Satmara Niyes

דאנערשטאג צו 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' משה נטע פערל הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד אבני צדק לרגל די שמחת הברית מילה פון נכדו בן הנולד אצל הרב אלחנן חיים מייזליש שליט"א.
פארן דאווענען האט דער רבי געלייגט תפילין פאר די בר מצוה בחורים:
- ב"ר אלעזר אלימלך פארגעס הי"ו.
- ב"ר דוד ביקעל הי"ו.
ביים ליינען האט דער רבי עולה געווען שלישי.

נאכן דאווענען איז פארגעקומען די שמחת הברית מילה בהיכל הביהמ"ד.
רבינו שליט"א איז מכובד געווארן מיט סנדקאות.
- מוהל: דער זיידע הגה"צ רבי הערשל שליט"א.
- סנדק מעומד: חדב"ן הגה"צ רב דביהמ"ד אבני צדק שליט"א.
רבינו שליט"א האט געזאגט די ברכות וקריאת השם, ויקרא שמו בישראל: 'ארי' לייבוש' נאכן זיידן הגה"צ רבי ארי' לייבוש טייטלבוים זצ"ל רב דביהמ"ד וקרית ויואל משה.
נאכן ברית איז דער גאנצער ציבור אריבער וואונטשן מזל טוב פאר רבינו שליט"א.
דערנאך איז פארגעקומען א לחיים מיט די בר מצוה בחורים בהיכל הביהמ"ד.
נאך עטליכע מינוט איז פארגעקומען די סעודת הברית בהיכל הביהמ"ד, ביי די סעודה האט אויפגעטרעטן דער בעל שמחה שליט"א, און די זיידעס חדב"ן הגה"צ רב דביהמ"ד אבני צדק שליט"א, און הגה"צ רבי הערשל שליט"א.
מיט יום ליבשה האט דער רבי מכבד געווען הרב חיים מייזליש שליט"א בן הגה"צ אבד''ק מאנטרעאל שליט"א.
דער רבי האט משמיע געווען דברות קודש בעניני ברית מילה, און אנגעוואונטשן פארן בעל שמחה שליט"א, און פאר די חשובע זיידעס, און פארן גאנצן ציבור.
מיטן בענטשן האט דער רבי מכבד געווען דעם זיידן דער מוהל הגה"צ רבי הערשל שליט"א און מיט די הרחמן'ס די בני המשפחה, מען האט געענדיגט ארום 2:00.

אין די נאכמיטאג שעות זענען אריין בקו''פ חברי וועד להוצאת ספרי רבינו וועלכע האבן אריבערגעברענגט די נייע ספר לב אהרן -דרושים אויף יו"ט פסח וועלכע איז היינט ארויס פון דרוק, דער רבי האט עס אויפגענומען מיט א שטארקע שמחה און אפגעראכטן א מסיבת לחיים און ווארעם אנגעוואונטשן פאר די חברי וועד להוצאת ספרי רבינו.

ארום 7:10 האט דער רבי געדאווענט מנחה בביתו נאוה קודש אויף צאנז קט.

זמני כניסה בקו''פ איז געווען פון 8:45 ביז 11:30 אויפדערנאכט בביתו נאוה קודש אויף איהעל קט.

דער רבי האט געדאווענט מעריב ארום 10:40.
נאך מעריב איז דער רבי אריין אין די זאלן בביתו נאוה קודש ווי דער רבי האט געליינט די תנאים פון די מחותנים הרה"ח ר' בנימין זאב שטיין הי"ו און הרה"ח ר' יצחק מיכאל גראד הי"ו.
דערנאך האט דער רבי ממשיך געווען מיט די זמני כניסה.

▫️ סאטמארע נייעס 🌴 ▫️

מיטוואך צו 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' אליעזר מאיר סאמעט הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה קטנה סניף קדושת יו"ט בהנהלת הר"ר שמואל מאיר לעווי שליט"א. פארן דאווענען האט דער רבי געלייגט תפילין פאר די בר מצוה בחורים.
- ב"ר מיכאל אליהו גבריאל ע'גמי הי"ו.
- ב"ר שניאור זלמן העכט הי"ו.
- ב"ר משה מאלח הי"ו.
דער רבי האט געצינדן לעכט און צוגעגאנגען צום עמוד לרגל די יארצייט פון די באבע הרבנית חנה ע"ה אשת חבר פון מרן הגה"ק בעל קדושת יו"ט זיע''א.

נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די בר מצוה בחורים, רמ"י ותלמידי הישיבה, און משמיע געווען דב"ק און נאכגעזאגט פונעם הייליגן ייטב לב זיע''א אז אויפשטיין פארטאגס איז א בחינה פון מסירת נפש, און ארויסגעברענגט לשבח פון די תלמידי הישיבה זאגענדיג אז זיצן און לערנען איז ישיבה ביז ז' ניסן איז אויך מסירת נפש, און דער רבי האט ממשיך געווען פרעגענדיג די בחורים עטליכע שאלות פון די לימודי הישיבה אין מסכת בבא קמא און מסיים געווען בברכת קדשו.

ארום 7:15 האט דער רבי געדאווענט מנחה בביתו נאוה קודש אויף צאנז קט.
דער רבי האט געצינדן לעכט און צוגעגאנגען צום עמוד לרגל די יארצייט פון די באבע הרבנית חנה ע"ה.

זמני כניסה בקו''פ איז געווען פון 8:30 ביז 11:45 אויפדערנאכט בביתו נאוה קודש אויף איהעל קט.

ארום 10:30 איז דער רבי אראפ אין די זאלן בביתו נאוה קודש ווי דער רבי געליינט די תנאים פון די מחותנים:
- הרה"ח ר' שמואל הערש פעלדמאן הי"ו און הרה"ח ר' יוסף לייב ברוין הי"ו.
- הרה"ח ר' יחזקאל פרענקל הי"ו און הרה"ח ר' מאיר אלי' אקער הי"ו.

דער רבי האט געדאווענט מעריב ארום 10:50 און דערנאך ממשיך געווען אויפנעמען דעם ציבור.

נאך די זמני כניסה ארום 11:50 איז דער רבי אריבער באולם פרדס חיים אין ביהמ"ד אבני צדק צו די שמחת הוואכנאכט פון נכדו בן הנולד אצל הרב אלחנן חיים מייזליש שליט"א בן הרה"ג ר' הערשל שליט"א רב דביהמ"ד בית נחום דוב דקהלתינו הק' וומסב''ג בן הגה"צ אבד''ק מאנטרעאל שליט"א, וחתן חדב"ן הגה"צ רב דביהמ"ד אבני צדק שליט"א, עס האט זיך פארצויגן א שיינער שמועס בסיפורי בית סיגוט, דער רבי האט טועם געווען מזונות, פיש, און קוגל און געטרינקן לחיים און אנגעוואונטשן פארן בעל שמחה, זיידעס, בני המשפחה, און פארן גאנצן ציבור.
דערנאך האט דער רבי געליינט קרי"ש און אנגעוואונטשן פאר די יולדות, דער רבי האט פארלאזט דעם זאל ארום 12:15.

▫️ סאטמארע נייעס 🌴 ▫️

דינסטאג צו 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן:
- לבן הנולד אצל ר' יוסף משה שטיין הי"ו ווי דער רבי איז געווען סנדק ומוהל.
- לבן הנולד אצל ר' יואל ברא"ד רובינשטיין הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים:
- ב"ר חיים ברוך דיימאנד הי"ו.
- ב"ר אהרן ברי"א זילבערשטיין הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.
דערנאך איז דער רבי אראפ אין היכל התורה 'היכל צבי ויצחק ראזענבערג' ווי דער רבי האט זיך ארומגעדרייט צווישן די טישן פאר א לענגערע צייט און זיך אומגעקוקט אויף די פילע לומדים בימי בין הזמנים מיט א שטארקע קורת רוח.

אויפן וועג ארויס האט זיך דער רבי אפגעשטעלט ביי די 'אנ"ש דקרית יואל' טישל ווי מען נעמט צוזאם חתימות יעדע יאר פאר די פאליטיקאנטן און קאנדידאטן צו קענען לויפן פאר א פרישע טערמין אין די קומענדיגע נאוועמבער וואלן, דער רבי האט איבערגעקוקט די ליסטע פון די נעמען פון די קאנדידאטן און די עסקנים האבן צוגעוויזן די נעמען פון די קאנדידאטן וועלכע האבן זיך גאר שטארק ארויסגעשטעלט פאריאר אויפן פארלאנג פון רבינו שליט"א צו טוישן די אלבאני געזעצן לטובת החינוך לשמחת לב פונעם גאנצן יהדות החרדית אין ניו יארק, און דער רבי האט אנגעוואונטשן הצלחה פאר די עסקנים.

ארום 6:15 האט דער רבי געדאווענט מנחה בביתו נאוה קודש אויף צאנז קט.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
דער רבי איז אנקומען קיין וומסב''ג און איז צום ערשט אריבער אויף א קביעת המזוזה אינעם נייעם 'מיטב' געשעפט וועלכע פארקויפט די פראדוקטן פאר האלסעיל פרייזן, דער רבי האט זיך אומגעקוקט אויפן געשעפט און דערביי געהערט א באריכט פון די בעלי בתים איבער די פילע פעולות צו קענען פארקויפן די פראדוקטן פאר גאר ביליגע פרייזן.

דערנאך איז פארגעקומען א מסיבת לחיים אינעם געשעפט, עס האט זיך פארצויגן א שיינער שמועס, דער רבי האט געטרינקן לחיים און ווארעם אנגעוואונטשן ברכת קדשו פארן גאנצן ציבור, און משמיע געווען דב"ק בגודל מעלת החסד וואס מ'טוהט מיט אידישע קינדער און די געוואלדיגע חשיבות פון די געשעפט וועלכע העלפט ארויס הונדערטער משפחות צו קענען קויפן פאר ביליגע פרייזן, און מסיים געווען בברכת קדשו פאר די בעלי בתים און עסקנים וועלכע האבן צושטאנד געברענגט די נייע געשעפט און אנגעוואונטשן עס זאל האבן גרויס הצלחה.
אויפן וועג ארויס האט דער רבי קובע געווען א מזוזה אויפן אריינגאנג.

זמני כניסה בקו''פ איז געווען פון 8:50 ביז 1:15 אויפדערנאכט בביתו נאוה קודש אויף היוז סט.

בעת די זמני כניסה זענען אריין בקו''פ חברי הנהלה פון מוסד הק' קרן הצלה לקראת די גרויסע פסח חלוקה להחזקת מוסדות עטה"ק בארה"ק, עס האט זיך פארצויגן א שיינע שמועס איבער די פעולות און די גרויסע חלוקות פאר די הונדערטער מוסדות, און די חברי הנהלה האבן ארויסגעברענגט לשבח פון קהלתינו הק' פון ווי עס קומט אריין די מערסטע געלטער און איז צו פארדאנקען דאס אז רבינו שליט"א איז כסדר מעורר אנ''ש צו שטיצן קרן הצלה מיט גרויסע געלטער, וואס דאס האט געברענגט אז מען זאל קענען פארטיילן גרעסערע געלטער ביי יעדע חלוקה.
דערביי האט דער רבי איבערגעגעבן פאר הרה"ח ר' שלמה יוסף וואלדמאן הי"ו יו"ר ההנהלה א טשעק אינעם פאנטאסטישן סכום פון א מיליאן דאלער! , די חברי הנהלה האבן זיך שטארק באדאנקט און געזאגט אז דאס איז שוין די צווייטע טשעק פון א מיליאן דאלער דאס יאר תשפ"ו וואס דער רבי האט צוזאמגעשטעלט פון נגידי אנשי שלומינו נאך וואס דער רבי האט איבערגעגעבן א טשעק פון א מיליאן דאלער בעת די מסע הקודש בארה"ק פארגאנגענע חודש כסלו פאר די חנוכה חלוקה, און דער רבי האט אנגעוואונטשן ברכת קדשו פאר די גאנצע הנהלה.

אויך זענען אריין בקו''פ א קבוצה תלמידי כתה ט' פון מוסדותינו הק' וועלכע האבן אריינגעברענגט גרעסערע סכומים לטובת המוסדות במשך די ימי הפורים העעל"ט, דער רבי האט פארטיילט געבענטשטע מטבעות און הגדות פאר די בחורים און אנגעוואונטשן ברכת קדשו.

דער רבי האט געדאווענט מעריב ארום 11:00. דער רבי איז צוגעגאנגען צום עמוד לרגל די יארצייט פון די באבע הרבנית חנה ע"ה אשת חבר פון מרן הגה"ק בעל קדושת יו"ט זיע''א, און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

מאנטאג צו 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' דוב בער בר"ל האלפערט הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה קטנה סניף השיב משה בהנהלת הר"ר שמעון אברהם ראטה שליט"א.
ביים אנקומען איז דער רבי תיכף אריין אין ביהמ"ד און זיך אומגעקוקט אויף די לימודים.
פארן דאווענען האט דער רבי געלייגט תפילין פאר די בר מצוה בחורים:
- ב"ר משה יחזקאל וועלץ הי"ו.
- ב"ר יצחק אהרן האלענדער הי"ו.

דער רבי האט געצינדן לעכט און צוגעגאנגען צום עמוד לרגל די יארצייט פון די באבע הרבנית ברכה סימא ע"ה אשת חבר פון מרן הגה"ק בעל עצי חיים זיע''א, און ביים ליינען עולה געווען שלישי.

נאכן דאווענען זענען אריין בחדרו הפרטי א קבוצה בחורים וועלכע האבן אריינגעברענגט גרעסערע געלטער לטובת קרן קרית יואל.

דערנאך איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די בר מצוה בחורים, רמ"י ותלמידי הישיבה, און משמיע געווען דב"ק במשנתו פון הרה''ק האוהב ישראל מאפטא זיע''א וואס איז געווען די יארצייט, און ממשיך געווען מיט הכנה ליו"ט פסח און מסיים געווען בברכת קדשו.

ארום 6:15 האט דער רבי געדאווענט מנחה בביתו נאוה קודש אויף צאנז קט. דער רבי האט געצינדן לעכט און צוגעגאנגען צום עמוד לרגל די יארצייט פון די באבע הרבנית ברכה סימא ע"ה.

פארנאכטס האט דער רבי מסדר קידושין געווען ביי די חופה פון די מחותנים הרה"ח ר' יצחק מאיר בראווער הי"ו און הרה"ח ר' מתתי' ברמ"ל דייטש הי"ו אין די זאלן פון גינת קליין.

זמני כניסה בקו''פ איז געווען פון 8:30 ביז 1:15 אויפדערנאכט בביתו נאוה קודש אויף איהעל קט.

בעת די זמני כניסה זענען אריין בקודש פנימה א משלחת רבני וראשי מערכת הכשרות שע"י התאחדות הרבנים, עס האט זיך פארמירט א שיינע שמועס איבער כשרות המאכלים ובפרט פאר יו"ט פסח, און מען האט אויסגעשמועסט פארשידענע שאלות וואס האבן זיך לעצטענס געמאכט, ווי אויך האבן זיי איבערגעגעבן פארן רבי'ן דעם נייעם 'מפתח הכשרות' צום בעפארשטייענדן יו"ט פסח, און דער רבי האט זיי מאציל געווען מברכת קדשו.

ארום 10:10 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים:
- הרה"ח ר' אברהם עמרם מארקאוויטש הי"ו און הרה"ח ר' משה יצחק איצקאוויטש הי"ו.
- הרה"ח ר' שלמה ניימאן הי"ו און הרה"ח ר' אשר זאבעל הי"ו.

דער רבי האט געדאווענט מעריב ארום 12:00.

▫️ סאטמארע נייעס 🌴 ▫️

זונטאג צו 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן:
- לבן הנולד אצל ר' קלמן ברא"י גפן הי"ו ווי דער רבי איז געווען סנדק ומוהל.
- לבן הנולד אצל ר' אלי ברש"ל פריעד הי"ו ווי דער רבי איז געווען סנדק.
- לבן הנולד אצל ר' אברהם עבער שווארטץ הי"ו ווי דער רבי איז געווען סנדק.

נאך די ברית'ן האט זיך דער רבי באגריסט מיט הגאון רבי אשר עקשטיין שליט"א דומ"ץ בעלזא ב"פ, עס האט זיך פארצויגן א שיינע שמועס, און דערביי האט הגאון רבי אשר שליט''א איבערגעגעבן זיין נייע ספר פארן רבי'ן און דער רבי האט אים מאציל געווען מברכת קדשו.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- בן הר"ר שמואל שלמה טעללער שליט"א.
- ב"ר שלמה היימליך הי"ו.
- ב"ר ישעי' יצחק ברי"א רובין הי"ו.

נאכן דאווענען איז פארגעקומען א ברית לבן הנולד אצל ר' יואל אהרן שיינבערגער הי"ו ווי דער רבי איז געווען סנדק.
דערנאך איז פארגעקומען א לחיים מיט די בר מצוה בחורים בחדרו הפרטי.

נאך שחרית איז דער רבי אריבער אין שטוב פון הרה"ח ר' אברהם לייב בראך הי"ו לרפו"ש וואו ס'איז פארגעקומען א ברית לבן הנולד אצל נכדו ר' שמואל מאיר יואל יאזשעף הי"ו און דער רבי איז געווען סנדק, נאך די ברית איז פארגעקומען א מסיבת לחיים ווי דער רבי האט אנגעוואונטשן פארן בעל ברית ובני משפחתו.

אין די פארמיטאג שעות איז דער רבי געווען אויף א באזוך אין די מצה בעקעריי דקהלתינו הק' ווי דער רבי האט זיך אומגעקוקט פאר א לענגערע צייט אויף די מצות וועלכע זענען געבאקן געווארן פאר די בני המשפחה און פארן געברויך פונעם רבינ'ס סדר טיש אינאיינעם מיט די הונדערטער חתנים כ"י.

דערנאך איז דער רבי אריבער אויף די וועכענטליכע באזוך אינעם בית השחיטה המהודרת.

ארום 6:15 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הר"ר ישראל ארי' בערקאוויטש ז"ל און הר"ר חיים משה אלימלך כ"ץ שליט"א אין די זאלן פון כינור דוד.
- הרה"ח ר' משה אלי' ברנ"ש עסטרייכער הי"ו און הרה"ח ר' יואל ברי"צ גליק הי"ו אין די זאלן פון בית רחל פאראדייס.
- הרה"ח ר' יעקב שטויבער הי"ו און הרה"ח ר' דוד יצחק קליין הי"ו אין די זאלן פון גינת קליין.

זמני כניסה בקו''פ איז געווען פון 8:20 ביז 12:30 אויפדערנאכט בביתו נאוה קודש אויף איהעל קט.

ארום 10:30 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים:
- הרה"ח ר' שלום בר"י שווארטץ הי"ו און הרה"ח ר' יואל ברש"י שעהר הי"ו.
- הרה"ח ר' חיים דרעזדנער הי"ו און הרה"ח ר' בערל הירש הי"ו.

דער רבי האט געדאווענט מעריב ארום 11:50, פאר מעריב האט דער געצינדן לעכט און דאן צוגעגאנגען צום עמוד לרגל די יארצייט פון די באבע הרבנית הצ' ברכה סימא ע"ה אשת חבר פון מרן הגה"ק בעל עצי חיים זיע''א.

▫️ סאטמארע נייעס 🌴 ▫️

שב''ק פרשת ויקרא 'בצל הקודש' פון כ''ק רבינו הגה''ק שליט''א

אויף שב"ק האבן געוויילט בצל הקודש תלמידי ישיבה קטנה סניף ויואל משה פון ב"פ בהנהלת הר"ר יצחק אהרן גרין שליט"א.

פרייטאג צונאכטס ארום 7:45 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה.
נאך מנחה האט אויפגעטרעטן הר"ר אלי' שלמה קאהן שליט"א מנהל בית רחל, לרגל די 'ביומו תתן שכרו' קאמפיין פון מוסדותינו הק'.
קבלת שבת: הר"ר אהרן וועבער שליט"א ר"מ בישיבה קטנה ב"פ. מען האט געענדיגט ארום 9:20. נאכן דאווענען איז דער ציבור אריבער זאגן גוט שבת און דער רבי איז אהיים לביתו נאוה קודש.

ארום 10:10 איז דער רבי אריינגעקומען צום שלחן הטהור בהיכל המתיבתא אינאיינעם מיט די תלמידי ישיבה קטנה פון ב"פ און די תלמידי המתיבתא תושבי קר"י, און אנגעהויבן כדרכו בקודש שלום עליכם ברגש ובנעימה.
- אשת חיל: נכד רבינו הבה"ח יואל דושינסקיא ני"ו בן חדב"ן הגה"צ רב דביהמ"ד אהל פיגא שליט"א.
- הגבהת הכוס איז מכובד געווארן הר"ר יצחק אהרן גרין שליט"א מנהל הישיבה.
- כל מקדש: הר"ר מאיר מאיער שליט"א.
- מנוחה ושמחה: הר"ר ישראל ארי' גאלדבערגער שליט"א.

דער רבי האט געזאגט תורה אויפן מדרש 'כיון ששמעו ישראל פרשת קרבנות נתיראו אמר להם משה יתעסקו בתורה' און געטייטשט בדרך דרוש אין די סוגיא פון רוב צי ס'איז א וודאי אדער א ספק.

- קה אכסוף: הר"ר ישראל מאיר פערלמאן שליט"א.
- ברכת המזון: הר"ר יצחק אהרן גרין שליט"א.

עובדות וסיפורים די וואך האט רבינו שליט''א דערציילט פון הרה''ק האוהב ישראל מאפטא זיע''א וואס די יארצייט געפאלט מאנטאג ה' ניסן.
- קה רבון עלם: הר"ר שלום לוי ווייסמאן שליט"א.
די פרישע חתנים זענען אריבער נעמען פירות.
- אז ביום השביעי: הרה"ג ר' יואל יצחק שטערן שליט"א דומ"ץ ביהמ"ד דינוב.
מען האט געענדיגט ארום 1:10.

וביום השבת

שב''ק אינדערפרי איז דער רבי אריינגעקומען אין ביהמ''ד ארום 9:40.
- ברכות ופסוקי דזמרה: הר"ר ישראל ארי' גאלדבערגער שליט"א.
דער רבי איז צוגעגאנגען צו שחרית.

- הוצאה והכנסה: הרה"ח ר' ישראל משה לאנדא הי"ו.
- פסוקי שמע ישראל: הר"ר מאיר מאיער שליט"א.
עליות:
- כהן: הר"ר שלמה זלמן מאשקאוויטש שליט"א, און דער רבי האט קורא שם געווען לרגל הולדת בתו למז''ט.
- לוי: ר' אהרן בעק הי"ו, און דער רבי האט קורא שם געווען לרגל הולדת בתו למז''ט.
- שלישי: הרה"ח ר' אלי' ניישטאדט הי"ו.
- רביעי: הר"ר יצחק אהרן גרין שליט"א.
- חמישי: הרה"ח ר' ליפא ניישטאדט הי"ו.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' מרדכי בר"ח פארקאש הי"ו.
- ר' בנציון ברמ"ב כ"ץ הי"ו.

- שביעי: ר' יואל ברי"ש בראך הי"ו, און דער רבי האט קורא שם געווען לרגל הולדת בתו למז''ט.
- אחרון: הרה"ח ר' משה גאלדשטיין הי"ו.
- מפטיר: הר"ר איתמר מייזליש שליט"א.
- הגבה: הרה"ח ר' וואלף פארקאש הי"ו.
- גלילה: הר"ר שלום לוי ווייסמאן שליט"א.

צו תפילת מוסף איז דער רבי צוגעגאנגען לרגל די יארצייט פון די צוויי באבע'ס הרבנית ברכה סימא ע"ה אשת חבר פון הגה"ק בעל עצי חיים זיע''א וועלכע געפאלט מאנטאג ה' ניסן, און הרבנית חנה ע"ה אשת חבר פון הגה"ק בעל קדושת יו"ט זיע''א וועלכע געפאלט מיטוואך ז' ניסן.
- פתיחה צו אנעים זמירות: הרה"ח ר' חיים פארקאש הי"ו.
מען האט געענדיגט ארום 12:25.

רעוא דרעווין

דער רבי איז אריינגעקומען צו תפילת מנחה ארום 7:40.
- בעל תפילה: הרה"ח ר' יואל בר"ע הירש הי"ו.
- הוצאה והכנסה: הרה"ח ר' יעקב כוואן הי"ו (ארגענטינע).
- כהן: הרה"ח ר' קאפיל שעהנברוין הי"ו.
- לוי: הרה"ח ר' יעקב יאזשעף הי"ו (בני ברק).
- שלישי: הרה"ח ר' ישראל ווייס הי"ו.
- הגבה: רבינו שליט''א.
- גלילה: הרה"ח ר' יצחק שלמה פאלאטשעק הי"ו.

זמירות ביי של"ס האט דער רבי מכבד געווען.
- אודה הרה"ח ר' נח גפן הי"ו.
- שיר המעלות: הרה"ח ר' משה גאלדשטיין הי"ו.

דער רבי האט געזאגט תורה אויפן פסוק 'ויקרא אל משה' און געטייטשט אז פון דעם אז מען דארף ברענגן א קרבן חטאת אויף אן עבירה בשוגג זעט מען די הארבקייט פון א עבירה אפילו בשוגג, און כ"ש פון א הרהור עבירה במזיד, איז אבער דא א עצה צו עוסק זיין בתורה און דאס איז מציל פון הרהור אסורים און מחשבות אסורים, דער רבי האט ממשיך געווען מיט דברי הכנה צום יו"ט פסח ווי מען גרייט זיך צו מקיים זיין מצות תשביתו שאור מבתיכם וואס דאס גייט ארויף אויף די עבירות שבלב, איז יעצט די פאסיגע צייט צו מרבה זיין בלימוד התורה אלץ הכנה צום יו"ט פסח.

-:ידיד נפש: נכד רבינו הרב יצחק אייזיק טייטלבוים שליט"א (ב"פ) בן הגה"צ רב דביהמ"ד בית ברוך שליט"א.
קל מסתתר: הרה"ח ר' קאפיל שעהנברוין הי"ו.
דער רבי האט געבענטשט על הכוס און געזאגט שבע ברכות.

צו מעריב איז דער רבי צוגעגאנגען לרגל די יארצייטן.
נאך הבדלה איז דער ציבור אריבער זאגן א גוטע וואך. מען האט געענדיגט ארום 9:55.

נאך הבדלה זענען אריין בקו''פ בביתו נאוה קודש תלמידי שיעור ג' פון ישיבה קטנה סניף ויואל משה פון ב"פ נאכן וויילן אויף שב"ק בצל הקודש, דער רבי האט פארהערט די בחורים אויף די לימודי הישיבה און דערנאך זענען די בחורים אריבער מקבל זיין ברכת הקודש.

▫️ סאטמארע נייעס 🌴 ▫️

דאנערשטאג ויקרא - ר"ח ניסן 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף ברך משה. דער רבי איז צוגעגאנגען צו הלל און ביים ליינען עולה געווען רביעי.

נאכן דאווענען האט דער רבי פארגעלערנט די ניינטע סוגיא שיעור אין די סוגיא פון מצוה עשה שהזמן גרמא אלץ הכנה צום שבת הגדול דרשה, און סוף ממשיך געווען מיט דברי הכנה לקראת יו"ט פסח הבעל"ט זיך צוצוגרייטן צום יו"ט פסח מיטן לערנען חסידישע ספרים, מען זאל נישט אריינפאלן אינעם סדר נאכט, נאר פארשטיין אלע מצות החג, און מעורר געווען אויסצוניצן די ימי בין הזמנים איבערצוחזר'ן די לימודים פון די זמן החורף און זיך צו פירן בהנהגה טובה וישרה ווי עס פאסט פאר א תלמיד הישיבה, און ארויסהעלפן אין שטוב לכבוד פסח וכו', און מסיים געווען בברכת קדשו פאר די חתנים וועלכע פארלאזן שוין די ישיבה, און פאר אלע תלמידי הישיבה.
דערנאך איז פארגעקומען א מסיבת לחיים לרגל סיום הזמן, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די רמ"י ותלמידי הישיבה.

אין די נאכמיטאג שעות איז געווען אויף א באזוך בקו''פ בביתו נאוה קודש הגה"צ ר' יהושע כ"ץ שליט"א אבד''ק מאגרוב, עס האט זיך פארצויגן א שיינע שמועס איבער פארשידענע שאלות בעניני כשרות און דערביי האט דער רב שליט"א אויסגעדריקט זיין התפעלות איבער די פילע חומרות והידורים אינעם מצה בעקעריי דקהלתינו הק' נאכן באקן היינט מצות אינעם בעקעריי, און דער רבי האט אים מאציל געווען מברכת קדשו.

אויך זענען אריין בקו''פ תלמידי ישיבה קטנה באבוב 45 פון ב"פ אינאיינעם מיט הרה"ג ר' אשר מנחם אייכנשטיין שליט"א חתן כ"ק אדמו"ר מבאבוב 45 שליט"א, דער רבי האט פארהערט די בחורים אויף די לימודים און משמיע געווען דב"ק חיזוק ללימוד התורה, און דערנאך זענען די בחורים אריבער מקבל זיין ברכת הקודש און דער רבי האט אנגעוואונטשן פאר הרה"ג ר' אשר מנחם שליט"א, און דערביי האט דער רבי ארויסגעברענגט לשבח פון חותנו האדמו"ר מבאבוב 45 שליט"א וועלכע טוט כסדר פארלערנען שיעורים בישיבתו, און געבעטן איבערצוגעבן א פריסת שלום וברכת מז"ט פאר חותנו האדמו"ר מבאבוב 45 שליט"א לרגל שמחת נשואי נכדיו למז"ט.

ארום 6:15 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יחזקאל שרגא גלאנץ הי"ו און הרה"ח ר' ליפא שעהנברוין הי"ו אין די זאלן פון כינור דוד.
- הרה"ח ר' יואל ברד"ל יאקאבאוויטש הי"ו און הרה"ח ר' שניאור זלמן גרינפעלד הי"ו אין די זאלן פון גינת קליין.
- הרה"ח ר' בערל טעללער הי"ו און הרה"ח ר' יונתן בלייער הי"ו אין די זאלן פון קרן ויואל משה.

נאך די חופה ביי אולם כינור דוד איז דער רבי אראפ אין ביהמ"ד בית מרדכי דקהלתינו הק' אויף א קביעות מזוזה לרגל דאס פארענדיגן פראכטפול איבערצובויען די מקוה און די חדרי התפילה, דער רבי האט קובע געווען א מזוזה און דערנאך ארום זיך אומקוקן אינעם גאנצן ביהמ"ד און אין די מקוה, און דערנאך אנגעוואונטשן ברכת קדשו פאר הרה"ג ר' שלום משה ליפשיץ שליט"א דומ"ץ הביהמ"ד און פאר די חברי הנהלה ומתפללי הביהמ"ד.

זמני כניסה בקו''פ איז געווען פון 9:00 ביז 12:45 אויפדערנאכט בביתו נאוה קודש אויף איהעל קט.

בעת די זמני כניסה זענען אריין בקו''פ חברי וועד קרן מלמדים שע"י מוסדותינו הק' וועלכע פארטיילן דעם ריזן סכום פון צען טויזענט דאלער פאר יעדע מלמד פון מוסדותינו הק' די בכל אתר ואתר בעת נשואי צאצאיהם.
הרה"ח ר' אהרן הערש מיטטעלמאן הי"ו יו"ר הקרן, האט איבערגעגעבן א באריכט פארן רבי'ן איבער די פעולות פונעם קרן מלמדים וועלכע האבן שוין פארטיילט דעם פאנטאסטישן סכום פון אריבער זעקס מיליאן דאלער במשך די פארגאנגענע אכט יאר וואס דער קרן שטייט שוין, און דערביי האט דער רבי ממנה געווען הרה"ח ר' לייב ב"ר שאול יחזקאל גאלדבערגער הי"ו פון קר"י צו דינען אלץ חבר הנהלת הקרן צו שטיין צו די הילף פון די ביז יעצטיגע הנהלה, און דער רבי האט ווארעם אנגעוואונטשן פאר הרה"ח ר' לייב הי"ו, פאר הרה"ח ר' אהרן הערש הי"ו, און פאר די אנדערע חברי הנהלה הר"ר ברוך שלמה וויינבערגער שליט"א ראש המנהלים קר"י, און הרה"ח ר' דוד יושע הירש הי"ו.

ארום 10:30 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים:
- הר"ר נפתלי הירצקא ברא"וו פריעדמאן שליט"א און הר"ר אשר אנשיל קארפען שליט"א.
- הרה"ח ר' שרגא חיים פעדער הי"ו און הרה"ח ר' יואל ברש"א בראך הי"ו.

דער רבי האט געדאווענט מעריב ארום 12:45.

מיטוואך ויקרא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן:
- לבן הנולד אצל הרה"ח ר' יואל קויפמאן הי"ו, משמש, ווי דער רבי איז געווען סנדק ומוהל.
- לבן הנולד אצל ר' שמחה ליכטענשטיין הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה גדולה סניף ויואל משה. פארן דאווענען האט דער רבי געלייגט תפילין פאר'ן בר מצוה בחור ב"ר אפרים העכט הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ט פסוק ג'. דערנאך איז פארגעקומען א לחיים מיטן בר מצוה בחור בחדרו הפרטי.

ארום 1:45 איז דער רבי אנגעקומען בהיכל המתיבתא סניף דברי יואל ווי דער רבי האט פארגעלערנט די אכטע סוגיא שיעור אין די סוגיא פון מצות עשה שהזמן גרמא אלץ הכנה צום שבת הגדול דרשה, מען האט געענדיגט ארום 2:35.

ארום 6:15 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' דניאל יונתן עג'מי הי"ו און הרה"ח ר' יואל ברא"א מאסרי הי"ו אין די זאלן פון כינור דוד.
- הרה"ח ר' ישראל חיים ווייזער הי"ו און הרה"ח ר' שרגא שטראה הי"ו אין די זאלן פון בית רחל פאראדייס.
- הרה"ח ר' אברהם גרין הי"ו און הרה"ח ר' יואל ברא"ש מייזעלס הי"ו אין די זאלן פון גינת קליין.

זמני כניסה בקו''פ איז געווען פון 8:15 ביז 12:15 אויפדערנאכט בביתו נאוה קודש אויף איהעל קט.

בעת די זמני כניסה איז אריין בקו''פ הגאון הגדול הדומ"ץ שליט"א וועלכע האט איבערגעגעבן א הערליכן גריס פאר רבינו שליט"א פון קהלתינו הק' אין אנטווערפען נאכן וויילן דארט פארגאנגענע שבת.

ארום 10:50 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים:
- הרה"ח ר' אברהם משה לעבאוויטש הי"ו און הרה"ח ר' נפתלי מארקאוויטש הי"ו.
- הרה"ח ר' יעקב יושע כהנא הי"ו און הרה"ח ר' משולם שמעי' פריעדמאן הי"ו.

דער רבי האט געדאווענט מעריב ארום 12:15.

▫️ סאטמארע נייעס 🌴 ▫️

דינסטאג ויקרא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' משה יודא בר"מ שפיטצער הי"ו ווי דער רבי איז געווען סנדק ומוהל.

דער רבי האט געדאווענט שחרית אין ביהמ"ד אמרי נועם בשכונת דברי יואל אינאיינעם מיט די תלמידי ישיבה גדולה סניף עסק התורה פון מאנסי בהנהלת הר"ר ישראל מרדכי זיידענפעלד שליט"א. פארן דאווענען האט דער רבי געלייגט תפילין פאר די בר מצוה בחורים.
- ב"ר שמעון ישראל ענגלענדער הי"ו.
- ב"ר פנחס איידליס הי"ו.
- ב"ר יואל בר"מ ברודא הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.
דערנאך איז דער רבי צוריק אריין בהיכל הביהמ"ד ווי דער רבי האט פארגעלערנט א סוגיא שיעור אין די סוגיא פון מצות עשה שהזמן גרמא, און מסיים געווען בברכת קדשו לרגל סיום הזמן.

ארום 1:50 איז דער רבי אנגעקומען בהיכל המתיבתא סניף קדושת יואל ווי דער רבי האט פארגעלערנט דעם זיבעטן סוגיא שיעור אין די סוגיא פון מצות עשה שהזמן גרמא אלץ הכנה צום שבת הגדול דרשה, מען האט געענדיגט ארום 2:30.

ארום 6:15 האט דער רבי געדאווענט מנחה בביתו נאוה קודש אויף צאנז קט.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
ביים אנקומען אין וומסב''ג איז דער רבי צו געפארן מנחם אבל זיין משפחת הרה"ח ר' יואל ברנ"י דאנא ע"ה.

זמני כניסה בקו''פ איז געווען פון 8:30 ביז 1:40 אויפדערנאכט בביתו נאוה קודש אויף היוז סט.

בעת די זמני כניסה איז פארגעקומען א כתיבת האותיות פאר די ספר תורה וואס ווערט געשריבן דורך הרה"ח ר' אהרן משה שלאגער הי"ו און ווערט אריינגעגעבן אין פלארידע, דער רבי האט אריינגעשריבן עטליכע אותיות געטרינקן לחיים און מאציל געווען מברכת קדשו.

אזוי אויך זענען אריין בקו"פ עטליכע חברי הנהלה און עסקני מוסדות יטב לב בארה"ק וואו מהאט אויסגעשמועסט פארשידענע פלענער וואס איז עומד על הפרק צו העלפן די הייליגע מוסדות וועלכע זענען אין גאר א גרויסן דעפיציט, רבינו שליט"א האט אויפגעפאדערט מ'זאל פראבירן מיט אלע כוחות מזאל שיקן גרויס געלט - אויסער די חודש'ליכע תמיכה פונעם אפיס - נאך פאר יו"ט, כדי מזאל קענען אויסצאלן די כלי קודש ברחבי ארה"ק, און האט מאציל געווען מברכת קדשו פאר די בעפארשטייענדע ברייטע פלענער צו שטעלן א יסוד בסיס פאר די הייליגע מוסדות.

דער רבי האט געדאווענט מעריב ארום 11:45 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️