סאטמארע נייעס

פרייטאג ערש''ק שופטים 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז דער רבי אריבער צו די המספיק זאלן ווי עס איז פארגעקומען די ברית'ן:
תאומים לבן הנולד אצל ר' יואל ב"ר וואלף שניטצער הי"ו, ווי דער רבי איז געווען סנדק.
לבן הנולד אצל ר' יואל ב"ר משה מענדל ווערטהיימער הי"ו, ווי דער רבי איז געווען סנדק.

דער רבי האט געדאווענט שחרית בהיכל ישיבה קטנה סניף דברי חיים בהנהלת הרה''ג ר' שלמה אלימלך שטיין שליט"א בבנין הת"ת 'בנין גאלדשטיין'.פארן דאווענען האט דער רבי געלייגט תפילין פאר די בר מצוה בחורים.
ב"ר ליפא אקערמאן הי"ו.
ב"ר משה הערשקאוויטש הי"ו.
ב"ר יקותיאל יחזקאל שרגא פרענקל הי"ו.

נאכן דאווענען האט דער רבי געבלאזן שופר און געזאגט די צען קאפיטלעך תהילים כנהוג אום חודש אלול.

נאך שחרית איז פארגעקומען א מסיבת לחיים בהיכל הביהמ"ד, דער רבי האט געטרינקן לחיים און אנגעוואונטשן פאר די רמ"י הישיבה, פאר די בר מצוה בחורים, און פאר אלע תלמידי הישיבה, און משמיע געווען קורצע דב''ק הדרכה פאר די בחורים לקראת די ימי הרחמים והרצון און מסיים געווען בברכת קדשו.

דערנאך האט דער רבי אריבערשפאצירט צום דערנעבנדיגן בנין הת"ת 'בנין ווידער פאלאטשעק' ווי עס איז פארגעקומען די מעמד 'ברנה יקצרו' דורך די תלמידי כתה ה' פון אלע סניפים פון מוסדות קרית יואל, מען האט געזינגען עטליכע ניגונים און חרוזים לכבוד המאורע, דערנאך האט דער ראש המנהלים הר"ר ברוך שלמה וויינבערגער שליט"א פארהערט די קינדער אויף די לימודים בשעת דער רבי קוקט זיך צו מיט א שטארקע קורת רוח.
דער רבי האט געטרינקן לחיים און אנגעוואונטשן פאר די הנהלת המוסדות און אלע קינדער, און משמיע געווען קורצע דב''ק הדרכה פאר די קינדער לקראת די ימי הרחמים והרצון און מסיים געווען בברכת קדשו.
דערנאך האט דער רבי פארטיילט שיריים פאר די אייניקלעך, מען האט געענדיגט ארום 12:30.

▫️ סאטמאר'ע נייעס 🌴 ▫️

דאנערשטאג פרשת שופטים 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן:
לבן הנולד אצל ר' יואל מרדכי שעהר הי"ו, ווי דער רבי איז געווען סנדק ומוהל.
לבן הנולד אצל ר' יחזקאל שרגא הערשקאוויטש הי"ו, ווי דער רבי איז געווען סנדק.

דער רבי האט געדאווענט שחרית בהיכל המתיבתא סניף ברך משה. פארן דאווענען האט דער רבי געלייגט תפילין פאר די בר מצוה בחורים.
ב"ר מרדכי קאהן הי"ו.
ב"ר שלמה יצחק יעקב וועלץ הי"ו.
ביים ליינען איז דער רבי געגאנגען הגבה. און נאכן דאווענען געבלאזן שופר, און פארגעלערנט דעם טעגליכע תהילים שיעור אויף קאפיטל כ"ג פסוק א'. דערנאך איז פארגעקומען א לחיים מיט די בר מצוה בחורים בחדרו הפרטי,

אויך זענען אריין בקו''פ א קבוצה בחורים מתלמידי הישיבה אינאיינעם מיט די רמ"י הישיבה אפצונעמען ברכת הקודש לרגל זייער נסיעה למקומות הקדושים קיין אייראפע, דער רבי האט אויסגעפרעגט די פרטי הנסיעה און פארטיילט שליח מצוה געלט פאר די בחורים.

זמני כניסה בקו''פ איז געווען פון 6:45 ביז 11:45 אויפדערנאכט, בביתו נאוה קודש אויף איהעל קט.
ארום 7:15 איז דער רבי אריבער צום קבלת פנים פון החתן בן הרה"ח ר' יואל ברמ"ד ווידער הי"ו מנאמני ביתו, עב"ג הכלה בת הרה"ח ר' שבתי יצחק ראזענבערג הי"ו אין די זאלן פון כינור דוד, דער רבי האט געטרינקן לחיים און אנגעוואונטשן פארן חתן, מחותנים, און די זיידעס, פאר די חופה האט דער רבי געבענטשט די חתן, און דערנאך אראפ אין ביהמ"ד בית מרדכי ווי דער רבי האט געדאווענט מנחה.
נאך מנחה איז דער רבי ארויס צו די חופה ווי דער רבי האט מסדר קידושין געווען, און דערנאך איז דער רבי צוריק לביתו נאוה קודש און ממשיך געווען די זמני כניסה.

בעת די זמני כניסה האט זיך הבה"ח אברהם שלמה ב"ר יואל וויינשטאק הי"ו, המיול"ח הרה"ח ר' אברהם יהושע העשיל הכהן גלאנץ הי"ו, געשטעלט צום פארהער ביי רבינו שליט"א אויף שו"ע הלכות שבת.

רבינו שליט''א האט געליינט תנאים פון די מחותנים הרה"ח ר' דניאל ראובן דאנא ע"ה - הרה"ח ר' ציון ג'ברא הי"ו.

נאך די זמני כניסה ארום 11:50 איז דער רבי צוריק אנגעקומען צו די שמחת החתונה פון החתן בן הרה"ח ר' יואל ווידער הי"ו, דער רבי האט געטרינקען לחיים און אנגעוואונטשן פארן חתן, מחותנים, און די זיידעס, נאכן בענטשן האט דער בדחן האברך ר' יחזקאל שרגא פילאפף הי"ו אויפגעריפן רבינו שליט"א צו די מצוה טאנץ מיט דברי חרוזים, און דער רבי האט אפגעראכטן די ריקודי קודש לפני הכלה און דערנאך געטאנצן מיטן חתן, מחותנים און די זיידעס, און עקסטער מיט הרה"ח ר' יואל הי"ו.

דערנאך ארום 12:30 איז דער רבי אראפ אין ביהמ"ד בית מרדכי ווי דער רבי האט געדאווענט מעריב.

▫️ סאטמאר'ע נייעס 🌴 ▫️

מיטוואך שופטים ב' דר"ח אלול 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן:
לבן הנולד אצל הר"ר בנימין בער בערקאוויטש שליט"א, ווי דער רבי איז געווען סנדק ומוהל.
לבן הנולד אצל ר' משה בער ניישטאדט הי"ו, ווי דער רבי איז געווען סנדק ומוהל.

דער רבי האט געדאווענט שחרית בהיכל ישיבה קטנה סניף אבני צדק בהנהלת הרה''ג ר' חיים אליעזר דאווידאוויטש שליט"א. ביים אנקומען אין ישיבה איז דער רבי צום ערשט אריין אין ביהמ"ד און זיך אומגעקוקט אויף די סדר הלימוד. פארן דאווענען האט דער רבי געלייגט תפילין פאר די בר מצוה בחורים.
בן הר"ר שלמה נח היילברוין שליט"א.
ב"ר יעקב ברי"מ פריעדמאן הי"ו.
ב"ר יצחק יחזקאל דוד קרויס הי"ו.
ב"ר יואל קליינבערגער הי"ו.

דער רבי איז צוגעגאנגען צו הלל און ביים ליינען געגאנגען הגבה. לדוד ה' אורי האט מען געזאגט נאך ברכו נפשי.
נאכן דאווענען האט דער רבי געבלאזן שופר און געזאגט צען קאפיטלעך תהילים כנהוג אום חודש אלול.

נאך עטליכע מינוט איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די בר מצוה בחורים, פאר די רמ"י הישיבה, און אלע תלמידי הישיבה, און משמיע געווען דב"ק והכנה לקראת די ימים נוראים הבעל"ט און מסיים געווען בברכת קדשו.

אין די פארמיטאג שעה'ן איז דער רבי געווען אויף א באזוך אינעם מצה בעקעריי דקרית יואל ווי מען האט שוין אנגעהויבן די וואך צו באקן מצות לקראת חג הפסח תשפ"ה הבעל"ט נאכצוקומען די גרויסע פארלאנג פאר די גאר מהודר'דיגע "קרית יואל'ע מצות" מיט אירע פילצאליגע חומרות און הידורים, דער רבי איז ארומגעגאנגען אינעם בעקעריי א לענגערע צייט אינאיינעם מיטן מנהל בית האופה הרה"ח ר' יואל שלמה זאלדאן הי"ו, און געהערט א באריכט פון די פילע חומרות וועלכע איז צוגעקומען די יאר, און דערנאך מפריש געווען חלה, דערנאך האט דער רבי איבערגעלאזט ברכת קדשו פאר די ארבעטער און נאכגעזאגט פונעם הייליגן שינאווע רב זיע''א 'היום אתם יוצאים בחודש האביב' היום מיינט מען ראש השנה ווי גייט מען ארויס זכאי בדין בזכות פון מצוות מצה וואס מען עסט בחודש האביב, און אויסגעפירט אז "באקן מצות חודש אלול איז א ריכטיגע הכנה צו ראש השנה".

נאכמיטאג איז דער רבי ארויף בהיכל הישיבה סניף ויואל משה ווי דער רבי האט געלערנט מיט א חברותא מתלמידי הישיבה בחדרו הפרטי.

זמני כניסה בקו''פ איז געווען פון 6:15 ביז 11:20 אויפדערנאכט, בביתו נאוה קודש אויף איהעל קט.

ארום 6:50 האט דער רבי געדאווענט מנחה בביתו נאוה קודש.

נאך מנחה האט דער רבי מסדר קידושין געווען ביי די חופה פון די פאלגענדע מחותנים.
הר"ר שרגא גאנדעל שליט"א - הרה"ח ר' אהרן הערש טויב הי"ו, באולם כינור דוד.
הרה''ח ר' וואלף ברוך ווערצבערגער הי"ו - הרה"ח ר' אברהם שמואל פריעדלענדער הי"ו, באולם בית רחל פאראדייס.
הרה''ח ר' משה סטרולאוויטש הי"ו - הרה"ח ר' וואלף ברב"י גליק הי"ו, באולם גינת קליין.

נאך די חופות האט דער רבי מנחם אבל געווען הרה"ח ר' מרדכי יצחק סאמעט הי"ו היושב ע"פ אמו ע"ה.

בעת די זמני כניסה זענען אריין בקו''פ תלמידי ישיבה קטנה קדושת יעקב פון שיכון סקווירא וועלכע וויילן די וואך אין קר"י, דער רבי האט פארהערט די לימודים אין פרק מרובה מסכת בבא קמא און דערנאך זענען אלע בחורים אריבער מקבל זיין ברכת הקודש.

רבינו שליט''א האט געליינט תנאים פון די מחותנים הרה"ח ר' הערש יוסף לעווי הי"ו - הרה"ח ר' וואלף פארקאש הי"ו.

דער רבי האט געדאווענט מעריב ארום 11:20.

▫️ סאטמארע נייעס 🌴 ▫️