זוכן: „#פורים”

דינסטאג פרשת פקודי 'בצל הקודש' פון כ"ק מרן רבינו הגה"ק שליט"א

רבינו שליט"א האט געדאווענט שחרית בהיכל המתיבתא "סניף דברי יואל". און נאכן דאווענען האט רבינו שליט''א פארגעלערנט די טעגליכע תהילים שיעור קאפיטל י' פסוק ג'.

אין די פארמיטאג שעה'ן איז רבינו שליט''א געווען אויף די וועכנטליכע באזוך אינעם בית השחיטה המהודרת, און אינעם מצה בעקעריי דקהלתינו הק'.

נאכמיטאג אים 6:10 האט דער רבי געדאווענט מנחה בביתו נאוה קודש.

אויפדערנאכט איז געווען זמני כניסה בקודש פנימה פון 8:00 ביז 1:30 בביתו נאוה קודש בוומסב''ג, אים 11:30 האט דער רבי געדאווענט מעריב, און ווייטער ממשיך געווען אויפנעמען דעם ציבור.

בעת די זמני כניסה איז געווען אויף א באזוך בקו''פ הרה"ג ר' אשר אולמאן שליט"א רב שכונת רמת אברהם בית שמש, עס איז פארפירט געווארן א שיינער שמועס בעניני פורים דמוקפים, און האט איבערגעגעבן א שיינע גריס מקהלתינו הק' אין בית שמש.

▫️ סאטמאר'ע נייעס 🌴 ▫️

מיטוואך פרשת כי תשא - שושן פורים קטן, 'בצל הקודש' פון כ"ק מרן רבינו הגה"ק שליט"א

רבינו שליט"א האט געדאווענט שחרית בהיכל ישיבה גדולה שיעור ד'. און נאכן דאווענען האט רבינו שליט''א פארגעלערנט דעם טעגליכן תהילים שיעור, קאפיטל ט' פסוק א', און ארומגערעדט דברי הדרכה, בעניני שמחת החיים.

דערנאך איז פארגעקומען א מסיבת לחיים לרגל שושן פורים קטן, מען האט געזינגען עטליכע ניגוני דביקות ושמחה, דער רבי האט געטרינקן לחיים און געוואונטשן ברכות קדשו פאר די ראשי הישיבה און אלע בחורים.

נאכמיטאג איז רבינו שליט"א ארויף בהיכל הישיבה סניף ברך משה ווי דער רבי האט געלערנט מיט א חברותא מתלמידי הישיבה בחדרו הפרטי, און אים 6:00 האט דער רבי געדאווענט מנחה אין די ישיבה.

פארנאכטס האט רבינו שליט"א מסדר קידושין געווען ביי די חופה פון די פאלגעדע מחותנים:
ר' יעקב יחזקי' טויב הי"ו (מאנסי) - ר' חיים לייב מארקאוויטש הי"ו, באולם כינור דוד.
ר' יושע קאהן הי''ו - ר' יואל ברי''ל מאשקאוויטש הי''ו, באולם בית רחל פאראדייס.

אויפדערנאכט איז געווען זמני כניסה פון 8:00 ביז 1:00. ארום 11:15 האט רבינו שליט''א געדאווענט מעריב בביתו נאוה קודש, און ווייטער ממשיך געווען אויפצונעמען דעם ציבור.

דאנערשטאג פר' כי תשא

צופרי איידער תפילת שחרית איז פארגעקומען די ברית'ן
לבן הנולד לר' יואל בר''וו פאלאטשעק הי''ו.
לבן הנולד לר' יואל ברח''י ווידער הי''ו.
ווי דער רבי שליט''א איז געווען סנדק און מוהל.

רבינו שליט"א האט געדאווענט שחרית בהיכל המתיבתא "סניף ברך משה". ביים ליינען האט דער רבי עולה געווען שלישי. און נאכן דאווענען האט רבינו שליט''א פארגעלערנט דעם טעגליכן תהילים שיעור, קאפיטל ט' פסוק ג'.

נאכמיטאג אים 6:00 האט דער רבי געדאווענט מנחה בביתו נאוה קודש.

פארנאכטס האט רבינו שליט"א מסדר קידושין געווען ביי די חופה פון די פאלגעדע מחותנים:
הרה''ג ר' יודא ביקל שליט''א - ר' וואלף שעהר הי"ו, באולם כינור דוד.
ר' יואל ברמ''י גאלדבערגער הי''ו - ר' יחזקאל שרגא הירש הי''ו, באולם בית רחל פאראדייס.

אויפדערנאכט איז געווען זמני כניסה בקודש פנימה פון 8:00 ביז 12:00. ארום 10:45 האט רבינו שליט''א געדאווענט מעריב בביתו נאוה קודש, און ווייטער ממשיך געווען אויפצונעמען דעם ציבור.

▫️ סאטמאר'ע נייעס 🌴 ▫️

דינסטאג פרשת כי תשא - פורים קטן, 'בצל הקודש' פון כ''ק מרן רבינו הגה''ק שליט''א

רבינו שליט"א האט געדאווענט שחרית אין די ישיבה לצעירים אין וומסב"ג. נאכן דאווענען איז פארגעקומען א מסיבת לחיים לכבוד היום, ווי מ'האט געזינגען ווארימע ניגונים, דער רבי האט געטרינקן לחיים און געוואונטשן פאר אלע ראשי ישיבה ומרביצי תורה און פאר אלע בחורים, דערנאך האט דער רבי משמיע געווען א לענגערע פארצווייגטן דרוש לכבוד פורים קטן, משולב מיט די סוגיא פון עשה דוחה לא תעשה. נאכן זינגן נאך עטליכע ניגוני שמחה האט דער רבי פארלאזט די ישיבה און איז אהיים געפארן לביתו נאוה קודש אויף היוז סט.

נאכמיטאג ארום 5:00 האט רבינו שליט"א טעלעפאניש ממנה געווען א וועד לעניני טעכנעלאגיע בקרב קהלתינו הק' אין בית שמש, ביי א אסיפה וואס איז פארגעקומען אין שטוב פון הרבני החסיד ר' צבי עקיבה ברייטשטיין הי"ו יו"ר הנהלת הקהלה והמוסדות אין בית שמש.

אום 5:20 האט דער רבי געדאווענט תפילת מנחה בביתו נאוה קודש, דערנאך זענען אריין בקודש פנימה די מנהלים פון די ת"ת אין וומסב"ג אלס שלוחים פון די תשב''ר צו נעמען מטבעות קודש פאר די קינדער וועלכע האבן פאראיאר אריינגעברענגט שיינע סכומים פאר די מוסדות הק' ביום הפורים.

ארום 6:00 אזייגער איז דער רבי אנגעקומען צו די זאלן פון קאנטינעטאל צום עריכת שלחן הטהור לכבוד פורים קטן אינאיינעם מיט די - קרוב צו זיבן הונדערט - תלמידים פון די 7 ישיבות קטנות פון מוסדותינו הק' פון וומסב"ג.

דער רבי האט זיך געוואשן צו די סעודה לכבוד היום, און מען האט אויפגעגעבן די מאכלים אזוי ווי יעדן יו"ט, במשך דעם טיש האט מען געזונגען ניגוני התרוממות ודביקות, און דער רבי האט משמיע געווען דריי מאל דברות קודש, לכבוד היום, ודברי הדרכה והכנה לקראת ימי הפורים.
נאך די לעצטע דב"ק האט מען געזינגען ניגוני שמחה און דער רבי האט זיך אויפגעשטעלט טאנצן א לענגערע צייט לכבוד היום.
מיט ברכת המזון האט דער רבי מכבד געווען בנו הגה"צ אב"ד סיגוט שליט"א - ור"מ בישיבת מבצר התורה.
נאכן בענטשן בערך אום 7:45 איז דער רבי צוריק אהיים געגאנגן לביתו נאוה קודש, און מ'האט תיכף אהנגעפאנגן די וועכנטליכע זמני כניסה, ביז אים 11:30 אויפדערנאכט.

צווישן אנדערע איז אויך אריין בקו"פ הרה"צ רבי חיים מאיר האגער שליט"א אב"ד קרית וויזניץ בני ברק, לרגל די חתונה פון א זון וואס קומט פאר בשעטומ"צ די קומענדיגע וואך, ולרגל די שידוך שליסן פון א טאכטער בשעטומ"צ, ווי עס איז אויך מיטגעקומען דער נייער חתן און דער מחותן הרה"צ ר' יואל טייטלבוים שליט"א בן הגה"צ מנעפלימעץ שליט"א.

נאך א שיינעם שמועס איבערן שייכות פון מרן הייטב לב זצ"ל מיט'ן תורת חיים מקאסוב זצ"ל האט רבינו שליט"א ווארים געוואנטשן פאר ביידע חתנים און די מחותנים.

ארום צען אזייגער האט דער רבי געדאווענט מעריב בביתו נאוה קודש אויף היוז סט. און דערנאך ווייטער ממשיך געווען אויפצונעמען דעם ציבור.

▫️ סאטמאר'ע נייעס 🌴 ▫️

מאנטאג פרשת כי תשא 'בצל הקודש' פון כ''ק מרן רבינו הגה''ק שליט''א

צופרי איידער תפילת שחרית איז פארגעקומען די ברית לבן הנולד לר' אברהם שפילמאן הי''ו, ווי דער רבי איז געווען סנדק ומוהל.

רבינו שליט''א האט געדאווענט שחרית בהיכל המתיבתא 'סניף דברי יואל'. ביים ליינען האט דער רבי עולה געווען שלישי. און נאכן דאווענען פארגעלערנט דעם טעגליכן תהילים שיעור, קאפיטל ט' פסוק א'.

נאכמיטאג אים 6:00 האט דער רבי געדאווענט מנחה בביתו נאוה קודש. און שפעטער פארנאכטס האט רבינו שליט''א מסדר קידושין געווען ביי די חופה פון די פאלגענדע מחותנים:
ר' חיים יחזקאל הערשקאוויטש הי''ו - ר' מנחם שמואל פרענקל הי''ו, באולם כינור דוד.
ר' יואל איידליס הי''ו - שלמה מענדלאוויטש הי''ו, באולם בית רחל פאראדייס.
ר' יצחק שמואל שניצער הי''ו (וומסב''ג) - ר' אהרן אבראמאוויטש הי''ו, באולם קרן ויואל משה.

ארום 8:30 האט רבינו שליט''א געדאווענט מעריב בביתו נאוה קודש.

לעשות אותם ימי משתה ושמחה - ליל פורים קטן

ארום 9:00 איז רבינו שליט''א אריינגעקומען צום עריכת שלחן הטהור לרגל פורים קטן בתופים ובמחולות במעמד אלופי אלפי ישראל בבית מדרשינו הגדול בקרית יואל.

ביים אריינקומען האט דער רבי געטאנצן אויפן פלאץ לכבוד היום פאר עטליכע מינוט, און תיכף נאכ'ן זיך וואשן צו די סעודה האט רבינו שליט"א מכבד געווען הגה''צ ר' שלמה זאבעל שליט''א מו''ץ ביהמ''ד בית דוב דקהלתינו הק' צו מאכן דעם סיום ששה סדרי משנה וואס ווערט געלערנט דורך די שיעורי אהבת קדומים בבית מדרשינו הגדול בקר''י, און הרה''ג ר' דוד פערל שליט''א מגי''ש בקהלתינו הק' מיט אמירת קדיש.

במשך די סעודה האט מען מאריך געווען בשירות ותשבחות ברנה ובצהלה נגוני התעוררות ונגוני שמחה וריקוד, און נאך די פיש האט דער רבי געוואונטשן לחיים פארן גאנצן ציבור.

רבינו שליט''א האט משמיע געווען במשך די סעודה פינעף מאל דברות קודש. ביים ערשטע מאל האט דער רבי דערמאנט אז יעצט ווערט א יאר פונעם חגיגת הכנסת ספר תורה וואס איז אריין געגעבן געווארן דורך רבינו שליט"א פאריאר שושן פורים. און ארומגערעדט מיט שטארקע התרגשות איבער די זכיה אז יעצט איז פארענדיגט געווארן די מצוה בשלימות און דאס איז א געוואלדיגע שמחה וויבאלד דעם שב"ק פרשת תצוה איז פארענדיגט געווארן די קריאה אין די ספר תורה במשך דעם יאר, וואס מיט דעם איז פארענדיגט געווארן די השלמה פון די מצוה און איז משפיע השפעות טובות. דערנאך האט דער רבי דערמאנט די קבלת טובות פון די שעות רצופות דורך די טויזענטער בחורים אלס מנחת ביכורים פאר רבינו שליט"א, און געבעהטן פון די בחורים 'קימו וקבלו' זיך נאכאמאל מקבל זיין צו לערנען די שעות רצופות פון ר''ח ביז פורים הבעל''ט, און מסיים געווען מיט ווארימע ברכות הקודש בברכות התורה. דערנאך האט מען ממשיך געווען מיט פייערדיגע ריקודים בשמחת התורה.

ביי די צווייטע דב''ק האט רבינו שליט''א משמיע געווען דברי דרוש לכבוד היום, ביי די דריטע דב''ק האט רבינו שליט''א ארומגערעדט איבער די געוואלדיגע השפעות וואס קומט אראפ בימי הפורים, און ארומגערעדט דברי הדרכה בפרט פאר די בחורים, מען דארף נזהר זיין נישט נשפע צו ווערן פון די מהות פון אמעריקע 'וואס אמעריקע איז דער מקור התאוות' וואס דאס איז געווען דער ציהל פון אחשורוש 'לעשות כרצון איש ואיש', דער רבי האט דערמאנט דעם רמ''א אז מען זאל מאכן א סעודה פורים קטן און ענדיגט צו וטוב לב משתה תמיד, 'תמיד' איז בגימטריא 'חותם' מען דארף האבן א חותם מען דארף נזהר זיין צו האבן א חותם אויפן מויל סיי בנוגע עסן און בעיקר בנוגע ניגונים פון נישט אן ערליכן מקור.

שפעטער האט רבינו שליט''א משמיע געווען די פערטע דב''ק און ארומגערעדט איבער די מצוה פון מתנת לאביונים וואס אפילו עס גייט נאר אן פורים גדול איז מען אבער נישט עובר אויף בעל תוסיף אויב מען געט צדקה פורים קטן.., און געזאגט אז איך האב א פערזענדליכע צוועק פאר א איד א נצרך און דערביי מכבד געווען אלע אידן וואס הייסן 'יוסף' זאלן ארויפגיין אויפן טיש און צוזאמנעמען געלט פאר די מצוה, און זיך דערנאך באדאנקט פאר אלע וואס האבן צוזאמגענומען די געלט.

דערנאך האט רבינו שליט''א משמיע געווען די פופטע דב''ק און ארומגערעדט אז דער נס פורים איז געקומען בזכות מצוות מזוזה, און דערמאנט איבער וואס מען האט מעורר געווען וועגן כשר'ע מזוזות און געזאגט א בשורה טובה אז מען האט מממה געווען א ת''ח ויר''ש מרבני קהלתינו הק' בבני ברק וועלכע זאל שטיין על המשמר און צוזאמנעמען פון ערליכע סופרים פון ארה''ק וועם ער קען, און עס אפשיקן קיין אמעריקא צו פארקויפן בתכלית הכשרות.
דערנאך האבן אויפגעטרעטן מיט דברי בדחנות הרה''ח ר' הערשל פרידמאן הי''ו און הרה''ח ר' אלי' שוויצער הי''ו און נאכ'ן בענטשן האט רבינו שליט''א געזאגט שבע ברכות פאר עטליכע מחתני אנ''ש. מען האט געענדיגט ארום 11:45.

נאכן טיש איז רבינו שליט''א ארויסגעפארן קיין בארא פארק, מפאר זיין בראש שמחת החתונה בחצרות קדשינו, הכלה נכדת רביה''ק בעל ברך משה זי''ע, בת הרה''ג ר' זלמן לייב מייזליש שליט''א מו''ץ בקהלתינו ב''פ בן הגה''צ אב"ד קהלתינו ב''פ שליט''א.

ארום 1:10 איז רבינו שליט''א אנגעקומען אין עטרת גאלדא זאל, דער רבי האט זיך קודם באגריסט מיט הגה"צ ב"פ רב שליט"א און זיך נאכגעפרעגט על שלום בריאותו, און דערנאך האט דער רבי טועם געווען לכבוד די שמחה און געטרינקן לחיים און געוואונטשן ברכות קדשו פארן חתן, די מחותנים אין די זיידעס.
מוה"ר משה יושע ווייס הי''ו האט אויסגערופן רבינו שליט''א צו די מצוה טאנץ, וואס דער רבי האט געטאנצן לפני הכלה כנהוג, און דערנאך געטאנצן מיטן חתן און די מחותנים און די געהויבענע זיידעס.

נאך די מצוה טאנץ האט דער רבי געוואונטשן פאר די כלה כנהוג, און בערך אים 1:50 איז רבינו שליט"א אריינגעפארן קיין וומסב"ג לביתו נאוה קודש.

▫️ סאטמאר'ע נייעס 🌴 ▫️

דינסטאג נצבים ג' סליחות בצל הקודש פון כ"ק מרן רבינו הגה"ק שליט"א

ארום 5:45 איז רבינו שליט''א אריין געקומען צו אמירת סליחות בבית מדרשינו הגדול בוומסב"ג. בעל תפלה איז געווען הרה"ח ר' יודל ווערצבערגער הי"ו.

רבינו שליט"א האט געדאווענט שחרית בבנין התלמוד תורה 'בנין ישעי זאב לעוו' אינאיינעם מיט תלמידי כתה ט' מכינה לישיבה. פארן דאווענען האט רבינו שליט''א תפילין געלייגט פאר די פאלגענדע בר מצוה בחורים:
ב''ר אברהם שלמה האפפער הי''ו.
ב''ר יחיאל ארגעל הי''ו.
ב''ר ישראל משה בערקאוויטש הי''ו.

נאכן דאווענען זענען אריין בקודש פנימה בחדרו הפרטי די תלמידים המצטיינים פון כתה ח' וועלכע האבן זיך פארהערט די לימודים. רבינו שליט"א האט פארטיילט פרסים און געוואונטשן ברכות קדשו. אויך זענען אריין תלמידי כתה ט' מכינה לישיבה וואס האבן אריינגעברענגט גרעסערע סכומים לטובת המוסדות בימי פורים העעל"ט. רבינו שליט"א האט פארטיילט געבענטשטע מטבעות.

נאכדעם איז פארגעקומען א מסיבת לחיים אינאיינעם מיט תלמידי כתה ט' מכינה לישיבה. רבינו שליט"א האט געטרינקן לחיים און געוואונטשן פאר די בר מצוה בחורים די מרביצי תורה און די בחורים, און דערנאך משמיע געווען קורצע דברות קודש.

דערנאך איז רבינו שליט"א אראפגעגאנגען ביים פראכטפולען נייעם איבערגעבויעטן אולם פרענקל נדבת הרבני הנגיד ר' אביגדור פרענקל הי"ו ובנו הרבני הנגיד ר' יושע הי"ו. רבינו שליט"א האט קובע מזוזה געווען און מכבד געווען הגה"צ אבד"ק ור"מ וומסב"ג שליט"א און הרבני הנגיד ר' אביגדור פרענקל הי"ו צו קובע מזוזה זיין. דערנאך האט די רבי שליט''א געוואונטשן ברכות קדשו פאר די נדבנים ועסקנים, און זיך אומגעקוקט אויף די זאלן.

ורוח הקודש אומרת כן ירבה וכן יפרוץ

ארום 12:15 איז רבינו שליט''א - ווי שוין געמאלדן - אנגעקומען צום ''מעמד קביעת מזוזה ומסיבת לחיים'' פארן בנין הבית רחל בנין ריספלער החדש במוסדותינו הק' וויליאמסבורג, וועלכע איז בשעטו"מ געעפענט געווארן און אריין אין באנוץ נאך לאנגע יארן פון עגמת נפש. - זעהט באזונדערע באריכט ביי די פריערדיגע באריכטן -

אויף דערנאכט איז געווען זמני כניסה בקודש פנימה פאר אנ"ש תושבי וומסב"ג ווי יעדן דינסטאג. עס האבן געשטראמט נאכאנאנד א ריזן ציבור אנשי שלומינו פאר איבער 8 שעה, פון 4:30 נאכמיטאג ביז 12:45 אינמיטן די נאכט.

▫️ סאטמאר'ע נייעס 🌴▫️