סאטמארע נייעס

כדי נאכצוקומען דעם גרויסן פארלאנג וואס וואקסט פון יאר צו יאר בליעה"ר, האבן די מנהלי בית אופה דקהלתינו הק' אינטערגענומען נעכטן מיטוואך, א צווייטע רעגן-לאזע מהודר'דיגע ווייץ שניט אין א קליין שטעטל אינעם ווייטן יוטא, וועלכע איז אויך א טריקענע סטעיט אינעם זומער סעזאן, לקראת חג המצות תשפ"ז הבעל"ט.

נאך א 4'וואכיגע שמירה אויפן פעלד, זענען אראפגעפארן עסקנים מטעם הבתי אופה דקהלתינו אין קרית יואל און וומסב"ג, און באגלייטונג פון די רבנים המכשירים שליט"א, נאכן בודק זיין די ווייצלך און דעם גיגאנטישן קאמביין מאשין, איז דער שניט ארויס אין גאנג בס"ד, ווען דער קאמביין מאשין ווערט געפירט דורך א היימישן איד פון קרית יואל, לשם מצות מצוה.

▫️ סאטמארע נייעס 🌴 ▫️
וואטסעפפ גרופע