סאטמארע נייעס

דאנערשטאג פר' משפטים 'בצל הקודש' פון כ"ק מרן רבינו הגה"ק שליט"א

רבינו שליט"א האט געדאווענט שחרית בבנין התלמוד תורה אויף די ראצפערט גאס אינאיינעם מיט תלמידי כתה ט', לרגל די שמחת הנחת תפילין פון נכדו בן חדב''ן הגה''צ רב דביהמ''ד ישמח משה שליט''א. פארן דאווענען האט רבינו שליט''א תפילין געלייגט פאר נכדו חתן הבר מצוה כמר בנימין חיים מייזליש נ''י, און דערנאך ארויסגעדרייט די כריכות היד.

אויך האט דער רבי תפילין געלייגט פאר די פאלגענדע בר מצוה בחורים:
ב"ר יוסף שלמה מארקאוויטש הי"ו.
ב"ר יואל עקשטיין הי"ו.

ביים ליינען האט נכד רבינו הב' הבר מצוה נ"י עולה געווען שלישי, און דער רבי איז געגאנגען הגבה.

נאכן דאווענען איז פארגעקומען א מסיבת לחיים, ווי איינע פון די בחורי הת"ת האט פארגעזונגען חרוזים לכבוד השמחה, דערנאך האט דער בר מצוה בחור געזאגט דאס פשעטיל און מען האט אריינגעזינגען. דער רבי האט געטרינקן לחיים און געוואונטשן ברכות קדשו פארן בר מצוה בחור און פאר אלע בחורים און דערנאך משמיע געווען דברות קודש.

נאכמיטאג אים 5:45 האט דער רבי געדאווענט מנחה בביתו נאוה קודש.

אויפדערנאכט ארום 8:00 איז פארגעקומען א מסיבת לחיים אינעם תנאים זאל בביתו נאוה קודש אינאיינעם מיט תלמידי ישיבה גדולה שיעור ד', לרגל די בעפארשטייענדע נסיעה צו די מקומות הקדושים קומענדיגן וואך, ווי די ראשי הישיבה שליט''א האבן געוויזן פארן רבי'ן דעם סדר הנסיעה, דער רבי האט משמיע געווען דברי הדרכה והכנה פאר די בחורים און ארומגערעדט וויאזוי מען דארף פארן אויף מקומות הקדושים, פארן מיט א ערענסטקייט און נישט ח"ו ווי א טוריסט און זיך צו מקבל זיין קבלות טובות וכו', און צוגעענדיגט מיט דברי ברכה פאר די בחורים און דערנאך פארטיילט שליח מצוה געלט, און געדאווענט מעריב מיט די בחורים.

זמני כניסה בקודש פנימה איז געווען ביז 10:45. ביי די זמני כניסה איז פארגעקומען א לחיים לרגל די שמחת קישור החיתון פון הכלה בת הרה''ח ר' יואל ווידער הי''ו מיט החתן ב''ר מענדל דוב ווידער, װי רבינו שליט''א האט ווארים געוואונטשן ברכות קדשו פאר די מחותנים.

▫️ סאטמאר'ע נייעס 🌴 ▫️

מיטוואך פר' משפטים 'בצל הקודש' פון כ"ק מרן רבינו הגה"ק שליט"א

רבינו שליט"א האט געדאווענט שחרית בהיכל המתיבתא "סניף ויואל משה". פארן דאווענען האט רבינו שליט''א תפילין געלייגט פאר הב' הבר מצוה ב"ר אליעזר פריעדמאן הי"ו.

נאכן דאווענען האט רבינו שליט''א פארגעלערנט דעם טעגליכע תהילים שיעור קאפיטל ח' פסוק ד', און ארומגערעדט בגודל אמירת תהילים ברוב עם הדרת מלך בימי השובבי''ם. דערנאך איז פארגעקומען א מסיבת לחיים מיט'ן בר מצוה בחור בחדרו הפרטי.

נאכן דאווענען איז פארגעקומען די ברית לבן הנולד לר' טובי' גראס הי''ו - בביתו, ווי דער רבי איז געווען סנדק און מוהל.

נאכמיטאג איז רבינו שליט"א ארויף בהיכל הישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי, און אים 5:40 האט דער רבי געדאווענט מנחה אין ישיבה.

אויפדערנאכט איז געווען זמני כניסה בקודש פנימה פון 8:00 ביז 9:30. און דערנאך האט דער רבי געדאווענט מעריב בביתו נאוה קודש. און דאן האט רבינו שליט"א געליינט תנאים אין די תנאים זאלן בביתו נאוה קודש מרביה"ק זי"ע, ביי די תנאים פון די מחותנים ר' עקיבא יוסף ניישטאדט הי"ו - ר' ישראל פארגעס הי"ו.

בערך 10:00 איז רבינו שליט"א אנגעקומען צום שמחת הבר מצוה פון נכדו חתן הבר מצוה כמר בנימין חיים מייזליש נ''י בן חדב''ן הגה"צ רב דביהמ''ד ישמח משה שליט''א, בבית מדרשינו ישמח משה.

רבינו שליט"א האט זיך געוואשן צום סעודת הבר מצוה. און הגה''צ רב דביהמ''ד ישמח משה שליט''א האט ממשיך געווען מיט זיין דרשה. נאך די פיש האט דער רבי געטרינקן לחיים און אנגעווינטשן פאר'ן בר מצוה בחור און פארן גאנצן ציבור, דער בר מצוה בחור האט געזאגט דעם פשעטל כנהוג. און דערנאך האט רבינו שליט"א משמיע געווען דברות קודש, דער רבי האט צום ערשט ארומגערעדט דברי תורה בעניני בר מצוה, און דערנאך ארומגערעדט בשבח פון די שכונה 'שכונת ברך משה' ובפרט פונעם אסיפה וואס איז פארגעקומען פארגאנגענעם מוצש''ק אינעם ביהמ''ד להתחזק בעניני טעכנעלאגיע, דער רבי האט שטארק אויסגעלויבט די אלע אידן און בפרט די עסקנים וואס זענען עוסק אין דעם, און דערנאך צוגעענדיגט מיט דברי ברכה פארן גאנצן ציבור. מיט בענטשן האט דער רבי מכבד געווען נכדו דעם בר מצוה בחור כנהוג.

נאכן בענטשן איז דער גאנצער ציבור אריבער וואונטשן מזל טוב פאר רבינו שליט''א. מען האט געענדיגט ארום 11:15.

▫️ סאטמאר'ע נייעס 🌴 ▫️

דינסטאג פר' משפטים 'בצל הקודש' פון כ"ק מרן רבינו הגה"ק שליט"א

רבינו שליט"א האט געדאווענט שחרית בהיכל ישיבה גדולה שיעור ד'. פארן דאווענען האט רבינו שליט''א תפילין געלייגט פאר די פאלגענדע בר מצוה בחורים:
ב"ר משה הערש בראך הי"ו.
ב"ר אברהם גאלדבערגער הי"ו.

נאכן דאווענען האט רבינו שליט''א פארגעלערנט דעם טעגליכן תהילים שיעור קאפיטל ח' פסוק ד'. דערנאך איז פארגעקומען א מסיבת לחיים מיט די חתני הבר מצוה בהיכל הביהמ''ד.

נאכמיטאג איז רבינו שליט"א ארויף בהיכל הישיבה סניף קדושת יואל ווי דער רבי האט געלערנט מיט א חברותא מתלמידי הישיבה בחדרו הפרטי, און אים 5:40 האט דער רבי געדאווענט מנחה אין די ישיבה.

ארום 8:00 איז רבינו שליט''א אנגעקומען אין וומסב''ג, און איז קודם אריבער געגאנגן אויף א ביקור קודש ביי כ''ק אדמו''ר מוויזניץ וומסב''ג שליט''א, ווי ס'האט זיך פארצויגן א שיינע שמועס בד"ת וחסידות. האדמו''ר מוויזניץ האט מכבד געווען מיט לחיים און דער רבי האט מאציל געווען מברכות קדשו בידידות, און דערנאך האט האדמו''ר מוויזניץ ארויסבאגלייט רבינו שליט''א ביז צו די קאר.

אויפדערנאכט איז געווען זמני כניסה בקודש פנימה פון 8:20 ביז 12:45 בביתו נאוה קודש בוומסב''ג.

צווישן אנדערע זענען אריין בקודש פנימה, הרה''צ ר' חיים מאיר האגער שליט''א בן כ''ק אדמו''ר מוויזניץ שליט''א ארה"ק, איינצולאדענען רבינו שליט''א און מקבל זיין ברכות קדשו לרגל די חתונה פון זיין טאכטער וואס קומט פאר די קומענדיגע וואך אין בארא פארק, רבינו שליט''א האט ווארעם געוואונטשן ברכות קדשו.

אויך איז אריין הרה''ג ר' יואל העניך הורוויץ שליט''א חתן הגה''צ אב''ד קהלתינו ב''פ 15 שליט''א, מקבל זיין ברכות קדשו לרגל די חתונה פון בנו וואס קומט פאר קומענדיגע וואך אין לאנדאן, רבינו שליט''א האט ווארעם געוואונטשן ברכות קדשו.


ארום 11:50 האט רבינו שליט''א געדאווענט מעריב בביתו נאוה קודש, און ווייטער ממשיך געווען אויפנעמען דעם ציבור.

▫️ סאטמאר'ע נייעס 🌴 ▫️

מאנטאג פר' משפטים 'בצל הקודש' פון כ"ק מרן רבינו הגה"ק שליט"א

רבינו שליט"א האט געדאווענט שחרית בהיכל המתיבתא "סניף דברי יואל". פארן דאווענען האט רבינו שליט''א תפילין געלייגט פאר די פאלגענדע בר מצוה בחורים:
ב"ר אביגדור הערשקאוויטש הי"ו.
ב"ר יואל ווייס הי"ו.

נאכן דאווענען האט רבינו שליט''א פארגעלערנט זיין טעגליכן תהילים שיעור קאפיטל ח' פסוק ד'. דערנאך איז געווען א מסיבת לחיים מיט די בר מצוה בחורים בחדרו הפרטי.

נאכן דאווענען איז פארגעקומען די ברית לבן הנולד לר' אברהם לעווינגער הי''ו, בבית זקינו הרה''ח ר' אברהם לייב בראך הי''ו, ווי דער רבי שליט''א איז מכובד געווארן מיט סנדקאות.

נאכמיטאג איז געווען אויף א ביקור בביתו נאוה קודש כ''ק אדמו''ר מקאלאשין שליט''א פון ארה''ק אינאיינעם מיט בנו הרה''ג ר' הלל ראבינאוויטש שליט''א מנהל ישיבה גדולה סניף ברך משה, עס איז פארפירט געווארן א שיינע שמועס, און דער רבי האט אים מכבד געווען מיט לחיים און ווארים געוואונטשן ברכות קדשו ספעציעל לרגל די חתונה פון זיין טאכטער / אייניקל וואס איז פארגעקומען די פארגאנגענע וואך, און דערנאך האט אים דער רבי ארויסבאגלייט.

נאכמיטאג איז רבינו שליט"א ארויף אין די ישיבה סניף קדושת יואל ווי דער רבי האט געלערנט מיט א חברותא מתלמידי הישיבה בחדרו הפרטי, און אים 5:30 האט דער רבי געדאווענט מנחה אין די ישיבה.

פארנאכטס האט רבינו שליט"א מסדר קידושין געווען ביי די חופה פון די מחותנים ר' ישראל חיים זינגער הי"ו - הרה''ג ר' שבתי קאהן שליט''א, באולם כינור דוד.

אויפדערנאכט ארום 8:10 האט רבינו שליט''א געדאווענט מעריב בביתו נאוה קודש, דערנאך איז געווען זמני כניסה בקודש פנימה ביז 11:00.

רבינו שליט"א האט געליינט תנאים אין די תנאים זאלן בביתו נאוה קודש, ביי די תנאים פון די פאלגענדע מחותנים:
הרה''ג ר' יצחק אייזיק פוקס שליט''א - ר' מענדל ברא''ש פריעדמאן הי"ו.
ר' יואל בר''ד כהן הי"ו - ר' אברהם שאול יעקב פריעדמאן הי"ו.

ארום 11:15 איז רבינו שליט''א אריבער געקומען אין זאל פון קרן ויואל משה ווי דער רבי האט זיך באטייליגט ביי די שמחת השבע ברכות פון נכד הגה''צ הדומ''ץ שליט''א, עס איז פארפירט געווארן א לענגערע תורה'דיגע שמועס מיטן דיין שליט"א און די מחותנים, דערנאך האט דער רבי טועם געווען און געטרינקן לחיים און געוואונטשן ברכות קדשו פארן חתן פארן דיין שליט"א און פאר די מחותנים, נאכן בענטשן האט דער רבי געזאגט די שבע ברכות און דערנאך זיך ארויסגעלאזט אין א ריקוד מיטן חתן ומחותנים, און עקסטער מיטן דיין שליט''א, מען האט געענדיגט ארום 11:50.

▫️ סאטמאר'ע נייעס 🌴 ▫️

זונטאג פר' משפטים 'בצל הקודש' פון כ"ק מרן רבינו הגה"ק שליט"א

רבינו שליט"א האט געדאווענט שחרית בהיכל המתיבתא "סניף קדושת יואל". פארן דאווענען האט רבינו שליט''א תפילין געלייגט פאר די פאלגענדע בר מצוה בחורים:
בן הרה''ג ר' יואל אפענהיים שליט''א.
ב"ר חיים זאלצער הי"ו.
ב''ר מרדכי לייב מיטטעלמאן הי''ו.
ב''ר אברהם יצחק גאלדבערגער ע''ה.
ב''ר אברהם משה טויב הי''ו.
ב''ר ישראל הורוויץ הי''ו.

נאכן דאווענען האט רבינו שליט''א פארגעלערנט די טעגליכע תהילים שיעור קאפיטל ח' פסוק ד'. דערנאך איז פארגעקומען א מסיבת לחיים מיט די בר מצוה בחורים בהיכל הביהמ''ד.

נאכן דאווענען האט רבינו שליט''א מנחם אבל געווען הרה''ח ר' גדלי' מתתי' לענעראוויטש הי''ו ע''פ בנו ע''ה. דערנאך איז רבינו שליט''א געווען אויף די וועכנטליכע באזוך אינעם מצה בעקעריי דקהלתינו הק'.

נאכמיטאג איז רבינו שליט"א ארויף בהיכל הישיבה סניף קדושת יואל ווי דער רבי האט געלערנט מיט א חברותא מתלמידי הישיבה בחדרו הפרטי, ארום 4:30 האט זיך רבינו שליט''א משתתף געווען ביי די מסע הלוי' פון הגאון רבי ליפא מרגליות זצ''ל ראש ישיבת תורה תמימה, ביים ביה''ח דקהלתינו הק' בקר''י. און אים 5:30 האט דער רבי געדאווענט מנחה אין די ישיבה.

פארנאכטס האט רבינו שליט"א מסדר קידושין געווען ביי די חופה פון די פאלגעדע מחותנים:
ר' אברהם מתתי' קאהן הי"ו - הר''ר ישראל ארי' בערקאוויטש ז''ל, באולם כינור דוד.
ר' וואלף בר''מ לאנדא הי''ו - ר' משה ברח''א ווייס הי''ו, באולם בית רחל פאראדייס.

ארום 7:30 האט רבינו שליט''א באזוכט ביי די מתמידים 'רץ למשנה' בהנהלת הר''ר אלימלך שווארץ שליט''א, בבנין הבית רחל - הירש גאלדבערגער לאנדא. דער רבי האט זיך אומגעקוקט מיט א געוואלדיגער קורת רוח אויף די לימודים און מאציל געווען ברכות קדשו פאר די הנהלה.

אויפדערנאכט איז געווען זמני כניסה פון 7:45 ביז 12:30.

רבינו שליט"א האט געליינט תנאים אין די תנאים זאלן בביתו נאוה קודש. ביי די תנאים פון די פאלגענדע מחותנים:
ר' שלום אליעזר גראד הי"ו - ר' יצחק פייערשטיין הי"ו.
ר' אשר אנטשיל ווייזער הי"ו (וומסב''ג) - ר' דוד ביקל הי"ו.

ארום 11:45 האט רבינו שליט''א געדאווענט מעריב בביתו נאוה קודש, און ווייטער ממשיך געווען אויפצונעמען דעם ציבור.

▫️ סאטמאר'ע נייעס 🌴 ▫️

שב"ק פרשת יתרו 'בצל הקודש' פון כ"ק מרן רבינו הגה"ק שליט"א.

פרייטאג צונאכטס ארום 5:35 איז רבינו שליט''א אריינגעקומען אין ביהמ"ד מעוטף בטליתו און צוגעגאנגען צו מנחה. נאך מנחה איז פארגעקומען די אפיעל לטובת די מעמבערשיפ קאמפיין פון קהלתינו הק', עס האט אויפגעטרעטן הרה''ג ר' לייבוש וויינפעלד שליט''א. קבלת שבת: הרה''ג ר' יודא כ''ץ שליט''א דומ''ץ קהל ויצב אברהם אוסטראליע.

מען האט געענדיגט דאווענען ארום 7:15. נאכן דאווענען איז דער עולם אריבער געגאנגען גוט שבת זאגן און שלום נעמען, און רבינו שליט''א איז אהיים לביתו נאוה קודש.

ארום 8:30 איז רבינו שליט''א אריינגעקומען צום שלחה"ט בהיכל השלחנות אינאיינעם מיט די תלמידי המתיבתא, און אנגעהויבן כדרכו בקודש 'שלום עליכם' ברגש ובנעימה.

אשת חיל: נכד רבינו הב' מאיר אליעזר טייטלבוים בן הגה''צ רב דביהמ''ד ברך משה שליט''א.

מיט די זמירות האט רבינו שליט''א מכבד געווען. כל מקדש: הר''ר יוסף בנימין שטערן שליט''א (בארא פארק), מנוחה ושמחה: הרה"ח ר' שמעון הערשאפט הי''ו (לאנדאן).

רבינו שליט''א האט געזאגט תורה אויפן פסוק "וישמע יתרו - מה שמועה שמע ובא" און געטייטשט בדרך דרוש אין די סוגיא פון מקבלים גרים.

קה אכסוף: הרב הערשל אשכנזי שליט''א בן האדמו''ר מסטאניסלאוו לאנדאן שליט''א, ברכהמ"ז: הרה''ג ר' יודא כ''ץ שליט''א דומ''ץ קהל ויצב אברהם אוסטראליע.

עובדות וסיפורים די וואך האט רבינו שליט''א דערציילט פון הרה''ק ר' יושע'לע בעלזער זי"ע, וואס די יארצייט געפאלט דינסטאג כ''ג שבט. קה רבון עלם: הרה''ג ר' יואל אפענהיים שליט''א.

די פרישע חתנים פון די לעצטע פאר וואכן זענען אדורך נעמען פירות, אז ביום השביעי: הרב יושע הערשל שארף שליט''א. דערנאך האט מען ממשיך געווען צו טאנצן עליונים ששו, ובאו כולם, לכבוד שבת קבלת התורה. מען האט געענדיגט ארום 11:40.

וביום השבת קודש

שב"ק צופרי איז רבינו שליט''א אריינגעקומען 9:15. פסוקי דזמרה: הר''ר דוד חנני' ווייס שליט''א, צו שחרית איז רבינו שליט''א צוגעגאנגען.

הוצאה והכנסה: הרה''ח ר' ישראל אלעזר טאבאק הי''ו, פסוקי שמע ישראל: הרה''ח ר' דוד שלמה בערגער הי''ו.

עליות. כהן: בעל שמחה ר' מאיר פריעדמאן הי''ו - רבינו שליט"א האט געמאכט די מי שברך וקריאת השם לרגל הולדת בתו למז"ט, לוי: הרה''ח ר' יעקב אלי' רייכמאן הי''ו, שלישי: החתן ב''ר וואלף לאנדא הי''וַ - באווארפן, רביעי: החתן ב''ר אברהם מענדל ווערטהיימער הי''ו, חמישי: החתן ב''ר דוד חנני' ווייס הי''ו, שישי: מרן רבינו שליט''א.

נאכן עולה זיין האט רבינו שליט''א געמאכט די מי שברך וקריאת השם לרגל הולדת הבת ביי די פאלגענדע בעלי שמחה.
ר' יואל בר''ש כ''ץ הי''ו.
ר' חיים מענדל פייערשטיין הי''ו.
ר' חיים מענדל אקער הי''ו.
ר' חיים מיכל שווארץ הי''ו.
ר' יואל בר''מ פערל הי''ו.

שביעי: החתן ב''ר ישראל מנחם ליכטנשטיין הי''ו, אחרון: החתן ב''ר שמשון גפן הי''ו, מפטיר: החתן ב''ר יואל מיטטעלמאן הי''ו, הגבה: הרה''ח ר' עזריאל לעפקאוויטש הי''ו, גלילה: הרה''ח ר' משה ברח''א ווייס הי''ו.

מוסף: הרה''ח ר' יצחק עהרענפעלד הי''ו, פתיחה לאנעים זמירות: הרה"ח ר' לייבל רייכמאן הי''ו (בארא פארק).

מען האט געענדיגט ארום 12:20.

רעוא דרעווין

צו מנחה ושל"ש איז רבינו שליט''א אריינגעקומען אין ביהמ''ד ארום 5:40. מנחה: הרה''ח ר' ישראל שפיצער הי''ו, הוצאה והכנסה: הרה"ח ר' יושע הערש פריינד הי"ו (וומסב''ג), כהן: הרה''ח ר' יודא כ''ץ הי''ו, לוי: הרה''ח ר' עזרא נייהויזער הי''ו (קרית טאהש) שלישי: הרה''ח ר' מרדכי לאנדא הי''ו, הגבה: מרן רבינו שליט"א, גלילה: הר''ר יוסף בנימין שטערן שליט''א.

זמירות ביי של"ש האט רבינו שליט"א מכבד געווען. אודה: הרה''ח ר' נח גפן הי''ו, שיר המעלות: הרה"ח ר' משה גאלדשטיין הי"ו.

ביי די תורה האט זיך רבינו שליט"א געשטעלט אויפן פסוק ''ויחד יתרו על כל הטובה'' און געטייטשט אז די מצריים זענען נענש געווארן במיתת חנק כאטש וואס רציחה איז בסייף, ווייל זיי האבן מכשיל געווען די אידן מיט ראיות והירהורים אסורים וואס איז א ענף פון די עבירה אליין, פון דעם דארף מען זיך משים זיין אל הלב און אויסניצן די צייט פון די ימי השובבי''ם וואס איז נאך געבליבן און מתקן זיין דעם עבר און מאכן קבלת טובות להבא.

ידיד נפש: הרה''ח ר' יעקב הערש ווערטהיימער הי''ו (וומסב''ג), קל מסתתר: הרה''ח ר' לייבל רייכמאן הי''ו. דער רבי שליט''א האט געבענטשט אויפן כוס און געזאגט שבע ברכות.

מעריב מוצ"ש: הרה''ח ר' יצחק עהרענפעלד הי''ו. נאך הבדלה איז מען אריבער זאגן א גוטע וואך, מען האט געענדיגט 8:10.

▫️ סאטמאר'ע נייעס 🌴 ▫️