סאטמארע נייעס

מיטוואך פרשת ויחי 'בצל הקודש' פון כ''ק רבינו הגה''ק שליט''א

פארן דאווענען איז פארגעקומען א ברית לבן הנולד אצל ר' יושע ראטה הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף ויואל משה. פארן דאווענען האט דער רבי געלייגט תפילין פאר די בר מצוה בחורים.
- ב"ר אליעזר זאלצער הי"ו.
- ב"ר רפאל בנימין שישא הי"ו.
- ב"ר שלמה נתן נטע שמואל מארקאוויטש הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ח פסוק י'. דערנאך איז פארגעקומען א לחיים מיט די בר מצוה בחורים בחדרו הפרטי.

שמחת החתונה פון נכד רבינו החתן הרב יצחק אייזיק טייטלבוים שליט"א בן הגה"צ רב דביהמ"ד בית ברוך שליט"א, עב"ג הכלה בת הגה"צ ר' ישראל אברהם אלטר טויב שליט"א אבד"ק תולדות נפתלי קאלוב ב"פ

ארום 5:00 איז רבינו שליט"א אריינגעקומען אין ביהמ"ד הגדול צד דרום ווי דער רבי האט געדאווענט מנחה,  בעל תפילה: הרה"ח ר' אברהם משה לעבאוויטש הי"ו, נאך מנחה איז דער גאנצער ציבור זקנים עם נערים אריבער לברך ולהתברך ביי רבינו שליט"א ביום החופה.

ארום 5:45 איז רבינו שליט"א אריינגעקומען צום מעמד קבלת פנים בהיכל ביהמ"ד הגדול. במשך דעם קבלת פנים האט מען געזינגען ניגוני התעוררות, און האברך ר' שמעון ברמ"ד עסטרייכער הי"ו האט אויפגעטרעטן בדברי כיבושין אויסגערעכענענדיג דערביי דעם גרויסן יחוס פון חתן וכלה און די הייליגע זיידעס וואס קומען אראפ זיך מיטפרייען ביי די שמחה.
ביים קבלת פנים האט זיך אויך משתתף געווען געווען כ''ק אדמו''ר מוויזניץ מאנסי שליט''א.
דער רבי האט געטרינקן לחיים און אנגעוואונטשן פארן חתן, מחותנים, זיידעס, און פארן גאנצן ציבור, און משמיע געווען דברות קודש און מעורר געווען זכות אבות, און צום סיום מאציל געווען רב ברכות פאר די מחותנים און פארן גאנצן ציבור.
ביים קבלת פנים האט דער רבי תורם געווען צדקה אין די פושקע פון אחיו הגה"צ רב דקהלתינו ב''פ 15 שליט"א לטובת כולל עצי חיים לצדקת רבי מאיר בעל הנס.
מען האט מסדר געווען די כתובה, עדי כתובה: הרה"ח ר' יואל בערנאטה הי"ו און הרה"ח ר' שלמה בירמאן הי"ו (מאנסי). דערנאך איז מען געגאנגען צום באדעקן אין די זאלן פון קרן ויואל משה.

ביי די חופה האט רבינו שליט''א מסדר קידושין געווען.
- קריאת הכתיבה: עלטער פעטער פון חתן האדמו"ר מסוליצא שליט"א.
- ברכות ראשונות: זיידע פון די כלה הגה"צ ר' נחום מאיר גערמאן שליט"א ר"י באבוב.
- ברכה אחריתא: פעטער פון די כלה כ"ק אדמו"ר מוויזניץ מאנטרעאל שליט"א.
- עדי קידושין: הרה"ג ר' יצחק אייזיק פוקס שליט"א מו"ץ, און הרה"ג ר' אפרים פישל בערקאוויטש שליט"א מו"ץ.
ביי די חופה האט זיך משתתף געווען דער עלטער פעטער כ"ק אדמו"ר מסקווירא שליט"א.
נאך די חופה האט רבינו שליט"א געוואונטשן ברכות הקודש פארן גאנצן ציבור, און זיך ארויסגעלאזט אין א מחול לצדיקים מיט די זיידעס ומחותנים.

נאך די חופה האט דער רבי געדאווענט מעריב אין ביהמ"ד הגדול צד דרום. בעל תפילה: הרה"ח ר' אהרן צבי וועבער הי"ו.

ארום 8:10 איז דער רבי איז אריינגעקומען צו די סעודת החתונה, דער רבי האט געטאנצען עטליכע מינוט אויפן פלאץ און דערנאך זיך געוואשן צו די סעודה, נאך די פיש האט דער רבי געטרינקן לחיים און געוואונטשן לכל העם הנאספים.

ארום 9:00 איז דער חתן אריינגעקומען און דער רבי האט געטאנצן מיטן חתן א לענגערע צייט, און מכבד געווען די זיידעס און די מחותנים הרבנים הגאונים שליט"א און האדמו''ר מוויזניץ מאנטרעאל שליט''א צו טאנצן מיטן חתן, דערנאך האט דער רבי געטאנצן מיטן חתן אינאיינעם מיט בנו הגה"צ המחותן שליט"א און עקסטער מיט בנו הגה"צ שליט"א און ממשיך געווען אין א ריקוד מיטן גאנצן אויבנאן. דערנאך איז דער גאנצער ציבור אריבער וואונטשן מזל טוב פאר רבינו שליט"א. דער רבי האט פארלאזט דאס ביהמ"ד ארום 9:30, און אהיים לביתו נאוה קודש.

ארום 11:20 איז רבינו שליט''א אריינגעקומען אין ביהמ"ד צו ברכת המזון ומצוה טאנץ.
- ברכת המזון: דער זיידע הגה"צ אבד"ק בערטש שליט"א.
- ברכות ראשונות: הגה"צ רב דקהלתינו ב''פ 15 שליט"א.
- ברכה אחריתא: הגה"צ ר' יצחק מעכיל מאסקאוויטש שליט"א אדמו"ר משאץ מאנסי.

בדחנא דמלכא הרה"ח ר' מרדכי דוד עסטרייכער הי"ו האט אויסגערופן רבינו שליט"א צו די ריקודין לפני הכלה מיט ווארעמע חרוזים און מעורר געווען זכות אבות הק', מען האט ממשיך געווען מיט ניגוני התעורורות, דער רבי האט געטרינקן לחיים און אנגעוואונטשן פארן חתן, מחותנים, זיידעס, וכל העם הנאספים, און דערנאך אפגעראכטן די ריקודי קודש לפני הכלה בהתלהבות אש קודש א לענגערע צייט, און דערנאך געטאנצן מיטן חתן, מיט בנו הגה"צ רב דביהמ"ד בית ברוך שליט"א ובני משפחתו, און מיט די גאנצע משפחת המלוכה נכדי רביה"ק בעל ברך משה זיע''א.

צום סוף האט זיך דער רבי ארויסגעלאזט אין א פייערליכען טאנץ מיט אחיו הגה"צ דקהלתינו ב''פ 15 שליט"א.

דערנאך האט מען אויסגערופן צו מצוה טאנץ די זיידעס הגה"צ ר"י באבוב שליט"א און הגה"צ אבד"ק בערטש שליט"א, דעם אבי החתן, און דערביי האט דער רבי געטאנצן א לענגערע צייט מיט בנו הגה"צ שליט"א. פארן מצוה טאנץ פונעם אבי הכלה הגה''צ אבד''ק קאלוב ב''פ שליט''א האט דער רבי מכבד געווען חדב"ן הגה"צ רב דביהמ"ד אבני צדק שליט"א צו פארזינגען דעם זמר פון סאל-א-קאקאש פון הרה"ק רבי אייזיקל קאלובער זיע''א און דער ציבור האט ממשיך געווען מיטן זמר 'גלות גלות'.

דערנאך האט מען געזאגט דברי בדחנות און מ'האט אויסגערופן חתן וכלה, דער רבי האט געטאנצן אין א רינג ארום די חתן כלה און דערנאך געטאנצן מיטן חתן, אויפן וועג ארויס האט דער רבי אנגעוואונטשן פאר די חתן כלה כנהוג דער רבי האט פארלאזט דאס ביהמ"ד אום 2:15.

דינסטאג פרשת ויחי 'בצל הקודש' פון כ''ק רבינו הגה''ק שליט''א

פארן דאווענען איז פארגעקומען א ברית לבן הנולד אצל ר' יחיאל רובין הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף קדושת יואל. פארן דאווענען האט דער רבי געלייגט תפילין פארן בר מצוה בחור בן הרה"ג ר' קלמן האלבערשטאם שליט"א, מנהל הישיבה.
ביים ליינען איז דער רבי געגאנגען הגבה.

נאך שחרית ארום 12:40 איז דער רבי אנגעקומען צום ציון פון רבותינו הק' לרגל די שמחת החתונה פון נכדו החתן בן הגה"צ רב דביהמ"ד בית ברוך שליט"א וואס קומט פאר אין ביהמ"ד הגדול אין קר"י.
ביים אריינקומען אין אהל האט דער רבי געצינדען לעכט ביי די ציונים פון רבותיה"ק בעל דברי יואל בעל ברך משה זיע"א און ביים ציון פון אמו הרבנית ע"ה.
דערנאך האט דער רבי געזאגט די תפילה המיוחס צום הייליגן ישמח משה זיע"א און פארגעזאגט די קאפיטלעך פון ספר רביעי כנהוג און געזאגט קדיש, און דערנאך געליינט קוויטלעך א לענגערע צייט ווען בשעת מעשה האט מען געזינגען ניגוני התעורורות. און דער רבי האט זיך משתטח געווען אויף די ציונים פון רבותינו הק' און פון אמו הרבנית ע"ה. מען האט געענדיגט ארום 1:15.

ארום 5:00 אזייגער האט דער רבי געדאווענט מנחה בביתו נאוה קודש אויף צאנז קט.
בעל תפילה: הר"ר יואל וויינבערגער שליט"א.
פתיחה: הר"ר אנטשיל ווייס שליט"א.
בעל קורא: משב"ק הרה"ח ר' שלמה זלמן שטיין הי"ו.
כהן: משב"ק הרה"ח ר' שמואל הכהן פריעדמאן הי"ו.
לוי: הרה"ח ר' שמחה ישראל אפפעל הי"ו.
מפטיר: רבינו שליט"א.
הגבה: הרה"ג ר' יואל יצחק שטערן שליט"א, דומ"ץ ביהמ"ד דינוב קר"י.
גלילה: הב' משה ב"ר אהרן יוסף בערגער הי"ו.

ביים זמן ר"ת ארום 5:50 האט דער רבי געדאווענט מעריב.

אום 7:00 איז דער רבי אריינגעפארן קיין וומסב"ג צו די וועכענטליכע זמני כניסה. ביים אנקומען קיין וומסב"ג איז דער רבי ארויף אויף א מסיבת לחיים אין שטוב פון הרבני הנגיד ר' שלמה זלמן פעדער הי"ו לרגל זיינע פילע לייסטונגן און גיגאנטישע נדבות למוסדות רבינו די בכל אתר ואתר, ובפרט זיין גרויסע נדבה לטובת דעם גמר המקח פאר א שטח רחבה צו בויען א נייע ביהמ"ד מפואר דקהלתינו הק' בשכונת זרע קודש אין קרית יואל המורחבת.
עס האט זיך פארמירט א שיינער שמועס און דער רבי האט געטרינקן לחיים און ווארעם אנגעוואונטשן פאר ר' שלמה הי"ו ומשפחתו און פאר זיין חשובן שווער הרה"ג ר' חיים לייב לעבאוויטש שליט"א און פאר די אנדערע נדבנים ואישי הציבור הרבני הנגיד ר' יואל ברא"ש שווארטץ הי"ו און הרבני הנגיד ר' יחזקאל בר"א בראך הי"ו און פארן גאנצן ציבור.
דערנאך האט דער רבי געגעבן א מתנה פאר ר' שלמה הי"ו א לעדערנע ספר לב אהרן, מען האט געענדיגט ארום 9:00 אזייגער.

זמני כניסה בקו''פ איז געווען פון 9:15 ביז 1:00 אזייגער אויפדערנאכט בביתו נאוה קודש אויף היוז סט.

בעת די זמני כניסה איז פארגעקומען א התחלת כתיבת ספר תורה דורך מתפללי ביהמ"ד תפילה למשה דקהלתינו הק' ב"פ, דער רבי האט אריינגעשריבן די ערשטע אותיות און געטרינקן לחיים, עס האט זיך פארצויגן א שיינער שמועס מיט הרה"ג ר' הערש אלימלך טייטלבוים שליט"א רב הביהמ"ד, און דער רבי האט מאציל געווען מברכת קדשו פאר אלע מתפללי ביהמ"ד.

אויך איז פארגעקומען די שמחת החאלאקע פון נכד רבינו הילד יצחק טובי' רובין ני"ו בן הרב שלום יחזקאל שרגא רובין שליט"א חתן הגה"צ רב דביהמ"ד ישראל שלום שליט"א. דער רבי האט אפגעשניטן עטליכע האר און אנגעטוהן דאס קאפל און די ציצית, דערנאך האט דער רבי געטרינקן לחיים און מאציל געווען מברכת קדשו.

אויך זענען אריין בקודש פנימה הרה"ג ר' יחזקאל דוד זינגער שליט"א אינאיינעם מיט אביו הגה"צ רבי שמואל צבי שליט"א מאלכסנדר און חמיו הגה"צ רבי יקותיאל טייטלבוים שליט"א מאיהעל מקבל זיין ברכת הקודש לרגל די שמחת קישור החיתון פון בתו הכלה, עב"ג החתן נכד רבינו בן חדב"ן הגה"צ רב דביהמ"ד אהל פיגא שליט"א, עס האט זיך פארצויגן א שיינער שמועס איבער דעם גרויסן יחוס פונעם שידוך און דער רבי האט מאציל געווען מברכת קדשו פאר די חשוב'ע זיידעס, פארן מחותן, און פאר די כלה און די גאנצע משפחה.

נאך די זמני כניסה ארום 1:10 איז דער רבי אנגעקומען צום שמחת הווארט ומסיבת לחיים בבית המחותן לרגל די שמחת קישור החיתון פון נכדו החתן הרב חיים הערש רוקח שליט"א בן חדב"ן הגה"צ רב דביהמ"ד בית חיים יעקב שליט"א, עב''ג הכלה בת הרה''ג רבי יוסף יעקב שרגא פייוול זינגער שליט"א, רב דביהמ"ד תפארת שמואל אלכסנדר וומסב"ג, בן הגה"צ אבד"ק ור"מ אלכסנדר שליט"א, חתן הגה"צ רבי יקותיאל טייטלבוים שליט"א מאיהעל, עס האט זיך פארצויגן א שיינער שמועס איבער דעם גרויסן יחוס פון חתן וכלה.
מען האט מקבל קנין געווען און דער רבי האט געטרינקן לחיים און מאציל געווען מברכת קדשו פארן חתן און מחותנים, פאר די חשוב'ע זיידעס, און פאר די גאנצע משפחה, אויפן וועג ארויס האט דער רבי אנגעוואונטשן פאר די כלה.
ארום 1:30 איז דער רבי אהיימגעפארן לביתו נאוה קודש אין קרית יואל.

▫️ סאטמארע נייעס 🌴 ▫️