Satmara Niyes

פרייטאג ערש''ק כי תצא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' מרדכי יוסף בראדער הי"ו ווי דער רבי איז געווען סנדק ומוהל.

דער רבי האט געדאווענט שחרית אין ת"ת בנין קליין אינאיינעם מיט די תלמידי כתה ט' סניף הר"ר בנימין בער בערקאוויטש שליט"א.
פארן דאווענען האט דער רבי געלייגט תפילין פאר די בר מצוה בחורים.
- ב"ר מאיר אלי' גאלדבערגער הי"ו.
- ב"ר יואל ראזינגער הי"ו.
- ב"ר יצחק אייזיק פאוועל הי"ו.
דער רבי האט געבלאזן שופר און געזאגט צען קאפיטלעך תהילים כנהוג אום חודש אלול.

נאכן דאווענען איז פארגעקומען די שמחת הברית מילה פון נכד רבינו בן הנולד אצל הרב מאיר אליעזר מייזליש שליט"א בן חדב"ן הגה"צ רב דביהמ"ד ישמח משה שליט"א וחתן הגה''צ ר' אהרן שמואל דושינסקיא שליט"א ר"י דושינסקיא.
רבינו שליט"א איז מכובד געווארן מיט סנדקאות.
- מוהל: חדב"ן הגה"צ רב דביהמ"ד ברך משה שליט"א.
- סנדק מעומד: חדב"ן הגה"צ רב דביהמ"ד ישמח משה שליט"א.
דער רבי האט געזאגט די ברכות וקריאת השם, ויקרא שמו בישראל: 'יקותיאל יהודא' נאך דער זיידע הגה"צ אבד"ק סיגעיט זצ"ל ע"ש מרן הגה"ק הייטב לב זיע"א.

נאכן ברית איז מען אריבער וואונטשן מזל טוב פאר רבינו שליט"א.

דערנאך איז דער רבי אראפ צום פערטן שטאק ווי עס איז פארגעקומען דעם מעמד 'ברנה יקצרו' וסיום חזרת לימודי השנה דורך די קרוב צו 500 תלמידי כתה ה' פון אלע סניפי מוסדות קרית יואל.
מען האט געזינגען עטליכע ניגונים און חרוזים לכבוד המאורע, דער רבי האט געטרינקן לחיים און אנגעוואונטשן פאר די בר מצוה בחורים, מלמדים און אלע קינדער, און משמיע געווען דב"ק הכנה לקראת די ימי הרחמים והרצון, און מסיים געווען בברכת קדשו.

נאך עטליכע מינוט איז דער רבי אריינגעקומען צו די סעודת הברית אינאיינעם מיט די תלמידי כתה ט'. דער רבי האט זיך געוואשן צו די סעודה ברית און אויפגעריסן די חלה מיט די האנט כנהוג אום ערש"ק.
ביי די סעודה האט אויפגעטרעטן דער בעל שמחה אבי הבן שליט"א. אויך האט איינער פון די בחורים פארגעזינגען חרוזים לכבוד המאורע, און דער מנהל האט איבערגעגעבן א קוויטל כוללות פון די בחורים וועלכע האבן אינאיינעם געלערנט אריבער 2,000 שעות רצופות אלץ הכנה צום רבי'נס באזוך.
מיט יום ליבשה האט דער רבי מכבד געווען דעם מנהל הר"ר בנימין בער בערקאוויטש שליט"א.

דער רבי האט משמיע געווען דב''ק והדרכה, מצות מילה ברענגט אריין חכמה אין א מענטש אז מען זאל קענען אפמאכן ווען זיך צו באניצן מיט מידת ענוה און ווען מען דארף זיך יא באניצן מיט מידת הגיאות, און מסיים געווען בברכת קדשו.
דער רבי האט געבענטשט אויפן כוס און מכבד געווען מיט די הרחמן'ס די מלמדים, מען האט געענדיגט ארום 2:00.

דערנאך איז דער רבי אריבער אין שטוב פונעם בעל ברית און געוואונטשן פאר די יולדות.

▫️ סאטמארע נייעס 🌴 ▫️

דאנערשטאג כי תצא

דער רבי האט געדאווענט שחרית אין ישיבה גדולה סניף ברך משה. פארן דאווענען האט דער רבי געלייגט תפילין פאר די בר מצוה בחורים.
- ב"ר יואל ב"ר מענדל לעווי הי"ו.
- ב"ר משה דוד ב"ר הערשל טעללער הי"ו.
- ב"ר יואל יעקב יודא ווייס הי"ו.
- ב"ר אברהם האפמאן הי"ו.
ביים ליינען איז דער רבי געגאנגען הגבה. און נאכן דאווענען געבלאזן שופר און געזאגט צען קאפיטלעך תהילים כנהוג אום חודש אלול.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל ל"ב פסוק א'. דערנאך איז פארגעקומען א לחיים מיט די בר מצוה בחורים בחדרו הפרטי.
אויך איז פארגעקומען אן אסיפה בחדרו הפרטי מיט די מנהלי המתיבתא ווי מען האט אויסגעשמועסט פארשידענע פרטים בנוגע די קומענדיגע שנת הלימודים הבעל"ט, און דערביי האט דער רבי קובע געווען צו לערנען מסכת כתובות.

נאך שחרית האט דער רבי מנחם אבל געווען משפחת לאנדא היושבים ע"פ אחיהם הרה"ח ר' הערשל לאנדא ע"ה.

זמני כניסה בקו''פ איז געווען פון 6:30 ביז 1:40 אויפדערנאכט בביתו נאוה קודש אויף איהעל קט.

ארום 7:15 האט דער רבי מסדר קידושין געווען ביי די חופה פון די מחותנים.
- הרה"ח ר' בנציון ראפאפארט הי"ו און הרה"ח ר' יואל ברנ"ה שווארטץ הי"ו אין די זאלן פון בית רחל פאראדייס.
- הרה"ח ר' חיים מאיר ברש"ד ווייס הי"ו און הרה"ח ר' יואל ברא"ה בערקאוויטש הי"ו אין די זאלן פון גינת קליין.

ארום 8:30 האט דער רבי געדאווענט מנחה בביתו נאוה קודש און דערנאך ממשיך געווען אויפנעמען דעם ציבור.

ארום 9:40 איז דער רבי אראפ אין די תנאים זאלן בביתו נאוה קודש ווי דער רבי האט געליינט די תנאים פון די מחותנים.
- הרה"ח ר' משה ארי' גוטמאן הי"ו און הרה"ח ר' יואל ברש"י לאקס הי"ו.
- הרה"ח ר' מאיר סאקס הי"ו און הרה"ח ר' מאיר נפתלי פערל הי"ו.
- הרה"ח ר' אברהם לייב קליין הי"ו און הרה"ח ר' יצחק דוד שווארטץ הי"ו.

ארום 12:00 איז געווען אויף א באזוך בקו''פ כ"ק אדמו"ר מראחמיסטריווקא שליט"א פון ב"פ מקבל זיין ברכת הקודש לרגל נישואי נכדו למז"ט דעם זונטאג כי תבא אין קר"י, עס האט זיך פארצויגן א שיינע שמועס בסיפורי צדיקים לבית טשערנאביל, דער רבי האט אים מכבד געווען מיט לחיים און מאציל געווען מברכת קדשו און ארויסבאגלייט ביז צו די גאס.

דערנאך זענען אריין בקו''פ הנהלת כולל שומרי החומות, אין שפיץ פון הרה"צ מטאלטשאווע שליט"א מראשי הנהלת הכולל, מקבל זיין ברכת הקודש לרגל די קאמפיין וועלכע קומט יעצט פאר אין קרית יואל לקראת די ימים טובים הבעל"ט, זיי האבן איבערגעגעבן א באריכט פון די לעצטיגע פעולות פונעם כולל און דער רבי האט מאציל געווען מברכת קדשו.

דער רבי האט געדאווענט מעריב ארום 12:50 און דערנאך ממשיך געווען אויפנעמען דעם ציבור.

נאך די זמני כניסה ארום 1:45 איז דער רבי אריבער צום שמחת הוואכנאכט פון נכדו בן הנולד אצל הרב מאיר אליעזר מייזליש שליט"א בן חדב"ן הגה"צ רב דביהמ"ד ישמח משה שליט"א, בבית אביו אין שכונת ברך משה, עס האט זיך פארצויגן א שמועס איבער די ביטערע גזירות הגיוס וואס שוועבט אויף די טויזענטער בחורים און אברכים אין ארץ ישראל ווי עס װערן ליידער טעגליך ארעסטירט בחורים, דער רבי האט געטרינקן לחיים און אנגעוואונטשן ברכות קדשו. דערנאך האט דער רבי געליינט קרי"ש כנהוג, מען האט געענדיגט ארום 2:05.

▫️ סאטמארע נייעס 🌴 ▫️

מיטוואך כי תצא

אינדערפרי איז פארגעקומען א ברית לבן הנולד אצל ר' לוי יצחק לעווי הי"ו ווי דער רבי איז געווען סנדק.

דער רבי האט געדאווענט שחרית אין ישיבה קטנה סניף ייטב פנים בהנהלת הרה''ג ר' חיים לייב זילבערשטיין שליט"א. פארן דאווענען האט דער רבי געלייגט תפילין פאר די בר מצוה בחורים.
- ב"ר שמואל עקשטיין הי"ו.
- ב"ר דוד בר"א קויפמאן הי"ו.

דער רבי האט געצינדן לעכט און צוגעגאנגען צום עמוד לרגל די הילולא קדישא פון זקינו מרן הגה"ק בעל ייטב לב זיע''א.
דער רבי האט געבלאזן שופר און געזאגט צען קאפיטלעך תהילים כנהוג אום חודש אלול.

נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די בר מצוה בחורים און רמ"י ותלמידי הישיבה, און משמיע געווען דב"ק אז בזכות פון לימוד התורה וואס 'אפילו אחד עוסק בתורה שכינה עמו' קוקט הקב''ה אויף א פגם פון א עבירה לויט וויאזוי עס קוקט אויס אויף די וועלט און נישט וויאזוי עס קוקט אויס בעולם העליון, און מסיים געווען בברכת קדשו.

ביים אנקומען אהיים לביתו נאוה קודש האט דער רבי געבענטשט פלעשלעך האניג וועלכע וועט אפגעשיקט ווערן דורך הרבנית הצדיקת תליט"א פאר די הונדערטער אלמנות פון קהלתינו הק' פון איבער דער גארער וועלט, לכבוד יו"ט ראש השנה הבעל"ט, און דערביי געהערט א באריכט פון די עסקנים איבער די פעולות צו ארויסהעלפן די אלמנות און מאציל געווען מברכת קדשו.

ארום 3:30 איז דער רבי אריבער געפארן קיין מאנסי צו די יערליכע זמני כניסה פאר אנ''ש לברך ולהתברך לקראת די ימי הרחמים והרצון הבעל"ט.
ארום 4:15 איז דער רבי אנגעקומען בחדרו הפרטי אין ביהמ"ד הגדול צו די זמני כניסה, במשך די זמני כניסה זענען אריין הונדערטער אידן זקנים עם נערים לברך ולהתברך בפתקא ופדיון לקראת די ימים נוראים הבעל"ט.

ארום 8:10 האט דער רבי געדאווענט מנחה, דער רבי האט געצינדן לעכט און צוגעגאנגען צום עמוד לרגל די יומדה"ק.

נאך מנחה ארום 8:30 איז דער רבי אריינגעקומען אין היכל הביהמ"ד צו די סעודת הילולא און מעריך געווען שלחנו הטהור לרגל די יומדה"ק, ביי די לחיים נאך די פיש האט דער רבי אנגעוואונטשן 'זכותו יגן עלינו ועל כל ישראל'.
במשך די סעודה האט מען געזינגען ניגוני התעורורות, מיט מכתם לדוד האט דער רבי מכבד געווען הרה"צ ר' אהרן טייטלבוים שליט"א אב"ד סיגוט מאנסי בן הגה"צ רב דקהלתינו ב''פ 15 שליט"א.

דער רבי האט משמיע געווען דב"ק און געטייטשט במשנתו פונעם בעל הילולא זיע''א וויבאלד כלל ישראל זענען עבדים למקום קען הקב"ה אוועקנעמען עולם הזה פון די אומה"ע און עס געבן פאר די אידן, בזכות וואס א מענטש לאזט זיך אראפ נידריגער פון זיינע מדריגות ארויסצוהעלפן פאר אנדערע, קומט הקב"ה אויך אראפ צום עולם השפל און קוקט אויף די פגם פון א עבירה לויט וויאזוי עס קוקט אויס אויף די וועלט און נישט וויאזוי עס קוקט אויס בעולם העליון, דאס האט מען געזען ביים בעל הילולא זיע''א וואס האט זיך אראפגעלאזט צו יעדעם איינעם און בפרט צו בחורים און געפירט א ישיבה און מרביץ תורה געווען פאר בחורים, און אונז דארף מיר זעהן צו גיין אין זיינע וועגן און זיך פירן ווי תלמידים פונעם ייטב לב.
דער רבי האט ממשיך געווען בשבח פון קהלתינו ומוסדותינו הק' אין מאנסי און פונעם רב שליט"א וועלכע שטייט בראש, און מעורר געווען צו שיקן נאר אין אונזערע ישיבות, און ארויסהעלפן און שטיצן די מוסדות הק' צו קענען ענדיגן די נייע בנינים וואס בויען זיך יעצט פאר די ישיבה און ת"ת און פאר די בית רחל, און ביים סוף מעורר געווען זיך צוצוגרייטן צו די ימי הרחמים והרצון מיטן לערנען ספרי חסידות וספרי מוסר און קובע געווען צו לערנען ספר תפארת שלמה זיך אנציווארעמען דאס הארץ צו תשובה ולקראת הימים הנוראים, און מסיים געווען מיט ברכות לרוב.

- ברכת המזון: הגה"צ אבד''ק מאנסי שליט"א.
מען האט געענדיגט ארום 9:50 און דער רבי איז צוריק אריין לחדרו הפרטי און ממשיך געווען מיט די זמני כניסה.

ארום 12:30 האט דער רבי געדאווענט מעריב.
נאך מעריב איז פארגעקומען בקו''פ א מסיבת לחיים לרגל שמחת קישור החיתון פון החתן בן הר''ר יחיאל מיכל בערקאוויטש שליט''א בן הגאון הגדול דומ"ץ קר"י שליט''א וחתן האדמו"ר מסערעדנא ב"ב שליט"א, עב"ג הכלה בת הר''ר יוסף מאיר שמידמאן שליט''א בן הגה''צ אב"ד קראלי פלעטבוש שליט''א וחתן הר''ר אברהם דוד וואגשאהל ז"ל, מען האט געמאכט קבלת קנין, דער רבי האט געטרינקן לחיים און מאציל געווען מברכת קדשו.
דערנאך איז דער רבי אהיימגעפארן קיין קר"י.

▫️ סאטמארע נייעס 🌴 ▫️

דינסטאג כי תצא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית אין ביהמ"ד בית מנחם זאב בשכונת ויואל משה לבן הנולד אצל ר' שמשון אינדיג הי"ו ווי דער רבי איז געווען סנדק.
פארן ברית האט זיך דער רבי אומגעקוקט אויף די בוי ארבעט ביי די נייע פליגל וועלכע ווערט צוגעבויעט צום ביהמ"ד און דערביי געהערט א באריכט פון די הנהלת הביהמ"ד איבער די בוי פלענער.

דער רבי האט געדאווענט שחרית אין ביהמ"ד ישראל שלום בשכונת ויואל משה לרגל די שמחת הברית מילה פון נכדו בן הנולד אצל הרב מרדכי יודא האלבערשטאם שליט"א בן הגה"צ ר' אברהם מאיר שליט"א דומ"ץ בית מדרשינו 18 ב"פ, וחתן הגה"צ רב דביהמ"ד ישראל שלום שליט"א.
דער רבי האט געזאגט וכרות פסוק בפסוק, און נאכן דאווענען געבלאזן שופר און געזאגט צען קאפיטלעך תהילים כנהוג אום חודש אלול.

נאכן דאווענען איז פארגעקומען די שמחת הברית מילה בהיכל הביהמ"ד.
רבינו שליט"א איז מכובד געווארן מיט סנדקאות ומוהלות.
- סנדק מעומד: הגה"צ ר' אברהם מאיר שליט"א.
- ברכות וקריאת השם: דער זיידע הגה"צ אבד''ק בית אהרן שליט"א, ויקרא שמו בישראל: 'יואל' נאך רביה"ק בעל דברי יואל זיע''א.
נאכן ברית איז דער ציבור אריבער וואונטשן מזל טוב פאר רבינו שליט"א.

נאך עטליכע מינוט איז דער רבי אריינגעקומען צום סעודת ברית בהיכל הביהמ"ד, עס האבן אויפגעטרעטן דער בעל שמחה דער אבי הבן יודא שליט"א, און די זיידעס הגה"צ רב דביהמ"ד ישראל שלום שליט"א, און הגה"צ רבי אברהם מאיר שליט"א.
מיט יום ליבשה האט דער רבי מכבד געווען הרב הלל בן הגה"צ ר' אברהם מאיר האלבערשטאם שליט"א.

דער רבי האט משמיע געווען דב''ק בעניני ברית מילה, און מסיים געווען בברכות קדשו.
ברכהמ''ז האט דער רבי מכבד געווען הגה"צ רב דביהמ"ד ישראל שלום שליט"א און מיט די הרחמן'ס די בני המשפחה. מען האט געענדיגט ארום 1:20.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
זמני כניסה בקו''פ איז געווען פון 7:45 ביז 12:20 אויפדערנאכט בביתו נאוה קודש אויף היוז סט.

ארום 8:45 האט דער רבי געדאווענט מנחה, און מעריב ארום 11:20, פאר מעריב האט דער רבי געצינדן לעכט און צוגעגאנגען צום עמוד לרגל די הילולא קדישא פון זקינו מרן הגה"ק בעל ייטב לב זיע''א.

נאך די זמני כניסה איז דער רבי אריבער אין ביהמ"ד בית שמואל צבי ספינקא ווי דער רבי האט מנחם אבל געווען האדמורי"ם שליט"א די קינדער און ברודער פון האדמו"ר מבית שמואל צבי ספינקא זצ"ל.
ארום 12:35 איז דער רבי אהיימגעפארן קיין קר''י.

▫️ סאטמארע נייעס 🌴 ▫️

מאנטאג כי תצא 'בצל הקודש' פון כ''ק רבינו הגה''ק שליט''א

אינדערפרי ארום 9:50 האט זיך דער רבי ארויס געלאזט אויפן וועג צום יערליכן באזוך אין די מחנות הקיץ דמוסדותינו הק' פון וומסב"ג און ב"פ.

ארום 10:50 איז דער רבי אנגעקומען אין די בחורים קעמפ מחנה רב טוב אין סוואן לעיק.
רבינו שליט''א האט געדאווענט תפילת שחרית אינאיינעם מיט די הונדערטער תלמידי כתה מכינה לישיבה כתה ט' פון וומסב''ג און ב"פ, דער רבי האט געלייגט טו''ת אין ביהמ"ד. פארן דאווענען האט דער רבי תפילין געלייגט פאר די בר מצוה בחורים:
- ב"ר וואלף לאנדא הי"ו.
- ב"ר יעקב יואל סאפדי הי"ו.

- בעל תפילה: הב' יצחק דניאל ני"ו ב"ר יואל דאנא ע"ה (וומסב''ג).
- פתיחה: הרה''ג ר' יודא בער טעללער שליט"א - מנהל כתה ט' וומסב''ג.
- בעל קורא: הב' זיידל בן הר"ר מענדל פאנעט שליט"א (ב"פ).
- כהן: הרה''ג ר' עקיבא יוסף כהנא שליט"א - מנהל כתה ט' ב"פ.
- לוי: הר"ר שמואל משה פריעדמאן שליט"א (ב"פ).
- שלישי: הב' הבר מצוה ב"ר וואלף לאנדא הי"ו.
- הגבה: רבינו שליט"א.
- גלילה: הב' הבר מצוה ב"ר יעקב יואל סאפדי הי"ו.

דער רבי האט געבלאזן שופר און געזאגט צען קאפיטלעך תהילים כנהוג אום חודש אלול.

נאך שחרית איז דער רבי אריבער צום שטוב פון הרה"ח ר' אהרן וויינבערגער הי"ו בשכינות פונעם קעמפ אויף פת שחרית.

ארום 1:50 איז דער רבי צוריק אנגעקומען אינעם בחורים קעמפ, דער רבי איז אריין אין די בתי מדרשים ווי די בחורים לערנען, און זיך אומגעקוקט מיט א שטארקן קורת רוח, דער רבי איז ארום פאר א לענגערע צייט צווישן די טישן און פארהערט די בחורים די לימודים, צום ערשט אין ביהמ"ד פון תלמידי כתה ט' פון וומסב''ג, איידערן פארלאזן די ביהמ"ד האט דער רבי געבעטן די מייק און איבערגעלאזט א קשיא פאר די בחורים אין די לימודים.
דערנאך איז דער רבי אריבער אין ביהמ"ד פון תלמידי כתה ט' פון ב''פ דער רבי האט זיך אומגעקוקט אויף די לימודים און זיך מפלפל געווען מיט די בחורים א לענגערע צייט.

דערנאך איז דער רבי צוריק ארויף ווי עס איז פארגעקומען די מסיבת לחיים מיט די בחורים בהיכל הביהמ"ד, מען האט געזינגען עטליכע ניגונים און חרוזים, דער רבי האט געטרינקען לחיים און אנגעוואונטשן פאר די בר מצוה בחורים, מגי''ש און בחורים, און משמיע געווען דברות קודש צו הארעווען אין די אינגע יארן צו באקומען יראת שמים און אזוי וועט דאס אנהאלטן אויף די שפעטערע יארן, דורך לערנען חסידישע און מוסר ספרים, און מסיים געווען בברכות קדשו. מען האט געענדיגט ארום 2:50.

פון דארט איז רבינו שליט''א צוגעפארן צו די 'אינגל קעמפ' מחנה רב טוב אין מאנטיסעלאו ווי דער רבי איב אנגעקומען ארום 3:05.
דער רבי איז ארויף צו די 4 בתי מדרשים פון די עלטערע כתות ו' ז' ח', תלמידי מוסדותינו אין וומסב''ג סניף הר"ר משה אלי' גרין שליט"א, סניף הר"ר יואל שטערן שליט"א, סניף הר"ר אלעזר אייכנשטיין שליט"א, און דערנאך ביי תלמידי מוסדותינו ב''פ בהנהלת הר"ר זרח שפירא שליט"א.
דער רבי האט זיך אומגעקוקט אויף די לימודים מיט א שטארקע קורת רוח, און געפרעגט שאלות ביי יעדע סניף עקסטער אין זייערע לימודים, דער רבי האט עקסטער באגריסט די איר-אייניקלך שיחי' און נכדי אביו רביה"ק בעל ברך משה זיע''א און זיי געגעבן טאשן געלט כפי מנהג אביו רביה''ק זיע''א.

דערנאך זענען זיך אלע תשב"ר צוזאמגעקומען אינעם חדר האוכל צום מעמד קבלת פנים.
די קינדער האבן מקבל פנים געווען בשירה וזמרה, און דאן פארגעזונגען ווארימע חרוזים לכבוד המאורע.
דער רבי האט געטרינקן לחיים און געוואונטשן פאר די מלמדים און תשב"ר און משמיע געווען דב''ק ארויסגעברעגענדיג אז כדי די לימוד התורה זאל האבן א קיום דארף מען קודם האבן יראת שמים, און דאס דארף מען וויסן שוין פון די אינגע יארן ווען מען הייבט אן צו לערנען תורה אז אן קיין יראת שמים האט די לימוד התורה נישט קיין קיום, און מסיים געווען בברכות קדשו.
דערנאך האט דער רבי פארטיילט שיריים פאר די מלמדים אויסצוטיילן פאר אלע קינדער.

מען האט געענדיגט ארום 4:15 און דער רבי האט פארלאזט די קעמפ און איז אדורכגעפארן צווישן די קינדער בשעת די קינדער שטייען אויסגעשורה'ט אויף די צוויי זייטן פונעם קעמפ און וואונטשן א כתיבה וחתימה טובה.

ארום 4:30 איז דער רבי אנגעקומען אין מחנה פון ישיבה קטנה סניף אהבת התורה וומסב''ג בהנהלת הר"ר יחיאל מיכל סעקולא שליט"א ווי עס איז פארגעקומען א חנוכת הבית פארן בנין הביהמ"ד 'בנין לאנדא' נדבת הרה''ח ר' משה אליעזר לאנדא הי"ו, אינאיינעם מיט א הנחת אבן הפינה פאר א נייע דארמעטארי בנין נדבת הרה''ח ר' אברהם יודא ראזענבערג הי"ו.
דער רבי האט זיך באגריסט מיט בנו הגה"צ אבד''ק וומסב''ג שליט"א און זיך אומגעקוקט אויפן בנין הביהמ"ד.
דערנאך איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געגאסן די אבן הפינה און מכבד געווען הגה"צ אבד''ק וומסב''ג שליט"א צו גיסן.
דער רבי האט געטרינקן לחיים און אנגעוואונטשן פאר רב שליט"א און די רמ"י ותלמידי הישיבה, און משמיע געווען דב"ק אויפן פסוק 'ועשית מעקה לגגך' און ארויסגעברענגט אז מען באנייט א נייע בנין אינעם קעמפ ווי מען וויילט אין די זומער נזהר זיין מיט שמירת עינים, מעק"ה איז ר"ת ה'רהורי ע'בירה ק'שה מ'עבירה, און מעורר געווען די בחורים נזהר צו זיין אויף שמירת עינים וואס דאס איז די יסוד פון זיין א ערליכע איד, און ארומגערעדט בשבח פון די חשובע נדבנים, און אנגעוואונטשן ברכות לרוב פאר די נדבנים, הנהלת הישיבה, און רמ"י ותלמידי הישיבה.
דערנאך האט מען איבערגעגעבן א מנחת ביכורים פאר רבינו שליט"א פון אריבער אכט טויזענט בלעטער גמרא וואס די בחורים האבן געלערנט אלץ א הכנה צום באזוך פון רבינו שליט"א, דערנאך האט דער רבי פארטיילט שיריים פון די פירות פאר די נדבנים.
מען האט געענדיגט ארום 5:10 און דער רבי איז אהיימגעפארן קיין קר"י.

זמני כניסה בקו''פ איז געווען פון 6:00 ביז 12:50 אויפדערנאכט בביתו נאוה קודש אויף איהעל קט.

בעת די זמני כניסה איז געווען אויף א באזוך בקו''פ הגה"צ אבד"ק היבנוב שליט"א וועלכע וויילט אין די יעצטיגע טעג אויף אפרוה אין קרית יואל, עס האט זיך פארצויגן א שיינע שמועס איבער מנהגי חודש תשרי און איבער די באזוכן פון אביו האדמו"ר מליסקא זצ"ל ביי רביה"ק בעל דברי יואל זיע''א, און דער רבי האט אים מאציל געווען מברכת קדשו.

פארנאכטס האט דער רבי מסדר קידושין געווען ביי די חופה פון די מחותנים.
- הר"ר ברוך ברא"ש שווארטץ שליט"א און הר"ר דוד לייב קרויס שליט"א אין די זאלן פון כינור דוד.
- הרה"ח ר' יעקב יצחק שטיינמעטץ הי"ו און הרה"ח ר' משה חיים פריעדמאן הי"ו אין די זאלן פון גינת קליין.

דער רבי האט געדאווענט מנחה ארום 8:15 און מעריב ארום 12:50.

אויך איז אריין בקו''פ הרה"ג ר' קלמן האלבערשטאם שליט"א רב דביהמ"ד צאנז קר"י אינאיינעם מיט מחותנו הר"ר פנחס אלימלך שטיין שליט"א בן האדמו"ר מפאלטישאן שליט"א וחתן כ''ק אדמו"ר מראחמיסטריווקא שליט"א, מקבל זיין ברכת הקודש לרגל שמחת נישואי צאצאיהם למז"ט וועלכע קומט פאר קומענדיגן זונטאג כי תבא אין קר"י, עס האט זיך פארמירט א שיינע שמועס איבער די יחוס פון די חתן וכלה און דער רבי האט זיי מאציל געווען מברכת קדשו.

אויך זענען אריין בקו''פ עסקני מרכז עזרה ויעוץ שע"י העדה החרדית, און איבערגעבן א באריכט פונעם מעמד חנוכת הבית וואס איז פארגעקומען פריער אויפדערנאכט בראשות כ"ק מרן פוסק הדור ומרא דארעא קדישא שליט"א ובית דינו הצדק, און גדולי האדמורי"ם ומנהיגי הקהילות החונים תחת דגל העדה החרדית, פארן נייעם גיגאנטישן הויפטקווארטיר פונעם מרכז אין ירושלים עיה"ק, פארן נייעם בנין פון עטליכע שטאק מיט אריבער צען צימערן צו ערמעגליכן צו פארברייטערן די פעולות המרכז אויף א דראסטישע פארנעם אין די יעצטיגע קריטישע תקופה, די עסקנים האבן איבערגעגעבן א באריכט פונעם באזוך דורך די הנהלת המרכז ביים ירושלימ'ער רב שליט"א, און די נאכפאלגנדע מעמד בראשות די חברי הבד"ץ שליט"א, וואו הגה"צ ר' מאיר צוויבל שליט"א מרבני קהלתינו הק' האט אויפגעטרעטן בשליחות הקודש פון מרן רבינו שליט"א.
די עסקנים האבן דערמאנט די קידוש השם אז אפילו פון די אגוד'יסטישע קרייזן זענען אויך אנוועזנד געווען פילע רבנים און ראשי ישיבות נאך וואס אפילו אין זייערע קרייזן דערזעהט מען זיך מיטן מציאות אז אלע זייערע א.ג. פארטרעטער פון אינעווייניג האבן גארנישט געקענט אויפטון, און די איינציגסטע ווירקזאמע מיטל צו באקעמפן דעם ביטערן גזירת הגיוס איז דורך די אפיסעס וואס רבינו שליט"א האט אויפגעשטעלט מיט 13 יאר צוריק נאך איידער איינער האט אפילו באגריפן אז עס שוועבט א געפאר פון א גזירה.
דער רבי האט זיך נאכגעפרעגט אויף די פעולות פונעם מרכז און די אנגייענדע תמיכה דורך קהלתינו הק', און געוואונטשן ברכת קדשו פאר די עסקנים מען זאל ווייטער קענען אויפטון למען הכלל אפצוראטעווען אידישע נשמות פון שמד.

נאך מעריב ארום 1:10 איז דער רבי אריבער צום שמחת הוואכנאכט פון נכדו בן הנולד אצל הרב מרדכי יודא האלבערשטאם שליט"א בן הגה"צ רבי אברהם מאיר שליט"א - דומ"ץ בית מדרשינו 18 ב"פ, וחתן הגה"צ רב דביהמ"ד ישראל שלום שליט"א, בבית חמיו אין שכונת ויואל משה, עס האט זיך פארצויגן א שיינע שמועס איבערן ייטב לב זיע''א וואס די יארצייט געפאלט די וואך, דער רבי האט געטרינקן לחיים און אנגעוואונטשן פארן בעל שמחה און די זיידעס.

דערנאך האט דער רבי געליינט קרי"ש כנהוג און אנגעוואונטשן פאר די יולדות. מען האט געענדיגט ארום 1:30.

ביים אנקומען אהיים האט דער רבי מקיים געווען מצות שילוח הקן בחצר ביתו נאוה קודש אויף צאנז קט. בהשתדלות ר' אליעזר גפן הי''ו, דער רבי האט געזאגט דעם לשם יחוד און מקיים געווען די מצוה, און געמאכט א שליח ר' אליעזר גפן הי''ו אראפצונעמען די אייער, און מאציל געווען מברכת קדשו.

▫️ סאטמארע נייעס 🌴 ▫️

זונטאג כי תצא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' אפרים גאלדמאן הי"ו אין ביהמ"ד היכל הברכה ווי דער רבי איז געווען סנדק.

דערנאך איז דער רבי אריינגעפארן קיין מאנסי ווי דער רבי האט געדאווענט שחרית אינאיינעם מיט תלמידי ישיבה קטנה סניף קנין תורה בהנהלת הר''ר אשר אנשיל גריסגאט שליט''א אינעם נייעם בנין הישיבה וועלכע איז אין די טעג פארענדיגט געווארן די ערשטע פאזע פונעם בנין ברוב פאר והדר.

ביים אנקומען האט זיך דער רבי באגריסט מיט הגה"צ אבד''ק מאנסי שליט"א און מיטן נדבן היכל הביהמ''ד הרה''ח ר' אברהם יקותיאל יערמיאש הי"ו, דער רבי איז ארום אינעם גאנצן בנין און דערביי געהערט א באריכט פון הרה''ח ר' הערשל ווערטהיימער הי''ו - יו"ר וועד קרן הבנין, איבער די ווייטערדיגע בוי פלענער פון די צווייטע פאזע.

דער רבי איז אריין בהיכל הישיבה און ארום צווישן די טישן און זיך אומגעקוקט אויף די לימודים מיט א קורת רוח.

פארן דאווענען האט דער רבי געלייגט תפילין פאר די בר מצוה בחורים.
- ב"ר אליעזר יואל יערמיאש הי"ו.
- ב"ר שלמה משה גרינפעלד הי"ו.
- ב"ר דוד לוי קויפמאן הי"ו.
- ב"ר אהרן יעקב לעבאוויטש הי"ו.
בעל תפילה: הרה''ח ר' אברהם יקותיאל יערמיאש הי"ו.
דער רבי האט געבלאזן שופר און געזאגט צען קאפיטלעך תהלים כנהוג אום חודש אלול.

נאכן דאווענען איז פארגעקומען א מסיבת לחיים לרגל דעם חנוכת הבית בהיכל הביהמ"ד, מען האט געזינגען עטליכע ניגונים און עס האט אויפגעטרעטן הגה"צ אבד''ק מאנסי שליט"א.
דער רבי האט געטרינקן לחיים און אנגעוואונטשן פארן רב, נדבן, הנהלה, און די בר מצוה בחורים, און די רמ"י ותלמידי הישיבה, און משמיע געווען דב"ק אז געבן צדקה אום חודש אלול איז א גוטע הכנה צום יום הדין, און דאס איז א חסד פון הקב"ה אז טראץ דאס געלט באלאנגט דאך פאר הקב"ה דאך רעכנט ער די מצוה פון צדקה פארן בעה"ב וואס גיבט עס, און ארויסגעברענגט די שמחה ווען מען איז מחנך א נייע בנין לתורה ולתפילה און מאריך געווען בשבח פון די ישיבה, און פונעם חשובן נדבן הביהמ"ד, וועלכע האט עס מנדב געווען לע"נ אביו הרה"ח ר' גדלי' ע"ה וואס די ערשטע יארצייט געפאלט היינט זונטאג, און עס איז א שטארקע נחת רוח און טובה פאר די נשמה, און מסיים געווען בברכות לרוב.

דערנאך האט דער רבי איבערגעגעבן א מתנה א זילבערנע בעכער פארן נדבן הרה''ח ר' אברהם יקותיאל הי"ו. מען האט געענדיגט ארום 1:00.

פון דארט איז דער רבי אריבער אויף פת שחרית אין שטוב פון הרה"ח ר' הערשל ווערטהיימער הי"ו.

ארום 2:00 איז דער רבי אריבער אין שטוב פון הרה"ח הישיש ר' הערש אלימלך ווערצבערגער הי"ו וועלכע האט מנדב געווען א גרויסן סכום לטובת דעם בנין הישיבה, עס האט זיך פארצויגן א שיינע שמועס מיט זכרונות פון רביה"ק בעל דברי יואל זיע''א אין די בראשית יארן אין אמעריקע און איבער דעם באזוך אין מאנסי בשנת תשל"ט, דער רבי האט געטרינקן לחיים און מאציל געווען מברכת קדשו.

פון דארט ארום 2:30 איז דער רבי אריבער אין שטוב פון הרה"ח ר' שמואל זאנוויל ווערטהיימער הי"ו - מנהל המוסדות ווי עס איז פארגעקומען א חתימת שטרות ווי ער האט אפגעקויפט דעם זכות פונעם צענטראלן שער בבנין הישיבה, עס האט זיך פארצויגן א שיינער שמועס איבער די הרחבת גבולי הקדושה פון מוסדותינו הק' אין מאנסי, דערביי איז פארגעקומען א התחלת כתיבת ספר תורה דורך הרה"ח ר' שמואל זאנוויל הי"ו, דער רבי האט אריינגעשריבן די ערשטע אותיות געטרינקן לחיים און מאציל געווען מברכת קדשו.
דערנאך האט דער רבי אינטערגעשריבן די שטרות אינאיינעם מיטן נדבן און אנגעוואונטשן ברכת קדשו.

פון דארט ארום 3:00 איז דער רבי אנגעקומען אין שטוב פון הרה"ח ר' ארי' האפפמאן הי"ו ווי עס איז פארגעקומען א חתימת שטרות ווי ער האט אפגעקויפט א זכות פון א כתה בבנין הישיבה, עס האט זיך פארצויגן א שיינער שמועס, דער רבי האט אינטערגעשריבן די שטרות אינאיינעם מיטן נדבן, געטרינקן לחיים און מאציל געווען מברכת קדשו.
ארום 3:20 איז דער רבי אהיימגעפארן לביתו נאוה קודש אין קר"י.

זמני כניסה בקו''פ איז געווען פון 6:20 ביז 12:50 אויפדערנאכט בביתו נאוה קודש אויף אוהעל קט.

פארנאכטס האט דער רבי מסדר קידושין געווען ביי די חופה פון די מחותנים.
- הר"ר נפתלי שטערן שליט"א און הר"ר שמואל משה פריעדמאן שליט"א אין די זאלן פון כינור דוד.
- הרה"ח ר' חיים ראובן שעהנברוין הי"ו און הרה"ח ר' דוד לייב אקער הי"ו (לאנדאן) אין די זאלן פון בית רחל פאראדייס.
- הרה"ח ר' אברהם קלעפנער הי"ו און הרה"ח ר' נחמן פיש הי"ו אין די זאלן פון גינת קליין.

דער רבי האט געדאווענט מנחה ארום 8:10, פאר מנחה האט דער רבי געצינדן לעכט לרגל די יארצייט פון די באבע הרבנית הענדיל ע"ה אשת חבר פון הרה"ק רבי ישראל יעקב יוקל ט"ב זצ"ל מוואלאווע.

בעת די זמני כניסה איז פארגעקומען א התחלת כתיבת ספר תורה דורך הרה"ח ר' עזריאל יודא כ"ץ הי"ו פון וומסב''ג, דער רבי האט אריינגעשריבן די ערשטע אותיות, געטרינקן לחיים און מאציל געווען מברכת קדשו.

אויך איז פארגעקומען א התחלת כתיבת ספר תורה דורך משפחת הרה"ח ר' שמואל חיים וואהלבערג ע"ה, דער רבי האט אריינגעשריבן די ערשטע אותיות, געטרינקן לחיים און מאציל געווען מברכת קדשו.

ארום 9:00 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים.
- הרה"ח ר' אברהם שמחה קליין הי"ו און הרה"ח ר' יואל בר"ח רייזמאן הי"ו.
- הרה"ח ר' יואל ברא"י עקשטיין הי"ו און הרה"ח ר' יעקב ברי"מ פריעדמאן הי"ו.

ארום 10:20 איז געווען אויף א באזוך בקו''פ כ"ק אדמו"ר מבאבוב 45 שליט"א וועלכע וויילט אויף אפרוה בשכונת טשעסטער אין קרית יואל המורחבת, עס האט זיך פארצויגן א לענגערע שמועס, צווישן אנדערע איבער די שיינקייט פון די הייליגע שטאט קרית יואל, בסיפורי בית צאנז און פון בנו הרה"ק רבי ישעי'לע מטשעחוב זיע''א וואס די יארצייט איז געפאלן היינט זונטאג.
דער רבי האט מכבד געווען מיט לחיים און מאציל געווען מברכת קדשו, און געגעבן ספרו לב אהרן סוגיות אויף מסכת פסחים און עס האט זיך פארצויגן א שמועס אין די סוגיא פון שלא כדרך אכילתו וואס האדמו''ר מבאבוב 45 שליט''א לערענט פאר אין די יעצטיגע וואכן בהיכל ישיבתו, דערנאך האט אים דער רבי ארויסבאגלייט ביז צו די גאס.

אויך איז געווען אויף א באזוך בקו''פ האדמו"ר מווערדאן שליט"א פון ב"פ, עס האט זיך פארצויגן א שיינער שמועס, דער רבי האט אים מכבד געווען מיט לחיים און מאציל געווען מברכת קדשו.

אויך איז אריין בקו''פ הגה"צ גאב"ד בואנעס איירעס שליט"א, עס האט זיך פארמירט א שיינער שמועס איבער אידישקייט אין ארגענטינע און איבער די גוטע פירות וואס קומען ארויס פון דארט, ערליכע שוחטים און מלמדים וכו', דער רבי האט אים מכבד געווען מיט לחיים און מאציל געווען מברכת קדשו.

אויך איז אריין בקו''פ הרה"ח ר' גדלי' סעגעדין הי"ו מראשי הנהלת הקרי' און איבערגעגעבן א באריכט פון די אנטוויקלונגען איבער עטליכע אנגייענדע פראיעקטן לטובת הציבור, און פונעם באנקעט און עסקנים אווענט צווישן ראשי ונכבדי קהלתינו הק' פון איבער גרעיטאר ניו יארק און קאנגרעסמאן מייק לאולער פון מאנסי לקראת די בעפארשטייענדע וואלן, וועלכע איז פארגעקומען אין קרית יואל אין שטוב פון הרה''ח ר' שלמה בוים הי''ו, אים ארויסצוהעלפן אין זיין ווידערוויילונג קאמפיין נאך וואס ער טוט נאכקומען און אויספירן יעדע בקשה פון די היימישע עסקנים, בפרט זיין גרויסע הילף פאר די ישיבות הק' אין ניו יארק, און דיסקוטירן ווייטערדיגע פעולות לטובת יהדות ניו יארק, דער רבי האט זיך נאכגעפרעגט איבער די פרטים, און מאציל געווען מברכת קדשו.

דער רבי האט געדאווענט מעריב ארום 12:50.


▫️ סאטמארע נייעס 🌴 ▫️