סאטמארע נייעס

זונטאג פרשת טהרה 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן:
לבן הנולד אצל ר' אליעזר מאיר סאמעט הי"ו, ווי דער רבי איז געווען סנדק ומוהל.
לבן הנולד אצל ר' שמואל בר"י גאלדשטיין הי"ו, ווי דער רבי איז געווען סנדק ומוהל.

רבינו שליט''א האט געדאווענט שחרית אין ביהמ"ד הגדול. פארן דאווענען האט דער רבי תפילין געלייגט פארן בר מצוה בחור ב"ר אברהם מייער הי"ו.
נאכן דאווענען איז פארגעקומען א לחיים מיט'ן בר מצוה בחור בחדרו הפרטי.

אויפן וועג ארויס נאך שחרית איז דער רבי אראפ צו די נייע חדר בית הוראה אין ביהמ"ד הגדול, דער רבי האט זיך אומגעקוקט און געהערט א באריכט פון הרה"ג ר' וואלף אהרן טעללער שליט"א איבער די ווייטערדיגע פלענער און געגעבן ברכת קדשו.

ארום 8:00 האט דער רבי געדאווענט מנחה בביתו נאוה קודש.

זמני כניסה בקו''פ איז געווען פון ארום 8:25 ביז 10:20 אויפדערנאכט, בביתו נאוה קודש אויף איהעל קט.

רבינו שליט''א האט געליינט תנאים אין די תנאים זאל בביתו נאוה קודש פון די מחותנים. ר' נתן נטע הויזער הי"ו - ר' שלום אליעזר בערגער הי"ו.

דער רבי האט געדאווענט מעריב ארום 9:30 און דערנאך ווייטער ממשיך געווען אויפנעמען דעם ציבור.

נאך די זמני כניסה ארום 10:40 איז דער רבי אנגעקומען אין ביהמ"ד בית ברוך צו די צענטראלן שבע ברכות צוגעשטעלט דורך די מתפללי הביהמ"ד לכבודו פון רבינו שליט"א און הגה"צ רב דביהמ"ד שליט"א, הגה"צ אבד''ק וומסב''ג שליט"א האט ממשיך געווען מיט זיין דרשה, און דערנאך האט אויפגעטרעטן בדברי בדחנות האברך ר' אברהם מערץ הי"ו.
דער רבי האט געטרינקן לחיים און ווארעם אנגעוואונטשן פארן חתן, מחותנים, פאר די זיידעס און פארן גאנצן ציבור, און משמיע געווען דברי תורה בענין שמחת חתן וכלה, און ארומגערעדט בשבח פונעם ביהמ"ד און פון בנו הגה"צ רב הביהמ"ד שליט"א, און מסיים געווען בברכת קדשו.
דערנאך האט זיך דער רבי אויפגעשטעלט טאנצן אינאיינעם מיטן חתן און די גאנצע אויבנאן א לענגערע צייט. מען האט געענדיגט ארום 11:20.

▫️ סאטמאר'ע נייעס 🌴 ▫️

שב''ק פרשת תזריע 'בצל הקודש' פון כ''ק רבינו הגה''ק שליט''א בקרב קהלתינו הק' בוומסב''ג

פרייטאג צונאכטס ארום 8:10 איז רבינו שליט''א אריינגעקומען אין ביהמ''ד מעוטף בטליתו און צוגעגאנגען צו מנחה, קבלת שבת: ר' ארי' לייב ב"ר יחזקאל דוד בערקאוויטש הי"ו.
במשך דעם שב"ק האט דער רבי געזאגט די קדישים לרגל די יארצייט פון די באבע הרבנית ברכה סימא ע"ה אשת חבר הרה"ק בעל עצי חיים זיע''א, וואס איז געפאלן בו ביום, שב"ק ה' ניסן.

מען האט געענדיגט דאווענען ארום 9:45, דער ציבור איז אריבער זאגן גוט שבת און דער רבי איז אריין בחדרו הפרטי.

ארום 10:15 איז דער רבי אריינגעקומען צום שלחה''ט בהיכל תהילות יהוסף אינאיינעם מיט די תלמידי ישיבה לצעירים וומסב''ג, און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' יחזקאל שרגא ט"ב בן הגה"צ אב"ד סיגוט שליט"א, הגבהת הכוס: הרה''ג ר' גבריאל געשטעטנער שליט"א ר"מ בישיבה לצעירים.

מיט די זמירות האט רבינו שליט''א מכבד געווען. כל מקדש: הגה''צ ר' נפתלי הירצקא צוויבל שליט"א ראה"כ וומסב''ג, מנוחה ושמחה: הרה"ג ר' יואל שווארטץ שליט"א דומ"ץ ביהמ"ד בנין געלבשטיין.

רבינו שליט''א האט געזאגט תורה אויפן פסוק 'וביום השמיני ימול בשר ערלתו' אוןגעטייטשט בדרך דרוש אין די סוגיא פון עשה דוחה לא תעשה.

קה אכסוף: הרה''ג גבריאל געשטעטנער שליט"א, ברכהמ''ז: הגה"צ אבד''ק וומסב''ג שליט"א.

עובדות וסיפורים די וואך האט רבינו שליט''א דערציילט פון הרה"ק בעל אוהב ישראל מאפטא זיע''א וואס די יארצייט איז געווען בו ביום, שב"ק ה' ניסן.

קה רבון עלם: הגה"צ רבי הערשל מייזליש שליט"א רב דביהמ"ד בית נחום דוב בן הגה"צ אבד''ק מאנטרעאל שליט"א. די פרישע חתנים זענען אריבער נעמען פירות, און עס איז פארגעקומען די שלום זכר ביי ר' מרדכי יונה ווידער הי"ו, און ר' בערל ליכטמאן הי"ו. אז ביום השביעי: הרה''ג ר' הערשל טעללער שליט"א ר"מ בישיבה לצעירים. מען האט געענדיגט ארום 12:50.

וביום השבת קודש

שב''ק אינדערפרי איז דער רבי אריינגעקומען אין ביהמ''ד ארום 9:45. פסוקי דזמרה: הרה"ח ר' עקיבא הירש הי"ו. צו שחרית איז דער רבי צוגעגאנגען.

הוצאה והכנסה: הרה"ח ר' אברהם שמחה הערשקאוויטש הי"ו, פסוקי שמע ישראל: הגה''צ מנחם נפתלי טייטלבוים שליט"א אב"ד טשענסקאוויץ.

עליות. כהן: הרה"ח ר' משה יוסף האפפמאן הי"ו (ב''פ). לוי: הרה"ח ר' עקיבא הירש הי"ו. שלישי: הגה"צ אבד''ק וומסב''ג שליט"א. רביעי: החתן ב"ר בערל ווייס הי"ו - באווארפען. חמישי: ר' מרדכי יונה ווידער הי"ו. שישי: רבינו שליט''א. שביעי: ר' יעקב יוחנן ברש"ע מיטטעלמאן הי"ו - דער רבי האט קורא שם געווען לרגל הולדת בתו למז''ט. אחרון: ר' ישראל מאיר ברי"י קליין הי"ו - דער רבי האט קורא שם געווען לרגל הולדת בתו למז''ט. מפטיר: הרה"ח ר' מרדכי ווייס הי"ו (סיגעיט). הגבה: הרה"ח ר' יואל בר"מ פריעדמאן הי"ו. גלילה: הרה"ח ר' יצחק מיטטעלמאן הי"ו.

צו תפילת מוסף איז דער רבי צוגעגאנגען לרגל די יארצייט פון די באבע הרבנית חנה ע"ה אשת חבר הגה"ק בעל קדושת יו"ט זיע''א וואס געפאלט מאנטאג ז' ניסן, פתיחה לאנעים זמירות: הרה"ח ר' משה הלוי פריעדמאן הי"ו. מען האט געליינט דעם נשיא כנהוג. מען האט געענדיגט ארום 12:30.

בשעה שהחכם יושב ודורש

נאכמיטאג ארום 6:00 איז רבינו שליט''א אריינגעקומען אין ביהמ"ד הגדול צום דרשת שבת הגדול במעמד אלפי אנ''ש וועלכע האבן איבערגעפילט די גאנצע ביהמ''ד הגדול פון ברעג צו ברעג, ווי אויך איז אהנגעקומען א קבוצה פון אנ"ש וואס האבן אריינגעוואקט שבת נאכמיטאג פון ב"פ.
דער רבי האט זיך מתעטף געווען מיטן טלית מיט א ברכה, און ארויף אויפן ארון הקודש און געזאגט א תפילה חרישה, און אנגעהויבן די דרשה, צום ערשט מיט א לענגערע דרוש ופלפול אין די סוגיא פון 'דבר שיש לו מתירין' וואס דער רבי האט פארגעלערענט אין ישיבה, און ממשיך געווען בדברי דרוש, אגדה ומוסר צו מאכן די ריכטיגע הכנה צום יו"ט פסח און מקיים צו זיין די מצוות הלילה און בכלל מצוות מיט חיות והתלהבות, און זיך גוט צוגרייטן צו די מצוה פון והגדת לבנך אריינצוברענגען אמונה אין די קינדער, לערנען ספה"ק דרך פיקודיך וואס רעדט ארום פון די מצוות החג, און מעורר געווען בדברים הצריכים תיקון, גיין בדרך המסורה, צניעות ביי נשים, בעניני טעכנעלאגיע און אויפגעפאדערט די הנהלת המוסדות מחזק צו זיין די תקנה וואס איז שטרענג פארסירט אין קר''י און אין ב"פ ביים איינשרייבן קינדער אין די מוסדות, קביעות עתים לתורה אויפשטיין פארטאגס לערנען, און מחזק געווען זיך אנצושליסן אין חבורת יסודי התורה וועלכע הייבט אן אין די טעג א נייע מסכת מס' גיטין.
און דערביי דערמאנט די גזירה פון גיוס בני ישיבות אין ארה"ק אין די גזירות החינוך אין ניו יארק, מען דארף מתפלל זיין די רשעים זאלן נישט האבן קיין שליטה, די חברי הכנסת אין ארץ ישראל און פארשידענע עסקנים אין ניו יארק זאלן נישט איינגיין חלילה אויף פשרות, און מסיים געווען ברוב ברכות. מען האט געענדיגט ארום 7:20, דער רבי האט געזאגט קדיש, און אריין בחדרו הפרטי.

רעוא דרעווין

צו מנחה ושל''ש איז דער רבי איז אריינגעקומען ארום 8:05. מנחה: הרה"ח ר' יעקב הערש היימאן הי"ו. הוצאה והכנסה: הרה"ח ר' משה חי"ל גוטמאן הי"ו (ב"פ).
כהן: הרה"ח ר' ישראל מאיר רובין הי"ו. לוי: הרה"ח ר' שמחה טייטלבוים הי"ו. שלישי: הרה"ח ר' אברהם יעקב בערקאוויטש הי"ו (ב"פ). הגבה: רבינו שליט''א. גלילה: הרה"ח ר' יוסף אהרן לעפקאוויטש הי"ו (ב"פ).

זמירות ביי של"ס האט דער רבי מכבד געווען. אודה: הרה"ח ר' אברהם יעקב בערקאוויטש הי"ו.
שיר המעלות: הרה"ח ר' אברהם יהושע גראס הי"ו.

רבינו שליט''א האט געזאגט תורה אויפן פסוק 'אשה כי תזריע' און געטייטשט אז די מצות איז מיכלא דמהימנותא, אידן מאל אין מצרים האבן דאס געגעסן מכח זייער שטארקע אמונה און זיי האבן שוין דעמאלטס געזעהן די גאולה מיט זייער אויגן, היינט עסן מיר אויך די אפיקומן מיט א שמחה דקדושה וויבאלד ווען עס וועט זיין כח גאולה וועט זיין א שמחה אין די גאנצע בריאה, ובגודל אמונה פון אידישע קינדער שפירט מען שוין יעצט די שמחה.

ידיד נפש: הרה"ח ר' משה יוסף מיטטעלמאן הי"ו, קל מסתתר: הרה"ח ר' יוסף אהרן לעפקאוויטש הי"ו, דער רבי האט געבענטשט אויפן כוס און רבי געזאגט שבע ברכות.

צו מעריב מוצש''ק איז דער רבי צוגעגאנגען לרגל די יארצייט פון די באבע, נאך הבדלה איז דער ציבור אריבער זאגן א גוטע וואך. מען האט געענדיגט ארום 10:20.

במוצאי יום גילה

מוצש''ק ארום 11:40 איז רבינו שליט''א אריבער אין שטוב פון הרה"ח ר' יודל שלעזינגער הי"ו ווי ער האט אפגעקויפט א זכות נכבד אינעם נייעם בנין הישיבות 'בנין בערקאוויטש' פון די ישיבות קטנות אין וומסב''ג, עס האט זיך פארמירט א שיינע שמועס אין די חידושי הסוגיא פון די שבת הגדול דרשה, דער רבי האט אונטערגעשריבן די שטרות אינאיינעם מיטן נדבן און הגה"צ אבד''ק וומסב''ג שליט"א און די הנהלת הישיבה, דער רבי האט געטרינקן לחיים און מאציל געווען מברכות קדשו פארן נדבן ובני משפחתו.

פון דארט איז דער רבי אריבער אין שטוב פון הרה"ח ר' משולם צבי בנציון (הערשל) זילבערשטיין הי"ו ווי ער האט אפגעקויפט א זכות שער אינעם נייעם בנין הישיבות 'בנין בערקאוויטש' פון די ישיבות קטנות אין וומסב''ג, און א זכות נכבד אינעם בנין בית חינוך לבנות בנות פיגא שע''י מוסדותינו הק' אין בני ברק יצ''ו, עס האט זיך פארמירט א שיינע שמועס איבער פארשידענע מנהגי בעלזא, דער רבי האט אונטערגעשריבן די שטרות אינאיינעם מיטן נדבן און הגה"צ אבד''ק וומסב''ג שליט"א און די הנהלת הישיבה, דער רבי האט געטרינקן לחיים און מאציל געווען מברכות קדשו פארן נדבן ובני משפחתו.

אום 12:35 איז דער רבי אהנגעקומען אין שטוב פון הרבני הנגיד ר' יחזקאל דוד בערקאוויטש הי"ו יו"ר הנהלת מוסדותינו הק', צו באשיינען די שמחת השבע ברכות לרגל נשואי בתו למז"ט, ווי עס זענען אויך אנוועזנד געווען הגה''צ ר' חיים שלמה מיללער שליט"א אב"ד נייטרא וומסב''ג, הרה"ג ר' זושא אויש שליט"א דומ"ץ וואלקאן, און הרה"ג ר' יואל שווארטץ שליט"א דומ"ץ ביהמ"ד בנין געלבשטיין, ביים אנקומען האט דער רבי געטאנצן אויפן פלאץ פאר עטליכע מינוט, און דערנאך
האט זיך פארצויגן א לענגערע שמועס איבער פארשידענע קאמפליצירטע הלחות און חומרות במנהגי חג הפסח און די חילוקים פון די אמאליגע יארן און היינט, און דער רבי האט ממשיך געווען מיט פארשידענע סיפורים וויאזוי רבותינו הק' העצי התמרים זיע''א האבן געהאט צוטאן מיט די רעגירונג אין דער אלטער היים, און נאך. דער רבי האט געטרינקן לחיים און ווארעם אנגעוואונטשן פאר ר' יחזקאל דוד הי"ו ובפרט פאר זיינע פילע לייסטונגען לטובת קהלתינו ומסדותינו הק' די בכל אתר ואתר און אנגעוואונטשן פארן חתן, מחותנים, זיידעס, און פארן גאנצן ציבור, דערנאך האט דער רבי איבערגעגעבן דרשה געשאנק פארן חתן כלה און זיי ווארעם אהנגעוואנטשן.
ארום 1:55 האט דער רבי פארלאזט די שטוב אויפן וועג אהיים לביתו נאוה קודש אין קר''י.

▫ סאטמאר'ע נייעס 🌴

דאנערשטאג פרשת תזריע 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית אין ביהמ"ד הגדול. פארן דאווענען האט דער רבי תפילין געלייגט פאר די בר מצוה בחורים.
ב"ר יואל בר"ל ווייס הי"ו.
ב"ר יואל בר"מ הירש הי"ו.
ביים ליינען איז דער רבי געגאנגען הגבה, און נאכן דאווענען איז פארגעקומען א לחיים מיט די בר מצוה בחורים בחדרו הפרטי.

נאכמיטאג ארום 8:00 האט דער רבי געדאווענט מנחה בביתו נאוה קודש.

זמני כניסה בקו''פ איז געווען פון ארום 8:30 ביז 12:00 אויפדערנאכט, בביתו נאוה קודש אויף איהעל קט.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענדע מחותנים.
ר' וואלף פערל הי"ו - ר' יצחק יעקב כ"ץ הי"ו.
ר' יעקב קאפיל ליכטענשטיין הי"ו (וומסב''ג) - ר' יואל בר"א ווייס הי"ו.

דער רבי האט געדאווענט מעריב ארום 12:00.

▫️ סאטמארע נייעס 🌴 ▫️

מיטוואך פרשת תזריע 'בצל הקודש' פון כ''ק רבינו הגה''ק שליט''א - שמחת החתונה בחצרות קדשנו החתן הרב חיים יחזקאל שרגא טייטלבוים שליט"א בן הגה"צ רב דביהמ"ד בית ברוך שליט"א חתן הגה"צ אבד''ק בערטש שליט"א, עב"ג הכלה בת הגה"צ ר יואל האלבערשטאם שליט"א רב בית מדרשינו בית שמואל בשכונת דברי חיים חתן הגה"צ אבד''ק ב"פ שליט"א

רבינו שליט''א האט געדאווענט שחרית אין ביהמ"ד הגדול. פארן דאווענען האט דער רבי תפילין געלייגט פאר די בר מצוה בחורים:
ב"ר יואל טאבאק הי"ו.
ב"ר יואל ב''ר משה פאלקאוויטש הי"ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

ארום 5:40 איז רבינו שליט"א אריינגעקומען אין חדר שמואל חיים אין ביהמ"ד הגדול צו תפילת מנחה, נאך מנחה איז די גאנצער ציבור זקנים עם נערים אריבער להתברך ביי רבינו שליט"א ביום החופה.

רבינו שליט"א איז אריינגעקומען צום קבלת פנים בהיכל הביהמ"ד ארום 6:10, במשך די קבלת פנים האט מען געזינגען ווארימע ניגוני התעוררות, און דער בדחן האברך ר' שמעון עסטרייכער הי"ו האט אויפגעטרעטן מיט דברי כיבושין און אויסגערעכנט די גרויסע יחוס פון די חתן כלה.
דער רבי האט געטרינקן לחיים און אנגעוואונטשן פארן חתן, מחותנים, זיידעס, און פארן גאנצן ציבור, און דערנאך משמיע געווען ווארעמע דברות קודש לעורר זכות אבות און מסיים געווען בברכות לרוב.

מען האט מסדר געווען די כתובה, עדי כתובה: הרה"ח ר' יואל בערנאטה הי"ו און הרה"ח ר' חיים מייזעלס הי"ו (ב''פ), דערנאך איז מען אריבער צום באדעקן אין די זאלן פון קרן ויואל משה.

ביי די חופה האט רבינו שליט''א מכבד געוועהן מיט סידור קידושין גיסו זיידע פון די כלה הגה"צ אבד"ק ב''פ שליט"א. קריאת הכתיבה: הגה"צ אב''ד פאלטישאן שליט"א עלטער פעטער פון חתן. ברכות ראשונות: זיידע פון די חתן הגה"צ אבד''ק בערטש שליט"א. ברכה אחריתא: הרה''ג ר' שלמה ראזענבערגער שליט"א עלטער פעטער פון די כלה.
עדי קידושין: הרה"ג ר' מרדכי פריעדמאן שליט"א רב דביהמ''ד יראי ה' בשכונת ברוך טעם, און הרה"ג ר' יוסף יצחק אייזיק פוקס שליט"א מו"ץ.
נאך די חופה האט רבינו שליט"א געוואונטשן ברכות הקודש פארן גאנצן ציבור, און זיך ארויסגעלאזט אין א מחול לצדיקים מיט די זיידעס און רבנים שליט''א.

נאך עטליכע מינוט ארום 8:00 איז רבינו שליט''א ערשינען בהיכל הביהמ''ד צו די סעודת החתונה דער רבי האט געטאנצען עטליכע מינוט אויפן פלאץ און דערנאך זיך געוואשן צו די סעודה, נאך די פיש האט דער רבי געוואונטשן לחיים לכל העם הנאספים.
ארום 9:15 איז דער חתן אריינגעקומען, דער רבי האט געטאנצען מיטן חתן א לענגערע צייט, און דערנאך מכבד געווען די זיידעס און די מחותנים צו טאנצען מיטן חתן, און דערנאך געטאנצן מיט די גאנצע אויבנאן, דערנאך איז דער ציבור אריבער וואונטשן מזל טוב פאר רבינו שליט"א, דער רבי האט פארלאזט דאס ביהמ"ד אום 9:30, און אהיים לביתו נאוה קודש ווי דער רבי האט געדאווענט מעריב.

ארום 11:25 איז רבינו שליט''א אריינגעקומען צו ברהמ''ז ומצווה טאנץ, פארן בענטשן האט זיך דער רבי באגריסט מיט כ''ק אדמו''ר מוויזניץ מאנסי שליט''א.
מיט ברכת המזון האט דער רבי מכבד געווען חדב''ן הגה''צ רב דביהמ''ד אבני צדק שפיטאל, ברכות ראשונות: הגה"צ רב דקהלתינו ב''פ 15 שליט"א, ברכה אחריתא: הרה"צ ר' חיים שלום האלבערשטאם שליט''א בן כ''ק אדמו''ר מבאבוב שליט''א חתן הגה''צ אבד''ק ב''פ שליט''א.

בדחנא דמלכא הרה"ח ר' מרדכי דוד עסטרייכער הי"ו האט אויסגערופן רבינו שליט"א צו די ריקודין לפני הכלה מיט ווארעמע חרוזים און מעורר געווען זכות אבות, מען האט ממשיך געווען מיט ניגוני התעורורות, און דער רבי האט געטרינקן לחיים און אנגעוואונטשן פארן חתן, מחותנים, זיידעס, און פארן ריזן ציבור הנאספים.

דערנאך האט רבינו שליט''א אפגעראכטן די ריקודי קודש לפני הכלה בהתלהבות אש א לענגערע צייט, און דערנאך געטאנצען מיטן חתן, מיט בנו הגה"צ רב דביהמ''ד בית ברוך שליט"א ובני משפחתו, און דערנאך ממשיך געווען מיט די גאנצע משפחת המלוכה נכדי רביה"ק בעל ברך משה זיע''א ברגש קודש א לענגערע צייט.

דערנאך האט מען אויסגערופן צום מצוה טאנץ די זיידעס הגה"צ אבד"ק ב''פ שליט"א, הגה"צ אבד''ק בערטש שליט"א, דעם אבי החתן און אבי הכלה שליט''א, דערביי האט זיך דער רבי ארויסגעלאזט אין א טאנץ מיט יעדע פון די זיידעס און מחותנים באזונדער.
דערנאך האט דער בדחן געזאגט דברי בדחנות און אויפגערופן דעם חתן, מען האט געטאנצען אשת חיל, אויפן וועג ארויס האט דער רבי אנגעוואונטשן פאר חתן כלה. דער רבי האט פארלאזט דאס ביהמ"ד אום 2:30.

▫️ סאטמאר'ע נייעס 🌴 ▫️

דינסטאג תזריע ר"ח ניסן 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן:
לבן הנולד אצל ר' אשר יונה שעהנברוין הי"ו, ווי דער רבי איז געווען סנדק.
לבן הנולד אצל ר' ארי' שפיטצער הי"ו, ווי דער רבי איז געווען סנדק.

רבינו שליט''א האט געדאווענט שחרית בהיכל המתיבתא סניף ויואל משה. פארן דאווענען האט דער רבי תפילין געלייגט פאר די בר מצוה בחורים.
תאומים בני ר' מרדכי לייב מיטטעלמאן הי"ו.
בן הר"ר יואל יודא רובינפעלד שליט"א.
ב"ר שלמה יואל בערקאוויטש הי"ו.

דער רבי איז צוגעגאנגען צו הלל, און ביים ליינען עולה געווען רביעי.

נאכן דאווענען איז פארגעקומען א מסיבת לחיים בהיכל הביהמ"ד לרגל סיום הזמן, מען האט געזינגען עטליכע ניגונים און דער רבי האט פארטיילט מטבעות פאר די גבאים פון אבני חסד וואס האבן אריין געברענגט גרויסע סכומים לטובת הקופה, און אכטונג געגעבן אויף רצון רבינו נאר צו נוצן ערליכע מוזיק.
דער רבי האט געטרינקן לחיים און אנגעוואונטשן פאר אלע בחורים,
און משמיע געווען דב"ק בשבח פון די בחורים וואס האבן עוסק געווען אין די לימודים מיט א פעסטקייט ביז סוף זמן, און ארומגערעדט הדרכה לימי בין הזמנים און נאכאמאל מעורר געווען צו לערנען ספרי חסידית אלץ הכנה צום יו"ט פסח הבעל"ט און בפרט ספה"ק דרך פיקודיך, און דערנאך ארומגערעדט איבערן מצב בעניני גיוס בני ישיבות בארה"ק, און געזאגט אז ח"ו מזאל מאכן פשרות און אויסקלויבן בחורים, כלל ישראל איז נישט מוותר אויף קיין שום בחור, והקב"ה ירחם, און דער רבי האט מסיים געווען מיט ברכות לרוב. מען האט געענדיגט ארום 1:10.

ארום 1:30 איז דער רבי אריבער אין זאלן פון בית רחל פאראדייס ווי דער רבי האט מעריך געווען שלחנו הטהור לכבוד ר"ח אינאיינעם מיט תלמידי ישיבה קטנה ויואל משה פון ב"פ, דער רבי האט זיך געוואשן צום סעודה, במשך די סעודה האט מען געזינגען ניגוני ר"ח וניגוני פסח, און דער רבי האט מכבד געווען די מנגנים מיט ברכו נפשו.
רבינו שליט''א האט משמיע געווען דב"ק אז אזוי ווי מזעט ביי מצה אז מען קען נאר מקיים זיין מיט מיני דגן וואס קען ווערן חמץ, די זעלבע איז חשוב ביי הקב"ה די עבודה פון א בשר ודם וואס האט א יצר הרע, און מסיים געווען בברכת קדשו.
מיט ברכת המזון האט דער רבי מכבד געווען דעם מנהל הרה''ג ר' יצחק אהרן גרין שליט"א. מען האט געענדיגט ארום 2:30.

דערנאך איז דער רבי אריבער אויף די וועכענטליכע באזוך אינעם מצה בעקעריי דקהלתינו הק' ווי מען האט געבאקן די מצות פארן רבינ'ס משפחה, דערנאך איז דער רבי אריין אינעם מאלן שטוב ווי דער רבי האט א לענגערע צייט געמאלן ווייץ בטירחא דגופא און דערביי געגעבן פארשידענע הוראות אויף ווייטער.

נאכמיטאג ארום 5:45 האט דער רבי געדאווענט מנחה בביתו נאוה קודש.

ארום 7:10 איז רבינו שליט''א אנגעקומען אין מאנסי צום מעמד קביעות מזוזה בבית מדרשינו החדש 'בנין שיף' בשכונת רעמסאן נדבת ליבו פון הרבני הנגיד ר' ישראל שיף הי"ו מראה"ק, דער רבי איז צום ערשט ארום און זיך אומגעקוקט אינעם גאנצן בנין הביהמ"ד, די חדרי התפילה אין די פראכטפולן מקוה, דערנאך איז פארגעקומען א מסיבת לחיים בהיכל הביהמ"ד, עס האט זיך פארמירט א שיינע שמועס איבער די הרחבת גבולי הקדושה אין מאנסי, דער רבי האט געטרינקן לחיים און ווארעם אנגעוואונטשן פארן חשוב'ן נדבן הרה"ח ר' ישראל הי"ו, פאר הגה"צ אבד''ק מאנסי שליט"א און פארן גאנצן ציבור, און משמיע געווען דב"ק און ארויסגעברענגט אז די ביהמ"ד וועט אי"ה זיין א לייכט טורעם פארן גאנצן געגנט פאר תורה עבודה וגמ''ח, און ארומגערעדט בשבח פונעם חשוב'ן נדבן און מסיים געווען מיט ברכות לרוב.
דערנאך האט דער רבי קובע געווען די מזוזה אויפן שער הביהמ"ד און מכבד געווען הגה"צ אבד''ק מאנסי שליט"א צו לייגן א מזוזה.

ארום 7:40 האט דער רבי פארלאזט דאס ביהמ"ד אויפן וועג אריין קיין וומסב''ג צו די וועכענטליכע זמני כניסה.
זמני כניסה בקו''פ איז געווען פון 8:30 ביז 11:50 אויפדערנאכט, בביתו נאוה קודש אויף היוז סט.

דער רבי האט געדאווענט מעריב ארום 11:00 און דערנאך ווייטער ממשיך געווען אויפנעמען דעם ציבור.

▫️ סאטמאר'ע נייעס 🌴 ▫️

מאנטאג פרשת תזריע 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' שלמה בר"י מענדלאוויטש הי"ו, ווי דער רבי איז געווען סנדק.

רבינו שליט''א האט געדאווענט שחרית בהיכל המתיבתא סניף דברי יואל. פארן דאווענען האט דער רבי תפילין געלייגט פאר'ן בר מצוה בחור ב"ר ישראל זעליג שרייבער ע''ה.
ביים ליינען איז דער רבי געגאנגען הגבה, און נאכן דאווענען פארגעלערנט דעם טעגליכן תהילים שיעור אויף קאפיטל י"ט פסוק י"ד, דערנאך איז פארגעקומען א לחיים מיט די בר מצוה בחור בחדרו הפרטי.

נאך שחרית ארום 12:20 איז רבינו שליט''א אריבער צום ציון פון רבותינו הק' לרגל די שמחת החתונה פון נכדו החתן בן הגה"צ רב דביהמ"ד בית ברוך שליט"א, דער רבי האט געצינדען ליכט ביי די ציונים פון רבותינו הק' בעל דברי יואל און בעל ברך משה זיע''א און ביי ציון אמו הרבנית ע"ה, דערנאך האט דער רבי געזאגט די תפילה פונעם ישמח משה זיע''א און פארגעזאגט ספר רביעי כנהוג און געזאגט קדיש, און דערנאך געליינט קוויטלעך א לענגערע צייט און בשעת מעשה האט מען געזינגען ניגוני התעורורות, דערנאך האט זיך דער רבי משתטח געווען אויף די ציונים פון רבותינו הק' און פון אמו הרבנית ע"ה. מען האט געענדיגט ארום 1:05.

מיטאג ארום 2:05 איז דער רבי אנגעקומען בהיכל המתיבתא סניף קדושת יואל ווי דער רבי האט פארגעלערענט די זיבעטע סוגיא שיעור אלץ הכנה צום שבת הגדול דרשה. מען האט געענדיגט ארום 2:55.

נאכמיטאג ארום 7:00 האט דער רבי געדאווענט מנחה בביתו נאוה קודש

זמני כניסה בקו''פ איז געווען פון 8:30 ביז 12:30, אויפדערנאכט בביתו נאוה קודש אויף איהעל קט.

בעת די זמני כניסה זענען אריין בקודש פנימה ווי יאר יערליך א משלחת פון ראשי מערכת הכשרות שע"י התאחדות הרבנים, ברענגנדיג דעם 'מפתח הכשרות' לרגל דעם בעפארשטייענדן יו"ט פסח, ווי עס איז מיטגעקומען הרב קלמן וויינפעלד פון די 'או-קעי' ארגאניזאציע, וועלכע זענען געקומען איבערגיין מיט'ן רבי'ן דעם אויפטוה מיט'ן מכירת חמץ פאר די גרעסטע ביר דיסטרוביוטער פירמע פון ניו יארק, עס האט זיך פארמירט א שיינע שמועס איבער כשרות המאכלים ובפרט פאר יו"ט פסח, און דער רבי איז איבערגעגאנגען דעם לשון פונעם שטר מכירת חמץ אז עס זאל פארקויפט ווערן כדת וכדין, און מאציל געווען מברכות קדשו.
רבינו שליט''א האט געליינט תנאים אין די תנאים זאל בביתו נאוה קודש פון די מחותנים. ר' ירמי' ישראל פאגעל הי"ו - ר' ישראל איסר מארקאוויטש הי"ו.

דער רבי האט געדאווענט מעריב ארום 12:30.

▫️ סאטמארע נייעס 🌴 ▫️

זונטאג פרשת תזריע 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף קדושת יואל. פארן דאווענען האט דער רבי תפילין געלייגט פאר די בר מצוה בחורים:
בן הרה"ג ר' דוד יצחק ווערצבערגער שליט"א דומ"ץ ביהמ"ד דברי יואל.
ב"ר בנציון יעקב ווערצבערגער הי"ו.
ב"ר אברהם יודא קליין הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל י"ט פסוק י"ד, דערנאך איז פארגעקומען א לחיים מיט די בר מצוה בחורים בחדרו הפרטי.

מיטאג ארום 1:55 איז דער רבי אנגעקומען בהיכל המתיבתא סניף קדושת יואל ווי דער רבי האט פארגעלערענט די זעקסטע סוגיא שיעור אלץ הכנה צום שבת הגדול דרשה, מען האט געענדיגט ארום 2:40.

נאכמיטאג ארום 6:45 האט דער רבי געדאווענט מנחה בביתו נאוה קודש.

ארום 8:15 איז דער רבי אריבער בהיכל המתיבתא סניף ברך משה צו די שמחת השבע ברכות פון הכלה בת הרה"ג ר' הלל ראבינאוויטש שליט"א מנהל הישיבה, עב"ג החתן בן הרה"ג ר' ליפא בערקאוויטש שליט"א מו"ץ בן הגאון הגדול דומ"ץ קרית יואל שליט"א.
הרה"ח ר' הערשל פריעדמאן הי"ו האט ממשיך געווען מיט דברי בדחנות לכבוד די שמחה, און עס האט זיך פארמירט א לענגערע תורה'דיגע שמועס מיטן דיין שליט"א, דער רבי האט געטרינקן לחיים און אנגעוואונטשן פארן חתן, מחותנים, פארן דיין שליט"א, און פארן גאנצן ציבור, און דערנאך זיך אויפגעשטעלט טאנצן. מען האט געענדיגט ארום 8:35.

ארום 8:40 האט דער רבי געליינט תנאים אין די תנאים זאל בביתו נאוה קודש פון די פאלגענדע מחותנים.
ר' בערל גאלד הי"ו - ר' יודא ווייס הי"ו.
ר' משה טאמבור הי"ו - ר' יואל מערמלשטיין הי"ו.

דערנאך איז דער רבי אריינגעפארן קיין וומסב''ג ווי עס איז פארגעקומען א מסיבה בביתו נאוה קודש לטובת 'קרן לב אהרן' להחזקת מוסדות יטב לב בארה"ק.
דער רבי איז אנגעקומען ארום 10:00 לביתו נאוה קודש, עס זענען אנוועזנד געווען א צאל נגידים וועלכע האבן זיך אנגעשלאסן אלץ שותפים אינעם קרן, די חשובע נגידים האבן געהאט די געלעגענהייט צו איבערגעבן פאר רבינו שליט"א די גרעסערע סכומים און אינטערשרייבן די שטרי שותפות, און דער רבי האט יעדעם פערזענליך ווארעם אנגעוואונטשן ברכות לרוב.

דער רבי האט געדאווענט מעריב ארום 10:50 בביתו נאוה קודש.

נאך מעריב האט דער רבי מנחם אבל געווען הר''ר אלטר פאלקאוויטש הי"ו ומשפחתו ע"פ אשתו /אמם ע"ה. און פון דארט איז דער רבי אהיימגעפארן לביתו נאוה קודש אין קר"י.

▫️ סאטמארע נייעס 🌴 ▫️