סאטמארע נייעס

ליל ג' דחנוכה 'בצל הקודש' פון כ''ק רבינו הגה''ק שליט''א

ביים זמן רבינו תם האט רבינו שליט''א געדאווענט מעריב בביתו נאוה קודש, פאר מעריב האט הב' אברהם שמחה ב"ר מנשה גאטליעב הי"ו געצינדן די מנורה.

ארום 9:10 איז רבינו שליט''א אריינגעקומען בהיכל ביהמ''ד הגדול בקר''י צו הדלקת נירות חנוכה ברוב עם הדרת מלך, דער רבי האט אריינגעגאסן די אויל און געזאגט די ברכות באש קודש.
דערנאך האט דער רבי געזאגט די זמירות און מען האט געזונגען נגוני התעוררות, און די קאפעליע האט געזונגען די פיוטים כנהוג.

דערנאך האט רבינו שליט''א משמיע געווען דב''ק דברי דרוש ופלפול אין די סוגיא במס' שבת פון כבתה זקוק לה, און דערנאך ממשיך געווען בדברי אגדה ומוסר, און מסיים געווען בברכות קדשו.

נאך די דב''ק האט מען ממשיך געווען צו זינגען ניגונים, דער רבי האט געטרינקן לחיים און געוואונטשן ברכות קדשו. מען האט געענדיגט ארום 10:35.

דערנאך איז רבינו שליט''א אריבער אין מבצר הכוללים ווי עס איז פארגעקומען דער יערליכער כינוס התחזקות דורך 'חבורת ליל שישי', מען האט געזינגען עטליכע ניגוני התעורורות און עס האט אויפגעטרעטן הר"ר הערשל קאהן שליט"א.
רבינו שליט''א האט געטרינקן לחיים און געווינטשן פארן גאנצן ציבור, און משמיע געווען דברות קודש והתחזקות, ובדברי שבח פון די חשוב'ע חבורה וואס איז זיך מחזק בעבודת השם, און די חשיבות היינטיגע צייטן פון אפילו א קליינע דבר טוב בעבודת השם, און געזאגט אז "צו בלייבן א חסידישע איד אים תשפ"ג קען מען נאר דורכן לערנען חסיד'ישע ספרים" און זיך צו ווייקן מיט חסידישע אידן בחבורה אחת, און מסיים געווען בברכות לרוב. מען האט געענדיגט ארום 11:10.

▫️ סאטמאר'ע נייעס 🌴 ▫️

ליל ב' דחנוכה 'בצל הקודש' פון כ''ק רבינו הגה''ק שליט''א

ביים זמן רבינו תם האט רבינו שליט''א געדאווענט מעריב בביתו נאוה קודש, פאר מעריב האט הב' וואלף ב"ר יואל בר"ב שטיין הי"ו געצינדן די מנורה.

ארום 9:10 איז רבינו שליט''א אריינגעקומען בהיכל ביהמ''ד הגדול בקר''י צו הדלקת נירות חנוכה ברוב עם הדרת מלך, דער רבי האט אריינגעגאסן די אויל און געזאגט די ברכות באש קודש.
דערנאך האט דער רבי געזאגט די זמירות און מען האט געזונגען נגוני התעוררות, און די קאפעליע האט געזונגען די פיוטים כנהוג.

דערנאך האט רבינו שליט''א משמיע געווען דב''ק דברי דרוש ופלפול אין די סוגיא במס' שבת פון כבתה זקוק לה, און דערנאך ממשיך געווען בדברי אגדה, די נר חנוכה איז משפיע חכמת התורה וואס דורכן עוסק זיין בתורה קומט אראפ אלע השפעות טובות בגשמיות, און מסיים געווען בברכות קדשו.

נאך די דב''ק האט חדב"נ הגה"צ רב דביהמ"ד ישמח משה שליט"א שלום גענומען נאכן זיך אומקערן פון ארה"ק וויילענדיג בקרב קהלתינו הק' אין בני ברק אויף כ"א כסלו און שב"ק העעל"ט, דער רבי האט מיט א געוואלדיגן קורת רוח געהערט א גרוס פונעם התעלות והצלחה מרובה בקרב קהלתינו הק' ומוסדותי'.
דערנאך האט מען ממשיך געווען צו זינגען ניגונים, דער רבי האט געטרינקן לחיים און געוואונטשן ברכות קדשו. מען האט געענדיגט ארום 10:30.


דינסטאג פרשת מקץ ב' דחנוכה

אינדערפרי איידער תפילת שחרית איז פארגעקומען די ברית לבן הנולד אצל העסקן הדגול הרה''ח ר' אברהם יושע גלאנץ הי"ו, ווי דער רבי איז געווען סנדק ומוהל.

רבינו שליט''א האט געדאווענט שחרית אינאיינעם מיט תלמידי המתיבתא סניף עצי חיים שיעור ג' אין ביהמ"ד יראי ה' בשכונת סמיט פארם בגלילות קר"י.
רבינו שליט''א איז צוגעגאנגען צו הלל בהתעוררות רב, און ביים ליינען עולה געווען שלישי.

נאכן דאווענען איז רבינו שליט''א אריבער אויף א באזוך ביי הרה"ג ר' מרדכי פריעדמאן שליט"א רב הביהמ"ד, ור''מ במתיבתא, עס האט זיך פארמירט א שיינע שמועס, דער רבי האט געטרינקן לחיים און מאציל געווען מברכות קדשו.

דער רבי האט געדאווענט מנחה ארום 5:10 בביתו נאוה קודש אויף צאנז קט.

▫️ סאטמארע נייעס 🌴 ▫️

מאנטאג פרשת מקץ א' דחנוכה 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן.
לבן הנולד אצל ר' שמואל אליעזר פערל הי"ו, ווי דער רבי איז געווען סנדק.
לבן הנולד אצל ר' שלמה בראך הי"ו, ווי דער רבי איז געווען סנדק.

רבינו שליט''א האט געדאווענט שחרית בהיכל המתיבתא סניף דברי יואל. פארן דאווענען האט דער רבי תפילין געלייגט פאר די פאלגענגע בר מצוה בחורים:
ב"ר שמואל מאיר בערקאוויטש הי"ו.
ב"ר יקותיאל שרגא פייוויל גאנדל הי"ו.
רבינו שליט''א איז צוגעגאנגען צו הלל בהתעוררות רב, און ביים ליינען געגאנגען הגבה.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

נאכמיטאג ארום 5:10 האט דער רבי געדאווענט מנחה בביתו נאוה קודש.

▫️ סאטמארע נייעס 🌴 ▫️

ליל א' דחנוכה 'בצל הקודש' פון כ''ק רבינו הגה''ק שליט''א

ביים זמן רבינו תם האט רבינו שליט''א געדאווענט מעריב בביתו נאוה קודש, פאר מעריב האט הרה''ח ר' בערל שטיין הי''ו געצינדן די מנורה.

ארום 9:05 איז רבינו שליט''א אריינגעקומען בהיכל ביהמ''ד הגדול בקר''י צו הדלקת נירות חנוכה ברוב עם הדרת מלך, דער רבי האט אריינגעגאסן די אויל און געזאגט די ברכות באש קודש.
דערנאך האט דער רבי געזאגט די זמירות און מען האט געזונגען נגוני התעוררות, די קאפעליע האט געזונגען די פיוטים כנהוג, און הרה"ח ר' משה לוי ברוין הי"ו האט מהנה געווען בפרקי חזנות אויפן פיוט פון יונים.

דערנאך האט רבינו שליט''א משמיע געווען דב''ק דברי דרוש ופלפול אין די סוגיא במס' שבת פון כבתה זקוק לה, און דערנאך ממשיך געווען בדברי אגדה איבער די שטארקע גנות פון זיך נאכגעבן תאוות עולם הזה, און מעורר געווען נישט זיך לאזן ווערן נאכגעשלעפט פון תאוות אמעריקע, און מסיים געווען בברכת קדשו.

נאך די דב''ק האט מען ממשיך געווען צו זינגען ניגונים, דער רבי האט ממשיך געווען די דב''ק פארציילענדיג א סיפור פון זקינו הגה''ק בעל ייטב לב זיע"א, איבער זיך נאכגעבן די תאוות, דערנאך האט דער רבי געטרינקן לחיים און געוואונטשן ברכות קדשו. מען האט געענדיגט ארום 10:20.

▫️ סאטמאר'ע נייעס 🌴 ▫️

שב"ק פרשת וישב מברכים חודש טבת 'בצל הקודש' פון כ"ק מרן רבינו הגה"ק שליט"א.

פרייטאג צונאכטס ארום 5:10 איז רבינו שליט''א אריינגעקומען אין ביהמ"ד מעוטף בטליתו און צוגעגאנגען צו מנחה. קבלת שבת: הרה"ח ר' יעקב יחזקי' גאנדל הי"ו.

מען האט געענדיגט דאווענען ארום 6:40. דער עולם איז אריבער געגאנגען גוט שבת זאגן, און רבינו שליט''א איז אהיים געגאנגן לביתו נאוה קודש.

ארום 8:35 איז רבינו שליט''א אריינגעקומען צום שלחה"ט בהיכל השלחנות אינאיינעם מיט די תלמידי המתיבתא, און אנגעהויבן כדרכו בקודש 'שלום עליכם' ברגש ובנעימה.

אשת חיל: נכד רבינו הב' מאיר אליעזר טייטלבוים בן הגה''צ רב דביהמ''ד ברך משה שליט''א, הגבהת הכוס לקידוש: נכד רבינו הרב דוד טייטלבוים שליט"א בן הגה"צ אב"ד סיגוט שליט"א.

מיט די זמירות האט רבינו שליט''א מכבד געווען. כל מקדש: הרה"ג ר' שלום נח ווייס שליט"א דומ"ץ ארשיווע ב"פ, מנוחה ושמחה: הרב יואל פערלמאן שליט"א (לאנדאן).

רבינו שליט''א האט געזאגט תורה אויפן רש"י 'ביקש יעקב לישב בשלוה קפץ עליו רגזו של יוסף', און געטייטשט בדרך דרוש אין די סוגיא פון טעם כעיקר.

קה אכסוף: הרה''ג ר' ארי' אשר אינדיג שליט"א מו''ץ ביהמ"ד מהרש''א דקהלתינו, ברכהמ"ז: נכד רבינו הרב דוד טייטלבוים שליט"א.

עובדות וסיפורים די וואך האט רבינו שליט''א דערציילט פון הרה"ק ר' משה'לע דעעש'ער זיע"א וואס די יארצייט איז געפאלן דעם זונטאג כ"ד כסלו. קה רבון עלם: הרה"ג ר' שלמה הערש עקשטיין שליט"א מו"ץ בקהלתינו.

די פרישע חתנים זענען אדורך נעמען פירות, אז ביום השביעי: הרב חיים מאיר שטיין שליט"א. מען האט געענדיגט ארום 11:10.

וביום השבת קודש

שב''ק צופרי איז רבינו שליט''א אריינגעקומען ארום 9:20. פסוקי דזמרה: הרה"ח ר' חיים יאקאב הי"ו (וומסב''ג), רבינו שליט''א האט פארגעזאגט וכרות פסוק בפסוק, און צוגעגאנגען צו שחרית.

הוצאה והכנסה: הרה"ח ר' מאיר אפרים גראהמאן הי"ו, פסוקי שמע ישראל: הר"ר נפתלי חיים וואגשאל שליט"א (ב"פ).

עליות. כהן: הרה"ח ר' אברהם יושע גלאנץ הי"ו, לוי: ר' יחזקאל ברמ"ש ווערצבערגער הי"ו, שלישי: החתן ב"ר אברהם יודא לעבאוויטש הי"ו, רביעי: הרה''ג ר' אלימלך שלמה שווארץ שליט"א, חמישי: הרה"ג ר' יוסף שמואל בערקאוויטש שליט"א מו"ץ בקהלתינו, שישי: רבינו שליט''א.

נאכ'ן עולה זיין האט רבינו שליט''א געמאכט די מי שברך וקריאת השם לרגל הולדת הבת ביי די פאלגענגע בעלי שמחה.
ר' יעקב ברי"ד גלאנץ הי"ו.
ר' פנחס נחמן ברי"מ גלויבער הי"ו.

שביעי: הרה"ח ר' יעקב שמחה שעהר הי"ו - רבינו שליט''א האט געמאכט דעם מי שברך וקריאת השם לרגל הולדת בתו, אחרון: הרה"ח ר' שלום אליעזר ליכטענשטיין הי"ו (וומסב''ג), מפטיר: הרה"ח ר' יוסף שפיטצער הי"ו (ב"פ), הגבה: הרה"ח ר' פנחס יודא ליכטענשטיין הי"ו (וומסב''ג), גלילה: הרה"ח ר' אהרן שווארץ הי"ו.
רבינו שליט''א האט ראש חודש געבענטשט מיט גרויס התעוררות.

מוסף: הרה"ח ר' יצחק עהרנפעלד הי"ו, פתיחה לאנעים זמירות: הרב מרדכי גרינפעלד שליט"א (הר יונה).

נאכן דאווענען איז פארגעקומען א ברית לבן הנולד אצל הר''ר ר' יעקב הלל ליכטענשטיין שליט''א, ווי דער רבי איז געווען סנדק ומוהל. מען האט געענדיגט ארום 12:30.

רעווא דרעווין

צו מנחה ושל''ש איז רבינו שליט''א אריינגעקומען ארום 5:05. מנחה: הרה"ח ר' שאול לייב זאלדאן הי"ו, הוצאה והכנסה: הרה"ח ר' יודא לייב מאשקאוויטש הי"ו (וומסב''ג), כהן: הר"ר הערשל כ"ץ שליט"א (וומסב''ג), לוי: הרה''ג ר' משה שמואל הירש שליט''א, שלישי: הרה"ח ר' מענדל פרענקל הי"ו, הגבה: רבינו שליט''א, גלילה: נכד רבינו הרב דוד טייטלבוים שליט"א.

זמירות ביי של''ש האט רבינו שליט''א מכבד געווען. אודה: הרה"ח ר' נח גפן הי"ו, שיר המעלות: הרה"ח ר' משה גאלדשטיין הי"ו.

ביי די תורה האט רבינו שליט''א זיך געשטעלט אויפן פסוק 'ויהי כהיום הזה ויבוא הביתה לעשות מלאכתו' און געטיישטש אז מיט'ן כח פון שב''ק וואס דורך דעם איז די אור הגנוז מאיר עיני ישראל, קען מען זיין זיכער וואס איז א מצוה וואס איז א עבירה, כשעמדה מלכות יון הרשעה על עמך ישראל להשכיחם תורתך ווייל אויך דורך די תורה וואס איז אין דעם באהאלטן דער אור הגנוז, קען מען זיך האלטן קעגן דעם יצר הרע, און ממשיך געווען בדברי הכנה לחנוכה וואס די נרות חנוכה לייכטן אויף די אויגן.

ידיד נפש: הרה"ח ר' משה פאלקאוויטש הי"ו (וומסב''ג), קל מסתתר: הר"ר הערשל כ"ץ שליט"א, רבינו שליט''א האט געבענטשט אויפן כוס און געזאגט שבע ברכות.

מעריב מוצש''ק: הרה"ח ר' משה פאלקאוויטש הי"ו, נאך הבדלה איז מען אריבער זאגן א גוטע וואך, מען האט געענדיגט ארום 7:25.

▫️ סאטמאר'ע נייעס 🌴 ▫️

דאנערשטאג וישב כ"א כסלו 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית אין ביהמ"ד הגדול. פארן דאווענען האט דער רבי תפילין געלייגט פאר די פאלגענגע בר מצוה בחורים.
ב"ר יואל טאמבור הי"ו.
ב"ר אברהם יואל ראטה הי"ו.
ביים ליינען איז דער רבי געגאנגען הגבה, און נאכן דאווענען איז פארגעקומען א לחיים מיט די בר מצוה בחורים בחדרו הפרטי.

אין די פארמיטאג שעה'ן איז רבינו שליט''א געווען אויף א באזוך אינעם מצה בעקערי דקהלתינו הק', און דערנאך האט דער רבי קובע מזוזה געווען אויף די נייע פליגל וואס איז צוגעבויעט געווארן, און ארומגעגאנגען אינעם נייעם פליגל און זיך אומגעקוקט אויף די הרחבת גבולי הקדושה.
דערנאך איז דער רבי אריבער אויף די וועכענטליכע באזוך אינעם בית השחיטה המהודרת.

נאכמיטאג ארום 5:00 האט דער רבי געדאווענט מנחה בביתו נאוה קודש.
נאך מנחה ארום 5:30 איז רבינו שליט''א אנגעקומען צום מעמד סעודת הודאה 'כ''א כסלו' בהיכל המתיבתא של מרן רביה''ק בעל הנס זיע"א - בסניף ברך משה אינאיינעם מיט די תלמידים פון אלע סניפים, מען האט געזינגן חסדי ה' וניגוני הודאה און דער רבי האט געטאנצן אויפן פלאץ פאר א לענגערע צייט.
רבינו שליט''א האט געטרינקן לחיים און געוואונטשן פאר די מרביצי תורה און אלע בחורים, און משמיע געווען דברות קודש והדרכה, און צום ערשט באגריסט דעם חשוב'ן גאסט הר"ר נפתלי לעבאוויטש שליט"א, מסופרי המלך אצל רביה"ק זיע"א, און ארומגערעדט אז ווען מען איז זיך מתבונן אויף די מצב וואס אידישקייט האט געהאלטן פאר 80 יאר צוריק אין אמעריקע און ווי עס קוקט היינט אויס, קומט פון זיך אליינס ארויס א שבח והודאה פאר הקב"ה פארן מציל זיין רביה''ק זיע"א מגיא צלמות, און ארויסגעברענגט די געוואלדיגע איבערגעגעבנקייט וואס רביה''ק זיע"א האט געהאט צו די בחורים ווי א טאטע צו א קינד, און די געוואלדיגע זכי' און התחייבות וואס מען האט צו לערנען אין א סאטמאר'ע ישיבה, בסיום דבריו האט דער רבי ארויסגעברענגט לשבח פון די בחורים וואס זענען עוסק לצמצום הוצאות החתונה סיי לגבי די שטריימלעך און סיי לגבי די מוזיק, און מיט דעם אראפנעמען פון די גרויסע הוצאות וואס ליגט אויף א טאטנ'ס קאפ ביים חתונה מאכן, און מעורר געווען די חתנים, החכם עיניו בראשו מען זאל זעהן צו באשטעלן די תפילין ר"ת גענוג פרי צו קענען האבן מהודר'דיגע תפילין, אזוי אויך האט דער רבי מעורר געווען איבער די תקנה פון רביה"ק זיע"א נישט צו גיין צו חתונות און מסיים געווען בברכת קדשו. מען האט געענדיגט ארום 6:15.

פארנאכטס האט רבינו שליט''א מסדר קידושין געווען ביי די חופה פון די פאלגענגע מחותנים.
ר' ציון סאאל הי"ו - ר' מיכאל עג'מי הי"ו, באולם כינור דוד.
ר' משה דוד וויינגארטן הי"ו - ר' ליפא פרידריך ע"ה, באולם בית רחל פאראדייס.
ר' חיים שמואל רייך הי"ו - ר' יעקב נפתלי דרעזנער הי"ו, באולם קרן ויואל משה.

זמני כניסה בקודש פנימה איז געווען פון אום 8:15 ביז 11:45 אויפדערנאכט, בביתו נאוה קודש אויף אוהעל קט.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענגע מחותנים.
ר' אברהם בערגער הי"ו - ר' יואל בר"מ ווערטהיימער הי"ו.
ר' יוסף לעווי הי"ו - ר' חיים הערש ראטה הי"ו.

רבינו שליט''א האט געדאווענט מעריב ארום 11:45 בביתו נאוה קודש.

▫️ סאטמארע נייעס 🌴 ▫️