שב''ק פרשת תצוה - שבת זכור 'בצל הקודש' פון כ''ק רבינו הגה''ק שליט''א

אין די נאכמיטאג שעות ארום 3:30 איז פארגעקומען בביתו נאוה קודש א ברית לבן הנולד אצל ר' יצחק אייזיק ב"ר דוד כהנא הי"ו (וומסב''ג), ווי דער רבי איז געווען סנדק ומוהל, נאכן ברית האט דער רבי געטרינקען לחיים און מאציל געווען מברכת קדשו פארן בעל ברית ובני משפחתו.

פארן זמן הדלקה"נ האט דער רבי אנגעטוהן דעם שטריימל פאר החתן חיים שלמה ב"ר דוד ווערטהיימער הי"ו.

ארום 6:20 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הרה"ג ר' בערל גלאנץ שליט"א מבארדיוב. ביי לכה דודי האט מען געטוישט ניגונים ביי יעדע שטיקל כנהוג אום שבת זכור.
מען האט געענדיגט ארום 7:45. עס איז פארגעקומען אן אפיעל פאר מוסד הק' נטרונא. דערנאך איז דער ציבור אריבער זאגן גוט שבת און דער רבי איז אהיים לביתו נאוה קודש.

ארום 8:50 איז דער רבי אריינגעקומען צום שלחן הטהור בהיכל המתיבתא אינאיינעם מיט די תלמידי הישיבה, און אנגעהויבן כדרכו בקודש שלום עליכם ברגש ובנעימה.
- אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א.
- הגבהת הכוס: נכד רבינו הר"ר מאיר יודא אשכנזי שליט"א חתן חדב"ן הגה"צ רב דביהמ"ד אבני צדק שליט"א.

מיט די זמירות האט דער רבי מכבד געווען.
- כל מקדש: הרה"ח ר' שמעון משה קעפעטש הי"ו.
- מנוחה ושמחה: הרה"ח ר' מנחם מאניש פריינד הי"ו (ירושלים).

דער רבי האט געזאגט תורה אויף די מסורה 'נעשה ונשמע' 'ונשמע פתגם המלך' 'ונשמע קולו בבואו אל הקודש' און געטייטשט בדרך דרוש אין די סוגיא פון ספיקא דאורייתא מן התורה לחומרא או לקולא.

נאך די תורה האט דער רבי געבעטן צו זינגען ניגוני פורים.
- קה אכסוף: נכד רבינו הרב חיים שלמה הורוויץ שליט"א (וומסב''ג) חתן הגה"צ רב דביהמ"ד ישראל שלום שליט"א.
- ברכת המזון: הגה"צ רב דביהמ"ד בית ברוך שליט"א.

עובדות וסיפורים די וואך האט רבינו שליט''א דערציילט פון הגה"ק רבי שמעון סופר זצ"ל מקראקא וואס די יארצייט געפאלט פרייטאג י"ז אדר.
- קה רבון עלם: נכד רבינו הר"ר יואל אשכנזי שליט"א (וומסב''ג) בן חדב"ן הגה"צ רב דביהמ"ד אבני צדק שליט"א.
- די פרישע חתנים זענען אריבער נעמען פירות.
- אז ביום השביעי: הרה"ח ר' אברהם יואל לעפפלער הי"ו (וומסב''ג).
מען האט געענדיגט ארום 11:40.

וביום השבת

שב''ק אינדערפרי איז דער רבי אריינגעקומען אין ביהמ''ד ארום 9:25.
- ברכות ופסוקי דזמרה: הרה"ח ר' מענדל ווערטהיימער הי"ו (וומסב''ג).
דער רבי איז צוגעגאנגען צו שחרית ויוצר, און מען האט געזינגען ביי מכלכל חיים און ממקומך כנהוג.

- הוצאה והכנסה: הרה"ח ר' אהרן שפיטצער הי"ו, און הרה"ח ר' יושע שמואל וויינבערגער הי"ו (וומסב''ג).
- פסוקי שמע ישראל: הרה"ח ר' ליפא ווערצבערגער הי"ו.
עליות.
- כהן: הרה"ח ר' חיים טורנהיים הי"ו.
- לוי: החתן יצחק זאב בן הר"ר יעקב שלום ווייס שליט"א.
- שלישי: החתן חיים שלמה ב"ר דוד ווערטהיימער הי"ו - באווארפען.
- רביעי: החתן ב"ר מרדכי פריעד הי"ו.
- חמישי: החתן יחיאל מיכל ב"ר אברהם יודא לעבאוויטש הי"ו.
- שישי: החתן משה ב"ר הלל ראזענבערג הי"ו.
- שביעי: פ"ר דקהלתינו הק' הרב שלמה לייב וויינבערגער הי''ו.
- אחרון: ר' משה הערש ברח"י ראזענפעלד הי"ו, און דער רבי האט קורא שם געווען לרגל הולדת בתו למז''ט.
- הגבה אויפן ערשטן ספר: הרה"ח ר' יצחק אייזיק וויזעל הי"ו (וומסב''ג).
- גלילה: הרה"ח ר' הלל ראזענבערג הי"ו (וומסב''ג).
- מפטיר - קריאת פרשת זכור: רבינו שליט''א, און דער רבי עולה האט געליינט.

נאכן עולה זיין האט דער רבי קורא שם געווען לרגל הולדת הבת אצל:
- ר' יחיאל שלמה שטיין הי"ו.
- ר' יואל הערש ליכטענשטיין הי"ו.
- ר' אברהם משה קליין הי"ו.
- ר' ברוך בענדיט פייערווערקער הי"ו.
- ר' לייבוש עזריאל אפפעל הי"ו.
- ר' מענדל ברוך הערשקאוויטש הי"ו.
- ר' יוסף ברי"ד מארקאוויטש הי"ו.
- ר' יוסף יושע ראזענבערג הי"ו.
- ר' אשר זעליג בר"ד לעוו הי"ו (לאנדאן).

- הגבה אויפן צווייטן ספר: הרה"ג ר' יוסף משה פארגעס שליט"א.
- גלילה: הרה"ח ר' וואלף ברי"ד לאנדא הי"ו.

- מוסף: הרה"ח ר' יוסף ווייס הי"ו.
- פתיחה צו אנעים זמירות: הרה"ח ר' מרדכי פריעד הי"ו.
מען האט געענדיגט ארום 12:30.

רעוא דרעווין

דער רבי איז אריינגעקומען צו תפילת מנחה ארום 6:25.
- בעל תפילה:הרה"ח ר' אלחנן טויב הי"ו.
- הוצאה והכנסה: הרה"ח ר' שלום ראזענצווייג הי"ו (וומסב''ג).
- כהן: הרה"ח ר' אברהם שמחה פריעדמאן הי"ו.
- לוי: הר"ר אברהם ישעי' ווייס שליט"א.
- שלישי: הרה"ח ר' יוסף קליין הי"ו (וומסב''ג).
- הגבה: רבינו שליט''א.
- גלילה: הרה"ג ר' אברהם יוסף פריעדמאן שליט"א (וומסב''ג).

זמירות ביי של"ס האט דער רבי מכבד געווען.
- אודה הרה"ח ר' נח גפן הי"ו.
- שיר המעלות: הרה"ח ר' משה גאלדשטיין הי"ו.

דער רבי האט געזאגט תורה אויף די קריאה פון פרשת זכור און געטייטשט אז די מלחמה פון עמלק וואס האט געוואלט אריינברענגען א קרירות און נסיונות אין אידישקייט גייט אן עד היום הזה, און די סטרא אחרא פראבירט אריינצוכאפן כלל ישראל אין זיין נעץ מיט נסיונות אין שמירת עיניים און הרהורים אסורים, אבער אויב מען שטארקט זיך אויף די נסיונות איז מען זוכה צו פארשטיין און געדענקן די תורה הק', און ממשיך געווען מיט הכנה צום יו"ט פורים וואס איז גאר א דערהויבענע צייט און געזאגט אז מען קען ביי קריאת המגילה אויספועלן כל מילי דמיטב.

- ידיד נפש: הרה"ח ר' דוד ארי' יאקאב הי"ו (וומסב''ג).
- קל מסתתר: הרה"ח ר' יוסף קליין הי"ו.
- שושנת יעקב: הרה"ח ר' שלמה הערש בר"מ עקשטיין הי"ו.
דער רבי האט געבענטשט על הכוס און געזאגט שבע ברכות.

- מעריב מוצש''ק: הר"ר שמואל פריעדמאן שליט"א.
נאך הבדלה איז דער ציבור אריבער זאגן א גוטע וואך.
מען האט געענדיגט ארום 8:50.

בביתו נאוה קודש איז פארגעקומען א חתימת שטרות ווי הרה"ח ר' זושא ניישטאדט הי"ו האט אפגעקויפט א זכות נכבד אינעם מקוה טהרה דקהלתינו הק' אין לינדען, דער רבי האט אינטערגעשריבן די שטרות אינאיינעם מיטן נדבן און מאציל געווען מברכת קדשו.

ארום 10:30 איז דער רבי אריבער אין שטוב פון הרבני הנגיד ר' עקיבא הערש קליין הי"ו אויף א מסיבת לחיים לרגל נשואי בתו למז"ט, עס איז אנוועזנד געווען דודו הגה"צ רבי ישראל יעקב לאנדא שליט"א אב"ד באר שבע, און עס האט זיך פארצויגן א לענגערע שמועס בהלכה, און דערנאך איבער די דירות פרייזן אין קר"י ווי ר' עקיבא הערש הי"ו האט געהאט די זכי' צו זיין די נחשון זיך צוצושטעלן צו די תקנה פון רבינו שליט"א בנוגע די ביליגע דירות פרייזן, דער רבי האט געטרינקן לחיים און מאציל געווען מברכת קדשו פארן חתן, מחותנים, זיידעס, און די גאנצע משפחה.

דערנאך איז פארגעקומען בביתו נאוה קודש אויף צאנז קט. קריאת התנאים פון די מחותנים הר"ר מרדכי הערש גאלדמאן שליט"א (מאנטרעאל) און הרה"ח ר' יואל בר"ה בראך הי"ו, דער רבי האט געליינט די תנאים געטרינקן לחיים און מאציל געווען מברכת קדשו.

ארום 11:30 איז דער רבי אריבער אין די זאלן בביתו נאוה קודש אויף איהעל קט. ווי עס איז פארגעקומען א מלוה מלכה פאר אנ''ש תושבי מאנסי וועלכע שליסן זיך אן יערליך מיט גרעסערע סכומים לטובת מוסדותינו הק' מאנסי, עס איז פארגעקומען א פאנעל מיט הרה"ח ר' שמואל זאנוויל ווערטהיימער הי"ו - מנהל המוסדות, און הרה''ח ר' אהרן ווייס הי"ו - מגדולי תומכי מוסדותינו הק', אנגעפירט דורך הרה"ח ר' יונתן שווארטץ הי"ו.
דער רבי האט געטרינקן לחיים און אנגעוואונטשן פאר הגה"צ אבד''ק מאנסי שליט"א, פאר הרה"ח ר' שמואל זאנוויל ווערטהיימער הי"ו, און פארן גאנצן ציבור, און משמיע געווען דב"ק און ארויסגעברענגט די חשיבות פון געבן געלט להחזקת לימוד התורה פון תשב"ר, און ממשיך געווען בשבח פון מוסדותינו הק' אין מאנסי וועלכע שטייגט בכמות ובאייכות און מסיים געווען בברכת קדשו.

מען האט פארגעזינגען חרוזים לכבוד המעמד, דערנאך האט דער רבי ארומגערעדט איבער מנהגי פורים ביי רבותינו הק' זיע''א, דערנאך האט דער רבי פארטיילט א הגדה לב אהרן פאר אלע נדבנים, מען האט געענדיגט ארום 12:15.

▫️ סאטמארע נייעס 🌴 ▫️