סאטמארע נייעס

מאנטאג כי תצא בצל הקודש פון כ"ק מרן רבינו הגה"ק שליט"א

צופרי איידער תפילת שחרית איז פארגעקומען די ברית לבן הנולד לר' בעריש מערץ הי''ו, ווי דער רבי שליט''א איז מכובד געווארן מיט סנדקאות.

רבינו שליט"א האט געדאווענט שחרית בהיכל ישיבה קטנה סניף ''זרע קודש'' בביהמ''ד הגדול בקר''י, בהנהלת הרה"ג ר' אשר ווידער שליט"א, לרגל די שמחת הברית מילה פון בן המנהל שליט''א.

נאכן דאווענען איז פארגעקומען די ברית ווי דער רבי שליט''א איז מכובד געווארן מיט סנדקאות ומוהלות.

נאכדעם איז פארגעקומען א מסיבת לחיים בהיכל הביהמ''ד, רבינו שליט''א האט געוואונטשן ברכות קדשו פאר די מנהל שליט''א פאר די זיידעס און פאר די בחורים.

אויפן וועג ארויס האט זיך רבינו שליט''א אומגעקוקט ביי די בוי ארבעט ווי מען פארברייטערט די עזרת נשים לקראת די הייליגע טעג.

ארום 1:45 פארמיטאג איז רבינו שליט"א אנגעקומען בהיכל המתיבתא "סניף ויואל משה" פארלערנען די ערשטע סוגיא שיעור אין די סוגיא פון 'עד אחד נאמן באיסורין' און בעפארברייטונג צום דרשת "שבת שובה".

פארנאכטס האט רבינו שליט"א מסדר קידושין געווען ביי די חופה פון די פאלגענדע מחותנים:
הרה"ג ר' יחזקאל יעקב יודא היילברוין שליט''א - ר' חיים ארי' שמעלצער הי''ו, באולם קרן ויואל משה.
ר' ברוך מאיר בראדער הי''ו - ר' מאיר אלי אקער הי''ו, באולם כינור דוד.
ר' טובי' פעלדמאן הי''ו - ר'אברהם מתתי' סטראלאוויטש הי''ו, באולם בית רחל פאראדייס.
.

שפעטער אויף די נאכט האט רבינו שליט"א געליינט תנאים אין די תנאים זאלן בביתו נאוה קודש מרביה"ק זי"ע, ביי די תנאים פון די מחותנים ר' אברהם סופר הי''ו - ר' יואל ב''ר יונה בערנאטה הי''ו.

ארום 10:35 איז געווען אויף א באזוך בקודש פנימה ביי רבינו שליט''א כ''ק אדמו''ר ממשכנות הרועים שליט''א אפנעמען ברכות קדשו לרגל די חתונה פון נכדו החתן בן בנו הגה''צ לוחם מלחמת ה' ר' שאול יצחק ראבינאוויטש זצ''ל אב''ד משכנות הרועים קרית יואל. עס האט זיך פארצויגן א שיינע שמועס בדברי תורה וחסידות, און דער רבי האט אים ארויס באגלייט ביזן טיר.

שפעטער איז אריבער געקומען צו רבינו שליט''א בנו בכורו הגה''צ אבדק''ק ור''מ וומסב''ג שליט''א אינאיינעם מיט הנהלת בית האופה דקהלתינו הק', לקראת דעם בעפארשטייענדן מצות סעזאן.

▫️ סאטמאר'ע נייעס 🌴 ▫️

זונטאג כי תצא 'בצל הקודש' פון כ''ק רבינו הגה''ק שליט''א

רבינו שליט"א האט געדאווענט שחרית בבית מדרשינו הגדול בקרית יואל.

ארום 2:30 מיטאג האט זיך רבינו שליט"א ארויסגעלאזט אויפן וועג קיין מאנסי.

ביים אנקומען אין מאנסי איז רבינו שליט"א געווען אויף באזוכן ביי עטליכע נגידים, תומכי המוסדות וועלכע האבן בייגעשטייערט סכומים אדירים לטובת די מוסדות און אפגעקויפט גרעסערע זכותים אין די מבצרים אדירים וואס ווערן געבויעט. רבינו שליט"א האט געחתמעט די שטרות אינאיינעם מיט די נגידים און געוואונטשן ברכות קדשו.

אויך האט רבינו שליט"א קובע מזוזה געווען אינעם נייעם "היי סטייל" טייל געשעפט פון הרה"ח ר' נחמן פיש הי"ו, און דערנאך געפראוועט א מסיבת לחיים און געוואונטשן ברכות קדשו.

אויך האט רבינו שליט"א באזוכט אינעם 'כולל למשפט ולהוראה'.

אזוי אויך האט רבינו שליט"א אפגעשטאט א ביקור גומלין ביי כ"ק אדמו"ר מגור שליט"א בבית האכסניא אין מאנסי. עס פארפירט געווארן א שיינע שמועס איבער חודש אלול, אויך האט מען ארומגערעדט איבער די שווערעקייטן צו חתונה מאכן יעצט אין ארץ ישראל. דערנאך האט דער גור'ער רבי שליט"א מכבד געווען רבינו שליט"א מיט לחיים און ארויסבאגלייט ביזן גאס.

אויך איז רבינו שליט"א געווען אויף א באזוך ביי הגה"צ ר' מרדכי באב"ד שליט"א ראב"ד מכון להוראה ווי עס איז פארפירט געווארן א לענגערע תורה'דיגע שמועס.

שפעטער איז רבינו שליט"א אנגעקומען אין ביהמ"ד טאשנאד אין מאנסי אויף א ביקור גומלין ביי הגה"צ אב"ד טאשנאד שליט"א. עס איז פארפירט געווארן א שיינע שמועס, און רבינו שליט"א האט אים געוואונטשן ברכות קדשו לרגל די בר מצוה פון נכדו למז"ט, און פאר נכדו חתן הבר מצוה ני"ו.

ארום 6:15 איז רבינו שליט"א אנגעקומען בבית מדרשינו הגדול במאנסי ווי דער רבי האט געדאווענט תפילת מנחה, פארן עמוד האט געדאווענט הרה"ח ר' יצחק ברוך ברוין הי"ו.

נאך מנחה איז רבינו שליט"א אריין בחדרו הפרטי בביהמ"ד הגדול ווי עס איז געווען זמני כניסה בקודש פנימה פאר אנ"ש תושבי מאנסי להפקד בדבר ישועה ורחמים לקראת הימי הרחמים והרצון.

במשך די זמני כניסה זענען אריין לברך ולהתברך שווערע הונדערטער אידן אנ"ש תושבי מאנסי, וואס האט זיך פארצויגן ביז שפעט אויפדערנאכט, אזוי אויך האבן צענדליגע אנ"ש איבערגעגעבן פארן רבין שטרות זכותים וואס זיי האבן געקויפט אין די מבצרים אדירים וואס ווערן געבויעט פאר מוסדותינו הק' אין שטאט.

יורה יורה כדת של תורה

ארום 10:00 איז רבינו שליטא אריינגעקומען בביהמ"ד הגדול צום מעמד התמנות פאר די 4 נייע דיינים אינעם בית הוראה דקהלתינו הק' מאנסי. צום ערשט האט אויפגעטרעטן בדברי תורה הגה"צ אב"ד ור"מ קהלתינו מאנסי שליט"א. דערנאך האט דער רבי געטרינקן לחיים און געוואונטשן פאר מאנסי רב און פאר די פיר נייע מו"צ און פארן גאנצן ציבור. דערנאך האט רבינו שליט"א משמיע געווען דברות קודש ארויסברעגענדיג רגשי לבבו פון די קהילה אין מאנסי, און ארומגערעדט בשבח פונעם רב הקהילה וועלכע איז מעמד דיינים איבעראל און יעצט אין מאנסי, און ארומגערעדט איבער די קהילה וואס פארברייטערט זיך בכמות ובאיכות, עקסטער האט דער רבי ארויסגעברענגט זיין הנאה פונעם שבת העעל"ט ובפרט פון די ווארימע דאווענען, חסידישע בעלי בתים אברכים ובחורים, און פארענדיגט בברכות קדשו פאר די נייע דיינים און פארן גאנצן ציבור. מען האט געענדיגט 10:30.

נאכן מעמד איז רבינו שליט"א צוריק אריין בחדרו הפרטי און ממשיך געווען מיט קבלת הקהל.

ארום 12:50 איז רבינו שליט"א אריינגעקומען בהיכל הביהמ"ד ווי דער רבי האט געדאווענט מעריב. און נאך מעריב צוריק אריין בחדרו הפרטי און ממשיך געווען מיט קבלת הקהל.

ארום 2:10 האט רבינו שליט"א פארלאזט בית מדרשינו הגדול און זיך צוריקגעקערט למעון קדשו בקרית יואל.

▫️ סאטמאר'ע נייעס 🌴 ▫️