Satmara Niyes

פרייטאג ערש''ק בשלח 'בצל הקודש' פון כ''ק רבינו הגה''ק שליט''א

אינדערפרי איז דער רבי אריבער אין די המספיק זאל ווי עס איז פארגעקומען א ברית לבן הנולד אצל ר' מאיר אלי' ווערטהיימער הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. פארן דאווענען איז פארגעקומען א ברית לבן הנולד אצל ר' מרדכי יודא בר"י פריעדמאן הי"ו ווי דער רבי איז געווען סנדק ומוהל.

דער רבי האט געלייגט תפילין פאר די בר מצוה בחורים.
- בן הרה"ג ר' וואלף אהרן טעללער שליט"א.
- בן הר"ר יונה גוטמאן שליט"א.
- ב"ר שמואל דוד שאלאמאן הי"ו.
- ב"ר יוסף חיים פאלאטשעק הי"ו.
- ב"ר יואל שטיינבערג הי"ו.
- ב"ר שלום יוסף סאמעט הי"ו.
- ב"ר מנשה זופניק הי"ו.
- ב"ר יואל וואלף שווארטץ הי"ו.
- ב"ר אברהם אלי' דרעזדנער הי"ו.
- ב"ר יושע יודא לעווי הי"ו.

נאכן דאווענען איז פארגעקומען א לחיים מיט די בר מצוה בחורים בהיכל הביהמ"ד.

▫️ סאטמארע נייעס 🌴 ▫️

דאנערשטאג בשלח 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ביהמ"ד אמרי נועם בשכונת דברי יואל אינאיינעם מיט תלמידי ישיבה גדולה עסק התורה מאנסי בהנהלת הרה''ג ר' ישראל מרדכי זיידענפעלד שליט"א.
פארן דאווענען האט דער רבי געלייגט תפילין פאר די בר מצוה בחורים.
- ב"ר יואל אברהם זאב אפפעל הי''ו.
- ב"ר דוד ווייס הי''ו.
- ב"ר יואל ברמ"ז פרידריך הי''ו.
- ב"ר יוסף שלמה מארקאוויטש הי''ו.
- ב"ר חיים מרדכי וויינגארטן הי''ו.
- ב"ר חיים צבי יחיאל לאנדא הי''ו.
ביים ליינען איז דער רבי געגאנגען הגבה.

נאכן דאווענען איז פארגעקומען א לחיים מיט די בר מצוה בחורים בהיכל הביהמ"ד.

ארום 5:30 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ג ר' יואל בר"ה פריעדמאן שליט"א און הר"ר ליפא ברי"י סאמעט שליט"א אין די זאלן פון כינור דוד.
- הרה"ח ר' משה מאיר דוב גליק הי"ו און הרה"ח ר' שלמה זלמן געלב הי"ו אין די זאלן פון בית רחל פאראדייס.
- הרה"ח ר' יוסף חביב באסול הי"ו און הרה"ח ר' אלי' מאיר סאלמה הי"ו אין די זאלן פון גינת קליין.

זמני כניסה בקו''פ איז געווען פון 8:00 ביז 12:30 אויפדערנאכט בביתו נאוה קודש אויף איהעל קט.

ארום 10:20 איז דער רבי אראפ אין די תנאים זאלן בביתו נאוה קודש ווי דער רבי האט געליינט די תנאים פון די מחותנים.
- הרה"ח ר' אברהם בר"ב פאלאטשעק הי"ו און הרה"ח ר' זלמן לייב שפילמאן הי"ו.
- הרה"ח ר' מאיר משה שפיטצער הי"ו און הרה"ח ר' יואל ברצ"ז בערגער הי"ו.

דער רבי האט געדאווענט מעריב ארום 11:40 און דערנאך ווייטער ממשיך געווען אויפצונעמען דעם ציבור.

שפעט ביינאכט נאך חצות הלילה ארום 12:40 איז דער רבי ארויף צום ציון פון רבותינו הק' לרגל די שמחת החתונה פון הכלה נכדתו דור רביעי בת לנכדו הר''ר חיים הערש טייטלבוים שליט''א בן הגה''צ אבד''ק וומסב''ג שליט''א, וועלכע קומט פאר דעם קומענדיגן מאנטאג יתרו הבעל"ט.
ביים אנקומען אין בית החיים האט דער רבי געמאכט די ברכה, אריין אין אוהל געצינדען ליכט ביי די ציונים פון רבותיה"ק בעל דברי יואל ובעל ברך משה זיע''א און ביי די ציון פון אמו הרבנית ע"ה, און געזאגט די תפילה פונעם ישמח משה זיע''א און פארגעזאגט די קאפיטלעך פון ספר רביעי כנהוג און געזאגט קדיש, און דערנאך געליינט קוויטלעך בשעת מען האט געזינגען ניגוני התעורורות, און דערנאך זיך משתטח געווען אויף די ציונים פון רבותינו הק' און פון אמו הרבנית ע"ה. מען האט געענדיגט ארום 1:20.

▫️ סאטמארע נייעס 🌴 ▫️

מיטוואך בשלח 'בצל הקודש' פון כ''ק רבינו הגה''ק שליט''א

ארום 8:15 איז רבינו שליט"א אריינגעקומען צו תפילת שחרית אינעם ארטיגן ביהמ"ד. בעל תפילה: הרה"ח ר' שלמה גאלדשטיין הי"ו.

ארום 1:45 איז דער רבי אריינגעקומען צו תפילת מנחה אינעם ארטיגן ביהמ"ד.
נאך מנחה האבן זיך אנ''ש געזעגענט פון רבינו שליט"א, און דער רבי האט זיך באדאנקט פארן ארטיגן רב הביהמ"ד הרב שלמה אהרן דענעבוים שליט"א וואס האט צוגעשטעלט דעם ביהמ''ד און די מקוה פארן רבי'ן ולטובת אנשי שלומינו הבאים להסתופף בצל הקודש, און געשטאנען צו די הילף במשך די פארגאנגענע וואכן מיט אלע הצטרכות'ער.

ארום 2:40 האט דער רבי פארלאזט ביתו נאוה קודש אויפן וועג צום פאלם ספרינגס אינטערנעשענעל לופטפעלד, ווי דער פריוואטער פליגער האט זיך געהויבן ארום 3:30 אויפן וועג קיין ניו יארק.

ארום 10:40 האט די פליגער געלאנדעט אינעם טיטער-בארא עירפארט, דער רבי האט צום ערשט געדאווענט מעריב אין לופטפעלד, בעל תפילה: משב"ק הרה"ח ר' חיים שלמה פישער הי"ו.
נאך מעריב איז דער אנוועזנדער ציבור אריבער שלום נעמען, און דער רבי איז אהיימגעפארן לביתו נאוה קודש אין קר"י.

מאנטאג בשלח 'בצל הקודש' פון כ''ק רבינו הגה''ק שליט''א

ארום 8:15 איז רבינו שליט"א אריינגעקומען צו תפילת שחרית אינעם ארטיגן ביהמ"ד.
- בעל תפילה: הרה"ח ר' שלמה גאלדשטיין הי"ו.
- פתיחה: הרה"ח ר' משה בר"י פאלקאוויטש הי"ו (וומסב''ג).
- בעל קורא: הרה"ח ר' דוד עקשטיין הי"ו.
- כהן: הב' יואל משה ב"ר חיים ראובן שעהנברוין הי"ו (קר''י).
- לוי: הרה"ח ר' שלמה אליעזר גליקמאן הי"ו (ב"פ).
- שלישי: רבינו שליט"א.
- הגבה: הרה"ח ר' יוסף דוב ראזענפעלד הי"ו (קר''י).
- גלילה: הרה"ח ר' יעקב דוד קאסטן הי"ו.

נאכן דאווענען זענען די פילע געסט וועלכע האבן געוויילט אויף שבת בצל הקודש אריבער זיך געזעגענען.

פארנאכטס ארום 5:50 איז רבינו שליט"א אריינגעקומען צו תפילת מנחה. בעל תפילה: הרה"ח ר' שלמה גאלדשטיין הי"ו. צווישן מנחה און מעריב האט דער רבי עוסק געווען בלימודו, און ביים זמן ר"ת ארום 6:25 האט מען געדאווענט מעריב.

▫️ סאטמארע נייעס 🌴 ▫️

זונטאג בשלח 'בצל הקודש' פון כ''ק רבינו הגה''ק שליט''א בעיר הנופש פאלם ספרינגס קאליפארניע יצ"ו

ארום 8:45 איז רבינו שליט"א אריינגעקומען צו תפילת שחרית אינעם ארטיגן ביהמ"ד.
פארן דאווענען האט דער רבי באגריסט די תלמידי ת"ת כנסת יהושע פון קאסא גראנדא אריזאנע אינאיינעם מיט די רבני העיר קאסא גראנדא הגה"צ ר' מנשה רובין שליט"א אדמו"ר מדינוב, און הרה"ג ר' חיים שלמה בערגער שליט"א רב דקהל חסידים.
בעל תפילה: הרה"ח ר' שלמה גאלדשטיין הי"ו (וומסב''ג).

נאכן דאווענען איז פארגעקומען א מסיבת לחיים בהיכל הביהמ"ד אינאיינעם מיט די ילדי הת"ת, מען האט געזינגען עטליכע ניגונים און דער רבי האט געטרינקן לחיים און אנגעוואונטשן פאר די רבנים, ילדי הת"ת, און פארן גאנצן ציבור, און משמיע געווען דב"ק איבער די חשיבות פון לערנען תורה אויף א פלאץ ווי עס זענען דא ווייניג אידן און ארומגערעדט בשבח פון די חסידישע ישוב אין קאסא גראנדא און די חשובע רבנים און מסיים געווען בברכת קדשו.
דערנאך האט דער רבי פארטיילט שיריים פאר אלע קינדער.

פארנאכטס ארום 5:55 איז רבינו שליט"א אריינגעקומען צו תפילת מנחה. בעל תפילה: הרה"ח ר' שלמה גאלדשטיין הי"ו. צווישן מנחה און מעריב האט דער רבי עוסק געווען בלימודו, און ביים זמן ר"ת ארום 6:25 האט מען געדאווענט מעריב. נאך מעריב האט דער רבי געמאכט קידוש לבנה פארנט פון ביהמ"ד.

▫️ סאטמארע נייעס 🌴 ▫️

שב''ק פרשת בא - הילולא קדישא פון הגה"ק בעל עצי חיים זיע''א 'בצל הקודש' פון כ''ק רבינו הגה''ק שליט''א בעיר הנופש פאלם ספרינגס יצ"ו

אויף שב"ק האבן געוויילט בצל הקודש תלמידי ישיבה גדולה שיעור ד'.

ערש''ק נאכמיטאג פאר די שקיעה הנראית ארום 4:00 האט זיך דער רבי פורש געווען ממלאכה כמנהגו.

פרייטאג צונאכטס ארום 5:40 איז דער רבי אריינגעקומען אין ביהמ''ד זיך מתעטף געווען מיטן טלית און צוגעגאנגען צו מנחה.
במשך דעם שבת איז דער רבי צוגעגאנגען צו אלע תפילות און געזאגט די קדישים לרגל די הילולא קדישא, הבו לה' האט דער רבי געזאגט פסוק בפסוק כנהוג.
מען האט געענדיגט ארום 7:20, דער ציבור איז אריבער וואונטשן א גוט שבת.
אויפן וועג אהיים לביתו נאוה קודש האט זיך דער רבי אפגעשטעלט ביים שאטער אינעם חצר הביהמ"ד וואס איז אויפגעשטעלט געווארן דורך תלמידי ישיבה גדולה שיעור ד' ווי זיי האבן געגעסן די סעודות, דער רבי האט זיך אראפגעזעצט און די בחורים האבן געזינגען די זמירות און דער רבי האט זיך צוגעקוקט מיט א שטארקע קורת רוח, נאך א שטיק צייט האט דער רבי געוואונטשן א גוט שבת פאר אלע בחורים און אהיימשפאצירט לביתו נאוה קודש.

ארום 9:50 האט מען געעפענט די טיר בביתו נאוה קודש צו די זמירות ודברי תורה.
מיט די זמירות האט רבינו שליט''א מכבד געווען.
- כל מקדש: הרה"ג ר' יצחק יעקב ראזענפעלד שליט''א.
- מנוחה ושמחה: הר"ר יודא בער טעללער שליט"א (וומסב''ג).

דער רבי האט געזאגט תורה אויפן פסוק 'ושחטו אותו כל קהל עדת ישראל בין הערבים' און געטייטשט בדרך דרוש אין די סוגיא פון מצוות צריכות כוונה.

- קה אכסוף: הרה"ח ר' דוד עקשטיין הי"ו.
- ברכת המזון: נכד רבינו הרה"ג ר' חיים הערש אשכנזי שליט"א רב דביהמ''ד רב טוב.

עובדות וסיפורים די וואך האט רבינו שליט''א דערציילט פון הגה"ק העצי חיים זיע''א וואס די יארצייט איז געווען שב"ק ו' שבט.
- קה רבון עלם: הר"ר משה ברוך זילבער שליט"א (ב"פ).
- אז ביום השביעי: הרה"ג ר' ארי' דוב קארנבלי שליט''א.
מען האט געענדיגט ארום 11:15.

וביום השבת

שב''ק אינדערפרי איז דער רבי אריינגעקומען צום דאווענען ארום 9:30.
דער רבי איז צוגעגאנגען צום עמוד צו פסוקי דזמרה און שחרית, דער רבי האט געזאגט הלל הגדול און די שירה פסוק בפסוק, כנהוג.

- הוצאה והכנסה: הרה"ח ר' ירחמיאל ביטמאן הי"ו (קר"י).
- פסוקי שמע ישראל: הר"ר יודא בער טעללער שליט''א.
- בעל קורא: הרה"ח ר' דוד עקשטיין הי"ו.
עליות:
- כהן: הרה"ח ר' יואל בר"א ראזענבערג הי"ו (קר"י).
- לוי: הרה"ח ר' אלעזר גרובער הי"ו (קר"י).
- שלישי: הגה"צ אבד"ק היבנוב שליט"א.
- רביעי: הרה"ג ר' יצחק יעקב ראזענפעלד שליט''א.
- חמישי: הרה"ח ר' יצחק שווארטץ הי"ו (וומסב''ג).
- שישי: רבינו שליט''א - דעם רבינס עלי' איז געקויפט געווארן דורך הרה"ח ר' זושא ניישטאדט הי"ו, דער רבי האט זיך באדאנקט און געהייסן מאכן א מי שברך.
- שביעי: הרה"ג ר' ארי' דוב קארנבלי שליט''א.
- הוספות: הר"ר משה יוסף אשכנזי שליט''א (מאנסי).
- נכד רבינו הרה"ג ר' חיים הערש אשכנזי שליט''א.
- אחרון: הרה"ח ר' רפאל פערלמוטער הי"ו (מאנסי).
- מפטיר: הרה"ח ר' זושא ניישטאדט הי"ו.
- הגבה: הרה"ח ר' שמואל לייבוש וויינבערגער הי"ו (קר"י).
- גלילה: הרה"ח ר' דוד הערש מערץ הי"ו (וומסב''ג).

צו תפילת מוסף איז דער רבי צוגעגאנגען צום עמוד.
- פתיחה צו אנעים זמירות: הרה"ח ר' שלמה אליעזר גליקמאן הי"ו (ב"פ).
מען האט געענדיגט ארום 12:50.

רעוא דרעווין

דער רבי איז אריינגעקומען צו תפילת מנחה ארום 5:50. דער רבי איז צוגעגאנגען צום עמוד, נאך קדיש האט דער רבי געמאכט אן עטיפה אויפן טלית מיט א ברכה.
- הוצאה והכנסה: הר"ר משה ברוך זילבער שליט''א.
- כהן: הבה"ח יחיאל שלמה ב"ר משה חיים פריעדמאן הי"ו (קר"י).
- לוי: הר"ר מנחם ישעי' לעווי שליט''א (קר"י).
- שלישי: הרב יעקב יצחק הורוויץ הי"ו.
- הגבה: רבינו שליט''א.
- גלילה: הר"ר נחום שמשון שווארטץ שליט''א (קר"י).

זמירות ביי של''ס האט דער רבי מכבד געווען.
- אודה: הרה"ח ר' יצחק שווארטץ הי"ו. מען האט געזינגען דעם נענועים ניגון פון הגה"ק העצי חיים זיע''א.
- שיר המעלות: הרה"ח ר' דוד הערש מערץ הי"ו.

דער רבי האט געזאגט תורה אויפן פסוק 'זאת חקת הפסח' און געטייטשט די דיבור און מחשבה פון א איד האט א גרויסע חשיבות און די זעלבע פארקערט די פגם פון א מחשבה איז זייער גרויס, די מצריים זענען נאר נענש געווארן צוליב וואס זיי האבן מכשיל געווען כלל ישראל מיט הרהורים אסורים בעניני קדושה, און ממשיך געווען מיט שטארקע התעורורות לימי השובבים און מעורר געווען צו מאכן א חשבון הנפש ווי מען האלט אויף דער וועלט און תשובה טוהן אויף יעדע דיבור, מעשה און מחשבה ובפרט בעניני קדושה.

- ידיד נפש: הר"ר יוסף דוב ראזענפעלד שליט"א (קר"י).
- קל מסתתר: הרה"ח ר' שמואל לייבוש וויינבערגער הי"ו.
דער רבי האט געבענטשט על הכוס.

- מעריב מוצש''ק הרה"ח ר' שלמה גאלדשטיין הי"ו (וומסב''ג).
נאך הבדלה איז דער ציבור אריבער זאגן א גוטע וואך.
מען האט געענדיגט ארום 8:05.

ארום 9:45 איז דער רבי אריינגעקומען אין ביהמ"ד צום שלחן הטהור לרגל די הילולא קדישא פון זקינו הגה"ק בעל עצי חיים זיע''א.
דער רבי האט זיך געוואשן צו די סעודה, פאר די פיש האט מען געזינגען די זמירות למלוה מלכה.
נאך די פלייש האט דער רבי פארציילט סיפורי קודש פונעם בעל הילולא פאר א לענגערע צייט.
מיט מכתם לדוד האט דער רבי מכבד געווען נכדו הרה"ג ר' חיים הערש אשכנזי שליט"א.

דער רבי האט משמיע געווען דב"ק במשנתו פונעם בעל הילולא זיע''א און ארויסגעברענגט אז א צדיק וויבאלד עס איז רבים צריכים לו האט ער די כח צו מבטל זיין גזירות, דער רבי האט ארויסגעברענגט דעם פייערדיגע קאמף פונעם בעל ההילולא קעגן די ציונים און ציוני'סטישע פארטייען למיניהם אין די שטאט סיגוט, און זיין קאמף אנטקעגן די העברעישע שולעס וואס דבריו עושים פירות און אין סיגוט איז טאקע קיינמאל נישט אויפגעשטעלט געווארן אזא שולע, און דערציילט ווי דער עצי חיים האט געווארנט איבער די שפיכות דמים וואס די אראבישע רוצחים זענען אומשטאנד אדורכצופירן, און ווי ליידער היינט צוטאג הונדערט יאר נאכן הסתלקות איז נאכאלץ נישט דא קיין מנוחה פון די רוצחים.
דער רבי האט דערמאנט די ביטערע רציחה אין אויסטראליע פארגאנגענעם חנוכה, און די אומפארשעמטע ווערטער פונעם ראש הכופרים צו די אויסטראלישע אידן אז אויסטראליע איז נישט זיכער פאר אידן, און זיי דארפן קומען קיין ארץ ישראל, בו בזמן וואס ס'איז היינט צוטאג ליידער נישטא אזא מקום מסוכן פאר אידישע קינדער אין די גאנצע וועלט ווי אין די ציוני'סטישע מדינה, און די מערסטע אידישע קרבנות אין די לעצטערע יארן איז ליידער געווען אין ארה"ק ה"י.

דער רבי האט ממשיך געווען איבער די באקאנטע פאסירונג עטליכע יאר צוריק וועלכע האט איבערגעקערט די וועלט ווען דריי בחורים זענען ליידער אומגעברענגט געווארן ה"י ביים אריין גיין לערנען אין די שטחים, און ווי רבינו שליט"א האט דאן געפרעגט 'אויף וועמענס אחריות זענען די בחורים אריין אין די שטחים, א מקום מסוכן ווי עס דרייען זיך אראבישע רוצחים', און ארויסגעברענגט איבער די נאכאנאנדע אומאחריות'דיגע הפגנות אין ארה"ק קעגן די ביטערע גזירת הגיוס, וואו מען שפארט אפ די גאסן און שטעלט אפ די פארקער, וואס דאס האט ליידער אין די לעצטע צוויי וואכן געקאסט צוויי קרבנות, ווען דרייווערס רוצחים זענען אריין געפארן אין די מוחים און ליידער אומגעברענגט צוויי אומשולדיגע בחורים, ליידער שטעלט זיך די זעלבע פראגע יעצט נאכאמאל, "אויף וועמענס אחריות שיקט מען בחורים אויף די גאסן, אויפרעגן און אויפרייצן די רוצחים?! די ציוני'סטישע רוצחים זענען פונקט אזעלכע רוצחים ווי די אראבישע רוצחים".
יעצט זענען דא אזעלכע וואס פארשרייען די בחורים, אבער ווען בחורים גייען אין די שטחים זיך רייצן מיט די אראבישע רוצחים האבן זיי נישט קיין פראבלעם וויבאלד דאס איז די ציוניסטישע אידילאגיע, זייער פראבלעם איז נישט די פארלוירענע נפשות מישראל ה"י, "נאר איינער וואס האט געשריגן ווען אומ'אחריות'דיגע אקטן האבן געקאסט אידישע נפשות דורך די אראבישע רוצחים אזא איינער קען יעצט שרייען ווען עס קאסט ליידער נפשות דורך די ציוני'סטישע רוצחים"...., "על פי שנים עדים יקום דבר" עס האט שוין ליידער געקאסט צוויי אומשולדיגע אידישע נפשות.

דערביי האט דער רבי דערמאנט דעת קדשו פון מרן רביה"ק בעל דברי יואל זיע''א איבער דעם ענין, און אויפגעפאדערט אנ"ש אין ירושלים בני ברק און בית שמש, אז קיינער זאל זיך נישט באטייליגן ביי אזעלכע סארט הפגנות וואו מען שפארט אפ גאסן, ווייל מען איז מפקיר נפשות ישראל צו די ציוני'סטישע רוצחים פונקט ווי צו די אראבישע, חמירא סכנתא מאיסורא!

דער רבי האט ממשיך געווען איבער דעם ביטערן גזירת הגיוס, און שארף אויפגעפאדערט 'חלילה וחלילה צו מאכן פשרות מפקיר צו זיין נפשות מישראל צו די ציוני'סטישע מיליטער, דאס הייסט אויך מפקיר זיין נפשות מישראל, עס איז דא בגוף און עס איז דא בנפש, און אויף דעם איז געזאגט געווארן 'את ה' אלקיך תירא לרבות תלמידי חכמים' אז תלמידי חכמים דארפן אויף טוהן פעולות מרבה צו זיין דעם את ה' אלקיך תירא, שיקן בחורים אדער אינגעלייט אינעם טמא'נעם מיליטער מיינט שמד! אז איינער קומט דארט אן קען נישט זיין קיין את ה' אלקיך תירא און עס איז די אחריות פון די רבנים נישט צו מאכן קיין פשרות, דער רבי האט מסיים געווען מיט ברכות לרוב פארן גאנצן ציבור.

דער רבי האט געבענטשט אויפן כוס, מען האט געענדיגט ארום 11:15.

דערנאך איז דער רבי אריבערגעפארן צו די דערנעבנדיגע האט-ספרינגס געגענט אויף א ביקור גומלין ביי ש"ב כ"ק אדמו"ר מוויזניץ ירושלים שליט"א וועלכע האלט זיך אויף דארט אויף אפרוה, עס האט זיך פארצויגן א שיינע שמועס איבער די פראבלעמען פון די יעצטיגע הפגנות אין ארה"ק, און מעשיות פון הרה"ק רבי דוד'ל לעלובער זיע''א וואס די יארצייט איז געווען מוצש"ק ז' שבט, האדמו"ר מוויזניץ ירושלים שליט"א האט מכבד געווען רבינו שליט"א מיט לחיים און דער רבי האט אים מאציל געווען מברכת קדשו, און ער האט ארויסבאגלייט רבינו שליט''א, אין דער רבי איז אהיימגעפארן לביתו נאוה קודש אין פאלם ספרינגס.

▫️ סאטמארע נייעס 🌴 ▫️

דאנערשטאג בא 'בצל הקודש' פון כ''ק רבינו הגה''ק שליט''א

ארום 8:15 איז רבינו שליט"א אריינגעקומען צו תפילת שחרית אינעם ארטיגן ביהמ"ד.
בעל תפילה: הרה"ח ר' מיכל פעלדמאן הי"ו.

- פתיחה: הרה"ח ר' יחיאל מיכל אייזענבערגער הי"ו (שיכון סקווירא).
- בעל קורא: הר"ר יואל הערש ראטענבערג שליט"א (וומסב''ג).
- כהן: הרה"ח ר' רפאל דוד ג'ברא הי"ו (קר"י).
- לוי: הרה"ח ר' חיים הערש אפפעל הי"ו (קר"י).
- שלישי: רבינו שליט"א.
- הגבה: נכד רבינו הרה"ג ר' חיים הערש אשכנזי שליט"א רב דביהמ"ד רב טוב.
- גלילה: ר' ישראל אברהם רובין הי"ו (מאנסי).

נאכן דאווענען האט דער רבי אהיימשפאצירט לביתו נאוה קודש, אויפן וועג איז פארפירט געווארן א שיינע שמועס איבער הרה"ק רבי משה לייב מסאסוב זיע''א וואס איז געווען די יארצייט.

פארנאכטס ארום 5:45 איז רבינו שליט"א אריין געקומען צו תפילת מנחה. בעל תפילה: הרה"ח ר' דוד פארקאש הי"ו. צווישן מנחה און מעריב האט דער רבי עוסק געווען בלימודו, און ביים זמן ר"ת ארום 6:25 האט מען געדאווענט מעריב.
נאך מעריב האבן שלום גענומען תלמידי ישיבה גדולה שיעור ד' מיט זייערע ראשי הישיבה הרה"ג ר' ארי' דוב קארנבלי שליט"א און הרה"ג ר' יצחק יעקב ראזענפעלד שליט"א וועלכע זענען געקומען וויילן אויף שבת בצל הקודש.

▫️ סאטמארע נייעס 🌴 ▫️

מיטוואך בא 'בצל הקודש' פון כ''ק רבינו הגה''ק שליט''א בעיר הנופש פאלם ספרינגס קאליפארניע

ארום 8:15 איז רבינו שליט"א אריינגעקומען צו תפילת שחרית אינעם ארטיגן ביהמ"ד.
בעל תפילה: הרה"ח ר' מיכל פעלדמאן הי"ו (קר"י).
נאכן דאווענען האט דער רבי אהיימשפאצירט לביתו נאוה קודש.

פארנאכטס ארום 5:45 איז רבינו שליט"א אריין געקומען צו תפילת מנחה. בעל תפילה: הרה"ח ר' מיכל פעלדמאן הי"ו. צווישן מנחה און מעריב האט דער רבי עוסק געווען בלימודו, און ביים זמן ר"ת ארום 6:20 האט מען געדאווענט מעריב.

נאך מעריב איז דער רבי אריבער אויף א ביקור גומלין ביי הגה"צ אבד"ק היבנוב שליט"א וועלכע האלט זיך אויף אין די יעצטיגע טעג אין פאלם ספרינגס, עס האט זיך פארצויגן א שיינע שמועס איבער זכרונות פון רביה"ק בעל ברך משה זיע''א אין די בראשית יארן אין אמעריקע, הגה"צ אבד"ק היבנוב שליט"א האט מכבד געווען רבינו שליט"א מיט לחיים און דער רבי האט אים מאציל געווען מברכת קדשו.

▫️ סאטמארע נייעס 🌴 ▫️