סאטמארע נייעס

מיטוואך פרשת חקת 'בצל הקודש' פון כ''ק רבינו הגה''ק שליט''א

פארן דאווענען איז פארגעקומען א ברית לבן הנולד אצל ר' שלמה מנשה לעבאוויטש הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף ויואל משה.
פארן דאווענען האט דער רבי געלייגט תפילין פארן בר מצוה בחור ב"ר חזקי' פייבל שעהר הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ו פסוק י"ב.
דערנאך איז פארגעקומען א לחיים מיטן בר מצוה בחור בחדרו הפרטי.

נאכמיטאג איז דער רבי ארויף אין די ישיבה סניף קדושת יואל ווי דער רבי האט געלערנט מיט א חברותא בחדרו הפרטי.

אין די נאכמיטאג שעה'ן איז דער רבי אריבער אויף א קורצע באזוך אינעם נייעם בנין פון די מקוה טהרה וואס מען האט באנייט אין די פארגאנגענע וואכן, אינאיינעם מיט הרבני הנגיד ר' יואל לאנדא הי''ו, מגדולי נדבני המקוה.
דער רבי האט זיך אומגעקוקט א לענגערע צייט אויף אלע שטאקן און אפטיילונגען פונעם בנין און צוגעוויזן פאר ר' יואל הי"ו די פילע חומרות והידורים, און דעם סאפיסטיקירטן סיסטעם וויזוי ס'ווערט אפערירט.
דער רבי האט אנגעווינטשן ברכת קדשו פאר ר' יואל הי"ו און פאר די הנהלת המקוה.

פארנאכטס האט דער רבי מסדר קידושין געווען ביי די חופה פון די מחותנים הרה"ג ר' יעקב אלעזר מענדלאוויטש ז"ל - רב דביהמ"ד הלכה ברורה, און הרה"ח ר' יואל ברש"ח פיש הי"ו אין די זאלן פון כינור דוד.
און ביי די חופה פון די מחותנים הרה"ח ר' בנציון בלום הי"ו און הרה"ח ר' משה קרויס הי"ו אין די זאלן פון בית רחל פאראדייס.
און ביי די חופה פון די מחותנים הרה"ח ר' משה מיכל שלעזינגער הי"ו און הרה"ח ר' יואל ברמ"ח שפיטצער הי"ו אין די זאלן פון גינת קליין.

צווישן די חופות האט זיך דער רבי משתתף געווען ביי די שמחת סיום הש"ס דורך הר"ר יואל ברי"א וויינבערגער שליט"א - מנהל קביעות עתים לתורה אין קרית יואל.
עס האט זיך פארמירט א שיינער שמועס, דער רבי האט טרינקן לחיים און ווארעם אנגעוואונטשן פאר הר"ר יואל שליט"א ובני משפחתו שיחי'.

זמני כניסה איז געווען פון 8:20 ביז 12:45 אויפדערנאכט בביתו נאוה קודש אויף איהעל קט.

ארום 9:15 האט דער רבי געדאווענט מנחה בביתו נאוה קודש.

ארום 10:40 האט דער רבי געליינט די תנאים פון די מחותנים הרה"ח ר' משה באסול הי"ו און הרה"ח ר' אברהם גברא הי"ו אין די תנאים זאלן בביתו נאוה קודש.

דער רבי האט געדאווענט מעריב ארום 12:45.

נאך מעריב איז דער רבי אריבערגעגאנגן אין שטוב פון נכדו הרה"ג ר' חיים הערש אשכנזי שליט"א - רב דביהמ"ד רב טוב צום שמחת הוואכנאכט לרגל הולדת בנו למז"ט, עס האט זיך פארצויגן א שיינע שמועס פון הרה"ק הברוך טעם זיע"א וואס די יארצייט איז היינט ז' תמוז, דער רבי האט טועם געווען מזונות און פיש, געטרינקן לחיים און אנגעוואונטשן פארן בעל שמחה הרה"ג ר' חיים הערש שליט"א, פאר די זיידעס גיסו הגה"צ אבד"ק ב"פ שליט"א און חדב"ן הגה"צ רב דביהמ"ד אבני צדק שליט"א, און פארן גאנצן ציבור, דערנאך האט דער רבי געליינט קרי"ש און אנגעוואונטשן פאר די יולדות, כנהוג. מען האט געענדיגט ארום 1:40.

▫️ סאטמאר'ע נייעס 🌴 ▫️

דינסטאג פרשת חקת 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף עצי חיים - שיעור ג'. פארן דאווענען האט דער רבי געלייגט תפילין פארן בר מצוה בחור ב"ר יואל בר"ח העללער הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ו פסוק א'. דערנאך איז פארגעקומען א לחיים מיט'ן בר מצוה בחור בהיכל הביהמ"ד.

נאכמיטאג ארום 5:00 איז דער רבי אנגעקומען אין לינדען ווי עס איז פארגעקומען דער מעמד יציקת הבורות פאר די מקוה בבית מדרשינו החדש און פאר די מקוה טהרה דקהלתינו הק'.
דער רבי האט זיך באגריסט מיט הרה"ג רב דקהלתינו לינדען שליט"א און מיט חותנו הגה"צ רבי אנטשיל שעהר שליט"א אבד"ק קלעסאן, און אריין בהיכל הביהמ"ד און זיך אומגעקוקט אויף די בוי ארבעט און דערביי געהערט א באריכט פון הרה"ח ר' יעקב יואל ווייס הי"ו - מגבאי הביהמ"ד, איבער די פלענער צו פארענדיגן די ביהמ"ד אויף קומענדיגע ווינטער הבעל"ט, און דערנאך אראפ אויפן אונטערשטן שטאק און זיך אומגעקוקט אויף די היכל התורה וואס ווערט געבויעט.
דאן האט דער רבי געגאסן די בורות און מכבד געווען הרבנים הגאונים שליט"א און חברי קהלתינו הק' צו גיסן די בורות, דערנאך איז דער רבי ארויף אויף א מסיבת לחיים בהיכל הביהמ"ד, ביים לחיים זענען אנוועזנד געווען די רבני העיר האדמו"ר מקאסאן שליט"א און האדמו"ר מראחמיסטריווקא לינדען שליט"א און עס האט זיך פארצויגן א שיינער שמועס. מען האט געזינגען עטליכע ניגונים און עס האט אויפגעטרעטן הרה"ג רב דקהלתינו שליט"א.
דער רבי האט געטרינקן לחיים און ווארעם אנגעוואונטשן פאר הרבנים שליט"א און פארן גאנצן ציבור, און משמיע געווען דב"ק אויפן פסוק זאת חקת התורה און ארויסגעברענגט אז די תלמידי בעש"ט האבן איינגעפירט אז מען זאל לערנען און דאווענען בטהרה און גיין אין מקוה יעדן טאג, במילא איז א גרויסע שמחה אז מען איז געקומען היינט גיסן א מקוה אין א ביהמ"ד ווי מען גייט לערנען און דאווענען, און מסיים געווען מיט ברכות לרוב פארן גאנצן ציבור און אנגעוואונטשן מען זאל קענען באנייען די ביהמ"ד און די מקוה בקרוב ובניקל. מען האט געענדיגט ארום 5:40.

דערנאך איז דער רבי אריבער צום נייעם ריזן בנין וואס איז אפגעקויפט געווארן פאר מוסדותינו הק' אין לינדען, און איז ארום געגאנגן אינעם בנין זיך אומקוקן און געהערט א באריכט איבער די פלענער פונעם בנין פון די טרטיגע געטרייע עסקני המוסדות און אויך פון הרבני הנגיד ר' אברהם בראך הי"ו - מגדולי הנדיבים פון מוסדותינו הק' אין לינדען, און אנגעוואונטשן ברכת קדשו פאר די הנהלת המוסדות.

דערנאך איז דער רבי אריבער צום דערנעבנדיגן אפיס בנין אונטערן אייגנטומערשאפט פון הרבני הנגיד ר' אברהם בראך הי"ו אויף א מסיבת לחיים לרגל די קאנטראקט שליסן פונעם בנין המוסדות, עס האט זיך פארמירט א שיינע שמועס איבער די הרחבת גבולי הקדושה אין לינדען, דער רבי האט געטרינקן לחיים און אנגעוואונטשן ברכות לרוב פאר ר' אברהם הי"ו און פארן גאנצן ציבור.

דערנאך איז דער רבי אריבער צום יציקת הבורות אין די מקוה טהרה דקהלתינו הק', דער רבי האט געגאסן די בורות און מכבד געווען הרבנים שליט"א און די נדבני המקוה צו גיסן די בורות, דערנאך איז פארגעקומען א מסיבת לחיים, עס האט זיך פארצויגן א שיינע שמועס דער רבי האט געטרינקן א לחיים און אלע נדבני המקוה זענען אריבער אפנעמען ברכת הקודש, במיוחד האט דער רבי מאציל געווען מברכת קדשו פאר הרבני הנדיב מוה"ר יצחק זאב לעפקאוויטש הי"ו. אויך האט דער רבי אנגעוואונטשן פאר הר"ר יעקב מנחם שטייף שליט"א יו"ר פון די שטאטישע מקוה טהרה.
דערנאך האט דער רבי משמיע געווען ברכת הקודש און אנגעוואונטשן אז די זכות פון מרבה זיין טהרה בישראל זאל משפיע זיין כל טוב פאר די נדבני המקוה.

ארום 6:30 האט דער רבי פארלאזט לינדען און אריינגעפארן קיין וומסב''ג צו די וועכענטליכע זמני כניסה.

זמני כניסה בקו''פ איז געווען פון 8:00 ביז 11:30 אויפדערנאכט, בביתו נאוה קודש אויף היוז סט.

דער רבי האט געדאווענט מנחה ארום 9:00 און מעריב ארום 10:00 אזייגער.


▫️ סאטמארע נייעס 🌴 ▫️

מאנטאג פרשת חקת 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' בנציון איידליס הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף דברי יואל. פארן דאווענען האט דער רבי געלייגט תפילין פאר די בר מצוה בחורים תאומים בני ר' משה זאב פריעדמאן הי"ו.

ביים ליינען איז דער רבי געגאנגען הגבה. און נאכן דאווענען פארגעלערנט דעם טעגליכן תהילים שיעור אויף קאפיטל כ"ו פסוק א'. דערנאך איז פארגעקומען א לחיים מיט די בר מצוה בחורים בחדרו הפרטי.

נאכמיטאג איז דער רבי ארויף אין די ישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי.

פארנאכטס האט דער רבי מסדר קידושין געווען ביי די חופה פון די מחותנים.
- הר"ר יוסף דוד לעווי שליט"א און הרה"ח ר' יואל בר"מ פאלקאוויטש הי"ו אין די זאלן פון כינור דוד.
- הרה"ח ר' מרדכי יעקב קליין הי"ו און הרה"ח ר' יואל ברי"ש שניטצער הי"ו אין די זאלן פון בית רחל פאראדייס.
- הרה"ח ר' בערל גרינהויט הי"ו און הרה"ח ר' מאיר יושע בערקאוויטש הי"ו אין די זאלן פון גינת קליין.

ארום 8:40 האט דער רבי געדאווענט מנחה בביתו נאוה קודש אויף איהעל קט. דערנאך איז געווען זמני כניסה בקו''פ ביז 12:45 אויפדערנאכט.

רבינו שליט''א האט געליינט די תנאים פון די מחותנים.
- הרה"ח ר' יחיאל פאלאטשעק הי"ו און הרה"ח ר' הלל ניימאן הי"ו.
- הרה"ח ר' חיים בער מענדלאוויטש הי"ו און הרה"ח ר' פנחס יחזקאל ברייער הי"ו.

בעת די זמני כניסה איז געווען אויף א באזוך בקו''פ האדמו"ר מסקולען שליט"א, עס האט זיך פארצויגן א שיינע שמועס איבער זקינו הרה"צ רבי מאיר גרינוואלד זצ"ל אב"ד טעטש, און איבער די יארן וואס הגה"ק בעל קדושת יו"ט זיע''א איז געווען רב אין שטאט טעטש, דער רבי האט אים מכבד געווען מיט לחיים און מאציל געווען מברכת קדשו און ארויסבאגלייט ביזן טיר.

דער רבי האט געדאווענט מעריב ארום 12:45.

▫️ סאטמארע נייעס 🌴 ▫️

זונטאג פרשת חקת 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן:
- לבן הנולד אצל ר' יעקב ברי"א פריעדמאן הי"ו ווי דער רבי איז געווען סנדק ומוהל.
- לבן הנולד אצל ר' אביעזר מרדכי בר"י שווארטץ הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה גדולה סניף קדושת יואל. פארן דאווענען האט דער רבי געלייגט תפילין פאר די בר מצוה בחורים.
- ב"ר חנני' יו''ט ליפא סופר הי"ו.
- ב''ר יצחק משה גראס הי"ו.
- ב"ר יעקב יואל סאפדי הי"ו.
- ב"ר אברהם וויינשטיין הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ו פסוק א'. דערנאך איז פארגעקומען א לחיים מיט די בר מצוה בחורים בחדרו הפרטי.

ארום 2:00 איז דער רבי אנגעקומען אין די עטרת טשארנא זאלן אין מאנסי צו די יערליכע חומש סעודה דורך די תלמידי מוסדותינו הק'. דער רבי האט זיך באגריסט מיט די רבנים אויפן אויבנאן, און די קינדער האבן פארגעזינגען עטליכע ניגונים און חרוזים לכבוד המאורע, און דערנאך זענען אלע קינדער אריבער און דער רבי האט פארטיילט א תהילים פאר יעדעם באזונדער.
דער רבי האט געטרינקן לחיים און אנגעוואונטשן פאר אלע קינדער און זייערע עלטערן, און משמיע געווען דברי ברכה פאר די קינדער און ארויסגעברענגט די חשיבות פון לערנען תורה מיט פיאות און אנגעוואונטשן ברכות לרוב.

דערנאך איז דער רבי אריין אין א זייטיגע צימער ווי עס זענען געווען פארזאמלט די צוועלעפטע קלאס תלמידות בית רחל פון מוסדותינו הק', און דער רבי האט משמיע געווען דברי הדרכה פאר די תלמידות און ארויסגעברענגט אז יעצט ווען מ'פארלאזט דעם בית רחל נאך אזויפיל יארן דארף מען האלטן פאר די אויגן וואס מען פארלאנגט פון א בית רחל תלמידה און בפרט אז דאס איז די ערשטע יאר פון די יארגאנג ביי מוסדותינו הק' אין מאנסי און ווען מען באטראכט די פירות פון בית רחל באטראכט מען זיי, און דאס פארלאנגט פון יעדעם א געוואלדיגע אחריות צו מאכן א קידוש השם, און דער רבי האט ממשיך געווען מיט דברי הדרכה וויאזוי א אידישע שטוב דארף ווערן געפירט און מסיים געווען בברכת קדשו.

אום 3:00 אזייגער איז דער רבי אנגעקומען בבנין הת"ת 'בנין גאלדשטיין' אויף מאנסי בלווד. דער רבי איז אריין אין ביהמ"ד ווי די תלמידי המוסדות האבן עוסק געווען בתורה, און אריבער צווישן די קינדער און בחורים און זיך מפלפל געווען אין די לימודים מיט א שטארקע קורת רוח.

דערנאך איז דער רבי אריין אין א זייטיגע כתה ווי די תלמידי המוסדות וועלכע האבן אריינגעברענגט גרעסערע געלטער לטובת מוסדותינו הק' זענען אריבער און דער רבי האט פארטיילט מטבעות און סידורים.

פון דארט איז דער רבי אריבער בהיכל ישיבה קטנה סניף קנין תורה בהנהלת הר"ר אשר אנטשיל גריסגאט שליט"א, ביים אנקומען האט זיך דער רבי אומגעקוקט אויף די בוי ארבעט פונעם נייעם בנין הישיבה וועלכע ווערט געבויט דערנעבן און געהערט א באריכט פון הרה"ח ר' הערשל ווערטהיימער הי"ו - חבר הנהלת הישיבה
דער רבי איז אריין בהיכל הישיבה און זיך אומגעקוקט אויף די לימודים און ארומגעגאנגען צווישן די טישן מיט א שטארקע הנאה און אנגעוואונטשן פאר די הנהלת הישיבה.

פון דארט איז דער רבי אריבער צו ישיבה קטנה סניף דרכי תורה בהנהלת הר"ר שאול יחזקאל פערלשטיין שליט"א, דער רבי איז אריין בהיכל הישיבה און זיך ארומגעדרייט צווישן די טישן און זיך אומגעקוקט אויף די לימודים מיט א שטארקע קורת רוח און אנגעוואונטשן פאר די הנהלת הישיבה.

דערנאך ארום 4:00 איז דער רבי אריבער אין בית מדרשינו החדש ברך משה אין די ספרינג וועלי געגענט וועלכע האט זיך געעפענט אין די פארגאנגענע חדשים, דער רבי איז ארום אינעם גאנצן בנין הביהמ"ד און זיך אומגעקוקט אין די חדרי התפילה, מקוה, און עזרת נשים, דאן איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים און עס האט אויפגעטרעטן ר' יואל שמואל גאטליעב הי"ו מגבאי הביהמ"ד.

דער רבי האט געטרינקן לחיים און אנגעוואונטשן פאר הגה"צ אבד''ק מאנסי שליט"א, פאר הרה"ג ר' אהרן איזריעל שליט"א, מו"ץ, און פארן גאנצן ציבור, ובמיוחד פארן נדבן ופטרון הביהמ"ד הרה"ח ר' משה יצחק לאנדא הי"ו.
דערנאך האט דער רבי משמיע געווען דב"ק און ארויסגעברענגט די שטארקע הנאה פון די הרחבת גבולי הקדושה פון קהלתינו ומוסדותינו הק' אין מאנסי בכמות ובאיכות און מסיים געווען בברכת קדשו פארן גאנצן ציבור ובפרט פאר הרה"ח ר' משה יצחק הי"ו וועלכע האט מנדב געווען און אהערגעשטעלט אזא שיינע ביהמ"ד, און געזאגט אז די עיקר שיינקייט פון א ביהמ"ד איז ווען עס איז פיל מיט לומדי תורה, און אנגעוואונטשן ברכות לרוב.

פון דארט איז דער רבי צוגעפארן צום בנין הביהמ"ד החדש 'לב אהרן' בשכונת וועסט מעיפל וועלכע האלט אין די טיפע בוי פאזעס, דער רבי איז אריין און זיך אומגעקוקט אויף די בוי ארבעט אין אלע שטאקן אין באגלייטונג פון הרה"ח ר' הערשל ווערטהיימער הי"ו - נדבן ופטרון הביהמ"ד, און אנגעוואונטשן ברכות לרוב. ארום 4:40 האט זיך דער רבי ארויסגעלאזט אויפן וועג אהיים לביתו נאוה קודש אין קר"י.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יודא יושע וויינשטאק הי"ו און הרה"ח ר' שרגא חיים פעדער הי"ו אין די זאלן פון כינור דוד.
- הרה"ח ר' יואל ברר"א דאנא הי"ו און הרה"ח ר' חיים מרדכי שמעא הי"ו אין די זאלן פון בית רחל פאראדייס.
- הרה"ח ר' ליפא ניישטאדט הי"ו און הרה"ח ר' יצחק מאשקאוויטש הי"ו אין די זאלן פון גינת קליין.

ארום 8:10 האט דער רבי געדאווענט מנחה בביתו נאוה קודש אויף איהעל קט.

נאך מנחה איז דער רבי אריבער פארנט פונעם בנין ישיבה קטנה סניף ישמח משה צו די לוי' פון הרה"ג ר' ישראל חיים גוטמאן ע"ה ר"מ בישיבה.

זמני כניסה בקו''פ איז געווען פון 9:00 אזייגער ביז 12:45 אויפדערנאכט בביתו נאוה קודש אויף איהעל קט.

רבינו שליט''א האט געליינט געליינט די תנאים פון די מחותנים.
- הרה"ח ר' ארי' ברמ"א הערשקאוויטש הי"ו און הרה"ח ר' חיים שלמה בר"מ ווערטהיימער הי"ו.
- הרה"ח ר' מנחם שמואל פרענקל הי"ו און הרה"ח ר' אברהם יצחק מאיר ווערצבערגער הי"ו (וומסב''ג).

נאך די תנאים'ס איז דער רבי אריבער אויף ניחום אבילים ביי משפחת הרה"ח ר' ישראל חיים גוטמאן ע"ה, און נאך די ניחום אבלים צוריק לביתו נאוה קודש אויף איהעל ממשיך זיין די זמני כניסה.

בעת די זמני כניסה איז אריין בקודש פנימה הרה"ג רב דקהלתינו לינדען שליט"א אינאיינעם מיט חשובי ופני הקהילה איינצולאדענען צום מעמד יציקת הבורות פאר די מקוה בבית מדרשינו אין לינדען וועלכע קומט פאר דעם דינסטאג, און דער רבי האט מאציל געווען מברכת קדשו.

דער רבי האט געדאווענט מעריב ארום 12:45.

▫️ סאטמארע נייעס 🌴 ▫️

שב''ק פרשת קרח 'בצל הקודש' פון כ''ק רבינו הגה''ק שליט''א

פארן זמן הדלקה"נ האט דער רבי אנגעטוהן די שטריימל פאר די חתנים.
- החתן שמואל משה בהרה"ג ר' יעקב אלעזר מענדלאוויטש ז"ל.
- החתן משה ב"ר יואל מערמלשטיין הי"ו.

פרייטאג צונאכטס ארום 9:05 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הר"ר הערשל קאהן שליט"א. מען האט געענדיגט ארום 10:35. דער ציבור איז אריבער זאגן גוט שבת און דער רבי איז אריין לחדרו הפרטי.

ארום 11:05 איז דער רבי אריינגעקומען צום שלחן הטהור בהיכל השלחנות אינאיינעם מיט די תלמידי המתיבתא און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א. הגבהת הכוס: הרה"ח ר' יעקב אליעזר ווערצבערגער הי"ו.

מיט די זמירות האט רבינו שליט''א מכבד געווען. כל מקדש: הרה"ח ר' אברהם שמחה פריעדמאן הי"ו. מנוחה ושמחה: הרה"ח ר' פנחס כ"ץ הי"ו (ב"פ).

רבינו שליט''א האט געזאגט תורה אויפן פסוק 'ותפתח הארץ את פיה' און געטייטשט בדרך דרוש אין די סוגיא פון המקדש במלוה.

קה אכסוף: הרב חיים מייזליש שליט"א בן הגה"צ אבד''ק מאנטריאל שליט"א. ברכת המזון: נכד רבינו הרב אברהם יושע העשיל רוקח שליט"א חתן הגה"צ אב"ד סיגוט שליט"א.

עובדות וסיפורים די וואך האט רבינו שליט''א דערציילט פון הגה''ק הברוך טעם זיע''א וואס די יארצייט געפאלט דאנערשטאג ז' תמוז.

קה רבון עלם: הרה"ח ר' יואל כאירה הי"ו (ארגענטינע). די פרישע חתנים זענען אריבער נעמען פירות. אז ביום השביעי: נכד רבינו הרב ישראל דושינסקיא שליט"א (ב"פ).
מען האט געענדיגט ארום 1:50.

וביום השבת

שב''ק אינדערפרי איז דער רבי אריינגעקומען אין ביהמ''ד ארום 9:40. ברכות: הרה"ח ר' עקיבא וויינשטאק הי"ו. פסוקי דזמרה: הרה"ח ר' יואל בר"מ פאלקאוויטש הי"ו. צו שחרית איז דער רבי צוגעגאנגען.

- הוצאה והכנסה: הרה"ח ר' משה יעקב אהרן לעווי הי"ו.
- פסוקי שמע ישראל: הרה"ג ר' יוסף הערש סופר שליט"א מו"ץ.

עליות.
- כהן: הר"ר לוי יצחק בארזעסקי שליט"א.
- לוי: החתן ישכר בער בהר"ר יוסף דוד לעווי שליט"א - באווארפען.
- שלישי: החתן זאב ב"ר יודא יושע וויינשטאק הי"ו - באווארפען.
- רביעי: הרה"ג ר' יוסף לייב קאהן שליט"א.
- חמישי: ר' שמואל זאב ראזענבערג הי"ו, דער רבי האט קורא שם געווען לרגל הולדת בתו למז''ט.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' שמעון גאלדבערג הי"ו.
- ר' מאיר זאב מענדלאוויטש הי"ו.
- ר' שמחה בער פוקס הי"ו.
- ר' אשר יונה ווייסמאן הי"ו (וומסב''ג).

- שביעי: ר' פישל בהרה"ג ר' יוסף הערש סופר הי"ו, דער רבי האט קורא שם געווען לרגל הולדת בתו למז''ט.
- אחרון: ר' אברהם חיים לעווי הי"ו, דער רבי האט קורא שם געווען לרגל הולדת בתו למז''ט.
- מפטיר: הרה"ח ר' אברהם שלום לאנדא הי"ו.
- הגבה: הרה"ח ר' יודא יושע וויינשטאק הי"ו.
- גלילה: הרה"ח ר' שרגא חיים פעדער הי"ו.

מוסף: הרה"ח ר' משה יוסף מיטטעלמאן הי"ו (וומסב''ג). פתיחה צו אנעים זמירות: הרה"ח ר' אברהם יצחק מערץ הי"ו (וומסב''ג).

נאכן דאווענען איז פארגעקומען א ברית לבן הנולד אצל ר' שמעון יודא ברב"י ווייס הי"ו (וומסב''ג), ווי דער רבי איז געווען סנדק. מען האט געענדיגט ארום 12:50.

רעוא דרעווין

צו מנחה ושל''ש איז דער רבי אריינגעקומען אין ביהמ''ד ארום 9:05.
- מנחה: הרה"ח ר' מאיר נפתלי פערל הי"ו (וומסב''ג).
- הוצאה והכנסה: הרה"ח ר' פנחס שלמה פערלמוטער הי"ו (וומסב''ג).
- כהן: הר"ר שמואל משה פריעדמאן שליט"א.
- לוי: הר"ר יוסף דוד לעווי שליט"א.
- שלישי: הרב חיים מייזליש שליט"א.
- הגבה: רבינו שליט''א.
- גלילה: הרה"ח ר' משה אליעזר לאנדא הי"ו (וומסב''ג).

זמירות ביי של"ס האט דער רבי מכבד געווען. אודה: הרה"ח ר' נח גפן הי"ו. שיר המעלות: הרה"ח ר' משה פאלקאוויטש הי"ו.

רבינו שליט''א האט געזאגט תורה אויפן פסוק 'אל תפן אל מנחתם' און געטייטשט אז צו קענען תשובה טוהן כראוי דארף מען דבוק זיין אין יעקב אבינו כדאי מתקן זיין וואס מען האט פוגם געווען בעולמות עליונים, יעצט אין די זומער וואכן דארף מען האבן אויפן מח אז עס קומען די ימי תשובה אלול און תשרי והחכם עיניו בראשו נישט צו מאכן קיין פגם בעולמות עליונים.

ידיד נפש: הרה"ח ר' חיים פריעדמאן הי"ו (וומסב''ג). קל מסתתר: הרה"ח ר' יוסף קליין הי"ו (וומסב''ג). דער רבי האט געבענטשט על הכוס.

מעריב מוצש''ק: הרה"ח ר' שאול לייב זאלדאן הי"ו. נאך נאך הבדלה איז דער ציבור אריבער זאגן א גוטע וואך. מען האט געענדיגט ארום 11:20.

▫️ סאטמארע נייעס 🌴 ▫️

פרייטאג קרח בדר"ח תמוז 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה קטנה סניף דברי חיים בהנהלת הר"ר שלמה אלימלך שטיין שליט"א. פארן דאווענען האט דער רבי געלייגט תפילין פאר די בר מצוה בחורים.
- ב"ר אהרן הכהן גלאנצער הי"ו.
- בהר"ר משה יצחק בערנשטיין שליט"א.
- ב"ר שבתי קארפען הי"ו.

דער רבי איז צוגעגאנגען צו הלל און ביים ליינען עולה געווען רביעי.
נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די בר מצוה בחורים, רמ"י ותלמידי הישיבה, און משמיע געווען דב"ק זאגענדיג אז מען שטייט שוין אום חודש תמוז און מען דארף זיך שוין גרייטן צו די ימים נוראים הבעל"ט און עס משלב געווען מיט די לימודי הישיבה און מסיים געווען בברכת קדשו.

▫️ סאטמארע נייעס 🌴 ▫️