סאטמארע נייעס

דאנערשטאג פרשת וירא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' אברהם פאגעל הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה גדולה סניף ברך משה. ביים ליינען האט דער רבי עולה געווען שלישי. און נאכן דאווענען האט דער רבי פארגעלערנט א תהילים שיעור אויף קאפיטל כ"ז פסוק ד', און דערביי ארומגערעדט איבער די קדושה פון אתרא קדישא מירון בכלל און פון התנא האלקי רבי שמעון בר יוחאי בפרט, און אויסגעפירט אז מען גרייט זיך בקרוב צו זיין דארט און מען האפט אז עפעס וועט זיך אנקלעבן אין אונז און מען וועט אהיימנעמען די קדושה מיט זיך אויף שפעטער.

ארום 5:30 האט דער רבי געדאווענט מנחה בביתו נאוה קודש אויף צאנז קט.

נאך מנחה איז געווען אויף א באזוך בקו''פ ביי רבינו שליט"א בביתו נאוה קודש אויף צאנז כ"ק אדמו"ר מבית יצחק ספינקא שליט"א אינאיינעם מיט מחותנו האדמו"ר מראחוב רמת גן שליט"א לרגל שמחת נשואי נכדיהם למז"ט וועלכע איז פארגעקומען אויפדערנאכט אין די זאלן פון בית רחל פאראדייס, עס האט זיך פארצויגן א שיינע שמועס איבער די חתונה פונעם הייליגן עצי חיים זיע''א, דער רבי האט זיי מכבד געווען מיט לחיים און מאציל געווען מברכת קדשו פארן חתן, פאר די גרויסע זיידעס, און פאר די גאנצע משפחה.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' שמעון קרויס הי"ו און הרה"ח ר' זלמן לייב גליק הי"ו אין די זאלן פון כינור דוד.
- דערנאך ביי די חופה בבית ספינקא - ראחוב פון די מחותנים החתן בן האדמו"ר מראחוב רמת גן שליט"א עב"ג הכלה בת הר"ר אשר יונה הורוויץ שליט"א אין די זאלן פון בית רחל פאראדייס, דער רבי האט מסדר קידושין געווען און אויסגעווארט ביז נאך די חופה און אנגעוואונטשן ברכות לרוב פארן חתן, מחותנים, און די גרויסע זיידעס און אנוועזנדע רבנים ובני המשפחה.

זמני כניסה בקו''פ איז געווען פון 8:10 ביז 12:30 אויפדערנאכט בביתו נאוה קודש אויף איהעל קט.

ארום 10:45 איז דער רבי אראפ אין די תנאים זאלן און געליינט די תנאים פון די מחותנים.
- הרה"ח ר' יואל בר"ע גאלדשטיין הי"ו און הרה"ח ר' אברהם ישעי' שווארטץ הי"ו.
- הרה"ח ר' יואל בר"ח פעקעטע הי"ו און הרה"ח ר' אברהם שאול יעקב פריעדמאן הי"ו.

נאך די תנאים'ס האט דער רבי האט געדאווענט מעריב, און דערנאך ווייטער ממשיך געווען אויפנעמען דעם ציבור.

בעת די זמני כניסה איז געווען אויף א באזוך בקו''פ הרה"צ ר' שלמה צבי אלתר שליט"א בן האדמו"ר מגור שליט"א, וועלכע וויילט אויף שב"ק אין קרית יואל המורחבת אינאיינעם מיט די יתומים פון קהילות גור פון אמעריקע, עס האט זיך פארצויגן א שיינע שמועס איבער די גרויסקייט פון העלפן און מחזק זיין יתומים און דער רבי האט אין מאציל געווען מברכת קדשו און דערביי געשיקט א פריסת שלום פאר אביו האדמו"ר מגור שליט"א און געבעטן צו איבערגעבן אז מען איז שטארק מעריץ זיין שטעלונג נישט צו מוותר זיין אויף קיין שום בחור בנוגע די גזירה פון גיוס בני ישיבות בארה"ק. דערנאך זענען אלע בחורים אריבער מקבל זיין ברכת הקודש.

אויך זענען אריין בקודש פנימה הרה"ג ר' אנטשיל גרובער שליט"א מרבני התאחדות אברכים פון מאנסי אינאיינעם מיט די פטרוני חבורת יסודי התורה פון מאנסי הרה''ח ר' משה יצחק לאנדא הי"ו און הרה''ח ר' יוסף גרובער הי"ו, דער רבי האט געהערט א באריכט פון די פרישע לומדים און שיעורים במסגרת חבורת יסודי התורה און דערביי איבערגעגעבן א מתנה פאר די פטרונים א לעדערנע גמרא מסכתא בבא קמא און אנגעוואונטשן ברכות קדשו.

אויך איז פארגעקומען בקודש פנימה די תנאים ליינען פון די מחותנים הרה"ח ר' דוד לייב אקער הי"ו (לאנדאן), און הרה"ח ר' זלמן לייב שפיטצער הי"ו, דער רבי האט געליינט די תנאים, געטרינקן לחיים און מאציל געווען מברכת קדשו.

נאך די זמני כניסה זענען אריין בקודש פנימה בביתו נאוה קודש אויף צאנז קט. עטליכע גדולי העסקנים למען עתיד חינוך הטהור אין ניו יארק, ווי מען איז איבערגעגאנגען די ווייטערדיגע פלענער אינעם קאמף אפצוראטעווען דעם חינוך הטהור אין ניו יארק, דער רבי האט געהערט א פונקטליכע באריכט פונעם מצב אויפן פראנט אין געריכט הויז, און מען האט דן געווען איבער די ווייטערדיגע שריט, און בעיקר איבער די מאסיווע קאמפיין וועלכע ווערט אונטערגענומען אונטערצושרייבן קעגן די "קלעס עקשאן" קלאגע וואס די רשעים האבן אריין געגעבן אין געריכט בשם אלע ערליכע אידן, און דעריבער דארף מען קלארשטעלן מיט א שטארק פאראייניגטער כח אז זיי פארטרעטן אונז בשום אופן נישט, נאר אדרבה, זיי זוכן אויסצורייסן אונזער תורה, און משנה זיין אונזער גאנצע לעבנסשטייגער היל"ת, דער רבי האט גרונטליך איבערגעקוקט די גאנצע נוסח, און ווארעם אנגעוואונטשן פאר די עסקנים אז זיי זאלן מצליח זיין אין די

קריטישע אונטערנעמונג, און זוכה זיין אפצוראטעווען דעם חינוך הטהור אין ניו יארק מען זאל קענען ווייטער ממשיך זיין פונקט ווי ביז יעצט בלי שום שינוי.

▫️ סאטמארע נייעס 🌴 ▫️

מיטוואך פרשת וירא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' יחזקאל שרגא ברא"ש בראך הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה גדולה סניף ויואל משה. נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ז פסוק ג'.

אין די פארמיטאג שעות האט דער רבי משמיע געווען דב"ק דורך א הוקאפ פאר תלמידי ישיבתינו הקדושות אין ארה''ק, ירושלים און בני ברק, לקראת הנסיעה הרוממה הבעל"ט לאתרא קדישא מירון יצ"ו.
דער רבי האט ארויסגעברענגט אז צו א דבר גשמיות מאכט מען א הכנה מיט גשמיות און צו א דבר רוחניות מיט רוחניות און אזוי קען מען נהנה זיין פונעם תנא רבי שמעון אויך שפעטער, און מעורר געווען נישט צו זיין פארנומען מיט קיין שטותים און קבלת פנים וכו' נאר זיך צוגרייטן מיט לימוד התורה און אזוי קענען מקבל זיין די השפעות קדושות וואס רבי שמעון בר יוחאי איז משפיע, און מסיים געווען בברכת קדשו.

נאכמיטאג איז דער רבי ארויף אין ישיבה סניף ויואל משה ווי דער רבי האט געלערנט מיט א חברותא מתלמידי הישיבה בחדרו הפרטי. און ארום 5:30 האט דער רבי געדאווענט מנחה אין ישיבה.

פארנאכטס האט דער רבי מסדר קידושין געווען ביי די חופה פון די מחותנים.
- הר"ר חיים אלעזר טעללער שליט"א און הר"ר מרדכי שמעי' קויפמאן שליט"א אין די זאלן פון כינור דוד.
- הרה"ח ר' יואל כייעם הי"ו און הרה"ח ר' יודא נתנאל מאשער הי"ו אין די זאלן פון בית רחל פאראדייס.
- הרה"ח ר' יואל פאשקעס הי"ו און הרה"ח ר' אברהם אהרן יאקאבאוויטש הי"ו אין די זאלן פון גינת קליין.

נאך די חופות ארום 8:10 איז דער רבי אריבער אין שטוב פון משב"ק הרה"ח ר' חיים שלמה פישער הי"ו צום שמחת התנאים פון בתו הכלה, עב"ג החתן בן הרה"ג ר' ארי' אשר אינדיג שליט"א דומ"ץ ביהמ"ד מהרש"א.
עס האט זיך פארצויגן א לענגערע שמועס איבער די קדושה פון אתרא קדישא מירון און פילע מנהגים, מעשיות און נסים וואס עס איז דא אין מירון עד היום הזה ווען אידן ווערן געהאלפן ממש חוץ לדרך הטבע, דער רבי האט געזאגט אז ערליכע אידן האבן כסדר א השתוקקות צו פארן צו רבי שמעון און מזאגט נאך פון צדיקים אז משפירט וואו רבי שמעון רופט צו קומען, און וויזוי ווייסט מען אז רבי שמעון רופט, ווען מזעהט אז מהאט א שטארקע השתוקקות צו פארן.
דער רבי האט געליינט די תנאים, געטרינקן לחיים און מאציל געווען מברכת קדשו. דער רבי האט פארלאזט די שטוב ארום 8:55.

זמני כניסה בקו''פ איז געווען פון 9:00 ביז 12:30 אויפדערנאכט בביתו נאוה קודש אויף איהעל קט.

ארום 10:15 איז דער רבי אראפ צו די תנאים זאלן און געליינט די תנאים פון די מחותנים.
- הר"ר יואל מאליק שליט"א און הרה"ח ר' יעקב אהרן שלמה ווייל הי"ו.
- הרה"ח ר' בערל שטיין הי"ו און הרה"ח ר' משה בערנאטה הי"ו.

בעת די זמני כניסה איז געווען אויף א באזוך בקו''פ האדמו"ר מסיקסא שליט"א, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

דער רבי האט געדאווענט מעריב ארום 10:30 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

דינסטאג פרשת וירא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן.
- לבן הנולד אצל ר' מרדכי יוסף הערשקאוויטש הי"ו ווי דער רבי איז געווען סנדק.
- לבן הנולד אצל ר' מאיר דוד ברי"ח מאסרי הי"ו (וומסב''ג) ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף עצי חיים - שיעור ג'. פארן דאווענען האט דער רבי געלייגט תפילין פאר די בר מצוה בחורים.
- ב"ר ישכר דוב פארקאש הי"ו.
- ב"ר שמואל דוד מארקאוויטש הי"ו.
- ב"ר אליהו ראובן סאפדי הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ז פסוק ד'. דערנאך איז פארגעקומען א לחיים מיט די בר מצוה בחורים בהיכל הביהמ"ד.

ארום 1:45 איז דער רבי אנגעקומען אין ביהמ"ד הגדול צו די מעמד דרשת פתיחת הזמן פאר די נאנט צו 1500 בחורי חמד כ''י פון די 7 סניפי המתיבתא.
דער רבי האט אנגעהויבן מיט לענגערע דברי דרוש ואגדה אויף די וואכעדיגע סדרה און פון די שיעורי הישיבה אין מסכת בבא בתרא, און דערביי איבערגעזאגט די קשיא וואס דער רבי האט איבערגעלאזט פאר די בעלי בתים ביים סיום חצי הש"ס דורך חבורת יסודי התורה אין מסכת בבא קמא.
דערנאך האט דער רבי מחזק געווען די תקנת הישיבה און זיך צוצושטעלן אין אלע ענינים און נישט צו גיין צו חתונות. און ממשיך געווען איבער מנהגי קודש ביי א חופה וואס איז יסודתו בהררי קודש און יעדע זאך וואס מען טוט ביי א חופה איז א מנהג קודש וואס מען טאר נישט משנה זיין אדער מוסיף זיין, און שטארק מעורר געווען די בחורים זיך נישט צו לאזן ווערן נאכגעשלעפט פון די אמעריקאנע גאס וואס וויל פארוואנדלען די חופה אין א הייראט צערעמאניע, ובפרט בנוגע זינגען אדער גראמען ביי א חופה וואס מען האט אזאנס נישט געזען ביי די פריערדיגע דורות, אפילו אויב עס איז גוטע ניגונים, אבער עס באלאנגט נישט ביי א חופה און א חופה דארף בלייבן אזוי ווי אמאל, און מסיים געווען מיט ברכות לרוב פאר אלע תלמידי הישיבה. מען האט געענדיגט ארום 2:30.

נאכמיטאג איז דער רבי ארויף אין ישיבה סניף קדושת יואל ווי דער רבי האט געלערנט מיט א חברותא מתלמידי הישיבה בחדרו הפרטי. און ארום 5:30 האט דער רבי געדאווענט מנחה אין ישיבה.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
זמני כניסה בקו''פ איז געווען פון 8:00 ביז 12:40 אויפדערנאכט בביתו נאוה קודש אויף היוז סט.

בעת די זמני כניסה איז פארגעקומען א מסיבת לחיים לרגל די שידוך שליסן פון הכלה בת הרה"ח ר' בערל פערלשטיין הי"ו פון ב"פ, דערביי איז אנוועזנד געווען הנהלת חבורת תורתך שעשועי לרגל די ריזיגע נדבה פון הרה"ח ר' בערל הי"ו אויסצוצאלן די פארגאנגענע בחינה פון תורתך שעשועי אין ב"פ, עס האט זיך פארצויגן א שיינע שמועס איבער די ספסלי הביהמ"ד וואס איז ניתוסף געווארן אין ב"פ דורך חבורת תורתך שעשועי, דער רבי האט געטרינקן לחיים און מאציל געווען מברכת קדשו.

דער רבי האט געדאווענט מעריב ארום 10:30 און דערנאך ווייטער ממשיך געווען אויפנעמען דעם ציבור.

שפעט ביינאכט איז פארגעקומען א קורצא אסיפה מיט די הנהלה פון חבורת יסודי התורה, וואו מהאט געברענגט פארן רבין די רשימה פון פרישע 2000 נייע אהנגעשלאסענע אין די חבורה, און דער רבי האט זיי מאציל געווען מברכות קדשו להגדיל תורה ולהאדירה.

▫️ סאטמארע נייעס 🌴 ▫️

מאנטאג פרשת וירא 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית בהיכל המתיבתא סניף דברי יואל. פארן דאווענען האט דער רבי געלייגט תפילין פאר די בר מצוה בחורים.
- ב"ר יושע הערש גליק הי"ו.
- ב"ר דוד חיים צבי מאלח הי"ו.

ביים ליינען איז דער רבי געגאנגען הגבה. און נאכן דאווענען פארגעלערנט דעם טעגליכן תהילים שיעור אויף קאפיטל כ"ז פסוק ג'. דערנאך איז פארגעקומען א לחיים מיט די בר מצוה בחורים בחדרו הפרטי.

אויך האט דער רבי פארטיילט תעודות פאר די בחורים מציונים וועלכע האבן זיך געשטעלט צום פארהער אויף גאנץ מסכת שבת וועלכע איז געלערנט געווארן אין ישיבה פארגאנגענעם יאר.

נאכמיטאג איז דער רבי ארויף אין ישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי.
ביים אנקומען אין ישיבה איז דער רבי צום ערשט אריין אין ביהמ"ד און זיך אומגעקוקט אויף די פארברייטערטע היכל הביהמ"ד וועלכע איז אין די טעג פארברייטערט געווארן צוליב די ריבוי התלמידים.
ארום 5:30 האט דער רבי געדאווענט מנחה אין ישיבה.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' אברהם לייב קליין הי"ו און הרה"ח ר' יואל ברש"ל זאלדאן הי"ו אין די זאלן פון כינור דוד.
- הרה"ח ר' אברהם יצחק טאבאק הי"ו און הרה"ח ר' יואל בר"י יאקאב הי"ו אין די זאלן פון בית רחל פאראדייס.

זמני כניסה בקו''פ איז געווען פון 8:00 ביז 11:45 אויפדערנאכט בביתו נאוה קודש אויף איהעל קט.

דער רבי האט געדאווענט מעריב ארום 9:00, און דערנאך ווייטער ממשיך געווען אויפנעמען דעם ציבור.

נאך מעריב איז פארגעקומען א כתיבת האותיות פאר די ספר תורה וואס ווערט געשריבן דורך הרה"ח ר' יעקב יודא גפן הי"ו און ווערט אריינגעגעבן קומענדיגן דאנערשטאג חיי שרה אין ביהמ"ד עבודת אהרן בשכונת דזשעפערסאן אין קרית יואל המורחבת, דער רבי האט אריינגעשריבן עטליכע אותיות געטרינקן לחיים און מאציל געווען מברכת קדשו.

ארום 9:45 איז דער רבי אראפ צו די תנאים זאלן בביתו נאוה קודש, וואו דער רבי האט געליינט די תנאים פון די מחותנים.
- הר"ר אברהם שמחה גאטליב שליט"א און הרה"ח ר' מרדכי מענדל גוטמאן ע"ה.
- הר"ר שלום ברמ"צ גאלדמאן שליט"א און הר"ר משה שמואל רובינפעלד שליט"א.

בעת די זמני כניסה זענען אריין בקו''פ הרה"ג ר' משה ראזענפעלד שליט"א דומ"ץ ביהמ"ד ברך משה דקהלתינו וומסב"ג אינאיינעם מיט חברי הנהלת כולל שומרי החומות, וועלכע האבן געלאדענט רבינו שליט"א צו געבן א שיעור אין ביהמ"ד כתב סופר אין ירושלים עיה"ק בעת די מסע הקודש פון רבינו שליט"א אין ארה"ק קומענדיגן פרשת תולדות הבעל"ט, עס האט זיך פארצויגן א שיינע שמועס איבער די באזוכן פון רבותינו הק' בעל דברי יואל בעל ברך משה זיע''א אין דעם היסטארישן ביהמ"ד במשך די יארן און דער רבי האט זיי מאציל געווען מברכת קדשו.

▫️ סאטמארע נייעס 🌴 ▫️

זונטאג פרשת וירא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' מאיר פריעדמאן הי"ו ווי דער רבי איז געווען סנדק.

דער רבי האט געדאווענט שחרית בהיכל המתיבתא סניף קדושת יואל. פארן דאווענען האט דער רבי געלייגט תפילין פאר די בר מצוה בחורים.
- ב"ר אברהם אלי' פרידריך הי"ו.
- ב"ר יואל אלי' גליק הי"ו.
- ב"ר אייזיק הערש ברח"ש שפילמאן הי"ו.
- ב"ר דוד מנשה קרויס הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ז פסוק ג'. דערנאך איז פארגעקומען א לחיים מיט די בר מצוה בחורים בחדרו הפרטי.

נאך שחרית איז דער רבי אריבער אויף א באזוך אינעם מצה בעקעריי דקרית יואל וועלכע האט שוין פארגאנגענע וואך אנגעהויבן מיט די מאסיווע פראדוקציע לקראת חג הפסח הבעל"ט צו קענען נאכקומען דעם פארלאנג פון די מהודר'דיגע 'קרית יואל'ע מצות', דער רבי האט זיך אומגעקוקט אין די גאנצע בעקעריי און דערביי געהערט א באריכט איבער די פרישע חידושים פון היי יאר פון הרה"ח ר' יואל שלמה זאלדאן הי"ו - מנהל בית האופה, און הרה"ח ר' דוד עקשטיין הי"ו מראה"ק.
דערנאך האט זיך דער רבי אומגעקוקט אויפן נייעם צוגעבויעטן פליגל וואס איז דאס יאר צוגעבויעט געווארן צו קענען פארברייטערן די פראדוקציע לטובת אנ''ש, און קובע געווען א מזוזה און מאציל געווען מברכת קדשו.

ארום 1:10 איז דער רבי אריבער אויף א קביעות מזוזה אינעם מקוה טהרה החדש אין שכונת דברי חיים בקרית יואל המורחבת, דער רבי האט קובע געווען א מזוזה, און דערנאך אריין און זיך אומגעקוקט אויף אלע איינריכטונגען און הידורים און דערביי געהערט א דעטאלירטע באריכט פון די ראשי עסקני וועד הרחבת גבולי העיר.
דערנאך האט דער רבי אריבערשפאצירט צו א מסיבת לחיים אין שטוב פון הרה"ח ר' הערשל לעווי הי"ו - נדבן שטח המקוה וחבר וועד הרחבות גבולי העיר, און דערביי זיך אומגעקוקט מיט קורת רוח אויף די הרחבת גבולי הקדושה בתוככי השכונה, וואו ס'איז אויך אנוועזענד געווען אביו הגה"צ ר' ברוך לעווי שליט"א רב דביהמ"ד בנין אריאל אמסטערדאם, עס האט אויפגעטרעטן הגה"צ רבי יואל האלבערשטאם שליט"א רב דבית מדרשינו בית שמואל בשכונת דברי חיים בשם די תושבי השכונה און הרה"ח ר' דוד עקשטיין הי"ו מראה"ק.
דער רבי האט געטרינקן לחיים און מאציל געווען מברכת קדשו און משמיע געווען דב"ק איבער די חשיבות פון מנדב זיין געלט פאר א מקוה און פארציילט עטליכע סיפורים בנוגע חשיבות פון א מקוה, קודם פונעם בעל הילולא הרה"ק המאור עינים זיע''א וועלכע האט פארקויפט זיין עולם הבא צו קענען בויען א מקוה, און דערנאך עטליכע סיפורים לבית צאנז און שינאווע, און ארויסגעברענגט לשבח פון די נדבני המקוה טהרה וואס האט אפגעקאסט אנדערהאלבן מיליאן דאלער, ובפרט פונעם נדבן השטח הרה"ח ר' הערשל הי"ו און מסיים געווען מיט ברכות לרוב פאר אלע נדבנים און אנגעוואונטשן אז זיי זאלן אלע זוכה זיין צו עולם הבא און עולם הזה און כל מילי דמיטב.
דערנאך האט מען געזינגען עטליכע ניגונים, מען האט געענדיגט ארום 1:45.

נאכמיטאג איז דער רבי ארויף אין ישיבה סניף ברך משה ווי דער רבי האט געלערנט מיט א חברותא מתלמידי הישיבה בחדרו הפרטי. און ארום 5:30 האט דער רבי געדאווענט מנחה אין ישיבה.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' חזקי' צבי בוכינגער הי"ו און הרה"ח ר' יושע יצחק פירטה הי"ו אין די זאלן פון כינור דוד.
- הרה"ח ר' נתן מאיר ליכטענשטיין הי"ו און הרה"ג ר' מאיר יעקב מויזקאפף ז"ל אין די זאלן פון בית רחל פאראדייס.

זמני כניסה בקו''פ איז געווען פון 7:50 ביז 11:30 אויפדערנאכט בביתו נאוה קודש אויף איהעל קט.

ארום 9:45 איז דער רבי אראפ צו די תנאים זאלן בביתו נאוה קודש, וואו דער רבי האט געליינט די תנאים פון די מחותנים.
- הרה"ח ר' מאיר פאלקאוויטש הי"ו און הרה"ח ר' יצחק בערנאטה הי"ו.
- הרה"ג ר' שלמה יואל מאשקאוויטש שליט"א - מו"ץ בקהלתינו הק' וומסב''ג און הרה"ח ר' נחמי' ווערצבערגער הי"ו.

בעת די זמני כניסה האט זיך הב' גרשון ב"ר יואל פרענקל הי"ו (וומסב''ג) געשטעלט צום פארהער ביי רבינו שליט"א אויף טויזענט בלאט גמרא.

דער רבי האט געדאווענט מעריב ארום 11:30.

▫️ סאטמארע נייעס 🌴 ▫️