Satmara Niyes

צהלי ורוני יושבת מאנסי כי גדול בקרבך קדוש ישראל

תושבי מאנסי איינגעהילט מיט התרגשות דקדושה מיטצוהאלטן דעם שבת קודש במחיצת הקודש פון כ"ק מרן רבינו הגה"ק שליט"א

מיט גרויס פרייד און דערהויבנקייט גרייטן זיך אנשי שלומינו תושבי מאנסי צום ביקור מרומם פון כ"ק מרן רבינו הגה"ק שליט"א, וועלכע וועט פראווענען דעם געהויבענעם שבת קודש פרשת שופטים ו' אלול יומדהל"ק של זקינו מרנא ורבנא הגה"ק בעל ייטב לב זיעוכי"א אינעם עיר ואם בישראל מאנסי, לחזק ולרומם בניית מבצרי מוסדותינו הק' במאנסי וועלכע ווערט געבויעט אין דעי טעג לשם ולתפארת. ווי יאר יערליך ווי רבינו שליט"א פראוועט די ייטב לב'ס יארצייט בקרב קהלתינו הק' מאנסי.

נאך א צייט אפשניט פון 6 יאר וועט מען יעצט ווידער האבן די זכי' אז מרן רבינו שליט"א וועט אפרעכטן דעם שבת בקרב אנ"ש תושבי מאנסי. און אין די זעלבע צייט לייגן די עסקנים אריין אינטענסיווע ארבעט אהערצושטעלן דעם ריזן בנין בית מדרשינו הגדול במאנסי אנגעהויבן ביים היכל הביהמ"ד הגדול פאר די געהויבענע תפילות, וואס ווערט אויסגערישט מיט די מאקסימום צאל זיצן. און ביים גיגאנטישער בנין אינטערן ביהמ"ד הגדול וועלכע איז אפגעקויפט געווארן דורך מוסדותינו הק' פארן באניץ פון די תלמיד תורה, ווי רבינו שליט"א וועט אפרעכטן די הייליגע טישן אשר לפני ה', און דער דערהויבענע סעודת רעווא דרעווין, ווי עס ווערט צוגערישט מיט הונדערטער זיץ פלעצער און הויך שטאקיגע פארענטשעס לענגאויס ביידע זייטן, און פון אינטען א מקום מיוחד פאר די עזרת נשים. צו קענען אקאמאדירן די ריבוי העם פון די הונדערטער אנ"ש תושבי מאנסי וועלכע וועלן זיך קומען מסתופף זיין און מיטצולעבן א שבת במחיצת הקודש.

דעם סעודת יום שבת קודש סעודה עתיקא קדישא וועט מרן רבינו שליט"א פראווענען בבית האכסניא אין שטוב פון הרבני המפואר ר' משה יוסף הארטמאן הי"ו, אויף א פריוואטע פארנעם אינאיינעם מיט א ענגע צאל מקורבים נגידים ותומכי המוסדות וואס האבן בייגעשטייערט גרעסערע סכומים פארן מולטי מיליאן דאלאר'דיגע פראיעקט פון די אויפבוי פון די מבצרים אדירים פארן בית רחל.

אין די נאכמיטאג שעות וועט רבינו שליט"א משמיע זיין א שיעור בפרקי אבות, וואו עס וועט זיין א געלעגענהייט צו נהנה זיין מנועם אמרותיו הקדושים, הערליכע דרושים ואגדה, דברי מוסר והדרכה לימי חודש אלול היורדים לחדרי בטן, וחיזוק על נסיונות ופגעי הזמן, ועוד.

נאך פרקי אבות וועט רבינו שליט"א אריבערגיין צו די חברת תהילים פון די תשב"ר און משמיע זיין ברכות הקודש.

דערנאך וועט פארקומען דעם דערהויבענעם סעודת רעווא דרעווין, ווען רבינו שליט"א וועט אנווארעמען די הערצער פון אנשי שלומינו מיט די פייערדיגע של"ש סעודות תורה בדברי מוסר והתעוררות, להלהיב לבבות ישראל.

זונטאג נאכמיטאג וועט רבינו שליט"א צוריקקומען אין מאנסי ווי עס וועט זיין זמני כניסה בקודש פנימה לקראת הימי הרחמים והרצון להפקד בדבר ישועה ורחמים פאר אנ''ש תושבי מאנסי.

לקראת שבת לכו ונלכה

▫️ סאטמאר'ע נייעס 🌴 ▫️

דינסטאג שופטים בצל הקודש פון כ"ק מרן רבינו הגה"ק שליט"א

צופרי איידער תפילת שחרית איז פארגעקומען די ברית לבן הנולד לר' דוד לייביש ווייסמאן הי''ו, ווי דער רבי שליט''א איז מכובד געווארן מיט סנדקאות און מוהלת.
אזוי אויך איז פארגעקומען די ברית לבן הנולד לר' ארי' הערשקאוויטש הי''ו, ווי דער רבי שליט''א איז מכובד געווארן מיט סנדקאות.

רבינו שליט"א האט געדאווענט שחרית בהיכל המתיבתא ''סניף ויואל משה''. פארן דאווענען האט רבינו שליט''א תפילין געלייגט פאר די פאלגענדע בר מצוה בחורים:
בן הרה"ג ר' יוסף משה שטויבער שליט"א.
ב"ר שלמה קלמן פעלדמאן הי"ו.
ב"ר יחיאל שרגא שפיטצער הי"ו.

נאכן דאווענען האט רבינו שליט"א פארגעלערנט די טעגליכע תהילים שיעור קאפיטל ה' פסוק ג'.

נאכדעם איז פארגעקומען א מסיבת לחיים מיט די בר מצוה בחורים.

פארנאכטס בביתו נאוה קודש אין וויליאמסבורג איז אנגעקומען אויף א באזיך בקודש פנימה ביי רבינו שליט"א הגה"צ ר' מאיר גרינוואלד שליט"א דומ"ץ פאפא בן כ"ק אדמו"ר מפאפא שליט"א אפנעמען ברכות קדשו לרגל די חתונה פון בנו החתן. רבינו שליט"א האט דורש געווען בשלום אביו האדמו"ר מפאפא שליט"א, און אים געוואונטשן ברכות קדשו און פארן חתן.

▫️ סאטמאר'ע נייעס 🌴 ▫️

מאנטאג שופטים ב' דר"ח אלול בצל הקודש פון כ"ק מרן רבינו הגה"ק שליט"א.

רבינו שליט"א האט געדאווענט שחרית בהיכל ישיבה קטנה סניף "אבני צדק" אין קרית יואל בהנהלת הרה"ג ר' חיים אליעזר דאווידאוויטש שליט"א.

ביים אנקומען אין ישיבה איז רבינו שליט''א אריין אין ביהמ"ד ווי דער רבי האט זיך אומגעקוקט ווי די בחורים זענען עוסק בתורה. דערנאך איז דער רבי שליט''א אריין אין א פריוואטע חדר ווי דער רבי האט געהערט א באריכט פונעם מנהל שליט"א און פון הרה"ג ר' ברוך שלמה וויינבערגער שליט"א ראש המנהלים בקר"י.

פארן דאווענען האט רבינו שליט''א תפילין געלייגט פאר די בר מצוה בחור ב''ר מענדל פארקאש הי"ו.

ביי הלל איז רבינו שליט"א צוגעגאנגען און יורד געווען לפני התיבה מיט גרויס התעוררות. מען האט געזאגט 'לדוד' נאך ברכו נפשי כנהוג.

נאכן דאווענען האט רבינו שליט"א געבלאזן שופר, און ביי תהילים געזאגט 10 קאפיטלעך כנהוג בימי אלול.

נאכדעם איז פארגעקומען די מסיבת לחיים בהיכל הביהמ"ד. מען האט געזינגען נגונים, רבינו שליט"א האט געטרינקן לחיים און געוואונטשן ברכות קדשו פאר די בר מצוה בחור און פאר רמ"י ותלמידי הישיבה.

נאכן לחיים איז רבינו שליט"א אראפ צום אונטערשטע שטאק פונעם בנין ווי עס לערנען א סניף פון מוסד הק' שערי חמלה ווי דער רבי האט זיך אומגעקוקט אויף די טייערע נשמה'לעך און געוואונטשן ברכות קדשו פאר די איינגעשטעלטע און פאר די קינדערלעך.

פון דארט איז רבינו שליט"א אריבער צום בנין התלמיד תורה "בנין גאלדשטיין" ווי עס זענען געווען פארזאמלט אינעם חדר האוכל די תלמידי כיתות ג' ד' ה' סניף הר"ר יואל האלפערט שליט"א. די קינדער האבן געזינגן חרוזים און דער רבי האט אנגעוואונטשן פאר די קינדער 'א גוט געבענטשט יאר'.

פארנאכטס האט רבינו שליט"א מסדר קידושין געווען ביי די חופה פון די פאלגענדע מחותנים:
ר' חיים ראלניצקי הי''ו - הרה"ג ר' נתן דוב שווארץ שליט"א באולם קרן ויואל משה.
ר' מו''ה שרגא חיים פעדער הי''ו - ר' זלמן לייב גליק הי''ו, באולם כינור דוד.
ר' הערשל יאזשעף הי''ו - ר' שמואל יודא שטיין הי''ו, באולם בית רחל פאראדייס.

אויפדערנאכט איז אויך בביתו נאוה קודש פארגעקומען די סיום כתיבת האותיות פון די ספר תורה וואס ווערט אריינגעגעבן דורך הרה"ח ר' הערשל שפיטץ הי"ו, בעל אכסניא פון רבינו שליט"א אין פאלם ספרינגס. דער רבי האט אריינגעשריבן די אויתיות און געוואונטשן ברכות קדשו.

אויך איז געקומען אויף א באזוך ביי רבינו שליט"א הרב מרדכי טערווערסקי בן הרה"צ ר' אהרן מענדל בן כ"ק אדמו"ר מסקווירא שליט"א אפנעמען ברכות קדשו לרגל די בר מצוה פון בנו ני"ו וואס קומט פאר דעם מיטוואך אין סקווירא.

שפעטער האט רבינו שליט"א געליינט תנאים אין די תנאים זאלן בביתו נאוה קודש מרביה"ק זי"ע, ביי די תנאים פון די מחותנים:
ר' ישעי' יצחק רובין הי"ו - ר' יעקב מרדכי גראס הי"ו.

▫️ סאטמאר'ע נייעס 🌴 ▫️