Satmara Niyes

מיטוואך פרשת חקת 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף ויואל משה. נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל י"ב פסוק ז'.

פארמיטאג איז געווען אויף א באזוך בקו''פ בביתו נאוה קודש הרה''צ ר' ברוך הורוויץ שליט"א דומ"ץ מעליץ מקבל זיין ברכות קדשו לרגל די חתונה פון א אייניקל וואס איז פארגעקומען היינט אין קרית יואל, דער רבי האט אים מאציל געווען מברכות קדשו.

שפעטער איז דער רבי געווען אויף די וועכענטליכע באזוך אינעם בית השחיטה המהודרת דקהלתינו הק'.

נאכמיטאג איז דער רבי ארויף בהיכל הישיבה סניף ויואל משה ווי דער רבי האט געלערנט מיט א חברותא מתלמידי הישיבה בחדרו הפרטי.

פארנאכטס האט דער רבי מסדר קידושין געווען ביי די חופה פון די פאלגענגע מחותנים.
ר' יחזקאל פערל הי''ו - ר' מרדכי קאהן הי''ו, באולם כינור דוד.
ר' שלמה שבתי פישער הי''ו - ר' ישראל אברהם הערשקאוויטש הי''ו, באולם בית רחל פאראדייס.

נאך די חופות האט דער רבי מנחם אבל געווען הרה"ח ר' יחזקאל פריעדמאן הי''ו לרפו"ש ומשפחתו ע"פ אשתו /אמם ע"ה.

ארום 8:30 האט דער רבי געדאווענט מנחה בביתו נאוה קודש אויף איהעל קט. דערנאך איז געווען זמני כניסה בקודש פנימה ביז אום 12:20 אויפדערנאכט.

רבינו שליט''א האט געליינט תנאים אין די תנאים זאל בביתו נאווה קודש פון די פאלגענגע מחותנים הר''ר יו"ט לעווי שליט''א - הרה''ג ר' זלמן לייב פריעדמאן שליט''א.
נאכן תנאים לייענען האט דער רבי געמאכט קידוש לבנה פארענט פון ביתו נאוה קודש.

בעת די זמני כניסה איז געווען אויף א באזוך בקו''פ כ''ק אדמו"ר מסקאליע 18 שליט"א מקבל זיין ברכות קדשו לרגל די חתונה פון א אייניקל וועלכע קומט פאר קומענדיגע וואך אין קר"י, עס האט זיך פארצויגן א שיינע שמועס איבער מנהגים פון קידוש לבנה, און פארשידענע סיפורים פון רבותיה''ק בעל דברי יואל ובעל ברך משה זיע''א, ער האט געגעבן א מתנה פארן רבי'ן א ספר פרדס הקודש - שירה חדשה, און דער רבי האט אים געגעבן א מתנה ספרו לב אהרן - במדבר, און האט אים מכבד געווען מיט לחיים און מאציל געווען מברכות קדשו, און דערנאך אנגעווינטשן פארן חתן.

רבינו שליט''א האט געדאווענט מעריב ארום 12:20 בביתו נאוה קודש.

▫️ סאטמאר'ע נייעס 🌴 ▫️

דינסטאג פרשת חקת 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן.
לבן הנולד לר' יואל מרדכי שעהר הי''ו, ווי דער רבי איז געווען סנדק ומוהל.
לבן הנולד לר' יושע ראטה הי''ו, ווי דער רבי איז געווען סנדק.

רבינו שליט''א האט געדאווענט שחרית בבנין התלמוד תורה ווידער פאלאטשעק אויף די רימונוב גאס, אינאיינעם מיט כתות ו' ז' ח' סניף הר"ר יעקב שלום ווייס שליט"א. ביים אנקומען איז דער רבי אריין אין ביהמ"ד ווי די קינדער האבן געלערענט, דער רבי האט זיך אומגעקוקט מיט א שטארקע קורת רוח און פארהערט עטליכע קינדער.

נאכן דאווענען איז פארגעקומען א מסיבת לחיים פאר די תלמידי כתות ג' ד' ה' סניף הר"ר יושע זלמן ווערצבערגער שליט"א, די קינדער האבן געזינגען עטליכע ניגונים, דער רבי האט געטרינקן לחיים און משמיע געווען דב"ק והדרכה און מסיים געווען בברכות קדשו.

דערנאך איז דער רבי אראפ צו די כתות א' ב' סניף הר"ר יואל אקער שליט"א, די קינדער האבן געזינגען א ניגון און דער רבי האט משמיע געווען קורצע דב"ק וברכה.

נאכמיטאג איז דער רבי ארויף בהיכל הישיבה סניף ברך משה ווי דער רבי האט געלערנט מיט א חברותא מתלמידי הישיבה בחדרו הפרטי.

ארום 7:15 איז דער רבי אריינגעפארן קיין וומסב''ג צו די וועכענטליכע זמני כניסה, ביים אנקומען האט דער רבי מנחם אבל געווען בבית ר' יוסף דוד באנדא הי''ו. ע"פ אשתו /אמם ע"ה.

ארום 8:50 האט דער רבי געדאווענט מנחה בביתו נאוה קודש, דערנאך איז געווען זמני כניסה בקודש פנימה ביז אום 12:00 אויפדערנאכט.

בעת די זמני כניסה איז אריין בקו"פ הרב הגאון ר' יואל שווארטץ שליט''א דומ"ץ ביהמ"ד בנין געלבשטיין דקהלתינו הק' אין וומסב"ג, נעמען א הסכמה אויפן נייעם ספר בשבילי הלכה חלק ו' דיני חול המועד, עס האט זיך פארצויגן א לענגערע הלכה'דיגע שמועס בעניני ודיני חול המועד, און דער רבי האט אים מאציל געווען מברכת קדשו.

רבינו שליט''א האט געדאווענט מעריב ארום 10:45 בביתו נאוה קודש און דערנאך ווייטער ממשיך געווען אויפצונעמען דעם ציבור.

▫️ סאטמאר'ע נייעס 🌴 ▫️

מאנטאג פרשת חקת 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף דברי יואל. ביים ליינען האט דער רבי עולה געווען שלישי. און נאכן דאווענען פארגעלערנט דעם טעגליכן תהילים שיעור אויף קאפיטל י"ב פסוק ז'.

נאכמיטאג איז דער רבי ארויף בהיכל הישיבה סניף ברך משה ווי דער רבי האט געלערנט מיט א חברותא מתלמידי הישיבה בחדרו הפרטי.

פארנאכטס האט רבינו שליט''א מסדר קידושין געווען ביי די חופה פון די פאלגענדע מחותנים.
ר' יונה ווייס הי''ו - ר' שאול נח ניימאן הי''ו, באולם כינור דוד.
ר' חיים הערש גאלדבערגער הי''ו - ר' שמואל ראטענבערג הי''ו, באולם בית רחל פאראדייס.
ר' ישראל חיים גרינהויט הי''ו - ר' יחזקאל הערשקאוויטש הי''ו, באולם קרן ויואל משה.

ארום 8:30 האט דער רבי געדאווענט מנחה בביתו נאוה קודש אויף איהעל קט. דערנאך איז געווען זמני כניסה בקודש פנימה ביז אום 12:20 אויפדערנאכט.

רבינו שליט''א האט געליינט תנאים אין די תנאים זאל בביתו נאוה קודש פון די מחותנים ר' משה חיים ראזענפעלד הי''ו - ר' יואל אלי' שווארטץ הי''ו.

ארום 12:20 האט רבינו שליט"א געדאווענט מעריב בביתו נאווה קודש.

▫️ סאטמאר'ע נייעס 🌴 ▫️

זונטאג פרשת חקת 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית לבן הנולד לר' חיים שמעון וויינבערגער הי''ו, ווי דער רבי איז געווען סנדק ומוהל.

רבינו שליט''א האט געדאווענט שחרית אין ביהמ"ד הגדול. פארן דאווענען האט דער רבי תפילין געלייגט פאר די בר מצוה בחורים.
ב"ר שלמה זלמן יאזשעף הי''ו.
ב"ר זאב יוסף אלי' רעטעק הי''ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

ארום 1:25 איז רבינו שליט''א אנגעקומען אין מאנסי אין די זאלן פון עטרת טשארנא צו באשיינען די חומש סעודה פון די 3 כתות א' במוסדותינו הק' במאנסי, די ילדי תשב''ר האבן געזינגען שיינע חרוזים לכבוד המאורע און געזאגט די פסוקי חומש כנהוג, עס האבן אויפגעטרעטן דער מנהל הר"ר ישראל מאיר בר''ש פריעדמאן שליט''א און הגה"צ אבד''ק מאנסי שליט"א. דער רבי האט פארטיילט א מתנה א ספר תהילים פאר אלע קינדער, און דערנאך געטרינקן לחיים און מאציל געווען מברכות קדשו פאר די קינדער און די עלטערן, און משמיע געווען קורצע דב''ק.

נאכן חומש סעודה איז דער רבי אריין אין א זייטיגע שטוב און פארטיילט מטבעות קודש פאר די תלמידים פון די גרעסערע כתות וואס האבן אריינגעברענגט גרעסערע סכומים לטובת המוסדות במשך ימי הפורים העעל"ט.

ארום 2:30 איז רבינו שליט''א אריבער אויף א באזוך בהיכל ישיבה גדולה עסק התורה סניף מאנסי בהנהלת הרה''ג ר' ישראל מרדכי זיידענפעלד שליט"א וואס איז סטאנציאנירט אין ביהמ"ד תפילה למשה קאלושין, דער רבי איז אויפגענומען געווארן דורכן מנהל שליט''א אינאיינעם מיט די הנהלה גשמיות, און עס איז אויך אנוועזנד געווען דער בעל אכסניא של תורה הגה''צ רבי משולם נתן שפיגל שליט''א רב הביהמ''ד וועלכע האט איבערגעגעבן א ווארימע גרוס פארן רבין, דער רבי איז אריין אין ביהמ"ד ווי די בחורים זענען געזיצן און געלערנט, און ארומשפאצירט צווישן די טישן מיט א שטארקע קורת רוח און זיך מפלפל געווען מיט עטליכע בחורים. דערנאך האט דער רבי באזוכט די נייע מקוה פונעם ביהמ"ד וואס איז געפענט געווארן דעם זמן הקיץ העעל''ט, אין באגלייטונג פונעם רב הביהמ"ד הגה''צ רבי משולם נתן שליט"א און זיך אומגעקוקט אויף די פילע הידורים. דערנאך איז פארגעקומען א מסיבת לחיים בהיכל הביהמ''ד, מען האט געזינגען עטליכע ניגונים דער רבי האט געטרינקן לחיים און אנגעווינטשן פארן מנהל שליט"א פארן רב הביהמ''ד און פאר אלע בחורים, און משמיע געווען קורצע דברות קודש פאר די תלמידי הישיבה, מען האט געענדיגט ארום 3:00.

דערנאך איז דער רבי אריבער אויף א ביקור חולים באזוך אין שטוב פון הרה"ח ר' אברהם שיפף הי''ו, עס האט זיך פארצויגן א שיינע שמועס איבער די היסטאריע פון מאנסי והגלילות, דער רבי האט געטרינקן לחיים און מאציל געווען מברכות קדשו.

פון דארט איז רבינו שליט''א אריבער באזוכן די בוי ארבייט ביי די גיגאנטישע נייע בניני המוסדות, און באגלייטונג פון די חברי ההנהלה, צום ערשט ביים בנין הת''ת החדש העכערן ביהמ"ד הגדול , דער רבי איז ארויף אין אלע שטאקן און צומערן און מאציל געווען מברכות קדשו, דערנאך איז דער רבי אריבער צום בנין הבית רחל החדש אויף טשערי לעין וועלכע ווערט פארענדיגט אין די יעצטיגע וואכן, דער רבי איז ארויף אין אלע שטאקן און צומערן און איבערגעקוקט די פלענער פונעם בנין, און דערנאך ארום אויפן גרויסן שטח המוסדות און זיך אומגעקוקט אויף אלע קלענרע פראוויזארישע בנינים ארום, און דערביי געהערט א לענגערע באריכט פון הרה"ח ר' שמואל זאנוויל ווערטהיימער הי''ו מנהל המוסדות איבער די פלענער פונעם צווייטע גיגאנטישע בנין בית רחל החדש וואס מ'האפט צו באקומען די פערמיטן בקרוב, און וועט ווערן אויפגעבויעט דארט אויפן שטח, און אנגעוואונטשן די חברי ההנהלה. ארום 4:00 איז דער רבי אהיימגעפארן לביתו נאוה קודש אין קרית יואל.

פארנאכטס האט דער רבי מסדר קידושין געווען ביי די חופה פון די מחותנים ר' יחזקאל שרגא היללער הי''ו (מאנסי) - ר' יוסף פנחס סטראלאוויטש הי''ו, באולם בית רחל פאראדייס.

דערנאך איז געווען זמני כניסה בקודש פנימה פון ארום 8:00 ביז אום 12:15. ארום 9:20 האט דער רבי געדאווענט מנחה בביתו נאוה קודש און ווייטער ממשיך געווען אויפנעמען דעם ציבור.

בעת די זמני כניסה איז פארגעקומען די סיום כתיבת האותיות פאר די ס''ת וואס ווערט געשריבן דורך הרה"ח ר' שמואל זאנוויל כהנא הי''ו, דער רבי האט אריינגעשריבן די אותיות, און געטרינקן לחיים און מאציל געווען מברכות קדשו.
אזוי אויך איז אריין בקודש פנימה הרה"ג ר' שלום טייטלבוים שליט"א דומ"ץ קרית ויואל משה מאנטיסעלאו (איחוד קאנטרי), מיט די הנהלה פון די קאנטרי להתברך בברכת הקודש לרגל התחלת הקיץ, דער רבי האט איבערגעזאגט פארן דיין איבער די שיינע גריסן וואס ער הערט צוריק פונעם קול תורה אין ביהמ"ד, און האט מאציל געווען מברכות קדשו.

אזוי אויך איז פארגעקומען א חתימת שטרות ווי הרה''ח ר' חיים אלעזר ברא"ש פישער הי''ו האט אפגעקויפט א זכות אינעם בנין הת"ת בנין קליין, דער רבי האט אינטערגעשריבן די שטרות אינאיינעם מיטן נדבן און געטרינקן לחיים און מאציל געווען מברכות קדשו.

אזוי אויך איז אריין בקודש פנימה הר"ר אברהם קייזער שליט"א יו"ר מכון המרכז לחינוך והוראה בביתר, דער רבי האט אויסגעפרעגט א לענגערע צייט איבער די פעולות פונעם מכון און מאציל געווען מברכות קדשו.

שפעט פארנאכט'ס האט דער רבי גערופן די עסקנים פון די בחורים און אינגל קעמפ'ס ווי די טויזענטער תלמידי הישיבות והת"ת פון וומסב"ג און ב"פ זענען נעכטן ארויסגעפארן צו פארברענגן די זומער וואכן, דער רבי האט זיך אינטערעסירט צו דער טאג איז אריבער בשלום ובהצלחה 'די פרשה פון ויהי בנסוע איז א פרשה פאר זיך....'.
דער רבי האט זיך נאך געפרעגט איבער אלע פרישע איינריכטונגן אין די קעמפ'ס צווישן די בחורים און די אינגלעך און ביי די כלי קודש, און האט מאציל געווען מברכת קדשו.

רבינו שליט''א האט געדאווענט מעריב ארום 12:15 בביתו נאוה קודש.

▫️ סאטמאר'ע נייעס 🌴 ▫️

כִּי בְשִׂמְחָה תֵצֵאוּ וּבְשָׁלוֹם תּוּבָלוּן

היינט זונטאג ווערן געפענט בסייעתא דשמיא ובכוחם וזכותם של רבותינו הק' זיע"א, איבער 20 סאטמארע זומער קעמפ'ס און קאנטרי'ס אויסגעשפרייט לענגאויס די קעטסקילס בערג אין ניו יארק און אין קאנאדא ווי טויזנטער משפחות און טויזנטער טויזנטער קינדער בליעה"ר וועלן אי"ה פארברענגן די זומער וואכן אין א ריינע ערליכע סביבה אוועק פון די רוישיגע שמוציגע גאסן אין די שטאט. די הייליגע קעמפס וואס איז מיסודו פון מרן רבותיה"ק הדברי יואל והברך משה זיע"א, ובנשיאות הקודש פון מרן כ"ק רבינו הגה"ק שליט"א.

מחנה רב טוב אינגל קעמפ, מאנטיסעלאו - צום אלעם ערשט איז דער גיגאנטישער אינגל קעמפ אין מאנטיסעלאו, ווי די טויזנטער קינדער פון מוסדות סאטמאר וויליאמסבורג און בארא פארק פארברענגן דעם זומער במקום קדוש ערליך און אפגעהיטן, דער ריזן קעמפ מיט אריבער 150 אקער לאנד ענטהאלט א קייט פון 4 פראכטפולע בתי מדרשות, חדר האוכל, מקוה מפוארה, 3 בניני התלמוד תורה פון צענדליגער פראכטפולע כיתות הלימוד און צענדליגער באנג'ס, ריזיגע שווים באסיין און מאסן ריזן שטחים ווי די טויזנטער קינדער קענען רואיג פארברענגן די צווי חדשים.

מחנה בית רחל, סאוט פאלסבורג - דער הערליכער מקום פאר די טויזנטער מיידלעך פון מוסדות סאטמאר וויליאמסבורג, ב"פ, מאנסי און קרית יואל, צו פארברענגן דעם זומער אין א ערליכע הייליגע אטמאספער, א קייט פון מעכטיגע בנינים מפוארים וואס קוואטירט די דריי טויזנט מיידלעך בליעה"ר, מיט אלע צוגעהערן, אזוי אויך די הערליכע קאנטרי פונעם קעמפ מיט די קרוב צו 100 משפחות, א הערליכע ביהמ"ד, כולל און מקוה.

קרית ויואל משה, מאנטיסעלאו - די הערליכע סאטמארע זומער קריה, לכאורה די גרעסטע אין אפסטעיט, וואס באשטייט פון 2 קאנטרי'ס מיט איבער 300 משפחות, מקוה טהרה, מקוה מפוארה, בית הוראה, תלמוד תורה פאר העכער 500 אינגלך, דעי קעמפ, שמחה זאל, ועל כולם דער תל תלפיות די פראכטפולע ביהמ"ד הגדול 'זכרון יחיאל מיכל' מיט די היכלי תורה ותפלה וואס ווירבעלט מיט טויזנטער טויזנטער אידן לתורה ועבודה וגמ"ח כראוי וכיאות.

קרית ברך משה וואדבורין - די הערליכע סאטמארע זומער קרי'ה, מיט איבער 100 משפחות בליעה"ר, דער הערליכער ביהמ"ד 'בנין יהודה', חדרי תפלה, מקוה מפוארה, מקוה טהרה, בית הוראה, תלמוד תורה, חדר האוכל, דעי קעמפ ועוד.

מחנה רב טוב בחורים קעמפ, סוואן לעיק - א הערליכע מקום תורה מיט א קייט פון גיגאנטישע בנינים, בתי מדרשים, מקוה, דארמאטארי, וואס דינט אלץ היים פאר די אריבער 300 תלמידים פון כתה ט׳ מכינה לישיבה קטנה פון וויליאמסבורג און ב"פ.

מחנות ישיבות קטנות שע"י ממלכת התורה - 12 גרויסע מחנות - פאר די ישיבות קטנות וצעירים פון וויליאמסבורג און ב"פ, יעדע מחנה א פראכט פאר זיך, מיט בתי מדרשים, מקוה, חדרי הלימוד, חדרי האוכל און אלע צרכים ארום, ווי ס'זיצן על התורה ועל העבודה נאנט צו צוועלף הונדערט בחורי חמד כ"י במשך די זומער וואכן.

מחנה כלי קודש, מאנטיסעלאו - א הערליכע קאנטרי פאר די כלי קודש פון מחנה רב טוב אינגל קעמפ, מיט אלע צוגעהערן.

קרית ברך משה, קאנאדא - א הערליכע ווינקל פאר אריבער 50 משפחות אנ"ש תושבי מאנטרעאל, מיט א פראכטפולע ביהמ"ד, מקוה, מקוה טהרה און תלמוד תורה לשם ולתפארת.

ורוח הקודש אומרת כן ירבה וכן יפרוץ....

הֶהָרִים וְהַגְּבָעוֹת יִפְצְחוּ לִפְנֵיכֶם רִנָּה

▫️ סאטמאר'ע נייעס 🌴 ▫️

שב"ק פרשת קרח 'בצל הקודש' פון כ"ק מרן רבינו הגה"ק שליט"א.

פרייטאג צונאכטס ארום 9:10 איז רבינו שליט''א אריינגעקומען אין ביהמ"ד מעוטף בטליתו און צוגעגאנגען צו מנחה. קבלת שבת: ר' יואל ברנ''ש שווארץ הי''ו.

מען האט געענדיגט דאווענען ארום 10:40, און ס'איז פארגעקומען דער אפיעל פאר כוללינו ויואל משה אין ירושלים עיה''ק. דער עולם איז אריבער געגאנגען גוט שבת זאגן, און רבינו שליט''א איז אריין לחדרו הפרטי.

א קורצע צייט נאכן דאווענען איז רבינו שליט''א אריינגעקומען צום שלחה"ט בהיכל השלחנות אינאיינעם מיט די תלמידי המתיבתא, און אנגעהויבן כדרכו בקודש 'שלום עליכם' ברגש ובנעימה.

אשת חיל: נכד רבינו הב' מאיר אליעזר בן הגה''צ רב דביהמ''ד ברך משה שליט''א, הגבהת הכוס לקידוש: הרה''ח ר' אהרן הערש היילברוין הי''ו (ירושלים).

מיט די זמירות האט רבינו שליט''א מכבד געווען. כל מקדש: הרה''ג ר' ישראל שלמה ליכטענשטיין שליט''א מו''ץ בקהלתינו ב''פ, מנוחה ושמחה: הרה"ח ר' אהרן הערש היילברוין הי''ו.

רבינו שליט''א האט געזאגט תורה אויפן מדרש ''לפי שלקח קרח ביזת הים לפיכך בלעו הארץ" און געטייטשט בדרך דרוש אין די סוגיא פון דברה תורה כלשון בני אדם.

קה אכסוף: הרה''ג ר' דוד ליבערמאן שליט''א אב''ד שעניא וומסב''ג, ברכהמ"ז: הרה''ג ר' נפתלי הירצקא צוויבל שליט''א ראה''כ וומסב''ג.

עובדות וסיפורים די וואך האט רבינו שליט''א דערציילט פון הגה''ק רבי ברוך טעם ז"ל, וואס די יארצייט געפאלט מיטוואך ז' תמוז. קה רבון עלם: הר''ר אברהם בנימין שפירא שליט''א (ב''פ).

די פרישע חתנים זענען אדורך געגאנגן נעמען פירות, אז ביום השביעי: הרה''ח ר' נתן בנימין ראטה הי''ו (ירושלים). מען האט געענדיגט ארום 1:45.

וביום השבת קודש

שב"ק צופרי איז רבינו שליט''א אריינגעקומען 9:35. פסוקי דזמרה: הרה''ג ר' איתמר טובי' קויפמאן שליט''א, צו שחרית איז רבינו שליט''א צוגעגאנגען כרגיל.

הוצאה והכנסה: הרה''ח ר' פנחס בר''ל בראך הי''ו, פסוקי שמע ישראל: הרה''ג ר' ישעי' גדלי' קויפמאן שליט''א דומ''ץ קראלי וומסב''ג.

עליות. כהן: הרה''ח ר' הערשל ברי''מ כ''ץ הי''ו (וומסב''ג), לוי: הרה''ח ר' שלום לאנדא הי''ו, שלישי: החתן ב''ר נטע מרדכי קויפמאן הי''ו - באווארפן, רביעי: החתן ב''ר דוד ווייס הי''ו, חמישי: החתן ב''ר שמשון שרגא פאגעל, שישי: רבינו שליט''א.

נאכן עולה זיין האט רבינו שליט''א געמאכט דעם מי שברך וקריאת השם לרגל הולדת הבת ביי די פאלגענדע בעלי שמחה.
ר' יואל ברנ''ש שווארץ הי''ו.
ר' יואל ברא''מ שווארץ הי''ו.

שביעי: בעל שמחה ר' יעקב דוב קויפמאן הי''ו - רבינו שליט"א האט געמאכט דעם מי שברך וקריאת השם לרגל הולדת בתו למז"ט, אחרון: הרה''ח ר' יעקב הערש פריעדמאן הי''ו (וומסב''ג), מפטיר: הרה''ח ר' זושא ניישטאדט הי''ו, הגבה: הרה''ח ר' אייזיק שווארץ הי''ו (מאנטריאל), גלילה: הרה''ח ר' יואל בר''פ בראך הי''ו.

מוסף: הרה''ח ר' חיים אהרן קליין הי''ו, פתיחה לאנעים זמירות: הרה"ח ר' דוד ברא''י ווייס הי''ו (מאנסי). מען האט געענדיגט ארום 12:30.

רעוא דרעווין

צו מנחה ושל"ש איז רבינו שליט''א אריינגעקומען אין ביהמ''ד ארום 9:00. מנחה: הרה''ח ר' ישעי' סאקס הי''ו (וומסב''ג), הוצאה והכנסה: הרה"ח ר' שמואל מארקאוויטש הי"ו, כהן: הרה''ח ר' יואל בר''ד כהן הי''ו, לוי: הרה''ח ר' מאיר אפרים גראהמאן הי''ו, שלישי: הגה''צ רבי יואל שליט''א רב דביהמ''ד בית ברוך, הגבה: רבינו שליט"א, גלילה: הרה''ח ר' נתן בנימין ראטה הי''ו.

זמירות ביי של"ש האט רבינו שליט"א מכבד געווען. אודה: הרה''ח ר' נח גפן הי''ו, שיר המעלות: הרה"ח ר' משה גאלדשטיין הי"ו.

ביי די תורה האט זיך רבינו שליט"א געשטעלט אויפן פסוק ''אל תפן אל מנחתם'' און געטייטשט אז תשובה דארף זיין דוקא באותו מקום דורך דעם וואס מען איז מקושר מיט די אבות הקדושים איז מען זוכה אז ס'ווערט נעתק אלע מקומות אהער און מען קען תשובה טוען, אבער אויב מ'געט זיך נאך די תאוות ווערט נפסק דער קשר, מען דארף זיך מחזק זיין אין דעי מדינה וואס איז געשטעלט און איז דער מקור התאוה, בפרט אין די חודשי הקיץ זיך צו האלטן ערליך און זיך פירן בדרך התורה.

ידיד נפש: הרה''ח ר' הערשל כ''ץ הי''ו (וומסב''ג), קל מסתתר: הרה''ח ר' נחמן דוב העללער הי''ו (וומסב''ג). דער רבי שליט''א האט געבענטשט אויפן כוס און געזאגט שבע ברכות.

מעריב מוצ"ש: הרה''ח ר' משה מאיר גאטליעב הי''ו. נאך הבדלה איז מען אריבער זאגן א גוטע וואך, מען האט געענדיגט 11:30.

▫️ סאטמאר'ע נייעס 🌴 ▫️

דאנערשטאג פרשת קרח ב' דר''ח תמוז 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף ברך משה. רבינו שליט''א איז צוגעגאנגען צום עמוד צו הלל, און ביים ליינען עולה געווען רביעי.

פארנאכטס האט דער רבי מסדר קידושין געווען ביי די חופה פון די מחותנים ר' דוד ברא"י ווייס הי''ו (מאנסי) - ר' יואל ברי"א שווארטץ הי''ו, באולם בית רחל פאראדייס.

ארום 8:20 האט דער רבי געדאווענט מנחה בביתו נאוה קודש אויף איהעל קט. נאך מנחה איז דער רבי אריבער אין ביהמ"ד בוענעס איירעס ווי עס איז פארגעקומען די שמחת הכנס"ת אריינגעגעבן דורך הרה"ח ר' משה עובדי' מאסרי הי''ו, דער רבי האט אפגעראכטן די ריקודי קודש און מכבד געווען צו טאנצן הרה''צ ר' אברהם עקשטיין שליט"א רב דקהל בוענעס איירעס, דער נדבן הרה''ח ר' משה עבודי' הי''ו, און דערנאך האט דער רבי פארגעזאגט לדוד מזמור כנהוג.

זמני כניסה בקודש פנימה איז געווען פון 9:00 ביז אום 12:10 אויפדערנאכט.

רבינו שליט''א האט געליינט תנאים אין די תנאים זאל בביתו נאווה קודש פון די מחותנים ר' יצחק בראך הי''ו - ר' שמואל בנימין פאלקאוויטש הי''ו.

רבינו שליט''א האט געדאווענט מעריב ארום 12:10 בביתו נאוה קודש.

▫️ סאטמארע נייעס 🌴 ▫️

מיטוואך פרשת קרח א' דר''ח תמוז 'בצל הקודש' פון כ''ק מרן רבינו הגה''ק שליט''א

פארן דאווענען איז פארגעקומען די ברית לבן הנולד לר' יצחק יודא גוטמאן הי''ו, ווי דער רבי איז געווען סנדק.

רבינו שליט''א האט געדאווענט שחרית בהיכל המתיבתא סניף ויואל משה. רבינו שליט''א איז צוגעגאנגען צום עמוד צו הלל, ביים ליינען איז פארגעקומען די חינוך פאר די נייע ס''ת וואס איז אריינגעגעבן געווארן דעם מאנטאג דורכ'ן מנהל הישיבה הרה''ג ר' לוי יצחק בארזעסקי שליט"א, דער חתן התורה הב' יוסף צבי בארזעסקי נ"י האט עולה געווען כהן, און דערנאך געמאכט א שהחיינו, רבינו שליט"א האט עולה געווען רביעי, הגבה: הרה"ג ר' מאיר צוויבל שליט"א ר"מ בישיבה, און מען האט געטאנצן מיטן אפענעם ספר תורה, גלילה: דער מנהל שליט"א.

נאכן דאווענען איז דער רבי אריבער בשכונת קוועיקער הילל בגלילות קרית יואל, צום מעמד יציקת הבורות פאר די מקוה וואס ווערט געבויעט פאר די געגענט, עס איז אנוועזנד געווען הגאון הגדול הדומ"ץ שליט"א, חדב"ן הגה"צ רב דביהמ''ד אבני צדק שליט"א, און הרה"ג ר' מרדכי פריעדמאן שליט"א רב שכונת סמיט גארדענס ור"מ בישיבתינו, דער רבי האט געגאסן די יסודות און מכבד געווען דעם דיין שליט"א צו גיסן און דערנאך די חשוב'ע רבנים, די ראשי הקהלה און די נדבנים ותושבי השכונה, דערנאך איז פארגעקומען א מסיבת לחיים בהיכל בית מדרשינו, עס האט זיך פארמירט א שיינע שמועס מיט די רבנים וראשי הקהלה, דער רבי האט געטרינקן לחיים און ווארעם אנגעווינטשן פארן גאנצן ציבור, און עקסטער פאר הרה"ח ר' יודא זאב קליין הי''ו נדבן הביהמ"ד וחבר וועד השכונות, און דערנאך משמיע געווען דברות קודש און ארומגערעדט איבער די גרויסקייט פון טהרה במקוה, און צוגעענדיגט מיט ברכת קודש פאר די נדבנים און פארן גאנצן ציבור.

ארום 1:30 איז דער רבי אנגעקומען אין ישיבת עסק התורה סניף טשעסטער בהנהלת הר"ר שלמה לייב וויינבערגער שליט''א, ווי דער רבי האט מעריך געווען שלחנו הטהור לכבוד ראש חודש, במשך די סעודה האט מען געזינגען ניגונים לכבוד ראש חודש, מיט ברכו נפשי האט דער רבי מכבד געווען הר"ר נפתלי שנעבאלג שליט"א ר''מ בישיבה, דערנאך האט דער רבי משמיע געווען דברות קודש והתחזקות פאר די בחורים.

מיט ברכהמ''ז האט דער רבי מכבד געווען דעם מנהל הר''ר שלמה לייב שליט''א, מען האט געענדיגט ארום 2:45. און דער רבי איז אהיים געפארן לביתו נאוה קודש.

נאכמיטאג איז דער רבי ארויף בהיכל הישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי.

פארנאכטס האט דער רבי מסדר קידושין געווען ביי די חופה פון די פאלגענדע מחותנים.
ר' שמשון שרגא פאגעל הי''ו - ר' יואל בר"פ בראך הי''ו, באולם כינור דוד.
ר' יואל בר"ב פיש הי''ו - ר' חיים אברהם ראזענפעלד הי''ו, באולם בית רחל פאראדייס.

ארום 8:40 האט דער רבי געדאווענט מנחה בביתו נאוה קודש אויף איהעל קט. דערנאך איז געווען זמני כניסה בקודש פנימה ביז אום 12:45 אויפדערנאכט.

רבינו שליט''א האט געליינט תנאים אין די תנאים זאל בביתו נאווה קודש פון די פאלגענדע מחותנים.
ר' עוזיאל לעפקאוויטש הי''ו - הר''ר יונתן בלייער שליט''א.
ר' יואל בר"א גאנדל הי''ו - הר"ר יעקב שלום ווייס הי''ו.

ארום 12:45 האט רבינו שליט''א האט געדאווענט מעריב בביתו נאוה קודש.

▫️ סאטמאר'ע נייעס 🌴 ▫️