סאטמארע נייעס

דינסטאג פרשת צו 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן.
לבן הנולד אצל ר' ליפא שעהנברוין הי"ו, ווי דער רבי איז געווען סנדק ומוהל.
לבן הנולד אצל ר' מענדל בר"ש פריעדמאן הי"ו, ווי דער רבי איז געווען סנדק.

רבינו שליט''א האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר'ן בר מצוה בחור ב"ר יעקב זושא גוטמאן הי"ו.
נאכ'ן דאווענען איז פארגעקומען א לחיים מיט'ן בר מצוה בחור בחדרו הפרטי.

נאכמיטאג ארום 6:00 האט דער רבי געדאווענט מנחה בביתו נאוה קודש.

פארנאכטס איז רבינו שליט''א אריינגעפארן קיין וומסב''ג צו די וועכענטליכע זמני כניסה.
ביים אנקומען איז רבינו שליט''א ארויף בבית הרבני הנגיד ר' אהרן דוד יקותיאל ווייס הי"ו חבר הנהלת מחנות רב טוב, ווי עס איז פארגעקומען א חתימת שטרות ווי הרה"ח ר' מרדכי ווייס הי"ו ובנו ר' אהרן דוד יקותיאל הי"ו האבן אפגעקויפט דעם זכות שם הבנין פון ביהמ''ד הגדול והחדש דקהלתינו הק' בעיר לינדען פאר'ן סכום פון א מיליאן דאללער, דער רבי האט אונטערגעשריבן די שטרות אינאיינעם מיט די נדבנים, געטרינקן לחיים און מאציל געווען מברכות קדשו פאר די נדבנים ובני משפחתם, אויך האט ר' אהרן הי"ו געוויזן פארן רבי'ן פארשידענע סקיצעס פון די הרחבת גבולי הקדושה און פארשריט אינערהאלב די זומער קעמפ'ס מחנה רב טוב דרב"י.
עקסטער האט דער רבי באגריסט און אהנגעוואונטשן פאר הגה"צ רב דקהלתינו בלינדען שליט"א מיט נאך עטליכע אנ"ש תושבי העיר וועלכע זענען געקומען אנטייל נעמען אין די מאורע.

אויך האט דער רבי זיך דארט נאכגעפרעגט און באקומען א גלענצענדע באריכט פון די הנהלת המוסדות והישיבות הרב אברהם יוסף פריעדמאן הי"ו, און הרה"ח ר' יחזקאל דוד בערקאוויטש הי"ו איבער די אהנגייענדע סדרי הלימודים אין די ישיבה קטנות וואס דער רבי האט איינגעפירט אז דאס זאל אהנגיין ביז ז' ניסן.

זמני כניסה בקודש פנימה איז געווען פון ארום 9:00 ביז 12:15 אויפדערנאכט, בביתו נאוה קודש אויף היוז סט.

דער רבי האט געדאווענט מעריב ארום 12:15 בביתו נאוה קודש.

▫️ סאטמאר'ע נייעס 🌴 ▫️

מאנטאג צו 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית לבן הנולד אצל ר' שלמה משה ראטה הי"ו, ווי דער רבי איז געווען סנדק ומוהל.

רבינו שליט''א האט געדאווענט שחרית אין ת"ת בנין ווידער פאלאטשעק אינאיינעם מיט די תלמידי כתות ו' ז' ח' סניף הר"ר יעקב שלום ווייס שליט"א.
פארן דאווענען האט דער רבי געלייגט תפילין פאר'ן בר מצוה בחור ב"ר יצחק אייזיק שניצלער הי"ו.
רבינו שליט''א האט געצינדן 5 ליכט און יורד געווען לפני התיבה לרגל די יארצייט פון די באבע, און ביים ליינען געגאנגען הגבה.

נאכן דאווענען איז פארגעקומען א מסיבת לחיים פאר תלמידי כתות ג' ד' ה' סניף הר"ר יושע זלמן ווערצבערגער שליט"א, מען האט געזינגען עטליכע ניגונים דער רבי האט געטרינקן לחיים און אנגעוואונטשן פאר די מלמדים און אלע קינדער, און משמיע געווען קורצע דב"ק וברכה.

דער רבי איז אריין לחדרו הפרטי און נאך עטליכע מינוט אריינגעקומען צום מסיבת לחיים אינאיינעם מיט די תלמידי כתות ו' ז' ח', מען האט געזינגען עטליכע ניגונים און איינער פון די קינדער האבן פארגעזינגען חרוזים, דער רבי האט משמיע געווען דב"ק דברי הכנה ליו"ט פסח און מסיים געווען בברכת קדשו.

אויפן וועג ארויס איז דער רבי אריין צו די תלמידי כתות א' ב' סניף הר"ר יואל אקער שליט"א, די קינדער האבן געזינגען עטליכע ניגונים און דער רבי האט זיך צוגעקוקט מיט א שטארקע קורת רוח.

דערנאך איז דער רבי אריבער צום דערנעבנדיגן בנין גאלדשטיין צו ישיבה קטנה סניף דברי חיים בהנהלת הרה''ג ר' שלמה אלימלך שטיין שליט"א, דער רבי האט זיך אומגעקוקט אויף די לימודים און זיך ארומגעדרייט צווישן די בחורים א לענגערע צייט מיט א שטארקע קורת רוח.

נאכמיטאג ארום 6:30 האט דער רבי געדאווענט מנחה בביתו נאוה קודש דער רבי האט געצינדן ליכט און יורד געווען לפני התיבה.

זמני כניסה בקודש פנימה איז געווען פון ארום 8:45 ביז 12:00 אויפדערנאכט, בביתו נאוה קודש אויף אוהעל קט.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענדע מחותנים.
ר' אשר אנשיל זאלדאן הי"ו - ר' שלמה פנחס שעהנברוין הי"ו.
ר' יחיאל צבי אפפעל הי"ו (וומסב''ג) - ר' אלימלך בראך הי"ו (מאנטרעאל).

דער רבי האט געדאווענט מעריב ארום 12:00.

▫️ סאטמארע נייעס 🌴 ▫️

זונטאג פרשת צו 'בצל הקודש' פון כ''ק מרן רבינו הגה''ק שליט"א

אינדערפרי איידער תפילת שחרית איז פארגעקומען א ברית לבן הנולד אצל ר' מרדכי קטינא הי"ו, ווי דער רבי איז געווען סנדק ומוהל.

רבינו שליט''א האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די פאלגענדע בר מצוה בחורים.
ב"ר בנציון פאזנער הי"ו.
ב"ר מנחם הלל גראס הי"ו.
ב"ר אברהם יושע גאלדשטיין הי"ו.
ב"ר יוסף דוד מיטטעלמאן הי"ו.
ב"ר פנחס יונתן ראטטער הי"ו.
ב"ר וואלף אלעזר רייכמאן הי"ו.
נאכן דאווענען איז פארגעקומען א לחיים מיט די בר מצוה בחורים בהיכל הביהמ"ד.

נאכמיטאג ארום 6:45 האט דער רבי געדאווענט מנחה בביתו נאוה קודש.

פארנאכטס האט רבינו שליט''א מסדר קידושין געווען ביי די חופה פון די מחותנים הר"ר יואל פאשקעס שליט"א (וומסב''ג) - ר' משה מאיר טייטלבוים הי"ו, באולם בית רחל פאראדייס.

ארום 8:10 האט זיך רבינו שליט''א ארויסגעלאזט אויפן וועג קיין וומסב''ג צום סיום מסכת נדרים במסגרת חבורת יסודי התורה וואס איז פארגעקומען אין די זאלן פון קאנטינענטאל, ביים אנקומען ארום 9:45 האט דער רבי געדאווענט מעריב אין א פריוואטען צימער, דער רבי האט געצינדן 5 ליכט און יורד געווען לפני התיבה לרגל די יארצייט פון זקנתו די רביצין ברכה סימא א"ח מרן העצי חיים זיע"א.

ארום 10:10 איז רבינו שליט''א אריינגעקומען אינעם זאל און דער נואם הכבוד הרה"ג ר' אברהם שארר שליט"א רב דקהל תפארת גדליהו האט ממשיך געווען מיט זיין דרשה, מען האט געזינגען נגונים לכבוד המאורע און דער יו''ר המעמד הרה"ג ר' דוד שלמה לאוב שליט"א האט אויפגערופן די נדבנים ופטרונים אפצונעמען ברכת קדשו, און דער רבי האט פארטיילט א לעדערנע גמרא פאר די נדבנים.

רבינו שליט''א האט משמיע געווען דב"ק און ארויסברענגענדיג די חשיבות פון א איד וואס איז עוסק על המחי' ועל הכלכלה און איז קובע עיתים לתורה, און דערביי נאכאמאל געזאגט אז אין די חבורה יסודי התורה זאל מען אנהייבן מסכת נזיר נאך פסח און ביז יו''ט זאל מען לערנען פרק ערבי פסחים פון מסכת פסחים אלץ הכנה צום יו"ט פסח, און ארומגערעדט בדברי הכנה ליו"ט פסח און מסיים געווען בברכות קדשו.

רבינו שליט''א האט געמאכט די סיום און מכבד געווען הרה"ח ר' אברהם שלמה כהנא הי"ו נדבן הסעודה מיט זיינע ברודער'ס צו זאגן דעם קדיש, דערנאך האט זיך דער רבי ארויסגעלאזט מיטן גאנצן ציבור אין א פייערדיגן טאנץ, מען האט געענדיגט ארום 11:30 און דער רבי איז אהיים געפארן לביתו נאוה קודש בקר"י.

▫️ סאטמארע נייעס 🌴 ▫️

שב''ק פרשת ויקרא 'בצל הקודש' פון כ''ק מרן רבינו הגה''ק שליט"א

פרייטאג צונאכטס ארום 7:45 איז רבינו שליט''א אריינגעקומען אין ביהמ"ד מעוטף בטליתו און צוגעגאנגן צו מנחה.

נאך מנחה האט אויפגעטרעטן הרה''ח ר' אלי' שלמה קאהן הי''ו לטובת די ביומו תתן שכרו קאמפיין פון די מוסדות בקר''י. קבלת שבת: הרה''ג ר' ישראל ארי' גאלדבערגער שליט''א (ב''פ).

מען האט געענדיגט דאווענען ארום 9:20, דער ציבור איז אריבער געגאנגן גוט שבת זאגן און דער רבי איז אריין לחדרו הפרטי.

א קורצע צייט נאכ'ן דאווענען איז רבינו שליט''א אריינגעקומען צום שלחה''ט בהיכל השלחנות אינאיינעם מיט די תלמידי ישיבה קטנה סניף ויואל משה בבארא פארק, און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' ישראל דושינסקיא בן הגה"צ רב דביהמ"ד אהל פיגא שליט"א, הגבהת הכוס לקידוש: הרה"ג ר' יצחק אהרן גרין שליט''א מנהל הישיבה.

נאך די פיש האט רבינו שליט''א געזאגט תורה אויפן פסוק 'והיה כי יאמרו אליכם בניכם' און געטייטשט איבער די גרויסע חשיבות פון א תפילה פון א איד און יעדע פשוט'ע דיבור וואס גייט ארויס פון מויל.

מיט די זמירות האט דער רבי מכבד געווען. כל מקדש: הגה''צ ר' יעקב ראטענבערג שליט''א אב''ד וואוידיסלאוו, מנוחה ושמחה: הרה"ג ר' אהרן וועבער שליט''א.

רבינו שליט''א האט געזאגט תורה אויפן פסוק 'אם עולה קרבנו' און געטייטשט בדרך דרוש אין די סוגיא פון שלא כדרך אכילה.

קה אכסוף: הרה''ג ר' מאיר מאיער שליט''א (ב''פ), ברכהמ''ז: דער מנהל הרה''ג ר' יצחק אהרן גרין שליט''א.
עובדות וסיפורים די וואך האט רבינו שליט''א דערציילט פון הרה''ק האוהב ישראל מאפטא זיע"א, וואס די יארצייט געפאלט מאנטאג ה' ניסן.
קה רבון עלם: הרה''ח ר' מרדכי דוד עסטרייכער הי''ו (וומסב''ג).

די פרישע חתנים זענען אדורך נעמען פירות, אז ביום השביעי: הרה"ח ר' יעקב יאזשעף הי"ו (בני ברק). מען האט געענדיגט ארום 12:45.

וביום השבת קודש

שב''ק צופרי איז רבינו שליט''א אריינגעקומען אין ביהמ"ד ארום 9:30, פסוקי דזמרה: הר''ר יואל בר''א גאלדבערגער שליט''א. רבינו שליט''א האט פארגעזאגט וכרות פסוק בפסוק, און צוגעגאנגען צו שחרית.

הוצאה והכנסה: הרה"ג ר' אברהם מאיר פערלמאן שליט"א (ב''פ), פסוקי שמע ישראל: הרה"ג ר' אהרן וועבער שליט''א.

עליות. כהן: הרה"ג ר' ארי' צבי ברוין שליט''א (ב''פ). לוי: הגה''צ אב''ד וואוידיסלאוו שליט''א. שלישי: החתן ב"ר יואל אברהם ברייער הי"ו. רביעי: הרה''ג ר' אברהם שלום פריעדמאן שליט''א מראשי הכוללים. חמישי: הרה''ג ר' יצחק אהרן גרין שליט''א. שישי: רבינו שליט''א.

נאכן עולה זיין האט רבינו שליט''א געמאכט דעם מי שברך וקריאת השם לרגל הולדת הבת ביי ר' משה הלל עסטרייכער הי"ו.

שביעי: הרב הערשל אשכנזי בן האדמו''ר מסאניסלאוו שליט''א - רבינו שליט''א האט געמאכט דעם מי שברך וקריאת השם לרגל הולדת בתו, הוספה: ר' יושע יואל בערקאוויטש הי"ו - רבינו שליט''א האט געמאכט דעם מי שברך וקריאת השם לרגל הולדת בתו. אחרון: ר' פישל מענדלאוויטש הי"ו, מפטיר הרה''ח ר' אברהם הערש שעהר הי''ו. הגבה: הרה''ח ר' יונה האפמאן הי''ו, גלילה: הרה''ח ר' שמואל ראטער הי''ו (ירושלים).

רבינו שליט''א איז צוגעגאנגן צו תפילת מוסף לכבוד די יארצייטן פון די באבע'ס די רביצין פונעם עצי חיים זיע''א און פונעם קדושת יו''ט זיע''א וואס געפאלן דעם וואך, פתיחה לאנעים זמירות: הרה"ג ר' אנשיל שעהר שליט''א (וומסב''ג).

נאכן דאווענען איז פארגעקומען א ברית לבן הנולד אצל ר' פישל מענדלאוויטש הי"ו, ווי דער רבי איז געווען סנדק ומוהל. מען האט געענדיגט ארום 12:50.
רעוא דרעווין

צו מנחה ושל''ש איז רבינו שליט''א אריינגעקומען אין ביהמ"ד ארום 7:40. מנחה : הר''ר אלחנן טויב הי"ו, הוצאה והכנסה: הרה"ח ר' פנחס בראך הי"ו (מאנטרעאל), כהן: הרה''ח ר' מענדל מאיר גליק הי''ו (וומסב''ג), לוי: הרה"ח ר' יעקב יאזשעף הי"ו, שלישי: הרה"ח ר' משה יצחק ראזענפעלד הי"ו, הגבה: רבינו שליט''א, גלילה: הרה"ח ר' ישראל דוב קליין הי"ו.

זמירות ביי של''ש האט דער רבי מכבד געווען: אודה הרה"ח ר' נח גפן הי"ו, שיר המעלות: הרה"ח ר' משה גאלדשטיין הי"ו.

רבינו שליט''א האט געזאגט תורה אויפן פסוק 'ויקרא אל משה' און געטיישטש אז ביי מצוות הקרבת קרבן איז דא צוויי מצוות די עצם מצוה און אויסער דעם איז דא א מצוה ארויסצוזאגן די פסוקים וואס ברענגען אריין יראת שמים לתשובה ולתיקון המעשים, אזוי אויך ביי מצוות אכילת מצה וקרבן פסח, די מצה ברענגט אריין יראת שמים און אזוי קען מען זוכה זיין צו עסן דעם קרבן פסח, ובזמן הזה די צוויי אכילת מצה וואס ברענגט אריין יראת שמים אין די מענטש, קען מען צוקומען צו תשובה מאהבה, און אויף דעם דארף מען מאכן די ריכטיגע הכנה צו קענען מקבל זיין די השפעות קדושות צום הייליגן נאכט.

ידיד נפש: הרב הערשל אשכנזי שליט''א. קל מסתתר: הרה"ח ר' שמואל ראטער הי"ו, רבינו שליט''א האט געבענטשט אויפן כוס און געזאגט שבע ברכות.

רבינו שליט''א איז צוגעגאנגען צו מעריב מוצש''ק, נאך הבדלה האט דער רבי געוואונטשן א גוטע וואך פארן גאנצן ציבור בכללית. מען האט געענדיגט ארום 10:00.

מוצש''ק ארום 10:45 האט זיך רבינו שליט''א ארויסגעלאזט אויפן וועג קיין ב"פ צום סיום מסכת נדרים במסגרת חבורת יסודי התורה וועלכע איז פארגעקומען אין די זאלן פון עטרת רבקה, ארום 12:10 איז רבינו שליט''א אריינגעקומען און דער נואם הכבוד הרה"ג ר' ישראל מרגליות שליט"א האט ממשיך געווען מיט זיין דרשה, מען האט געזינגען זמירות מלוה מלכה, און דער יו''ר המעמד הר"ר יואל כ"ץ שליט"א האט ארויפגערופן הרה"ח ר' שמואל חיים בראך הי"ו צו מאכן דעם סיום, דער רבי האט אים איבערגעגעבן א מתנה א לעדערנע גמרא מסכת נדרים אין וואס הרה"ח ר' שמואל חיים הי"ו האט געמאכט די סיום, נאכן סיום האט זיך דער רבי ארויסגעלאזט מיט'ן גאנצן ציבור אין א פייערדיגן טאנץ.

רבינו שליט''א האט משמיע געווען דב"ק אויפן פסוק 'אם עולה קרבנו' און געטייטשט אז די סגולה פון מצוות מצה איז אריינצוברענגען א זיסקייט אין די תורה מזאל קענען שפירן א טעם אין לערנען, און ארויסגעברענגט די שמחה פון די אלפי מסיימים, און דערביי געזאגט אז אין די חבורה יסודי התורה זאל מען אנהייבן מסכת נזיר נאך פסח און ביז יו''ט זאל מען לערנען פרק ערבי פסחים פון מסכת פסחים אלץ הכנה צום יו"ט פסח, און ארומגערעדט בדברי הכנה ליו"ט פסח און מסיים געווען מיט ברכות לרוב פארן גאנצן ציבור. מען האט געענדיגט ארום 1:00 און דער רבי איז אהיים געפארן לביתו נאוה קודש בקר''י.

▫️סאטמאר'ע נייעס 🌴▫️