Search: “#פורים”

מאנטאג צו 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' דוב בער בר"ל האלפערט הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה קטנה סניף השיב משה בהנהלת הר"ר שמעון אברהם ראטה שליט"א.
ביים אנקומען איז דער רבי תיכף אריין אין ביהמ"ד און זיך אומגעקוקט אויף די לימודים.
פארן דאווענען האט דער רבי געלייגט תפילין פאר די בר מצוה בחורים:
- ב"ר משה יחזקאל וועלץ הי"ו.
- ב"ר יצחק אהרן האלענדער הי"ו.

דער רבי האט געצינדן לעכט און צוגעגאנגען צום עמוד לרגל די יארצייט פון די באבע הרבנית ברכה סימא ע"ה אשת חבר פון מרן הגה"ק בעל עצי חיים זיע''א, און ביים ליינען עולה געווען שלישי.

נאכן דאווענען זענען אריין בחדרו הפרטי א קבוצה בחורים וועלכע האבן אריינגעברענגט גרעסערע געלטער לטובת קרן קרית יואל.

דערנאך איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די בר מצוה בחורים, רמ"י ותלמידי הישיבה, און משמיע געווען דב"ק במשנתו פון הרה''ק האוהב ישראל מאפטא זיע''א וואס איז געווען די יארצייט, און ממשיך געווען מיט הכנה ליו"ט פסח און מסיים געווען בברכת קדשו.

ארום 6:15 האט דער רבי געדאווענט מנחה בביתו נאוה קודש אויף צאנז קט. דער רבי האט געצינדן לעכט און צוגעגאנגען צום עמוד לרגל די יארצייט פון די באבע הרבנית ברכה סימא ע"ה.

פארנאכטס האט דער רבי מסדר קידושין געווען ביי די חופה פון די מחותנים הרה"ח ר' יצחק מאיר בראווער הי"ו און הרה"ח ר' מתתי' ברמ"ל דייטש הי"ו אין די זאלן פון גינת קליין.

זמני כניסה בקו''פ איז געווען פון 8:30 ביז 1:15 אויפדערנאכט בביתו נאוה קודש אויף איהעל קט.

בעת די זמני כניסה זענען אריין בקודש פנימה א משלחת רבני וראשי מערכת הכשרות שע"י התאחדות הרבנים, עס האט זיך פארמירט א שיינע שמועס איבער כשרות המאכלים ובפרט פאר יו"ט פסח, און מען האט אויסגעשמועסט פארשידענע שאלות וואס האבן זיך לעצטענס געמאכט, ווי אויך האבן זיי איבערגעגעבן פארן רבי'ן דעם נייעם 'מפתח הכשרות' צום בעפארשטייענדן יו"ט פסח, און דער רבי האט זיי מאציל געווען מברכת קדשו.

ארום 10:10 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים:
- הרה"ח ר' אברהם עמרם מארקאוויטש הי"ו און הרה"ח ר' משה יצחק איצקאוויטש הי"ו.
- הרה"ח ר' שלמה ניימאן הי"ו און הרה"ח ר' אשר זאבעל הי"ו.

דער רבי האט געדאווענט מעריב ארום 12:00.

דינסטאג צו

אינדערפרי איז פארגעקומען די ברית'ן:
- לבן הנולד אצל ר' יוסף משה שטיין הי"ו ווי דער רבי איז געווען סנדק ומוהל.
- לבן הנולד אצל ר' יואל ברא"ד רובינשטיין הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים:
- ב"ר חיים ברוך דיימאנד הי"ו.
- ב"ר אהרן ברי"א זילבערשטיין הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.
דערנאך איז דער רבי אראפ אין היכל התורה 'היכל צבי ויצחק ראזענבערג' ווי דער רבי האט זיך ארומגעדרייט צווישן די טישן פאר א לענגערע צייט און זיך אומגעקוקט אויף די פילע לומדים בימי בין הזמנים מיט א שטארקע קורת רוח.

אויפן וועג ארויס האט זיך דער רבי אפגעשטעלט ביי די 'אנ"ש דקרית יואל' טישל ווי מען נעמט צוזאם חתימות יעדע יאר פאר די פאליטיקאנטן און קאנדידאטן צו קענען לויפן פאר א פרישע טערמין אין די קומענדיגע נאוועמבער וואלן, דער רבי האט איבערגעקוקט די ליסטע פון די נעמען פון די קאנדידאטן און די עסקנים האבן צוגעוויזן די נעמען פון די קאנדידאטן וועלכע האבן זיך גאר שטארק ארויסגעשטעלט פאריאר אויפן פארלאנג פון רבינו שליט"א צו טוישן די אלבאני געזעצן לטובת החינוך לשמחת לב פונעם גאנצן יהדות החרדית אין ניו יארק, און דער רבי האט אנגעוואונטשן הצלחה פאר די עסקנים.

ארום 6:15 האט דער רבי געדאווענט מנחה בביתו נאוה קודש אויף צאנז קט.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
דער רבי איז אנקומען קיין וומסב''ג און איז צום ערשט אריבער אויף א קביעת המזוזה אינעם נייעם 'מיטב' געשעפט וועלכע פארקויפט די פראדוקטן פאר האלסעיל פרייזן, דער רבי האט זיך אומגעקוקט אויפן געשעפט און דערביי געהערט א באריכט פון די בעלי בתים איבער די פילע פעולות צו קענען פארקויפן די פראדוקטן פאר גאר ביליגע פרייזן.

דערנאך איז פארגעקומען א מסיבת לחיים אינעם געשעפט, עס האט זיך פארצויגן א שיינער שמועס, דער רבי האט געטרינקן לחיים און ווארעם אנגעוואונטשן ברכת קדשו פארן גאנצן ציבור, און משמיע געווען דב"ק בגודל מעלת החסד וואס מ'טוהט מיט אידישע קינדער און די געוואלדיגע חשיבות פון די געשעפט וועלכע העלפט ארויס הונדערטער משפחות צו קענען קויפן פאר ביליגע פרייזן, און מסיים געווען בברכת קדשו פאר די בעלי בתים און עסקנים וועלכע האבן צושטאנד געברענגט די נייע געשעפט און אנגעוואונטשן עס זאל האבן גרויס הצלחה.
אויפן וועג ארויס האט דער רבי קובע געווען א מזוזה אויפן אריינגאנג.

זמני כניסה בקו''פ איז געווען פון 8:50 ביז 1:15 אויפדערנאכט בביתו נאוה קודש אויף היוז סט.

בעת די זמני כניסה זענען אריין בקו''פ חברי הנהלה פון מוסד הק' קרן הצלה לקראת די גרויסע פסח חלוקה להחזקת מוסדות עטה"ק בארה"ק, עס האט זיך פארצויגן א שיינע שמועס איבער די פעולות און די גרויסע חלוקות פאר די הונדערטער מוסדות, און די חברי הנהלה האבן ארויסגעברענגט לשבח פון קהלתינו הק' פון ווי עס קומט אריין די מערסטע געלטער און איז צו פארדאנקען דאס אז רבינו שליט"א איז כסדר מעורר אנ''ש צו שטיצן קרן הצלה מיט גרויסע געלטער, וואס דאס האט געברענגט אז מען זאל קענען פארטיילן גרעסערע געלטער ביי יעדע חלוקה.
דערביי האט דער רבי איבערגעגעבן פאר הרה"ח ר' שלמה יוסף וואלדמאן הי"ו יו"ר ההנהלה א טשעק אינעם פאנטאסטישן סכום פון א מיליאן דאלער! , די חברי הנהלה האבן זיך שטארק באדאנקט און געזאגט אז דאס איז שוין די צווייטע טשעק פון א מיליאן דאלער דאס יאר תשפ"ו וואס דער רבי האט צוזאמגעשטעלט פון נגידי אנשי שלומינו נאך וואס דער רבי האט איבערגעגעבן א טשעק פון א מיליאן דאלער בעת די מסע הקודש בארה"ק פארגאנגענע חודש כסלו פאר די חנוכה חלוקה, און דער רבי האט אנגעוואונטשן ברכת קדשו פאר די גאנצע הנהלה.

אויך זענען אריין בקו''פ א קבוצה תלמידי כתה ט' פון מוסדותינו הק' וועלכע האבן אריינגעברענגט גרעסערע סכומים לטובת המוסדות במשך די ימי הפורים העעל"ט, דער רבי האט פארטיילט געבענטשטע מטבעות און הגדות פאר די בחורים און אנגעוואונטשן ברכת קדשו.

דער רבי האט געדאווענט מעריב ארום 11:00. דער רבי איז צוגעגאנגען צום עמוד לרגל די יארצייט פון די באבע הרבנית חנה ע"ה אשת חבר פון מרן הגה"ק בעל קדושת יו"ט זיע''א, און דערנאך ווייטער ממשיך געווען אויפנעמען דעם ציבור.

מיטוואך צו

אינדערפרי איז פארגעקומען א ברית לבן הנולד אצל ר' אליעזר מאיר סאמעט הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה קטנה סניף קדושת יו"ט בהנהלת הר"ר שמואל מאיר לעווי שליט"א. פארן דאווענען האט דער רבי געלייגט תפילין פאר די בר מצוה בחורים.
- ב"ר מיכאל אליהו גבריאל ע'גמי הי"ו.
- ב"ר שניאור זלמן העכט הי"ו.
- ב"ר משה מאלח הי"ו.
דער רבי האט געצינדן לעכט און צוגעגאנגען צום עמוד לרגל די יארצייט פון די באבע הרבנית חנה ע"ה אשת חבר פון מרן הגה"ק בעל קדושת יו"ט זיע''א.

נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די בר מצוה בחורים, רמ"י ותלמידי הישיבה, און משמיע געווען דב"ק און נאכגעזאגט פונעם הייליגן ייטב לב זיע''א אז אויפשטיין פארטאגס איז א בחינה פון מסירת נפש, און ארויסגעברענגט לשבח פון די תלמידי הישיבה זאגענדיג אז זיצן און לערנען איז ישיבה ביז ז' ניסן איז אויך מסירת נפש, און דער רבי האט ממשיך געווען פרעגענדיג די בחורים עטליכע שאלות פון די לימודי הישיבה אין מסכת בבא קמא און מסיים געווען בברכת קדשו.

ארום 7:15 האט דער רבי געדאווענט מנחה בביתו נאוה קודש אויף צאנז קט.
דער רבי האט געצינדן לעכט און צוגעגאנגען צום עמוד לרגל די יארצייט פון די באבע הרבנית חנה ע"ה.

זמני כניסה בקו''פ איז געווען פון 8:30 ביז 11:45 אויפדערנאכט בביתו נאוה קודש אויף איהעל קט.

ארום 10:30 איז דער רבי אראפ אין די זאלן בביתו נאוה קודש ווי דער רבי געליינט די תנאים פון די מחותנים:
- הרה"ח ר' שמואל הערש פעלדמאן הי"ו און הרה"ח ר' יוסף לייב ברוין הי"ו.
- הרה"ח ר' יחזקאל פרענקל הי"ו און הרה"ח ר' מאיר אלי' אקער הי"ו.

דער רבי האט געדאווענט מעריב ארום 10:50 און דערנאך ממשיך געווען אויפנעמען דעם ציבור.

נאך די זמני כניסה ארום 11:50 איז דער רבי אריבער באולם פרדס חיים אין ביהמ"ד אבני צדק צו די שמחת הוואכנאכט פון נכדו בן הנולד אצל הרב אלחנן חיים מייזליש שליט"א בן הרה"ג ר' הערשל שליט"א רב דביהמ"ד בית נחום דוב דקהלתינו הק' וומסב''ג בן הגה"צ אבד''ק מאנטרעאל שליט"א, וחתן חדב"ן הגה"צ רב דביהמ"ד אבני צדק שליט"א, עס האט זיך פארצויגן א שיינער שמועס בסיפורי בית סיגוט, דער רבי האט טועם געווען מזונות, פיש, און קוגל און געטרינקן לחיים און אנגעוואונטשן פארן בעל שמחה, זיידעס, בני המשפחה, און פארן גאנצן ציבור.
דערנאך האט דער רבי געליינט קרי"ש און אנגעוואונטשן פאר די יולדות, דער רבי האט פארלאזט דעם זאל ארום 12:15.

דאנערשטאג צו

אינדערפרי איז פארגעקומען א ברית לבן הנולד אצל ר' משה נטע פערל הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד אבני צדק לרגל די שמחת הברית מילה פון נכדו בן הנולד אצל הרב אלחנן חיים מייזליש שליט"א.
פארן דאווענען האט דער רבי געלייגט תפילין פאר די בר מצוה בחורים:
- ב"ר אלעזר אלימלך פארגעס הי"ו.
- ב"ר דוד ביקעל הי"ו.
ביים ליינען האט דער רבי עולה געווען שלישי.

נאכן דאווענען איז פארגעקומען די שמחת הברית מילה בהיכל הביהמ"ד.
רבינו שליט"א איז מכובד געווארן מיט סנדקאות.
- מוהל: דער זיידע הגה"צ רבי הערשל שליט"א.
- סנדק מעומד: חדב"ן הגה"צ רב דביהמ"ד אבני צדק שליט"א.
רבינו שליט"א האט געזאגט די ברכות וקריאת השם, ויקרא שמו בישראל: 'ארי' לייבוש' נאכן זיידן הגה"צ רבי ארי' לייבוש טייטלבוים זצ"ל רב דביהמ"ד וקרית ויואל משה.
נאכן ברית איז דער גאנצער ציבור אריבער וואונטשן מזל טוב פאר רבינו שליט"א.
דערנאך איז פארגעקומען א לחיים מיט די בר מצוה בחורים בהיכל הביהמ"ד.
נאך עטליכע מינוט איז פארגעקומען די סעודת הברית בהיכל הביהמ"ד, ביי די סעודה האט אויפגעטרעטן דער בעל שמחה שליט"א, און די זיידעס חדב"ן הגה"צ רב דביהמ"ד אבני צדק שליט"א, און הגה"צ רבי הערשל שליט"א.
מיט יום ליבשה האט דער רבי מכבד געווען הרב חיים מייזליש שליט"א בן הגה"צ אבד''ק מאנטרעאל שליט"א.
דער רבי האט משמיע געווען דברות קודש בעניני ברית מילה, און אנגעוואונטשן פארן בעל שמחה שליט"א, און פאר די חשובע זיידעס, און פארן גאנצן ציבור.
מיטן בענטשן האט דער רבי מכבד געווען דעם זיידן דער מוהל הגה"צ רבי הערשל שליט"א און מיט די הרחמן'ס די בני המשפחה, מען האט געענדיגט ארום 2:00.

אין די נאכמיטאג שעות זענען אריין בקו''פ חברי וועד להוצאת ספרי רבינו וועלכע האבן אריבערגעברענגט די נייע ספר לב אהרן -דרושים אויף יו"ט פסח וועלכע איז היינט ארויס פון דרוק, דער רבי האט עס אויפגענומען מיט א שטארקע שמחה און אפגעראכטן א מסיבת לחיים און ווארעם אנגעוואונטשן פאר די חברי וועד להוצאת ספרי רבינו.

ארום 7:10 האט דער רבי געדאווענט מנחה בביתו נאוה קודש אויף צאנז קט.

זמני כניסה בקו''פ איז געווען פון 8:45 ביז 11:30 אויפדערנאכט בביתו נאוה קודש אויף איהעל קט.

דער רבי האט געדאווענט מעריב ארום 10:40.
נאך מעריב איז דער רבי אריין אין די זאלן בביתו נאוה קודש ווי דער רבי האט געליינט די תנאים פון די מחותנים הרה"ח ר' בנימין זאב שטיין הי"ו און הרה"ח ר' יצחק מיכאל גראד הי"ו.
דערנאך האט דער רבי ממשיך געווען מיט די זמני כניסה.

פרייטאג צו 'בצל הקודש' פון כ''ק רבינו הגה''ק שליט''א

ארום 8:45 איז פארגעקומען בביתו נאוה קודש די ברית'ן:
- לבן הנולד אצל ר' שמואל ברא"וו קויפמאן הי"ו ווי דער רבי איז געווען סנדק ומוהל.
- לבן הנולד אצל ר' הערשל ברמ"א זאלדאן הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- תאומים בני ר' אברהם מאיר דים הי"ו.
- ב"ר חיים הערש לעווי הי"ו.
- ב"ר מרדכי אלעזר ברייער הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.

ארום 1:30 האט דער רבי פארלאזט ביתו נאוה קודש אויפן וועג אריין קיין וומסב''ג צו וויילן שב''ק בקרב קהלתינו הק'.

▫️ סאטמארע נייעס 🌴 ▫️

מאנטאג כי תשא - תענית אסתר 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' יצחק אלימלך פעלדמאן הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף דברי יואל. פארן דאווענען האט דער רבי געלייגט תפילין פארן בר מצוה בחור בן הרה''ג ר' זלמן לייב מייזליש שליט"א מו''ץ בקהלתינו ב"פ.

דער רבי האט געזאגט וכרות פסוק בפסוק, און ביים ליינען עולה געווען שלישי.

נאכן דאווענען איז דער רבי אריבער אין ביהמ"ד הגדול ווי עס איז פארגעקומען א ברית לבן הנולד אצל ר' יחזקאל שרגא גרובער הי"ו ווי דער רבי איז געווען סנדק ומוהל.

ליל פורים

ארום 6:15 איז דער רבי אריינגעקומען צו תפילת מנחה אין ביהמ"ד הגדול.
- בעל תפילה: הרה"ח ר' משה גאלדבערגער הי"ו.
- הוצאה והכנסה: הרה"ח ר' גרשון מענדל ניימאן הי"ו.
- כהן: הרה"ח ר' יעקב קאפיל שעהנברוין הי"ו.
- לוי: הרה"ח ר' יו"ט יאזשעף הי"ו.
- שלישי - מפטיר: רבינו שליט''א.
- הגבה: הרה"ח ר' משה מאיר טייטלבוים הי"ו.
- גלילה הרה"ח ר' אהרן הערש בערקאוויטש הי"ו.
אום 6:50 האט מען זיך געשטעלט דאווענען מעריב, בעל תפלה: הרה"ח ר' עקיבא וויינשטאק הי"ו.

נאך מעריב האט דער רבי אנגעטוהן א טלית שאולה און איז ארויף אויפן באלעמער, וואו מען האט אויסגעשפרייט די מגילה כאיגרת.
דער רבי האט געזאגט דעם לשם יחוד און געמאכט די ברכות באש קודש און געליינט די מגילה מיט גרויס התעורורות און השתפכות הנפש. מען האט אנגעהויבן קריאת המגילה אום 7:15 מען האט געענדיגט אום 8:12.

ביים אויספאסטן בביתו נאוה קודש האט דער רבי טועם געווען פון קינדל, נאנט און המן טאשן כנהוג אום פורים.

ארום 10:20 איז דער רבי אריינגעקומען צום שלחן הטהור אין ביהמ"ד הגדול. דער רבי האט געטאנצען אויפן פלאץ פאר עטליכע מינוט און זיך געוואשן צו די סעודה לכבוד היום און מען האט אויפגעגעבן די מאכלים אזוי ווי יו"ט.
במשך די סעודה האט מען געזינגען מערערע לעבעדיגע ניגונים, און געטאנצן בשמחה וחדוה לכבוד פורים, און דער רבי האט משמיע געווען דריי מאל דברות קודש.
מיט די זמירות האט דער רבי מכבד געווען.
- אשר הניא: הרה''ג ר' אברהם וואלף פריעדמאן שליט"א.
- שושנת יעקב: הרה''ג ר' חיים אליעזר דאווידאוויטש שליט"א.

ערשטע דב''ק אויפן מדרש 'כיון שמת משה במדבר לפיכך יתלו את המן' און געטייטשט בדרך דרוש אין די סוגיא פון ארץ ישראל מוחזקת לנו מאבותינו, מען האט ממשיך געווען מיט לעבעדיגע ניגונים און דער רבי האט זיך אויפגעשטעלט טאנצן פאר א לענגערע צייט מיט א שטארקע התלהבות.

צווייטע דב"ק אויפן פסוק 'ובבואה לפני המלך' און געטייטשט אז כלל ישראל האט אין אלע מצבים במשך די לאנגע ביטערע גלות אלץ געדאנקט הקב"ה אויף אשר בחר בנו מכל העמים טראץ די שווערע צרות וואס מען איז אריבער אין אלע דורות.

דערנאך האט אויפגעטרעטן דער פורים ראב"ד הר"ר נפתלי משה ווייס שליט"א מיט דברי בדחנות און חרוזים לכבוד פורים, מען האט ממשיך געווען צו זינגען אם על המלך טוב און דער רבי האט זיך אויפגעשטעלט טאנצן.

דריטע דב"ק אויפן פסוק 'על כן קראו לימים האלו הפורים' און געטייטשט אז אסתר המלכה האט מעורר געווען מידת קל און מיט דעם ממתיק געווען די דינים.

דערנאך האבן די גבאים פון חבורת 'לגיון של מלך' איבערגעגעבן פאר רבינו שליט"א די ספר מיט די נעמען פון די בחורים פון אלע סאטמארע ישיבות איבער דער גארער וועלט וואס האבן זיך מקבל געווען קבלת טובות בנוגע טעכנעלאגיע, דער רבי האט מעיין געווען פאר א לענגערע צייט בשעת דער עולם האט געזינגען ניגוני התעוררות.

- ברכת המזון: הר"ר נפתלי משה ווייס שליט"א.
מען האט געענדיגט ארום 12:45, און מען האט ארויסבאגלייט רבינו שליט"א בשירה וזמרה.

דינסטאג כי תשא - יום הפורים

דער רבי איז אריינגעקומען צו שחרית ארום 10:00.
- בעל תפילה: ר' צבי אלימלך פריעד הי"ו.
- פתיחה: הר"ר נפתלי משה ווייס שליט"א.
- כהן: הרה"ח ר' נפתלי הירצקא קאהן הי"ו.
- לוי: הרה"ח ר' שמואל בערגער הי"ו (וומסב''ג).
- שלישי: רבינו שליט"א.
- הגבה: ר' ישי גאלדבערגער הי"ו.
- גלילה: נכד רבינו הב' אלימלך אשכנזי ני"ו בן הרה"ג ר' חיים הערש אשכנזי שליט"א רב דביהמ"ד רב טוב.

נאכן ליינען איז דער רבי אריין בחדרו הפרטי ווי דער רבי האט אנגעטוהן תפילין דר"ת.

נאך עטליכע מינוט איז דער רבי אריינגעקומען און איז ארויף אויפן באלעמער וואו מ'האט אויסגעשפרייט די מגילה כאיגרת.
דער רבי האט געזאגט דעם לשם יחוד און מקיים געווען דעם מנהג פון מחצית השקל, און דערנאך געזאגט דעם לשם יחוד און געזאגט די ברכות באש קודש און אנגעהויבן ליינען די מגילה מען האט געענדיגט דאווענען ארום 12:20.

אויפן וועג ארויס פון ביהמ"ד האט רבינו שליט"א געגעבן מתנות לאביונים פאר הרה"ח ר' בערל פאלקאוויטש הי"ו מנהל תומכי שבת.

בביתו נאוה קודש האט רבינו שליט"א מקיים געווען די מצוות היום משלוח מנות ומתנות לאביונים, און זיך געוואשן צו די ערשטע סעודה לכבוד היום.

אנגעהויבן פון 3:15 האט רבינו שליט''א אויפגענומען דעם ציבור לברך ולהתברך ביום הפורים ביז אום 5:30, ווי עס האבן זיך געשלענגלט לאנגע רייעס פון הונדערטער אנ"ש זקנים עם נערים, רבינו שליט"א האט יעדעם אנגעווינטשן און געבענטשט בברכת הקודש.
ארום 5:30 האט דער רבי געדאוונט מנחה בביתו נאוה קודש. בעל תפילה: הר"ר יואל וויינבערגער שליט"א.

ארום 6:00 איז רבינו שליט"א אריינגעקומען צום סעודת משתה היין אין ביהמ"ד הגדול, און זיך געוואשן צו די סעודה לכבוד היום.
נאך די כזית חלה האט דער רבי געזאגט א לשם יחוד לקיים מצוות לבסומי בפוריא, און געמאכט א בורא פרי הגפן און געטרונקען דעם ערשטן כוס וויין לכבוד היום און געוואונטשן לחיים, און נאך די פיש האט דער רבי געטרינקן דעם צווייטן כוס וויין.
אין די זופ איז געווען קרעפלעך כנהוג, און נאך די זופ האט דער רבי געטרינקען דעם דריטן כוס וויין און געוואונטשן לחיים, ביי די פלייש האט מען אויפגעגעבן א העלזל כנהוג, און נאך די פלייש און קוגל האט דער רבי געטרינקען דעם פערטן כוס וויין און געוואונטשן לחיים.

במשך די סעודה האבן די בעלי מנגנים געזינגען מערערע ניגוני דביקות והתעוררות, וניגוני שמחה וחדוה בשעת דער רבי הייבט דעם ציבור און זיך עטליכע מאל אויפגעשטעלט טאנצן אין פייערדיגע ריקודים, און מעודד געווען דעם גאנצן ציבור.

במשך דעם טיש האט רבינו שליט''א משמיע געווען 8 מאל דב''ק.
ערשטע תורה אויפן פסוק 'תנתן לי נפשי בשאלתי' און געטייטשט אז יעדער איד איז מתפלל אז מען זאל ניצל ווערן פונעם יצר הרע און מען בעט 'תנתן לי נפשי בשאלתי', און דער רבי האט מאריך געווען בבכיות עצומות פאר א לענגערע צייט, און ממשיך געווען זאגענדיג עת צרה הוא ליעקב, א ישועה וואס קומט פון די צד הקדושה האט א קיום, משא"כ אויב עס קומט פון די צד הטומאה איז עס נאר א צייטווייליגע זאך, אזוי ווי מען זעט יעצט בחוש ביי די מלחמה דורך די מדינה הטמאה ווי מען זאגט יעדע מאל אז יעצט האט מען שוין מנצח געווען די שונאים אבער יעדע פאר חדשים ווערט די סכנה פון פריש, און דער רבי האט געזאגט אז די אידן אין ארה"ק געפינען זיך אין אן עת צרה און לעבן אין א פחד סיי פון די רודפים און סיי פון די מצילים און מען איז מתפלל אז זיי זאלן ניצל ווערן דורך הקב"ה אליינס.
מען האט ממשיך געווען צו זינגען והוא שעמדה און ה' הוא מלכינו און דער רבי האט זיך אויפגעשטעלט טאנצן.

צווייטע תורה אויפן פסוק 'ובבואה לפני המלך' און געטייטשט אין די סוגיא פון נחלת יעקב ועשיו בשני עולמות און ממשיך געווען אז מען זעט אין די מגילה אז אסתר המלכה איז אריין בחצר המלך הפנימית און המן איז אריין בחצר החיצונה, דאס איז די חילוק פון א איד און א גוי, ביי א איד איז דער עיקר דאס פנימיות, דער לבוש שפיגלט אפ די פנימיות פון א מענטש און מען זעט לויט'ן לבוש פון א מענטש וואס דער מענטש איז, סיי א גאנץ יאר און אזוי אויך וויאזוי מען פארשטעלט זיך פורים, און מעורר געווען ארומרעדענדיג בגנות איבער די היינטיגע בעקיטשעס און לבושים וואס ווערט מער און מער מאדערן.

דריטע תורה אויפן פסוק 'ובבואה לפני המלך' און געטייטשט בדרך דרוש אין די סוגיא פון ארץ ישראל מוחזקת לנו מאבותינו.

דער רבי האט פארגעזינגען אדון עולם בהשתפכות הנפש, און אין עוד מלבדו און זיך אויפגעשטעלט טאנצן.

פערטע תורה אויפן פסוק 'תנתן לי נפשי בשאלתי' און ארויסגעברענגט אז מיטן כח פון אחדות קען מען פועלן אלע ישועות און דאס איז געווען אסתר המלכה'ס בקשה לך כנוס את כל היהודים און אזוי האט מען אויסגעפועלט דעם נס פורים.

דער רבי האט פארגעזינגען דעם ניגון המקובל "לאמיר דערציילן די מעלות פון אידישע קינדער" צוויי מאל.

פינעפטע תורה אויפן פסוק 'אם על המלך טוב' און ארויסגעברענגט אז צו מכניע זיין דעם כח פון די קליפות קען מען אדער מיט מסירת נפש אדער דורך מצות מילה, דער רבי האט ארויסגעברענגט לשבח פון כלל ישראל אז טראץ דעם לאנגן ביטערן גלות וואס מען גייט אריבער, שרייט מען אויס ראש השנה המלך און אשר בחר בנו מכל עם און מען איז ממליך הקב"ה אויף אונז מיט מסירת נפש, דאס איז א מליצה ישרה פאר כלל ישראל אינעם יום הדין.

דער רבי האט פארגעזינגען 'האדרת והאמונה' און געפרעגט פון זקני אנשי שלומינו ווער עס געדענקט ווען מען האט דאס געזינגען ביי רביה"ק בעל דברי יואל זיע''א.
דערנאך האט דער רבי מקיים געווען דעם מנהג פון זקינו בעל עצי חיים זיע''א צו רייכערן אום פורים און דערמיט פארברענען די קליפות אינעם רויעך, דער רבי האט געזאגט א טעם דערויף וויבאלד שריפת הקליפות וואס ענדיגט זיך ערב פסח הייבט זיך אן ביום הפורים.

דער רבי האט פארייכערט א ציגאר, און דערנאך איבערגעגעבן פאר הרה"ח ר' ידידי' קלאגסברוין הי"ו עס איבערצוגעבן פאר אביו הרה"ח ר' שלמה משה הי"ו.

דערנאך האט דער רבי ממשיך געווען מיט די זעקסטע תורה אז כלל ישראל האט סיי א אנדערע נשמה ווי א גוי און סיי א אנדערע גוף פון א גוי וויבאלד עס איז פארבינדן מיט די גווילים פון א ספר תורה, במילא אפילו אויב די דאקטורים זאגן אויף א מחלה אז עס איז נישט דא קיין רפואה אויף דעם, איז דאס נאר ביי די גוים אבער ביי אידן איז יא דא א רפואה אויף אלע מחלות, און דער רבי האט אנגעוואונטשן א רפואה שלימה פאר אלע חולי ישראל.

זיבעטע תורה אויפן מאמר חז"ל 'עיניהם של עניים נשואות למקרא מגילה' און געזאגט אז דאס איז אנטקעגן די ע' פון וכל אשר לרעך פון די עשרת הדברות, און מאריך געווען בשבח פון קופת אבני חסד וועלכע פארטיילן שטריימלעך פאר אידן, און דערביי מכבד געווען אלע וואס טראגן די נאמען 'יעקב' זאלן ארויפגיין אויפן טיש צוזאמנעמען געלט פונעם ציבור לטובת קופת רבינו 'קופת אבני חסד'.

דערנאך האט דער רבי משמיע געווען די אכטע דב"ק און ארויסגעברענגט אז צדקה איז מטהר דעם אויר און אזוי איז דא קבלת התפילות, און דער רבי האט מסיים געווען מיט ברכות לרוב פארן גאנצן ציבור.

דער רבי האט זיך אויפגעשטעלט טאנצן באש קודש אויף 'אחכה לו' פאר א לענגערע צייט.
דערנאך האט מען אריינגעברענגט קרויט כנהוג, דער פורים ראב"ד הר"ר נפתלי משה ווייס שליט"א איז ארויף אויפן טיש און פארגעזינגען דעם ניגון המקובל פונעם הייליגן קדושת לוי זיע''א 'רבש"ע לאמיר מאכן א בייט'.

מיט די זמירות האט דער רבי מכבד געווען.
- אשר הניא: הגה"צ ר' חיים יוסף ווערצבערגער שליט"א אב"ד הוניאד.
- שושנת יעקב: הרה"ג ר' מאיר אליעזר פריעדמאן שליט"א,
דערנאך האט הרה"ג ר' מאיר אליעזר שליט"א ממשיך געווען מיט דברי התעוררות בעניני קרי"ש בזמנה וכתיקונה.

מיטן בענטשן האט דער רבי מכבד געווען חדב"ן הגה"צ רב דביהמ"ד אבני צדק שליט"א.

נאך עטליכע מינוט איז דער רבי צוריק אריינגעקומען בהיכל הביהמ"ד צו תפילת מעריב, בעל תפילה: הר"ר הערשל קאהן שליט"א, מען האט נישט געזאגט ברוך ה' לעולם כנהוג, מען האט געענדיגט ארום 12:00.

מיטוואך כי תשא - שושן פורים

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פארן בר מצוה בחור ב"ר יודא בר"י מיטטעלמאן הי"ו.
בעל תפילה: הרה"ח ר' חיים יעקב לעבאוויטש הי"ו.

נאכן דאווענען איז פארגעקומען די ברית'ן:
- תאומים הנולדים אצל הרה"ג ר' יואל היימאן שליט"א מו"ץ בקהלתינו הק' וומסב''ג, ווי דער רבי איז געווען סנדק ומוהל.
- לבן הנולד אצל ר' הערשל ברח"ל זילבערשטיין הי"ו ווי דער רבי איז געווען סנדק.
דערנאך איז פארגעקומען א מסיבת לחיים בהיכל הביהמ"ד, ביים לחיים האט מען געזינגען ניגוני פורים און דער רבי האט פארציילט סיפורים פון רבותיה"ק זיע''א מימי הפורים, און אנגעוואונטשן פארן בר מצוה בחור, און פאר די בעלי ברית ובני משפחתם.

ארום 4:15 האט דער רבי געדאווענט מנחה בביתו נאוה קודש אויף צאנז קט.

נאך מנחה איז דער רבי אריינגעפארן קיין וומסב''ג ווי דער רבי האט מעריך געווען שלחנו הטהור לכבוד שושן פורים בקרב קהלתינו הק'.

ארום 6:25 איז דער רבי אריינגעקומען אין ביהמ"ד הגדול צום שלחן הטהור לכבוד שושן פורים, דער רבי האט זיך געוואשן צום סעודה לכבוד היום און מען האט אויפגעגעבן די מאכלים אזוי ווי יו"ט, ביי די פלייש האט מען אויפגעגעבן א העלזל כנהוג.

במשך דעם טיש האט מען מאריך געווען בשירה וזמרה בתופים ומחולות.
מיט די זמירות האט רבינו שליט''א מכבד געווען.
- אשר הניא: הגה"צ ר' אברהם מרדכי סאפרין שליט"א אב"ד קאמארנא ב"פ.
- שושנת יעקב: הגה"צ ר' משה פריעדמאן שליט"א דומ"ץ דקהלתינו ב"פ.

במשך דעם טיש האט דער רבי משמיע געווען זעקס מאל דברות קודש.
ערשטע תורה אויפן פסוק 'אם על המלך טוב' און געטייטשט אז אסתר המלכה האט ממשיך געווען מידת קל וואס איז חסד און מיט דעם ממתיק געווען די דינים.
דער רבי האט זיך אויפגעשטעלט טאנצן אויף 'שבשפלנו זכר לנו' פאר א לענגערע צייט באש קודש.

צווייטע תורה אויפן פסוק 'עת צרה הוא ליעקב' און געטייטשט אז דורך דעם וואס כלל ישראל פרעגט נישט קיין קשיות אויפן רבש"ע וואס קומט שוין מכח אברהם אבינו וואס האט נישט געפרעגט קיין קשיא אויפן רבש"ע ביי די עקידה, אין דעם זכות פרעגט הקב"ה אויך נישט קיין קשיא אויף אונז און איז משפיע כל טוב.

דריטע תורה אויפן פסוק 'אם על המלך טוב' און געטייטשט אז דורך דעם שם הויה וואס ווייזט אויף היה הוה ויהיה וואס דאס קומט זאגן אז ביי הקב"ה איז די עבר הוה און עתיד אלעס איינס, איז הקב"ה מצרף די טוב העתיד פון כלל ישראל און מען גייט ארויס זכאי בדין.

פערטע תורה אויפן פסוק 'עת צרה הוא ליעקב' און געטייטשט אז הקב"ה האט א חיוב פון א בעל לאשה צו כלל ישראל און איז מחויב אלע חיובי בעל לאשה פאר כלל ישראל.

פינעפטע תורה האט דער רבי ארויסגעברענגט אז דורכ'ן טוהן חסד אן פרעגן פארוואס איז הקב"ה אויך משפיע כל מיני השפעות אן קיין שאלות, און דער רבי האט מכבד געווען אלע וואס טראגן די נאמען יצחק זאלן ארויפגיין אויפן טיש צוזאמנעמען געלט פונעם ציבור לטובת קופת רבינו 'קופת אבני חסד'.

דערנאך האט דער רבי משמיע געווען די זעקסטע דב"ק און ארויסגעברענגט אז דורכ'ן טוהן חסד איז עס מעורר א קריאה של חיבה פון הקב"ה צו כלל ישראל, און מען איז זוכה צו קורא לה והיא בא און עס פעלט זיך חלילה נישט אויס קיין הכישה במקל, און דער רבי האט מסיים געווען מיט ברכות לרוב פארן גאנצן ציבור.

מען האט אריינגעברענגט קרויט לכבוד היום, דערנאך האט אויפגעטרעטן הרה"ח ר' נחמן ליווי הי"ו מיט דברי בדחנות לכבוד היום.

דערנאך האט דער רבי געבענטשט ברכת המזון על הכוס, מען האט געענדיגט ארום 10:15.

נאך עטליכע מינוט האט דער רבי געדאווענט מעריב בהיכל הביהמ"ד, בעל תפילה: הרה"ח ר' יואל בר"ב הירש הי"ו.

נאך מעריב איז דער רבי אריבער ניחום אבלים ביי הרה"ח ר' משה יעקב שאלאמאן הי"ו און חתנו הרה"ח ר' יוסף שלום גאלדבערגער הי"ו היושבים ע"פ בתו אשתו ע"ה, עס איז אנוועזנד געווען הגה"צ ר' אהרן גרינוואלד שליט"א דומ"ץ פאפא, און עס האט זיך פארצויגן א שיינע שמועס איבער מנהגי פורים.
דערנאך ארום 11:00 האט זיך דער רבי ארויסגעלאזט אויפן וועג אהיים לביתו נאוה קודש אין קר"י.

דאנערשטאג כי תשא

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- בן הר"ר אברהם דוד שטיין שליט"א.
- ב"ר ברוך מרדכי רובין הי"ו.
- ב"ר יצחק הערש פרידריך הי"ו.
- ב"ר שלמה בוים הי"ו.
ביים ליינען איז דער רבי געגאנגען הגבה, און נאכן דאווענען איז פארגעקומען א לחיים מיט די בר מצוה בחורים בחדרו הפרטי.

ארום 6:00 אזייגער האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' דוד ווערטהיימער הי"ו און הרה"ח ר' אהרן האלענדער הי"ו אין די זאלן פון כינור דוד.
- הרה"ח ר' חיים בער מענדלאוויטש הי"ו און הרה"ח ר' פנחס יחזקאל ברייער הי"ו אין די זאלן פון בית רחל פאראדייס.
- הרה"ח ר' יואל ישעי' דייטש הי"ו און הרה"ח ר' אברהם טובי' גליק הי"ו אין די זאלן פון גינת קליין.

זמני כניסה בקו''פ איז געווען פון 8:00 ביז 12:35 אויפדערנאכט בביתו נאוה קודש אויף איהעל קט.

ארום 10:20 איז דער רבי אראפ אין די תנאים זאלן בביתו נאוה קודש ווי דער רבי האט געליינט די תנאים פון די מחותנים.
- הרה"ח ר' יעקב הערש פערל הי"ו און הר"ר ליפא ברמ"א פריעדמאן שליט"א.
- הרה"ח ר' יואל ברנ"י דאנא הי"ו און הרה"ח ר' נסים סאאל הי"ו.

בעת די זמני כניסה זענען אריין בקו''פ הרה"ג ר' חיים בנציון אונגער שליט"א און אחיו הרה"ג ר' יחזקאל אונגער שליט"א בני כ"ק אדמו"ר מבאבוב 45 שליט"א מקבל זיין ברכת הקודש לרגל שמחת נשואי צאצאיהם למז"ט. עס האט זיך פארצויגן א שיינע שמועס און דער רבי האט זיי מאציל געווען מברכת קדשו.

דער רבי האט געדאווענט מעריב ארום 12:00 און דערנאך ממשיך געווען אויפנעמען דעם ציבור.

פרייטאג כי תשא

דער רבי האט געדאווענט שחרית אין ישיבה גדולה סניף דברי יואל. פארן דאווענען האט דער רבי געלייגט תפילין פאר די בר מצוה בחורים.
- ב"ר יואל ב"ר ליפא בערקאוויטש הי"ו.
- ב"ר בעריש מויזקאפף הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.

▫️ סאטמארע נייעס 🌴 ▫️

שב''ק פרשת כי תשא - שבת פרה 'בצל הקודש' פון כ''ק רבינו הגה''ק שליט''א

פארן זמן הדלקה"נ האט דער רבי אנגעטוהן די שטריימל פאר החתן נפתלי הירצקא בהר"ר מאיר משה מאשקאוויטש שליט"א.

ארום 6:30 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: משב"ק הרה"ח ר' שמואל הכהן פריעדמאן הי''ו. מען האט געענדיגט ארום 8:00, דער ציבור איז אריבער זאגן גוט שבת און דער רבי איז אהיים לביתו נאוה קודש.

ארום 8:50 איז דער רבי אריינגעקומען צום שלחן הטהור בהיכל המתיבתא אינאיינעם מיט די תלמידי הישיבה, און אנגעהויבן כדרכו בקודש שלום עליכם ברגש ובנעימה.
- אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א.
- הגבהת הכוס: הר"ר יואל עקשטיין שליט"א.
- כל מקדש: נכד רבינו הרב יושע מרדכי אלעזר לאבין שליט"א חתן חדב"ן הגה"צ רב דביהמ"ד ברך משה שליט"א.
- מנוחה ושמחה: הרה"ח ר' שלמה וואלף שעהנפעלד הי"ו.

דער רבי האט געזאגט תורה אויפן פסוק 'כל העובר על הפקודים' און געטייטשט בדרך דרוש אין די סוגיא פון עשה דוחה לא תעשה.

- קה אכסוף: הרה"ג ר' אלכסנדר לאנדא שליט"א דומ''ץ ביהמ"ד ליזענסק.
- ברכת המזון: הגה"צ ר' שלמה רובין שליט"א רב דביהמ"ד ציעשנוב קר"י.

עובדות וסיפורים די וואך האט רבינו שליט''א דערציילט פון הרה''ק הרבי ר' אלימלך מליזענסק זיע''א וואס די יארצייט געפאלט דינסטאג כ"א אדר.

- קה רבון עלם: נכד רבינו הרב מרדכי זאב רובין שליט"א חתן חדב"ן הגה"צ רב דביהמ"ד אבני צדק שליט"א.
די פרישע חתנים זענען אריבער נעמען פירות, און מען האט אריינגעברענגט בונדלעך און געזונגען ניגוני שמחה לרגל די שמחת השלום זכר ביי נכד רבינו בן הנולד אצל הרב הערשל מייזליש שליט"א בן חדב"ן הגה"צ רב דביהמ"ד ישמח משה שליט"א.
- אז ביום השביעי: הר"ר אשר מענדל רובין שליט"א (וומסב''ג).
מען האט געענדיגט ארום 11:40.

וביום השבת

שב''ק אינדערפרי איז דער רבי אריינגעקומען אין ביהמ''ד ארום 9:20.
- ברכות: הרה"ח ר' אליעזר ווייס הי"ו.
- פסוקי דזמרה: הר"ר אברהם מאיר מארקאוויטש שליט"א.
דער רבי איז צוגעגאנגען צו שחרית ויוצר, און מען האט געזינגען ביי מכלכל חיים און ממקומך כנהוג.

- הוצאה והכנסה: הרה"ח ר' מענדל בער ווידער הי"ו און הרה"ח ר' בערל רובין הי"ו (ב"פ).
- פסוקי שמע ישראל: הרה"ג ר' ישראל בער שטיין שליט"א דומ''ץ ביהמ"ד אמרי נועם.
עליות:
- כהן: ר' אהרן בר"י קאהן הי"ו, און דער רבי האט קורא שם געווען לרגל הולדת בתו למז''ט.
- לוי: הרה"ח ר' הערש יוסף לעווי הי"ו.
- שלישי: החתן ישעי' יעקב ב"ר יואל בר"ב רובין הי"ו.
- רביעי: ר' משה יוסף ברי"ש פריעדלענדער הי"ו, און דער רבי האט קורא שם געווען לרגל הולדת בתו למז''ט.
- חמישי: ר' יששכר בער דאווידאוויטש הי"ו, און דער רבי האט קורא שם געווען לרגל הולדת בתו למז''ט.
- שישי: הרה"ג ר' יוסף לייב קאהן שליט"א. שביעי: הרה"ח ר' חיים טאגער הי"ו.
- אחרון: משב"ק הרה"ח ר' שמואל הכהן פריעדמאן הי''ו.
- הגבה אויפן ערשטן ספר: הרה"ג ר' יואל קאהן שליט"א.
- גלילה: הרה"ח ר' יואל בר"ב שטיין הי"ו (וומסב''ג).
- מפטיר - קריאת פרשת פרה: רבינו שליט"א.

נאכן עולה זיין האט דער רבי קורא שם געווען לרגל הולדת הבת אצל:
- ר' יואל ברח"י פישער הי"ו (וומסב''ג).
- ר' מענדל ברי"ז פריעד הי"ו.
- ר' משה ארי' מייזעלס הי"ו.
- ר' ישי שטיין הי"ו.
- הגבה אויפן צווייטן ספר: הר"ר יואל ברח"א שפיטצער שליט"א.
- גלילה: ר' יואל פישער הי"ו.

- מוסף: נכד רבינו הרה"ג ר' זלמן טייטלבוים שליט"א רב דביהמ"ד בית מנחם זאב.
- פתיחה צו אנעים זמירות: הרה"ח ר' יואל בר"ב רובין הי"ו.
מען האט געענדיגט ארום 12:30.

רעוא דרעווין

דער רבי איז אריינגעקומען צו תפילת מנחה ארום 6:30.
- בעל תפילה: הר"ר חיים אלישע גראסמאן שליט"א.
- הוצאה והכנסה: הרה"ח ר' יצחק שמעי' פריעדלענדער הי"ו (וומסב''ג).
- כהן: הר"ר שמואל משה פריעדמאן שליט"א.
- לוי: הר"ר יושע זלמן ווערצבערגער שליט"א.
- שלישי: הגה"צ ר' מאיר האלבערשטאם שליט"א רב דביהמ"ד קשאנוב וומסב''ג.
- הגבה: רבינו שליט''א.
- גלילה: הר"ר אלעזר קליין שליט"א (וומסב''ג).

זמירות ביי של"ס האט דער רבי מכבד געווען.
- אודה הרה"ח ר' נח גפן הי"ו.
- שיר המעלות: הרה"ח ר' משה גאלדשטיין הי"ו.

דער רבי האט געזאגט תורה אויפן פסוק אין די קריאה פון פרשת פרה 'זאת חקת התורה' און געטייטשט אז די פרה אדומה איז געקומען אלץ א כפרה פארן חטא העגל, אבער נישט פאר די וואס האבן געדינט דעם עגל בפועל וויבאלד זיי זענען אלע נענש געווארן, נאר דאס איז א כפרה פאר די וואס עס איז געווען ביי זיי שמח בלבו, און ממשיך געווען אז דאס איז א געוואלדיגע לימוד בזמנינו ווען דער עגל הציונית טאנצט און מאכט קונצן טאר מען ח"ו נישט נתפעל ווערן פון זיי און מען דארף גאר שטארק אכטונג געבן זיך נישט לאזן ווערן נאכגעשלעפט פון די נייעס און מתפלל זיין צו הקב"ה אז די ע"ז זאל בטל ווערן, און שטייענדיג יעצט בין גאולה לגאולה זאל מען זוכה זיין צו ביאת גואל צדק בב"א.

- ידיד נפש: הגה"צ ר' מאיר האלבערשטאם שליט"א.
- קל מסתתר: הרה"ח ר' יוקל שלעזינגער הי"ו (לאנדאן).
- שושנת יעקב: הרה"ח ר' יצחק שמעי' פריעדלענדער הי"ו.
דער רבי האט געבענטשט על הכוס און געזאגט שבע ברכות.

- מעריב מוצש''ק: הרה"ג ר' יוסף לייב קאהן שליט"א.
נאך הבדלה איז דער ציבור אריבער זאגן א גוטע וואך.
מען האט געענדיגט ארום 8:50.

ארום 12:00 איז דער רבי אריבער אין די זאלן בביתו נאוה קודש אויף איהעל קט. ווי עס איז פארגעקומען א מסיבת מלוה מלכה פאר די נדבנים פון די מקוה טהרה דקהלתינו הק' אין לינדען, דער רבי האט געטרינקן לחיים און אנגעוואונטשן פאר הגה"צ רב דקהלתינו הק' לינדען שליט"א, פאר הרה"ג ר' חיים אהרן אונגאר שליט"א דומ"ץ ביהמ"ד לב אהרן אין וומסב"ג פאר הרה"ג ר' הערש לייב בערנשטיין שליט"א דומ"ץ ביהמ"ד בית מנחם צבי אין וומסב"ג, און פארן גאנצן ציבור.

דערנאך האט דער רבי משמיע געווען א לענגערע שיעור בהלכות מקוואות ווי דער רבי האט פאר קרוב צו איינס און א האלב שעה אויסגעשמועסט בפרטי פרטים פון א מקוה בהלכה, במציאות, ובהיסטאריע, באגלייט מיט סיפורים פון רבותיה"ק זיע''א בנוגע מקוואות, און מסיים געווען מיט ברכות לרוב פאר אלע נדבני המקוה.
דערנאך האט דער רבי פארטיילט א געבענטשטע ה' קייטל פאר אלע נדבנים לשמירה ולהצלחה.

דערנאך איז דער רבי ארויף בחדרו הפרטי ווי עס איז פארגעקומען א מסיבת לחיים לרגל די שמחת קישור החיתון פון החתן בן הרבני הנגיד ר' אברהם בראך הי"ו מראה"ק וומסב"ג.
דערביי איז אויך פארגעקומען א חתימת שטרות ווי הרבני הנגיד ר' אברהם הי"ו אביו הרה"ר' שמואל חיים, בנו הרבני הנגיד ר' יחזקאל שרגא הי"ו האבן אפגעקויפט דעם שם הבנין פון די מקוה טהרה אין לינדען.
עס האט זיך פארצויגן א שיינע שמועס איבער די הרחבת גבולי הקדושה אין לינדען, דער רבי האט אינטערגעשריבן די שטרות אינאיינעם מיט די נדבנים, געטרינקן לחיים און ווארעם אנגעוואונטשן פארן חתן, מחותנים, און פארן גאנצן ציבור, און דערנאך איבערגעגעבן א מתנה פאר די ראשי עסקני המקוה טהרה האברך ר' משה פרנס הי"ו און האברך ר' שמואל שאול מיטטעלמאן הי"ו און מאציל געווען מברכת קדשו.
מען האט געענדיגט ארום 1:50.

▫️ סאטמארע נייעס 🌴 ▫️

זונטאג ויקה"פ 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף קדושת יואל. פארן דאווענען האט דער רבי געלייגט תפילין פארן בר מצוה בחור ב"ר יוחנן מאנן הי"ו.

נאכן דאווענען איז פארגעקומען די שמחת הברית מילה פון נכד רבינו, בן הנולד אצל הרב הערשל מייזליש שליט"א בן חדב"ן הגה"צ רב דביהמ"ד ישמח משה שליט"א וחתן הגה"צ אבד"ק טארניפאל שליט"א.

רבינו שליט"א איז מכובד געווארן מיט מוהלות.
- סנדק: הגה"צ אבד"ק טארניפאל שליט"א.
- סנדק מעומד: חדב"ן הגה"צ רב דביהמ"ד ישמח משה שליט"א.
דער רבי האט געזאגט די ברכות, ויקרא שמו בישראל: 'יקותיאל יהודא' נאכן עלטער זיידן הגה"צ אבד"ק סיגעיט זצ"ל וואס האט געטראגן דעם נאמען פונעם הייליגן ייטב לב זיע"א.
נאכן ברית איז דער גאנצע ציבור אריבער וואונטשן מזל טוב פאר רבינו שליט"א. דערנאך איז פארגעקומען א לחיים מיטן בר מצוה בחור בחדרו הפרטי.

נאך עטליכע מינוט איז פארגעקומען די סעודת ברית בהיכל הישיבה, ביי די סעודה האט אויפגעטרעטן דער בעל שמחה דער אבי הבן שליט"א, און דער זיידע הגה"צ אבד"ק טארניפאל שליט"א.
מיט יום ליבשה האט דער רבי מכבד געווען הרה"ג ר' קלמן האלבערשטאם שליט"א מנהל הישיבה.

דער רבי האט משמיע געווען דברות קודש בעניני ברית מילה און ווארעם אנגעוואונטשן פארן בעל שמחה שליט"א, זיידעס, און פאר אלע בחורים.
דער רבי האט געבענטשט אויפן כוס און מכבד געווען מיט די הרחמן'ס די בני המשפחה, מען האט געענדיגט ארום 2:30.

דערנאך איז דער רבי אריבער אין שטוב פון חדב"ן הגה"צ רב דביהמ"ד ישמח משה שליט"א ווי דער רבי האט אנגעוואונטשן פארן יולדות.

ארום 6:45 איז דער רבי אנגעקומען אין שיכון סקווירא צו די חופה ביי די שמחת החתונה פון נכד גיסו כ"ק אדמו"ר מסקווירא שליט"א החתן בן לבנו הרה"צ ר' יעקב יוסף שליט"א, און נאך די חופה האט דער רבי ווארעם אנגעוואונטשן פאר גיסו כ"ק אדמו"ר מסקווירא שליט"א, און פאר די חתן און מחותנים, און פארן זיידן האדמו"ר מקאלאשיץ שליט"א, און פארן פעטער האדמו"ר מוויזניץ ב"פ שליט"א.

נאך די חופה איז דער רבי צוגעפארן קיין מאנסי צו ישיבה קטנה סניף קנין תורה ווי דער רבי האט געדאווענט מנחה אין איינע פון די כיתות, און נאך מנחה איז דער רבי אריין אין ביהמ"ד ווי דער רבי האט זיך אומגעקוקט אויף די לימודים פון די בחורים, דער רבי איז ארום צווישן די טישן פאר א לענגערע צייט מיט א שטארקע קורת רוח, אויפן וועג ארויס האט זיך דער רבי אומגעקוקט אויף די בוי ארבעט ביי די נייע בנין וועלכע ווערט געבויעט פאר די ישיבה און אנגעוואונטשן פאר די הנהלת הישיבה. דערנאך ארום 8:00 אזייגער איז דער רבי אהיימגעפארן קיין קר"י.

זמני כניסה בקו''פ איז געווען פון 8:30 ביז 12:30 אויפדערנאכט בביתו נאוה קודש אויף איהעל קט.

ארום 10:15 איז דער רבי אראפ אין די תנאים זאלן בביתו נאוה קודש ווי דער רבי האט געליינט די תנאים פון די מחותנים.
- הרה"ג ר' יודא אלישע הורוויץ שליט"א רב דביהמ"ד אור החיים בן הגה''צ אבד''ק מאנטשעסטער שליט''א, און הרה"ג ר' ליפא בערקאוויטש שליט"א, מו"ץ בן הגאון הגדול הדומ''ץ שליט''א.
- הרה"ח ר' יושע דוב שווארטץ הי"ו און הרה"ח ר' אברהם שמואל פריעדלענדער הי"ו.

דער רבי האט געדאווענט מעריב ארום 12:30, פאר מעריב האט דער רבי געצינדן לעכט לרגל די יארצייט פון חותן המלך האדמו"ר הישועות משה מוויזניץ זצ"ל.

מאנטאג ויקה"פ

אינדערפרי איז פארגעקומען די ברית'ן:
- לבן הנולד אצל ר' שלמה אהרן פריעדמאן הי"ו ווי דער רבי איז געווען סנדק ומוהל.
- לבן הנולד אצל ר' וואלף מיטטעלמאן הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף דברי יואל. פארן דאווענען האט דער רבי געצינדן לעכט לרגל די יארצייט פון חותן המלך האדמו"ר הישועות משה מוויזניץ זצ"ל. און ביים ליינען האט דער רבי עולה געווען שלישי.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ט פסוק ד'.

ארום 1:40 איז דער רבי אנגעקומען בהיכל המתיבתא סניף קדושת יואל ווי דער רבי האט פארגעלערנט דעם ערשטע סוגיא שיעור אין די סוגיא פון מצות עשה שהזמן גרמא אלץ הכנה צום שבת הגדול דרשה, נאכן סוגיא שיעור האט זיך דער רבי מפלפל געווען מיט די בחורים, מען האט געענדיגט ארום 2:20.

ארום 3:50 איז דער רבי אנגעקומען צו די זאלן בביתו נאוה קודש אויף איהעל קט. ווי עס איז פארגעקומען א סעודת הילולא לרגל די יארצייט פון חותן המלך האדמו"ר הישועות משה מוויזניץ זצ"ל
אויף א פריוואטע פארנעם בלויז פאר די בני המשפחה. דער רבי האט זיך געוואשן צו די סעודה און ס'האט אויפגעטרעטן הגה"צ אבד''ק וומסב''ג שליט"א.
מיט מכתם לדוד האט דער רבי מכבד געווען הגה"צ אבד''ק וומסב''ג שליט"א, און דער רבי האט געבענטשט אויפן כוס. מען האט געענדיגט ארום 5:30.
דערנאך איז דער רבי ארויף בביתו נאוה קודש ווי דער רבי האט געדאווענט מנחה, פאר מנחה האט דער רבי געצינדן לעכט לרגל די יארצייט. בעל תפילה: נכד רבינו הבה"ח חיים הערש רוקח ני"ו בן חדב"ן הגה"צ רב דביהמ"ד בית חיים יעקב שליט"א.


פארנאכטס האט דער רבי מסדר קידושין געווען ביי די חופה פון די מחותנים.
- הר"ר אלעזר מערמלשטיין שליט"א און הרה"ח ר' אפרים פישל פריעד הי"ו אין די זאלן פון כינור דוד.
- הרה"ח ר' יואל בר"ע אבערלענדער הי"ו און הרה"ח ר' יואל פראמאוויטש הי"ו אין די זאלן פון קרן ויואל משה.
- הרה"ג ר' דוד הירש שליט"א, מו"ץ בקהלתינו וומסב''ג, און הרה"ח ר' חיים ווייס הי"ו אין די זאלן פון בית רחל פאראדייס.

ארום 8:15 איז דער רבי אריבער צום בנין הת"ת 'בנין ווידער פאלאטשעק' ווי עס איז פארגעקומען א מסיבת לחיים לרגל די יומדה"ק פון הרה"ק רבי ר' אלימלך מליזענסק זיע''א אינאיינעם מיט תלמידי ישיבה קטנה סניף קנין תורה פון מאנסי בהנהלת הר"ר אשר אנטשיל גריסגאט שליט"א, מען האט געזינגען עטליכע ניגונים און דער רבי האט געטרינקן לחיים און אנגעוואונטשן פאר די רמ"י ותלמידי הישיבה, און משמיע געווען דב"ק איבער די קדושה פונעם הייליגן רבי ר' אלימלך זיע''א וואס בלויז צו דערמאנען זיין נאמען איז א זכי' און ברענגט קדושה, און דער רבי האט ארויסגעברענגט אז דאס אז אונז זעמיר חסידישע אידן אפילו אין אזעלכע שווערע זמנים איז נאר צו פארדאנקן די קדושה וואס ער האט איבערגעלאזט אויף דער וועלט און דאס איז מחייב יעדעם איינעם, און מעורר געווען צו גיין אין זיינע דרכים בכל פרטי' סיי בין אדם למקום און סיי בין אדם לחבירו און מסיים געווען בברכת קדשו.
דערנאך האט דער רבי פארטיילט כתבים פאר די תלמידים וועלכע האבן זיך אויסגעצייכנט מיטן לערנען שעות רצופות במשך די ימי השובבים העעל"ט. מען האט געענדיגט ארום 8:50.

זמני כניסה בקו''פ איז געווען פון 9:00 ביז 11:30 אויפדערנאכט בביתו נאוה קודש אויף איהעל קט.

דער רבי האט געדאווענט מעריב ארום 9:45, פאר מעריב האט דער רבי געצינדן לעכט לרגל די יומדה"ק פון הרה''ק הרבי ר' אלימלך זיע''א.

ארום 10:30 איז דער רבי אראפ אין די תנאים זאלן בביתו נאוה קודש ווי דער רבי האט געליינט די תנאים פון די מחותנים הרה"ח ר' ישראל יעקב אפענהיים הי"ו און הרה"ח ר' מאיר יצחק ווייס הי"ו.

▫️ סאטמארע נייעס 🌴 ▫️

דינסטאג תצוה 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף עצי חיים שיעור ג'. פארן דאווענען האט דער רבי געלייגט תפילין פארן בר מצוה בחור ב"ר יחיאל יודא גליק הי"ו.
נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ט פסוק י"א. דערנאך איז פארגעקומען א לחיים מיטן בר מצוה בחור בהיכל הביהמ"ד.

נאך שחרית איז דער רבי אריבער צום בנין הת"ת 'בנין הירש ג"ב לאנדא' ווי דער רבי האט זיך אומגעקוקט אויף די לימודים ביי די תלמידי כתה ט' סניף הר"ר יואל שפיטצער שליט"א, דער רבי האט זיך ארומגעדרייט צווישן די טישן און זיך אומגעקוקט מיט א שטארקע קורת רוח, דערביי האבן די בחורים אנגעהאט קאשקעטלעך לכבוד חודש אדר און עס האט זיך פארצויגן א שיינע שמועס מיט די מנהלים און מלמדים ווי דער רבי האט אויסגעשמועסט די היסטאריע פון חסידישע היטן במשך הדורות.

ארום 5:50 האט דער רבי געדאווענט מנחה בביתו נאוה קודש אויף צאנז קט.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
ביים אנקומען אין וומסב''ג האט דער רבי צום ערשט מנחם אבל געווען משפחת הרה"ח ר' בערל ברמ"י הירש ע"ה, צווישן זיי בניו הרה"ג ר' דוד שליט"א, מו"ץ בקהלתינו הק' וומסב''ג, און הרה"ג ר' מרדכי שליט"א, מו"ץ בקהלתינו הק' קר"י.

דערנאך האט דער רבי מנחם אבל געווען בני הרה"ח הישיש ר' יצחק פאגעל ע"ה.

זמני כניסה בקו''פ איז געווען פון 8:40 ביז 12:40 אויפדערנאכט בביתו נאוה קודש אויף היוז סט.

דער רבי האט געדאווענט מעריב ארום 11:50 און דערנאך ווייטער ממשיך געווען אויפנעמען דעם ציבור.

בעת די זמני כניסה האט דער רבי געבענטשט מטבעות וואס וועט פארטיילט ווערן פאר תלמידי מוסדותינו הק' וומסב''ג וועלכע וועלן אריינברענגען גרעסערע געלטער במשך די ימי הפורים הבעל"ט.

מיטוואך תצוה

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- ב"ר יואל בר"ה מיטטעלמאן הי"ו.
- ב"ר יעקב לאזאר הי"ו.
דער רבי האט געזאגט וכרות פסוק בפסוק.

נאכן דאווענען איז פארגעקומען די שמחת הברית מילה פון נכד רבינו, בן הנולד אצל הרב מנחם שלמה אשכנזי שליט"א בן חדב"ן הגה"צ רב דביהמ"ד אבני צדק שליט"א וחתן הגה"צ אבד"ק ברעזשאן שליט"א בן הגה"צ אבד"ק אולם שליט"א.

רבינו שליט"א איז מכובד געווארן מיט סנדקאות ומוהלות.
- סנדק מעומד: חדב"ן הגה"צ רב דביהמ"ד אבני צדק שליט"א.
- ברכות וקריאת השם: הגה"צ אבד"ק אולם שליט"א, ויקרא שמו בישראל: משה יהושע נאכן עלטער זיידע האדמו"ר מישועות משה זצ"ל.
נאכן ברית איז דער גאנצע ציבור אריבער וואונטשן מזל טוב פאר רבינו שליט"א. דערנאך איז פארגעקומען א לחיים מיט די בר מצוה בחורים בחדרו הפרטי.

נאך עטליכע מינוט איז דער רבי אריינגעקומען צו די סעודת ברית בהיכלי הפאליש, במשף די סעודה האט אויפגעטרעטן דער בעל שמחה אבי הבן שליט"א, און די זיידעס חדב"ן הגה"צ רב דביהמ"ד אבני צדק שליט"א און הגה"צ אבד"ק ברעזשאן שליט"א.
מיט יום ליבשה האט דער רבי מכבד געווען הרב יושע פריעדמאן שליט"א בן הגה"צ אבד"ק ברעזשאן שליט"א.

דער רבי האט משמיע געווען דברות קודש בעניני ברית מילה און ווארעם אנגעוואונטשן פארן בעל שמחה, די זיידעס, און פארן גאנצן ציבור.
מיטן בענטשן האט דער רבי מכבד געווען דער זיידע הגה"צ אבד"ק ברעזשאן שליט"א, און מיט די הרחמן'ס די בני המשפחה, מען האט געענדיגט ארום 1:15.

דערנאך איז דער רבי אריבער אין שטוב פון חדב"ן הגה"צ רב דביהמ"ד אבני צדק שליט"א ווי דער רבי האט אנגעוואונטשן פארן יולדות.

ארום 6:15 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' שלמה דוד דאסקאל הי"ו און הרה"ח ר' יואל ברא"י עקשטיין הי"ו אין די זאלן פון כינור דוד.
- הרה"ח ר' יואל בר"י עקשטיין הי"ו און הרה"ח ר' יואל בר"ה פליישמאן הי"ו אין די זאלן פון גינת קליין.

זמני כניסה בקו''פ איז געווען פון 8:00 אזייגער ביז 11:40 אויפדערנאכט בביתו נאוה קודש אויף איהעל קט.

בעת די זמני כניסה זענען אריין בקו''פ די גבאים פון קופת רבינו - קופת אבני חסד מקבל זיין ברכת הקודש לכבוד יו"ט פורים הבעל"ט, דער רבי האט משמיע געווען דב"ק והדרכה לקראת יו"ט פורים און מאציל געווען מברכת קדשו.

דער רבי האט געדאווענט מעריב ארום 10:00.

נאך מעריב איז דער רבי אריין אין די תנאים זאלן בביתו נאוה קודש ווי דער רבי האט געליינט די תנאים פון די מחותנים.
- הרה"ח ר' מנשה גליק הי"ו און הרה"ח ר' יואל ברמ"ח ווייס הי"ו.
- הרה"ח ר' משה טאמבור הי"ו און הרה"ח ר' וואלף ליכטענשטיין הי"ו.

דאנערשטאג תצוה

דער רבי האט געדאווענט שחרית אין ישיבה קטנה סניף זרע קודש בהנהלת הר"ר יואל אשר ווידער שליט"א. פארן דאווענען האט דער רבי געלייגט תפילין פאר די בר מצוה בחורים:
- ב"ר קלמן אליעזר שמעא הי"ו.
- ב"ר יצחק נתן גאנדל הי"ו.
- ב"ר ארי' ב"ר מרדכי הערשקאוויטש הי"ו.
דער רבי האט געזאגט וכרות פסוק בפסוק, און ביים ליינען עולה געווען שלישי.

נאכן דאווענען איז פארגעקומען א ברית לבן הנולד אצל המנהל שליט"א ווי דער רבי איז געווען סנדק ומוהל.

דערנאך איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פארן מנהל, זיידעס, בר מצוה בחורים, און פאר די רמ"י ותלמידי הישיבה, און משמיע געווען דב"ק בעניני פורים און ממשיך געווען מיט הכנה צום יו"ט און מסיים געווען בברכת קדשו.

אויפן וועג ארויס איז דער רבי אראפ צו ביהמ"ד רב טוב ווי דער רבי האט זיך אומגעקוקט אויף די בוי ארבעט ביי די שמחה זאל וועלכע ווערט געבויעט לטובת די מתפללי הביהמ"ד.

נאכמיטאג ארום 2:00 איז דער רבי אריבער צום בית החיים ווי דער רבי האט מנחם אבל געווען א לענגערע צייט הרה"ח ר' אברהם יושע גראס הי"ו ובני משפחתו היושב ע"פ אשתו ע"ה.

דערנאך איז דער רבי ארויף בהיכל המתיבתא סניף דברי יואל ווי דער רבי האט משמיע געווען לענגערע דברי הדרכה והכנה לכבוד יו"ט פורים הבעל"ט פאר די תלמידי הישיבה פון אלע סניפים, דער רבי האט א לענגערע צייט אויסגעשמועסט פילע פרטים בנוגע די לבושים, נגינה, און התנהגות אום יו"ט פורים, און גערעדט בשבח פון קופת אבני חסד וועלכע צאלן אויס די שטריימלעך פאר רוב חתנים, און מסיים געווען בברכת קדשו.

ארום 6:10 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יואל דאנא הי"ו און הרה"ח ר' אברהם ג'ברא הי"ו אין די זאלן פון כינור דוד.
- הרה"ח ר' הלל ראזענבערג הי"ו און הרה"ח ר' יעקב וויזעל הי"ו אין די זאלן פון בית רחל פאראדייס.

זמני כניסה בקו''פ איז געווען פון 8:00 ביז 12:40 אויפדערנאכט בביתו נאוה קודש אויף איהעל קט.

בעת די זמני כניסה זענען אריין בקו''פ די תלמידים פון מוסד המספיק וועלכע זענען אויפן וועג צו א שבת התוועדות וועלכע קומט פאר אין המספיק רעזארט, די קינדער זענען אריבער אפנעמען ברכת הקודש און דער רבי האט פארטיילט ממתקים פאר אלע קינדער, דערנאך האט דער רבי ווארעם מאציל געווען מברכת קדשו פאר די איינגעשטעלטע פונעם מוסד.

ארום 10:30 איז דער רבי אראפ אין די תנאים זאלן בביתו נאוה קודש ווי דער רבי האט געליינט די תנאים פון די מחותנים.
- הר"ר שניאור זלמן פערלמוטער שליט"א און הר"ר יעקב פעלדמאן שליט"א.
- הרה"ג ר' יואל קאהן שליט"א און הרה"ח ר' וואלף רעטעק הי"ו.

אויך זענען אריין בקו''פ עסקני קבוצת אנ"ש אריזאנע אינאיינעם מיט הרה"ג ר' יעקב ווייס שליט"א מרבני קהלתינו מאנסי וחבר וועד הרוחני, און דער מייסד היישוב הרב יושע רובין שליט"א, דער רבי האט געהערט א באריכט פון די אסיפת אריזאנע וועלכע איז פארגעקומען אין וומסב''ג אין די פארגאנגענע וואכן און דערביי איבערגעקוקט בקורת רוח נייע אפליקאציעס פון אינגעלייט מחשובי אנ"ש איבער ניו יארק וועלכע פלאנירן זיך אהינצוציען, דער רבי האט זיך נאכגעפרעגט איבער די פרייזן פון די דירות און די פרנסה ערמעגליכקייטן און מאציל געווען מברכת קדשו.

דער רבי האט געדאווענט מעריב ארום 12:00, און נאך מעריב געמאכט קידוש לבנה פארנט פון ביתו נאוה קודש און דערנאך ממשיך געווען אויפצונעמען דעם ציבור.

פרייטאג ערש''ק תצוה

אינדערפרי איז פארגעקומען די ברית'ן:
- לבן הנולד אצל ר' אפרים ברי"ב שטערן הי"ו ווי דער רבי איז געווען סנדק ומוהל.
- לבן הנולד אצל ר' שמעון ברש"א ווייס הי"ו ווי דער רבי איז געווען סנדק.
- לבן הנולד אצל ר' פנחס נחמן בוים הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף דברי יואל. פארן דאווענען האט דער רבי געלייגט תפילין פאר די בר מצוה בחורים.
- ב"ר יואל ב"ר מרדכי הערש הערשקאוויטש הי"ו.
- ב"ר אברהם יצחק שמואל מערץ הי"ו.
- ב"ר נתן בנימין עקשטיין הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.

▫️ סאטמארע נייעס 🌴 ▫️

זונטאג פרשת ויקהל שושן פורים 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- ב"ר נתן נטע משה ווידער הי"ו.
- ב"ר יואל ב"ר ברוך מרדכי מארקאוויטש הי"ו.

נאכן דאווענען איז פארגעקומען א ברית לבן הנולד אצל ר' יעקב מרדכי פריעדמאן הי"ו ווי דער רבי איז געווען סנדק ומוהל. דערנאך איז פארגעקומען א מסיבת לחיים בהיכל הביהמ"ד און דער רבי האט אנגעוואונטשן פארן בעל ברית און די בר מצוה בחורים.

ארום 1:30 איז דער רבי אריבער אין שטוב פון חדב"ן הגה"צ רב דביהמ"ד אבני צדק שליט"א אויף א מסיבת לחיים לרגל די שמחת הכנסת ספר תורה אריינגעגעבן געווארן אין ביהמ"ד אבני צדק, עס האט זיך פארצויגן א שיינע שמועס מיט די אנוועזנדע רבנים שליט"א, דער רבי האט געטרינקן לחיים און ווארעם אנגעוואונטשן פאר חדב"ן הגה"צ שליט"א, פאר אחיו הרבנים שליט"א, און פארן גאנצן ציבור, און דערנאך ארויסגעפירט די ספר תורה לרחובה של עיר בשירה וזמרה און געטאנצן מיטן ספר תורה אינטערן חופה א לענגערע צייט, און דערנאך איבערגעגעבן די ספר תורה פאר חדב"ן און ממשיך געווען מיט די ריקודין א שטיק צייט. ארום 2:00 איז דער רבי אהיים לביתו נאוה קודש.

ארום 3:30 איז דער רבי צוריק אריבער אין ביהמ"ד אבני צדק צום הכנס"ת, דער רבי האט איבערגענומען די ס''ת און אפגעראכטן די ריקודי קודש א לענגערע צייט און דערנאך מכבד געווען חדב"ן הגה"צ רב הביהמ''ד שליט"א צו טאנצן מיטן ספר תורה, דערנאך האט דער רבי פארגעזאגט לדוד מזמור כנהוג. מען האט געענדיגט ארום 3:50.

ארום 5:10 האט דער רבי געדאווענט מנחה בביתו נאוה קודש.

נאך מנחה איז דער רבי אריבער אין די זאלן פון גינת קליין צו די סעודה לגומרה של תורה, עס האט זיך פארצויגן א שיינער שמועס, דער רבי האט געטרינקען א לחיים און ווארעם אנגעוואונטשן פאר חדב"ן הגה"צ שליט"א און פארן גאנצן ציבור, און משמיע געווען דב"ק און ארויסגעברענגט די גרויסע שמחה וואס עס איז דא ביי א הכנס"ת און געזאגט אז די גרויסע שמחה איז נאר א מנהג כמבואר בחתם סופר, א מנהג איז עוקר א דין און צוברעכט אלע דינים און ברענגט אראפ אלע השפעות, און מסיים געווען בברכת קדשו.
דערנאך האט זיך דער רבי ארויסגעלאזט אין א טאנץ אינאיינעם מיטן גאנצן אויבנאן.
דער רבי האט פארלאזט דעם זאל ארום 6:00, און אריינגעפארן קיין וומסב''ג צום שלחנו הטהור לכבוד שושן פורים בקרב קהלתינו הק'.

ארום 7:10 איז דער רבי אריינגעקומען אין ביהמ"ד הגדול צום שלחן הטהור לכבוד שושן פורים, ביים אריינקומען האט דער רבי געטאנצן אויפן פלאץ פאר א שטיק צייט, און דערנאך זיך געוואשן צום סעודה לכבוד היום.
ביי די פלייש האט מען אריינגעברענגט א העלזל כנהוג.
במשך דעם טיש האט מען מאריך געווען בשירה וזמרה בתופים ומחולות, מיט די זמירות האט דער רבי מכבד געווען. אשר הניא: הגה"צ ר' משה פריעדמאן שליט"א דומ"ץ דקהלתינו ב"פ. שושנת יעקב: הגה''צ ר' אברהם מאיר האלבערשטאם שליט''א דומ''ץ דקהילתינו 18טע עוו.

רבינו שליט''א האט משמיע געווען 6 מאל דב''ק.
ערשטע תורה: אויפן פסוק
'ותגע בראש השרביט' און געטייטשט אז ביים מקדש זיין א קרבן איז מען מקדש אבר שהנשמה תלויה בו איז פשטה קדושה בכלו פאר דעם איז די תפילין שנגד הלב ועל הראש מקדש דעם גאנצן גוף פון א איד, און מעורר געווען די גרויסקייט פון מצות תפילין מ'זאל עס האלטן הייליג און טייער.

צווייטע תורה: אויפן פסוק 'תנתן לי נפשי בשאלתי ועמי בבקשתי' און געטייטשט אז דורך מכניע זיין די 7 קליפות פונעם יצר הרע איז געקומען די ישועה.

דריטע תורה: דורך דעם כוח פון מקוה האט מען מנצח געווען המן הרשע אזוי אויך מיט די כוח פון מנהגי ישראל, און מעורר געווען יעדער זיך צו פירן כמנהג אבותיו ווייל מנהגי ישראל זענען קודש.

פערטע תורה: אויפן פסוק 'ומשלוח מנות איש לרעהו' וואס איז ס"ת תש''ח וואס איז ראשי תיבות ת'ורה ח'יים ש'לום און ס'איז משפיע נישט נאר פורים נאר א גאנץ יאר.

דער רבי האט זיך אויפגעשטעלט טאנצן לכבוד פורים און געטאנצן בכל לב ובכל נפש א לאנגע צייט.

פונפטע תורה: אויפן פסוק 'דורש טוב לעמו' און געטייטשט אז דורך געבן צדקה ברענגט מען אלע השפעות טובות, און דערביי מכבד געווען אלע וואס טראגן די נאמען בנימין און וואלף זאלן ארויפגיין אויפן טיש צוזאמנעמען געלט לטובת קופת רבינו 'קופת אבני חסד'.

זעקסטע תורה : אויף 'ימין השם רוממה' און געזאגט אז דורך זיך פירן במידות החסד איז מען משפיע חסד ורחמים, און מסיים געווען מיט ברכות לרוב פארן גאנצן ציבור.

דערנאך האט אויפגעטרעטן הרה"ח ר' נחמן ליווי הי"ו מיט דברי בדחנות לכבוד היום. און מען האט אויפגעגעבן קרויט לכבוד פורים, דערנאך האט דער רבי געבענטשט אויפן כוס. מען האט געענדיגט ארום 10:15.

נאך עטליכע מינוט האט דער רבי געדאווענט מעריב בהיכל הביהמ"ד.

נאך מעריב איז דער רבי אריבער אויף ניחום אבלים ביי משפחת הרה"ח ר' יצחק חנני' יו"ט ליפא פריעדמאן הי"ו און הרה"ח ר' אברהם בנציון שאפער הי"ו היושבים ע"פ בתו/ אשתו ע"ה.
און נאכדעם ביי הר"ר יצחק מוטצען שליט"א ובניו החשובים היושבים ע"פ אשתו /אמם ע"ה.

דערנאך האט זיך דער רבי ארויסגעלאזט אויפן וועג אהיים לביתו נאוה קודש אין קר"י.

מאנטאג פרשת ויקהל

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- ב"ר מנחם מאיר גליק הי"ו.
- ב"ר יואל ב"ר אהרן ווערצבערגער הי"ו.
- ב"ר יואל ב"ר שמואל יודא לעווינגער הי"ו.
- ב"ר משה נתן נטע קטינא הי"ו.
- ב"ר משה סטרולאוויטש הי"ו.

ביים ליינען איז דער רבי געגאנגען הגבה. און נאכן דאווענען איז פארגעקומען א לחיים מיט די בר מצוה בחורים בחדרו הפרטי.

ארום 5:30 האט דער רבי געדאווענט מנחה בביתו נאוה קודש.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' טובי' עהרנפעלד הי"ו (מאנסי) - הרה"ח ר' חנא דים הי"ו, די זאלן פון כינור דוד.
- הרה"ח ר' יואל בר"ה כ"ץ הי"ו (וומסב''ג) - הרה"ח ר' אליעזר דוד איצקאוויטש הי"ו, אין די זאלן פון בית רחל פאראדייס.
- הרה"ח ר' שמעון יואל גוטמאן הי"ו - הרה"ח ר' ברוך ווידער הי"ו, אין די זאלן פון גינת קליין.

נאך די חופות ארום 8:15 איז דער רבי אריבער אין שטוב פון משב"ק הרה"ח ר' חיים שלמה פישער הי"ו לרגל די שמחת הבר מצוה פון בנו הב' ני"ו, עס האט זיך פארצויגן א שיינע שמועס בעניני פורים און איבער פארשידענע מנהגי ישראל איבער וועלכע זמנים מען מאכט נישט חתונה און נאך, דער רבי האט געטרינקן לחיים און אנגעוואונטשן פארן בר מצוה בחור, פארן משב"ק, און פארן גאנצן ציבור, און דערנאך געגעבן דרשה געשאנק פארן בר מצוה בחור ספרו לב אהרן חידושי סוגיות. דער רבי האט פארלאזט זיין שטוב ארום 8:45.

זמני כניסה בקו''פ איז געווען פון 8:50 ביז 11:40 אויפדערנאכט, בביתו נאוה קודש אויף איהעל קט.

בעת די זמני כניסה איז פארגעקומען א כתיבת האותיות פאר די ספר תורה וואס ווערט געשריבן דורך הרה"ח ר' שלמה ברי"מ וויינבערגער הי"ו און ווערט אריינגעגעבן קומענדיגן זונטאג פקודי אין ביהמ"ד הגדול קר"י, דער רבי האט אריינגעשריבן די אותיות געטרינקן לחיים און מאציל געווען מברכת קדשו.

רבינו שליט''א האט געליינט די תנאים פון די מחותנים.
- הרה"ח ר' חיים זלמן ווייסבערג הי"ו - הרה"ח ר' משה הערש בראך הי"ו.
- הר"ר חיים יעקב הערשקאוויטש שליט"א - הרה"ח ר' נפתלי הירצקא ווייס הי"ו.

דער רבי האט געדאווענט מעריב ארום 11:40.

דינסטאג פרשת ויקהל

דער רבי האט געדאווענט שחרית בהיכל המתיבתא סניף עצי חיים - שיעור ג'. פארן דאווענען האט דער רבי געלייגט תפילין פאר די בר מצוה בחורים.
- ב"ר חיים שלמה פישער הי"ו - משב"ק.
- ב"ר יואל משה פישביין הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ה פסוק א'. דערנאך איז פארגעקומען א לחיים מיט די בר מצוה בחורים בהיכל הביהמ"ד.

ארום 1:35 איז דער רבי ארויף בהיכל המתיבתא סניף דברי יואל ווי דער רבי האט פארגעלערנט דעם ערשטע סוגיא שיעור אין די סוגיא פון מתוך אלץ הכנה צום שבת הגדול דרשה. מען האט געענדיגט ארום 2:25.

ארום 6:15 האט דער רבי געדאווענט מנחה בביתו נאוה קודש.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
זמני כניסה בקו''פ איז געווען פון 8:20 ביז 12:20 אויפדערנאכט, בביתו נאוה קודש אויף היוז סט.

בעת די זמני כניסה איז געקומען אויף א באזוך בקו''פ האדמו"ר מתולעת יעקב שליט"א מקבל זיין ברכת הקודש לרגל נשואי בנו למז"ט, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

אויך איז אריין בקודש פנימה הרה"ג ר' שלום לאנדא שליט"א ר"י עמודי דגירסא ריבניץ מקבל זיין ברכת הקודש לרגל נשואי בתו למז"ט, עס האט זיך פארמירט א שיינע שמועס און דערביי האט הרה"ג ר' שלום שליט"א געוויזן פארן רבינו שליט"א ספרו החדש בשלום נפשי וואס קומט ארויס צו די חתונה, און דער רבי האט אים מאציל געווען מברכת קדשו און פאר בנו החתן.

דער רבי האט געדאווענט מעריב ארום 10:30 און דערנאך ווייטער ממשיך געווען אויפנעמען דעם ציבור.

מיטוואך פרשת ויקהל

אינדערפרי איידער תפילת שחרית איז פארגעקומען א ברית לבן הנולד אצל ר' יואל בר"ע וויינשטאק הי"ו, ווי דער רבי איז געווען סנדק ומוהל.

דער רבי האט געדאווענט שחרית בהיכל המתיבתא סניף ויואל משה. פארן דאווענען האט דער רבי געלייגט תפילין פאר די בר מצוה בחורים.
- ב"ר יואל ב"ר הערשל הכהן קאהן הי"ו.
- ב"ר יעקב יואל כהן הי"ו.
- ב"ר חיים מרדכי שמאיע הי"ו.
- ב"ר משה פאלקאוויטש הי"ו.
- ב"ר משה יהודה לייב מארקאס הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ה פסוק ב', און ארויסגעברענגט די שטארקע ווייטאג איבער די פירצה וואס איז פארגעקומען פארגאנגענעם מוצ"ש שושן פורים בעיר ואם בישראל וומסב''ג וואס דאס דארף אויפציטערן יעדעם איינעם, און ממשיך געווען בשבח פון די פילע תלמידי הישיבות וואס האבן זיך יא אויפגעפירט ווי עס פאסט במשך די ימי הפורים.

דערנאך איז פארגעקומען א לחיים מיט די בר מצוה בחורים בחדרו הפרטי.

ארום 1:40 איז דער רבי ארויף בהיכל המתיבתא סניף דברי יואל ווי דער רבי האט פארגעלערנט די צווייטע סוגיא שיעור אין די סוגיא פון מתוך אלץ הכנה צום שבת הגדול דרשה. דער רבי האט געענדיגט ארום 2:30.

ארום 5:30 האט דער רבי געדאווענט מנחה בביתו נאוה קודש.

נאך מנחה איז דער רבי אריבער אין שטוב פון הרה"ח ר' משה הערש האלפערט הי"ו ווי עס איז פארגעקומען א ברית לבן הנולד אצל חתנו ר' פישל טעללער הי"ו, ווי דער רבי איז געווען סנדק ומוהל.

זמני כניסה בקו''פ איז געווען פון 8:30 ביז 12:45 אויפדערנאכט, בביתו נאוה קודש אויף איהעל קט.

בעת די זמני כניסה איז אריין בקודש פנימה הרה"ג ר' משה טובי' ווייסבערגער שליט"א גאב"ד בודאפעסט ביתר, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

רבינו שליט''א האט געליינט די תנאים פון די מחותנים.
- הרה"ח ר' חיים אפרים ווייס הי"ו - הרה"ח ר' עמרם בר"ד כהן הי"ו.
- הרה"ח ר' שמואל הערש עקשטיין הי"ו - הרה"ח ר' ישראל יעקב דייטש הי"ו.

דער רבי האט געדאווענט מעריב ארום 12:45, פאר מעריב האט דער רבי געצינדן ליכט לרגל די יארצייט פון חותן המלך האדמו"ר בעל ישועות משה מוויזניץ ז"ל.

▫️ סאטמארע נייעס 🌴 ▫️

שב''ק פרשת כי תשא שושן פורים 'בצל הקודש' פון כ''ק רבינו הגה''ק שליט''א

פארן זמן הדלקה"נ האט דער רבי אנגעטוהן די שטריימל פאר החתן חיים ב"ר נתנאל אלטמאן הי"ו.

פרייטאג צונאכטס ארום 7:45 איז דער אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הרה"ח ר' עמרם אקער הי"ו. ביי לכה דודי האט מען משנה געווען די ניגונים כנהוג. מען האט געענדיגט ארום 9:20. נאכן דאווענען איז דער ציבור אריבער זאגן גוט שבת און דער רבי איז אהיים לביתו נאוה קודש.

ארום 12:00 איז דער רבי אריינגעקומען צום שלחן הטהור בהיכל השלחנות, און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הרב מאיר אליעזר טייטלבוים שליט"א בן חדב"ן הגה"צ רב דביהמ"ד ברך משה שליט"א.

מיט די זמירות האט רבינו שליט''א מכבד געווען. כל מקדש: הר''ר מאיר בערקאוויטש שליט"א רב דביהמ''ד קאריץ בשכונת זרע קודש. מנוחה ושמחה: הרה"ח ר' אברהם חיים קליין הי"ו (אוסטראליע).

רבינו שליט''א האט געזאגט תורה אויפן מאמר חז"ל 'גלוי וידוע להקב"ה שעתיד המן לשקול שקלים על ישראל' און געטייטשט בדרך דרוש אין די סוגיא פון אין מבטלין איסור לכתחילה.

נאך די לעבער האט מען אריינגעברענגט קרויט לכבוד פורים.
קה אכסוף: הרה"ח ר' יודא לייב לעבאוויטש הי"ו. ברכת המזון: נכד רבינו הרב מאיר אליעזר טייטלבוים שליט"א.

עובדות וסיפורים די וואך האט רבינו שליט''א דערציילט פון הגה"ק רבי שמעון סופר זיע''א וואס די יארצייט איז געווען מאנטאג י"ז אדר.
- קה רבון עלם: הרה"ח ר' אלכסדר לייבוש הירש הי"ו (ב"פ).
- אשר הניא: הרה"ח ר' יצחק עהרנפעלד הי"ו.
- שושנת יעקב: הרה"ח ר' מענדל פרענקל הי"ו.
די פרישע חתנים זענען אריבער נעמען פירות. אז ביום השביעי: נכד רבינו הרב ישראל דושינסקיא שליט"א (ב"פ). מען האט געענדיגט ארום 1:45.

וביום השבת קודש

שב''ק אינדערפרי איז דער רבי איז אריינגעקומען אין ביהמ''ד ארום 10:10. ברכות ופסוקי דזמרה: הרה"ח ר' יושע מרדכי ווערצבערגער הי"ו. דער רבי האט פארגעזאגט וכרות פסוק בפסוק, און צוגעגאנגען צו שחרית, און צו חזרת הש"ץ צוגעשיקט חדב"ן הגה"צ רב דביהמ"ד ישמח משה שליט"א.

הוצאה והכנסה: הרה"ח ר' שלמה זלמן ברוין הי"ו. פסוקי שמע ישראל: הרה"ח ר' אלי' שפיטצער הי"ו (קרית טאהש).

עליות.
- כהן: הרה"ח ר' יוסף יואל כהן הי"ו.
- לוי: החתן מאיר ב"ר יואל בר"ש בערגער הי"ו - באווארפען.
- שלישי: בעל שמחה נכד רבינו הרב פנחס מרדכי מייזליש שליט"א בן חדב"ן הגה"צ רב דביהמ"ד ישמח משה שליט"א - דער רבי האט געמאכט דעם מי שברך וקריאת השם לרגל הולדת בתו, ויקרא שמה בישראל: העניא זיסל נאך די באבע - די מאמע פון הגה"צ אבד"ק סיגעיט זצ"ל.
- רביעי: החתן יוסף ב"ר שלמה זלמן ברוין הי"ו - באווארפען.
- חמישי: החתן זאב ב"ר יקותיאל אלי' אייגנער הי"ו - באווארפען.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל: ר' שמעון סימאן הי"ו.

- שביעי: חדב"ן הגה"צ רב דביהמ"ד ישמח משה שליט"א.
- הוספות: הרה"ג ר' יוסף לייב קאהן שליט"א.
- החתן משה בן הר"ר יעקב פעלדמאן שליט"א.
- אחרון: החתן יוסף דוד ב"ר יואל יצחק לעווי הי"ו - באווארפען.
- מפטיר: החתן ב"ר חנוך אבעלעס הי"ו.
- הגבה: הרה"ח ר' משה ביילוש הי"ו (ב"פ).
- גלילה: הרה"ח ר' יקותיאל אלי' אייגנער הי"ו.

מוסף: משב"ק הרה"ח ר' שמואל הכהן פריעדמאן הי"ו. פתיחה צו אנעים זמירות: הרה"ח ר' יושע פאליק לעבאוויטש הי"ו.

נאכן דאווענען איז פארגעקומען א ברית לבן הנולד אצל ר' אברהם בר"י וויינגארטן הי"ו, ווי דער רבי איז געווען סנדק ומוהל.

נאך עטליכע מינוט איז דער רבי אריינגעקומען צום שמחת הקידושא רבא בהיכל ביהמ"ד הגדול צד צפון, דער רבי האט קידוש געמאכט און טועם געווען מזונות און פיש, און מען האט געזינגען ניגוני שמחה.
דער רבי האט געטרינקן לחיים און ווארעם אנגעוואונטשן פארן בעל שמחה הרב פנחס מרדכי שליט"א, פאר חדב"ן הגה"צ רב דביהמ"ד ישמח משה שליט"א, און פארן גאנצן ציבור, און משמיע געווען דב"ק אויפן מדרש 'שומר מצוה לא ידע דבר רע זו אסתר שהיתה עוסקות בביעור חמץ' און געטייטשט אז אסתר המלכה האט מעורר געווען מידת קל און ממשיך געווען רחמים אויף כלל ישראל. מען האט געענדיגט ארום 1:10.

רעוא דרעווין

צו מנחה ושל''ש איז דער רבי אריינגעקומען אין ביהמ''ד ארום 7:40.
- מנחה: הרה"ח ר' משה פאלקאוויטש הי"ו.
- הוצאה והכנסה: הרה"ח ר' חיים מאיר ציפער הי"ו (מאנסי).
- כהן: הרה"ח ר' אברהם שמחה פריעדמאן הי"ו.
- לוי: הרה"ח ר' יואל בר"ש בערגער הי"ו.
- שלישי: הרה"ח ר' דוד עקשטיין הי"ו.
- הגבה: רבינו שליט''א.
- גלילה: הר"ר יחיאל יצחק שפיטצער שליט"א.

זמירות ביי של"ס האט דער רבי מכבד געווען. אודה: הרה"ח ר' שלמה הערש בר"מ עקשטיין הי"ו. שיר המעלות: הרה"ח ר' משה גאלדשטיין הי"ו.

רבינו שליט''א האט געזאגט תורה אויפן מאמר חז"ל 'גלוי וידוע להקב"ה שעתיד המן לשקול שקלים על ישראל לפיכך הקדים שקליהם' און געטייטשט אז מיט די כח און זכות פון שב''ק און מיט די כח התורה קען מען ממשיך זיין רחמים וחסדים און מכניע זיין די קליפות.

ידיד נפש: הרה"ח ר' אלי' שפיטצער הי"ו. קל מסתתר: הרה"ח ר' אליעזר פאלאטשעק הי"ו (ב"פ). שושנת יעקב: הרה"ח ר' שמואל בערגער הי"ו. מען האט ממשיך געווען צו זינגען אם על המלך טוב. דער רבי האט געבענטשט על הכוס און געזאגט שבע ברכות.

מעריב מוצש''ק: משב"ק הרה"ח ר' שמואל הכהן פריעדמאן הי"ו. נאך הבדלה האט דער רבי געוואונטשן א גוטע וואך פארן גאנצן ציבור אינאיינעם. מען האט געענדיגט ארום 9:50.

מוצש"ק כי תשא - ליל שושן פורים המשולש

ארום 11:15 איז דער רבי אריינגעקומען צום שולחן הטהור בהיכל ביהמ"ד הגדול. דער רבי האט געטאנצן אויפן פלאץ פאר עטליכע מינוט און דערנאך זיך געוואשן צום סעודה, נאך די המוציא האט מען געזינגען די זמירות למלוה מלכה.

במשך די טיש האט דער רבי משמיע געווען פינף מאל דב"ק.
ערשטע תורה: אויפן פסוק 'ובבואה לפני המלך' און געטייטשט אז אסתר המלכה האט מעורר געווען דעם זכות פון תקיעת שופר וואס דאס איז מעורר אז הקב"ה זאל נישט פרעגן קיין קשיות אויף כלל ישראל און משפיע זיין אלעס גוטס.

מען האט אויפגעגעבן א העלזל כנהוג.

צווייטע תורה: אויפן מאמר חז"ל 'גלוי וידוע להקב"ה שעתיד המן לשקול שקלים על ישראל' און געטייטשט אז מיט די כח פון מחצית השקל איז מען מצרף הקב"ה צו כלל ישראל און אפילו מען איז נישט ווערד איז דא רחמים וחסדים.

דערנאך איז פארגעקומען די סיום כתיבת ספר תורה וואס איז געשריבן געווארן דורך חדב"ן הגה"צ רב דביהמ"ד אבני צדק שליט"א, דער רבי האט זיך אויפגעשטעלט און געטאנצן לכבוד התורה.
דער רבי האט אריינגעשריבן עטליכע אותיות און מכבד געווען צו שרייבן חדב"ן הגה"צ שליט"א אריינצושרייבן.

דריטע תורה: אויפ'ן פסוק 'ובבאה לפני המלך' און געטייטשט אז דורך די שמחה של מצוה און בפרט די שמחה פון כתיבת ספר תורה וואס האט נישט זיינס גלייכן איז הקב"ה מצרף מחשבה טובה למעשה, אפילו עס איז דא א קטרוג ווערט עס בטל.

דער רבי איז געגאנגען הגבה און געטאנצן מיטן אפענעם ספר תורה בעוז ותעצומות בשמחת התורה.
מיט גלילה איז מכובד געווארן הרה"ח ר' אלעזר פעלדמאן הי"ו, און דערנאך ממשיך געווען מיט די ריקודין א לענגערע צייט, און מכבד געווען חדב"ן הגה"צ שליט"א צו טאנצן מיטן ספר תורה.

פערטע תורה: אויפן פסוק 'ומשלוח מנות איש לרעהו' און געטייטשט אז בימי הפורים האבן אפילו אידן פון די אנדערע מדינות וואס זענען נישט געווען אין די גזירה מיטגעהאלטן און זיך אויך מצער געווען מיט די וואס זענען יא געווען אין די גזירה, אויף דעם זכר גיבט מען משלוח מנות און מתנות לאביונים, און דערביי מכבד געווען אלע וואס הייסן יהודה ארויפצוגיין אויפן טיש און צוזאמנעמען געלט פאר די קופת הצדקה 'אבני חסד'.

פונפטע תורה: געזאגט אז עס איז אינו דומה צדקה ביחיד צו צדקה ברבים וואס דעמאלטס קומט א ברכה משמים עד בלי די, און מסיים געווען מיט ברכות לרוב.

מיט אשר הניא האט דער רבי מכבד געווען הרה"ג ר' משה אהרן טייטלבוים שליט"א מלאפוש. שושנת יעקב: הרה"ג ר' אהרן מרדכי בריסק שליט"א דומ"ץ טאשנאד.

דערנאך איז פארגעקומען א שפיל לכבוד פורים דורך די משמחים ר' שמעון יואל קליין הי"ו און ר' משה יוסף לאנדא הי"ו.
מיטן בענטשן האט דער רבי מכבד געווען הגה"צ רב דביהמ"ד בית ברוך שליט"א. מען האט געענדיגט ארום 2:30.

▫️ סאטמארע נייעס 🌴 ▫️

דאנערשטאג פרשת כי תשא תענית אסתר 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' יצחק אלימלך פעלדמאן הי"ו, ווי דער רבי איז געווען סנדק.

דער רבי האט געדאווענט שחרית בהיכל המתיבתא סניף דברי יואל. פארן דאווענען האט דער רבי געלייגט תפילין פאר די בר מצוה בחורים.
- ב"ר ישראל וועלץ הי"ו.
- ב"ר ליפא וויינבערגער הי"ו.
ביים ליינען איז דער רבי געגאנגען הגבה.

ליל פורים

ארום 7:25 איז דער רבי אריינגעקומען צו תפילת מנחה אין ביהמ"ד הגדול.
- בעל תפילה: ר' יעקב משה מיטטעלמאן הי"ו.
- הוצאה והכנסה: הרה"ח ר' חיים יעקב גוטמאן הי"ו.
- כהן: הרה"ח ר' נפתלי הירצקא קאהן הי"ו.
- לוי: הרה"ח ר' שלמה משה קלאגסברוין הי"ו.
- שלישי - מפטיר: רבינו שליט''א.
- הגבה: הרה"ח ר' משה מאיר טייטלבוים הי"ו.
- גלילה: הרה"ח ר' אברהם יעקב פריעד הי"ו (וומסב''ג).

אום 8:02 האט מען געדאווענט מעריב, בעל תפלה: הרה"ח ר' עקיבא וויינשטאק הי"ו.

נאך מעריב האט דער רבי אנגעטוהן א טלית שאולה און ארויף אויפן באלעמער, און מען האט אויסגעשפרייט די מגילה כאיגרת.
דער רבי האט געזאגט דעם לשם יחוד און געמאכט די ברכות באש קודש און געליינט די מגילה מיט גרויס התעורורות און השתפכות הנפש. מען האט אנגעהויבן קריאת המגילה אום 8:20 מען האט געענדיגט ארום 9:30.

ארום 12:00 איז דער רבי אריינגעקומען צום שלחן הטהור בהיכל השלחנות. דער רבי האט געטאנצען אויפן פלאץ פאר עטליכע מינוט און זיך געוואשן צום סעודה לכבוד היום, אין די זופ איז געווען קרעפלעך כנהוג, במשך די סעודה האט מען געזונגען מערערע ניגונים, און געטאנצן בשמחה וחדוה לכבוד פורים.
מיט אשר הניא האט דער רבי מכבד געווען הרה"ג ר' יצחק שלום פריעדמאן שליט"א מו"ץ. שושנת יעקב: הרב ישראל הורוויץ שליט"א.

רבינו שליט''א האט געזאגט תורה אויפן פסוק 'ובבאה לפני המלך' און געטייטשט אז מיטן זכות פון די מאה קולות האט מען צובראכן דעם כח פון המן, און מסיים געווען בברכת קדשו.

נאך די תורה האט מען ממשיך געווען מיט לעבעדיגע ניגונים און דער רבי האט זיך אויפגעשטעלט טאנצן א לענגערע צייט מיט א שטארקע התלהבות.
דערנאך האבן די גבאים פון חבורת 'לגיון של מלך' איבערגעגעבן פאר'ן רבי'ן דעם ספר הזכרונות ווי עס איז אריינגעשריבן די די נעמען פון די בחורים וואס האבן זיך מקבל געווען קבלת טובות בעניני טעכנעלאגיע, דער רבי האט דורכגעקוקט דעם גאנצן באנד ברוב קורת רוח.

דער פורים ראב"ד הר"ר נפתלי משה ווייס שליט"א האט אויפגעטרעטן לכבוד היום.
ברכת המזון: הר"ר פנחס אלימלך ווייס שליט"א. מען האט געענדיגט ארום 1:45, און מען האט ארויסבאגלייט רבינו שליט"א בשירה וזמרה.

פרייטאג כי תשא יום הפורים

דער רבי איז אריינגעקומען צו שחרית ארום 10:00 מעוטף מיטן שבת'דיגן טלית און די סטראקעס בעקיטשע. פארן דאווענען האט דער רבי געלייגט תפילין פארן בר מצוה בחור ב"ר יחזקאל משולם גלויבער הי"ו.

- בעל תפילה: הר"ר יעקב יוסף פילאפף שליט"א.
- פתיחה: הרה"ח ר' מענדל טייטלבוים הי"ו.
- כהן: הרה"ח ר' דוד יודא קאהן הי"ו.
- לוי: הרה"ח ר' שמואל בערגער הי"ו (וומסב''ג).
- שלישי: רבינו שליט"א.
- הגבה: פורים ראב''ד הר"ר נפתלי משה ווייס שליט"א.
- גלילה: הב' הבר מצוה ני"ו.

נאכן ליינען איז דער רבי אריין בחדרו הפרטי און אנגעטוהן די ר"ת תפילין, נאך עטליכע מינוט איז דער רבי אריינגעקומען און ארויף אויפן באלעמער, מען האט אויסגעשפרייט די מגילה כאיגרת.
דער רבי האט געזאגט דעם לשם יחוד און מקיים געווען דעם מנהג פון מחצית השקל, און דערנאך געזאגט דעם לשם יחוד און געזאגט די ברכות באש קודש און אנגעהויבן ליינען די מגילה אום 11:15, מען האט געענדיגט דאווענען ארום 12:30.

אויפן וועג ארויס פון ביהמ"ד האט רבינו שליט"א געגעבן מתנות לאביונים פאר הרה"ח ר' בערל פאלקאוויטש הי"ו מנהל תומכי שבת.

בביתו נאוה קודש האט רבינו שליט"א מקיים געווען די מצוות היום משלוח מנות ומתנות לאביונים, און כנהוג טועם געווען פון המן טאשן, קינדל, און נאנט.

אנגעהויבן פון 1:30 האט רבינו שליט''א אויפגענומען דעם ציבור לברך ולהתברך ביום הפורים ביז אום 2:25, ווי עס האבן זיך געשלענגלט לאנגע רייעס פון אנ"ש זקנים עם נערים, ווי רבינו שליט"א האט יעדעם אנגעווינטשן און געבענטשט בברכת הקודש.

ארום 2:30 איז רבינו שליט"א אריינגעקומען צום סעודת משתה היין אין ביהמ"ד הגדול, דער רבי האט געטאנצן אויפן פלאץ א לענגערע צייט, און זיך געוואשן צום סעודה לכבוד היום.
פאר די פיש האט דער רבי געזאגט א לשם יחוד לקיים מצוות לביסומי בפוריא, און געמאכט א בורא פרי הגפן און געטרונקען דעם ערשטן כוס וויין, און געוואונטשן לחיים, נאך די פיש האט דער רבי געטרונקען דעם צווייטן כוס וויין, און געוואונטשן לחיים.

במשך די סעודה האבן די בעלי מנגנים געזינגען מערערע ניגוני דביקות והתעוררות, וניגוני שמחה וחדוה בשעת דער רבי הייבט דעם ציבור און זיך עטליכע מאל אויגעשטעלט טאנצן אין פייערדיגע ריקודים, און מעודד געווען דעם גאנצן ציבור.

במשך דעם טיש האט רבינו שליט''א משמיע געווען 7 מאל דב''ק.
ערשטע תורה: אויפן פסוק 'ובבאה לפני המלך' און געטייטשט בדרך דרוש אין די סוגיא פון יש אם למסורת בעניני פורים.
צווייטע תורה: אויפן פסוק 'תנתן לי נפשי בשאלתי' און געטייטשט אז דורך דעם כח פון מקוה ווערט מען נישט בטל.

רבינו שליט''א האט פארגעזינגען אדון עולם בהשתפכות הנפש ובבכיות עצומות.

דריטע תורה: אויפן פסוק 'ובבואה לפני המלך' און געטייטשט אז דורכן מקיים זיין ואהבת לרעך כמוך איז דא צוויי מאל דער שם הוי"ה און עס ווערן נמתק אלע דינים.

דער רבי זיך אויפגעשטעלט און א לענגערע צייט געטאנצן מיט גרויס התלהבות.
מען האט אריינגעברענגט די זיפ און איז געווען קרעפלעך כנהוג, נאך די זופ האט דער רבי געטרינקען דעם דריטן כוס וויין און געוואונטשן לחיים.

פערטע תורה: ארור המן און ברוך מרדכי זענען ביידע בגי' 'בשר', ביים צוצושטעלן פלייש פאר אידישע קינדער קען זיין אדער א ברוך מרדכי אדער א ארור המן, און משבח געווען הרה"ח ר' מאיר הירש הי"ו וועלכע איז א שותף לדבר מצוה צוצושטעלן כשר'ע פלייש פאר אנ"ש אויפן העכסטן סטאנדארט.

דערנאך האט דער רבי פארגעזינגען האדרת והאמונה מיט השתפכות הנפש.

פונעפ'טע תורה: אויפן פסוק 'אם על המלך טוב' און געטייטשט אז דער שם אהי"ה במילוי איז בגי' מקוה, אויב טרינקט מען פורים כדבעי איז מען במילוי און עס איז חל דער שם אהי"ה וואס דאס ברענגט אראפ רחמים וחסדים.

נאך די פלייש האט דער רבי געטרינקען דעם פערטן כוס וויין און געוואונטשן לחיים.

זעקסטע תורה: אויפן פסוק 'דורש טוב לעמו' און געטייטשט אז אויב איז מען מקושר צו א צדיק איז טוב לו שנברא אפילו מען וואוינט און חוץ לארץ.

דערנאך האט דער רבי זיך אויפגעשטעלט טאנצן מיט א שטארקע שמחה א לענגערע צייט, און נאך די קוגל געטרינקן דעם פונפ'טן כוס וויין און געוואונטשן לחיים.


זיבעטע תורה: מרדכי הצדיק איז געווען א דורש טוב לעמו ווייל ער האט משפיע געווען בני חי' ומזוני פאר כלל ישראל און דאס גייט נאך אן עד היום הזה, און מסיים געווען מיט ברכות לרוב.

מען האט אריינגעברענגט קרויט, און א בארג סיני קוגל געברענגט דורך הרה"ח ר' בנציון קליין הי"ו, דערנאך האט דער רבי פאררייכערט א ציגאר כנהוג און עס איבערגעגעבן פאר הרה"ח ר' שלמה משה קלאגסברוין הי"ו.

מיט ברכהמ''ז האט דער רבי מכבד געווען חדב"ן הגה"צ רב דביהמ"ד ברך משה שליט"א, און ביים זיך אויפשטעלן האט דער רבי געוואונטשן פארן גאנצן ציבור א גוט שבת בצהלת פנים. מען האט געענדיגט ארום 5:30.

▫️ סאטמארע נייעס 🌴 ▫️

דינסטאג פרשת כי תשא 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן:
- לבן הנולד אצל ר' יואל ברי"ש פייערשטיין הי"ו, ווי דער רבי איז געווען סנדק ומוהל.
- לבן הנולד אצל ר' יואל יושע פעלבערבוים הי"ו, ווי דער רבי איז געווען סנדק.

דער רבי האט געדאווענט שחרית בהיכל המתיבתא סניף עצי חיים - שיעור ג'. פארן דאווענען האט דער רבי געלייגט תפילין פארן בר מצוה בחור ב"ר יואל יצחק ווידער הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ד פסוק ז'. דערנאך איז פארגעקומען א לחיים מיטן בר מצוה בחור בהיכל הביהמ"ד.

אין די נאכמיטאג שעה'ן זענען אריין בקו''פ תלמידים פון ישיבת בית דוד פון מאנסי, דער רבי האט פארהערט די לימודים און מאציל געווען מברכת קדשו.

נאכמיטאג ארום 5:15 האט דער רבי געדאווענט מנחה בביתו נאוה קודש.

נאך מנחה איז דער רבי אריינגעפארן קיין וומסב''ג צו די וועכנטליכע זמני כניסה.

ביים אנקומען אין וומסב''ג ארום 7:15 איז דער רבי אריבער אין די זאלן פון לומענענס, ווי עס איז פארגעקומען די שמחת פדיון הבן פון נכדו בן אצל הרב אלחנן חיים מייזליש שליט"א בן הגה"צ ר' הערשל מייזליש שליט"א רב בית מדרשינו בית נחום דוב אין וומסב''ג וחתן חדב"ן הגה"צ רב דביהמ"ד אבני צדק שליט"א.
אלץ כהן הפודה האט געדינט הגאון ר' מרדכי בעק שליט"א, נאכן פדיון האט דער רבי געטרינקן לחיים און אנגעוואונטשן פארן בעל שמחה, זיידעס, גיסו הגה"צ אבד''ק מאנטרעאל שליט"א, חדב"ן הגה"צ רב דביהמ"ד אבני צדק שליט"א, הגה"צ ר' הערשל מייזליש שליט"א, פארן כהן און פארן גאנצן ציבור. ארום 7:40 האט דער רבי פארלאזט די זאל.

זמני כניסה בקו''פ איז געווען פון 7:50 ביז 12:00 אויפדערנאכט, בביתו נאוה קודש אויף היוז סט.

בעת די זמני כניסה האט דער רבי געבענטשט מטבעות וואס וועט פארטיילט ווערן פאר תלמידי מוסדותינו הק' וומסב''ג וועלכע וועלן אריינברענגען גרעסערע געלטער במשך די ימי הפורים הבעל"ט.

אויך איז אריין בקו''פ הרב מנחם קליין שליט"א מנכ''ל פון די צהר ארגעניזאציע דק"ק בעלזא בשליחות פון האדמו"ר מבעלזא שליט"א, דער רבי האט אויסגעפרעגט איבער די פרטים און די פעולות פונעם ארגעניזאציע, און מעיין געווען אין די גליונות פון די ארגעניזאציע און מאציל געווען מברכת קדשו.

דער רבי האט געדאווענט מעריב ארום 10:00 און דערנאך ווייטער ממשיך געווען אויפנעמען דעם ציבור.

נאך די זמני כניסה איז דער רבי ארויף אין שטוב פון הרה"ח ר' יוסף אהרן רובין הי"ו אויף א מסיבת לחיים לרגל שמחת נשואי בתו הצעירה למז"ט, עס האט זיך פארצויגן א שיינע שמועס בסיפורי צדיקים און איבער דעם גייסט פון לימוד התורה וואס איז געשאפן געווארן אין די לעצטערע יארן מיט די אלע חבורות ביי אלע קהלות הק', מער ווי אמאל, בבחינת אכשר דרא אויף דעם געביט, דער רבי האט געטרינקן לחיים און אנגעוואונטשן פארן חתן, מחותנים, און די גאנצע משפחה.

מיטוואך פרשת כי תשא

דער רבי האט געדאווענט שחרית בהיכל המתיבתא סניף ויואל משה.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ד פסוק ז'. דערנאך זענען אריין בחדרו הפרטי די גבאים פון קופת אבני חסד פון אלע סניפי המתיבתא מקבל זיין ברכת הקודש לקראת יו"ט פורים הבעל"ט, דער רבי האט אינטערגעשריבן די שליחות הקודש פאר די גבאים און מאציל געווען מברכת קדשו און פארטיילט שליח מצוה געלט פאר די גבאים.

נאכמיטאג ארום 6:15 האט דער רבי געדאווענט מנחה בביתו נאוה קודש.

פארנאכטס האט דער רבי מסדר קידושין געווען ביי די חופה פון די מחותנים הרה"ח ר' אברהם יושע גפן הי"ו - הרה"ח ר' ראובן פאלאטשעק הי"ו, אין די זאלן פון בית רחל פאראדייס.

זמני כניסה בקו''פ איז געווען פון 8:20 ביז 12:00 אויפדערנאכט, בביתו נאוה קודש אויף איהעל קט.

דער רבי האט געדאווענט מעריב ארום 12:00.

▫️ סאטמארע נייעס 🌴 ▫️

שב''ק פרשת תצוה שבת זכור 'בצל הקודש' פון כ''ק רבינו הגה''ק שליט''א

פארן זמן הדלקה"נ האט דער רבי אנגעטוהן די שטריימל פאר די חתנים.
- החתן משה שמואל ב"ר אברהם יושע גפן הי"ו.
- החתן ישראל איסר ב"ר יואל יעקב פיש הי"ו המיול"ח הרה"ח ר' יוסף אהרן הכהן רובין הי"ו.

פרייטאג צונאכטס ארום 6:25 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הר"ר יעקב פעלדמאן שליט"א. מען האט געענדיגט ארום 7:55. דער ציבור איז אריבער זאגן גוט שבת און דער רבי איז אריין לחדרו הפרטי.

ארום 8:40 איז דער רבי אריינגעקומען צום שלחן הטהור בהיכל השלחנות אינאיינעם מיט די תלמידי המתיבתא און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א. הגבהת הכוס: הרה"ח ר' אברהם קליין הי"ו (ירושלים).

מיט די זמירות האט רבינו שליט''א מכבד געווען. כל מקדש: הר"ר אברהם וואלף פריעדמאן שליט"א. מנוחה ושמחה: הרה"ח ר' אברהם קליין הי"ו.

רבינו שליט''א האט געזאגט תורה אויפן פסוק 'ונשמע קולו בבואו אל הקודש' און געטייטשט בדרך דרוש אין די סוגיא פון שנים שעשהו.

קה אכסוף: נכד רבינו הרב ברוך רוקח שליט"א חתן חדב"ן הגה"צ רב דביהמ"ד אהל פיגא שליט"א.
פארן בענטשן האט דער רבי מוסיף געווען נאך א מהלך אויף די תורה בדרך דרוש אין די סוגיא פון מלאכה שאינה צריכה לגופה.
ברכת המזון: הגה"צ ר' יושע וואגשאהל שליט"א אב"ד יאסלא.

עובדות וסיפורים די וואך האט רבינו שליט''א דערציילט פון הרה"ק רבי אייזיק'ל קאלוב'ער זיע''א וואס די יארצייט איז געווען פרייטאג ז' אדר.
קה רבון עלם: נכד רבינו הרב מנחם שלמה אשכנזי שליט"א בן חדב"ן הגה"צ רב דביהמ"ד אבני צדק שליט"א. די פרישע חתנים זענען אריבער נעמען פירות. אז ביום השביעי: נכד רבינו הרב אשר אנשיל אשכנזי שליט"א (מאנטשעסטער). מען האט געענדיגט ארום 11:30.

וביום השבת קודש

שב''ק אינדערפרי איז דער רבי אריינגעקומען אין ביהמ''ד ארום 9:25. ברכות ופסוקי דזמרה: הרה"ח ר' יחיאל מיכל קארנבלי הי"ו. צו שחרית ויוצר איז דער רבי צוגעגאנגען, מען האט געזינגען ביי מכלכל חיים און ממקומך כנהוג.

הוצאה והכנסה: הרה"ח ר' אברהם מאיר ראזענוואסער הי"ו און הרה"ח ר' יודל שטיינמעטץ הי"ו. פסוקי שמע ישראל: הרה"ח ר' פישל פארקאש הי"ו.

עליות.
- כהן: החתן יחיאל שלמה ב"ר יצחק אייזיק הכהן פריעדמאן הי"ו.
- לוי: החתן שמואל מאיר ב"ר הערש יוסף לעווי הי"ו.
- שלישי: בעל שמחה נכד רבינו הרב משה מייזליש שליט"א חתן חדב"ן הגה"צ רב דביהמ"ד אבני צדק שליט"א - דער רבי האט קורא שם געווען לרגל הולדת בתו למז''ט, ויקרא שמה בישראל: פעסיל, ע"ש אמה של מלכות הרבנית הצדיקת אשת חבר רביה"ק בעל ברך משה זיע''א.
- רביעי: החתן משה בהר"ר יעקב פעלדמאן שליט"א - באווארפען.
- חמישי: החתן ישראל דוד ב"ר יחיאל מיכל קארנבלי הי"ו - באווארפען.
- שישי: חדב"ן הגה"צ רב דביהמ"ד אבני צדק שליט"א.
- שביעי: הר"ר מאיר לייב קטינא שליט"א.
- הוספות: החתן שלמה יואל ב"ר חיים מנחם לאקס הי"ו.
- החתן בצלאל ב"ר משה בראך הי"ו.
- הרב שלמה לייב וויינבערגער הי''ו פ"ר דקהלתינו הק'.
- אחרון: הרה"ג ר' יצחק אייזיק גליק שליט"א מו"ץ.
- הגבה: הרה"ח ר' יודל כ"ץ הי"ו.
- גלילה: הרה"ח ר' וואלף פארקאש הי"ו.
- מפטיר - קריאת פרשת זכור האט דער רבי עולה געווען, דער רבי האט געזאגט דעם לשם יחוד און געליינט די קריאה מיט א שטארקע התעוררות.

נאכן עולה זיין האט דער רבי קורא שם געווען לרגל הולדת הבת אצל: ר' יודא הערשקאוויטש הי"ו.

- הגבה: הרה"ח ר' שלמה הערש פעלדמאן הי"ו.
- גלילה: הרה"ח ר' חיים הערש ראטה הי"ו.

מוסף: הרה"ח ר' משה גאלדבערגער הי"ו. פתיחה צו אנעים זמירות: הרה"ח ר' יחזקאל גאלדבערגער הי"ו.

נאכן דאווענען איז פארגעקומען די שמחת הקידושא רבא בהיכל ביהמ"ד הגדול צד צפון, דער רבי האט קידוש געמאכט און טועם געווען מזונות און פיש, עס האט אויפגעטרעטן דער בעל שמחה הרב משה מייזליש שליט"א.
דער רבי האט געטרינקן לחיים און אנגעוואונטשן פארן בעל שמחה הרב משה שליט"א, פאר חדב"ן הגה"צ רב דביהמ"ד אבני צדק שליט"א, און פארן גאנצן ציבור, און משמיע געווען דב"ק אויפן מאמר חז''ל 'נשים חייבות במקרא מגילה שאף הן היו באותו הנס' און געטייטשט אז כדאי אידישע תפילות זאל נתקבל ווערן דארף מען צוקומען צו די טרערן פון נשים צדקניות און בזכותם וועט זיין די גאולה שלימה. און מסיים געווען מיט ברכות לרוב. מען האט געענדיגט ארום 1:00.

רעוא דרעווין

צו מנחה ושל''ש איז דער רבי אריינגעקומען אין ביהמ''ד ארום 6:25.
- מנחה: הרה"ח ר' משה בראך הי"ו (וומסב''ג).
- הוצאה והכנסה: הרה"ח ר' יחזקאל בראך הי"ו.
- כהן: הרה"ח ר' אליעזר דוד הכהן גליק הי"ו.
- לוי: הרה"ח ר' הערש יוסף לעווי הי"ו.
- שלישי: הרה"ג ר' אברהם שלום פריעדמאן שליט"א מראה"כ.
- הגבה: רבינו שליט''א.
גלילה: הרה"ח ר' משה לאקס הי"ו (וומסב''ג).

זמירות ביי של"ס האט דער רבי מכבד געווען. אודה: הרה"ח ר' שלמה הערש בר"מ עקשטיין הי"ו. שיר המעלות: הרה"ח ר' משה גאלדשטיין הי"ו.

רבינו שליט''א האט געזאגט תורה אויפן פסוק אין די קריאה פון פרשת זכור 'זכור את אשר עשה לך עמלק' און געטייטשט אז עס איז דא די מצוה פון זכירת מעשה עמלק און די מצוה פון מחיית עמלק בפועל, איה"נ בפועל קען מען נישט היינט מקיים זיין, אבער די זכירה אויסרייסן פון הארץ די טומאת עמלק וועט אויך זיין בזמן שביהמ''ק קיים און דאס גייט אויך אן היינט, והימים האלה נזכרים ונעשים יעצט בימי הפורים ווערט נתעורר אלע השפעות טובות פאר אידישע קינדער פאר יעדעם די מחסורו אשר יחסר לו.

- ידיד נפש: הרה"ח ר' יצחק פרענקל הי"ו (מאנטרעאל).
- קל מסתתר: הרה"ח ר' משה לאקס הי"ו.
- שושנת יעקב: הרה"ח ר' אברהם מאיר שווארטץ הי"ו (וומסב''ג)
דער רבי האט געבענטשט על הכוס, און געזאגט שבע ברכות.

מעריב מוצש''ק: הרה"ח ר' עקיבא וויינשטאק הי"ו. נאך הבדלה איז דער ציבור אריבער זאגן א גוטע וואך. דערנאך האט דער רבי געמאכט קידוש לבנה פארנט פון ביהמ"ד הגדול. מען האט געענדיגט ארום 8:55.

▫️ סאטמארע נייעס 🌴 ▫️

דינסטאג פרשת תרומה 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' ירחמיאל גרובער הי"ו, ווי דער רבי איז געווען סנדק.

דער רבי האט געדאווענט שחרית אין ביהמ"ד אמרי נועם אינאיינעם מיט תלמידי ישיבה דרך התורה בהנהלת הרה''ג ר' יואל אפענהיים שליט"א און ישיבה שביל התורה בהנהלת הרה''ג ר' יואל ניימאן שליט"א.
ביים אנקומען אין ביהמ"ד האט זיך דער רבי ארומגעדרייט צווישן די בחורים און זיך אומגעקוקט אויף די לימודים מיט א שטארקע קורת רוח.

נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר בנו הגה"צ אבד''ק וומסב''ג שליט"א, פאר די מנהלים, און אלע תלמידי הישיבה, און משמיע געווען דב"ק אויפן פסוק 'ויקחו לי תרומה' וואס איז מרומז תורה ותפילה און ארויסגעברענגט בשבח הישיבה אז מען לייגט א שטארקע דגוש, אויפצושטיין פארטאגס לערנען פארן דאווענען, וואס איז סיי תורה און סיי תפילה ווייל א תפילה נאכן לערנען האט סאך א גרעסערע כח, און ארויסגעברענגט די מעלה פון א ישיבה אוועק פונדערהיים, און ממשיך געווען מיט דברי הדרכה לימי הפורים און מסיים געווען בברכות קדשו.

נאכמיטאג ארום 5:15 האט דער רבי געדאווענט מנחה בביתו נאוה קודש.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
אינטערוועגנס האט רבינו שליט"א געהערט א טעלעפאנישער באריכט איבער די נסיעה פון די משלחת הרבנים אין שפיץ פון הגה"צ אבד"ק מאנסי שליט"א צו באזוכן בבית השחיטה המהודרת אין אוריגוויי, וואו רבינו שליט"א האט איינגעשטעלט א הערליכע מהודר'דיגע מערכת השחיטה פאר גסות. די רבנים זענען זייער נתפעל געווארן פונעם גאנצן שחיטה סיסטעם, די האראוואניע וואס די חשובע בעלי בתים פון מיעל-מארט האבן אריינגעלייגט נאכצוקומען אלע הידורים ותיקונים, און האבן זייער משבח געווען פארן רבין די גאנצע מערכת השחיטה וואס איז אויפן העכסטן סטאנדארט אין כשרות בס"ד.

זמני כניסה בקו''פ איז געווען פון 8:15 ביז 12:15 אויפדערנאכט, בביתו נאוה קודש אויף היוז סט.

בעת די זמני כניסה איז געווען אויף א באזוך בקו''פ האדמו"ר מישועות יעקב סקולען שליט"א מקבל זיין ברכת הקודש לרגל דעם ערשטן שבת וואס מען גייט פירן אין ביהמ"ד נצח ישראל סקולען אין וומסב''ג, עס האט זיך פארמירט א שיינע שמועס, דער רבי האט אים מכבד געווען מיט לחיים און מאציל געווען מברכת קדשו.

אויך איז אריין בקודש פנימה הרה"ג ר' יואל שווארטץ שליט"א דומ''ץ בית מדרשינו בנין געלבשטיין, ער האט געוויזן פאר רבינו שליט"א ספרו החדש 'בשבילי הלכה' על הלכות יום טוב וואס גייט אי"ה אריין אין דרוק בס"ד, און דערביי איבערגעגעבן א גרוס פונעם פארגאנגענעם שבת משפטים ווי הגה"צ אבד''ק וומסב''ג שליט"א האט געפראוועט א דערהויבענע שבת התאחדות בקרב אנ''ש תושבי השכונה.

אזוי אויך איז אריין בקו''פ הרה"ג ר' הערשל אשכנזי שליט"א מנה"ר ישיבה קטנה סניף באר התורה מקבל זיין ברכת הקודש לרגל שמחת נשואי בתו למז"ט וועלכע קומט פאר קומענדיגע וואך מאנטאג תצוה, עב"ג החתן נכד הגה"צ רב דקהלתינו ב''פ 15 שליט"א, און דער רבי האט אים מאציל געווען מברכת קדשו.

דער רבי האט געדאווענט מעריב ארום 11:15 און דערנאך ווייטער ממשיך געווען אויפנעמען דעם ציבור.

שפעטער איז אריין הגה"צ אבד"ק סיגוט שליט"א נענען א ברכת פרידה לרגל זיין נסיעה בשליחת הקודש צום גרויסארטיגן דינער בקרב מוסדותינו הק' און לרגל שבת שקלים בקרב קהלתינו הק' אין בני ברק יע"א.

דער רבי האט איבערגעגעבן מדברות קדשו ואס מזאל איבערגעבן פארן ציבור און דער רבי האט געבענטשט ציקער וואס מ'וועט אויסטיילן פאר די תלמידי המוסדות, און דערנאך אים אפגעזעגנט פאר א דרך צליחה לחיים ולשלום.

מיטוואך פרשת תרומה

דער רבי האט געדאווענט שחרית בהיכל המתיבתא סניף ויואל משה. פארן דאווענען האט דער רבי געלייגט תפילין פאר די בר מצוה בחורים.
- ב"ר יחיאל אלטר וויינשטאק הי"ו.
- ב"ר חיים קליין הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ד פסוק א'. דערנאך איז פארגעקומען א לחיים מיט די בר מצוה בחורים בחדרו הפרטי.

נאכמיטאג איז דער רבי ארויף בהיכל הישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי. און ארום 6:15 האט דער רבי געדאווענט מנחה אין ישיבה.

זמני כניסה בקו''פ איז געווען פון 8:30 ביז 12:00 אויפדערנאכט, בביתו נאוה קודש אויף איהעל קט.

בעת די זמני כניסה איז אריין בקו''פ לברך ולהתברך בפתקא ופדיון הגאון ר' חיים יוסף דוד ווייס שליט"א בעל ויען דוד ודומ"ץ בקהל ויואל משה אנטווערפן. דערנאך איז פארגעקומען א לענגערע אסיפה בקו''פ איבער די לעצטערע געשעענישן אין גוטעמאלא, עס איז צווישן אנדערע אנוועזנד געווען הרה"ג ר' עזרא משה כאירה שליט"א מו"ץ בקהילתינו וומסב''ג אינאיינעם מיט רבני ועסקני וועד להצלת ילדי גוטאמאלע און נאך עטליכע עסקנים, דער רבי האט א לענגערע צייט געהערט א באריכט פון די פעולות וואס מ'האט שוין געטון בעבר און אויסגעהערט עטליכע עדות יוצאי גוטאמאלע, און דערנאך א לענגערע צייט דן געווען און אויסגעפרעגט אלע דעטאלן און אנגעוואונטשן ברכת קדשו פאר די עסקנים.

אויך איז פארגעקומען א כתיבת האותיות פאר די ספר תורה וואס ווערט געשריבן דורך הרה"ח ר' חיים אברהם שמאיע הי"ו פון לאנדאן און ווערט אריינגעגעבן אין ביהמ"ד ברך משה דקהלתינו הק' לאנדאן, דער רבי האט אריינגעשריבן די אותיות געטרינקען לחיים און מאציל געווען מברכת קדשו.

אויך איז אריין בקודש פנימה הרה"ג ר' ליפא טייטלבוים שליט"א דומ"ץ בקהלתינו הק' אנטווערפען וועלכע געפינט זיך אין די יעצטיגע טעג אין ניו יארק לרגל די מגבית לטובת ישיבתינו הק' אין אנטווערפען, עס האט זיך פארמירט א שיינע שמועס איבער די הרחבת גבולי הקדושה פון קהלתינו הק', און דער רבי האט אים מאציל געווען מברכת קדשו.

דער רבי האט געדאווענט מעריב ארום 12:00, דער רבי האט געצינדן 5 ליכט און צוגעגאנגען צום עמוד לרגל די הילולא קדישא פון זקינו מרן הגה"ק הקדושת יו"ט זיע''א.

▫️ סאטמארע נייעס 🌴 ▫️