זוכן: „#פורים”

מיטוואך פרשת תצוה 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית בהיכל המתיבתא סניף ויואל משה. פארן דאווענען האט דער רבי געלייגט תפילין פאר די בר מצוה בחורים.
- בן הרה"ג ר' שלמה הערש בר"א עקשטיין שליט"א - מו"ץ.
- ב"ר משה אלימלך צבי ווידער הי"ו.
- ב"ר בנימין שווארטץ הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ד פסוק ז', און ארומגערעדט דברי השקפה בנוגע די טומאת הציונית און אויסגעשמועסט די היסטאריע פונעם הסתדרות הציונית - די אלוועלטליכע ציוני'סטישע קאנגרעס און די מלחמה וואס אלע רבנים פון אלע שיכטן און קרייזן האבן געפירט אנטקעגן דעם, און די פשטות ביי יעדעם איינעם ביז די לעצטערע יארן זיך נישט אנצושליסן אין דעם, דערביי ארויסגעברענגט די ווייטאג אז עס האלט שוין היינט צוטאגס אז די אגודת ישראל קרייזן פארמאגן שוין מיטגלידער אינעם קאנגרעס וואס דאס באדייט אז יעדער וואס שרייבט זיך איין אין דעם דארף אינטערשרייבן אז מען גייט זיין א חלק אינעם נגע הציונית בגוף ובממון רח"ל, און אויסגעפירט מיט א בקשה צו כלל ישראל אז יעדער וואס האט אין זיך א זיק של יראת שמים זאל חלילה זיך נישט אנשליסן אין די התחברות לרשעים פונעם ערגסטן סארט טמא טמא יקרא, ויה"ר שילמדו תועים בינה.

דערנאך איז פארגעקומען א לחיים מיט די בר מצוה בחורים בחדרו הפרטי, אויך האט דער רבי פארטיילט מטבעות פאר די בחורים וועלכע האבן זיך אויסגעצייכנט מיט שעות רצופות במשך די ימי השובבים העעל"ט.

נאך שחרית ארום 12:30 איז דער רבי ארויף פוקד זיין די ציונים פון רבותיה"ק זיע"א היינט נאך תפילת שחרית לרפואת גיסו האדמו"ר רבי ישראל בן לאה אסתר מוויזניץ שליט"א לרפו"ש.
ביים אנקומען אין ביה''ח האט דער רבי געמאכט די ברכה, דער רבי געצינדן 5 ליכט ביי די ציון פון רבותינו הק' בעל דברי יואל ובעל ברך משה זיע''א, און פארגעזאגט ספר רביעי פון תהילים און געזאגט קדיש, דערנאך האט דער רבי געליינט א קוויטל מיט די נאמען און מתפלל געווען א תפילה חרישות פאר א שטיק צייט. מען האט געענדיגט ארום 12:55.

נאכמיטאג איז דער רבי ארויף בהיכל הישיבה סניף ברך משה ווי דער רבי האט געלערנט מיט א חברותא מתלמידי הישיבה בחדרו הפרטי. און ארום 6:00 האט דער רבי געדאווענט מנחה אין ישיבה.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' משה בר"ש בראך הי"ו - הרה"ג ר' יצחק אייזיק גליק שליט"א - מו"ץ, אין די זאלן פון כינור דוד.
- הרה"ח ר' אשר זעליג יונתן בלייך הי"ו - הרה"ח ר' שמעון שווארטץ הי"ו, אין די זאלן פון בית רחל פאראדייס.

נאך די חופות ארום 8:10 איז דער רבי אריבער אין די זאלן פון שאפינג סענטער צו די שמחת השבע ברכות צוגעשטעלט דורך הגאון הגדול הדומ"ץ שליט"א לרגל נשואי נכדו למז"ט החתן בן בנו הר"ר שלמה שליט"א עב"ג הכלה בת הרה"ג ר' יעקב ווייס שליט"א מרבני קהלתינו הק' מאנסי, עס האט זיך פארצויגן א שיינער שמועס בעניני נשואין און פארשידענע מנהגים בנוגע שבת זכור, דער רבי האט געטרינקן לחיים און אנגעוואונטשן פארן חתן, מחותנים, זיידעס, און עקסטער פאר הגאון הגדול הדומ"ץ שליט"א. דער רבי האט פארלאזט די זאל ארום 8:35.

זמני כניסה בקו''פ איז געווען פון 8:40 ביז 12:00 אויפדערנאכט, בביתו נאוה קודש אויף איהעל קט.

בעת די זמני כניסה איז פארגעקומען א אסיפה בקו''פ מיט די חברי ועד הכשרות קר"י אין שפיץ פון הרה"ג ר' הערש לייב בערנשטיין שליט"א יו"ר, ווי מען האט איבערגעשמועסט די לעצטיגע שאלות און אויסגעשמועסט פארשידענע שאלות איבער די בעפארשטייענדן פסח סעזאן, דער רבי האט אויסגעהערט אלע פרטים און אנגעוואונטשן שלא יצא מכשול מתחת ידיהם.

דער רבי האט געדאווענט מעריב ארום 12:00.

דאנערשטאג פרשת תצוה

דער רבי האט געדאווענט שחרית בהיכל המתיבתא סניף ברך משה. פארן דאווענען האט דער רבי געלייגט תפילין פאר די בר מצוה בחורים.
- ב"ר חיים אברהם ווייס הי"ו.
- ב"ר יואל ב"ר אברהם הערץ הערשקאוויטש הי"ו.
- ב"ר יואל משה ווייס הי"ו.

ביים ליינען איז דער רבי געגאנגען הגבה, און נאכן דאווענען פארגעלערנט דעם טעגליכן תהילים שיעור אויף קאפיטל כ"ד פסוק ה'. דערנאך איז פארגעקומען א לחיים מיט די בר מצוה בחורים בחדרו הפרטי.
דערנאך איז פארגעקומען אן אסיפה בקו''פ מיט די מנהלי הישיבות פון אלע סניפי המתיבתא ווי מען איז איבערגעגאנגען פארשידענע נייע תקנות בנוגע יו"ט פורים הבעל"ט.

ארום 6:15 האט דער רבי געדאווענט מנחה בביתו נאוה קודש.

פארנאכטס האט דער רבי מסדר קידושין געווען ביי די חופה פון די מחותנים.
הרה"ח ר' הערש יוסף לעווי הי"ו - הרה"ח ר' וואלף פארקאש הי"ו, אין די זאלן פון כינור דוד.
הרה"ח ר' יעקב חיים לאנדא הי"ו - הרה"ח ר' יואל בר"א פייערשטיין הי"ו, אין די זאלן פון גינת קליין.

זמני כניסה בקו''פ איז געווען פון 8:00 ביז 11:00 אויפדערנאכט, בביתו נאוה קודש אויף איהעל קט.

בעת די זמני כניסה זענען אריין בקודש פנימה הנהלת ביהמ"ד 'חיים יעקב' דקהלתינו הק' בשכונת ברך משה המורחבת אין שפיץ פון רב הביהמ"ד חדב"ן הגה"צ ר' יוסף רוקח שליט"א מקבל זיין ברכת הקודש לרגל די עפענונג פונעם צייטווייליגן ביהמ"ד וועלכע עפענט זיך דעם שב"ק אינעם 'אייקאן' ביזנעס סענטער, דער רבי האט זיך נאכגעפרעגט איבער אלע פרטים און הרה"ח ר' דוד עקשטיין הי"ו מראה"ק האט אויסגעשמועסט די פלענער פארן נייעם ביהמ"ד המפואר וועלכע ווערט געבויעט ברוב פאר והדר מיט אלע צוגעהערן און וועט האפענטליך פארטיג ווערן ביז ארום א יאר, און דער רבי האט ווארעם אנגעוואונטשן ברכת קדשו פאר חדב"ן הגה"צ רב הביהמ"ד שליט"א און פאר די הנהלת ועסקני הביהמ"ד.

דער רבי האט געדאווענט מעריב ארום 9:30 און דערנאך ווייטער ממשיך געווען אויפנעמען דעם ציבור.

פרייטאג ערש''ק תצוה

דער רבי האט געדאווענט שחרית בהיכל המתיבתא סניף דברי יואל. פארן דאווענען האט דער רבי געלייגט תפילין פארן בר מצוה בחור ב"ר משה בראך הי"ו.

נאכן דאווענען האט דער רבי משמיע געווען דב"ק דברי הדרכה לקראת דעם געהויבענעם יו"ט פורים הבעל"ט, דער רבי האט ארויסגעברענגט אז מען דארף געדענקן דעם זכור את אשר עשה לך עמלק 'אשר קרך' אין אלע זמנים, און מען דארף געדענקן אז טראץ וואס פורים איז טאקע א צייט וואס מען טוהט זיך אהן פורימ'דיג דארף מען אבער זיכער מאכן אז מען טוהט זיך נישט אן גוי'איש און מען זינגט נישט און מען טאנצט נישט אויף קיין גוי'אישע און צעלאזטע מוזיק, נאר זיך אויפפירן ווי עס פאסט פאר חסידישע געהויבענע בחורים און מיט דעם מקיים זיין דעם מחיית עמלק, ויה"ר שיתקדש שם שמים על ידינו.

דערנאך איז פארגעקומען א לחיים מיטן בר מצוה בחור בחדרו הפרטי.

▫️ סאטמארע נייעס 🌴 ▫️

מאנטאג פרשת משפטים 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף דברי יואל. פארן דאווענען האט דער רבי געלייגט תפילין פאר די בר מצוה בחורים.
- בן הר"ר דוד ליכטענשטיין שליט"א.
- ב"ר יואל ב"ר שמואל הכהן פריעדמאן הי"ו.
- ב"ר יואל ב"ר אהרן קויפמאן הי"ו.

ביים ליינען איז דער רבי געגאנגען הגבה, און נאכן דאווענען פארגעלערנט דעם טעגליכן תהילים שיעור אויף קאפיטל כ"ד פסוק ז'. דערנאך איז פארגעקומען א לחיים מיט די בר מצוה בחורים בחדרו הפרטי.

אין די פארמיטאג שעה'ן איז דער רבי געווען אויף די וועכענטליכע באזוך אינעם בית השחיטה המהודרת. און דערנאך אריבער אויף א באזוך אינעם מצה בעקעריי דקהלתינו הק'.

נאכמיטאג ארום 4:45 האט דער רבי געדאווענט מנחה בביתו נאוה קודש.

נאך מנחה איז דער רבי געפארן קיין מאנסי.
צום ערשט איז דער רבי אנגעקומען אויף קביעות מזוזה אינעם נייעם 'חתונה מאלל' געשעפט אינטער די אייגנטומערשאפט פון הרה"ח ר' יואל בר"מ גאלדשטיין הי"ו, דער רבי איז אנגעקומען ארום 5:45 און קובע געווען א מזוזה אויפן הויפט אריינגאנג, און דערנאך זיך אומקוקן אין אלע אפטיילונגען פונעם געשעפט, דערנאך איז פארגעקומען א מסיבת לחיים, עס האט זיך פארצויגן א שיינע שמועס איבער די הוצאות פון חתונה מאכן, דער רבי האט געטרינקן לחיים און ווארעם אנגעוואונטשן פארן בעה"ב הרה"ח ר' יואל הי"ו פאר אביו הרה"ח ר' משה גאלדשטיין הי"ו און זיין שווער הרה"ח ר' יושע טעללער הי"ו.

דערנאך איז דער רבי ארויף אויף א קביעות מזוזה אינעם אפיס פון האברך ר' יואל עמרם בהר"ר אנטשיל גרובער שליט"א וועלכע געפינט זיך אינעם זעלבן בנין, דער רבי האט קובע געווען א מזוזה און אנגעוואונטשן פאר ר' יואל עמרם הי"ו און זיין גאנצע משפחה.

פון דארט איז דער רבי אריבערגעפארן קיין שיכון סקווירא צו די חופה פון נכד גיסו כ"ק אדמו"ר מסקווירא שליט"א החתן בן הר''ר חיים מאיר טווערסקי שליט"א בן הרה"צ ר' אהרן מענדל שליט"א, נאך די חופה האט דער רבי ווארעם אנגעוואונטשן פאר גיסו כ"ק אדמו"ר מסקווירא שליט"א און פארן חתן, מחותנים, און די זיידעס הרבנים שליט"א, אויך האט זיך דער רבי ווארעם באגריסט מיט כ"ק אדמו"ר מוויזניץ מאנסי שליט"א און כ"ק אדמו"ר מוויזניץ בית שמש שליט"א.
ארום 7:00 איז דער רבי אהיימגעפארן קיין קר"י.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יוסף יואל לעווי הי"ו - הרה"ח ר' יעקב ברי"מ פריעדמאן הי"ו, אין די זאלן פון כינור דוד.
- הרה"ח ר' ישעי' אייגנער הי"ו - הרה"ח ר' יואל ברש"י לאקס הי"ו, אין די זאלן פון בית רחל פאראדייס.
- הרה"ח ר' משה לאנדא הי"ו - הרה"ח ר' מרדכי פערל הי"ו, אין די זאלן פון גינת קליין.

זמני כניסה בקו''פ איז געווען פון 7:45 ביז 12:00 אויפדערנאכט, בביתו נאוה קודש אויף איהעל קט.

בעת די זמני כניסה איז פארגעקומען אן אסיפה בקו''פ אינאיינעם מיט די הנהלה רוחניות פון מוסדות קרית יואל און די בעלי בתים פון די דרייוו גודס קליידער געשעפט ווי מען האט אויסגעשמועסט פארשידענע נייע תקנות אין די מוסדות בנוגע מלבושים, און דער רבי האט איבערגעגעבן הוראת וברכת קדשו.

דער רבי האט געדאווענט מעריב ארום 12:00.

דינסטאג פרשת משפטים

אינדערפרי איידער תפילת שחרית איז פארגעקומען די ברית'ן:
- לבן הנולד אצל ר' ברוך ליפא לעווי הי"ו, ווי דער רבי איז געווען סנדק ומוהל.
- לבן הנולד אצל ר' יחזקאל שרגא ברי"ז ווערצבערגער הי"ו, ווי דער רבי איז געווען סנדק ומוהל.

רבינו שליט''א האט געדאווענט שחרית בהיכל המתיבתא סניף עצי חיים - שיעור ג'. פארן דאווענען האט דער רבי געלייגט תפילין פאר די בר מצוה בחורים.
- ב"ר יואל ב"ר יצחק מרדכי בערקאוויטש הי"ו.
- ב"ר ראובן אריאל מאוואס הי"ו.
- ב"ר אהרן עקיבא קאהן הי"ו.
- ב"ר אליעזר דוד איצקאוויטש הי"ו.
- ב"ר משה ברוך בענדיט ליכטנשטיין הי"ו.

נאכן דאווענען האט דער רבי משמיע געווען דברי הכנה לקראת זייער נסיעה צו מקומות הקדושים אין אייראפע, און ארויסגעברענגט די אימה און פחד וואס דארף אנכאפן ווען מען גייט אריין אין די אוהלים פון אזעלכע צדיקים וקדושים, און מאציל געווען מברכת קדשו.
דערנאך איז פארגעקומען א לחיים מיט די בר מצוה בחורים בהיכל הביהמ"ד, און דער רבי האט פארטיילט שליח מצוה געלט פאר אלע בחורים.

נאך שחרית איז דער רבי ארויף אין שטוב פון הרה"ח ר' ברוך ליפא לעווי הי"ו חבר הנהלת קהלתינו הק' קר"י לרגל הולדות בנו למז"ט, דער רבי האט געטרינקן לחיים און מאציל געווען מברכת קדשו.

ארום 2:30 איז דער רבי אריבער אין ביהמ"ד הגדול צום יום האיחוד פון די קרוב צו טויזענט תלמידי כתה ט' מכינה לישיבה פון מוסדותינו הק' איבער גרעיטער ניו יארק. מען האט געזינגען עטליכע ניגונים און חרוזים, און די מנהלים האבן איבערגעגעבן פאר רבינו שליט"א מנחת ביכורים א קוויטל כוללת מיט די נעמען פון אלע בחורים מיט די טויזענטער שעות רציפות וועלכע זענען געלערנט געווארן במשך די ימי השובבים העעל"ט.
דער רבי האט משמיע געווען דברות קודש והדרכה דברי התחזקות ללימוד התורה, און ארומגערעדט איבער וויאזוי א חסידישע בחור דארף זיך פירן און מסיים געווען בברכת קדשו.
דערנאך האט דער רבי געדאווענט מנחה אינאיינעם מיט די בחורים, נאך מנחה איז דער רבי אריין בחדרו הפרטי ווי דער רבי האט פארטיילט געבענטשטע מטבעות פאר די בחורים וואס האבן זיך אויסגעצייכנט מיט שעות רציפות במשך די ימי השובבים העעל"ט, דערביי האט דער רבי איבערגעגעבן געבענטשטע מטבעות פאר הר"ר עקיבא יוסף כהנא שליט"א וועלכע פארט אין די יעצטיגע טעג קיין ארה"ק, צו פארטיילן פאר די תלמידי כתה מכינה לישיבה פון ירושלים און בני ברק. מען האט געענדיגט ארום 4:10.

פארנאכטס איז רבינו שליט''א אריינגעפארן קיין וומסב''ג צו די וועכענטליכע זמני כניסה.
ביים אנקומען אין וומסב''ג האט דער רבי מנחם אבל געווען משפחת הרה"ח ר' מענדל גאלדבערגער ע"ה.

זמני כניסה בקו''פ איז געווען פון 8:10 ביז 12:50 אויפדערנאכט, בביתו נאוה קודש אויף היוז סט.

בעת די זמני כניסה איז פארגעקומען א כתיבת האותיות פאר די ספר תורה וואס ווערט געשריבן דורך הרה"ח ר' מנחם חיים ריכטמאן הי"ו און ווערט אריינגעגעבן דעם קומענדיגן שושן פורים אין ביהמ"ד קדושת יו"ט אין ב"פ, דער רבי האט אריינגעשריבן די אותיות, געטרינקן לחיים און עס האט זיך פארצויגן א שיינע שמועס און דער רבי האט מאציל געווען מברכת קדשו פאר הרה"ח ר' מנחם חיים הי"ו ובני משפחתו און פאר הרה"ג ר' אלטר אליעזר הורוויץ שליט"א רב הביהמ"ד.

אויך איז פארגעקומען א כתיבת האותיות פאר די ספר תורה וואס ווערט געשריבן דורך ישיבת שער המלך בהנהלת הרה"ג ר' מאיר ישראל שפיטצער שליט"א, דער רבי האט אריינגעשריבן די אותיות, געטרינקן לחיים און עס האט זיך פארצויגן א שיינע שמועס איבער די ישיבה און דער רבי האט מאציל געווען מברכת קדשו פארן ראש ישיבה שליט"א און פאר אלע תלמידי הישיבה.

אזוי אויך זענען אריין בקו''פ ראשי קהלתינו הק' פון מאנטשעסטער אינאיינעם מיט וועד קרן הבנין דבית מדרשינו הגדול אין מאנטשעסטער מקבל זיין ברכת הקודש צום די בעפארשטייענדע קאמפיין צו איבערבויען בית מדרשינו הגדול נאך די שריפה וועלכע איז ל"ע פארגעקומען מיט עטליכע וואכן צוריק, דער רבי האט זיך נאכגעפרעגט איבער אלע פרטים און מאציל געווען מברכת קדשו.

אויך איז פארגעקומען די שמחת החאלאקע פאר נכד רבינו הילד אלכסנדר אשר ני"ו בן הרב הערשל מייזליש שליט"א בן חדב"ן הגה"צ רב דביהמ"ד ישמח משה שליט"א, דער רבי האט אפגעשניטן עטליכע האר, אנגעטוהן די קאפל און ציצית און מאציל געווען מברכת קדשו.

דער רבי האט געדאווענט מעריב ארום 10:00 און דערנאך ממשיך געווען אויפנעמען דעם ציבור.

מיטוואך פרשת משפטים

אינדערפרי איידער תפילת שחרית איז פארגעקומען א ברית לבן הנולד אצל ר' אלימלך ברמ"ח פריעדמאן הי"ו, ווי דער רבי איז געווען סנדק ומוהל.

דער רבי האט געדאווענט שחרית בהיכל המתיבתא סניף ויואל משה. פארן דאווענען האט דער רבי געלייגט תפילין פאר די בר מצוה בחורים.
- ב"ר דוד שטוהל הי"ו.
- ב"ר בנציון יעקב ווערצבערגער הי"ו.
- ב"ר יואל ב"ר אברהם פרידמאן הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ד פסוק א'. דערנאך איז פארגעקומען א לחיים מיט די בר מצוה בחורים בחדרו הפרטי.

נאך שחרית האט דער רבי מנחם אבל געווען הרה"ח ר' יעקב אקער הי"ו היושב ע"פ אחותו ע"ה.

ארום 5:45 האט דער רבי געדאווענט מנחה בביתו נאוה קודש.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' זלמן לייב שפילמאן הי"ו - הרה"ח ר' אברהם שמואל שווארטץ הי"ו, אין די זאלן פון כינור דוד.
- הרה"ח ר' יצחק שאול כוואן הי"ו - הרה"ח ר' יוסף פנחס שאלילאף הי"ו, אין די זאלן פון בית רחל פאראדייס.
- הרה"ח ר' אשר ראאב הי"ו - הרה"ח ר' מרדכי פריעדמאן הי"ו, אין די זאלן פון גינת קליין.

נאך די חופות איז דער רבי אריבער אין די זאלן פון פילמער גארדענס צום שמחת השבע ברכות צוגעשטעלט דורך די מלמדים פון די ספעציעלע מסגרת במוסדותינו הק' לרגל שמחת נשואי בת הרה"ח ר' יעקב אליעזר ווערצבערגער הי"ו חבר וועד החינוך דמוסדותינו הק' ומראשי המסגרת, עס האט זיך פארצויגן א שיינע שמועס איבער דעם דרך הלימוד אין די אלטע היים, דער רבי האט געטרינקן לחיים און מאציל געווען מברכת קדשו.

זמני כניסה בקו''פ איז געווען פון 8:40 ביז 12:00 אויפדערנאכט, בביתו נאוה קודש אויף איהעל קט.

בעת די זמני כניסה זענען אריין בקו''פ ראשי ועסקני קהלתינו הק' פון מאנסי מקבל זיין ברכת הקודש לרגל די כינוס אנ"ש ומעמד 'יעמוד' דורך קהלתינו הק' וועלכע קומט פאר דעם מוצש"ק, עס האט זיך פארצויגן א שיינע שמועס איבער די הרחבת גבולי הקדושה פון קהלתינו הק' און בפרט איבער די פילע שיעורי תורה און די פילע לומדים בחבורת תורתך שעשועי און חבורת יסודי התורה, און דער רבי האט מאציל געווען מברכת קדשו.

דער רבי האט געדאווענט מעריב ארום 12:00.

דאנערשטאג פרשת משפטים

אינדערפרי איידער תפילת שחרית איז פארגעקומען א ברית לבן הנולד אצל ר' ארי' ברב"ש וויינבערגער הי"ו, ווי דער רבי איז געווען סנדק ומוהל.

דער רבי האט געדאווענט שחרית בהיכל המתיבתא סניף ברך משה. פארן דאווענען האט דער רבי געלייגט תפילין פאר די בר מצוה בחורים.
- ב"ר חיים יחזקאל שרגא סאנדער הי"ו.
- ב"ר יוסף אלי' ביקעל הי"ו.
- ב"ר יחיאל גוטמאן הי"ו.
- ב"ר שלום אליעזר גאלדבערגער הי"ו.

ביים ליינען איז דער רבי געגאנגען הגבה. און נאכן דאווענען פארגעלערנט דעם טעגליכן תהילים שיעור אויף קאפיטל כ"ד פסוק א'. דערנאך איז פארגעקומען א לחיים מיט די בר מצוה בחורים בחדרו הפרטי.

ארום 5:45 האט דער רבי געדאווענט מנחה בביתו נאוה קודש.

ארום 8:20 איז דער רבי אריבער אין ביהמ"ד בית שמואל בנימין צו די שמחת השבע ברכות צוגעשטעלט לכבודו פון הרה"ג ר' משה טייטלבוים שליט"א דומ"ץ הביהמ"ד, ביים אנקומען האט דער רבי קובע געווען א מזוזה אויפן נייעם שער פונעם ביהמ"ד 'שער יהודה' נדבת הרה"ח ר' יודא ווייס הי"ו, ביי די שבע ברכות האט זיך פארצויגן א שיינע שמועס מיטן זיידן הגאון הגדול הדומ"ץ שליט"א בעניני מזוזה און איבער די גרויסע יחוס פון חתן וכלה, דער רבי האט געטרינקן לחיים און אנגעוואונטשן פארן חתן, מחותנים, פארן דיין שליט"א, און פארן גאנצן ציבור, און זיך ארויסגעלאזט אין א טאנץ מיט די גאנצע אויבנאן און דערנאך עקסטער מיטן חתן און מיט הגאון הגדול הדומ"ץ שליט"א. מען האט געענדיגט ארום 8:45.

זמני כניסה בקו''פ איז געווען פון 8:50 ביז 11:40 אויפדערנאכט, בביתו נאוה קודש אויף איהעל קט.

רבינו שליט''א געליינט די תנאים פון די מחותנים הרה"ח ר' אהרן שאול סאנדעל ע"ה - הרה"ח ר' משה דוד וויינגארטן הי"ו.

דער רבי האט געדאווענט מעריב ארום 11:40.

פרייטאג ערש''ק משפטים

ארום 5:15 באשמורת הבוקר איז דער רבי אריינגעקומען אין ביהמ"ד הגדול צום "מעמד בקשת רחמים ואמירת כל ספר תהילים" לרגל ימי השובבי"ם, בעל תפילה איז געווען הר"ר זלמן לייב ברח"ב פילאפף שליט"א. מען האט געענדיגט ארום 7:00, און דער רבי איז אהיים לביתו נאוה קודש.

איידער תפילת שחרית איז פארגעקומען א ברית לבן הנולד אצל ר' שלום יוסף מענדלאוויטש הי"ו, ווי דער רבי איז געווען סנדק ומוהל.

דער רבי האט געדאווענט שחרית בהיכל המתיבתא סניף דברי יואל. פארן דאווענען האט דער רבי געלייגט תפילין פאר די בר מצוה בחורים.
- ב"ר וואלף קליין הי"ו.
- ב"ר משה באסול הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.

▫️ סאטמארע נייעס 🌴 ▫️

מיטוואך פרשת יתרו 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן.
- לבן הנולד אצל ר' חיים פריעדמאן הי"ו, ווי דער רבי איז געווען סנדק ומוהל.
- לבן הנולד אצל ר' אברהם ברוין הי"ו, ווי דער רבי איז געווען סנדק ומוהל.
- לבן הנולד אצל ר' אברהם משה ווידער הי"ו (מאנסי), ווי דער רבי איז געווען סנדק.

רבינו שליט''א האט געדאווענט שחרית בהיכל המתיבתא סניף ויואל משה. פארן דאווענען האט דער רבי געלייגט תפילין פאר די בר מצוה בחורים.
- ב"ר שלום יצחק שעהר הי"ו.
- ב"ר יואל ב"ר יוסף לעווי הי"ו.
- ב"ר יואל ב"ר יחזקאל צבי מענדלאוויטש הי"ו.
- ב"ר יואל צבי מארקאוויטש הי"ו.
- ב"ר יואל ב"ר יושע שמואל ווידער הי"ו.
- ב"ר נפתלי משה שניטצלער הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.

נאכמיטאג ארום 5:30 האט דער רבי געדאווענט מנחה בביתו נאוה קודש.

פארנאכטס האט דער רבי מסדר קידושין געווען ביי די חופה פון די פאלגענדע מחותנים.
- הרה"ח ר' שלום משה עקשטיין הי"ו - הרה"ח ר' יואל ברח"ב פילעפף הי"ו, אין די זאלן פון כינור דוד.
- הרה"ח ר' יואל בר"מ פעלבערבוים הי"ו (וומסב''ג) - הרה"ח ר' שמואל מאיר הירש הי"ו, אין די זאלן פון בית רחל פאראדייס.
- הרה"ח ר' ירמי' ווייס הי"ו - הרה"ח ר' דוד מרדכי אונגאר הי"ו, אין די זאלן פון גינת קליין.

נאך די חופה איז דער רבי ארויף אינעם גני קליין זאל צו די שמחת השבע ברכות צוגעשטעלט דורך הגאון הגדול הדומ"ץ שליט"א לרגל שמחת נשואי נכדו למז"ט החתן בן בנו הר"ר אהרן יקותיאל בערקאוויטש שליט"א.
צום ערשט האט דער רבי געדאווענט מעריב אינעם זאל.
עס האט זיך פארצויגן א לענגערע שיינע שמועס בהלכה און איבער פארשידענע מנהגי חמשה עשר בשבט און מנהגי נשואין ביי רבותינו הק' בעל דברי יואל און בעל ברך משה זיע''א, דער רבי האט געמאכט א ברכה אויף א טייטל און טועם געווען פון אתרוג קאמפאט, געטרינקן לחיים און ווארעם אנגעוואונטשן פארן חתן, מחותנים, און פארן זיידן הגאון הגדול הדומ"ץ שליט"א, און דערנאך זיך אויפגעשטעלט טאנצן אינאיינעם מיטן גאנצן אויבנאן און עקסטער מיטן חתן און מיטן דיין שליט"א.
מען האט געענדיגט ארום 9:00, און דער רבי איז אריבער אין ביהמ"ד הגדול און אריין לחדרו הפרטי.

ארום 9:30 איז רבינו שליט''א אריינגעקומען אין ביהמ"ד הגדול צום שלחן הטהור לכבוד חמשה עשר בשבט, וואס איז אפגעראכטן געווארן אויף א גאר געהויבענעם פארנעם במעמד אלפי אנ''ש, דאס ביהמ"ד הגדול איז געווען אנגעפולט מן הקצה אל הקצה, און די מיטעלסטע טיש איז געווען הערליך אויסגעלייגט מיט ביימער פון פירות לכבוד חמשה עשר.

במשך דעם טיש האט מען געזינגען מערערע ניגוני התעורורות ונגוני שמחה, דער רבי האט געטרינקן לחיים און אנגעוואונטשן פארן גאנצן ציבור, מען האט ממשיך געווען מיט ניגוני התעורורות און מען האט אויפגעגעבן פירות דער רבי האט געמאכט א ברכת העץ אויף א טייטל און טועם געווען פונעם אתרוג.

דערנאך האט דער רבי משמיע געווען 5 מאל דב"ק ווען אינצווישן האט מען געזינגען ניגוני התעוררות.
ערשטע תורה: אויפן פסוק 'הללו את ה' מן השמים' און געטייטשט אז פונקט ווי א יעדע פרוכט אדער בארג וכו' האט נישט קיין טענות פארוואס ער איז אזוי באשאפן געווארן און איז נישט מקנא א צווייטע, די זעלבע דארף יעדע מענטש וויסן אז ער האט זיין תפקיד אויף דער וועלט און לויבן הקב"ה אויף זיין תפקיד, חמשה עשר בשבט איז מען מתפלל אויף א אתרוג נאה, אתרוג איז דומה ללב, מען איז מתפלל אז מען זאל האבן א לב טהור א ערליכע און ריינע הארץ. און די משוררים האבן ממשיך געווען צו זינגען 'לב טהור ברא לי'.

צווייטע תורה: חמשה עשר בשבט איז געווען עלתה במחשבתו לבראו העולם, מען איז מרבה בפירות וואס איז א רמז אויף די תורה וואס איז פירות פון אילנא דחיי, אז אידישע קינדער זענען מקושר צו די תורה איז מען א בעל חי ווערט מען נישט נדחה במילא ניצט תשובה, מען דארף מתפלל זיין מען זאל מרגיש זיין די מתיקות פון לימוד התורה. און די משוררים האבן ממשיך געווען מיטן ניגון 'והערב נא'.

דריטע תורה: חמשה עשר בשבט איז געווען עלתה במחשבתו לבראו העולם, מען איז מרבה בפירות און מען איז מתפלל אז מען זאל האבן ערליכע פירות ערליכע דורות, הקב"ה איז מצרף פאר א מענטש אלע מעשים טובים פון אלע זיינע דורות, במילא איז נישט דא די טענה פון די מלאכים. און די משוררים האבן ממשיך געווען מיטן זמר 'ויהי זרעי וזרע זרעי תלמידי חכמים'.

פערטע תורה: חמשה עשר בשבט איז געווען עלתה במחשבתו לבראו העולם, מען איז מרבה בפירות צו ווייזן אז מען קען אויך דינען הקב"ה מיט אכילה ושתיה במילא איז קרוב לשכר יותר מלהפסד איז נישט דא די טענה פון די מלאכים.
נאך א אופן, מען איז מרבה בפירות צו ווייזן אז אונז זעמיר מרבה במצות אפילו וואס איז נאר מדרבנן במילא איז קרוב לשכר יותר מלהפסד, אויף מצות דרבנן איז יא דא שכר אויף די וועלט, מען איז מרבה בפירות הקב"ה וועט יא געבן שכר בהאי עלמא און משפיע זיין כל טוב פאר כלל ישראל, און נאכגעזאגט פון הרה"ק ראדמישלא רב זצ"ל אז 'חמשה עשר בשבט' איז בגי' 'שלח רפואה שלימה לחולי עמך' יעצט ווען מען איז מרבה בפירות אז אידישע קינדער זענען מקיים אלע מצוות דרבנן, איז מעורר אז הקב"ה דארף אויך איינהאלטן די מצות דרבנן, די חיובי בעל לאשה וואס איז 'לרפאותה' און איז מחיוב צו שיקן רפואות פאר כלל ישראל. און די משוררים האבן ממשיך געווען מיטן זמר 'אבינו מלכינו שלח רפואה שלימה לחולי עמך'.

פינפטע דב''ק: דער רבי האט אנגעוואונטשן ברכות קדשו מ'זאל קענען מרבה זיין בפירות אין לימוד התורה וקיום המצוה, און זען פירות מתוקים תענוג ונחת פון די קינדער און אייניקלעך. און ממשיך געווען אז מען דארף אפגעגעבן א שבח והודאה פאר השי"ת פארן געבן די זכי' צו טון גוטע פעולות בנוגע די פרייזן פון די דירות אין קרית יואל, און געבעטן א תפילה לעתיד, און געזאגט אז בעזרת השי"ת וועט מען שטיין על המשמר די תקנות זאלן אויסגעפירט ווערן מערסטענס 300 א סקווער פיס אין קרית יואל, און 250 אין קרית יואל המורחבת, און שארף אויפגעפאדערט אלע וואס זענען עוסק אין דעם נישט צו מאכן קיין חכמות. און ארומגערעדט איבער די געוואלדיגע הצלחה וואס מען האט געהאט מיט די נייע מלבושי צניעות פאר די תלמידות בית רחל, און ארויסגעברענגט די גרויסע עבודה און דגוש וואס הרה"ק רבי ר' מענדל'ע מרימנוב זיע''א האט געלייגט אויף גיין געקנעפלט רעכטס אויף לינקס, און געמאלדן די בשורה מרנינה אז נאכן רעדן צו די סוחרים און בעטן און אויפפאדערן זיך אריין צו לייגן צו קענען אהערשטעלן אויך די קינדערישע בגדים פון רעכטס אויף לינקס און בעז"ה אויף פסח וועט שוין זיין צו באקומען בגדים פאר קינדער רעכטס אויף לינקס, מגביר צו זיין ימין וואס איז חסד, על שמאל וואס איז דינים.
דערנאך האט דער רבי ארום גערעדט איבער די כלים צו הערן מוזיק און דרשות, וואס ברענגט גרויסע מכשולות, און אויפגעפאדערט אלע עלטערן נאר צו קויפן די נייע כלי מיט א הכשר, וואס איז אהערגעשטעלט אז מען זאל דאס נישט קענען נוצן פאר עפעס אנדערש.
ביים סוף מעורר געווען אנ"ש צו לערנען קדושת לוי לפורים אלץ הכנה דרבה צום קומו וקבלו, און מסיים געווען ברוב ברכות, און נאכגעזאגט פונעם זרע קודש אז חמשה עשר איז אותיות שער שמחה, השי"ת העלפן עס זאל זיין אפן די שערי שמחה פאר אלע אידישע קינדער, מיט פרנסה בהרחבה גדולה.

מען האט ממשיך געווען צו זינגען ניגוני שמחה, מען האט געענדיגט ארום 11:45.

דאנערשטאג יתרו חמשה עשר בשבט

דער רבי האט געדאווענט שחרית בהיכל המתיבתא סניף עצי חיים שיעור ג'. פארן דאווענען האט דער רבי געלייגט תפילין פאר די בר מצוה בחורים.
- ב"ר יואל ב"ר יעקב הערש פריעדמאן הי"ו.
- ב"ר יואל ברא"י לאנדא הי"ו.
- ב"ר משה אלי' פריעד הי"ו.

ביים ליינען איז דער רבי געגאנגען הגבה, און נאכן דאווענען פארגעלערנט דעם טעגליכן תהילים שיעור און נאכגעזאגט פונעם זרע קודש אז 'חמשה עשר' איז די אותיות 'שער שמחה' און אנגעוואונטשן פאר די בחורים מען זאל מרבה זיין מיט שמחות בקרוב ביי אלע בחורים. דערנאך איז פארגעקומען א לחיים מיט די בר מצוה בחורים בהיכל הביהמ"ד, מען האט געזינגען ניגוני חמשה עשר און דער רבי האט טועם געווען פון די פירות געטרינקן לחיים און מאציל געווען מברכת קדשו, און פארטיילט טייטלען פאר אלע בחורים.

ארום 4:30 איז דער רבי אריבער בביתו החדש פון הרה"ח ר' חיים הערש אבערלענדער הי"ו מנהל בית השחיטה המהודרת, ווי עס איז פארגעקומען א גאר סוקסעספולע מסיבה מפוארה, ווי עס איז געשאפן געווארן דעם פאנטאסטישן סכום פון אריבער צוויי מיליאון דאללאר צום גמר הבנין פונעם בית חינוך לבנות - בית פיגא, שע"י מוסדותינו הק' אין בני ברק יע"א.
די מסיבה איז פאררופן געווארן דורך הרה"ח ר' חיים הערש הי"ו אינאיינעם מיט שותפו לדבר מצוה הרה"ח ר' יואל בערנאטה הי"ו עס זענען געלאדענט געווארן פילע נגידי אנ''ש וועלכע האבן זיך נאך נישט געהאט אנגעשלאסן אינעם קרן הבנין, און האבן יעצט מנדב געווען ברוח נדיבה צו קענען גומר זיין דעם בנין גדול ומפואר.

צום ערשט האט דער רבי געדאווענט מנחה, און דערנאך קובע געווען א מזוזה אויף איינע פון די שטיבער.

דערנאך האט זיך דער רבי געוואשן צום שלחן הטהור לכבוד חמשה עשר בשבט, במשך די סעודה האט מען מאריך געווען בשירה וזמרה און עס איז פארמירט געווארן שיינע שמועסן מיט די אנוועזנדע.
אויך האבן אויפגעטרעטן הרה"ח ר' מאיר הירש הי"ו, הרה"ח ר' זלמן לייב קאפעל הי"ו, און הרה"ח ר' חיים הערש אבערלענדער הי"ו.

דער רבי האט משמיע געווען דב"ק בדברי אגדה לכבוד היום און דערנאך ארויסגעברענגט דאס חשיבות פון די נדבנים און די שטארקע צורך פארן גמר הבנין, און ארויסגעברענגט לשבח פון קהלתינו ומוסדותינו הק' אין ב"ב, און ארומגערעדט בשבח פון הרה"ח ר' חיים הערש הי"ו איבער זיינע פילע פעולות לטובה פארן בית השחיטה המהודרת, און פון הרה"ח ר' יואל בערנאטה הי"ו וועלכע איז פון די חברי ועד הדירות און האט געהאט א גרויסע חלק אין אראפריקן די פרייזן פון די דירות אין קר"י, און מסיים געווען מיט ברכות לרוב פאר אלע אנוועזנדע.

דערנאך האט מען אויפגעגעבן פירות לכבוד היום דער רבי האט טועם געווען פון די טייטלען און נאך פארשידענע פירות. מיטן בענטשן האט דער רבי מכבד געווען הרה"ח ר' יואל בערנאטה הי"ו.

נאכן בענטשן זענען די נגידים איינציגווייז אריבער חתמ'נען די שטרות אינאיינעם מיט רבינו שליט''א, און דער רבי האט ווארעם אנגעוואונטשן ברכת קדשו, און פארטיילט פאר יעדעם א שאכטל פירות מיט שיירי אתרוג וואס האט געהאנגען אינעם רבינ'ס סוכה. מען האט געענדיגט ארום 8:00.

זמני כניסה בקו''פ איז געווען פון 8:15 ביז 1:15 אויפדערנאכט, בביתו נאוה קודש אויף איהעל קט.

בעת די זמני כניסה איז אריין בקודש פנימה הרה"צ רבי חיים מאיר האגער שליט"א ר"י וויזניץ וומסב''ג בן כ"ק אדמו"ר מוויזניץ וומסב''ג שליט"א מקבל זיין ברכת הקודש לרגל נשואי בתו למז"ט, עס האט זיך פארצויגן גאר א שיינע שמועס בסיפורי בית וויזניץ און דער רבי האט אים מאציל געווען מברכת קדשו.
ביים פארענדיגן האט דער רבי אים געזאגט אז ער מאכט אים פאר א שליח אז ער זאל איבערגעבן פאר אביו כ"ק אדמו"ר מוויזניץ וומסב''ג שליט"א א פריסת שלום און א שליחות מיט א בקשה מיוחדת איבער די נייע דירות פאזע דורך קהילת וויזניץ בשכונת דברי חיים אין קר"י.
דער רבי האט ברייט און ידידות'דיג אויסגעשמועסט די פעולות לטובה דורך כ"ק אדמו"ר מתורת מרדכי מוויזניץ זצ"ל צו בויען א נייעם אידישן ישוב אין מאנסי און האדמו"ר מוויזניץ זצ"ל האט טאקע געבעטן כ"ק אדמו"ר מסקווירא זצ"ל נישט צו בויען זיין שטעטל תיכף נעבן זיין ישוב, און דאס איז די סיבה פארוואס רביה''ק בעל דברי יואל זיע''א האט נישט געבויעט קרית יואל נעבן מאנסי טראץ וואס עס וואלט געווען פיל גרינגער, וויבאלד ער האט געוואלט אז קרית יואל זאל זיין אפגעטיילט פון אנדערע ישובים, אבער דורך דעם וואס מאנסי איז למעשה באזעצט געווארן דורך פילע שיכטן און קרייזן איז א מציאות היינט צוטאגס אז ס'איז שווער דארט גודר גדר צו זיין אויף פארשידענע ענינים וכו', ווייל די איינציגסטע וועג צו קענען האלטן אן עינא פקיחא אויף א שטאט איז נאר אויב עס איז אלעס תושבים מיטן זעלבן מהלך החיים און השקפה, און נאר אזוי האט קרית יואל געהאט אזא הצלחה בליעה"ר ביז אהער, און דער רבי האט געבעטן איבערצוגעבן בבקשה אז היות די שטאט ניו יארק איז גענוג גרויס צו קענען מאכן ישובים ערגעץ אנדערש, איז נישט מין היושר והנכון צו מאכן הארט נעבן קרית יואל א ישוב פאר חסידי וויזניץ, און מצידינו זעמיר אונז זעמיר גרייט אפצוקויפן אלע דירות וואס איז שוין געבויעט געווארן, און אלע דירות וואס ווערן געבויעט און מען וועט זיכער מאכן אז זיי האבן נישט קיין שום שאדן ח"ו, און כמובן מען וועט אויך זיין בייהילפיג צו טרעפן א נייעם פאסיגן מקום מיט אלע הצטרכות'ער.
דערביי האט דער רבי ארויסגעברענגט ווי די שטאט קרית יואל איז געווען בבת עיניו הק' פון רביה"ק בעל דברי יואל זיע''א וואס איז געווען א גברא דקפדנא ביי אידישקייט און האט אייביג אויסגעפירט וואס ער האט געוואלט בענינים לשם שמים, און ס'איז נישט כדאי מזאל זיך מיט אים פארטשעפענען, בפרט ווען עס איז געקומען צו זיין שטעטל קרית יואל ווי מען זעט בחוש ווי רביה''ק זיע''א גיבט אכטונג פון אויבן אפצוהיטן די הייליגקייט און ריינקייט פון זיין שטאט וועלכע ער האט אויפגעשטעלט מיט מסירות נפש בדם לבבו לשמו ולזכרו איבערצולאזן א שם ושארית משמו בישראל און מגנזי מרומים וועט ער דא אויך פועל זיין אז ער זאל קענען אויספירן משאת נפשו הטהור בעז"ה, דער רבי האט פארענדיגט זיינע ווערטער אום ממשיך געווען בברכת קדשו און אנגעוואונטשן ברכות לרוב און דערנאך ארויסבאגלייט ביז צו די גאס.

אויך איז אריין בקודש פנימה הר''ר חיים מאיר טווערסקי שליט"א בן הרה"צ ר' אהרן מענדל שליט"א בן כ"ק אדמו"ר מסקווירא שליט"א אינאיינעם מיט בנו החתן ני"ו איינצולאדענען און מקבל זיין ברכת הקודש לרגל די שמחת החתונה וועלכע קומט פאר קומענדיגע וואך אין שיכון סקווירא, עס האט זיך פארצויגן א שיינע שמועס איבער די יחוס פון חתן וכלה און דער רבי האט מאציל געווען מברכת קדשו.

רבינו שליט''א האט געליינט די תנאים פון די פאלגענדע מחותנים.
- הרה"ח ר' יואל בר"ש פריעדמאן הי"ו - הרה"ח ר' מאיר אלי' אקער הי"ו.
- הרה"ח ר' חזקי' צבי בוכינגער הי"ו - הרה"ח ר' יושע יצחק פירטה הי"ו.

דער רבי האט געדאווענט מעריב ארום 12:00 און דערנאך ווייטער ממשיך געווען אויפנעמען דעם ציבור.

פרייטאג ערש''ק יתרו

אינדערפרי איידער תפילת שחרית איז פארגעקומען די ברית'ן:
- לבן הנולד אצל ר' הלל בר"מ קאהן הי"ו, ווי דער רבי איז געווען סנדק ומוהל.
- לבן הנולד אצל ר' שלמה ברז"ד ווערצבערגער הי"ו, ווי דער רבי איז געווען סנדק.

דער רבי האט געדאווענט שחרית בהיכל המתיבתא סניף דברי יואל. פארן דאווענען האט דער רבי געלייגט תפילין פאר די בר מצוה בחורים.
- ב"ר אברהם סרוגא הי"ו.
- ב"ר קלמן אליעזר עקשטיין הי"ו.
- ב"ר יואל ברד"ל האלפערט הי"ו.
- ב"ר פנחס לעמל קיש הי"ו.
- ב"ר ישראל מרדכי גוטמאן הי"ו.
- ב"ר יואל בר"מ עקשטיין הי"ו.
- ב"ר דוד לוי קויפמאן הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.

▫️ סאטמארע נייעס 🌴 ▫️