סאטמארע נייעס

מאנטאג שמיני א' 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ת"ת בנין קליין אינאיינעם מיט די תלמידי כתות ו' ז' ח' סניף הר"ר יואל ווערצבערגער שליט"א. פארן דאווענען האט דער רבי געלייגט תפילין פאר די בר מצוה בחורים.
- ב"ר יודא הערש פיש הי"ו.
- ב"ר יואל גאנז הי"ו.
- ב"ר חיים יודא ווייס הי"ו.
- ב"ר חיים מענדל פריעדמאן הי"ו.
ביים ליינען איז דער רבי געגאנגען הגבה.

נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים און חרוזים, דער רבי האט געטרינקן לחיים און אנגעוואונטשן פאר די בר מצוה בחורים, מלמדים און קינדער, און דערנאך משמיע געווען דב"ק הכנה ליו"ט פסח און מסיים געווען בברכת קדשו.

דערנאך איז דער רבי אראפ אויפן אנדערן שטאק ווי עס געפינט זיך די אוצר הספרים ספעציעל צוגעשטעלט פאר די מלמדים מיט אלע ספרים וואס זיי קענען ניצן לתועלת פון די קינדער, דער רבי האט זיך אומגעקוקט א לענגערע צייט אויף אלע ספרים אין באגלייטונג פון הר"ר ברוך שלמה וויינבערגער שליט"א ראש המנהלים, און דערנאך איז דער רבי אריין אין איינע פון די חדרים און זיך אומגעקוקט אויף די לימודים.

ארום 7:30 האט דער רבי געדאווענט מנחה בביתו נאוה קודש אויף צאנז קט.

זמני כניסה בקו''פ איז געווען פון 9:00 ביז 12:15 אויפדערנאכט בביתו נאוה קודש אויף איהעל קט.

דער רבי האט געדאווענט מעריב ארום 12:15.

▫️ סאטמארע נייעס 🌴 ▫️

זונטאג שמיני א' 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' שלמה וויזעל הי"ו ווי דער רבי איז געווען סנדק ומוהל.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- בן הרה"ג ר' יואל געלב שליט"א - מו"ץ בקהלתינו הק' מאנסי.
- ב"ר אביגדור בר"מ כהנא הי"ו.
- ב"ר יואל ב"ר ישראל פארקאש הי"ו.
דער רבי האט פארגעזאגט וכרות פסוק בפסוק.

נאכן דאווענען איז פארגעקומען א ברית לבן הנולד אצל ר' שמואל שאול מיטטעלמאן הי"ו (וומסב''ג), ווי דער רבי איז געווען סנדק ומוהל.
דערנאך איז פארגעקומען א לחיים מיט די בר מצוה בחורים און דער בעל ברית בהיכל הביהמ"ד.

אין די פארמיטאג שעות איז דער רבי געווען אויף זיין וועכענטליכע באזוך אינעם בית השחיטה המהודרת.
דערנאך איז דער רבי אריבער אויף א קביעות מזוזה בביתו החדש פון הרה"ח ר' שמחה ישראל אפפעל הי"ו, דער רבי האט קובע געווען א מזוזה און מאציל געווען מברכת קדשו.
דערנאך האט זיך דער רבי אומגעקוקט אויף די דערנעבענדיגן שטח ווי עס וועט בקרוב געבויט ווערן פרישע 300 דירות דורך הרבני הנגיד ר' יחזקאל בראך הי"ו ובניו, און דערביי געהערט א באריכט פון העסקן ר' משה יוסף פריעדלענדער הי"ו איבער די פערמיטן וואס מ'האט נארוואס ערהאלטן צו קענען אריינשפרינגן אינעם בוי פראיעקט פאר די הונדערטער דירות אין הארץ פון שטאט וואס וועלן פארקויפט ווערן כפי תקנות רבינו פאר 300 דאלער א סקווער פיס, און דער רבי האט זיך ווארעם באדאנקט פאר ר' משה יוסף הי"ו פארן צושטאנד ברענגן די פראיעקט.

ארום 7:20 האט דער רבי געדאווענט מנחה בביתו נאוה קודש אויף צאנז קט.

זמני כניסה בקו''פ איז געווען פון 9:00 ביז 12:30 אויפדערנאכט בביתו נאוה קודש אויף איהעל קט.

בעת די זמני כניסה זענען אריין בקו''פ חברי הנהלת מבצר הכוללים קרית יואל וועלכע האבן איבערגעגעבן א באריכט פון די ערשטמאליגע חלוקה ווי די הנהלת הכולל האט פארטיילט א גרויסע סכום פון $2,500 פאר אלע לומדי הכולל וועלכע לערנען שוין אין כולל פאר צען יאר און העכער, דער רבי איז איבערגעגאנגען די ליסטעס א לענגערע צייט און מאציל געווען מברכת קדשו פאר די חברי הנהלת הכולל.

אויך איז געווען אויף א באזוך בקו''פ הגאון רבי ישראל מאיר זאקס שליט"א ראש ישיבת חפץ חיים מאנסי, נכד הגה"ק בעל חפץ חיים זצ"ל, עס האט זיך פארצויגן א לענגערע שמועס בדברי תורה און דער רבי האט אים מאציל געווען מברכת קדשו.

דער רבי האט געדאווענט מעריב ארום 11:30 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

שב''ק פרשת צו - שבת הגדול 'בצל הקודש' פון כ''ק רבינו הגה''ק שליט''א בקרב קהלתינו הק' אין וומסב''ג

פרייטאג צונאכטס ארום 7:50 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הרה"ח ר' חיים העללער הי"ו. מען האט געענדיגט ארום 9:30. דער ציבור איז אריבער זאגן גוט שבת און דער רבי איז אהיים לביתו נאוה קודש שע"י ביהמ"ד הגדול.

ארום 10:10 איז דער רבי אריינגעקומען צום שלחן הטהור אינעם היכל התורה אינאיינעם מיט די תלמידי ישיבה לצעירים וומסב''ג.
- הגבהת הכוס: הר"ר גבריאל געשטעטנער שליט"א ר"מ בישיבה לצעירים.
מיט די זמירות האט רבינו שליט''א מכבד געווען.
- כל מקדש: הר"ר גבריאל געשטעטנער שליט"א.
- מנוחה ושמחה: הרה"ג ר' ישעי' גדלי' קויפמאן שליט"א דומ"ץ קראלי וומסב''ג.

דער רבי האט געזאגט תורה אויפן מדרש 'שאלו תלמידיו את רבי יוסי בן קיסמא אימתי בן דוד בא השיב זאת תורת העולה' און געטייטשט בדרך דרוש אין די סוגיא צו מען דרשנט סמוכין.

- קה אכסוף: הרה"ג ר' נפתלי הירצקא צוויבל שליט"א, ראה"כ.
- ברכת המזון: הגה"צ אבד''ק וומסב''ג שליט"א.

עובדות וסיפורים די וואך האט רבינו שליט''א דערציילט פון הרה"ק רבי אשר'ל מראפשיץ זיע''א וואס די יארצייט געפאלט מיטוואך ערב פסח.

- קה רבון עלם: נכד רבינו הרב אלעזר טייטלבוים שליט"א (לאנדאן) בן הגה"צ אבד''ק וומסב''ג שליט"א.
די פרישע חתנים זענען אריבער נעמען פירות. און עס איז פארגעקומען די שלום זכר ביי:
- ר' יושע ב"ר יצחק פריעדמאן הי"ו.
- ר' שמואל שאול מיטטעלמאן הי"ו.
- ר' רפאל יושע סטרולאוויטש הי"ו.
- ר' שלמה ב"ר יואל רובינשטיין הי"ו.

- אז ביום השביעי: נכד רבינו הרב אברהם רוקח שליט"א חתן הגה"צ רב דביהמ"ד ישראל שלום שליט"א.
מען האט געענדיגט ארום 12:45.

וביום השבת

שב''ק אינדערפרי איז דער רבי אריינגעקומען אין ביהמ''ד ארום 9:35.
- ברכות ופסוקי דזמרה: ר' יואל בר"ב לאוב הי"ו.
דער רבי איז צוגעגאנגען צו שחרית ויוצר, און מען האט געזינגען ביי מכלכל חיים און ממקומך כנהוג.

- הוצאה והכנסה: הר"ר שלום לוי יצחק ווייסמאן שליט"א.
- פסוקי שמע ישראל: הרה"ג ר' יואל הערש קאהן שליט"א - מו"ץ.
- בעל קורא: הרה"ח ר' יודל ווערצבערגער הי"ו.
עליות.
- כהן: ר' יושע ב"ר יצחק פריעדמאן הי"ו.
- לוי: הרה"ח ר' יוסף לעווי הי"ו.
- שלישי: הגה"צ אבד''ק וומסב''ג שליט"א.
- רביעי: הרה"ח ר' יעקב הערש ניישטאדט הי"ו.
- חמישי: הרה"ג ר' ישעי' גדלי' קויפמאן שליט"א.
- שישי: רבינו שליט''א.
- שביעי: ר' יקותיאל מאיר ווייסמאן הי"ו, און דער רבי האט קורא שם געווען לרגל הולדת בתו למז''ט.
- אחרון: נכד רבינו הרב אלעזר טייטלבוים שליט"א.
- מפטיר: הרה"ח ר' יצחק יודא פארגעס הי"ו.
- הגבה: הרה"ח ר' יוסף לייב יאקאב הי"ו (ירושלים).
- גלילה: הרה"ח ר' מנחם שלמה ראזענפעלד הי"ו.

- מוסף: הרה"ח ר' משה יודא הירש הי"ו.
- פתיחה צו אנעים זמירות: הרה"ח ר' ברוך הערש פליישמאן הי"ו.
דערנאך האט מען געליינט די נשיא כנהוג. מען האט געענדיגט ארום 12:45.

ביים מיטאג סעודה בביתו נאוה קודש האט מען אויפגעגעבן 'קינדל' און 'נאנט' כנהוג אום שבת הגדול, און מיטן בענטשן האט דער רבי מכבד געווען משב"ק הרה"ח ר' שמואל הכהן פריעדמאן הי''ו.

ארום 5:50 איז דער רבי אריינגעקומען צום שבת הגדול דרשה, דער רבי האט זיך מתעטף געווען מיטן טלית מיט א ברכה, און ארויף צום ארון הקודש און מתפלל געווען א תפילה חרישית, און דערנאך אנגעהויבן די דרשה אויפן פסוק 'זאת תורת העולה' מיט א לענגערע פלפול אינעם סוגיא פון 'מצות עשה שהזמן גרמא' וואס דער רבי האט פארגעלערענט אין ישיבה, און דערנאך ממשיך געווען מיט דברי דרוש און עטליכע טייטשן בדרך אגדה ומוסר.
דערנאך האט דער רבי מעורר געווען בדברים הצריכים תיקון, מען דארף מקיים זיין תורה ומצות מיט א יגיעה און זיך נישט לאזן פון די היינטיגע באקוועמע אידישקייט, דאס איז נוגע ביי יעדע מצוה, לימוד התורה, תפילה, און אזוי אויך ביי חינוך הבנים נישט זיך פארלאזן נאר אויף די מחנכים נאר זיך כסדר נאכפרעגן און מיטהאלטן, קויפן נאר ערליכע מלבושים פאר די קינדער ובפרט יעצט ווען מען האט אריינגעלייגט כוחות צו האבן פאר די אינגלעך מלבושים פון רעכטס אויף לינקס ימין ה' רוממה, עומד זיין על המשמר ביי אלע מלבושי נשים, זהירות יתירה ביי ענין פון הכשרים א גאנץ יאר ובפרט פאר פסח ווען עס איז דא צובאקומען אלע מיני מאכלים מיט גוטע הכשרים עס נישט געמאכט פאר אונז מען דארף זיך האלטן צו די מסורת אבות און נישט עסן די אלע מאכלים, בנוגע די כלים הטמאים אפילו איינער האט א היתר זיך צו באניצן מיט דעם איז עס נאר ביי די ארבעט, ווי שעמט מען זיך נישט עס ארויסצונעמען אין ביהמ"ד.
דער רבי האט ממשיך געווען ארומרעדענדיג איבער דעם שווערן מצב אין וואס אחב"י תושבי ארה"ק געפינען זיך און האבן נישט קיין טאג און קיין נאכט מיטן דארפן כסדר לויפן זיך באשיצן פון די באמבעס, און דאס האט שוין ליידער געקאסט גאר אסאך קרבנות פיזיש און נאך מער גייסטיש רח"ל, רוח הקודש הופיע בבית מדרשינו של רביה"ק זיע''א און דער רבי האט פארגעלערנט פון ספר הק' על הגאולה איבערן היינטיגן מצב, און אנגעוואונטשן אז הקב"ה זאל העלפן אז מען זאל ניצל ווערן סיי פון די רוצחים און סיי פון די מצילים. דער רבי האט ממשיך געווען און מעורר געווען איבער די גזירה פון גיוס בני ישיבות בארה"ק און די גזירת החינוך אין ניו יארק, און צוגעענדיגט מיט דברי הכנה צום יו"ט פסח און מסיים געווען בברכת קדשו פארן גאנצן ציבור.
מען האט געענדיגט ארום 7:25, דער רבי האט געזאגט קדיש דרבנן און אריין בחדרו הפרטי בביתו נאוה קודש.

רעוא דרעווין
דער רבי איז אריינגעקומען צו תפילת מנחה ארום 7:50.
- בעל תפילה: הרה"ח ר' יעקב הערש היימאן הי"ו.
- הוצאה והכנסה: הרה"ח ר' שלמה הערש בר"ד עקשטיין הי"ו (קר"י).
- כהן: הרה"ח ר' משה לייב טרעגער הי"ו.
- לוי: הרה"ח ר' אברהם יצחק לאנדא הי"ו.
- שלישי: הרה"ח ר' דוד עקשטיין הי"ו מראה"ק בקר"י.
- הגבה: רבינו שליט''א.
- גלילה: הרה"ח ר' שמואל הערש שפיטצער הי"ו.

זמירות ביי של"ס האט דער רבי מכבד געווען:
- אודה הרה"ג ר' הערש לייב בערנשטיין שליט"א דומ"ץ ביהמד בית מנחם צבי.
- שיר המעלות: הרה"ג ר' משה ראזענפעלד שליט"א דומ"ץ ביהמ"ד ברך משה.

דער רבי האט געזאגט תורה אויפן מדרש 'שאלו תלמידיו את רבי יוסי בן קיסמא אימתי בן דוד בא השיב זאת תורת העולה' און געטייטשט אז דורך מצות מילה ווערט מען דבוק אין הקב"ה און מען באקומט א חיות דקדושה במילא ווערט מען נישט נדחה פון די קדושה און עס ניצט תשובה, און ממשיך געווען מיט הכנה צום יו"ט פסח און געזאגט אז מצות מצה האט אויך די סגולה און עס איז משפיע א חיות דקדושה צו זיין דבוק אין הקב"ה און ברענגט אראפ אלע השפעות טובות.

- ידיד נפש: הרה"ג ר' שלום טייטלבוים שליט"א דומ"ץ ויואל משה.
- קל מסתתר: הרה"ג ר' דוד הירש שליט"א מו"ץ.
דער רבי האט געבענטשט על הכוס.

- מעריב מוצש''ק: הרה"ג ר' דוד הירש שליט"א.
נאך הבדלה איז דער ציבור אריבער זאגן א גוטע וואך. דערנאך האט דער רבי געמאכט קידוש לבנה פארנט פון ביהמ"ד הגדול, און אנגעוואונטשן 'א גוטע וואך א גוטע חודש און א גוט יו"ט'. מען האט געענדיגט ארום 10:00.

בביתו נאוה קודש זענען אריין בקו''פ די בחורים גבאים פון די שלוחי רבינו קאמפיין דורך די תלמידי המתיבתא לטובת די עניי ארץ ישראל איידער דעם מסע הקודש קיין ארה"ק פארגאנגענעם חודש חשון. דער רבי האט פארטיילט א מתנה א הערליכע מצה טאש פאר אלע גבאים און אנגעוואונטשן ברכת קדשו.

ארום 11:30 האט דער רבי מנחם אבל געווען משפחת הרה"ח ר' מרדכי דוב לאקס ע"ה, און דערנאך אהיימגעפארן לביתו נאוה קודש אין קר"י.
אויפן וועג אהיים האבן זיך פארבינדן מיט רבינו שליט"א רבני וחברי הנהלת קהלתינו הק' פון ירושלים, בני ברק, און בית שמש און האבן זיך גאר שטארק באדאנקט בשם אלע אנ''ש תושבי ארה"ק פאר די גרויסע תמיכה וואס רבינו שליט"א האט אפגעשיקט כמדי שנה בשנה לכבוד יו"ט פסח פאר אלע אנ''ש אין ארץ ישראל, אינעם פאנטאסטישן סכום פון קרוב צו א מיליאן דאלער.

▫️ סאטמארע נייעס 🌴 ▫️