זונטאג נח 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית בבית האכסניא. פארן דאווענען האט דער רבי געלייגט תפילין פאר די בר מצוה בחורים.
- ב"ר אברהם גאלדבערגער הי"ו.
- ב"ר שלמה זלמן שווארטץ הי"ו.
נאכן דאווענען איז פארגעקומען א לחיים מיט די בר מצוה בחורים.

דער רבי האט געדאווענט מנחה בבית האכסניא ארום 3:45.
דערנאך האט זיך דער רבי ארויסגעלאזט קיין מאנהעטן צום מחאה אדירה דורך דעם יהדות החרדית ברבבותיהם קעגן די טריפה'נע ממשלה בארה''ק און דימגזירה פון גיוס בני הישיבות.
אויפן וועג האט זיך טעלעפאניש פארבינדן מיט רבינו שליט"א הרה"ג ר' שלמה שבתי קעסטענבוים שליט"א מרבני קהלתינו הק' וומסב''ג וועלכע האט אפגענומען הוראת קדשו און אויסגעשמועסט פארשידענע פרטים וואס ארויסצוברענגען ביי זיין דרשה ביים פראטעסט, דער רבי האט א לענגערע צייט אויסגעשמועסט די נקודות וועלכע דארפן ארויסגעברענגט ווערן צו ריכטיג געבן דעם מעסעדזש פונעם פראטעסט כפי דרך המסורה לנו פון רביה"ק בעל דברי יואל זיע''א און אים מאציל געווען מברכת קדשו.

ביים עצרת מחאה האבן אויפגעטרעטן.
- יו"ר: הגאון ר' יושע נחמן בערגער שליט"א ר"י אהל תורה.
- הגה"צ ר' דוד הירשלער שליט"א מארה"ק.
- הגה"צ רבי אנשיל אשכנזי שליט"א אב"ד חות דעת.
- הגה"צ רבי יעקב הורוויץ שליט"א ר"י בית מאיר.
- הר"ר אהרן גרינבערג הי"ו האט אויפגעטרעטן מיט א דרשה אויף ענגליש צו אדרעסירן די פרעסע.
- הגאון ר' ר' שלמה שבתי קעסטענבוים שליט"א מרבני קהלתינו הק' וומסב''ג.
- קבלת עול מלכות שמים האט פארגעזאגט כ"ק אדמו"ר מבאבוב 45 שליט"א.
דער רבי איז אנגעקומען ארום 5:50 און זיך באגריסט מיט די אנוועזענדע רבנים דערנאך האט די רבי זיך אראפגעזעצט אינאיינעם מיט רבני ודייני קהלתינו הק' אויף איינע פון די גאסן.
ארום 6:30 איז דער רבי אהיימגעפארן קיין קר"י, ביים אנקומען אויף קר"י איז דער רבי ארויף געגאנגן מנחם אבל זיין משפחת הרה"ח ר' יעקב ישראל פריינד ע"ה.
דערנאך איז דער רבי אריבער לבית האכסניא ווי דער רבי האט געדאווענט מעריב.


▫️ סאטמארע נייעס 🌴 ▫️