זוכן: „#פורים”

דער פרייליך-דערהויבענער פורים איז אט דא:

קופת רבינו אבני חסד "מְשַׂמחִים" גרופעס גרייטן זיך צו פרייליך מאכן ביי אייך אין שטוב; איר גרייט זיך צו דערפרייען די היימישע מחותנים!!

צענדליגער משפחות זוכן א שמחה אין זייער פורים-סעודה: אן אבני חסד משמחים גרופע! – הונדערטער מחותנים קוקן ארויס אז יעדע סאטמאר'ע משפחה זאל זיך צוטיילן מיט א שטריימל $1400 !

היי יאר: מוזיק און טענץ וועלן אנהאלטן מוצש"ק, פורים המשולש

צו באשטעלן א גרופע רופט: 845.281.8338


כלל ישראל האט נארוואס אריינגעטרעטן אינעם חודש אדר שמרבין בו בשמחה, דער חודש וועלכע פארמאגט אין זיך די פרייליכע פורים טעג וועלכע ווערן יאר יערליך פייערליך געפראוועט בכל תפוצות ישראל באגלייט מיט אומצאליגע מצוות און צדקה וחסד.

אין די קארידארן פון קופת רבינו 'אבני חסד' קוקט מען ספעציעל ארויס אויפן יו"ט פורים, דער צייט ווען אנשי שלומינו קומען יאר יערליך אנטקעגן די נצרכי אנ"ש מיטן שטיצן די הייליגע קופה וואס שטעלט צו שטיצע בדרך כבוד פאר מחותנים מאנ"ש בעת שמחתם.
יאר יערליך איז די צייט ארום די ימי הפורים דער הויכפונקט פונעם יאר ווען עיניהם של עניים מאנ"ש זענען געוואנדן צו די נדבנים וועלכע נעמען אויף די חבורות 'משמחים' בעין יפה ורוח נדיבה, און מיט די ברייטהארציגע נדבה גיבט מען דעם ריכטיגן שטופ פאר די הנהלת הקופה וועלכע פונקציאנירן דורכאויסן גאנצן יאר אדאנק די ברייטע שטיצע וואס דער קופה געניסט צווישן ציבור אנ"ש ביום הפורים.

דער יום טוב פורים לויפט שוין היינט ביי אנשי שלומינו פאראלעל מיט די פרייליכע 'משמחים גרופעס' פון קופת רבינו 'אבני חסד', ווען די תלמידי הישיבה נוצן אויס דעם גאנצן פורים לטובת זייערע חברים און זייערע אייגענע עלטערן, ארומגייענדיג פון שטוב צו שטוב מיט די פרייליכע געטענץ אריינשלעפנדיג דעם גאנצן משפחה אין א אטמאספעהר פון שמחה צונויפגעפלאכטן מיטן מצות מתנות לאביונים אויפן הערכסטן און שענסטן סטאנדארט.


קופת רבינו 'אבני חסד' האט זיך שוין איינגעקויפט א שם טוב, זייענדיג דער קופה וואס שטעלט זיך ארויס צו העלפן אנשי שלומינו בעת שמחתם, ווען א באדייטענדע פראצענט מחותנים דארפן ליידער צוקומען צו פינאנציעלע הילף, און צו דעם קומט אפיר דער קאסע וואס איז נתייסד געווארן דורך כ"ק מרן רבינו הגה"ק שליט"א מיט די נויטיגע הילף, צושטעלנדיג ברייטהארציגע שטיצע פאר אלע נצרכי אנ"ש.

היי יאר רישט מען זיך אויף אן אויסשטעל וואס איז היבש אנדערש און אביסל מער קאמפליצירט ווי אין א געווענליכע יאר, צוליב וואס פורים געפאלט אין אן ערב שבת, דעריבער זענען די עסקני הקופה גאר שטארק אקטיוו מיטן אויסשטעלן די סקעדזשועלס פון די 'משמחים גרופעס' אויף א אופן וואס מען זאל קענען דעקן אלע יערליכע אדרעסן, אריינרעכענענדיג דאס ארומגיין מיט די גרופעס אויך מוצאי שב"ק ווען פילע משפחות פראווען דעם סעודת פורים.

צוליבן היי יאריגן אויסשטעל וואס פאדערט מער ארבעט מיטן אויסשטעלן דעם סדר היום פאר די צענדליגע 'משמחים גרופעס' קומען די עסקנים ארויס מיט א רוף צום ציבור אנ"ש אז מען זאל נישט ווארטן אויף די לעצטע מינוט, נאר אריינרופן באשטעלן א 'משמחים גרופע' וואס שנעלער, כדי מען זאל זיך קענען צושטעלן צו די צייט וואס איז די בעסטע פאר די חשובע נדבנים.

צו באשטעלן א גרופע רופט: 845.281.8338

כ"ק מרן רבינו הגה"ק שליט"א האט היינט ביי די דב"ק ביים "יום המיוחד" פאר די העכער 650 תלמידי כיתה ט' דמוסדותינו הק' פון איבער גרעיטער ניו יארק, ארויסגערענגט שטארקע לענגערע דברי הדרכה, ובפרט ארויסגעברענגט דברי שבח אויף אויפשטיין ליל שישי בימי השובבי"ם ווי די רבי האט זיך אויסגעדרוקט "..כוויל מאכן די ברכה פון 'הטוב והמטיב' אויף דעי שמועה טובה", "..סהאט זעכער בוקע רקיעים געווען אין הימל און עושה רושם געווען".

און דערנאך ארויסגעברענגט די התרגשותדיגע געפילן "..כהאב געהערט א שמועה טובה פון קבלות טובות וואס די בחורים האבן זיך מקבל געווען יעצט פון ר"ח אדר ביז צום יו"ט פורים הבאים לקראתינו לשלום, צו לערנען "שעות רצופות" אן הכנה דרבה צו די "שמחת הכנסת ספר תורה" וואס גייט אי"ה זיין בקרוב, דאס איז א בחינה פון והיה שמע תשמע אם שמע בישן תשמע בחדש.."
"איך וויל איינלאדענען אלע בחורים צו די שמחה פון הכנסת ספר תורה, כוויל עטץ זאלטס האבן א חלק אין די שמחה של מצוה, אבער כוויל עטץ זאלטס אויך האבן א חלק אין די הכנה צו די הכנסת ס"ת דורך לימוד התורה"

און צום סוף ארומגערעדט איבער די מצב הנורא השורה בעולם "..ותנתן לי נפשי בשאלתי ועמי בבקשתי' סנאך דא אסאך אידן אין די גאנצע וועלט ליידער, מיט די ביטערע מחלה וואס דרייט זיך ארום, און זיי דארפן ישיעות ורפואות, דער אייבערשטער זאל העלפן א רפו"ש פאר די אלע אידן וואס דארפן א רפואה, און די אלע וואס זענען געזינט זאל דער אייבערשטער העלפן זאלן בלייבן געזונט, 'אנשים נשים וטף, זקנים עם נערים' אלע אידישע קינדער זאלן זיין געזונט בגשמיות וברוחניות, ביז דער אייבערשטער זאל העלפן מיר זאלן אלע זוכה זיין אקעגן צו די גואל צדק בב"א

▫️ סאטמאר'ע נייעס 🌴 ▫️

הנה ימים באים, כל המביא דורן לת"ח.

רבבות אנשי שלומינו תלמידי וחסידי סאטמאר בכל אתר ואתר, זענען איינגעהילט אין א טיפע התרגשות דקדושה, זיך גרייטענדיג בחדרת קודש ובהכנה דרבה צי די ליכטגע ימי האורה "ימי שמחת התורה" בקרב קהלתינו הק', ווי אנ"ש וועלן זיך מיטפרייען בשמחת התורה, ובשמחת אבינו רועינו עט"ר הוד כ"ק מרן רבינו הגאון הקדוש שליט"א ביום שמחת לבו ביים היסטארישן "חגיגת הכנסת ספר תורה" וואס ווערט אריינגעגעבן דורכן רבי'ן קומענדיגע שושן פורים הבעל"ט.

אלס הכנה דרבה זיך צו קענען פרייען בשמחת התורה בלב שלם, גרייטן זיך אלפי בחורי אנ"ש תלמידי ישיבתינו הקדושות די בכל אתר ואתר, כולם כאחד צום תורה'דיגן אונטערנעמונג צו שענקן במתנה לכבודו פון אבינו רועינו כ"ק מרן רבינו הגה"ק שליט"א לקראת יום שמחת לבו זו מתן תורה, לשמוח בשמחתו ולהחיות נפשו הטהורה, אזויפיל ווי ס"ה אריבער 50,000! שעות רצופות תורה דורכאויס די קומענדיגע טעג פון ר"ח אדר ביז פורים, און וועט ווערן איבערגעגעבן אלס מנחת בכורים אין א ספעציעלן "כוללת קוויטל" בשמם ושם אמם, פאר כ"ק מרן רבינו הגה"ק שליט"א על שלחן מלכים ביים היסטארישן מעמד ביום שושן פורים, און באזונדער וועלן אלע תלמידים ערהאלטן מיד קדשו פונעם רבין א נייעם ספר פונעם רבי'ן למחרתו ביים גרויסן 'כינוס בחורי סאטמאר' נאך תפילת שחרית.

אזוי אויך ווערט איבערגעגעבן פון די הנהלת הכוללים, אז אויך אין די 'כוללים' דקהלתינו הק' די בכל אתר ואתר וועט מען אי"ה מרבה זיין בלימוד התורה כהכנה דרבה, און וועט ארויסקומען א "קובץ תורני" ווי די רבני ולומדי הכוללים וועלען אריינלייגן זייערע חידושים בענין "הכנסת ספר תורה" בהלכה ואגדה וחסידות, וואס וועט אי"ה ספעציעל ערשיינען צום היסטארישן מעמד חגיגת הכנסת ספר תורה.

אין שמחה כשמחת התורה, נגיל ונשיש בזאת התורה כי הוא לנו עוז ואורה

▫️ סאטמאר'ע נייעס 🌴 ▫️

נגיל ונשיש בזאת התורה כי היא לנו עוז ואורה

'לעשות אותם ימי שמחה:' סדר פון די געהויבענע מעמדים וואס וועלן בעז"ה אפגעראכטן בשמחה רבה ובהתרגשות עילאה פון די היסטארישע ימי 'חגיגת הכנסת ספר תורה' וואס ווערט אריינגעגעבן דורך נזר תפארתינו הוד כ"ק מרן רבינו הגאון הקדוש שליט"א - (לויט ווי עס הייסט יעצט).

מוצש"ק זכור וועט פארקומען די גרויסע מעמד נרגש "סיום כתיבת ספר תורה" בבית מדרשינו הגדול קרית יואל.

מוצש"ק ליל שושן פורים וועט פארקומען די גרויסע מעמד נרגש "סיוםכתיבת ספר תורה" אינאיינעם מיט עריכת שלחן הטהור לכבוד היום בבית מדרשינו הגדול וויליאמסבורג.

'שישו ושמחו בשמחת רבינו:' זונטאג יום שושן פורים וועט פארקומען במעמד רבבות חסידי סאטמאר די היסטארישע מעמד 'הכנסת ספר תורה' וועלעכע וועט ארויסגיין פון ביתו נאוה קודש פון כ"ק מרן רבינו הגה"ק שליט"א און אריינגעפירט ווערן בתופים ובמחולת צום בית שהתפללו בו רבותינו הק' "בית מדרשינו הגדול קרית יואל" ווי עס וועלן פארקומען די ריקודי קודש און דערנאך די סעודה לגמרה של תורה אינאיינעם מיטן עריכת שלחן הטהור לכבוד היום.

מאנטאג ממחרת שושן פורים וועט כ"ק מרן רבינו הגה"ק שליט"א דאווענען תפילת שחרית בבית מדרשינו הגדול ק"י מיט אלע בחורי הישיבות ד'סאטמאר פון איבער גרעיטער ניו יארק ווי די רבי וועט עולה זיין און די נייע ספר תורה, און נאכן דאווען אפרעכטן די מסיבת לחיים און משמיע זיין דב"ק ודברי חיזוק.

מער פרטים וועלן נאכפאלגן.

אשרי עין ראתה גילת קהלינו, כולם נקבצו באו לך לשמוח בשמחת תורתינו

▫️ סאטמאר'ע נייעס 🌴 ▫️

באקומען פין איינעם
די פאקטן איבער די פעלדער געזעץ

די אלטע געזעץ האט טאקע נישט ארויסגעשריבן וועלכע און וויפיל לימודי חול יעדע מוסד דארף לערנען, ווייל עס האט נישט אויסגעפעלט!
די געזעץ האט קלאר ארויסגעשריבן אז די לימודים אין די מוסדות דארפן זיין 'סובסטענשעלי עקוויווילענט', אין אידיש ווערט דאס איבערגעטייטשט צו 'מער ווייניגער די זעלבע' אדער 'גאר ענליך' צו די לימודים אין די פובליק שולעס.

פאר יארן לאנג האט די רעגירונג אוועקגעקוקט אויפן פאקט אז די לימודים ווערן נישט געלערנט, און די מוסדות האבן געלערנט נאר די מינימאלע ווי רביה"ק האט אונז געלערנט.

אבער, ליידער איז מקוים געווארן דעם 'ורדו בכם שנאיכם, מכם ובכם' און די רעגירונג האט אנגעהויבן באקומען קלאגעס אויף 28 מוסדות מ'כלומר'שט אין נאמען פון די עלטערן וואס האבן קינדער אין די מוסדות אז עס ווערן נישט געלערנט די אלע לימודים וואס ווערן פארלאנגט לויטן געזעץ.
נאכן באקומען די קלאגעס האט די רעגירונג מער נישט געקענט אוועקקוקן, און האט זיך געמוזט נעמען אויף די מוסדות התורה, און זיי פארהאלטן פארוואס זיי קומען נישט נאך די געזעץ צו לערנען די אלע לימודים.
יעצט איז אויסגעקומען אזוי:
1) די געזעץ פארלאנגט מען זאל לערנען 'מער ווייניגער' די זעלבע לימודי ווי די פובליק שולעס.
2) די אטאריטעט דערויף איז די עדיוקעישאן דעפט.
די עסקנים זענען פארשטייט זיך געווארן אויפגעשוידערט פון די נייע גזירות אויף די חינוך פון אונזערע קינדער, אבער נאך א קורצע שמועס מיט אדוואקאטן איז קלאר געווארן אז די רעגירונג האט די געזעצליכע מאכט צו פארלאנגען די אלע לימודים, און די עסקנים זענען געווען אובד עצות.
דא איז אריינגעקומען די 'פעלדער אמענדמענט' וואס דאס האט אוועקגעשטעלט אז ביי די היימישע מוסדות זאל מען נישט קוקן אויב די 'לימודים' זענען 'סובסטענשעלי עקוויווילענט' נאר אויב די 'תוצאות' זענען 'סובסטענשעלי עקוויווילענט'. דהיינו:
1) מען זאל קוקן אויב פון די גאנצע לערן פראגראם צוזאמען (אידיש און ענגליש) קומען די תלמידים ארויס מיט א נארמאלע שכל הישר צו מאכן ראציאנאלע באשלוסן (קריטיקעל טינקינג), וואס דאס שטעלט די גמרא צו, און עס פעלט נישט אויס צוצולייגן נאך לימודי חול.
2) עס לערנט ליינען ענגליש.
3) עס לערנט רעכענען.
4) עס לערנט היסטאריע.
5) סייענס.
ביי ישיבות קטנות פארלאנגט עס אז מען זאל קוקן אויב זיי שטעלן צו א 'בעיסיק עדיוקעישאן'.
די אריגינעלע לשון פון די געזעץ האט פארלאנגט נאך צוויי זאכן וואס זענען ליידער נישט געלונגען,
1) מען זאל נישט קענען פארלאנגען פון די מוסדות התורה צו לערנען מער לימודים (וואס אין די פאקטישע געזעץ איז אריינגעשטופט געווארן די ווערטער 'באט נאט לימיטעד טו' [אבער נישט געצוימט צו (די לימודים) ד.ה. די רעגירונג 'מעג' פארלאנגען מער]
2) מען האט געוואלט גרינדן אן עקסטערע קערפערשאפט וואס זאל פארפיגן אויף די מוסדות התורה און עס זאל נישט ליגן אין די הענט פון די עדיוקעישאן דעפט. [למעשה איז עס געטוישט געווארן אז עס בלייבט ביים עדיוקעישאן דעפט.]
יעצט לאמיר זען די בעל החלומות'ס טענות.
1) די געזעץ זאגט וואס מ'דארף לערנען: עס פלעגט אלעמאל זאגן (נישט אזוי קלאר ווייל עס האט נישט אויסגעפעלט, עס האט פארלאנגט פונקט ווי די פובליק שולעס און שוין, עס האט נישט אויסגעפעלט ארויסצושרייבן אלע פרטים)
2) היינו הך
3) עס גיט די מאכט פאר די קאמישינער: זי האט עס אלעמאל געהאט.
4) עס זאגט אז זיי זענען נישט באגרעניצט צו פארלאנגען בלויז די לימודים: זיי זענען קיינמאל נישט געווען באגרעניצט.
5) היינו נומער 3
אבער אז איר וועט קוקן וועט איר זען אז מיט טענה נומער 4 איז ער זיך סותר מיט טענה נומער 1, ווייל עס שטייט אין די געזעץ א זי איז נישט פארפליכטעט זיך צו רעכענען נאר מיט די לימודים נאר 'זי קען אויך פארלאנגען אלעס וואס ווערט פארלאנגט דורכ'ן אלגעמיינעם געזעץ!!!' (די פעלדער געזעץ איז נישט א געזעץ בפני עצמו, עס איז א צוגאב צום אלגעמיינעם חינוך געזעץ און עס זאגט אז די מוסדות התורה דארפן נישט לערנען אלעס וואס די אלגעמיינע געזעץ פארלאנגט [וואס ביז איצט איז דאס יא פארלאנגט געווארן לויט'ן געזעץ] און די צוגעלייגטע ווערטער האבן געזאגט אז מען מעג אויך מחייב זיין די מוסדות צו לערנען דאס וואס איז פארלאנגט לויט'ן אלגעמיינעם געזעץ [וואס דאס איז פונקט ווי ביז יעצט])
אין קורצן קומט אויס אזוי: די געזעץ פארלאנגט 'ווייניגער' פון די מוסדות ווי ביז יעצט, און עס לייגט צו אז אויב די רעגירונג וויל קען זי פארלאנגען 'מער' ווי די פעלדער געזעץ און 'צולייגן' אויך די 'ביז יעצטיגע געזעץ', קומט אויס אז מען האט אראפגענומען רוב פונעם ביז איצטיגן געזעץ און געגעבן די מעגליכקייט פאר די רעגירונג צוריקצוקומען צום ביז יעצטיגן געזעץ, מען האט אבער נישט צוגעגעבן קיין שום מאכט אדער
לימודים.
איך וואלט ווען געקענט אנהייבן די מעסידש מיט א קעפל: שוידער! ראו וכו' וכו' וכו', אבער היות עס איז ניכרין דברי אמת פעלט נישט אויס צוצולייגן דראמא אזויווי די וואס פראבירן צו פארקויפן לאקשן צוזאמען מיט'ן וואשינגטאן בריק, וואס זיי מוזן שרייבן דראמאטישע ווערטער צו פארטושן די מוחות מען זאל נישט כאפן וואס פארא שטותים זיי שרייבן, ווייל אנדערש האבן זיי נישט קיין שאנסן אז די עולם זאל קויפן זייערע לאקשן קעגן די קלארע מציאות.
יעצט, די סיבה פארוואס זיי זענען אזוי צולאזט איז ווייל זיי האבן געהאלטן אז זיי זענען ממה נפשך'דיגע געווינערס, אויב ווער מהר"א מיטשטיין מיט זיי אין די מערכה איז דאך גוט, און אויב ער וועט נישט מיטשטיין וועט מען אים צולייגן צום לאנגן ליסטע פון 'אנטי פיפעל' און מען וועט אום באשמוצן און אראפרייסן פארן זיך צושטעלן צו די סיקריקים [הגם וואס אין דעם חלק זענען זיי בעצם עקספיריענסד, און אונז דארף מיר זיי פארשטיין, ווייל זיי עסן נאך יעצט די שיריים פון מיטשטיין מיט די סיקריקים ביי, גיוס, טעכנעלאגיע, עירוב, מצות, פלייש, וכו', ווייל זיי ווייסן נישט פון קיין מיטלוועג, אויב די שטיינמאניסטן זאגן אז ס'נישטא קיין זכר פון גיוס, שרייען זיי אז מ'כאפט מענטשן אין די גאסן, הגם די מציאות איז נישט אזוי און נישט אזוי, אויב עס איז דא א פראבלעם מיט טעכנאלאגיע, האלטן זיי אז ס'נישט דא קיין ברירה חוץ גיין צום כינוס כל ישראל, אפגעזען פון די פראבלעמען, א.א.וו.] ממילא ווען מהר"א האט גענומען די מהלך וואס גייט מיט'ן מציאות, נישט עקסטרעם רעכט אדער לינק, זענען זיי ארויסגעשפרינגען פון די הויט.
אבער מיט די ארויסשפרינגען פון די הויט האבן זיי אפגענויגט פון די געווענליכע כלל פאר א ליגנער, דהיינו: ער דארף האבן א גוטן זיכרון, זיי האבן פארגעסן וויאזוי זיי האבן מסביר געווען מיט א פרישקייט אז די וואס טענה'ן אז די רבנים אדער עסקנים מיינען נישט אידישקייט זענען צודרייט אינגאנצן, זיי האבן אפילו ארויסגעגעבן א גאנצע פורים ביכל דאס אויפצו-ווייזן (ווי זיי האבן נישט געקענט שרייבן וואס קאממאן קאור איז יא, נאר וואס נישט...)
סתם צו-צוענדיגן, זיי שרייבן דארט אינעם ביכל אז 'קיין איין גוי'אישע סטאנדערט טויג נישט' און אז 'מען האט קיינמאל נישט געקוקט אויף וועלכע סטאנדערט די ביכל איז געשריבן', נו, אויב אזוי על מה יצא הקצף? פארוואס דארף גאנץ כלל ישראל אריינגעשלכפט ווערן אין א סומעטאכע איבער די ביכער אויב עס גייט קיינע נישט אן? לאמיר שוין זאגן אז עס איז נישט כפירה, נו, אויב עטליכע ליידיג-גייער האבן באשלאסן אז עס איז כפירה טויש ביכער, עס איז דאך נישט קיין שום חילוק אויף וועלכע סטאנדארט מען רערנט, נישט אזוי? פארוואס ווען א גדול בישראל קומט ארויס קעגן קאממאן קאור קומט עטס ארויס קעגן אים? עס איז דאך נישט קיין שום חילוק, און נאכמער! איר טענה'ט דארט אינעם ביכל אז די ביכער פון היינט זענען פונקט ווי די ביכער פון ביז יעצט, נו, דאס האט דאך מהר"א געזאגט אז מען וועט נישט טוישן!!!

חדש ימינו כקדם

גרויס פרייד הערשט בין עמידי דגירסא דישיבתינו "מתיבתא הקדושה" ווען היינט נאכן דאווענען האבן תלמידי ישיבתינו זוכה געווען אז די ראש הישיבה כ"ק מרן רבינו הגה"ק שליט"א האט צוריק אנגעהויבן פארלערנען די טעגליכע תהילים שיעורים נאכן דאווענען
די תהילים שיעורים וואס געט אריין חיזוק און חיות פאר די בחורים וואס די רבי לערנט שוין פאר אין ישיבה פאר די לעצטע קרוב צו 25 יאר.

-און אין די לעצטערע תקופה בימי המגיפה האט די רבי נישט פארגעלערנט די תהילים שיעורים. ווי סליגט נאך אין די ביינער די לעצטע תהילים שיעור וואס די רבי האט געזאגט אפאר טאג נאך פורים בבכיות נוראות ווי די רבי האט זיך אויסגעדריקט בלש"ק:
"..כהאב געהאט זייער א שווערע נאכט כהאב נישט געקענט שלאפן כהאב געדארפט היינט אפשפארן 10,000 אידישע קינדער דא אין קרית יואל ...וואס לערנען תורה "סהאט מיר זייער צובראכן.."

און איז צוריק נתחדש געווארן היינט ווען נאכן דאווענען איז רבינו שליט"א ארויף אויפן ארוה"ק שטייעדיגערהייט און אנגעהויבן אנהייב פונעם ספר תהילים צום צווייטן מאל -טראץ אלע טרדות הזמן וואס כ"ק רבינו הגה"ק שליט"א טראגט האט דער רבי נישט געואלט אויפגעבן דער לעכטיגע שיעור וואס דער רבי טוט פארלערנען פאר דער באליבטע תלמידים הקרוים בנים מדי יום ביומו.

מים רבים לא יכלו לכבות את האהבה