Satmara Niyes

שב''ק פרשת ויגש - שבת של שמחה שבת עלי' לתורה פון נכד רבינו, החתן הרב יצחק אייזיק טייטלבוים שליט"א בן הגה"צ רב דביהמ"ד בית ברוך שליט"א 'בצל הקודש' פון כ''ק רבינו הגה''ק שליט''א

פארן זמן הדלקה"נ האט דער רבי אנגעטוהן דעם שטריימל פאר די חתנים.
- החתן יודא אלימלך ב"ר חיים קארנבלי הי"ו.
- החתן אליקים ב"ר אליעזר הערשקאוויטש הי"ו.

א האלבע שעה נאכן זמן הדלקה"נ האט דער רבי אנגעטוהן דעם שטריימל פאר נכדו החתן הרב יצחק אייזיק ט"ב שליט"א און דערנאך אנגעוואונטשן פארן חתן, מחותן, און פארן זיידן הגה"צ אבד"ק בערטש שליט"א, דערנאך איז דער רבי געגאנגען אין ביהמ"ד אין באגלייטונג פונעם חתן און מחותנים בשירה וזמרה.

ארום 5:10 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הר"ר דוד אייכנשטיין שליט"א בן הגה"צ אבד"ק בערטש שליט"א.
מען האט געענדיגט ארום 6:50. עס איז פארגעקומען אן אפיעל פאר די רפואה העלפ ליין ארגעניזאציע. דערנאך איז דער ציבור אריבער זאגן גוט שבת און דער רבי איז אריין לחדרו הפרטי.

ארום 8:35 איז דער רבי אריינגעקומען צום שלחן הטהור בהיכל השלחנות אינאיינעם מיט די תלמידי הישיבה און אנגעהויבן כדרכו בקודש שלום עליכם ברגש ובנעימה.
- אשת חיל: נכד רבינו הב' יואל ט"ב ני"ו בן חדב"ן הגה"צ רב דביהמ"ד ברך משה שליט"א.
- הגבהת הכוס: הגה"צ ר' ישכר בעריש רובין שליט"א מדאמבראווע.

מיט די זמירות האט רבינו שליט''א מכבד געווען.
- כל מקדש: הגה"צ ר' ישכר בעריש רובין שליט"א.
- מנוחה ושמחה: הרה"ג ר' מאיר יוסף אייכנשטיין שליט"א בן הגה"צ אבד"ק בערטש שליט"א ראה"כ באבוב 45 ב"פ.

רבינו שליט''א האט געזאגט תורה אויפן פסוק 'ובני דן חושים' און געטייטשט בדרך דרוש אין די סוגיא צו פאר מתן תורה האט מען געהאט א דין בן נח אדער א דין ישראל.
דערנאך האט דער רבי מכבד געווען מחותנו הגה"צ אבד"ק בערטש שליט"א צו זאגן דברי תורה.

- קה אכסוף: הר"ר זלמן לייב רובין שליט"א חתן הגה"צ אבד"ק בערטש שליט"א.
- ברכת המזון: הגה"צ אבד"ק בערטש שליט"א.

עובדות וסיפורים די וואך האט רבינו שליט''א דערציילט פון הגה''ק שינאווער רב זיע''א וואס די יארצייט איז געווען עש"ק ו' טבת.

- קה רבון עלם: הר"ר מנחם שלמה טויב שליטא (ב"פ).
די פרישע חתנים זענען אריבער נעמען פירות, און מען האט אויפגעגעבן בונדלעך און געזינגען ניגוני שמחה לרגל די שמחת השלום זכר פון נכד רבינו בן הנולד אצל הרב אלחנן חיים מייזליש שליט"א חתן חדב"ן הגה"צ רב דביהמ"ד אבני צדק שליט"א.
- אז ביום השביעי: הרה"ג ר' אלימלך הלברשטאם שליט"א (וומסב''ג).
מען האט געענדיגט ארום 11:35.

וביום השבת

שב''ק אינדערפרי איז דער רבי אריינגעקומען צום דאווענען ארום 9:20.
- ברכות ופסוקי דזמרה: הר"ר לייבוש טויב שליט"א.
דער רבי האט פארגעזאגט וכרות פסוק בפסוק, און צוגעגאנגען צו שחרית, און צוגעשיקט צו חזרת הש"ץ בנו הגה"צ רב דביהמ"ד בית ברוך שליט"א.

- הוצאה והכנסה: הרה"ח ר' מענדל בער ווידער הי"ו.
- פסוקי שמע ישראל: הרה"ג ר' ברוך ווייס שליט"א רב דביהמ"ד קניזשא.
עליות:
- כהן: החתן משה ב"ר יואל כ"ץ הי"ו - באווארפען.
- לוי: החתן יודא לייב ב"ר מנחם ישעי' לעווי הי"ו.
- שלישי: נכד רבינו החתן הרב יצחק אייזיק טייטלבוים שליט"א, - באווארפן און מען געזינגען כנהוג.
- רביעי: הגה"צ אבד''ק וומסב''ג שליט"א.
- חמישי: הגה"צ אבד"ק בערטש שליט"א.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' וואלף כהן הי"ו.
- ר' אהרן ברי"י וויינשטאק הי"ו.
- ר' בנציון ב"ר יואל זאלדאן הי"ו.
- ר' יואל ברי"ע מארקאוויטש הי"ו.

- שביעי: הגה"צ ר' ישכר בעריש רובין שליט"א מדאמבראווע.
- הוספות: החתן יודא אלימלך ב"ר חיים קארנבלי הי"ו - באווארפען.
- החתן זלמן לייב ב"ר אלי' שפיטצער הי"ו - באווארפען.
- החתן אליקים ב"ר אליעזר הערשקאוויטש הי"ו - באווארפען.
- החתן יוסף דוב ב"ר יעקב קאפל סימאן הי"ו - באווארפען.
- אחרון: הגה"צ רב דביהמ"ד בית ברוך שליט"א.
- מפטיר: הרה"ח ר' ישראל פערל הי"ו.
- הגבה: הרה"ח ר' הלל שפיטצער הי"ו (וומסב''ג).
- גלילה: הרה"ח ר' מאיר סימאן הי"ו.

- מוסף: הגה"צ אבד"ק בערטש שליט"א.
- פתיחה צו אנעים זמירות: הרה"ח ר' מאיר יודא אייזנבאך הי"ו.

נאכן דאווענען איז פארגעקומען א ברית לבן הנולד אצל ר' ישעי' שלום פאלאטשעק הי"ו ווי דער רבי איז געווען סנדק ומוהל.

נאך עטליכע מינוט איז דער רבי אריינגעקומען צום שמחת הקידושא רבא לרגל די באווארפען בהיכל ביהמ"ד הגדול צד צפון, דער רבי האט געמאכט קידוש און טועם געווען מזונות און פיש, מען האט געזינגען ניגוני שמחה און הגה"צ רב דביהמ"ד בית ברוך שליט"א האט אויפגעטרעטן לכבוד די שמחה.
דער רבי האט געטרינקן לחיים און אנגעוואונטשן פארן חתן און פארן גאנצן ציבור, און משמיע געווען דב"ק אויפן פסוק 'ואנכי אעלך גם עלה' און געטייטשט בעניני נשואין און מסיים געווען מיט ברכות לרוב. מען האט געענדיגט ארום 12:50.

רעוא דרעווין

דער רבי איז אריינגעקומען צו תפילת מנחה ארום 5:05.
- בעל תפילה: הרה"ח ר' יעקב יוסף פילאפף הי"ו.
- הוצאה והכנסה: הרה"ח ר' יצחק בערנאטה הי"ו.
- כהן: הרה"ח ר' יצחק פריעדמאן הי"ו.
- לוי: הרה"ח ר' יונה צבי האפמאן הי"ו.
- שלישי: הרה"ג ר' מאיר יוסף אייכנשטיין שליט"א.
- הגבה: רבינו שליט''א.
- גלילה: הרה"ח ר' חיים קארנבלי הי"ו.

זמירות ביי של"ס האט דער רבי מכבד געווען.
אודה: הרה"ח ר' נח גפן הי"ו.
שיר המעלות: הגה"צ ר' הערשל מייזליש שליט"א רב דביהמ"ד בית נחום דוב וומסב''ג בן הגה"צ אבד''ק מאנטרעאל שליט"א.

דער רבי האט געזאגט תורה אויפן פסוק 'אל תירה מרדה מצרימה כי לגוי גדול אשימך שם' און געטייטשט אז דורך האבן אמונה אין הקב"ה און עוסק זיין בתורה איז דבוק אין הקב"ה הייסט מען א בעל חי און מען קען נישט נדחה ווערן פון די קדושה און עס ניצט תשובה.

- ידיד נפש: הר"ר מענדל אייכנשטיין שליט"א בן הגה"צ אבד"ק בערטש שליט"א.
- קל מסתתר: הרה"ג ר' מאיר יוסף אייכנשטיין שליט"א.
דער רבי האט געבענטשט על הכוס און געזאגט שבע ברכות.
- מעריב מוצש''ק: הרה"ח ר' מיכל פעלדמאן הי"ו.
נאך הבדלה איז דער ציבור אריבער זאגן א גוטע וואך.

דערנאך איז דער רבי אראפ אין היכל התורה און זיך אומגעקוקט ביי די לימודים במסגרת ושננתם לבניך, דער רבי איז ארום צווישן די טישן א לענגערע צייט מיט א שטארקע קורת רוח, מען האט געענדיגט ארום 7:45.

במוצאי יום גילה

ארום 9:40 איז פארגעקומען בביתו נאוה קודש א מסיבת לחיים לרגל די גמר המקח פאר א שטח אדיר צו בויען א נייע ביהמ"ד גדול ומפואר דקהלתינו הק' בשכונת זרע קודש אין קרית יואל המורחבת מיט די באטייליגונג פון די רבני ותושבי השכונה, הנהלת קהלתינו הק', און די חברי וועד הרחבת גבולי העיר.
מען האט געזינגען עטליכע ניגונים לכבוד המאורע, און עס האט אויפגעטרעטן הרה"ח ר' דוד עקשטיין הי"ו מראה"ק, און הרה"ח ר' טובי' ליפא גראס הי"ו מחשובי תושבי השכונה ויו"ר הנהלת קרן הבנין.
רבינו שליט''א האט משמיע געווען ברכת הקודש און ארויסגעברענגט די שמחה פון די תושבי השכונה און אנגעוואונטשן מען זאל בקרוב אנהייבן און ענדיגן צו בויען די ביהמ"ד להגדיל תורה ולהאדירה און מסיים געווען בברכת קדשו פאר די רבני ותושבי השכונה.

דערנאך איז פארגעקומען א התחלת כתיבת ספר תורה דורך הרה"ח ר' ברוך ליפא לעווי הי"ו, דער רבי האט אריינגעשריבן די ערשטע אותיות, עס האט זיך פארצויגן א שיינע שמועס מיט די אנוועזענדע חברי הנהלת הקהילה איבער די פעולות לטובה פון הרה"ח ר' ברוך ליפא הי"ו לרומם קרן קהלתינו הק' און אלע מסיבות און טישן בצל הקודש, דער רבי האט געטרינקן לחיים און מאציל געווען מברכת קדשו.

ארום 10:40 איז דער רבי אנגעקומען צום מעמד קביעות מזוזה וחנוכת הבית בבית מדרשינו החדש והמפואר 'ביהמ"ד ישראל שלום' אין שכונת ויואל משה נדבת הרבני הנגיד ר' עקיבא הערש קליין הי"ו, דער רבי האט זיך אומגעקוקט אינעם נייעם פראכטפולע מקוה אין באגלייטונג פון בנו הגה"צ רב הביהמ''ד שליט''א און דערנאך קובע געווען א מזוזה אויפן שער הביהמ"ד, און דערנאך זיך אומגעקוקט אויף די 4 חדרי התפילה און די עזרת נשים און דערביי מכבד געווען בנו הגה"צ רב הביהמ"ד שליט"א צו קובע זיין מזוזות, און דערנאך מכבד געווען דעם נדבן הביהמ"ד.
דערנאך איז דער רבי אריין בהיכל הביהמ"ד צום מסיבת לחיים, ביים אריינקומען האט דער רבי געטאנצן אויפן פלאץ פאר א שטיק צייט. ס'האט אויפגעטרעטן הגה"צ רב הביהמ"ד שליט"א.
מען האט געזינגען ניגוני שמחה דער רבי האט געטרינקן לחיים און ווארעם אנגעוואונטשן פאר בנו הגה"צ רב הביהמ"ד שליט"א, פאר הרה"ג ר' דוד גרינפעלד שליט"א מו''ץ הביהמ"ד, פארן נדבן הרה"ח ר' עקיבא הערש הי"ו, און פארן גאנצן ציבור, און משמיע געווען דב"ק און ארויסגעברענגט די שמחה מיטן באנייען א ביהמ"ד וועלכע וועט זיך אויסצייכענען בתורה עבודה וגמילות חסדים, און ארומגערעדט בשבח פון די תושבי השכונה, און מסייםמגעווען בברכה פאר בנו הגה"צ רב הביהמ"ד שליט"א און פאר הרה"ג ר' דוד גרינפעלד שליט"א - מו"ץ הביהמ"ד צו קענען מרים זיין כבוד התורה והביהמ"ד, און מאריך געווען בשבח פונעם חשובן נדבן הרבני הנגיד ר' עקיבא הערש הי"ו וועלכע האט אויפגעבויעט די גאנצע שכונה און די ארטיגע בתי מדרשים , ועוד ידו הנטויה צו בויען נאך בתי מדרשים, און דאס איז חוץ זיינע פילע נדבות פאר קהלתינו ומוסדותינו הק', און אזוי אויך זיינע חשובע פעולות ארויסצוהעלפן האלטן די דירות פרייזן ביליג. דער רבי האט אים אנגעוואונטשן ברכת לרוב בכל ענינים, און מסיים געווען בברכת קדשו פארן גאנצן ציבור.
דערנאך האט הרה"ח ר' משה יודא ברמ"ז הירש הי"ו אויפגעטרעטן מיט דברי זכרון פון זקינו הרה"ח ר' ישראל שלום גאלדבערגער ע"ה וואס דאס ביהמ"ד איז נקראת על שמו. מען האט געענדיגט ארום 11:45.

ביים אנקומען אהיים האט דער רבי געמאכט קידוש לבנה פארנט פון ביתו נאוה קודש.

▫️ סאטמארע נייעס 🌴 ▫️

פרייטאג פרשת ויגש 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן.
- לבן הנולד אצל הר"ר משה אייזיק גראהמאן שליט"א ווי דער רבי איז געווען סנדק ומוהל.
- לבן הנולד אצל ר' יואל בר"מ ברודא הי"ו ווי דער רבי איז געווען סנדק ומוהל.
- לבן הנולד אצל ר' אהרן אליעזר בערנאטה הי"ו ווי דער רבי איז געווען סנדק.
- לבן הנולד אצל ר' אלימלך בר"ש קליין הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- ב"ר יואל בר"א סימאן הי"ו.
- ב"ר אלכסנדר נפתלי ברוינער הי"ו.
דערנאך האט דער רבי געצינדן 5 ליכט לרגל די יומדהל"ק פון הגה"ק בעל דברי יחזקאל משינאווא זיע''א.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.

▫️ סאטמארע נייעס 🌴 ▫️

דאנערשטאג פרשת ויגש 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף ברך משה. פארן דאווענען האט דער רבי געלייגט תפילין פארן בר מצוה בחור ב"ר חיים יוסף זאב גליק הי''ו.

ביים ליינען איז דער רבי געגאנגען הגבה. און נאכן דאווענען פארגעלערנט דעם טעגליכן תהילים שיעור אויף קאפיטל כ"ח פסוק ג'. דערנאך איז פארגעקומען א לחיים מיטן בר מצוה בחור בחדרו הפרטי.

אין די פארמיטאג שעות איז דער רבי געווען אויף א באזוך בבית אופה המהודרת דקהלתינו הק'.

דער רבי האט געדאווענט מנחה ארום 5:15 און מעריב ביים זמן ר"ת בביתו נאוה קודש. און פאר מעריב געצינדן 5 ליכט לרגל די הילולא קדישא פון הגה"ק בעל דברי יחזקאל משינאווא זיע''א.

נאך מעריב ארום 6:15 איז דער רבי אנגעקומען אינעם בנין הבית רחל 'בנין לאה אסתר' ווי דער רבי האט מעריך געווען שלחנו הטהור לרגל די הילולא קדישא אינאיינעם מיט תלמידי ישיבתינו הק' ישיבה גדולה ויואל משה פון ב"פ, דער רבי האט זיך געוואשן צום סעודה, במשך די סעודה האט מען געזינגען ניגוני התעורורות, און דער רבי האט מכבד געווען דער ראש ישיבה הגה"צ ר' חיים יעקב רובין שליט"א אבד''ק ציעשנוב צו פארציילן סיפורים פונעם בעל הילולא זיע''א.
דערנאך האט דער רבי משמיע געווען סיפורי קודש פונעם בעל הילולא פאר א לענגערע צייט.
מיט מכתם לדוד האט דער רבי מכבד געווען הרה''ג ר' דוד שלמה טייטלבוים שליט"א מנהל הישיבה.
דערנאך האט דער רבי ממשיך געווען און דערציילט עטליכע סיפורים פונעם בעל הילולא זי"ע און ארומגערעדט במשנתו פונעם בעל הילולא זיע''א און מסיים געווען בברכת קדשו.
מיט ברכת המזון האט דער רבי מכבד געווען הגה"צ אבד''ק ציעשנוב שליט"א. מען האט געענדיגט ארום 7:40.

זמני כניסה בקו''פ איז געווען פון 7:50 ביז 1:00 אויפדערנאכט בביתו נאוה קודש אויף איהעל קט.

ארום 10:10 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים הרה"ח ר' הערש אלימלך רובינפעלד הי"ו און הר"ר יוסף הערש בנעט שליט"א.

▫️ סאטמארע נייעס 🌴 ▫️

מיטוואך פרשת ויגש 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' שמעון ברב"מ לאנדא הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף ויואל משה. פארן דאווענען האט דער רבי געלייגט תפילין פאר די בר מצוה בחורים.
- בן הר"ר חנני' גאלדבערגער שליט"א.
- ב"ר מיכל מארקאוויטש הי"ו (לאנדאן).

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ח פסוק ב'. דערנאך איז פארגעקומען א לחיים מיט די בר מצוה בחורים בחדרו הפרטי.

נאכמיטאג איז דער רבי ארויף אין ישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי. און ארום 5:15 האט דער רבי געדאווענט מנחה אין ישיבה.

פארנאכטס האט דער רבי מסדר קידושין געווען ביי די חופה פון די מחותנים הרה"ח ר' יצחק בערנאטה הי"ו און הרה"ח ר' חיים נחום פישער הי"ו אין די זאלן פון כינור דוד.

זמני כניסה בקו''פ איז געווען פון 7:15 ביז 1:00 אזייגער אויפדערנאכט בביתו נאוה קודש אויף איהעל קט.

ארום 10:10 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים הרה"ח ר' יואל ברא"מ ווייס הי"ו און הרה"ח ר' משה ראטה הי"ו.

דער רבי האט געדאווענט מעריב ארום 11:40 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

דינסטאג ויגש 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף עצי חיים - שיעור ג'. פארן דאווענען האט דער רבי געלייגט תפילין פאר די בר מצוה בחורים.
- ב"ר דוד מויזקאפף הי"ו.
- ב"ר חנני יו''ט ליפא פריעדמאן הי"ו.
- ב"ר יצחק יקותיאל יהודה פריינד הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ח פסוק א'. דערנאך איז פארגעקומען א לחיים מיט די בר מצוה בחורים בהיכל הביהמ"ד.

ארום 12:00 איז דער רבי אנגעקומען צום מעמד יציקות הבורות אינעם מקוה טהרה החדש דקהלתינו הק' בשכונת דזשעפערסאן אין קרית יואל המורחבת, דער רבי האט געגאסן די בורות און מכבד הרה''ג ר' יואל פארקאש שליט"א און די נדבני המקוה תושבי השכונה צו גיסן די בורות, און דערביי האט דער רבי געהערט א באריכט פון די ועד המקואות דקהלתינו הק' איבער אלע איינריכטונגען און הידורים פונעם מקוה.

דערנאך איז דער רבי אריבער צום מסיבת לחיים אינעם דערנעבענדיגע ביהמ"ד עבודת אהרן, עס האט אויפגעטרעטן הרה"ג ר' בערל מרגליות שליט"א יו"ר ועד הרחבת גבולי העיר, און הרה"ג ר' יואל פארקאש שליט"א רב הביהמ"ד.
דער רבי האט געטרינקן לחיים און אנגעוואונטשן פאר אלע נדבנים און תושבי השכונה, דערביי האט זיך פארמירט א שיינע שמועס איבער די בלי און וואקוס פונעם געגענט.
אויך איז פארגעקומען א חתימת שטרות ווי הרה"ח ר' יעקב יודא גפן הי"ו מחשובי תושבי השכונה האט מנדב געווען א גרויסע סכום פאר מוסדות יטב לב בארה"ק, דער רבי האט אינטערגעשריבן די שטרות אינאיינעם מיטן נדבן און אים מאציל געווען מברכת קדשו.
דערנאך האט דער רבי משמיע געווען דב"ק איבער די חשיבות פון מנדב זיין געלט פאר א מקוה און פארציילט א מעשה פון הרה"ק המאור עינים זיע''א וועלכע האט פארקויפט זיין עולם הבא צו קענען בויען א מקוה און אויסגעפירט אז ווען מען גיבט געלט פאר א מקוה קויפט מען זיך דערמיט עולם הבא, דער רבי האט ארויסגעברענגט לשבח פון די תושבי השכונה וועלכע האבן זיך צוזאמגענומען צו בויען א מקוה וואס האט אפגעקאסט שווערע געלטער, און מסיים געווען מיט ברכות לרוב פאר אלע נדבנים און אנגעוואונטשן אז זיי זאלן אלע זוכה זיין צו עולם הבא און עולם הזה און כל מילי דמיטב.
מען האט געזינגען עטליכע ניגונים, מען האט געענדיגט ארום 12:30.

נאכמיטאג איז דער רבי ארויף אין ישיבה סניף קדושת יואל ווי דער רבי האט געלערנט מיט א חברותא מתלמידי הישיבה בחדרו הפרטי. און ארום 5:15 האט דער רבי געדאווענט מנחה אין ישיבה.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
אויפן וועג האט זיך דער רבי אפגעשטעלט אין מאנסי אויף א ביקור חולים באזוך ביי ידידו און לאנגיעריגע חברותא הגה"צ אבד''ק ראשית חכמה שליט"א, עס האט זיך פארצויגן א שיינע שמועס בסיפורי צדיקים און דער רבי האט ווארעם מאציל געווען מברכת קדשו.

ביים אנקומען אין וומסב''ג האט דער רבי מפאר געווען מלובש בבגדי שבת ביי די חופה פון נכדת הגה"צ אבד''ק מאנסי שליט"א באולם אימפעריעל ביי די חופה פון נכדת הגה"צ אבד"ק מאנסי שליט"א, דער רבי האט אויסגעווארט ביז נאך די חופה און ווארעם אנגעוואונטשן פארן חתן און מחותנים און פאר הגה"צ אבד''ק מאנסי שליט"א און זיך דערביי באגריסט מיט כ"ק אדמו"ר מוויזניץ וומסב''ג שליט"א.

זמני כניסה בקו''פ איז געווען פון 8:30 ביז 1:30 אויפדערנאכט בביתו נאוה קודש אויף היוז סט.

דער רבי האט געדאווענט מעריב ארום 11:45 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️