נאך די דברי דרוש ופלפול בעניני חנוכה, ממשיך געווען מיט הדרכה פאר די בחורים, בעניני טעכנעלאגיע, נישט צו רעדן מיט די תפילין, און ארויסגעברענגט די חשיבות פון די בחור'ישע יארן, און מסיים געווען מיט ברכות לרוב פאר אלע בחורים.
מיטן ברכהמ''ז האט דער רבי מכבד געווען דעם ראש המנהלים הרה''ג ר' ברוך שלמה וויינבערגער שליט"א. מען האט געענדיגט ארום 6:50.

זמני כניסה בקו''פ איז געווען פון 8:20 ביז 11:50 אויפדערנאכט, בביתו נאוה קודש אויף איהעל קט.

בעת די זמני כניסה איז פארגעקומען א כתיבת האותיות פאר די ספר תורה וואס ווערט געשריבן דורך האדמו''ר מסערעדנא בני ברק שליט"א דער רבי האט אריינגעשריבן די אותיות, געטרינקן לחיים און עס האט זיך פארמירט א שיינע שמועס בעניני כתיבת ספר תורה און דער רבי האט אים מאציל געווען מברכת קדשו.

אויך זענען אריין בקו''פ הנהלת כולל חבת ירושלים אין שפיץ פון הגה"צ ר' ישכר בעריש רובין שליט"א מדאמבראווע און הגה"צ ר' שלמה רובין שליט"א אב"ד ציעשנוב קר"י מקבל זיין ברכת הקודש לקראת די מעמד 'רצונו של צדיק' וואס קומט פאר דעם מוצ"ש אין קר"י לטובת הכולל, עס האט זיך פארצויגן א שיינע שמועס איבער די היסטאריע פונעם כולל און די פעולות פונעם כולל היינטיגע צייטן, צווישן אנדערע איז געוויזן געווארן א בריוו פון הגה"ק מטאלטשאווע זיע''א לטובת הכולל און א בעכער פונעם הרה''ק ראפשיצער רב זיע''א פון וואס די נדבנים וועלן האבן די זכי' צו קענען טרינקן דערפון, און דער רבי האט עס באטראכט פאר א לענגערע צייט מיט גרויס התרגשות, און מאציל געווען מברכת קדשו.

רבינו שליט''א האט געליינט די תנאים פון די פאלגענדע מחותנים.
- הרה"ח ר' יוסף לייב בר"א קויפמאן הי"ו - הר"ר יואל ברד"ש בערגער שליט"א.
- הרה"ח ר' אהרן וואלף פאלאטשעק הי"ו - הרה"ח ר' וואלף בר"מ לאנדא הי"ו.

אזוי אויך זענען אריין בקו''פ עסקנים פון וועד הפעולה שע"י העדה החרדית בארה''ב מקבל זיין ברכת הקודש לקראת די מגבית 'חבר נאמן' אנצושליסן טויזענט אנשי שלומינו אלץ 'מעמבערס' אין די עדה החרדית, דער רבי האט געהערט א באריכט פון די פעולות פונעם וועד און די גרויסע געלטער וואס ווערט פארטיילט דורך כ"ק פוסק הדור ומרא דארעא קדישא שליט"א און מאציל געווען מברכת קדשו.

דער רבי האט געדאווענט מעריב ארום 11:50.

ליל זאת חנוכה 'בצל הקודש' פון כ''ק רבינו הגה''ק שליט''א

דער רבי האט געדאווענט מעריב ארום 6:00, פאר מעריב האט הב' המשב"ק שניאור זלמן עקשטיין ני"ו אנגעצינדן די מנורה.

ארום 9:20 איז רבינו שליט''א אריינגעקומען אין ביהמ''ד הגדול צו הדלקת נירות חנוכה במעמד אלופי אלפי אנ''ש, דער רבי האט שלום געגעבן פאר הגה"צ אבד"ק לאנדאן שליט"א און הגה"צ דומ"ץ מונקאטש מאנסי שליט"א און נאך חשובע רבנים געסט וועלכע זענען געקומען להסתופף בצל הקודש, דער רבי האט אריינגעגאסן די אויל און געזאגט די ברכות ההדלקה באש קודש.
דערנאך האט דער רבי געזאגט די זמירות און מען האט געזונגען נגוני התעוררות, און די קאפעליע האט געזונגען די פיוטים כנהוג, און ביים סוף האט הרה"ח ר' שלמה הערש עקשטיין הי"ו פארגעזינגען מזמור שיר חנוכת כנהוג, דערנאך האט דער רבי פארטיילט מטבעות פאר די קינדער פון די קאפעליע.

רבינו שליט''א איז ארויף צום שלחן הטהור און מען האט ממשיך געווען צו זינגען ניגוני התעורורות א לענגערע צייט.
דאן האט רבינו שליט''א משמיע געווען דב''ק דברי דרוש ופלפול אין די סוגיא במס' שבת פון כבתה זקוק לה, און ממשיך געווען מיט געהויבענע בחינות צווישן אנדערע אז אהרן הכהן איז אליינס איז אראפגעקומען אנצינדן די מנורה ביים נס חנוכה, און יעדע יאר ווען א איד צינד די נרות חנוכה באקומט ער א ניצוץ פון אהרן כהנא קדישא און עס פלאמט אויף זיין נשמה און בענטשט יעדע איד און איז משפיע אלע השפעות טובות.

דערנאך האט מען ממשיך געווען דעם מעמד המרומם בשירה ובזמרה מערערע ניגוני התעוררות בשעת רבינו שליט''א האט משמיע געווען נאך פיר מאל דב''ק מיט לענגערע דברי אגדה וחסידות, אז די ר"ת פון ב'ניך כ'שתולי ז'תים ס'ביב לשלחנך איז בגי' 'חנוכה'.
ערשטע תורה האט דער רבי מאריך געווען ברגשי הלב אז אין חנוכה דארף מען מתפלל זיין אויף ערליכע קינדער אז זיי זאלן זיצן אינדערהיים 'סביב לשלחנך' און נישט פאשען אויף פרעמדע פעלדער אזוי ווי מען זאגט ביי די לשם יחוד 'ויהי זרעי וזרע זרעי תלמידי חכמים' וכו', און מען האט ממשיך געווען מיט ניגוני התעוררות ויהי זרעי און נאך, בשעת דער רבי האט מאריך געווען בבכיות.
צווייטע תורה חנוכה קומט אראפ רפואות פאר כלל ישראל און מען איז מתפלל אז מען זאל ח"ו נישט דארפן זיין אין שפיטאל נאר אלע קינדער זאלן זיין 'סביב לשלחנך', און מען האט ממשיך געווען מיט ניגוני התעוררות מדת הרחמים עלינו התגלגלו און נאך.
דריטע תורה מען דארף מתפלל זיין אין די ימי החנוכה אז מען זאל באקומען אן עריבות ומתיקות התורה וואס די נרות חנוכה זענען מסוגל פאר דעם, און מען האט ממשיך געווען מיט ניגוני התעוררות והערב און נאך.
פערטע תורה מען דארף מתפלל זיין אין די ימי החנוכה אז מען זאל קענען עוסק זיין בתורה אינאיינעם מיט די קינדער מיט א יגיעת התורה עס זאל זיין 'בניך כשתולי זתים סביב לשלחנך' מיט לימוד התורה, און ממשיך געווען מיט גאר שטארקע דברי חיזוק צו פארשטיין דעם אתה בחרתנו מכל העמים, נישט קיין חילוק וואספארא פלאם מען האט אין אידישקייט אפילו עס איז נאר דא א קליינע קנויט חנוכה איז משפיע א גרויסע אור אזוי ווי דער נס ביי די שמן זית, מען דארף פארגעסן וואס איז געווען און אנהייבן פון פריש, מען זאגט ביי הלל מקימי מעפר דל מאשפות ירים אביון ווייל דאס איז די ימי החנוכה! הקב"ה הייבט אויף יעדע איד מעפר דל און דערהייבט אונז צו אים, און מסיים געווען אז חנוכה לויבט מען הקב''ה ברוב עם הדרת מלך, גדלו לה' אתי ונרוממה שמו יחדיו א גאנצע ציבור צוזאמען, און געוואונטשן ברכות לרוב פארן גאנצן ציבור.

מען האט אנגעהויבן ניגוני שמחה והודאה און דער רבי האט זיך אויפגעשטעלט און זיך ארויסגעלאזט אין א פייערדיגע טאנץ א לענגערע צייט, און דערנאך ממשיך געווען און מעודד געווען די פייערדיגע ריקודין פונעם ציבור האלפים א לאנגע צייט.

דער רבי האט געטרינקן לחיים און אנגעוואונטשן פארן גאנצן ציבור, דערנאך האט דער רבי פארטיילט א סעט פון ספרו לב אהרן - מועדים פאר די בחורים מזמרים פון די קאפעליע. מען האט געענדיגט ארום 11:45

בביתו נאוה קודש איז געקומען אויף א באזוך הגה"צ אבד''ק לאנדאן שליט"א וועלכע געפינט זיך דא אין די יעצטיגע טעג, דער רב שליט"א האט איבערגעגעבן א גריס פון קהלתינו הק' אין לאנדאן און בפרט פון די ישיבה גדולה און די כולל, און עס האט זיך פארצויגן א שיינע שמועס בדברי פלפול בשייכות צו די דברי תורה פון רבינו שליט"א, דער רבי האט אים מכבד געווען מיט לחיים און מאציל געווען מברכת קדשו.

▫️ סאטמארע נייעס 🌴 ▫️


ליל ז' דחנוכה 'בצל הקודש' פון כ''ק רבינו הגה''ק שליט''א

דער רבי האט געדאווענט מעריב ארום 6:00 בביתו נאוה קודש, פאר מעריב האט הב' יעקב ב"ר חיים וואלף פאלקאוויטש הי"ו אנגעצינדן די מנורה.

ארום 9:15 איז רבינו שליט''א אריינגעקומען אין ביהמ''ד הגדול צו הדלקת נירות חנוכה ברוב עם הדרת מלך, דער רבי האט אריינגעגאסן די אויל און געזאגט די ברכות ההדלקה.
דערנאך האט דער רבי געזאגט די זמירות און מען האט געזונגען נגוני התעוררות, און די קאפעליע האט געזונגען די פיוטים כנהוג.

דערנאך האט רבינו שליט''א משמיע געווען דב''ק דברי דרוש ופלפול אין די סוגיא במס' שבת פון כבתה זקוק לה, און דערנאך ממשיך געווען בדרך אגדה אז דורך קוקן אויף די נרות חנוכה איז מען מעורר די שם הוי''ה וואס איז משפיע חסדים גלויים, עס זאל זיין 'הראנו ה' חסדך' מען זאל עס קענען זען מיט די אויגן, און מסיים געווען מיט ברכות לרוב פארן גאנצן ציבור.

נאך די דב''ק האט מען ממשיך געווען צו זינגען ניגונים, דער רבי האט געטרינקן לחיים און געוואונטשן ברכות קדשו. מען האט געענדיגט ארום 10:35.

דערנאך איז דער רבי אריבער אין מבצר הכוללים צום יערליכן כינוס התחזקות דורך 'חבורת ליל שישי', מען האט געזינגען ניגוני התעורורות און עס האט אויפגעטרעטן הר"ר הערשל קאהן שליט"א - מראשי החבורה.
דער רבי האט געטרינקן לחיים און אנגעוואונטשן פארן גאנצן ציבור, און משמיע געווען דב''ק והתחזקות אז פון חנוכה זעט מען אז מען גייט בתר איכות, און די חבורה צילט צו אויפהייבן די איכות פונעם מענטש דורכ'ן זיך מחזק בעבודת השם מיטן לערנען חסידישע ספרים וואס דאס ברענגט אריין א אמת'ע השתוקקות לדבר מצוה, און מסיים געווען בברכת קדשו. מען האט געענדיגט ארום 11:00.

מיטוואך פרשת ויגש ז' דחנוכה - ב' דר"ח טבת

אינדערפרי איידער תפילת שחרית איז פארגעקומען א ברית לבן הנולד אצל ר' ישעי' מאיר בלייך הי"ו, ווי דער רבי איז געווען סנדק.

דער רבי האט געדאווענט שחרית בהיכל המתיבתא סניף ויואל משה. דער רבי איז צוגעגאנגען צו הלל, און ביים ליינען האט דער רבי עולה געווען רביעי.

נאכמיטאג ארום 5:15 האט דער רבי געדאווענט מנחה בביתו נאוה קודש.

ליל ו' דחנוכה 'בצל הקודש' פון כ''ק רבינו הגה''ק שליט''א

דער רבי האט געדאווענט מעריב ארום 6:00 בביתו נאוה קודש, פאר מעריב האט הב' משה יוסף ב"ר יעקב פארקאש הי"ו אנגעצינדן די מנורה.

ארום 9:10 איז רבינו שליט''א אריינגעקומען אין ביהמ''ד הגדול צו הדלקת נירות חנוכה ברוב עם הדרת מלך, דער רבי האט אריינגעגאסן די אויל און געזאגט די ברכות ההדלקה.
דערנאך האט דער רבי געזאגט די זמירות און מען האט געזונגען נגוני התעוררות, און די קאפעליע האט געזונגען די פיוטים כנהוג.

דערנאך האט רבינו שליט''א משמיע געווען דב''ק דברי דרוש ופלפול אין די סוגיא במס' שבת פון כבתה זקוק לה, און דערנאך ממשיך געווען בדרך אגדה אז די נרות חנוכה איז משפיע פרנסה בהרחבה, און מסיים געווען ברוב ברכות.

נאך די דב''ק האט מען ממשיך געווען צו זינגען ניגונים, דער רבי האט געטרינקן לחיים און געוואונטשן ברכות קדשו. מען האט געענדיגט ארום 10:30.

דינסטאג ויגש ו' דחנוכה - א' דר"ח טבת

דער רבי האט געדאווענט שחרית בהיכל המתיבתא סניף עצי חיים - שיעור ג'. פארן דאווענען האט דער רבי געלייגט תפילין פאר די בר מצוה בחורים.
- בן הר"ר יחיאל מיכל בערקאוויטש שליט"א בן הגאון הדומ"ץ שליט"א.
- ב"ר משה הערש קליין הי"ו.
- ב"ר יואל בר"א וויינבערגער הי"ו.

דער רבי איז צוגעגאנגען צו הלל, און ביים ליינען געגאנגען הגבה.
נאכן דאווענען איז פארגעקומען א לחיים מיט די בר מצוה בחורים בהיכל הביהמ"ד.

נאכמיטאג ארום 5:20 האט דער רבי געדאווענט מנחה בביתו נאוה קודש.

▫️ סאטמארע נייעס 🌴 ▫️

ליל ה' דחנוכה 'בצל הקודש' פון כ''ק רבינו הגה''ק שליט''א

דער רבי האט געדאווענט מעריב ארום 6:00 בביתו נאוה קודש, פאר מעריב האט הב' שלום ב"ר שמשון שרגא פויגעל הי"ו אנגעצינדן די מנורה.

פארנאכטס איז פארגעקומען בביתו נאוה קודש אויף אוהעל קט. די יערליכע סעודת חנוכה פאר די יתומים ויתומות פון קהלתינו הק'.

ארום 9:20 איז רבינו שליט''א אריינגעקומען אינעם זאל שע"י ביתו נאוה קודש צו הדלקת נירות חנוכה פריוואט מיט די יתומים, רבינו שליט''א האט אריינגעגאסן די אויל און געזאגט די ברכות באש קודש.
דערנאך האט דער רבי געזאגט די זמירות און מען האט אינאיינעם געזונגען די ניגונים, נגוני התעוררות בהלל והודאה.

נאך די הדלקת הנירות איז פארגעקומען די מסיבה מיט גאר א רייכע פראגראם פאר די אלע באטייליגטע, מיט די השתתפות פון רבינו שליט"א, עס האט אויפגעטרעטן הרה"ח ר' יונתן שווארץ הי"ו און מהנה געווען בפרקי חזנות, און משמח געווען די קינדער מיט אינטערעסאנטע קונצן לכבוד היום. דער רבי האט פערזעדליך פארברענגט מיט די קינדער א לענגערע צייט, און ס'איז געווען א געלעגנהייט פאר יעדן צו פרעגן שאלות פון רבינו שליט"א אויף וואס דער רבי האט געענטפערט במאור פנים און אויסגעשמועסט בטוב טעם ודעת, דערנאך האט רבינו שליט''א משמיע געווען רירענדע דברות קודש א לענגערע צייט פול מיט חיזוק הדרכה און געפיל, און דערביי געוואונטשן ברכות קדשו.

נאך די מסיבה ארום 11:30 איז דער רבי ארויף בביתו נאוה קודש, ווי אלע קינדער און בחורים זענען אריין בקו''פ און דער רבי פערזעדליך געטיילט מתנות און חנוכה געלט פאר יעדן איינעם לויט די יארגאנג.
רבינו שליט''א האט זיך הארציג באדאנקט פאר די חשובע עסקנים וועלכע טוען יאר יערליך אהערשטעלן און צושטאנד ברענגען די רייכע נאכט צווישן אנדערע העסקנים החשובים ר' ארי' הערשקאוויטש הי"ו, ר' אליעזר ראטה הי"ו, ר' מרדכי שעהר הי"ו. מען האט געענדיגט ארום 1:00.

מאנטאג פרשת ויגש ו' דחנוכה

דער רבי האט געדאווענט שחרית בהיכל המתיבתא סניף דברי יואל. פארן דאווענען האט דער רבי געלייגט תפילין פאר די בר מצוה בחורים.
- ב"ר יודא ארי' קויפמאן הי"ו.
- ב"ר מרדכי חשין הי"ו.
- ב"ר יוסף מרדכי בר"מ כהנא הי"ו.

דער רבי איז צוגעגאנגען צו הלל, און ביים ליינען געגאנגען הגבה.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.

נאכמיטאג ארום 5:20 האט דער רבי געדאווענט מנחה בביתו נאוה קודש.

זונטאג פרשת ויגש ד' דחנוכה 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית בהיכל מבצר הכוללים קרית יואל. פארן דאווענען האט דער רבי געלייגט תפילין פאר די בר מצוה בחורים.
- בן הר''ר איתמר מייזליש שליט"א.
- ב"ר אהרן צבי וועבער הי"ו.
- ב"ר אברהם צבי משה הורוויץ הי"ו.
- ב"ר יקותיאל דרעזנער הי"ו.
- ב"ר יואל ברמ"ג שפיטצער הי"ו.

רבינו שליט''א איז צוגעגאנגען צו הלל מיט גרויס התעוררות, און ביים ליינען געגאנגען הגבה.

נאכן דאווענען איז פארגעקומען די ברית'ן:
- לבן הנולד אצל ר' שלמה מנשה בר"ל פאלקאוויטש הי"ו, ווי דער רבי איז געווען סנדק ומוהל.
- לבן הנולד אצל ר' משה יודא בר"נ ניימאן הי"ו, ווי דער רבי איז געווען סנדק.

נאך א קורצע צייט איז דער רבי אריינגעקומען צום מסיבת לחיים ומעמד 'הרחיבי' בהיכל הכולל קומה ג', דער רבי איז קודם ארויף צום נייעם צוגעבויעטן פליגל אויפן גאלערי צו קענען אקאמאדירן די ריבוי הלומדים בליעה''ר, דער רבי האט זיך אומגעקוקט און קובע געווען א מזוזה.
דערנאך איז דער רבי אראפ צו די מסיבת לחיים, מען האט געזינגען ניגוני התעוררות, דער רבי האט געטרינקן לחיים און משמיע געווען דב"ק אז יעצט אין די ימי החנוכה ווען מען איז מוסף והולך איז די פאסיגע צייט צו פארברייטערן די כח התורה פונעם 'בנין מבצר הכוללים דקרית יואל' וואס דאס איז דער שענסטער בנין אין שטאט, וואס פון דא קומען ארויס מורי הוראה, מלמדים, און בעלי בתים חשובים, און מאריך געווען בשבח הכולל, און ארויסגעברענגט די הכרת הטוב וואס מען דארף האבן פאר די הנהלת הכולל סיי די הנהלה גשמי וואס שאפן די גרויסע געלטער פאר די הוצאת הכולל, און וואס לויט ווי עס קוקט יעצט אויס וועט מען בקרוב דארפן צובויען נאך א שטאק צום בנין פאר די פילע לומדים, און סיי די הנהלה רוחני וואס מאכן זיכער אז יעדע אינגערמאן איז מסודר מיט די לימודים און שטייגט כ"א לפי ערכו וכו', און מסיים געווען ברוב ברכות.

מען האט ממשיך געווען מיט ניגונים און דער רבי האט פארטיילט שיריים פאר די הנהלת הכולל, די בר מצוה בחורים, און די בעלי ברית. מען האט געענדיגט ארום 1:30 און דער רבי האט אהיימשפאצירט לביתו נאוה קודש.

נאכמיטאג ארום 5:20 האט דער רבי געדאווענט מנחה בביתו נאוה קודש.

▫️ סאטמארע נייעס 🌴 ▫️

שב''ק פרשת מקץ - שבת חנוכה - מברכים חודש טבת - 'בצל הקודש' פון כ''ק רבינו הגה''ק שליט''א בקרב קהלתינו הק' אין וומסב''ג

ערש''ק נאכמיטאג פאר זמן הדלקה"נ האט דער רבי אנגעטוהן דעם שטריימל פאר החתן מאיר דוד ב"ר יוסף חביב מאסרי הי"ו.

נאכן ערשטן פייף האט רבינו שליט''א געצינדן די מנורה בביתו נאוה קודש שע''י ביהמ''ד הגדול, דער רבי האט געצינדן אין די מנורה וואס רביה"ק בעל דברי יואל זיע''א האט געצינדן אין די יארן וואס ער איז געווען בימי החנוכה אין פלארידע, נאכן צינדן האט דער רבי געזאגט דעם פיוט פון הנרות כנהוג. און דערנאך געצינדן די נרות שבת.

ארום 5:05 איז רבינו שליט''א אריינגעקומען אין ביהמ''ד מעוטף בטליתו און צוגעגאנגען צו מנחה.
נאך מנחה איז פארגעקומען אן אפיעל פארן בית הוראה דקהלתינו הק', עס האט אויפגעטרעטן הרה"ג ר' הערש לייב בערנשטיין שליט"א דומ"ץ ביהמ"ד בית מנחם צבי דקהלתינו הק'.
קבלת שבת: הרה"ח ר' חיים העללער הי"ו. מען האט געענדיגט ארום 6:45. דער ציבור איז אריבער זאגן גוט שבת און דער רבי איז אהיים לביתו נאוה קודש שע"י ביהמ"ד הגדול.

ארום 9:50 איז דער רבי אריינגעקומען צום שלחן הטהור אין ביהמ"ד הגדול, און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' יקותיאל יודא בן הרה"ג ר' יואל הכהן גלאנץ שליט"א.הגבהת הכוס: הגה"צ אבד''ק וומסב''ג שליט"א.

מיט די זמירות האט רבינו שליט''א מכבד געווען.
כל מקדש: הגה''צ ר' מאיר צוויבל שליט"א.
מנוחה ושמחה: הגה''צ ר' נפתלי הירצקא צוויבל שליט"א ראה"כ וומסב''ג.

רבינו שליט''א האט געזאגט תורה אויפן פסוק 'ויען ראובן אותם לאמר' און געטייטשט בדרך דרוש אין די סוגיא פון צו קברי עכו"ם זענען מטמא, משולב מיט עניני חנוכה.

קה אכסוף: הרה"ג ר' שלום טייטלבוים שליט"א דומ"ץ ביהמ"ד ויואל משה. ברכהמ''ז: הגה"צ אבד''ק וומסב''ג שליט"א.

עובדות וסיפורים די וואך האט רבינו שליט''א דערציילט פון הרה"ק רבי משה'לע דעעש'ער זיע''א געווען וואס די יארצייט איז געפאלן מיטוואך ערב חנוכה.

קה רבון עלם: הר"ר חיים נחום לייפער שליט"א רב דביהמ"ד קדושת צבי.
די פרישע חתנים זענען אריבער נעמען פירות.
דערנאך איז פארגעקומען די שלום זכר ביי.
- ר' יחיאל אלטר היימליך הי"ו.
- ר' חיים הערש טאבאק הי"ו.
- ר' חיים אויש הי"ו.
- ר' אשר ירמי' ליכטענשטיין הי"ו.
אז ביום השביעי: הרב הלל בן הרה"ג ר' אברהם מאיר האלבערשטאם שליט"א. מען האט געענדיגט ארום 12:10.

וביום השבת קודש

שב''ק אינדערפרי איז דער רבי אריינגעקומען אין ביהמ''ד ארום 9:30. ברכות ופסוקי דזמרה: הרה"ח ר' משה פאלקאוויטש הי"ו. וכרות האט דער רבי פארגעזאגט פסוק בפסוק. און צוגעגאנגען צו שחרית והלל.

הוצאה והכנסה: הרה"ג ר' אהרן מאשקאוויטש שליט"א, און הרה"ג ר' לוי יצחק ליכטענשטיין שליט"א מו"ץ בקהלתינו הק' ב"פ. פסוקי שמע ישראל: הרה"ג ר' שלמה יואל מאשקאוויטש שליט"א מו"ץ.

עליות.
- כהן: הרה"ח ר' יצחק זאב פילאפף הי"ו.
- לוי: בעל ברית ר' יחיאל אלטר היימליך הי"ו.
- שלישי: הגה"צ אבד''ק וומסב''ג שליט"א.
- רביעי: החתן מאיר דוד ב"ר יוסף חביב מאסרי הי"ו - באווארפען.
- חמישי: החתן הערשל ב"ר נפתלי מארקאוויטש הי"ו.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' חיים שלום ביקעל הי"ו.
- ר' שמואל מאיר פעלבערבוים הי"ו.
- ר' שלמה יעקב ליכטענשטיין הי"ו.
- ר' חיים געלבשטיין הי"ו.
- ר' פישל ברי"ח ווייס הי"ו.

אויך האט דער רבי געהייסן מאכן א מי שברך לחולה פאר הרבנית הצדיקת תליט''א.

- שביעי: הרה"ח ר' משה פאלקאוויטש הי"ו.
- אחרון: הרה"ח ר' דוד עקשטיין הי"ו מראה"ק קר"י.
- הגבה: הרה"ח ר' דוד גאלדשטיין הי"ו.
- גלילה: הרה"ח ר' יוסף חביב מאסרי הי"ו.
- מפטיר - קריאת חנוכה: הרה"ח ר' בנציון אהרן ווערצבערגער הי"ו.
- הגבה: הרה"ח ר' חיים הערש שווארץ הי"ו.
- גלילה: הרה"ח ר' חיים שלום ביקעל הי"ו.

נאכן ליינען האט רבינו שליט"א ראש חודש געבענטשט מיט גרויס התעוררות.
מוסף: הרה"ג ר' נפתלי חיים וואגשאהל שליט"א (ב"פ). פתיחה צו אנעים זמירות: הרה"ח ר' יעקב יחזקי' היימליך הי"ו (מאנטרעאל).

נאכ'ן דאווענען איז פארגעקומען א ברית לבן הנולד אצל ר' יחיאל אלטר היימליך הי"ו, ווי דער רבי איז געווען סנדק ומוהל. מען האט געענדיגט ארום 1:15.

רעוא דרעווין

צו מנחה ושל''ש איז דער רבי אריינגעקומען אין ביהמ''ד ארום 5:05.
- מנחה: הרה"ח ר' עקיבא הירש הי"ו.
- הוצאה והכנסה: משב"ק הרה"ח ר' שלמה זלמן שטיין הי"ו.
- כהן: משב"ק הרה"ח ר' שמואל הכהן פריעדמאן הי"ו.
- לוי: הרה"ח ר' עקיבא הירש הי"ו.
- שלישי: הרה"ח ר' אברהם יושע גראס הי"ו.
- הגבה: רבינו שליט''א.
- גלילה: הרה"ח ר' ישראל בנימין ליכטענשטיין הי"ו.

זמירות ביי של"ס האט דער רבי מכבד געווען. אודה: הרה"ח ר' יודל ווערצבערגער הי"ו. שיר המעלות: הרה"ח ר' דוד עקשטיין הי"ו.

רבינו שליט''א האט געזאגט תורה אויפן פסוק 'ויוסף הוא השליט הוא המשביר' און געטייטשט אז דורך מקיים זיין מצוות הדלקת נר חנוכה און די איסור השתמשות לאורה וואס איז מדרבנן, איז עס משפיע כביכול זאל זיך נוהג זיין פאר אידישע קינדער מיט די חיובי בעל לאשה מיט עשירות רפואות און די גאולה שלימה, און מעורר געווען מען זאל נזהר זיין מיט תפילת מנחה בפרט אין די קורצע טעג פון ווינטער.

ידיד נפש: הרה"ח ר' מנחם גרשון לעבאוויטש הי"ו. קל מסתתר: הרה"ח ר' אברהם יושע גראס הי"ו. דער רבי האט געבענטשט על הכוס און געזאגט שבע ברכות.

פאר מעריב האט דער משמש הרה"ח ר' שלמה ווערצבערגער הי"ו אנגעצינדן די מנורה. מעריב מוצש''ק: הרה"ח ר' שלמה יעקב מערץ הי"ו. נאך הבדלה איז דער ציבור אריבער זאגן א גוטע וואך. מען האט געענדיגט ארום 7:30.

ארום 10:25 איז רבינו שליט''א אריינגעקומען אין ביהמ''ד הגדול צו הדלקת נירות חנוכה ברוב עם הדרת מלך, דער רבי האט אריינגעגאסן די אויל און געזאגט די ברכות ההדלקה.
דערנאך האט דער רבי געזאגט די זמירות און מען האט געזונגען נגוני התעוררות, און די קאפעליע האט געזונגען די פיוטים כנהוג.
נאך די זמירות האט דער רבי פארטיילט מטבעות פאר די מזמרים און פאר די קינדער פון די קאפעליע.

דערנאך האט רבינו שליט''א משמיע געווען דב''ק דברי דרוש ופלפול אין די סוגיא במס' שבת פון כבתה זקוק לה, און דערנאך ממשיך געווען בדרך אגדה אז מען צינדט די מנורה אכט טעג צו ווייזן אז הקב"ה איז מלך אויף די זיבן הימלען און איין וועלט, וואס דאס ווייזט אז הקב"ה איז משגיח בתחתונים און טראץ זיין גרויסקייט האט ער א נחת רוח פון די עבודה פון אונז פשוט'ע מענטשן, און ער קוקט זיך אום אויף אונז און איז משפיע פרנסה פאר די וועלט, און מסיים געווען בברכות לרוב.
נאך די דב''ק האט מען ממשיך געווען צו זינגען ניגונים, דער רבי האט געטרינקן לחיים און געוואונטשן ברכות קדשו 'א גוטע וואך און א לעכטיגע חנוכה'. מען האט געענדיגט ארום ארום 11:50.

▫️ סאטמארע נייעס 🌴 ▫️