דינסטאג האזינו שלש עשרה מידות בצל הקודש פון כ"ק מרן רבינו הגה"ק שליט"א

ארום 5:45 איז רבינו שליט''א אריין געקומען צו אמירת סליחות בבית מדרשינו הגדול בקר"י. בעל תפלה איז געווען הגה"צ ר' חיים יוסף ווערצבערגער שליט"א אב"ד הוניאד.

רבינו שליט"א האט געדאווענט שחרית בבית מדרשינו הגדול בקר"י. פארן דאווענען האט רבינו שליט''א תפילין געלייגט פאר די פאלגענדע בר מצוה בחורים:
ב"ר אברהם אויש הי''ו.
ב"ר שמואל מאיר קאהן הי''ו.
ב"ר שמואל אהרן זינגער הי''ו.

דערנאך האט דער רבי שליט"א געצינדן 5 ליכט לרגל די יומדהל"ק פון זקינו הרה"ק רבי אלעזר ניסן זי"ע.

נאכן דאווענען האט רבינו שליט"א געלייגט תפילין דרבינו תם בחדרו הפרטי, און
דערנאך געוואונטשן ברכות קדשו פאר די בר מצוה בחורים.

ארום 11:00 איז רבינו שליט"א אריינגעקומען אין ביהמ"ד צו אמירת כל ספר תהילים. בעל תפלה איז געווען הרה"ח ר' יהושע טעלער הי"ו.

נאך תהילים האט רבינו שליט"א געזאגט קדיש. מען האט געענדיגט תהילים ארום 1:15.

דערנאך האט רבינו שליט"א געזאגט די וידוי הגדול פון רבינו נסים בבכיות נוראות פאר א לענגערע צייט.

נאכדעם האט מען געליינט די קרבנות. בעל קורא איז געווען הגה"צ אב"ד הוניאד שליט"א. מען האט געענדיגט ארום 2:00.

ותשליך במצולות ים כל חטאתם

ארום 2:10 איז רבינו שליט"א אנגעקומען צום לעיק אויף די קוויקוועי גאס צו אמירת תשליך. דער רבי שליט''א האט געזאגט די סדר אמירת תשליך בהשתפכות הנפש ובהתעוררות רב.

פארנאכטס פאר מעריב האט רבינו שליט"א געמאכט קידוש לבנה פארענט פון ביתו נאוה קודש.

▫️ סאטמאר'ע נייעס 🌴 ▫️