Satmara Niyes

פרייטאג ערש''ק שופטים ב' דר"ח אלול 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' יעקב בר"ש גליק הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה קטנה סניף אבני צדק בהנהלת הרה''ג ר' חיים אליעזר דאווידאוויטש שליט"א.
ביים אנקומען אין ישיבה האבן אפגעווארט אינדרויסן די קלענערע קינדער וועלכע זענען סטאנציענירט אינעם בנין הישיבה קטנה, דערנאך איז דער רבי אריין בהיכל הישיבה און זיך אומגעקוקט אויף די לימודים.
פארן דאווענען האט דער רבי געלייגט תפילין פאר די בר מצוה בחורים.
- ב"ר יואל ב"ר אהרן זילבערשטיין הי"ו.
- ב"ר יואל ב"ר שלמה ראובן ג'ברא הי"ו.

דער רבי איז צוגעגאנגען צו הלל.
נאך ברכו נפשי האט מען געזאגט לדוד ה' אורי וישעי, כנהוג.
ביים ליינען האט דער רבי עולה געווען רביעי.

נאכן דאווענען דער רבי האט געבלאזן שופר און געזאגט צען קאפיטלעך תהילים כנהוג אום חודש אלול.

דערנאך איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די בר מצוה בחורים רמ"י ותלמידי הישיבה, און משמיע געווען דב"ק אז מען דארף האבן א זכי' צו קענען נתעורר ווערן לתשובה פון תקיעת שופר און דאס קען מען צוקומען דורך לימוד התורה, און מעורר געווען די בחורים אויסצוניצן חודש אלול צו איבערחזר'ן די לימודים פון א גאנץ יאר, און מסיים געווען בברכת קדשו.

▫️ סאטמארע נייעס 🌴 ▫️

דאנערשטאג שופטים - א' דר"ח אלול 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' משה הערשקאוויטש הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה קטנה סניף ישמח משה בהנהלת הר"ר אברהם הערש זאלדאן שליט"א. פארן דאווענען האט דער רבי געלייגט תפילין פאר די בר מצוה בחורים.
- ב"ר יואל ב"ר אהרן וויינבערגער הי"ו.
- ב"ר יעקב יושע קליין הי"ו.

דער רבי איז צוגעגאנגען צו הלל און ביים ליינען עולה געווען רביעי.

נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די בר מצוה בחורים, רמ"י ותלמידי הישיבה, און משמיע געווען דב"ק אז לימוד התורה איז די בעסטע מליץ יושר ביים יום הדין און דאס איז די פאסיגסטע הכנה חודש אלול, און מסיים געווען בברכת קדשו.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' ישראל שלום אונגאר הי"ו און הרה"ח ר' שלמה הערש בר"ד עקשטיין הי"ו אין די זאלן פון בית רחל פאראדייס.
- הרה"ח ר' אברהם ישראל הערשקאוויטש הי"ו און הרה"ח ר' בעריש פעלדמאן הי"ו אין די זאלן פון גינת קליין.

צווישן די חופות איז דער רבי אריבער אין שטוב פון הרה"ח ר' אברהם ווידער הי"ו צום יערליכע מסיבה לטובת מוסד רב טוב להצלת פליטי איראן און אוקריינע, עס האט זיך פארמירט א שמועס איבער די לעצטיגע פעולות לטובת די פליטים, דער רבי האט געטרינקן א לחיים און אנגעוואונטשן פאר הרה"ח ר' אברהם הי"ו און פאר די אנדערע חברי הנהלה.

ארום 8:20 האט דער רבי געדאווענט מנחה בביתו נאוה קודש אויף איהעל קט.
דערנאך איז געווען זמני כניסה ביז 12:40 אויפדערנאכט בביתו נאוה קודש.

ארום 9:30 איז דער רבי אראפ אין די תנאים זאלן בביתו נאוה קודש ווי דער רבי האט געליינט די תנאים פון די מחותנים.
- הרה"ח ר' יחיאל אלטר טויב הי"ו און הרה"ח ר' אברהם מאיר עקשטיין הי"ו.
דערנאך איז דער רבי אריין צו די תנאים פון די מחותנים, הרה"ח ר' נפתלי הירצקא שטיין הי"ו און הרה"ח ר' שמואל מרדכי שטיין הי"ו, דער רבי האט געלייענט די תנאים און דערנאך געטרינקן לחיים און מאציל געווען מברכת קדשו.

בעת די זמני כניסה איז אריין בקו''פ הרה"ג ר' לוי יצחק גרינבערג שליט"א אב"ד מיהאלאוויץ לעיקוואד, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

דער רבי האט געדאווענט מעריב ארום 12:40.

▫️ סאטמארע נייעס 🌴 ▫️

מיטוואך שופטים 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן.
- לבן הנולד אצל ר' ליפא ברש"ל וויינבערגער הי"ו ווי דער רבי איז געווען סנדק ומוהל.
- לבן הנולד אצל ר' חיים יעקב לעבאוויטש הי"ו ווי דער רבי איז געווען סנדק ומוהל.
- לבן הנולד אצל ר' יעקב בר"ל פאלקאוויטש הי"ו (וומסב''ג) ווי דער רבי איז געווען סנדק ומוהל.

דער רבי האט געדאווענט שחרית אין ישיבה גדולה סניף ויואל משה. פארן דאווענען האט דער רבי געלייגט תפילין פאר די בר מצוה בחורים.
- ב"ר חיים יחזקאל לאזאר הי"ו.
- ב"ר יעקב פעלדמאן הי"ו.
- ב"ר יעקב חיים פאללאק הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל ל"ב פסוק ב'.

ארום 1:00 איז דער רבי אריינגעקומען אין ביהמ"ד צו אמירת יום כיפור קטן כנהוג אום ער"ח אלול, און געזאגט מיט א שטארקע התעוררות ובכי בפרט ביי אמירת ווידוי דרבינו נסים.
- בעל תפילה: הגה"צ ר' מאיר צוויבל שליט"א - ר"מ בישיבה.
מען האט געענדיגט ארום 1:45.

ארום 3:00 איז דער רבי אנגעקומען אינעם טהרה שטיבל בבית החיים דקרית יואל און מנחם אבל געווען האחים האדמורי"ם מקשאנוב שליט"א היושבים ע"פ אמם הרבנית מקשאנוב ע"ה, עס האט זיך פארצויגן א שיינע שמועס בסיפורי ומנהגי בית צאנז און דער רבי האט געוואונטשן ברכת תנחומין.

נאכמיטאג איז פארגעקומען די שמחת הכנסת ס''ת דורך תלמידי המתיבתא סניף ויואל משה לע"נ הב' יהודה ע"ה בהר"ר אלי' זאב יאקאב שליט"א פון בני ברק ממציוני תלמידי הישיבה.

ארום 4:50 האט דער רבי ארויסגעפירט די ס''ת פון ביתו נאוה קודש, דער רבי האט געטאנצן מיטן ס''ת בביתו נאוה קודש עטליכע מינוט און דערנאך ארויסגעפירט די ס''ת לרחובה של עיר און געטאנצן אינטער די חופה פאר עטליכע מינוט, און דערנאך אהיים לביתו נאוה קודש.

ארום 6:40 איז דער רבי ארויף להיכל המתיבתא סניף ויואל משה צום הכנס"ת, דער רבי האט איבערגענומען די ס''ת און אפגעראכטן די ריקודי קודש כנהוג, און דערנאך מכבד געווען הגאון הגדול הדומ"ץ שליט"א, די בני המשפחה און די חברי הנהלת המתיבתא צו טאנצן, און דערנאך פארגעזאגט לדוד מזמור כנהוג. און דערנאך געדאווענט מנחה בהיכל הביהמ"ד. מען האט געענדיגט ארום 7:15.

זמני כניסה בקו''פ איז געווען פון 8:30 ביז 1:50 אויפדערנאכט בביתו נאוה קודש אויף איהעל קט.

ארום 9:20 איז דער רבי אראפ אין די תנאים זאלן בביתו נאוה קודש ווי דער רבי האט געליינט די תנאים פון די מחותנים.
- הרה"ח ר' יואל ברי"מ דייטש הי"ו און הרה"ח ר' יקותיאל אלי' אייגנער הי"ו.
- הרה"ח ר' מרדכי יושע לאנדא הי"ו און הרה"ח ר' ישראל ארי' האללענדער הי"ו.
- הרה"ח ר' ברוך יוסף ברוין הי"ו און הרה"ח ר' דוד בלום הי"ו.

בעת די זמני כניסה זענען אריין בקו''פ א קבוצה דעוועלאפער'ס בעלי בתים וועלכע פארמאגן אין זייער באזיץ הונדערטער אקער לאנד אין מאנטיסעלא מיטן פלאן צו בויען אין די קומענדיגע יארן קרוב צו דרייצן טויזענט דירות! און האלטן שוין אין די לעצטע פאזעס פון באקומען פערמיטן צו בויען די ערשטע עטליכע טויזענט דירות פאר ביליגע פרייזן פאר חרדי'שע אידן, דער רבי האט א לענגערע צייט אויסגעשמועסט און איבערגעגאנגען פילע דעטאלן איבער די מאסיווע פלענער און גאר ווארעם מאציל געווען מברכת קדשו.

דער רבי האט געדאווענט מעריב ארום 12:50 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

דינסטאג שופטים 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' חיים הערש פישער הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה גדולה סניף עצי חיים - שיעור ג'.
נאכן דאווענען האט דער רבי פארגעלערנט א תהילים שיעור אויף קאפיטל ל"ב פסוק ב'.

אין די פארמיטאג שעות איז דער רבי געווען אויף די וועכענטליכע באזוך אינעם בית השחיטה המהודרת.

ארום 5:30 איז דער רבי אנגעקומען בהיכל המתיבתא סניף ויואל משה צום מעמד סיום כתיבת ספר תורה וואס איז אריינגעגעבן געווארן דורך די תלמידי הישיבה, לע"נ הב' יודא ע"ה בהר"ר אלי' זאב יאקאב שליט"א פון בני ברק - ממציוני תלמידי הישיבה.
מען האט געזינגען ניגוני התעוררות און הבה"ח שאול ב"ר אלימלך בראך ני"ו האט פארגעזינגען חרוזים לכבוד המעמד.
דער רבי האט אריינגעשריבן די לעצטע אותיות אינעם ספר תורה, און מען האט ממשיך געווען בנגוני התעוררות.
דער רבי האט געטרינקן לחיים און אנגעוואונטשן פאר הגאון הגדול הדומ"ץ שליט"א, פאר הר"ר אלי' זאב יאקאב שליט"א און די רמ"י ותלמידי הישיבה, און משמיע געווען דב"ק און ארויסגעברענגט לשבח פון די תלמידי הישיבה וועלכע האבן זיך אנגעשטרענגט בטירחא דגופא ובטירחא דממונא און געשריבן א ספר תורה פאר א חבר מתלמידי הישיבה וואס איז א גרויסע זאך פאר די נשמה, ובפרט פאר איינער וואס האט נישט איבערגעלאזט קיין קינדער, בראשית איז די אותיות ב' ראשית וואס גייט ארויף אויף די צוויי תורות, תורה שבכתב און תורה שבע"פ, תורה שבכתב האט מען שוין מקיים געווען, און מעורר געווען אויסצוניצן די לעצטע חודש ביז סוף זמן צו חזרן די תורה שבע"פ, די לימודי הישיבה במסכת בבא בתרא, או מסיים געווען בברכת קדשו,

דערנאך איז דער רבי געגאנגען הגבה און געטאנצן מיטן אפענעם ספר תורה פאר א לענגערע צייט, הר"ר אלי' זאב יאקאב שליט"א איז געגאנגען גלילה, לבישת החגורה: הרה"ח ר' דוד שמואל גאלדבערגער הי"ו, לבישת המענטעלע: הר"ר אהרן יקותיאל בערקאוויטש שליט"א, נתינת הכתר: הרה"ח ר' יואל דוד שווארטץ הי"ו - חברי הנהלת המתיבתא.
דערנאך האט זיך דער רבי ארויסגעלאזט אין א פייערליכע טאנץ מיטן ספר תורה א לענגערע צייט, און דערנאך מכבד געווען דער דיין שליט"א צו טאנצן מיטן ספר תורה און דערנאך ממשיך געווען מיט די ריקודין.
מען האט געענדיגט ארום 6:20,
נאך עטליכע מינוט איז דער רבי אריינגעקומען צו תפילת מנחה בהיכל הביהמ"ד.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
זמני כניסה בקו''פ איז געווען פון 8:20 ביז 12:20 אויפדערנאכט בביתו נאוה קודש אויף היוז סט.

דער רבי האט געדאווענט מעריב ארום 11:20 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

מאנטאג שופטים 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן.
- לבן הנולד אצל ר' חיים יושע כ"ץ הי"ו ווי דער רבי איז געווען סנדק ומוהל.
- לבן הנולד אצל ר' יואל ברי"מ פריעדמאן הי"ו (וומסב''ג) ווי דער רבי איז געווען סנדק ומוהל.
- לבן הנולד אצל ר' שלמה זלמן ברילל הי"ו (וומסב''ג) ווי דער רבי איז געווען סנדק.
- לבן הנולד אצל ר' יחזקאל יחיאל מיכל מעזעי הי"ו (וומסב''ג) ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף דברי יואל. פארן דאווענען האט דער רבי געלייגט תפילין פאר די בר מצוה בחורים.
- ב"ר יואל ב"ר אברהם משה ראזענבערג הי"ו.
- ב"ר אברהם ג'ברא הי"ו.

ביים ליינען האט דער רבי עולה געווען שלישי. און נאכן דאווענען פארגעלערנט דעם טעגליכן תהילים שיעור אויף קאפיטל ל"ב פסוק ב'. דערנאך איז פארגעקומען א לחיים מיט די בר מצוה בחורים בחדרו הפרטי.

ארום 8:20 האט דער רבי געדאווענט מנחה בביתו נאוה קודש אויף אוהעל קט.
דערנאך איז געווען זמני כניסה ביז 1:30 אויפדערנאכט בביתו נאוה קודש

ארום 9:00 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים הרה"ח ר' אלכסנדר נחום גאטליעב הי"ו און הרה"ח ר' יצחק יואל שטיין הי"ו.

בעת די זמני כניסה איז אריין בקו''פ הגה"צ רב דקהלתינו לאנדאן שליט"א וועלכע וויילט אין די יעצטיגע וואכן אין ניו יארק, עס האט זיך פארצויגן א שיינע שמועס איבער קהלתינו הק' אין לאנדאן, און ער האט איבערגעגעבן פאר רבינו שליט"א ספרו החדש אויף הלכות טהרה, און דער רבי האט אים מאציל געווען מברכת קדשו.

דער רבי האט געדאווענט מעריב ארום 12:50 און דערנאך ווייטער ממשיך געווען אויפנעמען דעם ציבור.

נאך מעריב איז אריין בקו''פ הגה"צ ר' שמואל בנימין קרויס שליט"א לרפו"ש - נשיא ישיבת תו"ח לאנדאן לברך ולהתברך לקראת די ימים נוראים הבעל"ט, דער רבי האט דורש געווען בשלומו און מאציל געווען מברכת קדשו.

▫️ סאטמארע נייעס 🌴 ▫️

זונטאג שופטים - כ''ו מנחם אב הילולא קדישא פון רביה''ק בעל דברי יואל זיע''א 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן.
- לבן הנולד אצל ר' יוסף זונדל אפפעל הי''ו ווי דער רבי איז געווען סנדק ומוהל.
- לבן הנולד אצל ר' יואל אלטר גאלדשטיין הי''ו (וומסב''ג) ווי דער רבי איז געווען סנדק ומוהל.

רבינו שליט"א האט געדאווענט שחרית בבנין ישיבה על קברו היכל המתיבתא סניף דברי יואל, סמוך ונראה צום ציון המצויינת, אינאיינעם מיט הונדערטער אנ''ש ותלמידי המתיבתא.
דער רבי האט געצינדן 5 ליכט ביים עמוד, און יורד געווען לפני התיבה ביומא דהילולא בהתעוררות רב.

עטליכע מינוט נאכן דאווענען ארום 12:20 איז דער רבי אריינגעקומען צום מסיבת לחיים לפני עלי' לציון הק' ברוב עם הדרת מלך, דער רבי האט געמאכט דעם סיום ששה סדרי משנה וואס איז געלערנט געווארן דורך די תלמידי המתיבתא און געזאגט קדיש, מען האט געזינגען נגוני התעוררות ודביקות, דער רבי האט געטרינקן לחיים און אנגעווינטשן פארן גאנצן ציבור.

דער רבי האט משמיע געווען דב''ק הכנה והתעוררות איידערן פוקד זיין דעם ציון הקדוש אויפן פסוק 'צדק צדק תרדוף וירשת' און געטייטשט אז משה רבינו וואס איז געווען א שר האט אבער באקומען דעם כח פון א עבד וואס האט שטענדיגע צוטריט צום מלך צו קענען פועל'ן ישועות, דאס זעלבע רביה"ק בעל הילולא זיע''א און מיט דעם קען ער פועלן ישועות און משפיע זיין פאר כלל ישראל, און ארומגערעדט איבער די מתיבתא הקדושה וואס איז א המשך פון די ישיבה וואס רביה"ק זיע''א האט אויפגעשטעלט און וואס דאס מיינט פאר א תלמיד הישיבה, און ממשיך געווען איבער די פילע בקשות וואס כלל ישראל איז מתפלל היינט ביומא דהילולא סיי בעניני רוחניות, און בגשמיות זה בכה וזה בכה, רפואות, בזכות פונעם בעל הילולא האפט מען אויסצופועלן אלעס גוטס, ובפרט די גאולה השלימה אויף וואס רביה"ק זיע''א האט אלץ מתפלל און מעורר געווען און פארגאסן טייכן טרערן אויף דעם, און מסיים געווען בברכת קדשו.

נאך די מסיבת לחיים ארום 1:15 איז רבינו שליט"א ארויף צום ציון המצויינת, אינאיינעם מיט אלפי אנ''ש און די תלמידי המתיבתא.
ביים אנקומען אין ביה''ח האט דער רבי געמאכט די ברכה, דער רבי האט געצינדן 5 ליכט מיט א נשמה ליכט, און געזאגט די תפילה 'שלום עליך' פונעם ישמח משה זיע''א, און דערנאך פארגעזאגט פון קאפיטל צ' ביז ק"ז כנהוג, און געזאגט דעם יהי"ר בהשתפכות הנפש, דערנאך האט דער רבי געלערנט פרקי משניות און געזאגט קדיש דרבנן.
רבינו שליט"א האט געליינט קוויטלעך א לענגערע צייט, בשעת מ'האט געזונגן ניגוני התעוררות וואס פלעגט געזינגען ווערן בבית מדרשו פונעם בעל ההילולא, דערביי האט מען איבערגעגעבן פארן רבי'ן א ספעציעלע קוויטל פון די נדבנים פון 'קרן קרית יואל', דער רבי האט א לענגערע צייט אדורכגעליינט אלע נעמען און אראפגעלייגט די קוויטל ביים ציון הק', דערנאך האט זיך דער רבי משתטח געווען אויף ציון הק' א לענגערע צייט. מען האט געענדיגט ארום 2:15.

פון דארט איז דער רבי אריבער אין שטוב פון נכדו הרב מאיר אליעזר מייזליש שליט"א בן חדב"ן הגה"צ רב דביהמ"ד ישמח משה שליט"א, צו די חאלאקע פון בנו הילד יואל ני"ו, דער רבי האט אפגעשניטן עטליכע האר און אנגעטוהן די קאפל און ציצית, און מאציל געווען מברכת קדשו.
דערנאך האט זיך דער רבי געוואשן צו פת שחרית, עס האט זיך פארצויגן שיינע שמועסן בסיפורי צדיקים און מען האט געזינגען ניגוני שמחה, דער רבי האט געבענטשט אויפן כוס, מען האט געענדיגט ארום 3:00.

ארום 8:30 איז דער רבי אריינגעקומען צו תפילת מנחה אין ביהמ"ד הגדול. דער רבי האט געצינדן ליכט און צוגעגאנגען צום עמוד לרגל די הילולא קדישא.

נאך מנחה איז דער רבי ארויף אויפן בימת הכבוד צו די צענטראלע סעודת הילולא פונעם בעל הילולא זיע''א, דער רבי האט זיך געוואשן צו די סעודה און מאריך געווען שלחנו הטהור, און דאן געמאכט דעם סיום הש"ס וששה סדרי משנה וואס איז געלערנט געווארן דורך די חברה ש"ס דקהלתינו הק' און דערנאך געזאגט דעם הדרן און קדיש, ביי די לחיים נאך די פיש האט דער רבי געווינטשן 'זכותו יגן עלינו ועל כל ישראל'.
במשך דעם טיש האט מען געזינגען ניגוני דביקות וגעגועין וואס מען פלעגט זינגען בבית מדרשו פונעם בעל ההילולא. מיט מכתם לדוד האט רבינו שליט"א מכבד געווען הגה"צ ר' חיים יוסף ווערצבערגער שליט"א אב''ד הוניאד קר''י.

רבינו שליט''א האט משמיע געווען דב''ק אויפן פסוק 'צדק צדק תרדוף וירשת' און געטייטשט במשנתו פונעם בעל הילולא זיע''א, און איבער גדלתו וצדקתו, מיט זיין אש להבה פון יראת שמים איז ער אנגערופן געווארן א עבד פון הקב"ה און כל הקונה עבד עברי לעצמו כאילו קונה אדון לעצמו האט ער געהאט די כח פון צדיק גוזר והקב"ה מקיים און משפיע זיין ישועות און מבטל זיין גזירות פון אידישע קינדער, זיינע תלמידים וואס ער האט אויפגעשטעלט א קהילה יראים ושלמים א מוסד תורה ויראה און ב"ה שטייענדיג צענדליגע יארן נאך זיין פטירה וואקסן די מחנה אלקים, ערליכע בעלי בתים, נשים כשירות וצניעות, און דאס איז אלעס זיין השפעה יראת ה' טהורה עומדת לעד, ובפרט אין קרתא קדישא הדין בעיר קרית יואל וואס איז לשמו ולזכרו וואוינען שוין היינט קרוב צו ניין טויזענט משפחות אלעס ערליכע אידן וואס גייען אין זיינע דרכים, און מעלה געווען זכרונו הטוב פון אביו רביה"ק זיע''א וועלכע האט אריינגעלייגט אזויפיל כוחות ממשיך צו זיין די ארבעט און די ירושה פונעם פעטער ז"ל אין קרית יואל.

דער רבי האט ממשיך געווען בדברים העומדים על הפרק איבער די פילע דירות פראיעקטן וועלכע בויען זיך און גרייטן זיך צו ווערן געבויעט אין אלע זייטן פון קרית יואל וואס וועט צוברענגען קרוב צו פיר טויזענט נייע דירות אין די קומענדיגע עטליכע יאר, און אלעס פאר די פרייז פון 300 דאלער א סקווער פיס! און עס וועט זיין לתפארת קר"י און פונעם מייסד העיר זיע''א.

דערביי מבשר געווען די בשורה טובה אז מען האט ב"ה ערהאלטן פארגאנגענע וואך די פערמיטן פאר די נייע קריה אין מאנטיסעלא פאר די ערשטע 200 דירות ספעציעל פאר אנ"ש, און וועט גערופן ווערן 'קרית משה' לשמו ולזכרו פון אביו רביה"ק זיע''א, און וועט זיין נאך ביליגער ווי קרית יואל.
דאן האט דער רבי מיט ווייטאג ארויסגעברענגט די שקרים וכזבים וואס מוכרים רעדן איין פאר די קונים,  סיי מיט די גרויסקייט פון די דירה און מיט די שטייערן וכו', דאס איז אונאה, א איסור דאורייתא און דערביי דערציילט א מעשה שהיה אז א איד האט געקויפט א דירה אין קרית יואל המורחבת ווי דער מוכר האט אים געזאגט אז די שטייערן זענען זעקס טויזענט דאלער א יאר און למעשה איז עס זיבעצן טויזענט דאלער!.
דער רבי האט אפעלירט צו די אלגעמיינע חסידישע גאס פון איבער גאנץ ניו יארק וועלכע פלאגן זיך צו קויפן א דירה צוליב די טייערע פרייזן אז מען זאל זיך אויפהייבן און זיך אריבערציען קיין מאנטיסעלא ווי עס בויען זיך יעצט אריבער דריי טויזנט נייע דירות פאר גאר ביליגע פרייזן.

דער רבי האט ממשיך געווען איבער די ביליגע שמחה זאלן וועלכע זענען געבויעט געווארן אין קר"י סיי פאר חתונות און סיי פאר שבת שבע ברכות, א דבר טוב מאוד, און מבשר געווען א בשורה טובה אז מען וועט קענען באקומען א הלואה פון פערציג טויזענט דאלער מיט קליינע תשלומין פון פינף הונדערט דאלער א חודש ספעציעל פאר די וועלכע שטעלן זיך צו צו די שלוה תקנות, און זיך באדאנקט פאר די עסקנים וואס האבן דאס צושטאנד געברענגט.
דערנאך ארומגערעדט דברי הכנה צו חודש אלול מרבה זיין בלימוד התורה און זיין אנגעשלאסן אין איינע פון די חברות פון קהלתינו הק' בקביעות גמור, די חורבנות וואס קומען ארויס פון די טמא'נע כלים, און דערמאנט די דרשה פון רביה"ק זיע''א שבת פרשת שופטים תשכ"ה פאר קריאת התורה איבער די פרישע מאדעס ביי לבושי נשים סיי די שייטלען און סיי די דורכזיכטיגע זאקן, און מחזק געווען די תקנת פון מוסדותינו הק', און דערביי געבעטן הנהלת קהלתינו אין וומסב''ג אז זיי זאלן איבערדרוקן די פייערדיגע דרשה, און ממשיך געווען איבער די מלחמה לה' בעמלק וואס רביה"ק בעל הילולא זיע''א האט געפירט מיט די טומאת הציונית און נאכגעזאגט זיינע הייליגע ווערטער וואס דער רבי האט אליינס געהערט אז ער האט מורא אז עס וועט קומען א צייט וואס א ערליכע איד וועט נישט קענען וואוינען אין ארץ ישראל צוליב די גזירה פון גיוס בני ישיבות, איז ארויסגעברענגט די שווערע מצב וואס מען געפינט זיך, און עס איז נישט צום פארשטיין וויאזוי עס זענען דא אזעלכע וואס זענען גרייט צו מאכן פשרות און סעלעקציעס, און דאס איז חוץ מזה וואס אזא געזעץ וועט במילא נישט אדורכגיין די בג"ץ הציוני און עס איז א שאד צו פאפן זיך אדער אנדערע, נאר מען דארף זיך אפטיילן אינגאנצן פון זיי, און מחזק געווען די מוסדות עטה"ק און בפרט מוסד הק' קרן הצלה - וועלכע איז די לעצטע מוסד וואס רביה"ק זיע''א האט מייסד געווען לפני פטירתו - וועלכע העלפט ארויס אלע מוסדות עטה"ק, און דערמאנט לשבח די עסקנים פון מוסדות יטב לב - וועלכע איז די ערשטע מוסד וואס רביה"ק זיע''א האט מייסד געווען נאך די מלחמה - וועלכע האבן אוועקגעשטעלט די מוסד אויף די רעלסן און געהעכערט די תמיכה און ב"ה מען האט שוין עטליכע חדשים באצאלט די געהאלט אין צייט, און זיך באדאנקט פאר די עסקנים און נדבנים, און מסיים געווען בשבח פון די מתיבתא הקדושה וועלכע געפינט זיך על קברו און מעורר געווען אנ"ש צו שטיצן די ישיבה ברוח נדיבה און געענדיגט מיט ברכות לרוב.

דער רבי האט געבענטשט אויפן כוס. מען האט געענדיגט ארום 10:40.

נאך עטליכע מינוט איז דער רבי אריינגעקומען צו תפילת מעריב בהיכל הביהמ"ד.
- בעל תפילה: הרה"ח ר' אברהם משה לעבאוויטש הי"ו.

זכותו הגדול והקדוש יגן עלינו ועל כל ישראל

▫️ סאטמארע נייעס 🌴 ▫️

שב''ק פרשת ראה - מברכים חודש אלול - שבת לפני הילולא קדישא של רביה"ק בעל דברי יואל זיע''א 'בצל הקודש' פון כ''ק רבינו הגה''ק שליט''א

פארן זמן הדלקה"נ האט דער רבי אנגעטוהן די שטריימל פאר די חתנים:
- החתן שלום ב"ר משה ברוך כ"ץ הי"ו.
- החתן מנחם זאב ב"ר ישראל שלום אונגאר הי"ו.

פרייטאג צונאכטס ארום 8:40 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הרה"ח ר' אברהם שלום מענדלאוויטש הי"ו (מאנסי). מען האט געענדיגט ארום 10:10. דער ציבור איז אריבער זאגן גוט שבת און דער רבי איז אהיים לביתו נאוה קודש.

ארום 11:10 איז דער רבי אריינגעקומען צום שלחן הטהור בהיכל המתיבתא אינאיינעם מיט די תלמידי הישיבה, און אנגעהויבן כדרכו בקודש שלום עליכם ברגש ובנעימה.
- אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א.
- הגבהת הכוס: נכד רבינו הר"ר מאיר יודא אשכנזי שליט"א חתן חדב"ן הגה"צ רב דביהמ"ד אבני צדק שליט"א.
- כל מקדש: הרה"ג ר' מנחם יודא גאטליעב שליט"א אב"ד ניאמץ וומסב''ג.
- מנוחה ושמחה: הרה"ג ר' דוד יואל כוואן שליט"א ראה"כ בארגענטינע.

דער רבי האט געזאגט תורה אויפן פסוק 'ראה אנכי נותן לפניכם היום ברכה' און געטייטשט בדרך דרוש אין די סוגיא פון חצי שיעור.

- קה אכסוף: הרה"ח ר' אלי' שאול כ"ץ הי"ו (ב"פ).
- ברכת המזון: הגאון רבי אפרים זלמן שטערנבוך שליט"א בן הגאון הגדול מרא דארעא קדישא שליט"א.

עובדות וסיפורים די וואך האט רבינו שליט''א דערציילט פון דודו מרן רביה"ק בעל דברי יואל זיע''א וואס די יארצייט געפאלט זונטאג כ"ו אב.

- קה רבון עלם: הר"ר יחזקאל יואל סאמעט שליט"א (וומסב''ג).
די פרישע חתנים זענען אריבער נעמען פירות.
אויך איז פארגעקומען א שלום זכר ביי ר' ליפא ברש"ל וויינבערגער הי"ו.
- אז ביום השביעי: הרה"ח ר' עקיבא הירש הי"ו (וומסב''ג).
מען האט געענדיגט ארום 2:05.

וביום השבת קודש

שב''ק אינדערפרי איז דער רבי אריינגעקומען צום דאווענען ארום 9:40.
- ברכות ופסוקי דזמרה: הר"ר אברהם מאיר מארקאוויטש שליט"א.
דער רבי האט פארגעזאגט וכרות פסוק בפסוק, און צוגעגאנגען צו שחרית.

פארן ליינען איז פארגעקומען די שמחת הכנסת ספר תורה אריינגעגעבן געווארן דורך הרה"ח ר' אהרן יצחק דוד לאנדא הי"ו, דער רבי האט איבערגענומען די ספר תורה און אפגעראכטן די ריקודי קודש אויף צד מזרח, און דערנאך פארגעזאגט לדוד מזמור כנהוג.

- הוצאה והכנסה: הרה"ח ר' משה מאיר גאטליעב הי"ו.
- פסוקי שמע ישראל: הרה"ח ר' אליעזר ווייס הי"ו.
- הולכת הס"ת לבימה: הר"ר ישראל ידא ווערצבערגער שליט"א.
עליות.
- כהן: החתן שלום ב"ר משה ברוך כ"ץ הי"ו - באווארפען.
- לוי: הגה"צ ר' חיים יוסף ווערצבערגער שליט"א אב"ד הוניאד.
- שלישי: החתן מנחם זאב ב"ר ישראל שלום אונגאר הי"ו - באווארפען.
- רביעי: החתן אלימלך ב"ר אברהם ישראל הערשקאוויטש הי"ו - באווארפען.
- חמישי: החתן יעקב בן הר"ר אברהם גאלדבערגער שליט"א.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' אברהם שמעון גלאנץ הי"ו.
- ר' חיים שלמה פארקאש הי"ו.
- ר' אייזיק הערש בר"י שפילמאן הי"ו.
- ר' שמעון ב"ר יעקב רייך הי"ו.
- ר' שמואל דוד קליין הי"ו.
- ר' משה ב"ר יואל בר"ש ראזענפעלד הי"ו.
- ר' אביעזר מרדכי ברב"ז שווארטץ הי"ו.

- שביעי: החתן משה יואל ב"ר שלמה מענדלאוויטש הי"ו.
- הוספה: החתן הערשל בהר"ר דוד חנני' ווייס שליט"א.
- אחרון: החתן שמואל זאנוויל בן הר"ר יואל בר"ב בערגער שליט"א.
- מפטיר: הרה"ח ר' אהרן יצחק דוד לאנדא הי"ו.
- הגבה: הרה"ח ר' ישראל אלעזר טאבאק הי"ו.
- גלילה: הרה"ח ר' שלמה מענדלאוויטש הי"ו.

נאכן ליינען האט רבינו שליט"א ראש חודש געבענטשט מיט גרויס התעורורות.
- החזרת הס"ת: הרה"ח ר' חיים מרדכי געשטעטנער הי"ו (ב"ב).

צו תפילת מוסף איז דער רבי צוגעגאנגען לרגל די הילולא קדישא כ"ו אב.
- פתיחה צו אנעים זמירות: הרה"ח ר' משה יצחק לאנדא הי"ו (מאנסי).

נאכן דאווענען איז פארגעקומען א ברית לבן הנולד אצל ר' אברהם שלמה קעסטענבוים הי"ו ווי דער רבי איז געווען סנדק ומוהל.
מען האט געענדיגט ארום 1:00.

ארום 7:10 איז דער רבי אריינגעקומען צו פרקי אבות בהיכל הביהמ"ד, דער רבי האט זיך געשטעלט אויף פרק ה' משנה כ' 'יהודה בן תימא אומר הוי עז כנמר וכו' יהי"ר שיבנה ביהמ"ק במהרה בימינו ותן חלקינו בתורתך' און געטייטשט אויף אכט אופנים בדרך דרוש אגדה ומוסר.

ביים סוף ארומגערעדט איבער די מהודר'דיגע קרית יואל'ע עירוב וועלכע נעמט ארום קרית יואל און אלע שכונות ארום קרית יואל צו א סך הכול פון צענדליגע מיילן, און ארויסגעברענגט די פראבלעמען וואס פלעגן זיך מאכן בעפאר עס איז געווען איין גרויסע עירוב, און אזוי אויך איז די עירוב מאחד גאנץ קרית יואל כאיש אחד, און מעורר געווען אנ"ש צו שטיצן די וועד העירובין ברוח נדיבה צו קענען אהערשטעלן איין גרויסער 'עירוב קרית יואל' און ארויסהעלפן די גרויסע הוצאות וואס דאס קאסט אפ וועכענטליך, צו בודק זיין, פאררעכטן, וכו', און מסיים געווען בברכת קדשו. מען האט געענדיגט ארום 8:05 און דער רבי איז אריין לחדרו הפרטי.

רעוא דרעווין

דער רבי איז אריינגעקומען צו תפילת מנחה ארום 8:40.
- בעל תפילה: הרה"ח ר' משה פאלקאוויטש הי"ו.
- הוצאה והכנסה: הרה"ח ר' שלמה יואל פריעדמאן הי"ו.
- כהן: הרה"ח ר' יעקב חיים פאללאק הי"ו.
- לוי: הרה"ח ר' משה ווערצבערגער הי"ו (מאנטרעאל).
- שלישי: הרה"ג ר' ליפא טייטלבוים שליט"א דומ"ץ בקהלתינו אנטווערפען.
- הגבה: רבינו שליט''א.
- גלילה: הרה"ח ר' משה דוד גוטמאן הי"ו (וומסב''ג).

זמירות ביי של"ס האט דער רבי מכבד געווען.
- אודה הרה"ח ר' נח גפן הי"ו.
- שיר המעלות: הרה"ח ר' משה גאלדשטיין הי"ו.

דער רבי האט געזאגט תורה אויפן פסוק 'ראה אנכי נותן לפניכם היום ברכה וקללה' און געטייטשט אז דאס אז שכר מצוה בהאי עלמא ליכא דאס איז נאר אויב מען האט א דין עבדים למקום, אבער אויב האט מען א דין בנים למקום איז יא דא שכר בהאי עלמא, אבער אויב האט מען א דין בנים למקום איז יעדע עבירה וואס מען טוט סאך הארבער, און מאריך געווען בדברי מוסר לקראת חודש אלול הבעל"ט און שטארק מעורר געווען צו מאכן א עכטע חשבון הנפש ווי מען האלט אויף דער וועלט און זיך צוגרייטן צום יום הדין כדבעי, און אז מען וועט זוכה זיין צו א געהויבענע אלול וועט מען זוכה זיין צו א לעכטיגן חודש תשרי און ארויסגיין זכאי בדין און האבן א גוט יאר.

- ידיד נפש: הגאון ר' אפרים זלמן שטערנבוך שליט"א.
- קל מסתתר: הגה"צ ר' ברוך בערגער שליט"א ממישקאלץ.
דער רבי האט געבענטשט על הכוס און געזאגט שבע ברכות.

צו מעריב איז דער רבי צוגעגאנגען ליל הילולא קדישא כ''ו אב.
נאך הבדלה איז דער ציבור אריבער זאגן א גוטע וואך.
מען האט געענדיגט ארום 11:00.

ארום 12:30 איז דער רבי אריבער אין שטוב פון הרה"ח ר' שלום יצחק וויינבערגער הי"ו ווי עס איז פארגעקומען א חתימת שטרות ווי ער האט אפגעקויפט די זכות פונעם ארון הקודש ופרוכת בבנין החדש פון ישיבה קטנה סניף קנין תורה מאנסי, עס האט זיך פארצויגען א שיינע שמועס איבער די בליה און וואוקס פון קהילתינו ומוסדותינו הק' אין מאנסי, און הרה''ח ר' הערשל ווערטהיימער הי"ו - חבר הנהלת הישיבה האט געגעבן א באריכט פון די בוי ארבעט אויפן ערשטען פאזע פונעם בנין וועלכע מען גרייט זיך צו עפענען קומענדיגע וואך.
דער רבי האט אינטערגעשריבן די שטרות אינאיינעם מיטן נדבן געטרינקן לחיים און מאציל געווען מברכת קדשו.

▫️ סאטמארע נייעס 🌴 ▫️