סאטמארע נייעס

דאנערשטאג ויקרא - ר"ח ניסן 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף ברך משה. דער רבי איז צוגעגאנגען צו הלל און ביים ליינען עולה געווען רביעי.

נאכן דאווענען האט דער רבי פארגעלערנט די ניינטע סוגיא שיעור אין די סוגיא פון מצוה עשה שהזמן גרמא אלץ הכנה צום שבת הגדול דרשה, און סוף ממשיך געווען מיט דברי הכנה לקראת יו"ט פסח הבעל"ט זיך צוצוגרייטן צום יו"ט פסח מיטן לערנען חסידישע ספרים, מען זאל נישט אריינפאלן אינעם סדר נאכט, נאר פארשטיין אלע מצות החג, און מעורר געווען אויסצוניצן די ימי בין הזמנים איבערצוחזר'ן די לימודים פון די זמן החורף און זיך צו פירן בהנהגה טובה וישרה ווי עס פאסט פאר א תלמיד הישיבה, און ארויסהעלפן אין שטוב לכבוד פסח וכו', און מסיים געווען בברכת קדשו פאר די חתנים וועלכע פארלאזן שוין די ישיבה, און פאר אלע תלמידי הישיבה.
דערנאך איז פארגעקומען א מסיבת לחיים לרגל סיום הזמן, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די רמ"י ותלמידי הישיבה.

אין די נאכמיטאג שעות איז געווען אויף א באזוך בקו''פ בביתו נאוה קודש הגה"צ ר' יהושע כ"ץ שליט"א אבד''ק מאגרוב, עס האט זיך פארצויגן א שיינע שמועס איבער פארשידענע שאלות בעניני כשרות און דערביי האט דער רב שליט"א אויסגעדריקט זיין התפעלות איבער די פילע חומרות והידורים אינעם מצה בעקעריי דקהלתינו הק' נאכן באקן היינט מצות אינעם בעקעריי, און דער רבי האט אים מאציל געווען מברכת קדשו.

אויך זענען אריין בקו''פ תלמידי ישיבה קטנה באבוב 45 פון ב"פ אינאיינעם מיט הרה"ג ר' אשר מנחם אייכנשטיין שליט"א חתן כ"ק אדמו"ר מבאבוב 45 שליט"א, דער רבי האט פארהערט די בחורים אויף די לימודים און משמיע געווען דב"ק חיזוק ללימוד התורה, און דערנאך זענען די בחורים אריבער מקבל זיין ברכת הקודש און דער רבי האט אנגעוואונטשן פאר הרה"ג ר' אשר מנחם שליט"א, און דערביי האט דער רבי ארויסגעברענגט לשבח פון חותנו האדמו"ר מבאבוב 45 שליט"א וועלכע טוט כסדר פארלערנען שיעורים בישיבתו, און געבעטן איבערצוגעבן א פריסת שלום וברכת מז"ט פאר חותנו האדמו"ר מבאבוב 45 שליט"א לרגל שמחת נשואי נכדיו למז"ט.

ארום 6:15 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יחזקאל שרגא גלאנץ הי"ו און הרה"ח ר' ליפא שעהנברוין הי"ו אין די זאלן פון כינור דוד.
- הרה"ח ר' יואל ברד"ל יאקאבאוויטש הי"ו און הרה"ח ר' שניאור זלמן גרינפעלד הי"ו אין די זאלן פון גינת קליין.
- הרה"ח ר' בערל טעללער הי"ו און הרה"ח ר' יונתן בלייער הי"ו אין די זאלן פון קרן ויואל משה.

נאך די חופה ביי אולם כינור דוד איז דער רבי אראפ אין ביהמ"ד בית מרדכי דקהלתינו הק' אויף א קביעות מזוזה לרגל דאס פארענדיגן פראכטפול איבערצובויען די מקוה און די חדרי התפילה, דער רבי האט קובע געווען א מזוזה און דערנאך ארום זיך אומקוקן אינעם גאנצן ביהמ"ד און אין די מקוה, און דערנאך אנגעוואונטשן ברכת קדשו פאר הרה"ג ר' שלום משה ליפשיץ שליט"א דומ"ץ הביהמ"ד און פאר די חברי הנהלה ומתפללי הביהמ"ד.

זמני כניסה בקו''פ איז געווען פון 9:00 ביז 12:45 אויפדערנאכט בביתו נאוה קודש אויף איהעל קט.

בעת די זמני כניסה זענען אריין בקו''פ חברי וועד קרן מלמדים שע"י מוסדותינו הק' וועלכע פארטיילן דעם ריזן סכום פון צען טויזענט דאלער פאר יעדע מלמד פון מוסדותינו הק' די בכל אתר ואתר בעת נשואי צאצאיהם.
הרה"ח ר' אהרן הערש מיטטעלמאן הי"ו יו"ר הקרן, האט איבערגעגעבן א באריכט פארן רבי'ן איבער די פעולות פונעם קרן מלמדים וועלכע האבן שוין פארטיילט דעם פאנטאסטישן סכום פון אריבער זעקס מיליאן דאלער במשך די פארגאנגענע אכט יאר וואס דער קרן שטייט שוין, און דערביי האט דער רבי ממנה געווען הרה"ח ר' לייב ב"ר שאול יחזקאל גאלדבערגער הי"ו פון קר"י צו דינען אלץ חבר הנהלת הקרן צו שטיין צו די הילף פון די ביז יעצטיגע הנהלה, און דער רבי האט ווארעם אנגעוואונטשן פאר הרה"ח ר' לייב הי"ו, פאר הרה"ח ר' אהרן הערש הי"ו, און פאר די אנדערע חברי הנהלה הר"ר ברוך שלמה וויינבערגער שליט"א ראש המנהלים קר"י, און הרה"ח ר' דוד יושע הירש הי"ו.

ארום 10:30 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים:
- הר"ר נפתלי הירצקא ברא"וו פריעדמאן שליט"א און הר"ר אשר אנשיל קארפען שליט"א.
- הרה"ח ר' שרגא חיים פעדער הי"ו און הרה"ח ר' יואל ברש"א בראך הי"ו.

דער רבי האט געדאווענט מעריב ארום 12:45.

מיטוואך ויקרא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן:
- לבן הנולד אצל הרה"ח ר' יואל קויפמאן הי"ו, משמש, ווי דער רבי איז געווען סנדק ומוהל.
- לבן הנולד אצל ר' שמחה ליכטענשטיין הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה גדולה סניף ויואל משה. פארן דאווענען האט דער רבי געלייגט תפילין פאר'ן בר מצוה בחור ב"ר אפרים העכט הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ט פסוק ג'. דערנאך איז פארגעקומען א לחיים מיטן בר מצוה בחור בחדרו הפרטי.

ארום 1:45 איז דער רבי אנגעקומען בהיכל המתיבתא סניף דברי יואל ווי דער רבי האט פארגעלערנט די אכטע סוגיא שיעור אין די סוגיא פון מצות עשה שהזמן גרמא אלץ הכנה צום שבת הגדול דרשה, מען האט געענדיגט ארום 2:35.

ארום 6:15 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' דניאל יונתן עג'מי הי"ו און הרה"ח ר' יואל ברא"א מאסרי הי"ו אין די זאלן פון כינור דוד.
- הרה"ח ר' ישראל חיים ווייזער הי"ו און הרה"ח ר' שרגא שטראה הי"ו אין די זאלן פון בית רחל פאראדייס.
- הרה"ח ר' אברהם גרין הי"ו און הרה"ח ר' יואל ברא"ש מייזעלס הי"ו אין די זאלן פון גינת קליין.

זמני כניסה בקו''פ איז געווען פון 8:15 ביז 12:15 אויפדערנאכט בביתו נאוה קודש אויף איהעל קט.

בעת די זמני כניסה איז אריין בקו''פ הגאון הגדול הדומ"ץ שליט"א וועלכע האט איבערגעגעבן א הערליכן גריס פאר רבינו שליט"א פון קהלתינו הק' אין אנטווערפען נאכן וויילן דארט פארגאנגענע שבת.

ארום 10:50 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים:
- הרה"ח ר' אברהם משה לעבאוויטש הי"ו און הרה"ח ר' נפתלי מארקאוויטש הי"ו.
- הרה"ח ר' יעקב יושע כהנא הי"ו און הרה"ח ר' משולם שמעי' פריעדמאן הי"ו.

דער רבי האט געדאווענט מעריב ארום 12:15.

▫️ סאטמארע נייעס 🌴 ▫️

דינסטאג ויקרא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' משה יודא בר"מ שפיטצער הי"ו ווי דער רבי איז געווען סנדק ומוהל.

דער רבי האט געדאווענט שחרית אין ביהמ"ד אמרי נועם בשכונת דברי יואל אינאיינעם מיט די תלמידי ישיבה גדולה סניף עסק התורה פון מאנסי בהנהלת הר"ר ישראל מרדכי זיידענפעלד שליט"א. פארן דאווענען האט דער רבי געלייגט תפילין פאר די בר מצוה בחורים.
- ב"ר שמעון ישראל ענגלענדער הי"ו.
- ב"ר פנחס איידליס הי"ו.
- ב"ר יואל בר"מ ברודא הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.
דערנאך איז דער רבי צוריק אריין בהיכל הביהמ"ד ווי דער רבי האט פארגעלערנט א סוגיא שיעור אין די סוגיא פון מצות עשה שהזמן גרמא, און מסיים געווען בברכת קדשו לרגל סיום הזמן.

ארום 1:50 איז דער רבי אנגעקומען בהיכל המתיבתא סניף קדושת יואל ווי דער רבי האט פארגעלערנט דעם זיבעטן סוגיא שיעור אין די סוגיא פון מצות עשה שהזמן גרמא אלץ הכנה צום שבת הגדול דרשה, מען האט געענדיגט ארום 2:30.

ארום 6:15 האט דער רבי געדאווענט מנחה בביתו נאוה קודש אויף צאנז קט.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
ביים אנקומען אין וומסב''ג איז דער רבי צו געפארן מנחם אבל זיין משפחת הרה"ח ר' יואל ברנ"י דאנא ע"ה.

זמני כניסה בקו''פ איז געווען פון 8:30 ביז 1:40 אויפדערנאכט בביתו נאוה קודש אויף היוז סט.

בעת די זמני כניסה איז פארגעקומען א כתיבת האותיות פאר די ספר תורה וואס ווערט געשריבן דורך הרה"ח ר' אהרן משה שלאגער הי"ו און ווערט אריינגעגעבן אין פלארידע, דער רבי האט אריינגעשריבן עטליכע אותיות געטרינקן לחיים און מאציל געווען מברכת קדשו.

אזוי אויך זענען אריין בקו"פ עטליכע חברי הנהלה און עסקני מוסדות יטב לב בארה"ק וואו מהאט אויסגעשמועסט פארשידענע פלענער וואס איז עומד על הפרק צו העלפן די הייליגע מוסדות וועלכע זענען אין גאר א גרויסן דעפיציט, רבינו שליט"א האט אויפגעפאדערט מ'זאל פראבירן מיט אלע כוחות מזאל שיקן גרויס געלט - אויסער די חודש'ליכע תמיכה פונעם אפיס - נאך פאר יו"ט, כדי מזאל קענען אויסצאלן די כלי קודש ברחבי ארה"ק, און האט מאציל געווען מברכת קדשו פאר די בעפארשטייענדע ברייטע פלענער צו שטעלן א יסוד בסיס פאר די הייליגע מוסדות.

דער רבי האט געדאווענט מעריב ארום 11:45 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

מאנטאג ויקרא 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף דברי יואל. ביים ליינען האט דער רבי עולה געווען שלישי. און נאכן דאווענען פארגעלערנט דעם טעגליכן תהילים שיעור אויף קאפיטל כ"ט פסוק ג'.

נאך שחרית איז דער רבי אריבער אין ביהמ"ד בנין אריאל אמסטערדאם ווי עס איז פארגעקומען א ברית לבן הנולד אצל ר' בנציון לעווי הי"ו ווי דער רבי איז געווען סנדק. נאכן ברית האט דער רבי געטרינקען לחיים און אנגעוואונטשן פארן בעל ברית ובני משפחתו.

ארום 1:45 איז דער רבי אנגעקומען בהיכל המתיבתא סניף קדושת יואל ווי דער רבי האט פארגעלערנט די זעקסטע סוגיא שיעור אין די סוגיא פון מצות עשה שהזמן גרמא אלץ הכנה צום שבת הגדול דרשה, מען האט געענדיגט ארום 2:45.

ארום 7:00 האט דער רבי געדאווענט מנחה בביתו נאוה קודש אויף צאנז קט.

ארום 8:30 איז דער רבי אריבער אין די זאלן פון קרן ויואל משה ווי עס איז פארגעקומען די יערליכע אסיפה דורך די חברה קדישא דקהלתינו הק', עס האט זיך פארצויגן א שיינע שמועס מיט הגאון הגדול הדומ"ץ שליט"א און די אנוועזנדע רבנים שליט"א, אזוי אויך האט דער דיין שליט"א - וואס האט זיך נארוואס אומגעקערט פון אנטווערפן - איבערגעגעבן פארן רבין א ווארימען פריסת שלום פונעם פשעווארסקער רבי שליט"א און פון קהלתינו הק' אין אנטווערפן וואו דער דיין שליט"א איז געווען אויף שבת פ' החודש.
דער רבי האט געטרינקן לחיים און אנגעוואונטשן פארן גאנצן ציבור, און משמיע געווען דב"ק איבער די חשיבות פון די ארבעט פון די חברה קדישא און מעורר געווען אלעס אנצופרעגן און זיך צו פירן מיט אלע פרטים לויט די הוראות פון די חשוב'ע רבני חברה קדישא ובראשם הגאון הגדול הדומ''ץ שליט"א, און מסיים געווען בברכת קדשו.

זמני כניסה בקו''פ איז געווען פון 8:45 ביז 12:15 אויפדערנאכט בביתו נאוה קודש אויף איהעל קט.

ארום 10:15 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים.
- הר"ר אליעזר ברי"ח גרינוואלד שליט"א און הר"ר חיים אליעזר דאווידאוויטש שליט"א.
- הרה"ח ר' משה העניך פריעדמאן הי"ו און הרה"ח ר' אברהם שמואל בלייך הי"ו.

דער רבי האט געדאווענט מעריב ארום 12:15.

▫️ סאטמארע נייעס 🌴 ▫️

זונטאג ויקרא 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- בן הרה"ג ר' מאיר יעקב מויזקאפף ז"ל.
- ב"ר זאב פריעדמאן הי"ו.
- ב"ר ישכר דוב ביקעל הי"ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

ארום 1:40 איז דער רבי אנגעקומען בהיכל המתיבתא סניף קדושת יואל ווי דער רבי האט פארגעלערנט די פינעפטע סוגיא שיעור אין די סוגיא פון מצות עשה שהזמן גרמא אלץ הכנה צום שבת הגדול דרשה, מען האט געענדיגט ארום 2:45.

ארום 6:45 האט דער רבי געדאווענט מנחה בביתו נאוה קודש אויף צאנז קט.

זמני כניסה בקו''פ איז געווען פון 8:45 ביז 12:30 אויפדערנאכט בביתו נאוה קודש אויף איהעל קט.

ארום 10:50 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים.
- הרה"ח ר' יואל ברמ"ד אקערמאן הי"ו און הרה"ח ר' מאיר מרדכי בודק הי"ו.
- הרה"ח ר' יצחק טאמבור הי"ו און הרה"ח ר' יואל ברח"ב פילעפף הי"ו.

דער רבי האט געדאווענט מעריב ארום 12:30.

▫️ סאטמארע נייעס 🌴 ▫️

שב''ק פרשת ויקה"פ - שבת החודש - מבה"ח ניסן 'בצל הקודש' פון כ''ק רבינו הגה''ק שליט''א

פארן זמן הדלקה"נ האט דער רבי אנגעטוהן די שטריימל פאר די חתנים:
- החתן יחיאל שלמה ב"ר משה חיים פריעדמאן הי"ו.
- החתן מרדכי ב"ר יחזקאל שרגא גלאנץ הי"ו.

פרייטאג צונאכטס ארום 7:35 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הר"ר מאיר משה מאשקאוויטש שליט"א. מען האט געענדיגט ארום 9:15. דער ציבור איז אריבער זאגן גוט שבת און דער רבי איז אהיים לביתו נאוה קודש.

ארום 10:05 איז דער רבי אריינגעקומען צום שלחן הטהור בהיכל המתיבתא אינאיינעם מיט די תלמידי הישיבה, און אנגעהויבן כדרכו בקודש שלום עליכם ברגש ובנעימה.
- אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א.
- הגבהת הכוס: הרה"ח ר' יואל ישראל וואגשאהל הי"ו (מאנסי).
- כל מקדש: הרה"ח ר' מאיר סימאן הי"ו.
- מנוחה ושמחה: הר"ר שמעון גרין שליט"א (ב"פ).

דער רבי האט געזאגט תורה אויפן פסוק 'ויקהל משה את כל עדת בני ישראל' און געטייטשט בדרך דרוש אין די סוגיא פון עשה דוחה לא תעשה.

- קה אכסוף: הרה"ח ר' יואל ישראל וואגשאהל הי"ו.
- ברכת המזון: חדב"ן הגה"צ רב דביהמ"ד אהל פיגא שליט"א.

עובדות וסיפורים די וואך האט רבינו שליט''א דערציילט פון הגה''ק רבי יוסף שאול נאטאנזאהן זצ"ל בעמח"ס שואל ומשיב וואס די יארצייט געפאלט מאנטאג כ"ז אדר.

- קה רבון עלם: הרה"ח ר' יעקב ברוין הי"ו (ירושלים).
די פרישע חתנים זענען אריבער נעמען פירות.
- אז ביום השביעי: הרה"ח ר' יודא טרייטל פרענקל הי"ו (וומסב''ג).
מען האט געענדיגט ארום 12:55.

וביום השבת

שב''ק אינדערפרי איז דער רבי אריינגעקומען צום דאווענען ארום 9:35.
- ברכות: הרה"ח ר' אברהם הערש שעהר הי"ו.
- פסוקי דזמרה: הרה"ג ר' בערל גלאנץ שליט"א מבארדיוב.
דער רבי איז צוגעגאנגען צו שחרית ויוצר, און מען האט געזינגען ביי מכלכל חיים און ממקומך כנהוג.

- הוצאה והכנסה: הרה"ח ר' חיים וואלף ווינקלער הי"ו (מאנסי), און הרה"ח ר' שמואל יודא קליין הי"ו.
- פסוקי שמע ישראל: הרה"ג ר' דוד הירש שליט"א מו"ץ בקהלתינו הק' וומסב''ג.
עליות:
- כהן: החתן יחיאל שלמה ב"ר משה חיים פריעדמאן הי"ו - באווארפען.
- לוי: החתן משה בהר"ר אלעזר מערמלשטיין שליט"א.
- שלישי: החתן בהר"ר יעקב יצחק ווינקלער שליט"א.
- רביעי: החתן ב"ר ירוחם פישל חיים ריספלער הי"ו.
- חמישי: החתן בן הרה"ג ר' דוד הירש שליט"א.
- שישי: הר"ר אשר פארקאש שליט"א (מאנסי).
- שביעי: הרה"ח ר' ירוחם פישל חיים ריספלער הי"ו (וומסב''ג).
- אחרון - חזק: החתן מרדכי ב"ר יחזקאל שרגא גלאנץ הי"ו - באווארפען.
- הגבה אויפן ערשטן ספר: החתן נפתלי הירצקא בן הר"ר מאיר משה מאשקאוויטש שליט"א.
- גלילה: הרה"ח ר' אפרים פישל פריעד הי"ו.
- מפטיר - קריאת פרשת החודש: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- הר"ר יואל ברש"ד מארקאוויטש הי"ו.
- ר' יעקב דוב קויפמאן הי"ו.
- ר' גדלי' דוד זאלדאן הי"ו.
- ר' יוסף מענדל כ"ץ הי"ו.
- ר' משה יעקב אהרן בר"י בוקסבוים הי"ו.
- ר' יואל ברי"ב פערל הי"ו.

- הגבה אויפן צווייטן ספר: הרה"ח ר' זלמן לייב קליין הי"ו (לאנדאן).
- גלילה: הרה"ח ר' ישראל ברא"ש שווארטץ הי"ו.

נאכן ליינען האט רבינו שליט"א ראש חודש געבענטשט מיט גרויס התעורורות.

צו תפילת מוסף איז דער רבי צוגעגאנגען לכבוד שבת החודש, און מען האט געזינגען ביי די פיוטים כנהוג.
- פתיחה צו אנעים זמירות: הרה"ח ר' אברהם יעקב פריעד הי"ו.
מען האט געענדיגט ארום 1:05.

רעוא דרעווין

דער רבי איז אריינגעקומען צו תפילת מנחה ארום 7:35.
- בעל תפילה: הרה"ח ר' יעקב בר"ח פארקאש הי"ו.
- הוצאה והכנסה: הרה"ח ר' יעקב ברוין הי"ו.
- כהן: הרה"ח ר' חיים ישעי' גראס הי"ו (וומסב''ג).
- לוי: הר"ר אלעזר מערמלשטיין שליט"א.
- שלישי: הרה"ח ר' יעקב מיטטעלמאן הי"ו.
- הגבה: רבינו שליט''א.
- גלילה: הרה"ח ר' יואל קויפמאן הי"ו - משמש.

זמירות ביי של"ס האט דער רבי מכבד געווען.
- אודה הרה"ח ר' נח גפן הי"ו.
- שיר המעלות: הרה"ח ר' משה גאלדשטיין הי"ו.

דער רבי האט געזאגט תורה אויף די קריאה פון פרשת החודש 'ראשון הוא לכם לחדשי השנה' און געטייטשט די חשיבות און כח פון א דיבור פון א איד און ווי שטארק מען דארף נזהר זיין עס נאר צו ניצן אויף גוטע זאכן און נישט ח"ו אויף צו רעדן שקרים וכו', און דאס איז א הכנה צום יו"ט פסח ווען מען גרייט זיך צו מקיים זיין מצות סיפור יציאת מצרים מיטן מויל און אזוי אויך מצות אכילת מצה, במילא דארף מען שטארק אבאכט געבן צו האלטן דאס מויל זויבער.

- ידיד נפש: הרה"ג ר' מאיר צוויבל שליט"א מרבני קהלתינו וומסב''ג.
- קל מסתתר: הרה"ח ר' אהרן מאשקאוויטש הי"ו.
- שושנת יעקב: הרה"ח ר' זלמן לייב קליין הי"ו (לאנדאן).
דער רבי האט געבענטשט על הכוס און שבע ברכות.

- מעריב מוצש''ק: הרה"ח ר' חיים יאקאב הי"ו.
נאך הבדלה איז דער ציבור אריבער זאגן א גוטע וואך.
מען האט געענדיגט ארום 9:55.

ארום 11:45 איז דער רבי אריבער אויף קביעות מזוזה אין די נייע אפיסעס פון די RCCS ארגענעזאציע אין די ביזנעס סענטער, דער רבי האט קובע געווען א מזוזה אויפן הויפט אריינגאנג און דערנאך אריין זיך אומקוקן אויף די אפיסעס און געהערט א באריכט פון די הנהלה.
דערנאך איז פארגעקומען א מסיבת לחיים, עס האט אויפגעטרעטן הרה"ח ר' הערשל קאהן הי"ו מייסד ומנהל המוסד.
דאן האט דער רבי משמיע געווען דב"ק מיט שטארקע דברי התחזקות פאר די עסקנים וועלכע געבן זיך אוועק לטובת די פילע חולי ישראל אין אלע אפיסעס איבער די גאנצע וועלט, און ארויסגעברענגט אז אונזער ארבעט איז צו טוהן וויפיל מען קען און הקב"ה וועט העלפן מען זאל מצליח זיין צו אויסהיילן די חולי ישראל, און מסיים געווען בברכות לרוב פארן מייסד הרה"ח ר' הערשל הי"ו און אלע עוסקים במלאכת הקודש.
דערנאך האט דער רבי געטרינקען לחיים און מאציל געווען מברכת קדשו.

דערנאך ארום 12:15 איז דער רבי אנגעקומען אין שטוב פון מרת ריספלער תחי' אלמנת הרה"ח ר' מאיר זעליג ע"ה אויף א מסיבת לחיים לרגל שמחת נשואי נכדתה החתן בן לבנה הרבני הנגיד ר' ירוחם פישל חיים הי"ו, עס האט זיך פארצויגן א שיינע שמועס איבער דעם פארצייטישן מנהג פון עסן טעג ביי בעלי בתים אין דער אלטער היים, און אזוי אויך איבער די נייע תקנות חתונה זאל גינת אסתר וואס די חשובע משפחה האט אויפגעבויעט לשם ולתפארת, און מחיל אל חיל די נייע שמחה זאלן פאר קלענערע שמחת בבנין הבית רחל בנין ריספלער החדש ההולך ונבנה, די דריטע בנין ריספלער בתוככי' מבצר הבית רחל אין וומסב"ג, און איבער דעם שווערען פראבלעם פון דירות איבעראל ובפרט אין וומסב"ג.
דער רבי האט געטרינקן לחיים און ווארעם אנגעוואונטשן פארן חתן, מחותנים, זיידעס, און די גאנצע משפחה, אויפן וועג ארויס האט דער רבי עקסטער אנגעוואונטשן פאר די כלה און פאר מרת ריספלער תחי'.

פון דארט ארום 12:45 איז דער רבי אריבער אויף קביעות מזוזה אין די נייע איבערגעבויעטע 'דרייוו גודס' געשעפט אין קר"י, דער רבי האט קובע געווען א מזוזה אויפן הויפט אריינגאנג און דערנאך אריין און זיך אומגעקוקט אינעם גאנצן געשעפט, צווישן אנדערע אין די 'לבושי כבוד' אפטיילונג, און דערביי געהערט א באריכט פונעם בעה"ב הרה"ח ר' יואל אלי' שווארטץ הי"ו און פון הרה"ח ר שלמה זלמן ווייס הי"ו אדמיניסטראטער פון די מוסדות הק' איבער די געוואלדיגע הצלחה פון די צניעות'דיגע מלבושים ביי די תלמידות בית רחל.
דערנאך איז פארגעקומען א מסיבת לחיים, עס האט זיך פארצויגן א שיינע שמועס, דער רבי האט געטרינקן לחיים און אנגעוואונטשן פארן בעה"ב הרה"ח ר' יואל אלי' הי"ו, פאר די ארבעטערס פונעם געשעפט, און פארן גאנצן ציבור.

▫️ סאטמארע נייעס 🌴 ▫️

דאנערשטאג ויקה"פ 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' ישעי' בער לעווי הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף ברך משה. פארן דאווענען האט דער רבי געלייגט תפילין פאר די בר מצוה בחורים.
- ב"ר משה אפרים פישל טייטלבוים הי"ו.
- ב"ר לוי יצחק געשטעטנער הי"ו.

ביים ליינען איז דער רבי געגאנגען הגבה, און נאכן דאווענען פארגעלערנט דעם טעגליכן תהילים שיעור אויף קאפיטל כ"ט פסוק ד'. דערנאך איז פארגעקומען א לחיים מיט די בר מצוה בחורים בחדרו הפרטי.

ארום 1:40 איז דער רבי אנגעקומען בהיכל המתיבתא סניף קדושת יואל ווי דער רבי האט פארגעלערנט דעם פערטן סוגיא שיעור אין די סוגיא פון מצות עשה שהזמן גרמא אלץ הכנה צום שבת הגדול דרשה, מען האט געענדיגט ארום 2:30.

דערנאך איז דער רבי אריבער צום דערנעבנדיגן בנין הישיבה ווי די בחורים זענען עוסק צו מאלן ווייץ לקראת חג הפסח הבעל"ט, מען האט געזינגען ניגוני התעוררות, און דערנאך האט דער רבי עוסק געווען בטירחא דגופא פאר א לענגערע צייט און געמאלן ווייץ לשם מצות מצוה ברוב עם. דערנאך האט מען ממשיך געווען מיט ניגוני שמחה, מען האט געענדיגט ארום 2:50.

ארום 6:15 האט דער רבי געדאווענט מנחה בביתו נאוה קודש אויף צאנז קט.

זמני כניסה בקו''פ איז געווען פון 8:30 ביז 12:30 אויפדערנאכט בביתו נאוה קודש אויף איהעל קט.

ארום 10:30 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים:
הרה"ח ר' יעקב יוסף האפפמאן הי"ו און הרה"ח ר' חיים אלי' פעלבערבוים הי"ו.
הרה"ח ר' יואל סופר הי"ו און הרה"ח ר' יואל ברש"מ עקשטיין הי"ו.

בעת די זמני כניסה איז פארגעקומען א מסיבת לחיים בקו''פ לרגל התחלת כתיבת ספר תורה וואס ווערט געשריבן דורך הרה"ח ר' אברהם לייב פעלבערבוים הי"ו ובני משפחתו, דער רבי האט געטרינקן לחיים און מאציל געווען מברכת קדשו, און ארויסגעברענגט די חשיבות פון מצות כתיבת ספר תורה.

דער רבי האט געדאווענט מעריב ארום 12:30.

▫️ סאטמארע נייעס 🌴 ▫️

מיטוואך ויקה"פ 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף ויואל משה. נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ט פסוק ד'.

ארום 1:40 איז דער רבי אנגעקומען בהיכל המתיבתא סניף קדושת יואל ווי דער רבי האט פארגעלערנט די דריטע סוגיא שיעור אין די סוגיא פון מצות עשה שהזמן גרמא אלץ הכנה צום שבת הגדול דרשה, מען האט געענדיגט ארום 2:45.

ארום 6:15 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הר"ר מאיר משה מאשקאוויטש שליט"א און הרה"ח ר' ישראל ברא"ש שווארטץ הי"ו אין די זאלן פון כינור דוד.
- הרה"ח ר' יודא טרייטל פרענקל הי"ו און הרה"ח ר' ירחמיאל שפערבער הי"ו אין די זאלן פון בית רחל פאראדייס.
- הרה"ח ר' פישל ריספלער הי"ו און הרה"ח ר' בנימין ארי' לייבוש הירש הי"ו אין די זאלן פון גינת קליין.

זמני כניסה בקו''פ איז געווען פון 8:20 ביז 12:30 אויפדערנאכט בביתו נאוה קודש אויף איהעל קט.

בעת די זמני כניסה זענען אריין בקו''פ חברי הנהלה פון די RCCS ארגעניזאציע מקבל זיין ברכת הקודש לרגל דאס עפענען א נייעם אפיס אין קר"י, עס האט זיך פארצויגן א שיינער שמועס איבער די פילע פעולות פון די ארגענעזאציע לטובת די פילע חולי ישראל רח"ל און דער רבי האט ווארעם אנגעוואונטשן פאר הרה"ח ר' הערשל קאהן הי"ו - מייסד ומנהל המוסד, און פאר אלע חברי הנהלה.

ארום 10:20 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים.
- הר"ר מענדל ווייס שליט"א און הרה"ח ר' שלמה יעקב ניישטאדט הי"ו.
- הרה"ח ר' חיים בעריש שפילמאן הי"ו און הרה"ח ר' משה יעקב ווערצבערגער הי"ו.

דער רבי האט געדאווענט מעריב ארום 11:15 און דערנאך ממשיך געווען אויפנעמען דעם ציבור.

▫️ סאטמארע נייעס 🌴 ▫️

דינסטאג ויקה"פ 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף עצי חיים שיעור ג'. פארן דאווענען האט דער רבי געלייגט תפילין פאר די בר מצוה בחורים.
- בן הרב יצחק אייזיק כהנא הי"ו.
- ב"ר משה סרוגא הי"ו.
- ב"ר יואל קליין הי"ו.
דערנאך האט דער רבי געצינדן לעכט לרגל די הילולא קדישא פון הרה''ק הרבי ר' אלימלך מליזענסק זיע''א.

פאר קדיש האט דער רבי געזאגט די תפילה קודם התפילה פונעם הרה''ק הרבי ר' אלימלך זיע''א בבכיות עצומות א לענגערע צייט.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ט פסוק ד'. דערנאך איז פארגעקומען א לחיים מיט די בר מצוה בחורים בהיכל הביהמ"ד.

ארום 1:45 איז דער רבי אנגעקומען בהיכל המתיבתא סניף קדושת יואל ווי דער רבי האט פארגעלערנט די צווייטע סוגיא שיעור אין די סוגיא פון מצות עשה שהזמן גרמא אלץ הכנה צום שבת הגדול דרשה, מען האט געענדיגט ארום 2:40.

דערנאך איז דער רבי אריבער אויף די וועכענטליכע באזוך אינעם בית השחיטה המהודרת.

ארום 6:10 האט דער רבי געדאווענט מנחה בביתו נאוה קודש, פאר מנחה האט דער רבי געצינדן לעכט לרגל די הילולא קדישא פונעם הייליגן רבי ר' אלימלך זיע''א.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
ביים אנקומען אין וומסב''ג ארום 8:00 איז דער רבי אריבער אויף א קביעת מזוזה ביי די נייע לאקאציע פון 'העריטידזש זילבער' אינעם דאבעליו מאלל, אונטער די אייגנטומערשאפט פון הרה"ח ר' אברהם יושע גלאנץ הי"ו און ר' וואלף מענדלאוויטש הי"ו, דער רבי האט קובע געווען א מזוזה אויפן הויפט אריינגאנג און דערנאך אריין און זיך אומגעקוקט אויפן גאנצן געשעפט.
דער רבי האט געטרינקן לחיים און אנגעוואונטשן פאר די בעלי בתים פונעם געשעפט, פאר הרבני הנגיד ר' אברהם יודא מאנדעל הי"ו בעה"ב פונעם מאלל, און פאר אלע אנוועזנדע.

זמני כניסה בקו''פ איז געווען פון 8:30 ביז 12:30 אויפדערנאכט בביתו נאוה קודש אויף היוז סט.

בעת די זמני כניסה איז פארגעקומען א מסיבת לחיים לרגל שמחת נשואין פון החתן בן הרה"ג ר' נפתלי הירצקא צוויבל שליט"א ראה"כ, עב"ג הכלה בת הר"ר שמואל דוד הורוויץ שליט"א, עס האט זיך פארצויגן א שיינע שמועס און דער רבי האט אנגעוואונטשן פארן חתן און מחותנים.

דער רבי האט געדאווענט מעריב ארום 11:00 דערנאך ממשיך געווען אויפנעמען דעם ציבור.

נאך די זמני כניסה ארום 12:40 איז דער רבי אריבער אין שטוב פון הרה"ג ר' מאיר האלברשטאם שליט"א רב דביהמ"ד קשאנוב ומו"ץ בקהלתינו הק' וומסב''ג, אויף א מסיבת לחיים לרגל שמחת נשואי בתו למז"ט, עב"ג החתן בן הרה"ג ר' אהרן יקותיאל פריעדמאן שליט"א חבר ביד"ץ דקרית יואל.
עס האט זיך פארצויגן א שיינער שמועס בסיפורי צדיקים לבית צאנז, דער רבי האט געטרינקן לחיים און מאציל געווען מברכת קדשו. דערנאך ארום 1:10 איז דער רבי אהיימגעפארן קיין קר"י.

▫️ סאטמארע נייעס 🌴 ▫️