פרייטאג פר' תרומה 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית בבית מדרשינו אבני צדק בקר''י לרגל די שמחת פדיון הבן פון נכדו בן הנולד להרב משולם זושא ראזענבוים שליט''א חתן חדב''ן הגה''צ רב דביהמ''ד אבני צדק שליט''א.
רבינו שליט"א האט געלייגט טלית ותפילין אין ביהמ"ד, נאכן דאווענען איז פארגעקומען די סעודת פדיון הבן בהיכל הביהמ''ד, רבינו שליט''א האט זיך געוואשן צום סעודה, און געפענט די חלה אהן א מעסער כנהוג אים ערש''ק.

אלס כהן הפודה האט געדינט הרב אהרן ארי' כ''ץ שליט''א חתן הגה''צ ר' מאיר איתמר ראזענבוים שליט"א מטרעבישאן. נאך די פיש האט דער רבי געטרינקן לחיים און געווינטשן פארן בעל שמחה פאר די זיידעס און פארן גאנצן ציבור.

במשך די סעודה האבן אויפגעטרעטן בדברי תורה דער אבי הבן הרב משולם זושא שליט"א, דער זיידע חדב''ן הגה''צ רב דביהמ''ד אבני צדק שליט''א, און דער עלטער זיידע הגה''צ אבד''ק אודווארי שליט''א.

נאך די פלייש האט רבינו שליט''א משמיע געווען דב''ק בעניני פדיון הבן, ברכהמ''ז האט דער רבי מכבד געווען דעם כהן הרב אהרן ארי' כ''ץ שליט''א. מען האט געענדיגט ארום 12:45.

▫️ סאטמאר'ע נייעס 🌴 ▫️