סאטמארע נייעס

זונטאג פרשת אחרי אסרו חג פסח 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בביהמ"ד הגדול. פארן דאווענען האט דער רבי תפילין געלייגט פאר די בר מצוה בחורים.
ב"ר חיים הכהן דרעזנער הי''ו.
ב"ר נטע מרדכי קויפמאן הי''ו.
ב"ר נפתלי הירצקא שווארטץ הי''ו.
ב"ר יואל פישער הי''ו.
ב"ר יושע דוב שווארץ הי"ו.
נאכן דאווענען איז פארגעקומען א לחיים מיט די בר מצוה בחורים בהיכל הביהמ''ד.

נאכן דאווענען האט דער רבי באזוכט ביי די בראנפען ברענעריי פון הרה"ח ר' שלמה ווערצבערגער הי''ו, דער רבי האט זיך אומגעקוקט אויף די פרישע פראדאקציע פון ברוינפען וואס ווערט געמאכט נאך פסח, און מאציל געווען מברכת קדשו.

פארנאכטס האט רבינו שליט''א אפגעשטאט א באזוך בביהמ''ד דקהלתינו הק' 'שכונת קוועיקער היל' בגלילות קרית יואל לרגל די הרחבת גבולי הקדושה מיטן הערליך איבערבויען דעם ביהמ''ד לכבוד יו''ט פסח, און מחיל אל חיל האט זיך אנגעהויבן בשטומ''צ די בוי ארבעט אהערצושטעלן א נייע מקוה מפוארה וואס וועט שטיין צום באניץ פאר אלע תושבי השכונה לתורה לתפלה ולטהרה.

רבינו שליט''א האט זיך אומגעקוקט אויפן גאנצן ביהמ''ד און דערנאך געדאווענט מנחה אינעם ביהמ''ד, דערנאך איז פארגעקומען א מסיבת לחיים לרגל די הרחבת הגבולים, עס האט אויפגעטרעטן הרה''ח ר' דוד עקשטיין הי''ו פרעזידענט דקהלתינו הק', רבינו שליט''א האט געטרינקן לחיים און ווארים געוואונטשן ברכות קדשו פאר אלע עסקנים ותושבי השכונה ובפרט פאר'ן נדבן השטח פונעם ביהמ''ד המפואר הרה''ח ר' יהודא זאב קליין הי''ו חבר הנהלת ועד השכונות, און דערנאך משמיע געווען דברות קודש און צווישן אנדערע ארויסגעברענגט די וויכטיגקייט און אחריות פון די ערשטע תושבים אין א נייע געגנט וואס שטעלן פאקטיש אוועק די ערענסקייט און ערליכקייט פון די שכונה און ארומגערעדט בשבח פון די עסקנים.

נאכ'ן זיך אויסקוקן אויפן שטח ווי ס'וועט געבויעט ווערן די מקוה המפוארה, האט דער רבי געדאווענט מעריב אינעם ביהמ"ד און צוגעגאנגען צום עמוד צו ספירה.

שפעטער איז געווען זמני כניסה בקודש פנימה פון 9:30 ביז 12:00 אויפדערנאכט בביתו נאוה קודש אויף איהעל קט.

▫️ סאטמאר'ע נייעס 🌴 ▫️

יום אחרון של פסח 'בצל הקודש' פון כ''ק רבינו הגה''ק שליט''א

אינדערפרי 10:30 איז רבינו שליט''א אריינגעקומען אין ביהמ''ד, פסוקי דזמרה: הרה''ג ר' יעקב הלל ליכטנשטיין שליט''א, צו שחרית איז רבינו שליט''א צוגעגאנגען און צוגעשיקט צו חזרת הש''ץ נכדו הרב ליפא רובין שליט''א חתן הגה''צ ר' ברוך שליט''א צו הלל איז רבינו שליט''א צוגעגאנגען, און מען האט געזאגט שיר השירים כנהוג.

הוצאה והכנסה: הרה''ח ר' שלום וועבערמאן הי''ו און הרה''ח ר' אלי' שלמה קאהן הי''ו מנהלי בית רחל, פסוקי שמע ישראל: הרה''ג ר' אלתר טייטלבוים שליט''א.

עליות. כהן: הרה''ח ר' משה ברוך כ''ץ הי''ו, לוי: ר' ברוך ליפא לעווי הי''ו, שלישי, הרה''ג ר' איתמר מייזליש שליט''א, רביעי: הרה''ח ר' דוד שמואל גאלדבערגער הי''ו, חמישי: הרה"ח ר' יעקב זוסמאן סופר הי"ו, שישי: רבינו שליט"א, שביעי: הרה"ח ר' בנציון אלי' זאלדאן הי"ו.

הגבה ספר ראשון: הרה''ח ר' הלל טייטלבוים הי''ו, גלילה: ר' יואל בר"ד כהן הי''ו, מפטיר: הרה''ח ר' שלום יצחק וויינבערגער הי''ו, הגבה ספר שני: הרה''ח ר' ליפא עפשטיין הי"ו (מאנטריאל), גלילה: הרה''ח ר' משה ברוך פאלאק הי"ו (וומסב"ג).

פאר מוסף איז מען ארויס צו יזכור, מוסף האט רבינו שליט"א געדאווענט בהשתפכות הנפש און צו קוה איז צוגעגאנגען הרה"ח ר' יצחק ערעהנפעלד הי"ו. מען האט געענדיגט ארום 2:40.
ביים מיטאג טיש בביתו נאוה קודש האט רבינו שליט"א קידוש געמאכט אויף כרעמזלעך און געטרינקן ברוינפן צוגעשטעלט דורך הרה"ח ר' פנחס אלימלך ווייס הי"ו און מען האט אריינגעברענגט פצע''י געמאכט פון מצה. רבינו שליט''א האט מכבד געווען מיט די זמירות נכדו הרב מאיר יודא אשכנזי שליט"א, שיר היחוד ליום א' נכדו הרב ליפא אשכנזי שליט"א ברכהמ''ז: חדב"ן הגה''צ רב דביהמ''ד אבני צדק שליט"א.

נאכמיטאג ארום 7:30 איז רבינו שליט''א אריינגעקומען אין ביהמ''ד צו מנחה וס"ג, מנחה: הר"ר יעקב יוסף פילאפף הי''ו, הוצאה והכנסה: הרה''ח ר' בצלאל באש הי''ו, כהן: הרה"ח ר' ליפא פריעדמאן הי"ו (וומסב''ג), לוי: הרה''ח ר' שלמה ווערצבערגער הי''ו, שלישי: חדב"ן הגה"צ רב דביהמ"ד אבני צדק שליט"א, הגבה: רבינו שליט''א, גלילה: הר"ר שמואל שלמה טעלער שליט"א.

דער משמש הרה"ח ר' יואל קויפמאן הי"ו האט אנגעגאסן לחיים, און דער רבי האט געוואונטשן פאר די חברה קדישא, כנהוג.

זמירות ביי של''ש האט רבינו שליט''א מכבד געווען. אודה: הרה''ח ר' נח גפן הי''ו, שיר המעלות: הרה''ח ר' משה גאלדשטיין הי''ו, ידיד נפש: הרה''ח ר' אברהם אביש בנביצער הי''ו (טאראנטא), קל מסתתר: הרה''ח ר' אברהם יעקב פריעד הי''ו (וומסב"ג).

דער רבי האט געבענטשט אויפן כוס און מען האט ממשיך געווען צו זינגען נגונים לכבוד נעילת החג.

רבינו שליט"א האט געזאגט תורה אויף א מייק, און האט זיך געשטעלט אויפן פסוק אין שיר השירים 'מה יפו פעמיך בנעלים' און געטייטשט, אז אידן זינגען שירה פארן הייליגן באשעפער אפילו מען איז ביי זיך צובראכן אז די יו"ט וואלט אסאך שענער געדארפט אויסזעהן, אבער ווען דער אייבערשטער וועט העלפן דער גואל צדק וועט קומען וועט מען האבן די זכיה מקיים צו זיין די אלע מצוות החג בשלימות אויף דעם זאגט מען שירה שוין יעצט, כאשר זכינו לסדר אותו כן נזכה לעשותו.

מען האט געזינגען אני מאמין בביאת המשיח, און נאכדעם האט זיך רבינו שליט"א אויפגעשטעלט טאנצן 'חסל סידור פסח' ברגש והתלהבות א לענגערע צייט ואתו עמו כל הקהל הקודש, און ביים ענדיגן האט דער רבי פארגעזאגט דריי מאל לשנה הבאה בירושלים כנהוג.

מעריב מוצ"ש איז רבינו שליט"א צוגעגאנגען לרגל די יומדהל"ק, נאך הבדלה האט דער רבי געוואונטשן בכלליות פארן גאנצן ציבור א גוטע וואך און א געזונטען זומער. מען האט געענדיגט 10:45.

חסל סידור פסח כהלכתו ככל משפטו וחוקתו כאשר זכינו לסדר אותו כן נזכה לעשותו

▫️ סאטמאר'ע נייעס 🌴 ▫️

יום שביעי של פסח 'בצל הקודש' פון כ''ק רבינו הגה''ק שליט''א

אינדערפרי 10:35 איז רבינו שליט''א אריינגעקומען אין ביהמ''ד און צוגעגאנגען צו פסוקי דזמרה שחרית והלל. מ'האט געזאגט הלל הגדול און די שירה פסוק בפסוק, כנהוג.

הוצאה והכנסה: הרה''ג ר' חיים נחום גאטליעב שליט''א מו''ץ בקהלתינו און הרה''ג ר' אייזיק גליק שליט''א מו''ץ בקהלתינו. פסוקי שמע ישראל: הגה''צ ר' שמחה שלום שטיינבערגער שליט''א רב דביהמ''ד דברי חיים, רבינו שליט"א האט געלייענט ברגש והתעוררות.

עליות. כהן: בעל שמחה הרה''ג ר' יואל הכהן מאשקאוויטש שליט''א - רבינו שליט''א האט געמאכט די מי שברך וקריאת השם לבתו הנולד למז''ט, לוי: הרה''ח ר' אלעזר גרובער הי''ו, שלישי: הרה''ח ר' ישראל פערל הי''ו, רביעי: הרה''ח ר' חיים אברהם ראזענפעלד הי''ו, חמישי: רבינו שליט''א.

נאכן עולה זיין האט רבינו שליט''א געמאכט די מי שברך וקריאת השם לרגל הולדת הבת ביי די פאלגענדע בעלי שמחה.
ר' יחזקאל ברא''ש בראך הי''ו
ר' משה הערש ווידער הי''ו.

הגבה ספר ראשון: הרה''ח ר' שלום יוסף גאטליעב הי''ו (וומסב''ג), גלילה: הר''ר ליפא ברח''ל פריעדמאן הי''ו, מפטיר: הרה''ח ר' מאיר הירש הי''ו, הגבה ספר שני: הרה''ח ר' ליפא בערקאוויטש הי''ו (אנטווערפן), גלילה: הר''ר יקותיאל ישראל פריעד הי''ו.

מוסף: הרה''ח ר' דוד עקשטיין הי''ו, פתיחה לאנעים זמירות: הר''ר שמואל בערגער שליט''א (וומסב''ג). נאכ'ן דאווענען איז פארגעקומען דער ברית לבן הנולד לר' אשר גאלדמאן הי''ו, ווי דער רבי איז געווען סנדק. מען האט געענדיגט ארום 2:45.

ביים מיטאג טיש בביתו נאוה קודש האט רבינו שליט''א מכבד געווען מיט די זמירות, נכדו הב' ישכר בער בן הגה''צ ר' ברוך שליט''א רב דביהמ''ד ברך משה, ברכהמ''ז: הגה''צ ר' יואל שליט''א רב דביהמ''ד בית ברוך.
נאכמיטאג פארן זמן הדלקת הנירות איז דער רבי געגאנגען אין מקוה לכבוד שבת ויום טוב, און אין שטוב געצינדן די יזכור ליכט לע''נ הוריו רביה''ק זצ"ל והרבנית הצד' ע"ה

פארנאכטס 8:30 איז רבינו שליט''א אריינגעקומען אין ביהמ''ד צו מנחה וקבלת שבת מלובש אינעם טלית, מנחה: הרה''ח ר' אלישע הורוויץ הי''ו, קבלת שבת ומערבית: הרה''ח ר' חיים בעריש בר''י שפילמאן הי''ו, דער רבי איז צוגעגאנגען צום עמוד צו ספירה. נאכ'ן דאווענען איז מען אריבער זאגן גוט שבת גוט יו''ט.

ארום 12:15 איז רבינו שליט''א אריינגעקומען צום ערשה''ט בביהמ''ד הגדול צד צפון, הגבהות הכוס לקידוש: הגה''צ ר' קלמן האלבערשטאם שליט''א אב''ד צאנז קר''י, דער רבי האט אויפגעדעקט די מצה און אויך איינגעטינקן די מצה אין די ברויפען נאך די פיש, מען האט אריינגעברענגט מצה קיגל, מצה פערפל און מצה כרעמזלעך געמאכט אין שטוב פון נכבדי אנ"ש, ביי די מצה כרעמזלעך איז דער גאנצער ציבור אריבער נעמען שיריים א לענגערע צייט.

מיט די זמירות האט רבינו שליט''א מכבד געווען. כל מקדש: הרה''ג ר' זלמן יודא כהנא שליט''א (בית שמש), מנוחה ושמחה: הרב אלחנן חיים בהר''מ טייטלבוים שליט''א חתן הגה''צ ר' שלמה רובין שליט''א אב''ד ציעשנוב קר''י.

רבינו שליט''א האט געזאגט תורה אויפן מדרש 'הים ראה וינוס מה ראה ברייתא דרבי ישמעאל' און געטייטשט בדרך דרוש אין די סוגיא פון טלי גיטך מעל גבי קרקע.

קה אכסוף: הרה''ג ר' יוסף שמואל ראטענבערג שליט''א מו''ץ בקהלתינו, ברכהמ''ז: הגה''צ ר' יואל שליט''א רב דביהמ''ד בית ברוך.

עובדות וסיפורים האט רבינו שליט''א דערציילט פון הרה''ק הדברי חיים זי''ע און איבער די נסיעות פון רביה"ק בעל ברך משה זי"ע על ציון זקינו הדברי חיים זי"ע, וואס די יארצייטן געפאלן אויס דעם דינסטאג און מיטוואך כ"ה/כ"ו ניסן.

מען האט אריינגעברענגט פירות און די פרישע חתנים זענען אריבער נעמען שיריים, מען האט געזינגען נגוני שמחה לכבוד די שמחת השלום זכר פון נכד רבינו בן הנולד להרה"ג ר' חיים הערש אשכנזי שליט"א רב דביהמ"ד רב טוב בן הגה"צ רב דביהמ"ד אבני צדק שליט"א, אז ביום השביעי: הרה''ח ר' משה שווארץ הי''ו (וומסב''ג). מען האט געענדיגט 2:45

▫️ סאטמארע נייעס 🌴 ▫️

ימים האחרונים של חג הפסח 'בצל הקודש' פון כ''ק מרן רבינו הגה''ק שליט''א

דאנערשטאג ערב יו''ט נאכמיטאג האט רבינו שליט''א געמאכט דעם עירוב תבשילין און מזכה געווען דורכ'ן הויז בחור הב' החתן אלתר ברוך גפן הי''ו.

פארנאכטס ארום 8:40 איז רבינו שליט''א אריינגעקומען אין ביהמ''ד און צוגעגאנגען צו מנחה און אנגעהויבן הודו כנהוג, מערבית: הרה''ג ר' יוסף דוד לעווי שליט''א, ביי ואמונה כל זאת האט מען געזינגען כנהוג, דער רבי איז צוגעגאנגען צום עמוד צו ספירה. נאכ'ן דאווענען איז מען אריבער זאגן גוט יו''ט, מען האט געענדיגט 9:25.

ארום 12:30 איז רבינו שליט''א אריינגעקומען צום ערישה''ט בביהמ''ד הגדול, הגבהות הכוס לקידוש: הרה''ג ר' יוסף הערש סופר שליט''א מו''ץ בקהלתינו.

במשך דעם טיש האט מען געזינגען ניגוני שבח והודי' לכבוד יום טוב, מיט די זמירות האט דער רבי מכבד געווען נכדו הרב ליפא ט''ב שליט''א (ירושלים) בן חדב''ן הגה''צ רב דביהמ''ד ברך משה שליט''א.

רבינו שליט''א האט געזאגט תורה אויפן פסוק 'ויושע ה' ביום ההוא את ישראל מיד מצרים' און פארענטפערט די סתירה אין רש"י וועלכן טאג די אידישע קינדער האבן געזאגט די שירה, אז די אידן האבן געזונגען צוויי מאל שירה פארן באשעפער איינמאל אױפן עצם הנס און א צווייטע מאל אויף דעם אז זיי האבן די זכיה צו זאגן שירה, אויף דעם אליינס דארף מען לויבן דעם אייבערשטן, און היינט אז מיר האבן די זכיה און דעם טאג צו זאגן די זעלבע הייליגע ווערטער בעטן מיר דעם באשעפער 'ויהיו נא אמרינו לרצון לפני אדון כל' און עס זאל משפיע זיין כל מיני השפעות טובות.

נאך די תורה האט מען ממשיך געווען בשירה וזמרה לכבוד היום, און רבינו שליט''א האט זיך אויפגעשטעלט און אנגעהויבן ויושע און געטאנצן אינאיינעם מיט'ן ריזן ציבור די שירת הים, בריקודי קודש ובהתלהבות אש א לענגערע צייט.

ברכהמ''ז: חדב''ן הגה''צ רב דביהמ''ד ברך משה שליט''א. מען האט געענדיגט 1:55.

▫️ סאטמארע נייעס 🌴 ▫️

דאנערשטאג ד' דחוה"מ פסח 'בצל הקודש' פון כ"ק מרן רבינו הגה"ק שליט"א

רבינו שליט איז אריינגעקומען צו תפילת שחרית בביהמ"ד הגדול ארום 10:00. שחרית: ר' יוסף מאיר כ"ץ הי"ו. און צו הלל איז דער רבי צוגעגאנגען צום עמוד.

ביים ליינען זענען נתכבד געווארן. פתיחה: הרה"ח ר' מאיר דוד מאסרי הי"ו און הרה"ח ר' יחיאל אלטר טויב הי"ו.
עליות. כהן: הרה"ח עמרם כהן הי"ו, לוי: הרה"ח ר' שלום לאנדא הי"ו, שלישי: הרה"ג ר' שלום משה ליפשיץ שליט"א מו"ץ ביהמ"ד בית מרדכי, הגבה ספר ראשון: הרה"ג ר' יוסף שמואל בערקאוויטש שליט"א מו"ץ בקהלתינו, גלילה: הרה"ח ר' שמחה ישראל אפעל הי"ו, רביעי: רבינו שליט"א, הגבה: הרה"ח ר' אברהם פילאפף הי"ו, גלילה: הרה"ח ר' יואל ברי"ה פריעדמאן הי"ו.
מוסף: הרה"ח שמואל פריעדמאן הי"ו, מען האט געענדיגט ארום 11:50.

▫️סאטמאר'ע נייעס 🌴▫️