Satmara Niyes

מאנטאג פרשת מטו"מ 'בצל הקודש' פון כ''ק רבינו הגה''ק שליט''א, עיר הנופש בעטלהעם, ניו העמפשיר

אינדערפרי איז דער רבי אריינגעקומען צו תפילת שחרית אין ביהמ"ד דקהל יראים - בית אלימלך ארום 8:45. פארן דאווענען האט דער רבי געלייגט תפילין פאר'ן בר מצוה בחור בנש"ק ב"ר מנחם טייטלבוים הי"ו (וומסב"ג). בעל תפילה: הב' מנחם מענדל ב"ר יואל ווייסמאן הי"ו.
- פתיחה: הרה"ח ר' מנחם טייטלבוים הי"ו.
- בעל קורא: הרה"ח ר' שלמה רובינשטיין הי"ו (קר"י).
- כהן: הרה"ח ר' ישעי' יצחק רובין הי"ו (וומסב"ג).
- לוי: הרה"ח ר' אשר אברהם לאנדא הי"ו.
- שלישי: הב' הבר מצוה ב"ר מנחם טייטלבוים הי"ו.
- הגבה: רבינו שליט"א.
- גלילה: הרה"ח ר' יואל ווייסמאן הי"ו (קר"י).

נאכן דאווענען איז פארגעקומען א מסיבת לחיים מיט'ן בר מצוה בחור בהיכל הביהמ"ד, ווי ס'האט זיך פארמירט א שיינע שמועס בעניני תפילין, דער רבי האט געטרינקן לחיים און אנגעוואונטשן פאר די בר מצוה בחור און פארן גאנצן ציבור.

דערנאך האט דער רבי אהיים שפאצירט לביתו נאוה קודש, אויפן וועג האט זיך פארמירט א שמועס איבער הרה"ק בעל אור לשמים מאפטא זיע"א וואס די יארצייט איז געפאלן מאנטאג כ"ה תמוז.

דער רבי איז אריין געקומען צו תפילת מנחה ארום 9:00 אזייגער. בעל תפילה: הב' הערשל ב"ר משה הירש הי"ו (קר"י). צווישן מנחה און מעריב האט דער רבי עוסק געווען בלימודו. דער רבי האט געדאוונט מעריב ביים זמן ר"ת ארום 9:30.
בעל תפילה: הב' שלמה ארי' ב"ר משה הירש הי"ו.

דינסטאג פרשת מטו"מ

אינדערפרי איז דער רבי אריינגעקומען צו תפילת שחרית אין ביהמ"ד דקהל יראים - בית אלימלך ארום 8:40.

פארן דאווענען האט דער רבי געלייגט תפילין פאר'ן בר מצוה בחור ב"ר יואל ב"ר אליעזר ווייס הי"ו (קר"י). בעל תפילה: הב' יושע ב"ר יואל ווייס הי"ו.

נאכן דאווענען איז פארגעקומען א מסיבת לחיים מיט'ן בר מצוה בחור בהיכל הביהמ"ד, דער רבי האט געטרינקן לחיים און אנגעוואונטשן פאר'ן בר מצוה בחור און פארן גאנצן ציבור.

דערנאך האט דער רבי אהיים שפאצירט לביתו נאוה קודש, אויפן וועג האט זיך פארמירט א שמועס איבער דעם חיוב פון ברכת הגומל.

דער רבי איז אריין געקומען צו תפילת מנחה אין ביהמ"ד ארום 9:00 אזייגער.
בעל תפילה: הב' ליפא ב"ר יואל בר"א גאלדבערגער הי"ו (קר"י).

צווישן מנחה און מעריב האט דער רבי עוסק געווען בלימודו. דער רבי האט געדאוונט מעריב ביים זמן ר"ת ארום 9:30.

מיטוואך פרשת מטו"מ

אינדערפרי איז דער רבי אריינגעקומען צו תפילת שחרית אין ביהמ"ד דקהל יראים - בית אלימלך ארום 8:40.

פארן דאווענען האט דער רבי געלייגט תפילין פאר די בר מצוה בחורים,
- ב"ר יואל ב"ר אנטשיל גאלדבערגער הי"ו (קר"י).
- ב"ר אלימלך בנציון וואלדמאן הי"ו (וומסב"ג).
בעל תפילה: הב' הערשל ב"ר משה הירש הי"ו (קר"י).

נאכן דאווענען איז פארגעקומען א מסיבת לחיים מיט די בר מצוה בחורים בהיכל הביהמ"ד,
עס האט זיך פארמירט א שיינע שמועס בסיפורי צדיקים פונעם הייליגן קדושת לוי זיע"א, דער רבי האט געטרינקן לחיים און אנגעוואונטשן פאר די בר מצוה בחורים און פארן גאנצן ציבור.

דערנאך האט דער רבי אהיים שפאצירט לביתו נאוה קודש, אויפן וועג האט זיך פארמירט א שמועס איבער די נסים וואס איז געשען אין קר"י ווען א קרעין איז אראפגעפאלן נעבן ביהמ"ד בית חיים יעקב דקהלתינו הק'.

דער רבי איז אריין געקומען צו תפילת מנחה אין ביהמ"ד ארום 8:55. בעל תפילה: הרה"ח ר' יעקב יצחק שטיינמעטץ הי"ו (קר"י).

צווישן מנחה און מעריב האט דער רבי עוסק געווען בלימודו. ביים זמן ר"ת ארום 9:30 האט דער רבי האט אנגעצינדן פינף לעכט מיט א נשמה לעכט און צוגעגאנגען צום עמוד צו מעריב לרגל די יומדה"ק פון זקינו מרן הגה"ק בעל ישמח משה זיע"א.

נאך מעריב האט הרה"ח ר' אהרן הערש מיטטעלמאן הי"ו פון ב"פ איבערגעגעבן פאר רבינו שליט"א ספרי חידושי הגאון רבי שלמה קלוגער זצ"ל וואס ער האט איבערגעדריקט, און הב' משה ב"ר מאיר מענדל ווייס הי"ו (קר"י) האט איבערגעגעבן א תירוץ אויף די קשיא וואס דער רבי האט איבערגעלאזט אין ישיבה.

דאנארשטאג פרשת מטו"מ - יומא דהילולא קדישא פון מרן הגה"ק בעל ישמח משה זיע"א

אינדערפרי איז דער רבי אריין געקומען צום דאווענען אין ביהמ"ד דקהל יראים - בית אלימלך ארום 8:45.

פארן דאווענען האט דער רבי געלייגט תפילין פאר די בר מצוה בחורים,
- ב"ר משה יוסף ברא"ש פריעדלענדער הי"ו (קר"י).
- ב"ר אהרן יוסף בר"י לאנדא הי"ו (קר"י)
.
דער רבי האט געצינדן 5 לעכט און צוגעגאנגען צום עמוד לרגל די יומדה"ק.

- פתיחה: הרה"ח ר' אהרן יוסף לאנדא הי"ו.
- בעל קורא: הרה"ח ר' שלמה רובינשטיין הי"ו (קר"י).
- כהן: הרה"ח ר' משה גלאנצער הי"ו (וומסב"ג).
- לוי: הר"ר יושע זלמן ווערצבערגער שליט"א (קר"י).
- שלישי: הב' הבר מצוה ב"ר משה יוסף פריעדלענדער הי"ו.
- הגבה: רבינו שליט"א.
- גלילה: הב' הבר מצוה ב"ר אהרן יוסף לאנדא הי"ו.

נאכן דאווענען איז פארגעקומען א מסיבת לחיים לרגל די יומדה"ק, דער רבי האט געטרינקן לחיים און אנגעוואונטשן פארן גאנצן ציבור,
און האט פארציילט סיפורי קודש פונעם בעל הילולא פאר א לענגערע צייט.

דערנאך האט דער רבי אהיים שפאצירט, אויפן וועג האט זיך פארמירט א שמועס איבער נאך פארשידענע ענינים פונעם בעל הילולא זיע"א.

דער רבי איז אריין געקומען צו תפילת מנחה אין ביהמ"ד ארום 7:20, דער רבי האט געצינדן 5 לעכט און איז צוגעגאנגען צום עמוד לרגל די יומדה"ק.

ארום 8:00 אזייגער האט זיך דער רבי געוואשן צו די סעודת הילולא און מעריך געווען שלחנו הטהור אינאיינעם מיט תלמידי ישיבה קטנה סניף 'ישמח משה' פון קר"י בהנהלת הר"ר אברהם הערש זאלדאן שליט"א, פאר די פיש האט דער מנהל שליט"א געמאכט א סיום אויף מסכת בבא קמא וואס איז געלערענט געווארן במסגרת הישיבה, און געזאגט קדיש, נאך די פיש האט דער רבי געטרינקן לחיים און געוואונטשן 'זכותו יגן עלינו'.
במשך די סעודה האט מען געזינגען ניגוני גלות וגאולה.

מיט מכתם לדוד האט דער רבי מכבד געווען חדב"ן הגה"צ רב דביהמ"ד ישמח משה שליט"א, דערנאך האט דער רבי משמיע געווען לענגערע דברות קודש במשנתו פונעם בעל הילולא, און ממשיך געווען מיט דברי הדרכה פאר די בחורים ובפרט איבער אויפשטיין פארטאגס לערנען פארן דאווענען, און דער רבי האט מסיים געווען מיט ברכות לרוב פאר די בחורים און פארן גאנצן ציבור, און נאכגעזאגט פון הרה"ק רבי הערשל'ע ליסקער זיע"א וואס האט געזאגט זייענדיג ביים יארצייט אין איהעל אז דער הייליגער ישמח משה זיע"א שטייט און בענטשט דעם גאנצן ציבור מיט ברכת כהנים, און דער רבי האט אויסגעפירט אז דאס גייט נאך אן עד היום הזה און יעדער ווערט געבענטשט פונעם גרויסן בעל הילולא זיע"א. דער רבי האט געבענטשט אויפן כוס, מען האט געענדיגט ארום 9:30, דערנאך האט רבי געדאווענט מעריב, בעל תפילה: הרה"ח ר' שלמה רובינשטיין הי"ו.

נאך מעריב זענען די תלמידי הישיבה אריבער שלום נעמען, אזוי אויך האבן זיך געזעגענט א קבוצה אנשי שלומינו פון מאנטריאל וועלכע זענען געקומען מיטהאלטן די יארצייט סעודה, און הר"ר שמחה בונם פאנעט שליט"א האט איבערגעגעבן פאר רבינו שליט"א ספר באר שבע פון הרה"ק רבי משה דוד אשכנזי זצ"ל מטאלטשווע וואס ער האט איבערגעדריקט מיט א הערליכע נייע אויפלאגע.

פרייטאג ערש"ק פרשת מטו"מ

אינדערפרי איז דער רבי אריינגעקומען צו תפילת שחרית אין ביהמ"ד דקהל יראים - בית אלימלך ארום 8:50.
בעל תפילה: הרה"ח ר' ראובן גלאנץ הי"ו (קר"י).
נאכן דאווענען זענען די פילע געסט אריבער שלום נעמען און דער רבי האט אהיים שפאצירט לביתו נאוה קודש, אויפן וועג האט זיך פארמירט א שיינע שמועס בדברי תורה.

▫️ סאטמאר'ע נייעס 🌴 ▫️

זונטאג פרשת מטו"מ 'בצל הקודש' פון כ''ק רבינו הגה''ק שליט''א. עיר הנופש בעטלהעם, ניו העמפשיר

אינדערפרי איז דער רבי אריינגעקומען תפילת שחרית אינעם ארטיגן ביהמ"ד דקהל יראים - בית אלימלך ארום 9:00 אזייגער.

פארן דאווענען האט דער רבי געלייגט תפילין פאר די בר מצוה בחורים:
- ב"ר יעקב בר"ד פריעדמאן הי"ו (וומסב"ג).
- ב"ר חיים שאול קאהן הי"ו (קר"י).
- ב"ר יעקב יערמיאש הי"ו (מאנסי).

בעל תפילה: הרה"ח ר' מרדכי ווידער הי"ו (קרית טאהש).

נאכן דאווענען האט דער רבי אפגעזעגענט די געסט וועלכע האבן געוויילט אויף שבת בצל הקודש.

דערנאך איז פארגעקומען א מסיבת לחיים מיט די בר מצוה בחורים בהיכל הביהמ"ד,
עס האט זיך פארמירט א שיינער שמועס איבער פארשידענע מנהגים וויאזוי מען פירט זיך על אם הדרך, דער רבי האט געטרינקן א לחיים און געוואונטשן פאר די בר מצוה בחורים און פארן גאנצן ציבור.

דער רבי האט אהיים שפאצירט לביתו נאוה קודש, גייענדיג אהיים האט זיך פארמירט א שמועס איבער די וויכטיגקייט פון חזרת הלימוד.

דער רבי איז אריין געקומען צו מנחה ארום 8:55. בעל תפילה: ר' אברהם שלמה צין הי"ו (מאנטריאל).

צווישן מנחה און מעריב האט דער רבי עוסק געווען בלימודו. דער רבי האט געדאוונט מעריב ביים זמן ר"ת ארום 9:35.

▫️ סאטמאר'ע נייעס 🌴 ▫️

שב"ק פרשת פנחס, מבה"ח מנחם אב, 'בצל הקודש' פון כ''ק רבינו הגה''ק שליט''א, בעיר הנופש בעטלהעם, ניו העמפשיר

אויף דעם שב"ק האבן געוויילט בצל הקודש א קבוצה מצויינים מתלמידי המתיבתא סניף דברי יואל.

ערש"ק נאך די מקוה האט דער רבי מזכה געווען דעם פת פאר'ן עירובי חצרות וואס ווערט געמאכט ביים ביהמ"ד, דערנאך האט דער רבי אנגעצינדן פינף לעכט ביים עמוד לרגל די יארצייט פון אמו הרבנית הצדיקת ע"ה וועלכע איז געפאלן שב"ק כ"ג תמוז, דערנאך האבן עטליכע בחורים איבערגעגעבן תירוצים אויף די קשיא וואס דער רבי האט איבערגעלאזט אין די ישיבה, צווישן זיי:
- נכד רבינו הב' יואל דושינסקיא ני"ו.
- הב' נפתלי הערש בהר"ר נחום שמשון שווארטץ שליט"א.
- הב' יצחק הערש ב"ר יואל שטערן הי"ו.
- הב' אשר זעליג ב"ר חיים ישראל קלאגסבאלד הי"ו (לאנדאן).
- הב' שמואל זאנוויל בהר"ר יואל בר"ש בערגער שליט"א.
- הב' יחזקי' פייביל וויינבערגער הי"ו.
- הב' שמואל יודא ב"ר אנטשיל זאלדאן הי"ו.

דער רבי איז אריינגעקומען אין ביהמ"ד ארום 9:00 אזייגער, און איז צוגעגאנגען צום עמוד.

במשך דעם גאנצן שבת האט דער רבי געדאאווענט אלע תפילות פארן עמוד לרגל די יארצייט פון אמו הרבנית הצדיקת ע"ה.
מזמור לדוד הבו לה' האט דער רבי פארגעזאגט פסוק בפסוק כנהוג. מ'האט געענדיגט דאווענען ארום 10:30. נאכן דאווענען איז דער ציבור אריבער זאגן גוט שבת און שלום נעמען, און דער רבי איז אריין לחדרו הפרטי.

ארום 10:50 איז דער רבי אריינגעקומען צום שלחן הטהור אינעם ביהמ"ד דקהל יראים צוזאמען מיט די תלמידי הישיבה און מערערע געסט מאנשי שלומינו. מיט אשת חיל האט דער רבי מכבד געווען דעם אייניקל הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א. הגבהת הכוס: נכד רבינו הר"ר ליפא טייטלבוים שליט"א בן חדב"ן הגה"צ רב דביהמ"ד ברך משה שליט"א.

מיט די זמירות האט דער רבי מכבד געווען, כל מקדש: הר"ר אהרן יקותיאל בערקאוויטש שליט"א (מאנסי). מנוחה ושמחה: הר"ר אברהם יושע ווערצבערגער שליט"א, ר"מ בישיבה.
רבינו שליט"א האט געזאגט תורה אויפן פסוק 'פנחס בן אלעזר בן אהרן הכהן' און עס אויסגעטייטשט בדרך דרוש צו מען האט געהאט א דין בן נח אדער א דין ישראל פאר מתן תורה.

קה אכסוף: הר"ר יוסף דוד לעווי שליט"א, ר"מ בישיבה. ברכת המזון: הגה"צ אב"ד ראשית חכמה שליט"א. דערנאך האט דער רבי דערציילט עובדות וסיפורים פון זקינו מרן הגה"ק בעל ישמח משה זיע"א וואס די יארצייט געפאלט קומענדיגן דאנערשטאג כ"ח תמוז. קה רבון עלם: הר"ר מיכל בערקאוויטש שליט"א בן הגאון הגדול דומ"ץ קר"י שליט"א.
די פרישע חתנים זענען אריבער נעמען פירות. אז ביום השביעי: הרה"ח ר' אברהם יעקב מערמלשטיין הי"ו (קר"י). מען האט געענדיגט די טיש ארום 1:50.

וביום השבת

דער רבי איז אריינגעקומען אין ביהמ"ד ארום 9:45, און איז צוגעגאנגען צום עמוד צו פסוקי דזמרה און תפילת שחרית, הלל הגדול און די שירה האט דער רבי פארגעזאגט פסוק בפסוק כנהוג.

פארן ליינען איז פארגעקומען דער אפיעל פארן ביהמ"ד דורך הרה"ח ר' פישל פארקאש הי"ו און אלע עליות זענען פארקויפט געווארן להחזקת ביהמ"ד.

- הוצאה והכנסה: הרה"ח ר' משה פריעד הי"ו (וומסב"ג).
- פסוקי שמע ישראל: הרה"ח ר' מרדכי ווידער הי"ו (קרית טאהש).
- בעל קורא: הב' משה בהר"ר יצחק קויפמאן שליט"א (קר"י).
- כהן: הב' הבר מצוה ב"ר חיים שאול קאהן הי"ו.
- לוי: הב' הבר מצוה ב"ר יעקב יערמיאש הי"ו (מאנסי).
- שלישי: הגה"צ אב"ד ראשית חכמה שליט"א.
- רביעי: הבה"ח שמואל ב"ר הערשל ניישטאדט הי"ו (ב"פ).
- חמישי: הרה"ח ר' יעקב יצחק שטיינמעטץ הי"ו (קר"י).

דעם רבין'ס עלי' איז געקויפט געווארן דורך הרה"ח ר' זושא ניישטאדט הי"ו, דער רבי האט זיך באדאנקט און געהייסן מאכן א מי שברך.

- שביעי: הרה"ח ר' אברהם הערש פריעד הי"ו (מאנטריאל).
- הוספות: הרה"ח ר' ישראל שטערן הי"ו (ב"פ).
- הרה"ח ר' יוסף הערש גרינפעלד הי"ו (מאנטריאל).
- הרה"ח ר' יעקב ברוינער הי"ו (וומסב"ג).
- הרה"ח ר' מרדכי ווידער הי"ו.
- הרה"ח ר' מרדכי שבתי שימאן הי"ו (וומסב"ג).
- הרה"ח ר' יעקב פריעד הי"ו (קר"י).
- הרה"ח ר' יצחק יוסף גראד הי"ו (וומסב"ג).
- הבה"ח שאול משה ב"ר יקותיאל יודא מאלח הי"ו (קר"י).
- הרה"ח ר' דוד ראזענבערג הי"ו (מאנטריאל).
- הר"ר אהרן יקותיאל בערקאוויטש שליט"א.
- הרה"ח ר' מענדל לעבאוויטש הי"ו (מאנטריאל).
- הרה"ח ר' חיים לאנדא הי"ו (קר"י).
- הר"ר אברהם יעקב יאקאב שליט"א, ר"מ בישיבה.
- הרה"ח ר' יוסף משה פריינד הי"ו, ב"פ.

- הרה"ח ר' מרדכי וועכטער הי"ו.
- אחרון: הרה"ח ר' אהרן מתתי' דייטש הי"ו (מאנסי).
- מפטיר: הר"ר חיים אלישע שטערן שליט"א, רב דקהל חסידים בעיסוואטער.
- הגבה: הרה"ח ר' שלום פנחס באנדא הי"ו (קרית טאהש).
- גלילה: הרה"ח ר' אברהם גאלדבערג הי"ו (קרית טאהש).
-
מען האט געזאגט די הפטורה פון פ' מטות און פ' מסעי.
דער רבי האט ר"ח געבענטשט בהתעוררות רב און צוגעגאנגען צום עמוד צו תפילת מוסף. פתיחה צו אנעים זמירות: הר"ר יוסף דוד לעווי שליט"א.
מען האט געענדיגט ארום 1:20.

נאך עטליכע מינוט איז דער רבי אריינגעקומען צו די קידושא רבא לרגל די יארצייט, נאך קידוש האט דער רבי טועם געווען מזונות און פיש, בשעת מ'האט געזינגען עטליכע ניגונים און דער רבי האט געוואונטשן לחיים פארן גאנצן ציבור, דערנאך האט דער רבי נאכגעזאגט אז דער הייליגער שינאווער רב זיע"א האט אנגעוואונטשן ביי די ערשטע יארצייט פון זיין פאטער דער הייליגער דברי חיים זיע"א אז 'די נשמה זאל האבן אן עלי'ה', און געזאגט אז יעדע נשמה נישט קיין חילוק ווי הויעך ס'איז דארף נאך אלץ האבן אן עלי', און דער רבי האט מסיים געווען און אנגעוואונטשן אז די נשמה זאל האבן אן עלי', מען האט געענדיגט ארום 1:40.

ביי די סעודה עתיקא קדישא איז רבי אריבערגעקומען אין ביהמ"ד צו די זמירות ודברי תורה ארום 3:05, מען האט געזינגען ניגוני גלות וגאולה, דער רבי האט טועם געווען חלה און קוגל און געטרינקן לחיים.

מיט די זמירות האט דער רבי מכבד געווען:
- ברוך ה' יום יום: הרה"ח ר' זושא ניישטאדט הי"ו.
- ברוך קל עליון: הרה"ח ר' יצחק יוסף גראד הי"ו.
-
דער רבי האט געזאגט תורה אויפן פסוק 'פנחס בן אלעזר בן אהרן הכהן' און עס אויסגעטייטשט בדרך דרוש אין די סוגיא צו עס איז דא א מודעא רבה לאורייתא.
ברכת המזון: נכד רבינו הרב ליפא טייטלבוים שליט"א. מען האט געענדיגט ארום 3:45.

רעוא דרעווין

דער רבי איז אריינגעקומען אין ביהמ"ד צו מנחה ושל"ש ארום 8:50. נאך קדיש האט זיך דער רבי מתעטף געווען מיטן טלית מיט א ברכה און צוגעגאנגען צום עמוד.

- הוצאה והכנסה: הרה"ח ר' הערשל בראדער הי"ו (קר"י).
- בעל קורא: הרה"ח ר' יודא פריעדמאן הי"ו (קר"י).
- כהן: הר"ר זלמן לייב ברש"מ פריעדמאן שליט"א, ר"מ בישיבה.
- לוי: הר"ר יואל גרובער שליט"א, ר"מ בישיבה.
- שלישי: הב' המשב"ק שניאור זלמן עקשטיין ני"ו.
דער רבי איז געגאנגען הגבה.
- גלילה: הב' משולם ישכר בהר"ר משה יוסף אשכנזי שליט"א (מאנסי).
ביי של"ס איז דער גאנצער ציבור אריבער נעמען שיריים פון די פיש.
- אודה: הרה"ח ר' ישראל שטערן הי"ו.
- שיר המעלות: הר"ר אברהם יעקב יאקאב שליט"א.

דער רבי האט זיך געשטעלט אויפן פסוק 'פנחס בן אלעזר בן אהרן הכהן השיב את חמתי מעל בני ישראל' און דער רבי האט ארויסגעברענגט אז יעדע איד האט דעם שם הוי"ה אויף זיין פנים אבער אויב געט מען זיך נישט אכטונג אויף די אויגן פארלירט מען עס, און צוליב דעם איז דאס ביהמ"ק חרוב געווארן וויבאלד מען איז נישט געווען אפגעהיטן בעניני קדושה ושמירות עינים, דער רבי האט מאריך געווען בדברי מוסר אז יעצט ווען מען שטייט אין די ימי בין המצרים און 'כל שלא נבנה ביהמ"ק בימיו כאילו נחרב בימיו' במילא אויב איז דאס ביהמ"ק חרוב געווארן צוליב'ן חטא פון שמירות עינים דארף מען אין די טעג מאכן גדרים וסייגים אין די ענינים און אזוי וועט מען זוכה זיין צו ביאת גואל צדק בב"א.

- ידיד נפש: הרה"ח ר' יוסף קליין הי"ו (וומסב"ג).
(קל מסתתר: הרה"ח ר' הערשל ווערטהיימער הי"ו (מאנסי).
דער רבי האט געבענטשט על הכוס.

צו מעריב איז דער רבי צוגעגאנגען צום עמוד לרגל די יארצייט פון זקינו מרן הגה"ק בעל ישמח משה זיע"א וואס געפאלט דעם דאנערשטאג כ"ח תמוז.

נאך הבדלה איז דער ציבור אריבער זאגן א גוטע וואך, און הב' משולם ישכר בהר"ר משה יוסף אשכנזי שליט"א האט איבערגעגעבן א תירוץ אויף די קשיא וואס דער רבי האט איבערגעלאזט אין ישיבה.
מען האט געענדיגט ארום 11:15.

ארום 12:20 איז דער רבי אריינגעקומען אין ביהמ"ד צו די סעודת מלוה מלכה לרגל די יארצייט פון זקינו מרן הגה"ק בעל ישמח משה זיע"א, דער רבי האט געטרינקן לחיים און געוואונטשן פארן גאנצן ציבור, מ'האט געזינגען די זמירות, און
מ'האט געזינגען אני מאמין בביאת המשיח פאר א לענגערע צייט מיט גרויס התעוררות, דערנאך האט דער רבי פארציילט סיפורי קודש פונעם בעל הילולא פאר א לענגערע צייט ובפרט פון זיין גרויס השתוקקות צו די גאולה שלימה, מען האט געענדיגט ארום 1:10.

▫️ סאטמאר'ע נייעס 🌴 ▫️

זמנים לשבת קודש בצל הקודש פון כ"ק מרן רבינו שליט"א. בעיר הנופש בעטלהעם, ניו העמפשיר

זמן הדלקה"נ: 8:11.
תפילת מנחה: 8:50.
עריכת שלה"ט: 15 מינוט נאכן גוט שבת זאגן.

זמן שחרית: 9:30.
נאכן דאווענען וועט פארקומען א קידושא רבא לרגל די יארצייט פון אמו של מלכות הרבנית הצדיקת פעסיל לאה בת רבי אהרן ע"ה.
דער רבי וועט אריינקומען צו די זמירות ודברי תורה אין ביהמ"ד בערך איינס און אהאלב שעה נאכן דאווענען (ארום 2:45).

זמן מנחה וס"ג: 8:50.
זמן מוצש"ק 9:37.

מען וועט קענען מיטהאלטן א הוקאפ פון שלו"ס אנגעהויבן פון עטליכע מינוט נאכן זמן מוצש"ק אויף קול סאטמאר אויף 3-1-1.

מוצש"ק ארום 12:30 וועט רבינו שליט"א אריינקומען צו מלוה מלכה בהיכל הביהמ"ד לרגל די יארצייט פון זקינו מרן הגה"ק בעל ישמח משה זיע"א וועלכע געפאלט דעם קומענדיגן דאנערשטאג כ"ח תמוז.

▫️ סאטמאר'ע נייעס 🌴 ▫️

מיטוואך פרשת פנחס 'בצל הקודש' פון כ''ק רבינו הגה''ק שליט''א. בעטלהעם, ניו העמפשיר

אינדערפרי איז דער רבי אריינגעקומען צו תפילת שחרית אינעם ארטיגן ביהמ"ד דקהל יראים - בית אלימלך ארום 8:40.

בעל תפילה: ר' שלמה מנשה ברמ"ד היילברוין הי"ו. נאכן דאווענען האט דער רבי אהיים שפאצירט לביתו נאוה קודש, אויפן וועג האט זיך פארמירט א שמועס איבער די ידידות פון מרן הקדושת יו"ט זיע"א מיט הגה"ק רבי רפאל גרויס זצ"ל מבערבעשט.

דער רבי איז אריינגעקומען צו תפילת מנחה ארום 9:10. בעל תפילה: הרה"ח ר' שלמה רובינשטיין הי"ו (קר"י). צווישן מנחה און מעריב האט דער רבי עוסק געווען בלימודו. דער רבי האט געדאווענט מעריב ביים זמן ר"ת ארום 9:40.

אויפדערנאכט האט רבינו שליט"א אפגעהאלטן א טעלעפאנישער קאנפרענץ מיט די חברי הנהלה פון תורתך שעשועי, ווי דער רבי האט געהערט א שיינעם גרוס פון די ערשטע בחינה פונעם מחזור שני וואס איז פארגעקומען דעם מאנטאג, ווען נאנט צו 5000 מאנ"ש די בכל אתר ואתר האבן זיך געשטעלט נעמען די בחינה. עקסטער האבן זיי איבערגעגעבן פארן רבין א הערליכן גרוס פונעם גרויסארטיגן סיום הש"ס מחזור ראשון וואס איז פארגעקומען די פארגאנגענע וואך בקרב קהלתינו הק' בירושלים עיה"ק, בראשות גדולי הדור ועל צבאם הגאון הגדול מרא דארעא קדישא שליט"א, דער רבי האט זיי מאציל געווען מברכת קדשו להגדיל תורה ולהאדירה.

דאנערשטאג פרשת פנחס

אינדערפרי איז דער רבי אריינגעקומען צו תפילת שחרית אינעם ארטיגן ביהמ"ד דקהל יראים - בית אלימלך ארום 8:40.

בעל תפילה: הרה"ח ר' יוסף קליין הי"ו (וומס"ב). בעל קורא: הרה"ח ר' שלמה רובינשטיין הי"ו.
- כהן: הרה"ח ר' ישעי' יצחק רובין הי"ו (וומסב"ג).
- לוי: הרה"ח ר' נחמן דוב העללער הי"ו (וומסב"ג).
- שלישי: רבינו שליט"א, עס איז געקויפט געווארן דורך הרה"ח ר' טובי' גאלדשטיין הי"ו (וומסב"ג), און דער רבי האט זיך באדאנקט.
- הגבה: הגה"צ אב"ד ראשית חכמה שליט"א.
- גלילה: הרה"ח ר' משה ברוך שווארטץ הי"ו (וומסב"ג).
נאכן דאווענען האט דער רבי אהיים שפאצירט לביתו נאוה קודש, אויפן וועג האט זיך פארמירט א שמועס בסיפורי צדיקים פון הרה"ק רבי ישכר בער מבעלזא זיע"א.

דער רבי איז אריין געקומען צו תפילת מנחה ארום 9:05.
בעל תפילה: הרה"ח ר' יושע שלמה פעקעטע הי"ו (קר"י). צווישן מנחה און מעריב האט דער רבי עוסק געווען בלימודו. דער רבי האט געדאוונט מעריב ביים זמן ר"ת ארום 9:40.
נאך מעריב האבן די פילע געסט שלום גענומען.

פרייטאג ערש"ק פרשת פנחס

אינדערפרי איז דער רבי אריינגעקומען צו תפילת שחרית אינעם ארטיגן ביהמ"ד דקהל יראים - בית אלימלך ארום 8:45.
בעל תפילה: הרה"ח ר' יושע שלמה פעקעטע הי"ו.
נאכן דאווענען האט דער רבי אהיים שפאצירט לביתו נאוה קודש, אויפן וועג האט זיך פארמירט א שמועס איבער זכרונות פון רביה"ק בעל דברי יואל זיע"א אין שעראן ספרינגס.

▫️ סאטמאר'ע נייעס 🌴 ▫️

מאנטאג פרשת פנחס 'בצל הקודש' פון כ''ק רבינו הגה''ק שליט''א. בעטלהעם, ניו העמפשיר.

אינדערפרי איז דער רבי אריינגעקומען צו תפילת שחרית אינעם ארטיגן ביהמ"ד דקהל יראים - בית אלימלך ארום 8:40.

בעל תפילה: הרה"ח ר' נחמן דוב העללער הי"ו (וומסב"ג). בעל קורא: ר' יוסף בר"א סימאן הי"ו (קר"י). כהן: הרה"ח ר' זושא ווייס הי"ו (וומסב"ג). לוי: הרה"ח ר' נחמן דוב העללער הי"ו. שלישי: רבינו שליט"א, עס איז געקויפט געווארן דורך הרה"ח ר' בערל קאצנער הי"ו (ב"פ). און דער רבי האט זיך באדאנקט. הגבה: הגה"צ ר' יוסף מענדל פאנעט שליט"א - אדמו"ר ממעגלי צדק דעעש ב"פ. גלילה: הרה"ח ר' מרדכי שבתי שימאן הי"ו (וומ"ס).
נאכן דאווענען האט דער רבי אהיים שפאצירט לביתו נאוה קודש, אויפן וועג האט זיך פארמירט א שיינע שמועס בדברי תורה.

דער רבי איז אריין געקומען צו תפילת מנחה ארום 9:00.
בעל תפילה: הר"ר אברהם הערש זאלדאן שליט"א (קר"י).

צווישן מנחה און מעריב האט דער רבי עוסק געווען בלימודו.
דער רבי האט געדאוונט מעריב ביים זמן ר"ת ארום 9:40.

דינסטאג פרשת פנחס

אינדערפרי איז דער רבי אריינגעקומען צו תפילת שחרית ארום 8:40.

בעל תפילה: הרה"ח ר' נחמן דוב העללער הי"ו.
נאכן דאווענען האט זיך פארמירט א שיינע שמועס מיטן לאנגיעריגן חברותא הגה"צ אב"ד ראשית חכמה שליט"א, דערנאך האט דער רבי אהיים שפאצירט לביתו נאוה קודש, אויפן וועג האט זיך פארמירט א שמועס איבער די נעכטיגע בחינה דורך חבורת תורתך שעשועי ווי קרוב צו פינעף טויזענט אנ"ש איבער דער גארער וועלט האבן געמאכט די ערשטע בחינה פונעם צווייטן מחזור.

דער רבי איז אריין געקומען צו תפילת מנחה ארום 9:05.
בעל תפילה: ר' שלמה מנשה ברמ"ד היילברוין הי"ו (קר"י).

צווישן מנחה און מעריב האט דער רבי עוסק געווען בלימודו.
דער רבי האט געדאוונט מעריב ביים זמן ר"ת ארום 9:40.
בעל תפילה: הר"ר חיים אלישע שטערן שליט"א - רב דקהל חסידים בעיסוואטער.

נאך מעריב איז געקומען אויף א באזוך בביתו נאוה קודש הגה"צ רבי יעקב ראטטענבערג שליט"א - אבד"ק סאלקא מאנסי, וועלכע געפינט זיך אין די יעצטיגע טעג אויף אפרוה אין די דערנעבנדיגע PMR רעזארט. עס האט זיך פארצויגן א שיינע שמועס בסיפורי צדיקים לבית זידיטשוב, דער רבי האט מכבד געווען מיט לחיים און מאציל געווען מברכת קדשו.

▫️ סאטמאר'ע נייעס 🌴 ▫️

זונטאג פרשת פנחס - שבעה עשר בתמוז - 'בצל הקודש' פון כ''ק רבינו הגה''ק שליט''א

פארן דאווענען איז פארגעקומען די ברית לבן הנולד אצל ר' יואל ברא"י פרנס הי"ו ווי דער רבי איז געווען סנדק, נאכן ברית האט זיך פארמירט א שיינע שמועס מיטן זיידן הגאון רבי מענדל זילבער שליט''א אב''ד פריימאן, בענינו של יום שבעה עשר בתמוז און דער רבי האט אים מאציל געווען מברכת קדשו.

דער רבי האט געדאווענט שחרית אין ישיבה גדולה סניף קדושת יואל.
פארן דאווענען האט דער רבי געלייגט תפילין פארן בר מצוה בחור ב"ר חיים וואלף שפילמאן הי"ו.
ביים ליינען האט דער רבי עולה געווען שלישי.

נאכן דאווענען האט דער רבי פארגעלערנט א סוגיא שיעור בשיעורי הישיבה אין מסכת שבת פרק כלל גדול דף סט. אין די סוגיא פון 'העלם שבת והעלם מלאכות' און דערביי איבערגעלאזט א קשיא משולב פון דריי חלקים אין די סוגיא כנהוג איידערן אוועקפארן אויף מנוחת הנפש. דערנאך האט מען ארויסבאגלייט רבינו שליט"א בשירה וזמרה לרגל דאס אפרייזן אויף מנוחת הנפש.

אין די פארמיטאג שעות איז דער רבי געווען אויף זיין וועכענטליכע באזוך אינעם בית השחיטה המהודרת.

ארום 5:15 האט דער רבי געדאווענט מנחה בביתו נאוה קודש, בעל תפילה: משב"ק הרה"ח ר' שלמה זלמן שטיין הי"ו.
פתיחה: הרה"ח ר' בערל שטיין הי"ו.
כהן: משב"ק הרה"ח ר' שמואל הכהן פריעדמאן הי"ו.
לוי: הרה"ח ר' שמחה ישראל אפפעל הי"ו.
שלישי - מפטיר: רבינו שליט"א.
הגבה: הגה"צ רב דביהמ"ד בית ברוך שליט"א.
גלילה: הרה"ח ר' יואל וויינבערגער הי"ו.
נאך מנחה איז דער גאנצער ציבור אריבער זיך געזעגענען פון רבינו שליט"א.

ארום 6:00 אזייגער האט דער רבי פארלאזט ביתו נאוה קודש און געפארן צום סטוארט לופטפעלד וואו דער רבי איז אויפגעשטיגן אויפן פריוואטער פליגער, דער פליגער האט זיך געהויבן ארום 6:59 אויפן וועג למקום הנופש אין ניו העמפשיר וואו דער רבי וועט וויילן די קומענדיגע פיר וואכן אויף אפרוה.

ארום 7:56 פארנאכטס האט דער פליגער געלאנדעט אינעם ארטיגן מאונט וואשינגטאן רידזשענעל לופטפעלד אין ווייטפיעלד ניו העמפשיר, און דער רבי איז צוגעפארן א וועג פון ארום פופצן מינוט צו ביתו נאוה קודש אין בעטלעהעם ניו העמפשיר.

דער רבי איז אריינגעקומען צו תפילת מעריב אין ביהמ"ד דקהל יראים - בית אלימלך ארום 9:25, און דער ציבור איז אריבער שלום נעמען. דער רבי האט געדאווענט מעריב ביים זמן ר"ת אום 9:41. בעל תפילה: הבה"ח מרדכי ב"ר יושע יאקאב הי"ו (קר"י).
נאך מעריב איז דער רבי אהיים געפארן לביתו נאוה קודש.

▫️ סאטמאר'ע נייעס 🌴 ▫️

שבת קודש פרשת בלק 'בצל הקודש' פון כ''ק רבינו הגה''ק שליט''א

פרייטאג צו נאכטס ארום 9:05 איז דער רבי אריינגעקומען אין ביהמ"ד מעוטף בטליתו און איז צוגעגאנגן צו מנחה. קבלת שבת: הרה"ח ר' יעקב יוסף פילאפף הי"ו. מען האט געענדיגט דאווענען ארום 10:40. נאכן דאווענען איז פארגעקומען אן אפיעל פאר כוללינו 'מבצר הלומדים' אין וומסב"ג. דער ציבור אריבער זאגן גוט שבת און דער רבי איז אריין לחדרו הפרטי.

ארום 11:05 איז דער רבי אריינגעקומען צום שלחן הטהור בהיכל השלחנות אינאיינעם מיט די תלמידי המתיבתא און אהנגעהויבן שלום עליכם ברגש ובנעימה.

אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א. הגבהת הכוס: הרב יוסף נפתלי לייפער שליט"א (בית שמש).

מיט די זמירות האט דער רבי מכבד געווען, כל מקדש: הרב יוסף נפתלי לייפער שליט"א. מנוחה ושמחה: הרה"ח ר' ליפא פריעדמאן הי"ו (וומסב"ג).
רבינו שליט"א האט געזאגט תורה אויפן פסוק ויגר מואב מאוד כי רב הוא און עס אויסגעטייטשט בדרך דרוש אין די סוגיא צו מען זאגט בל ייחל דברו ביי א גוי.
קה אכסוף: הרה"ח ר' יעקב יאזשעף הי"ו (בני ברק). ברכת המזון: הגה"צ רבי אברהם עקשטיין שליט"א - גאב"ד בוענאס איירעס (וומסב"ג).

עובדות וסיפורים די וואך האט דער רבי דערציילט פון זקינו הגה"ק רבי משה דוד אשכנזי זצ"ל מטאלטשאווע וואס די יארצייט געפאלט דעם מאנטאג י"ח תמוז. קה רבון עלם: הרב נחמן בראך שליט"א (בית שמש).

די פרישע חתנים זענען אריבער נעמען פירות, ווי אויך איז פארגעקומען די שלום זכר ביי ר' יואל בר"מ ווידער הי"ו. אז ביום השביעי: הרה"ח ר' מרדכי ווידער הי"ו (קרית טאהש). מען האט געענדיגט ארום 1:50.

וביום השבת

שבת אינדערפרי איז דער רבי אריינגעקומען אין ביהמ"ד ארום 9:45.
ברכות: הר"ר יואל בר"ב שטיין שליט"א (וומסב"ג). פסוקי דזמרה: הרה"ח ר' עקיבא הירש הי"ו (וומסב"ג).
דער רבי איז צוגעגאנגען צו תפילת שחרית.

- הוצאה והכנסה: הרה"ח ר' בערל פאלאטשעק הי"ו.
- פסוקי שמע ישראל: הרה"ג ר' יוסף הערש סופר שליט"א - מו"ץ.
- הולכת הס"ת לבימה: הר"ר יוסף הערש מיללער שליט"א (וומ"ס).
- כהן: הרה"ג ר' אהרן איזריעל שליט"א, ראה"כ ברך משה דקהלתינו הק' מאנסי.
- לוי: הרה"ח ר' יושע ארי' גראס הי"ו.
- שלישי: החתן מרדכי בהר"ר חיים אליעזר דאווידאוויטש שליט"א.
- רביעי: החתן אלימלך ב"ר אהרן זאב פאלאטשעק הי"ו.
- חמישי: החתן דוד ארי' ב"ר אשר יצחק ווידער הי"ו.
נאכן עולה זיין האט דער רבי קורא שם געווען לרגל הולדת הבת אצל: ר' אברהם שלמה איזראעל הי"ו.
- שביעי: החתן אברהם צבי ב"ר שמואל לאנדא הי"ו.
- אחרון: ר' שלום עמרם צוויבל הי"ו, און דער רבי האט קורא שם געווען לרגל הולדת בתו למז''ט.
- מפטיר: הרה"ח ר' דוד עקשטיין הי"ו.
- הגבה: הרה"ח ר' וואלף בר"מ לאנדא הי"ו.
- גלילה: הב' אלעזר בהרה"צ רבי חיים מאיר טווערסקי שליט"א בן כ"ק אדמו"ר מסקווירא שליט"א.
-
צו תפילת מוסף איז דער רבי צוגעגאנגען לרגל די יארצייט פון אמה של מלכות הרבנית הצדיקת ע"ה וואס געפאלט דעם קומענדיגן שב"ק כ"ג תמוז. פתיחה צו אנעים זמירות: הרה"ח ר' שלום יוסף הערשקאוויטש הי"ו (וומסב"ג). מען האט געענדיגט ארום 12:25.

רעוא דרעווין

צו מנחה ושל"ש איז דער רבי אריינגעקומען ארום 9:05.
מנחה: הרה"ח ר' חנני' שמואל ווערצבערגער הי"ו.
- הוצאה והכנסה: הרה"ח ר' מרדכי בער מאשקאוויטש הי"ו.
- כהן: הרה"ח ר' מענדל מאיר גליק הי"ו (וומסב"ג).
- לוי: הרה"ח ר' יעקב יאזשעף הי"ו.
- שלישי: הגה"צ רב דביהמ"ד בית ברוך שליט"א.
דער רבי איז געגאנגען הגבה.
גלילה: הרה"ח ר' אברהם גוטמאן הי"ו (וומסב"ג).

זמירות ביי של"ס האט דער רבי מכבד געווען, אודה: הרה"ח ר' נח גפן הי"ו. שיר המעלות: הרה"ח ר' שמחה יאזשעף הי"ו (לאנדאן).
דער רבי האט זיך געשטעלט אויפן פסוק 'כי מראש צורים אראנו ומגבעות אשורנו' און ארויסגעברענגט אז תשובה ניצט נאר ביי כלל ישראל וויבאלד מען שטאמט פון יעקב אבינו וואס איז מידת האמת, משא"כ די אומה"ע וואס זענען דבוק במידת השקר ניצט נישט קיין תשובה וויבאלד א שקרן קען נישט זיין במחיצת הקב"ה, און דאס איז געווען די סיבה פון חורבן ביהמ"ק וויבאלד כלל ישראל איז נישט נזהר געווען במידת האמת האט הקב"ה נישט מקבל געווען זייער תשובה אויף די הארבע עבירות,
דער רבי האט ממשיך געווען מיט דברי מוסר זאגענדיג אז מען טרעט יעצט אריין אין די ימי בין המצרים דארף מען זיכער מאכן זיך צו מחזק זיין נאר דבוק זיין אין מידת האמת און זיך מרחק זיין פונעם מידת השקר, און אין דעם זכות וועט מען זוכה זיין אז והימים האלו יתהפכו לששון ולשמחה בביאת גואל צדק בב"א.

ידיד נפש: הרה"ח ר' שלמה משה קלאגסברוין הי"ו. קל מסתתר: הרה"ח ר' מענדל עקשטיין הי"ו. דער רבי האט געבענטשט על הכוס. הגבהת הכוס: הגה"צ רב דביהמ"ד בית ברוך שליט"א.
דערנאך האט דער רבי געזאגט שבע ברכות.
צו מעריב איז דער רבי צוגעגאנגען לרגל די יארצייט פון אמה של מלכות הרבנית הצדיקת ע"ה וואס געפאלט דעם קומענדיגן שב"ק כ"ג תמוז.

נאך הבדלה איז דער ציבור אריבער זאגן א גוטע וואך, און מען האט ארויסבאגלייט בשירה וזמרה לרגל דאס אפרייזן היינט זונטאג אויף מנוחת הנפש קיין בעטלעהעם ניו העמפשיר.
מען האט געענדיגט ארום 11:30.

נאך הבדלה האט דער רבי מנחם אבל געווען משפחת הרה"ח ר' אהרן דוד ברא"י רובינשטיין ע"ה.

בביתו נאוה קודש זענען אריין בקו"פ תשובי שכונת זרע קודש אינאיינעם מיט הרה"ג ר' יואל אפענהיים שליט"א דומ"ץ ביהמ"ד דקהלתינו הק' און חברי וועד הרחבת גבולי העיר ווי מען האט אויסגעשמועסט און איבערגעגאנגען די פלענער צו צובויען און פארברייטערן דאס יעצטיגע ביהמ"ד אין די שכונה, דער רבי האט אויסגעפרעגט אלע פרטים און מאציל געווען מברכת קדשו.

ארום 1:15 איז דער רבי אריבערגעגאנגן אויף א קביעות מזוזה אין ביהמ"ד החדש 'דברי שמחה ציעשנוב' בראשות הגה"צ רבי שלמה רובין שליט"א,
דער רבי האט קובע געווען א מזוזה אויפן שער הביהמ"ד און זיך אומגעקוקט אויפן ביהמ"ד, דערנאך איז פארגעקומען א מסיבת לחיים בהיכל הביהמ"ד,
עס האט אויפגעטרעטן הגה"צ רב הביהמ"ד שליט"א, און דערמאנט ווען ער האט זיך אריבערגעצויגן קיין קרית יואל מיט 28 יאר צוריק ווי דער פעטער זאל זיין געזונט מרן רבינו שליט"א איז אים געשטאנען צו די האנט און ארויסגעהאלפן אזוי געטריי, און דאס האלט נאךמאז ועד עתה ועד היום הזה. דער רבי האט געטרינקן לחיים און ווארעם אנגעוואונטשן פאר הגה"צ רב הביהמ"ד שליט"א און פאר אלע מתפללי הביהמ"ד, דערנאך האט דער רבי משמיע געווען ברכת הקודש און ארויסגעברענגט די שיינקייט פון דעם ביהמ"ד מיט אירע פילע מתפללים און לומדים און ווארעם אנגעוואונטשן פארן רב שליט"א ער זאל ווייטער קענען מלהיב זיין לבבות ישראל עד ביאת הגואל, מען האט געענדיגט ארום 1:30.

▫️ סאטמאר'ע נייעס 🌴 ▫️

דאנארשטאג פרשת בלק 'בצל הקודש' פון כ''ק רבינו הגה''ק שליט''א

פארן דאווענען איז פארגעקומען א ברית לבן הנולד אצל ר' יואל ב"ר שמעון הערשקאוויטש הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה גדולה סניף ברך משה. פארן דאווענען האט דער רבי תפילין געלייגט פאר די בר מצוה בחורים:
- ב"ר יואל ווייסמאן הי"ו.
- ב"ר נתן יואל שווארטץ הי"ו.
- ב"ר נפתלי הירצקא בר"ש פריעדמאן הי"ו.
ביים ליינען איז דער רבי געגאנגען הגבה.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ו פסוק י"ב. דערנאך איז פארגעקומען א לחיים מיט די בר מצוה בחורים בחדרו הפרטי.

אין די פארמיטאג שעות זענען אריין בקו"פ בביתו נאוה קודש די ילדי ת"ת בית אברהם פון לעיקוואד, דער רבי האט פארהערט די לימודים און די קינדער זענען אריבער מקבל זיין ברכת הקודש.

פארנאכטס האט דער רבי מסדר קידושין געווען ביי די חופה פון די מחותנים:
- הרה"ח ר' אהרן ברא"ש שווארטץ הי"ו און הרה"ח ר' יואל בר"א קויפמאן הי"ו אין די זאלן פון כינור דוד.
- הרה"ח ר' משולם שמעי' פריעדמאן הי"ו און הרה"ח ר' ליפא ראזענפעלד הי"ו אין די זאלן פון בית רחל פאראדייס.
- הרה"ח ר' אברהם יעקב מינקאף הי"ו און הרה"ח ר' יצחק לייב ווייס הי"ו אין די זאלן פון גינת קליין.

זמני כניסה איז געווען פון 7:50 ביז 1:00 אזייגער אויפדערנאכט בביתו נאוה קודש אויף איהעל קט. דער רבי האט געדאווענט מנחה ארום 9:15, און מעריב ארום 12:55 בביתו נאוה קודש.

פרייטאג ערש"ק פרשת בלק

דער רבי האט געדאווענט שחרית אין ת"ת 'בנין קליין' אינאיינעם מיט די תלמידי כתות ו' ז' ח' סניף הר"ר שלמה נח היילברוין שליט"א.

ביים אנקומען איז דער רבי קודם אריין בהיכל הביהמ"ד און זיך אומגעקוקט אויף די לימודים.
פארן דאווענען האט דער רבי געלייגט תפילין פאר'ן בר מצוה בחור ב"ר שמואל עוזר ווייס הי"ו.

נאכן דאווענען איז פארגעקומען א מסיבת לחיים בהיכל הביהמ"ד, ווי מ'האט געזינגען עטליכע ניגונים און חרוזים לכבוד המאורע, דער רבי האט געטרינקן לחיים און אנגעוואונטשן פאר'ן בר מצוה בחור און פאר אלע מלמדים און קינדער, דערנאך האט דער רבי משמיע געווען דב"ק און ארויסגעברענגט די חשיבות פון די אינגע יארן וואס אין די יארן דארף מען זיך אויסלערנען צו לערנען גמרא מיט רש"י און צו דאווענען מיט כוונה, און דער רבי האט מסיים געווען בברכת קדשו.

נאך שחרית איז דער רבי אריבער אין ביהמ"ד הגדול ווי עס איז פארגעקומען א ברית לבן הנולד אצל ר' יחזקאל שרגא הירש הי"ו ווי דער רבי איז געווען סנדק ומוהל, נאכן ברית איז פארגעקומען א מסיבת לחיים בהיכל הביהמ"ד.

▫️ סאטמאר'ע נייעס 🌴 ▫️