סאטמארע נייעס

דאנערשטאג פרשת בהעלותך 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' בצלאל דוד רייכמאן הי"ו ווי דער רבי איז געווען סנדק ומוהל.

דער רבי האט געדאווענט שחרית בהיכל המתיבתא סניף ברך משה. פארן דאווענען האט דער רבי געלייגט תפילין פאר די בר מצוה בחורים.
- ב"ר ישראל מאיר שרייבער הי"ו.
- ב"ר חיים דוב יעקב ניימאן הי"ו.
- ב"ר משה טאמבור הי"ו.
- ב"ר יואל הערשקאוויטש הי"ו.
דערנאך האט דער רבי געצינדן לעכט לרגל די יומדה"ק פון זקינו הרה"ק רבי שלום אליעזר מראצפערט זיע''א.
ביים ליינען איז דער רבי געגאנגען הגבה, און נאכן דאווענען פארגעלערנט דעם טעגליכן תהילים שיעור אויף קאפיטל כ"ה פסוק י"א. דערנאך איז פארגעקומען א לחיים מיט די בר מצוה בחורים בחדרו הפרטי.

נאך תפילת שחרית איז דער רבי אריבער אין שטוב פון נכדו הרב לוי יצחק טויב שליט"א חתן חדב"ן הגה"צ רב דביהמ"ד ישמח משה שליט"א צו די שמחת החאלאקע פון בנו הילד כמר חיים מאיר ני"ו, דער רבי האט אפגעשניטן עטליכע האר, אנגעטוהן די קאפל און ציצית, און דערנאך זיך געוואשן צו פת שחרית, עס האט זיך פארצויגן א שיינע שמועס מיט די זיידעס בסיפורי צדיקים, און דער רבי האט געבענטשט אויפן כוס.

אין די נאכמיטאג שעות האט דער רבי משמיע געווען דב"ק דורך א הוקאפ ביי די אסיפת הרבנים וועלכע איז פארגעקומען אין ב"פ בבית הגאון רבי בנימין לאנדא שליט"א דומ"ץ טאהש ב"פ ווי מען האט דן געווען בדבר ה' זו הלכה בענינים העומדים על הפרק למען אחב"י המצפים לישועת ה' להיפקד בדבר ישועה ורחמים. דער רבי האט ארויסגעברענגט זיין רצון זיך צו באטייליגן פערזענליך ביי די אסיפה אבער צוליב די חתונה פון נכדתו אויפדערנאכט איז עס נישט געווען במציאות און האט געשיקט בשליחותו בנו הגדול הגה"צ אבד''ק וומסב''ג שליט"א, און ארויסגעברענגט די אחריות וואס ליגט אויף יעדן צו ארויסהעלפן די אידן המצפים לישועה, און משמיע געווען דעת קדשו בנוגע די שאלה און מסיים געווען מיט דברי חיזוק פאר די חשוב'ע רבנים און דיינים שליט"א.

שמחת החתונה פון נכדת רבינו הכלה בת חדב"ן הגה"צ רב דביהמ"ד אבני צדק שליט"א, עב"ג החתן הרב מרדכי זאב רובין שליט"א בן הגה"צ רבי יושע שלום נתן רובין שליט"א אבד"ק גלאגוב ב"פ בן הגה"צ אבד"ק גלאגוב זצ"ל וחתן האדמו"ר מצאנז גריבוב זצ"ל

ארום 5:30 איז רבינו שליט"א אריינגעקומען אין ביהמ"ד הגדול צד דרום צו מנחה, פאר מנחה האט דער רבי געצינדן לעכט לרגל די יומדה"ק פון זקינו הרה"ק רבי שלום אליעזר מראצפערט זיע''א.
בעל תפילה: הרה"ח ר' אברהם משה לעבאוויטש הי"ו, נאך מנחה איז די גאנצער ציבור זקנים עם נערים אריבער לברך ולהתברך ביי מרן רבינו שליט"א ביום החופה.

דערנאך ארום 6:10 איז דער רבי אריינגעקומען צום קבלת פנים בהיכל ביהמ"ד הגדול. מען האט געזינגען ניגוני התעוררות, און הר"ר שמואל קרויס שליט"א האט אויפגעטרעטן מיט דברי כיבושין און אויסגערעכנט די גרויסע יחוס פון די חתן כלה און די דערהויבענע זיידעס וואס קומען אראפ זיך מיטפרייען ביי די שמחה.
דער רבי האט געטרינקן א לחיים און אנגעוואונטשן פארן חתן, מחותנים, זיידעס, און פארן גאנצן ציבור, און משמיע געווען ווארעמע דברות קודש און מעורר געווען זכות אבות, און צוגעענדיגט מיט ברכות לרוב פארן גאנצן ציבור.

מען האט מסדר געווען די כתובה. עדי כתובה: הרה"ח ר' מאיר הירש הי"ו און הרה"ח ר' אלעזר פעלדמאן הי"ו. דערנאך איז מען געגאנגען צום באדעקן אין די זאלן פון קרן ויואל משה.

ביים חופה האט רבינו שליט''א מסדר קידושין געווען.
- קריאת הכתובה: הגה"צ רבי מנחם ערנסטער שליט"א ר"י וויזניץ ב"ב.
- ברכות ראשונות: הגה"צ אבד"ק טאמשוב שליט"א.
- ברכה אחריתא: הגה"צ רבי ברוך האלבערשטאם שליט"א אדמו"ר מצאנז ב"פ.
- עדי קידושין: הגה''צ ר' שמחה שלום שטיינבערגער שליט"א רב דביהמ"ד דברי חיים קר"י און הרה"ג ר' ישראל שלמה ליכטענשטיין שליט"א דומ"ץ ביהמ"ד דברי יואל ב"פ.
- עדי יחוד: הרה"ח ר' חיים יחזקאל הערשקאוויטש הי"ו און הר"ר אברהם יוסף אקערמאן שליט"א.
ביים חופה האט זיך אויך משתתף געווען דער עלטער פעטער כ"ק אדמו"ר מסקווירא שליט"א.

נאך די חופה האט רבינו שליט"א געוואונטשן ברכות הקודש פארן גאנצן ציבור, און זיך ארויסגעלאזט אין א מחול לצדיקים מיט די זיידעס און מחותנים.

דער רבי איז אריינגעקומען צום סעודת החתונה ארום 8:20, געטאנצען עטליכע מינוט אויפן פלאץ און דערנאך זיך געוואשן צום סעודה, נאך די פיש האט דער רבי געוואונטשן לחיים לכל העם הנאספים.

ארום 9:20 איז דער חתן אריינגעקומען און דער רבי האט געטאנצן מיטן חתן, און מכבד געווען די מחותנים הרבנים הגאונים שליט"א צו טאנצן מיטן חתן, און דערנאך געטאנצן מיט די גאנצע אויבנאן. דערנאך איז דער ציבור אריבער וואונטשן מזל טוב פאר רבינו שליט"א. דער רבי האט פארלאזט די ביהמ"ד ארום 9:40, און אהיים לביתו נאוה קודש אויף איהעל קט.

ארום 10:15 האט דער רבי געליינט די תנאים פון די מחותנים.
- הרה"ח ר' יואל ברי"נ שרייבער הי"ו און הרה"ח ר' ישעי' ווערצבערגער הי"ו.
- הרה"ח ר' משה דוד פערל הי"ו און הרה"ח ר' יואל הערש פישער הי"ו.
- דערנאך האט דער רבי געדאווענט מעריב בביתו נאוה קודש.

ארום 11:15 איז דער רבי אריין געקומען אין ביהמ"ד צו ברכת המזון און מצוה טאנץ.
- ברכת המזון: הגה"צ ר' זלמן אשכנזי שליט"א אבד"ק אויסטילא.
- ברכות ראשונות: הגה"צ רב דקהלתינו ב''פ 15 שליט"א.
- ברכה אחריתא: הגה"צ ר' בנציון מייזליש שליט"א אב"ד קרית באבוב בת ים.

האברך ר' יחזקאל שרגא פילאפף הי"ו האט אויסגערופן רבינו שליט"א צו די ריקודין לפני הכלה מיט ווארעמע חרוזים און מעורר געווען זכות אבות הק', דערנאך האט מען ממשיך געווען מיט ניגוני התעורורות, דער רבי האט געטרינקן לחיים און אנגעוואונטשן פארן חתן, מחותנים, וכל העם הנאספים, און דערנאך אפגעראכטן די ריקודי קודש לפני הכלה בהתלהבות אש א לענגערע צייט, ביים מצוה טאנץ האט דער רבי אנגעכאפט א גארטל מיט וואס רביה"ק בעל דברי יואל זיע''א איז געטאנצן מצוה טאנץ ביי די חתונה פון האדמו"ר מסאכטשוב זצ"ל זיידע פונעם חתן.
דערנאך האט דער רבי געטאנצן מיטן חתן, און מיט חדב"ן הגה"צ רב דביהמ"ד אבני צדק שליט"א ובני משפחתו, און מיט די גאנצע משפחת המלוכה נכדי רביה"ק בעל ברך משה זיע''א.

דערנאך האט מען אויסגערופן צום מצוה טאנץ די מחותנים דער אבי החתן און אבי הכלה שליט"א, דערביי האט זיך דער רבי ארויסגעלאזט אין א טאנץ מיט יעדע פון די מחותנים באזונדער.
דער בדחן האט אויסגערופן די חתן וכלה, מען האט געטאנצן אשת חיל, אויפן וועג ארויס האט דער רבי אנגעוואונטשן פאר די חתן כלה כנהוג. דער רבי האט פארלאזט די ביהמ"ד אום 1:50.

▫️ סאטמארע נייעס 🌴 ▫️

מיטוואך פרשת בהעלותך 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית בהיכל המתיבתא סניף ויואל משה. פארן דאווענען האט דער רבי געלייגט תפילין פארן בר מצוה בחור ב"ר ברוך פרענקל הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ה פסוק י"א. דערנאך איז פארגעקומען א לחיים מיטן בר מצוה בחור בחדרו הפרטי.

נאך שחרית ארום 12:20 איז דער רבי אריבער צום ציון פון רבותינו הק' לרגל די שמחת החתונה פון נכדתו הכלה בת חדב"ן הגה"צ רב דביהמ"ד אבני צדק שליט"א וואס קומט פאר היינט אין ביהמ"ד הגדול אין קר"י, ביים אנקומען אין בית החיים האט דער רבי געמאכט די ברכה, אריין אין אוהל געצינדען ליכט ביי די ציונים פון רבותיה"ק בעל דברי יואל ובעל ברך משה זיע''א און ביי די ציון פון אמו הרבנית ע"ה, און געזאגט די תפילה פונעם ישמח משה זיע''א און פארגעזאגט די קאפיטלעך פון ספר רביעי כנהוג און געזאגט קדיש, און דערנאך געליינט קוויטלעך בשעת מען האט געזינגען ניגוני התעורורות, און דערנאך זיך משתטח געווען אויף די ציונים פון רבותינו הק' און פון אמו הרבנית ע"ה. מען האט געענדיגט ארום 1:00.

ארום 6:00 האט דער רבי געדאווענט מנחה בביתו נאוה קודש אויף צאנז קט.

ארום 7:15 איז דער אנגעקומען אין שיכון סקווירא צו די חופה ביים שמחת החתונה פון נכד גיסו כ"ק אדמו"ר מסקווירא שליט"א החתן בן חתנו הגה"צ ר' יעקב יוסף האגער שליט"א בן כ"ק אדמו"ר מוויזניץ מאנסי שליט"א,
דער רבי האט זיך באגריסט מיט די זיידעס האדמורי"ם שליט"א, און נאך די חופה מאציל געווען מברכת קדשו פארן חתן, מחותנים, און די חשוב'ע זיידעס האדמורי"ם שליט"א און זיך באגריסט מיט גיסו הגה"צ רבי מנחם ערנסטער שליט"א ר"י וויזניץ ב"ב.
ארום 8:00 האט זיך דער רבי ארויסגעלאזט אויפן וועג אהיים קיין קר"י.

זמני כניסה בקו''פ איז געווען פון 8:30 ביז 12:20 אויפדערנאכט בביתו נאוה קודש אויף איהעל קט.

בעת די זמני כניסה איז פארגעקומען א כתיבת האותיות פאר די ספר תורה וואס ווערט געשריבן דורך הרה"ח ר' ישראל שפילמאן הי"ו און ווערט אריינגעגעבן דעם קומענדיגן זונטאג קרח אין ביהמ"ד ברך משה אין קר"י, דער רבי האט אריינגעשריבן די אותיות געטרינקן לחיים און מאציל געווען מברכת קדשו.

אויך איז געווען אויף א באזוך בקו''פ הגאון רבי חיים היימליך שליט"א ראש הדיינים דקהל מחזיקי הדת מאנטשעסטער,עס האט זיך פארצויגן א שיינע שמועס בעניני ברית מילה, דער רבי האט אים מכבד געווען מיט לחיים און מאציל געווען מברכת קדשו.

רבינו שליט''א האט געליינט די תנאים פון די מחותנים.
- הרה"ח ר' שלמה אלעזר שפילמאן הי"ו און הרה"ח ר' משה שמואל ניימאן הי"ו.
- הרה"ח ר' שלמה דוד דאסקאל הי"ו און הרה"ח ר' יואל ברא"י עקשטיין הי"ו
אין די תנאים זאלן בביתו נאוה קודש.

דער רבי האט געדאווענט מעריב ארום 12:20, און פאר מעריב געצינדן לעכט לרגל די יומדה"ק פון זקינו הרה"ק רבי שלום אליעזר מראצפערט זיע''א.

▫️ סאטמארע נייעס 🌴 ▫️

דינסטאג פרשת בהעלותך 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' אהרן פרידריך הי"ו ווי דער רבי איז געווען סנדק ומוהל.

דער רבי האט געדאווענט שחרית בהיכל המתיבתא סניף עצי חיים - שיעור ג'. פארן דאווענען האט דער רבי געלייגט תפילין פאר די בר מצוה בחורים.
- ב"ר שלמה שעהנברוין הי"ו.
- ב"ר קלמן אליעזר רובינשטיין הי"ו.

נאכן דאווענען האט דער רבי פארגעלערנט דעם טעגליכן תהילים שיעור און דערביי געזאגט דברי חיזוק ושבח לקראת די היסטארישע סיום הש"ס דורך חבורת 'תורתך שעשועי' דקהלתינו הק', איבער די גרויסע שמחה פון קהלתינו הק' ווי אסאך הונדערטער אנ''ש גרייטן זיך צו מסיים זיין גאנץ ש"ס נאך א שווערע הארעוואניע פון די לעצטע צוועלעף יאר, און מאריך געווען בשבח פונעם געטרייען פטרון החבורה הרבני החסיד הנכבד ר' יצחק שווארטץ הי"ו וועלכע לייגט אריין אזויפיל צייט, כח, און געלט צו מרבה זיין לומדי תורה סיי ביי קהלתינו הק' און סיי ביי פילע אנדערע קהלות בישראל, דער גרויסער מזכה את הרבים להרבות לומדי תורה איבעראל, און שטארק מחזק געווען דעם חשוב'ן פטרון ער זאל קענען מצליח זיין ווייטער מרבה זיין לומדי תורה און מסיים געווען בברכת קדשו.

דערנאך איז פארגעקומען א לחיים מיט די בר מצוה בחורים בהיכל הביהמ"ד.

אין די נאכמיטאג שעות איז דער רבי אריינגעפארן קיין וומסב''ג צו די וועכענטליכע זמני כניסה.

ביים אנקומען אין וומסב''ג דער רבי ארויף אין שטוב פון הרה"ח ר' חיים הערש שווארטץ הי"ו מנהל איחוד התלמידים דסאטמאר, לרגל שמחת נשואי בנו למז"ט, לכבוד זיין גרויסע נדבה פאר די מקוה טהרה דק''ק קרית יואל, עס האט זיך פארצויגן א שיינע שמועס, און עס איז פארגעקומען א שמחת החאלאקע פון נכדו ני"ו, דער רבי האט געטרינקן לחיים און מאציל געווען מברכת קדשו.

פון דארט ארום 7:50 איז דער רבי אריבער אין שטוב פון הרבני הנכבד ר' יוסף מרדכי כהנא הי"ו מגדולי תומכי קהלתינו הק', לרגל שמחת סיום הש"ס, עס האט זיך פארצויגן א שיינע שמועס מיט די אנוועזענדע רבנים, דער רבי האט געטרינקן לחיים און ווארעם אנגעוואונטשן פאר הרה"ח ר' יוסף מרדכי הי"ו ובני משפחתו, און דערנאך זיך אויפגעשטעלט טאנצן א שטיק צייט.

ארום 8:30 האט דער רבי געדאווענט מנחה בביתו נאוה קודש אויף היוז סט. דערנאך איז געווען זמני כניסה בקו''פ ביז 1:45 אויפדערנאכט.

בעת די זמני כניסה איז פארגעקומען א כתיבת האותיות פאר די ספר תורה וואס ווערט געשריבן דורך הרה"ח ר' אברהם שווארטץ הי"ו פון ב"פ, דער רבי האט אריינגעשריבן די אותיות און געטרינקן לחיים און מאציל געווען מברכת קדשו.

אזוי אויך איז אריין בקו''פ הרה''ג ר' מאיר גרינוואלד שליט"א דומ"ץ פאפא, בנו הגדול פון כ"ק אדמו"ר מפאפא שליט"א, אינאיינעם מיט מחותנו הרה"ג ר' יהודה פרענקל שליט"א חתן כ"ק אדמו"ר מתולדות אברהם יצחק שליט"א, מקבל צו זיין ברכת הקודש לרגל שמחת נשואי צאצאיהם למז"ט, עס האט זיך פארצויגן א שיינע שמועס און דער רבי האט מאציל געווען מברכת קדשו און פאר בנו החתן ני"ו און דערביי געשיקט א פריסת שלום פאר אביו כ"ק אדמו"ר מפאפא שליט"א.

אויך איז אריין בקודש פנימה הרב הגאון ר' ליפא טייטלבוים שליט"א דומ"ץ דקהלתינו הק' אנטווערפען אינאיינעם מיט די הנהלה פון די ישיבה קטנה פון אנטווערפען מקבל צו זיין ברכת הקודש לרגל שמחת נשואי בתו למז"ט, עס האט זיך פארצויגן א שיינע שמועס איבער די הרחבת גבולי הקדושה פון קהלתינו הק אין אנטווערפען בכלל און בפרט פון די ישיבה קטנה, און דער רבי האט אים מאציל געווען מברכת קדשו און פאר די הנהלת הישיבה.

אויך איז אריין בקו''פ דער קאנסילמאן פון וומסב''ג לינקלאן רעסטלער אינאיינעם מיט העסקן ר' נפתלי משה אינדיג הי"ו מקבל זיין ברכת הקודש לרגל די בעפארשטייענדע וואלן.

אויך איז פארגעקומען א חתימת שטרות ווי הרבני הנגיד ר' אברהם יהודא באנדא הי"ו האט אפגעקויפט דעם זכות פון א כתה מיט אלע אירע איינריכטונגן אינעם בנין החדש בית חינוך לבנות בית פיגא שע"י מוסדותינו הק' אין בני ברק, עס האט זיך פארמירט א שמועס איבער די גאלאפירענדע ארבייט וואס ווערט נמשך אהן אויפהער צום גמר הבנין און איבער די בעפארשטייענדע נסיעה הרוממה וואס איז אין פלאן בס"ד דורך כ"ק רבינו הגה"ק שליט"א אום חודש כסלו הבעל"ט צום חנוכת הבית און דעם געהויבענעם שב"ק באתרא קדישא מירון יצ"ו. דער רבי האט אינטערגעשריבן די שטרות אינאיינעם מיטן נדבן, און מאציל געווען מברכת קדשו לקראת שמחת נישואי בתו הכלה שתחי'.

אויך איז פארגעקומען א חתימת שטרות ווי הרה"ח ר' יהוסף עסטרייכער הי"ו האט אפגעקויפט די זכות פון א כתה בבנין ישיבה קטנה החדש 'בנין בערקאוויטש' אין וומסב''ג, דער רבי האט אינטערגעשריבן די שטרות אינאיינעם מיטן נדבן, געטרינקן לחיים און מאציל געווען מברכת קדשו, און עס האט זיך פארמירט א שמועס מיט הנהלת ממלכת התורה איבער די פארשריט פונעם בנין ווי איין ישיבה האט זיך שוין אריינגעצויגן און עטליכע ישיבות וועלן זיך אריינציען אויף קומענדיגן שנת הלימודים.

אויך איז אריין בקודש פנימה הרבני החסיד הנכבד ר' יצחק שווארטץ הי"ו אינאיינעם מיט די רבני וראשי חבורת תורתך שעשועי ווי מען האט אויסגעשמועסט און איבערגעגאנגען די לעצטע דעטאלן פונעם היסטארישן סיום הש"ס וועלכע קומט פאר קומענדיגן זונטאג שלח הבעל"ט, דער רבי האט שטארק מחזק געווען די עסקנים און דערביי איבערגעגעבן הוראת קדשו בנוגע אמירת תחנון ביום הסיום א' שלח זאגענדיג אז ווען אזא ציבור אידן זענען מסיים ש"ס 'איז דער גאנצער טאג א יו"ט און מען זאגט נישט קיין תחנון'.

דער רבי האט געדאווענט מעריב ארום 12:45 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

מאנטאג פרשת בהעלותך 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית בהיכל המתיבתא סניף דברי יואל.פארן דאווענען האט דער רבי געלייגט תפילין פארן בר מצוה בחור ב"ר ארי' לייב פליישמאן הי"ו.

ביים ליינען איז דער רבי געגאנגען הגבה. און נאכן דאווענען פארגעלערנט דעם טעגליכן תהילים שיעור אויף קאפיטל כ"ה פסוק י"א. דערנאך איז פארגעקומען א לחיים מיט די בר מצוה בחור בחדרו הפרטי.

אין די נאכמיטאג שעות איז דער רבי אריבערגעפארן צום 'המספיק רעזארט' אין די ראק-הילל געגענט אין סאליוואן קאנטי צום שמחת הכנס"ת וואס איז אריינגעגעבן געווארן דורך הרה"ח ר' מאיר ווערטהיימער הי"ו אינעם נייעם 'ביהמ"ד אהל ישועה' ביים אנקומען ארום 4:40 האט זיך דער רבי אומגעקוקט אויפן גאנצן רעזארט, און דערנאך אריין בהיכל הביהמ"ד און איבערגענומען די ספר תורה און אפגעראכטן די ריקודי קודש, און מכבד געווען הגאון הגדול דומ"ץ קר"י שליט"א צו טאנצן, און דערביי האט זיך דער רבי צוגעקוקט מיט התרגשות ווי די טייערע תלמידים פון מוסד המספיק טאנצן לכבוד התורה, דערנאך האט דער רבי פארגעזאגט לדוד מזמור כנהוג.

דערנאך האט דער רבי געדאווענט מנחה אין איינע פון די זייטיגע צימערן.

נאך מנחה איז דער רבי אריינגעקומען אויף א מסיבת לחיים ביים סעודת מצוה לכבודה של תורה אינעם נייעם זאל, דער רבי האט געטאנצן אויפן פלאץ פאר עטליכע מינוט, געטרינקן לחיים און אנגעוואונטשן פאר הרה"ח ר' מאיר הי"ו ובני משפחתו, און משמיע געווען דב"ק אויפן פסוק 'בהעלותך את הנרות' און ארויסגעברענגט אז ווען אהרן הכהן האט אנגעצינדן די מנורה איז זיין תפקיד געווען אריינצושיינען א לעכטיגקייט אין אידישע הערצער, און ארויסגעברענגט די געפילן ביים באטראכטן פריער די טייערע נשמות טאנצן לכבוד התורה און נאכגעזאגט פונעם הייליגן צאנזער רב זיע''א אויף 'כה אמר ה' מלך ישראל וגואלו' אז ווען אידן זענען קראנק און ארעם איז הקב"ה נישט קיין מלך הכבוד, כדי הקב"ה זאל זיין א מלך הכבוד דארפן אידן זיין געזינט און האבן אסאך געלט, מען האט מתפלל געווען 'ויבא מלך הכבוד' די טייערע נשמות זאלן זיין געזינט און שטארק אזוי אז עס זאל זיין א כבוד פאר הקב"ה, אבער דערווייל דארף מען זען צוצושטעלן פאר זיי זייערע געברויכן און אריינשיינען א לעכטיגקייט אין זייערע הערצער, און ארויסגעברענגט לשבח פונעם מנהל המוסד הרה"ח ר' מאיר ווערטהיימער הי"ו וואס לייגט אריין קאפ און מח צו גרינגער מאכן פאר זיי און פאר זייערע משפחות, און מסיים געווען בברכות קדשו. מען האט געענדיגט ארום 6:15, און דער רבי איז אהיימגעפארן קיין קר"י.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יואל בר"ה טעללער הי"ו און הרה"ח ר' אברהם יושע גפן הי"ו אין די זאלן פון כינור דוד.
- הרה"ח ר' מרדכי יודא שווארטץ הי"ו און הרה"ח ר' משה וואלף פייערשטיין הי"ו אין די זאלן פון קרן ויואל משה.
- הרה"ח ר' יואל אמסעל הי"ו און הרה"ח ר' יואל בר"ב פאלאטשעק הי"ו אין די זאלן פון בית רחל פאראדייס.
- הרה"ח ר' יואל בר"מ בראך הי"ו און הרה"ח ר' יצחק בוקסבוים הי"ו אין די זאלן פון גינת קליין.

צווישן די חופות האט דער רבי מנחם אבל געווען משפחת אלמנת הרה"ח ר' שמחה ישראל אפפעל ע"ה היושבים ע"פ אמם /אחותם ע"ה.

זמני כניסה בקו''פ איז געווען פון 8:30 ביז 12:45 אויפדערנאכט, בביתו נאוה קודש אויף איהעל קט.

בעת די זמני כניסה איז געווען אויף א באזוך בקו''פ הגאון הגדול רבי שמעון יצחק שלעזינגער שליט"א חבר הבד"ץ עדה החרדית בירושלים עיה"ק, עס האט זיך פארמירט א שיינע הלכה'דיגע שמועס, און ער האט איבערגעגעבן א ווארימע גריס פון קהלתינו הק' אין ירושלים עיה"ק, דער רבי האט אים מכבד געווען מיט לחיים און מאציל געווען מברכת קדשו און ארויסבאגלייט ביז צו די גאס.

רבינו שליט''א האט געליינט די תנאים פון די מחותנים הרה"ח ר' יואל אלכסנדר שטערן הי"ו און הרה"ח ר' יואל בר"ה מיטטעלמאן הי"ו אין די תנאים זאלן בביתו נאוה קודש.

דער רבי האט געדאווענט מעריב ארום 12:45.

▫️ סאטמארע נייעס 🌴 ▫️

זונטאג פרשת בהעלותך 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית בהיכל המתיבתא סניף קדושת יואל. פארן דאווענען האט דער רבי געלייגט תפילין פאר די בר מצוה בחורים.
- תאומים בני ר' יואל ישעי' גאלדבערגער הי"ו.
- ב"ר הערשל ברמ"י ווערטהיימער הי"ו.
- ב"ר שאול יחזקאל פערלשטיין הי"ו.
- ב"ר זלמן לייב בר"י טייטלבוים הי"ו.
- ב"ר יודא דוד שימאנאוויטש ע"ה.
- ב"ר יצחק מיטטעלמאן הי"ו.
- ב"ר אפרים פישל גרינפעלד הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ה פסוק י"א. דערנאך איז פארגעקומען א לחיים מיט די בר מצוה בחורים בחדרו הפרטי.

אין די פארמיטאג שעות איז דער רבי געווען אויף די וועכענטליכע באזוך אינעם בית השחיטה המהודרת.

נאכמיטאג איז דער רבי ארויף אין ישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' ארי' שווארטץ הי"ו און הרה"ח ר' אליעזר זוסיא צין הי"ו, אין די זאלן פון כינור דוד.
- הרה"ח ר' יואל ברד"מ רובינשטיין הי"ו און הרה"ח ר' שלמה קארנבלי הי"ו, אין די זאלן פון בית רחל פאראדייס.

ארום 8:15 האט דער רבי געדאווענט מנחה בביתו נאוה קודש אויף איהעל קט.
דערנאך איז געווען זמני כניסה בקו''פ ביז 12:45 אויפדערנאכט בביתו נאוה קודש.

רבינו שליט''א האט געליינט די תנאים פון די מחותנים:
- הרה"ח ר' יצחק אייזיק קרויס הי"ו און הרה"ח ר' יושע ביקעל הי"ו.
- הרה"ח ר' אברהם יודא לעבאוויטש הי"ו און הרה"ח ר' וואלף ברי"ד לאנדא הי"ו.

דער רבי האט געדאווענט מעריב ארום 11:45 און דערנאך ווייטער ממשיך געווען אויפנעמען דעם ציבור.

נאך מעריב זענען אריין בקו''פ רבני בית הוראה דקרית יואל אינאיינעם מיט הרה"ג ר' פלטיאל הכהן שווארטץ שליט"א דומ"ץ בכדתיא לאנדאן וראש וועד משמרת כהנים דענגלאנד, ווי מען האט ממנה געווען בברכתו ובעידידו פון רבינו שליט"א א 'וועד טהרת כהנים' שע"י בית הוראה זיך אפצוגעבן מיט די פילע שאלות בהלכה וועלכע מאכן זיך טעגליך ביי כהנים לדעת את אשר יעשון, זיי האבן איבערגעגעבן א באריכט פון די 'כינוס לכהנים' וועלכע איז פארגעקומען מיט די באטייליגונג פון הונדערטער כהנים תושבי קר"י, און עס האט זיך פארמירט א שיינע שמועס מיט די אנוועזנדע דיינים שליט"א ווי מען האט אויסגעשמועסט פילע שאלות וועלכע מאכן זיך טעגליך און די לעזונגען דערצו, ביים ענדיגן האט דער רבי אנגעוואונטשן ברכת קדשו פאר די נייע רבני הוועד הרה"ג ר' יואל הכהן קאהן שליט"א, הרה"ג ר' אלכסנדר יקותיאל לאנדא שליט"א, הרה"ג ר' יצחק אייזיק פוקס שליט"א און פאר הרה"ג ר' וואלף אהרן טעללער שליט"א יו"ר בית הוראה ומנהל מבצר הכוללים.

שב''ק פרשת נשא 'בצל הקודש' פון כ''ק רבינו הגה''ק שליט''א

פארן זמן הדלקה"נ האט דער רבי אנגעטוהן די שטריימל פאר החתן משה יודא ב"ר חיים אליעזר ווייס הי"ו.

פרייטאג צונאכטס ארום 9:05 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הר"ר חיים בנימין כהנא שליט"א מספינקא קר"י. מען האט געענדיגט ארום 10:35. דער ציבור איז אריבער זאגן גוט שבת און דער רבי איז אריין לחדרו הפרטי.

ארום 11:05 איז דער רבי אריינגעקומען צום שלחן הטהור בהיכל השלחנות אינאיינעם מיט די תלמידי המתיבתא און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א. הגבהת הכוס: נכד רבינו הרב מאיר יודא אשכנזי שליט"א חתן חדב"ן הגה"צ רב דביהמ"ד אבני צדק שליט"א.

מיט די זמירות האט רבינו שליט''א מכבד געווען. כל מקדש: נכדו הרב ליפא טייטלבוים שליט"א בן חדב"ן הגה"צ רב דביהמ"ד ברך משה שליט"א. מנוחה ושמחה: הרה"ח ר' אברהם שמחה פריעדמאן הי"ו.

רבינו שליט''א האט געזאגט תורה אויף די פרשה פון ברכת כהנים און געטייטשט בדרך דרוש אין די סוגיא פון שכר מצוה בהאי עלמא ליכא.

קה אכסוף: הרה"ח ר' ישראל הכהן לאנדא הי"ו (וומסב''ג). ברכת המזון: נכד רבינו הרב אשר אנשיל אשכנזי שליט"א (מאנטשעסטער).

עובדות וסיפורים די וואך האט רבינו שליט''א דערציילט פון זקינו הרה"ק רבי שלום אליעזר מראצפערט זיע''א וואס די יארצייט געפאלט דאנערשטאג ט"ז סיון.

קה רבון עלם: הרה"ג ר' יואל יצחק שטערן שליט"א דומ"ץ ביהמ"ד דינוב קר"י. די פרישע חתנים זענען אריבער נעמען פירות. אז ביום השביעי: הרה"ח ר' אברהם ישעי' ברמ"ח ווייס הי"ו (מאנטשעסטער). מען האט געענדיגט ארום 1:35.

וביום השבת קודש

שב''ק אינדערפרי איז דער רבי אריינגעקומען אין ביהמ''ד ארום 9:40. ברכות ופסוקי דזמרה: הרה"ח ר' פישל פארקאש הי"ו. צו שחרית איז דער רבי צוגעגאנגען.

הוצאה והכנסה: הרה"ח ר' אברהם קויפמאן הי"ו. פסוקי שמע ישראל: הר"ר חיים בעריש פילאפף שליט"א.

עליות.
- כהן: הב' הבר מצוה ב"ר יצחק פריעדמאן הי"ו.
- לוי: הרה"ח ר' מרדכי יעקב ווייס הי"ו.
- שלישי: בעל שמחה נכד רבינו הרב יושע מרדכי אלעזר לאבין שליט"א, דער רבי האט קורא שם געווען לרגל הולדת בתו למז''ט, ויקרא שמה בישראל: הינדא, נאך די באבע הרבנית הצדיקת אשת חבר פון הרה"ק בעל אהבת ישראל מוויזניץ זצ"ל.
- רביעי: חדב"ן הגה"צ רב דביהמ"ד ברך משה שליט"א.
- חמישי: החתן שמעון יואל ב"ר דוד חיים מאשקאוויטש הי"ו - באווארפען.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל: ר' חיים אלי' ברי"מ לאנדא הי"ו.

- שביעי: החתן משה יודא ב"ר חיים אליעזר ווייס הי"ו - באווארפען.
- אחרון: החתן חנני' יו"ט ליפא בן הר"ר יצחק זאב גרינוואלד שליט"א.
- מפטיר: הרה"ח ר' שלמה משה קלאגסברוין הי"ו.
- הגבה: הרה"ח ר' אברהם יצחק לאנדא הי"ו.
- גלילה: הרה"ח ר' דוד חיים מאשקאוויטש הי"ו.

מוסף: הרה"ח ר' שלמה משה קלאגסברוין הי"ו. פתיחה צו אנעים זמירות: הרה"ח ר' פנחס בראך הי"ו. מען האט געענדיגט ארום 12:25.

נאך עטליכע מינוט איז דער רבי אריינגעקומען צום שמחת הקידושא רבא בהיכל הביהמ"ד צד צפון, דער רבי האט קידוש געמאכט און טועם געווען מזונות און פיש, עס האט אויפגעטרעטן דער בעל שמחה, און מען האט געזינגען ניגוני שמחה.
דער רבי האט געטרינקן לחיים און אנגעוואונטשן ברכות קדשו, און משמיע געווען דב"ק אויפן פסוק יברכך ה' וישמרך און געטייטשט אז כדי עס זאל קענען זיין 'וישמרך מן המזיקין' דארף מען האבן אידישע טעכטער שמצלת לנו מן החטא. מען האט געענדיגט ארום 12:45.

רעוא דרעווין

צו מנחה ושל''ש איז דער רבי אריינגעקומען אין ביהמ''ד ארום 8:50.
- מנחה: הרה"ח ר' אברהם משה לעבאוויטש הי"ו.
- הוצאה והכנסה: הרה"ח ר' ראובן גלאנץ הי"ו.
- כהן: הרה"ח ר' מענדל ברא"ש פריעדמאן הי"ו.
- לוי: הרה"ח ר' ברוך ליפא לעווי הי"ו.
- שלישי: נכד רבינו הרב אשר אנשיל אשכנזי שליט"א.
- הגבה: רבינו שליט''א.
- גלילה: הר"ר שלמה אלי' ווייס שליט"א.

זמירות ביי של"ס האט דער רבי מכבד געווען. אודה: הרה"ח ר' נח גפן הי"ו. שיר המעלות: הרה"ח ר' משה גאלדשטיין הי"ו.

רבינו שליט''א האט געזאגט תורה אויף די פרשה פון 'ברכת כהנים' און געטייטשט אז אידישע קינדער זענען הייליג נישט נאר זייערע נשמות נאר אויך זייערע גופים, דאס איז מרומז אינעם שם הוי''ה און איז משפיע א ברכה סיי אויפן נפש און סיי אויפן גוף א ברכה בגשמיות און א ברכה ברוחניות

ידיד נפש: הרה"ח ר' שלמה משה קלאגסברוין הי"ו. קל מסתתר: הרה"ח ר' משה מאיר טייטלבוים הי"ו. דער רבי האט געבענטשט על הכוס און געזאגט שבע ברכות.

מעריב מוצש''ק: הרה"ח ר' שלמה משה קלאגסברוין הי"ו. נאך הבדלה איז דער ציבור אריבער זאגן א גוטע וואך. מען האט געענדיגט ארום 11:00.

ארום 12:00 איז פארגעקומען בביתו נאוה קודש א כתיבת האותיות פאר די ספר תורה וואס ווערט געשריבן דורך הרה"ח ר' מאיר ווערטהיימער הי"ו און ווערט אריינגעגעבן אין המספיק רעזארט אין סאליוואן קאנטי, דער רבי האט אריינגעשריבן די אותיות אינעם ספר תורה.
דערנאך איז פארגעקומען א חתימת שטרות ווי הרה"ח ר' מאיר הי"ו האט געקויפט א כתה אינעם בנין הת"ת החדש אין קרית יואל, עס האט זיך פארצויגן א שיינע שמועס איבער די הרחבת גבולי הקדושה אין אפסטעיט, דער רבי האט געטרינקן לחיים און מאציל געווען מברכת קדשו.

אויך זענען אריין בקודש פנימה תלמידי כתה ט' פון מוסדות נתיבות התורה פון לעיקוואד בהנהלת הר"ר משה ווילהעלם שליט"א וועלכע האבן געוויילט אויף שבת אין די טשעסטער געגענט אין קר"י, דער רבי האט פארהערט די בחורים אויף די לימודים און די בחורים זענען אריבער מקבל זיין ברכת הקודש.

▫️ סאטמארע נייעס 🌴 ▫️