נעכטן מוצש"ק ארום 12:30 איז געווען אויף א באזוך בקודש פנימה ביי כ"ק מרן רבינו הגה"ק שליט"א בביתו נאוה קודש, הרה''ג ר' אברהם שמואל ענגלענדער שליט"א דומ"ץ קהלתינו הק' לעיקוואד אינאיינעם מיט ראשי קהלתינו הק' אין לעיקוואד, וועלעכע האבן געוויילט אויף שבת אין קרית יואל בצל הקודש. עס האט זיך פארצויגן א שיינע שמועס איבער רביה"ק בעל דברי יואל זי"ע, ובפרט איבער די בליה און וואוקס פונעם רבי'נס הייליגער שטעטל קרית יואל. אזוי אויך האט זיך רבינו שליט"א נאכגעפרעגט איבער די הרחבת גבולי הקדושה בקרב קהלתינו הק' לעיקוואד, ובפרט אויף די פארשריט אין די בוי-ארבעט ביים ביהמ"ד הגדול והחדש דקהלתינו הק' אין לעיקוואד.
▫️ סאטמאר'ע נייעס 🌴 ▫️
▫️ סאטמאר'ע נייעס 🌴 ▫️