סאטמארע נייעס

שב''ק פרשת וישב - מבה"ח טבת 'בצל הקודש' פון כ''ק רבינו הגה''ק שליט''א

פרייטאג צונאכטס ארום 5:05 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה, קבלת שבת: הגה"צ ר' אברהם שלמה כ"ץ שליט"א - אב"ד ריסקעווע ומרבני קהלתינו ב"ב.
מען האט געענדיגט דאווענען ארום 6:40. און עס איז פארגעקומען א אפיעל פאר ת"ת משאת בנימין אין קוממיות עטה"ק. דערנאך איז דער ציבור אריבער זאגן גוט שבת און דער רבי איז אהיים לביתו נאוה קודש.

ארום 8:35 איז דער רבי אריינגעקומען צום שלחן הטהור בהיכל המתיבתא אינאיינעם מיט די תלמידי הישיבה, און אנגעהויבן כדרכו בקודש שלום עליכם ברגש ובנעימה.
- אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א.
- הגבהת הכוס: הגה"צ ר' אברהם שלמה כ"ץ שליט"א.

מיט די זמירות האט רבינו שליט''א מכבד געווען.
- כל מקדש: הגה"צ ר' אברהם שלמה כ"ץ שליט"א.
- מנוחה ושמחה: הרה"ח ר' טובי' שעהנפעלד הי"ו (וומסב''ג).

דער רבי האט געזאגט תורה אויפן פסוק 'וישב יעקב בארץ מגורי אביו' און געטייטשט בדרך דרוש אין די סוגיא פון דרשינן טעמא דקרא.

- קה אכסוף: הרה"ח ר' אהרן פראנקל הי"ו (וומסב''ג).
- ברכת המזון: האדמו"ר מלייפניק שליט"א פון ב"ב.

עובדות וסיפורים די וואך האט רבינו שליט''א דערציילט פון זקינו הרה"ק רבי יואל אשכנזי זצ"ל אב"ד זלאטשוב וואס די יארצייט איז געווען ערש"ק כ"ב כסלו.
- קה רבון עלם: הרה"ח ר' מענדל עקשטיין הי"ו.
די פרישע חתנים זענען אריבער נעמען פירות.
- אז ביום השביעי: הר"ר משולם שרגא כ"ץ שליט"א (ירושלים).
מען האט געענדיגט ארום 11:20.

וביום השבת

שב''ק אינדערפרי איז דער רבי אריינגעקומען צום דאווענען ארום 9:20.
- ברכות ופסוקי דזמרה: הרה"ח ר' מענדל וואלף טייטלבוים הי"ו.
דער רבי איז צוגעגאנגען צו שחרית.

- הוצאה והכנסה: הרה"ח ר' דוד שלמה בערגער הי"ו.
- פסוקי שמע ישראל: הרה"ח ר' זלמן לייב אינדיג הי"ו.
עליות.
- כהן: הגה"צ ר' אברהם שלמה כ"ץ שליט"א.
- לוי: הר"ר שלמה לייב גרובער שליט"א.
- שלישי: הרה"ח ר' חיים יאקאב הי"ו (וומסב''ג).
- רביעי: הרה"ח ר' ישראל העניך קרויס הי"ו.
- חמישי: ר' משה אהרן בר"י פילאפף הי"ו, און דער רבי האט קורא שם געווען לרגל הולדת בתו למז''ט.
- שישי: רבינו שליט"א.
- שביעי: ר' מאיר בוכינגער הי"ו, און דער רבי האט קורא שם געווען לרגל הולדת בתו למז''ט.
- אחרון: נכד רבינו הר''ר חיים הערש טייטלבוים שליט"א מראצפערט.
- מפטיר: הרה"ח ר' יצחק עהרנפעלד הי"ו.
- הגבה: הרה"ח ר' נחמן פיש הי"ו.
- גלילה: הרה"ח ר' ישראל שלום אונגאר הי"ו.
נאכן ליינען האט רבינו שליט"א ראש חודש געבענטשט מיט גרויס התעורורות.

- מוסף: הרה"ח ר' חיים יאקאב הי"ו.
- פתיחה צו אנעים זמירות: הר"ר משולם שרגא כ"ץ שליט"א.
מען האט געענדיגט ארום 12:10.

רעוא דרעווין

דער רבי איז אריינגעקומען צו תפילת מנחה ארום 5:05.
- בעל תפילה: הר"ר משה אפרים הערשקאוויטש שליט"א (וומסב''ג).
- הוצאה והכנסה: הרה"ח ר' יוקל ברי"ד הירש הי"ו.
- כהן: הרה"ח ר' יצחק יעקב כ"ץ הי"ו.
- לוי: הרה"ח ר' משה מאיר גאטליעב הי"ו.
- שלישי: הר"ר אברהם הערש זאלדאן שליט"א.
- הגבה: רבינו שליט''א.
- גלילה: הרה"ח ר' אברהם יושע ווייס הי"ו (וומסב''ג).

זמירות ביי של"ס האט דער רבי מכבד געווען.
- אודה הרה"ח ר' נח גפן הי"ו.
- שיר המעלות: הרה"ח ר' משה גאלדשטיין הי"ו.

דער רבי האט געזאגט תורה אויפן פסוק 'וינס ויצא החוצה' און געטייטשט אז ווען יוסף הצדיק האט געהאט די נסיון איז ער ארויסגעלאפן אין גאס צו מאכן א קידוש השם און זיך מוסר נפש זיין ברבים, און די כח האט ער געהאט אין די זכות פון מצות ציצית וואס ער איז געגאנגען דערמיט בפומבי, און ממשיך געווען מיט דברי הכנה צום יו"ט חנוכה און געזאגט אז דערפאר איז דאס ענין צו צינדן נר חנוכה בשמאול ומזוזה בימין 'ובעה"ב מצויצת באמצע' וויבאלד חנוכה איז א יו"ט געמאכט אריינצוברענגען א כח פון מסירות נפש פאר כבוד שמים.

- ידיד נפש: הרה"ח ר' עקיבא הירש הי"ו (וומסב''ג).
- קל מסתתר: הר"ר משולם שרגא כ"ץ שליט"א.
דער רבי האט געבענטשט על הכוס און געזאגט שבע ברכות.

- מעריב מוצש''ק: הר"ר הערשל קאהן שליט"א.
נאך הבדלה איז דער ציבור אריבער זאגן א גוטע וואך. מען האט געענדיגט ארום 7:15.

▫️ סאטמארע נייעס 🌴 ▫️

דאנערשטאג וישב - כ"א כסלו 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' שמחה בונם אייזנבאך הי"ו ווי דער רבי איז געווען סנדק ומוהל.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פארן בר מצוה בחור ב"ר יואל ברא"מ מערמלשטיין הי"ו.
ביים ליינען האט דער רבי עולה געווען שלישי, און נאכן דאווענען איז פארגעקומען א לחיים מיטן בר מצוה בחור בחדרו הפרטי.

אין די פארמיטאג שעות איז דער רבי געווען אויף די וועכענטליכע באזוך אינעם בית השחיטה המהודרת.

ארום 4:00 אזייגער האט דער רבי געדאווענט מנחה בביתו נאוה קודש אויף צאנז קט.

נאך מנחה איז דער רבי אריבער אין די זאלן פון גינת קליין ווי עס איז פארגעקומען די סעודה לכבוד כ"א כסלו דורך די אריבער 1,500 תלמידי המתיבתא אינאיינעם מיט די שמחת השבע ברכות רבתי לרגל נישואי נכדת דור רביעי הבכירה פון כ''ק רבינו הגה''ק שליט''א הכלה בת לנכדו הרה''ג ר' יואל גלאנץ שליט''א חתן הגה''צ אבד''ק וומסב''ג שליט''א, עב"ג הבה"ח הרב אלטר יצחק שליט"א ממציוני תלמידי ישיבתינו הק' בקרית יואל.
ביים אריינקומען האט דער רבי געטאנצן אויפן פלאץ פאר עטליכע מינוט און זיך דערנאך געוואשן צו די סעודה, במשך די סעודה האט מען מאריך געווען מיט ניגוני שבח והודאה לכבוד היום, און עס האט אויפגעטרעטן הר"ר משה יוסף אשכנזי שליט"א ר"מ בישיבה, וועלכע האט ארויסגעברענגט די קשר פון רבינו שליט"א מיט די תלמידי הישיבה און דערביי איבערגעגעבן פאר רבינו שליט"א א מנחת ביכורים א רשימה פון די שעות רצופות וואס די בחורים האבן געלערנט במשך די צוויי וואכן פון די מסע הקודש קיין ארה"ק כבקשת רבינו שליט"א ביים מעמד צאתכם לשלום איידערן אפרייזן קיין ארה"ק, דערנאך האט דער רבי פארטיילט פאר די בחורים המציונים א פלעשל אויל פון די אויל פון וואס דער רבי האט אפגעשיידט תרומות ומעשרות אין ארה"ק.
הרה"ח ר' הערשל פריעדמאן הי"ו וועלכער האט מיט זיין לשון לימודים געדינט אלץ יו"ר און האט שוין געהאט געגעבן פאר די בחורים א לענגערע קאפיטל אין היסטאריע איבערן רבינ'ס הצלה, האט יעצט ווידער אויפגעטרעטן מיט דברי בדחנות לכבוד די שמחה.
פארן זמן האט מען געבענטשט.
- מיטן בענטשן האט דער רבי מכבד געווען דעם אור אייניקל החתן שליט"א.
- ברכות ראשונות: הגה"צ אבד''ק וומסב''ג שליט"א.
- ברכה אחריתא: הגה"צ אב"ד בארדיוב שליט"א.

דערנאך האט דער רבי משמיע געווען דב"ק בעניני הודאה און ארויסגעברענגט אז א ריכטיגע הודאה איז נאר ווען עס איז אויך דא א קבלה טובה על העתיד, און דאס דארף יעדע בחור וויסן כ"א כסלו ווען מען גיבט א שבח והודאה צו הקב"ה אויפן עבר דארף מען מאכן קבלת טובות אויפן עתיד, מיט מער לימוד התורה, מער יגיעת התורה, און ארויסגעברענגט לשבח פון די תלמידי הישיבה וועלכע זענען ביים נסיעה אין ארה"ק אנגעגאנגען מיט די לימודי הישיבה כסדרן, און מען קען זאגן אז דאס אז די נסיעה איז געווען מיט אזא הצלחה למעלה מן המשוער איז אין זכות פון דעם אז די בחורים זענען געזיצן און עוסק געווען בתורה מיט התמדה און מוסיף געווען מיט לימוד שעות רציפות.
דערנאך האט דער רבי ממשיך געווען און פארציילט עטליכע סיפורים איבער די קשר פון רביה"ק זיע''א מיט די בחורים.
דער רבי האט ממשיך געווען אין געזאגט אז די וואך ביי א שבע ברכות מיט די אינגערע בחורים האט מען דארט אנגעפרעגט א האקעלע שאלה בנוגע צו בחורים זאלן לערנען ליקוטי מהר''ן, און דער רבי האט זיך אריינגעלאזט אין א לענגערע שמועס איבער די נושא פון ברסלב ובפרט איבער לערנען ליקוטי מהר"ן און איבער פארן ראש השנה קיין אומאן.
דער רבי האט פארציילט עטליכע סיפורים פון רביה"ק בעל דברי יואל זיע''א איבער די נושא און דעת קדשו אז "הרה"ק רבי נחמן מברסלב זיע''א איז געווען א קדוש עליון און זיין ספר איז אויך הייליג אבער דאס איז נישט געמאכט פאר אונז בחורים, אזוי ווייט אז דאס קען אראפפירן א בחור פון ריכטיגן דעת"... עכל"ק פון רביה"ק זיע''א, און דאס זעלבע מיטן פארן ראש השנה קיין אומאן וואס הגם סאיז אויך דא חסידים ואנשי מעשה ברסלבער חסידים וואס פארן, אבער דאך איז דא א גרויס חלק וואס פארן מיט די מיינונג אז מען קען א גאנץ יאר טוהן וואס מען וויל און מען וועט פארן ראש השנה קיין אומאן און זאגן דעם תיקון הכללי און מיט דעם וועט מען פטור ווערן פון אלעם, דאס איז א סכנה גדולה און נישט געמאכט פאר פשוטי עם, ובפרט אז פילע פארן אהין אראפ צו ווארפן דעם עול און ערנסטקייט פון ראש השנה.

דערביי האט דער רבי מכבד געווען הרה"ג ר' דוד שלמה עקשטיין שליט"א צו איבערגעבן א מעשה כלי ראשון וואס בדידי' הוא עובדא וואס רביה"ק בעל דברי יואל זיע''א האט אים געזאגט בנוגע די נושא, און דערנאך האט דער רבי ממשיך געווען און אויפגעפאדערט די בחורים זיך נישט אריינצולייגן אין די זאכן, און דערנאך מכבד געווען הרה"ג ר' דוד גליק שליט"א צו איבערגעבן וואס ער געדענקט וואס דער רבי ז"ל האט געזאגט איבער די נושא.
מען האט געענדיגט ארום 6:00 אזייגער.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יואל בר"ה פייערשטיין הי"ו און הרה"ח ר' גדלי' אפפעל הי"ו אין די זאלן פון כינור דוד.
- הרה"ח ר' אברהם יושע גראס הי"ו און הרה"ח ר' יואל ברמ"ש ווייס הי"ו אין די זאלן פון בית רחל פאראדייס.

זמני כניסה בקו''פ איז געווען פון 8:15 ביז 11:30 אויפדערנאכט בביתו נאוה קודש אויף איהעל קט.

בעת די זמני כניסה איז פארגעקומען בקודש פנימה די תנאים ליינען פון די מחותנים הרה"ח ר' ישראל שלום אונגאר הי"ו און הרה"ח ר' שלמה הערש בר"ד עקשטיין הי"ו.

ארום 9:45 איז דער רבי אראפ אינעם זאל ווי דער רבי האט געליינט די תנאים פון די מחותנים:
- הר"ר ברוך שווארטץ שליט"א און הר"ר דוד לייב קרויס שליט"א.
- הרה"ח ר' אברהם שמואל שווארטץ הי"ו און הרה"ח ר' יואל בר"וו פארקאש הי"ו.

דער רבי האט געדאווענט מעריב ארום 10:30 און דערנאך ווייטער ממשיך געווען אויפנעמען דעם ציבור.

נאך די זמני כניסה איז דער רבי אריבער צו די שמחת השבע ברכות אין ביהמ"ד ציעשנוב לכבודו פונעם רב הביהמ"ד הגה"צ ר' שלמה רובין שליט"א לרגל נשואי בנו למז"ט, עס האט זיך פארצויגן א שיינער שמועס מיט די זיידעס הגה"צ אבד''ק מאנטרעאל שליט"א, און הגה"צ אבד"ק ציעשנוב שליט"א.
דער רבי האט געטרינקן לחיים און אנגעוואונטשן פארן חתן, מחותנים, און די זיידעס שליט"א, און זיך ארויסגעלאזט אין א טאנץ מיט די גאנצע אויבנאן און עקסטער מיטן חתן.
דערנאך האט מען געבענטשט און דער רבי האט געזאגט די שבע ברכות. מען האט געענדיגט ארום 12:00.

▫️ סאטמארע נייעס 🌴 ▫️

מיטוואך פרשת וישב 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' יודא אשר ב"ר אליעזר ראטה הי"ו ווי דער רבי איז געווען סנדק ומוהל.

דער רבי האט געדאווענט שחרית אין ביהמ"ד הגדול.
פארן דאווענען האט דער רבי געלייגט תפילין פאר די בר מצוה בחורים.
- ב"ר משה יוסף עהרנפעלד הי"ו.
- ב"ר יושע מרדכי דאנציגער הי"ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

אין די פארמיטאג שעות האט זיך טעלעפאניש פארבינדן מיט רבינו שליט"א הר"ר שמעון שישא שליט"א ראש המצילים אינערהאלב מרכז עזרה ויעוץ שע"י העדה החרדית להצלת בחורי ישראל משמד הגיוס, אפצונעמען ברכת הקודש לקראת די עפענונג פון א נייע פארברייטערטע אפיס פונעם מרכז אין בני ברק וועלכע וועט בעז"ה געעפנט ווערן תיכף נאך חנוכה אין א נייע גרויסע פלאץ מיט א פארברייטערטע שטאב פון מצילים זיך צו קענען אפגעבן מיט די פארמערטע פראבלעמען וואס די טמא'נע מיליטער מאכט פאר היימישע בחורים, נאך די פערזענליכע בקשה פון רבינו שליט"א בעת די מסע הקודש אין ארה"ק צו פארברייטערן די פעולות פונעם מרכז בעיר בני ברק צוליב די פארשארפטע מצב פונעם גזירת הגיוס און די גרויסע פארלאנג און נאכפראגע פון די טויזענטער בני ישיבות פון בני ברק.
רבינו שליט"א האט זיך באדאנקט פאר ר' שמעון שליט"א פאר זיין הילף פאר עטליכע בחורים מאנ"ש וועלכע האבן ב"ה באקומען א פטור דורכ'ן מרכז, און איבערגעשמועסט דעם ביטערן מצב הגיוס, און בפרטיות די מצב פון עטליכע בחורים מאנ"ש וועלכע זענען נאך דערווייל ליידער פארפלאנטערט מיט די טמא'נע מיליטער, און שטארק מאציל געווען מברכת קדשו פאר ר' שמעון שליט"א און פאר אלע מצילים.

ארום 7:15 איז דער רבי אריבער אין שטוב פון הרבני הנגיד ר' אברהם יודא מאנדל הי"ו אין קר"י אויף א מסיבת לחיים לרגל נשואי בנו למז"ט, עס האט זיך פארצויגן א שיינע שמועס און דערביי האט ר' אברהם יודא הי"ו געוויזן פאר רבינו שליט"א פארשידענע אנטיק ספרים וכתבי ידות וואס ער האט באוצרו, צווישן אנדערע די 'גנזי יהודה' פראיעקט וואס ער האט ארויסגעגעבן לכבוד די חתונה, דער רבי האט געטרינקן לחיים און מאציל געווען מברכת קדשו פארן חתן, מחותנים, און די גאנצע משפחה.

אוֹדְךָ בְּקָהָל רָב בְּעַם עָצוּם אֲהַלְלֶךָּ – חַסְדֵי ה' כִּי לֹא תָמְנוּ כִּי לֹא כָלוּ רַחֲמָיו:

בהתאסף ראשי עם יחד שבטי ישראל איז געפייערט און אפגעצייכענט געווארן דעם 81'טע יום הצלה והשחרור פון רביה''ק בעל דברי יואל זיע"א ביים צענטראלן מעמד אדיר ונשגב סעודת הודאה בליל ההודאה מוצש''ק כ"א כסלו, במקהלות רבבות אלופי אלפי ישראל אין שפיץ פון צענדליגער רבניים ודיינים שליט''א ובראשם דער מנהיג העדה כ''ק רבינו הגה''ק שליט''א, אינעם גיגאנטישן ריזן העכער 80 טויזענט סקווער פיס 'בנין ההודאה' וואס איז אויפגעשטעלט געווארן אויפן וואטער פראנט סקווער אין וומסב"ג, קאמבאנירט מיט'ן דינער 'גדלו והצליחו' לטובת מוסדותינו הק' בוומסב''ג מיט אירע טויזענטער קינדער בליעה''ר

דער ריזן בנין ההודאה איז מייסטערהאפטיג אויסגעשטעלט געווארן צו קענען אקאמאדירן די שווערע טויזענטער אנ''ש פון איבער גרעיטער ניו יארק און ארום.

לרגל דעם געהויבענעם מעמד איז ארויסגעקומען א גאר רייכע קובץ 'אור מופלא' הערליך צוזאמגענומען מיט מערערע מאמרים און ארטיקלען פונעם גאנצן היסטארישן מסע הקודש פון רבינו שליט''א קיין ארה''ק און דעם געהויבענעם שב''ק באתרא קדישא מירון, און בילדער און פרטי הרחבת גבולי הקדושה אינערהאלב מוסדותינו הק' בוומסב''ג.

דורכאויס דעם מעמד האבן מהנה געווען בפרקי שירה וזמרה דער בעל מנגן נפלא הרב ישראל אדלער הי''ו פון ארה''ק, און ר' מנחם דוד מאשקאוויטש הי''ו, באגלייט דורך די בארימטע חברה שירה און אנגעפירט דורכן דעם בארימטן מנצח על כלי שיר ר' יואל פישער הי''ו.

אלס יו''ר המעמד האט געדינט הרב הגאון ר' שלמה שבתי קעסטענבוים שליט"א מרבני קהלתינו וומסב''ג, וועלכע האט בטוב טעם ודעת אנגעפירט דעם געהויבענעם מעמד און אויפגעטרעטן לכבוד היום.

ארום 9:30 האבן אלופי אלפי אנ"ש געהאט די זכי' מקבל זיין פני קדשו פון מרן רבינו שליט''א, דער רבי איז אריינגעקומען אין דער ציבור האלפים האט אויסגעבראכן אין פייערדיגע ריקודין 'חסדי השם' על הנסים שעשית בימים ההם ובזמן הזה. דער רבי האט זיך באגריסט מיט די צענדליגער רבנים און דערנאך געטאנצן און פייערדיגע ריקודי קודש בהתרגשות עילאה פאר לענגערע מינוטן לכבוד היום חסדי ה', בך בטחו.

דערנאך האט זיך רבינו שליט''א געוואשן צום שלחן הטהור לכבוד היום, און נאך די פיש געוואונטשן לחיים וברכת קדשו פאר די רבבות ישראל, און זיך ארויסגעלאזט אין א פייערליכן טאנץ אויף ניגוני הודאה.

אלץ נואם הכבוד האט געדינט הגה"צ רבי מתתי דייטש שליט"א גאב"ד שכונת רמת שלמה בירושלים עיה"ק,

במשך דעם מעמד האט אויפגעטרעטן מיטן דבר הנהלת המוסדות הרה"ח ר' מרדכי אלעזר הירש הי"ו און ארויסגעהויבן די פולע לייסטונגען דורך נדיבי לב ונגידי קהלתינו הק' וואס נאר דורך דעם קענען די מוסדות אנגיין, און ארומגערעדט איבער די הרחבת גבולי הקדושה במוסדותינו הק' בוומסב''ג, אזוי אויך האט הרה"ח ר' מרדכי אלעזר הי"ו מפני כבוד המלכות באגריסט די פאליטישע באאמטע וועלכע זענען געקומען ארויס צו ווייזן זייער שעצונג צו קהלתינו הק', צווישן אנדערע די ניו יארק סיטי מעיאר עלעקט זאהאראן מאמדאני, און אזוי אויך פארגעליינט א בריוו פונעם הויכגעשעצטן פרעזידענט טראמפ יר"ה וועלכע איז געשיקט געווארן לכבוד המעמד.

דערנאך איז פארגעקומען א פרעזענטאציע 'שלהבת מירון' דורך הרה"ח ר' ישראל אדלער הי"ו ווי ער האט פארגעזינגען ספעציעלע חרוזים איבער די 50 העכערער שעות אין אתרא קדישא מירון.

ארום 11:00 האט רבינו שליט''א אנגעהויבן די דב"ק והדרכת השנה, דער רבי האט אנגעהויבן מיט דברי אגדה בעניני הודאה און ארויסגעברענגט אז ווען מען לויבט הקב"ה מיט א רבים דעמאלטס קען מען לויבן אפילו מען איז נישט ראוי, 'אודה ה' בכל לבב בסוד ישרים ועדה', די חיוב הודאה וואס ליגט אויף יעדעם איינעם צו הקב"ה מיט די הצלה פון רביה"ק זיע''א ווען מען זעט די תורה אימפעריע וואס ער האט אויפגעשטעלט איבער די גאנצע וועלט, און אין די זעלבע צייט ליגט א פליכט אויף אונז צו פארברייטערן די אלע פעולות מיטן אויפשטעלן נאך בתי מדרשים, נאך בתי חינוך, מרבה צו זיין מיט גמילות חסדים, און גיין אין זיינע דרכים אין אלע ענינים, שטיצן מוסד הק' קרן הצלה וואס ער האט אויפגעשטעלט בשאירת כוחו, און ארויסגעברענגט לשבח און זיך ווארעם באדאנקט פאר די חשובע נגידים מאנ"ש וועלכע האבן מנדב געווען דעם ריזן סכום פון א מיליאן דאלער פאר קרן הצלה וואס דער רבי האט איבערגעגעבן פאר די חברי הבד"ץ ביי די נסיעה אין ארה"ק.
אזוי אויך דארף מען זיכער מאכן זיך צו פירן בעניני צניעות אויפן שטערקסטן פארנעם, און דער רבי האט ארויסגעברענגט לשבח פון די נייע תקנה אין די בית רחל אין וומסב''ג צו איינשטעלן די ספעציעלע צניעות'דיגע בגדים פאר אלע תלמידות.
דער רבי האט ממשיך געווען ארומרעדענדיג איבער די שווערע מצב פון די טייערע דירות אין וומסב''ג ווי מען צאלט ריזיגע סכומים פאר א קליינע דירה, און דאס איז חוץ די רוחניות'דיגע פראבלעמען, עס איז געקומען די צייט זיך אוועקצוציען צו אנדערע מקומות! און עס ליגט א פליכט אויף די עלטערן צו מחזק זיין די קינדער זיך אוועקצוציען פון וומסב''ג, און דערביי שטארק מחזק געווען די תקנה פון די דירות פרייזן אין קר"י און שטארק אויפגעפאדערט אז קיינער זאל נישט צאלן מער ווי דריי הונדערט דאלער א סקווער פיס אין קרית יואל, און צוויי הונדערט פיפציג דאלער אין קרית יואל המורחבת, און געזאגט אז ווען מען מופט אריבער צו קרית יואל המורחבת זאל מען נעמען אין אכט די טייערע סקול טעקסעס מיט די אנדערע טעקסעס וואס קומט צו, וואס די מעקלערס פארציילן דאס נישט.
דערביי האט דער רבי מעורר געווען אז די שטאט קרית יואל און די זעלבע קרית יואל המורחבת האט רביה"ק בעל הנס זיע''א אויפגעשטעלט אז מען זאל האבן א אפגעטיילטע פלאץ פון אנדערע דעות בעניני השקפה און עס ליגט א פליכט אויף אונז דאס אפצוהיטן, און עס טוט זייער וויי אז עס זענען דא מענטשן וואס טוהן פעולות אהינצוברענגען פרעמדע קהילות וואס פארמאגן א אנדערע השקפה ווי אונז בעניני התבדלות פון טומאת הציונית, און זיי זאלן וויסן אז רביה"ק זיע''א איז זייער מקפיד אויף דעם ויהא זהיר בגחלתן.

דערנאך האט דער רבי ארומגערעדט איבער די דערהויבענע מסע הקודש אין ארה"ק, בשבח פון די נוסעים וועלכע זענען געפארן מיט א דערהויבנקייט און ערנסטקייט, און א גרויסע טייל זענען געפארן נאר צו רבי שמעון און אהיים, און נישט געפארן אויף קיין שום אנדערע פלעצער, דאס איז נראה וניכר אז דאס איז פירות פון תלמידיו פון רביה"ק זיע''א וואס פירן זיך מיט די שיטה הק' פון ויואל משה און עס איז געווען א שטארקע כבוד פאר רביה"ק זיע''א און פאר די שיטה הק'. און ממשיך געווען איבער די חשיבות פון קהילתינו און מוסדותינו הק' אין ארה"ק כולו נאה וכולו יאה, און איבער די גזירות הגיוס וואס מען האט מיטגעהאלטן פערזענליך די ביטערע מצב, די איינציגסטע אדרעס ווי מען ווענדט זיך איז מרכז עזרה ויועץ און מען וואונטשט זיי גרויס הצלחה ביי זייערע פעולות לטובה, און שטארק ארויסגעטרעטן קעגן די וואס ארבעטן צו מאכן פשרות, מען האנדלט מיט אידישע נפשות, זה חי וזה ימות, און עס ליגט א פליכט אויסצושרייען א זעקה גדולה ומרה און מען האפט און מען בעט זיי ח"ו נישט צו מאכן קיין פשרות מען איז מתפלל אבינו מלכינו הפר עצת אויבינו.
אזוי אויך האט דער רבי מיטגעטיילט זיין פערזענליכע עדות איבער די אמעריקאנע בחורים וואס לערנען אין ארץ ישראל ווי זיי דרייען זיך אויף די גאסן בייטאג און ביינאכט און דאס קומט פון א תוצאה פון אוועקשיקן די בחורים יונגערהייט צו אנדערע ישיבות וואס דאס ברענגט אז ווען מען ווערט עלטער פארט מען לערנען אין ארץ ישראל, והחכם עיניו בראשו.
דערנאך האט דער רבי גערעדט בשבח מוסדותינו הק' אין וומסב''ג און פון די הנהלת המוסדות וועלכע שטייען בראש און שאפן די גרויסע געלטער, און דערמאנט לשבח די חשובע משפחת ריספלער החשובה וועלכע האבן זיך אינטערגענומען אויפצובויען די נייע בנין הבית רחל וואס איז שוין דער דריטער בנין וואס זיי זענען מנדב און דער רבי האט זיי אנגעוואונטשן ברכות לרוב, און דער רבי האט מסיים געווען בברכת קדשו פארן גאנצן ציבור.

פארן בענטשן האט מען געזינגען ניגוני שמחה לרגל די שמחת השבע ברכות בבית רבינו - שמחת החתונה פונעם ערשטן אור אייניקל.
ברכהמ''ז: הגה"צ גאב"ד שכונת רמת שלמה שליט"א, און מיט די שבע ברכות גיסו הגה"צ אבד''ק ב"פ שליט"א.

מען האט געענדיגט ארום 11:50 און דער רבי איז אהיימגעפארן לביתו נאוה קודש אין קר"י.

▫️ סאטמארע נייעס 🌴 ▫️

דינסטאג פרשת וישב 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- ב"ר שמעון דוב בראנסדארפער הי"ו.
- ב"ר יואל פעקעטע הי"ו.
- ב"ר יואל בר"א ווייס הי"ו.
דערנאך האט דער רבי געצינדן ליכט לרגל די יומדה"ק פון הרה"ק המגיד ממעזריטש זיע''א

נאכן דאווענען איז פארגעקומען א ברית לבן הנולד אצל ר' יצחק פאגעל הי"ו (וומסב''ג) ווי דער רבי איז געווען סנדק ומוהל.
דערנאך איז פארגעקומען א לחיים מיט די בר מצוה בחורים און דער בעל ברית בהיכל הביהמ"ד.

ארום 3:40 האט דער רבי געדאווענט מנחה בביתו נאוה קודש אויף צאנז קט.

נאך מנחה איז דער רבי אראפ אינעם זאל בביתו נאוה קודש ווי עס איז פארגעקומען די שמחת השבע ברכות צוגעשטעלט דורך רבינו שליט"א פאר די תלמידי ישיבות דרך התורה און שביל התורה וועלכע שטייען בראשות הגה"צ אבד''ק וומסב''ג שליט"א.
ביים אריינקומען האט דער רבי געטאנצן אויפן פלאץ און זיך געוואשן צו די שבע ברכות, במשך די שבע ברכות האבן די מנהלים הרה"ג ר' יואל אפענהיים שליט"א און הר"ר יואל ניימאן שליט"א פארגעשטעלט פארשידענע שאלות פאר רבינו שליט"א בעניני השקפה און חסידות וואס זענען נוגע פאר בחורים און דער רבי האט משיב געווען און אויסגעשמועסט די ענינים בטוב טעם ודעת, דערנאך האט משב"ק הרה"ח ר' חיים שלמה פישער הי"ו אויפגעטרעטן מיט א דרשה און ארויסגעברענגט די הכרת הטוב וואס אלץ א טאטע פון א בחור אין איינע פון די ישיבות האט ער א ספעציעלע הכרת הטוב פארן רב שליט"א וועלכע לייגט אריין אזויפיל כוחות אין די ישיבה, טראץ וואס דער רב שליט"א איז א פארנומענע מענטש און האט מוסדות אין ישיבות פון טויזענטער קינדער און בחורים אין וומסב''ג אבער דאך גיבט דער רב אוועק אזויפיל צייט און שאפט אליינס די ריזיגע סכומים פאר די ישיבות להרמת קרן התורה.

דער רבי האט משמיע געווען דב"ק א דרוש בעניני נשואין, און ממשיך געווען מיט הדרכה ומוסר בנוגע לימוד התורה, יגיעת התורה, עבודת התפילה, נזהר זיין במידת האמת, ערליכע ניגונים, און נאך פארשידענע ענינים, און מסיים געווען בברכות לרוב.

דערנאך האט הר"ר שלום יעקב וואזנער שליט"א אויפגעטרעטן מיט דברי בדחנות לכבוד די שמחה.
- ברכהמ''ז: הגה"צ אבד''ק וומסב''ג שליט"א.
- ברכות ראשונות: הרה"ג ר' יואל אפענהיים שליט"א.
- ברכה אחריתא: הר"ר יואל ניימאן שליט"א.
מען האט געענדיגט ארום 6:30.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
זמני כניסה בקו''פ איז געווען פון 8:30 ביז 12:30 אויפדערנאכט בביתו נאוה קודש אויף היוז סט.

דער רבי האט געדאווענט מעריב ארום 9:30 און נאך מעריב ממשיך געווען אויפצונעמען דעם ציבור.

▫️ סאטמארע נייעס 🌴 ▫️

מאנטאג פרשת וישב 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' יואל בר"מ עקשטיין הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פארן בר מצוה בחור ב"ר יואל שלמה זלמן כ"ץ הי"ו.
ביים ליינען האט דער רבי עולה געווען שלישי. און נאכן דאווענען איז פארגעקומען א לחיים מיטן בר מצוה בחור בחדרו הפרטי.

אין די נאכמיטאג שעות זענען אריבערגעקומען בביתו נאוה קודש הויכראנגיגע באאמטע פון די טורמעס אין אמעריקע און פון די לאקאלע אויטיסוויל טורמע אין ניו יארק, אויף די פערזענליכע איינלאדענונג פון רבינו שליט"א ביים באזוכן אין די טורמע פארגאנגענעם חודש, נאך א לענגערע באזוך אין קרית יואל, אין מבצר הכוללים, מתיבתא, בית רחל, אשת חיל, און נאך.

ביים באזוך בביתו נאוה קודש האט אויפגעטרעטן הרה"ח ר' גדלי' סעגעדין הי"ו חבר הנהלת הקריה וועלכע האט באגריסט די באאמטע און איבערגעגעבן זייערע הרגשים נאכן באזוכן אין אזא שטאט ווי קרית יואל ווי עס וואוינען אזויפיל טויזענטער משפחות אן קיין שום קרימינאלע אקטעוויטעטן, דערנאך האט אויפגעטרעטן דער הויפט אויפזעער פון די אוטיסוויל טורמע.
דערביי האט דער רבי אויסגעשמועסט פילע ענינים וויאזוי גרינגער צו מאכן פאר אחב"י היושבים בצרה ובשביה, צווישן אנדערע ארויסלאזן אויף שבתים און ימים טובים, געבן פרישע עסן, און נאך פארשידענע ענינים, און דערנאך אנגעוואונטשן ברכת קדשו פאר די תפיסה באאמטע און פאר אלע חשוב'ע אנוועזנדע עסקנים צווישן אנדערע הרה"ח ר' משה מארגרעטן הי"ו פון די צדק ארגעניזאציע, הר"ר אברהם יושע פריינד שליט"א מנאסויד, הרה"ח ר' שלמה אבראמאוויטש הי"ו, און זיך שטארק באדאנקט פאר זייערע פעולות ארויסצוהעלפן און גרינגער מאכן פאר די אידן יושבי חושך וצלמות.
דערנאך זענען די לאקאלע טורמע באאמטע פארבליבן פריוואט מיט מרן רבינו שליט"א און מען האט אויסגעשמועסט פארשידענע ענינים, ווי מען האפט צו זען בקרוב פארשידענע פעולות צו גרינגער מאכן פאר אחב"י, און דער רבי האט זיך געזעגנט פון זיי און זיך שטארק באדאנקט.

ארום 5:20 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יואל ברשא"מ גרובער הי"ו און הרה"ח ר' יואל בר"ע הירש הי"ו אין די זאלן פון כינור דוד.
- הרה"ח ר' לוי אפפעל הי"ו און הרה"ח ר' ישעי' מענדל ווייס הי"ו אין די זאלן פון בית רחל פאראדייס.

נאך די חופות ארום 7:50 איז דער רבי אריבער אין ביהמ"ד שערי תפילה בשכונת העלף האלאו קר"י, ווי עס איז פארגעקומען די שמחת השבע ברכות בחצרות קדשינו צוגעשטעלט דורך די מתפללי הביהמ"ד ותושבי השכונה לכבודו פונעם מחותן הרה"ג ר' יעקב שלמה פאנעט שליט"א רב הביהמ"ד.
דער רבי איז צום ערשט אריין זיך אומקוקן אין די מקוה טהרה נעבן די ביהמ"ד וועלכע שטייט אינטער די שטרענגע השגחה פון די וועד המקוואות שע"י בית הוראה דקהלתינו הק' ובפיקוח פון הרה"ג רב הביהמ"ד שליט"א, און דערנאך אריין אין ביהמ"ד און זיך אומגעקוקט אויף די חדרי התפילה, היכל התורה, און די מקוה.
דערנאך איז דער רבי אריינגעקומען צום שמחת השבע ברכות בהיכל הביהמ"ד, מען האט געזינגען עטליכע ניגונים און דער רבי האט געטרינקן לחיים און ווארעם אנגעוואונטשן פארן חתן, פארן מחותן הרה"ג רב הביהמ"ד שליט"א, פאר אלע זיידעס און מחותנים, און פארן גאנצן ציבור, און משמיע געווען דב"ק בעניני נשואין און ארומגערעדט בשבח פון די מתפללי הביהמ"ד ותושבי השכונה אין שפיץ פונעם מחותן שליט"א, און מעורר געווען זיך צו פירן ווי עס פאסט פאר תושבי קר"י, און עקסטער מעורר געווען די תושבי השכונה צו פארדינגען די דירות נאר פאר היימישע אידן, און מסיים געווען בברכת קדשו. דער רבי האט פארלאזט די ביהמ"ד ארום 8:15.

זמני כניסה בקו''פ איז געווען פון 8:20 ביז 11:30 אויפדערנאכט בביתו נאוה קודש אויף איהעל קט.

בעת די זמני כניסה זענען אריין בקודש פנימה א משלחת רבני חב"ד וועלכע האבן דערביי איבערגעגעבן פאר רבינו שליט"א דעם נייעם איבערגעדריקטן ספר התניא השלם, עס האט זיך פארצויגן א שיינע שמועס איבער דעם נס ההצלה פונעם הייליגן בעל התניא זיע''א וועלכע איז פארגעקומען אין דעם טאג י"ט כסלו און דער רבי האט זיי מאציל געווען מברכת קדשו.

בעת די זמני כניסה איז דער רבי אראפ אין די תנאים זאלן ווי דער רבי האט געליינט די תנאים פון די מחותנים.
- הרה"ח ר' דוד חנני' ווייס הי"ו און הרה"ח ר' עקיבא געשטעטנער הי"ו.
- הרה"ח ר' שמעון בראש לאנדא הי"ו און הרה"ח ר' אברהם חיים היילברוין הי"ו.

דער רבי האט געדאווענט מעריב ארום 11:30.

▫️ סאטמארע נייעס 🌴 ▫️

זונטאג פרשת וישב 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים:
- ב"ר פישל כ''ץ הי"ו.
- ב"ר שמחה מאיר פאלקאוויטש הי"ו.
- ב"ר זאב אלעזר רייכמאן הי"ו.
- ב"ר שאול יחזקאל גליק הי"ו.
- ב"ר יחיאל אלתר פאללאק הי"ו.

נאכן דאווענען איז פארגעקומען א ברית לבן הנולד אצל ר' ליפא דייטש הי"ו ווי דער רבי איז געווען סנדק ומוהל.
דערנאך איז פארגעקומען א לחיים מיט די בר מצוה בחורים און דעם בעל ברית בהיכל הביהמ"ד.

אין די פארמיטאג שעות איז געווען אויף א באזוך בקו''פ הגאון הגדול רבי מתתי' דייטש שליט"א גאב"ד שכונת רמת שלמה בירושלים עיה"ק ובעל שו"ת. נתיבות אדם, עס האט זיך פארצויגן א לענגערע שמועס פון קרוב צו א שעה צייט בדברי תורה והלכה, דער רבי האט אים מכבד געווען מיט לחיים און מאציל געווען מברכת קדשו און ארויס באגלייט.

דער רבי האט געדאווענט מנחה ארום 5:15 און מעריב ארום 6:20 בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יעקב יצחק שווארטץ הי"ו און הרה"ח ר' אפרים זעלקאוויטש הי"ו אין די זאלן פון כינור דוד.
- הרה"ח ר' חיים זלמן ווייסבערג הי"ו און הרה"ח ר' משה הערש בראך הי"ו אין די זאלן פון בית רחל פאראדייס.

ארום 8:50 האט דער רבי געליינט די תנאים בביתו נאוה קודש פון די מחותנים הרה"ח ר' הערשל לעווי הי"ו און הרה"ח ר' יצחק יונה זאבעל הי"ו.

קול רנה וישועה באהלי צדיקים

ארום 9:00 איז דער רבי אריינגעקומען אין ביהמ"ד הגדול צום צענטראלן שמחת השבע ברכות בחצרות קדשינו בהשתתפות אלפי אנ''ש, צוגעשטעלט דורך קהלתינו הק' לכבודו פון רבינו שליט"א און הגה"צ אבד''ק וומסב''ג שליט"א.
ביים אריינקומען האט דער רבי געטאנצן אויפן פלאץ פאר עטליכע מינוט און דערנאך זיך געוואשן צום סעודת שבע ברכות, במשך די שבע ברכות האט מען געזינגען פילע ניגוני שבח והודאה ושמחה, עס האט אויפגעטרעטן הרה"ח ר' דוד עקשטיין הי"ו מראה"ק וועלכע האט ארויסגעברענגט די הרגשים פון חברי קהלתינו הק' מיט די גרויסע שמחה בבית רבינו שליט''א און הגה"צ אבד''ק וומסב''ג שליט"א, און דערנאך אויפגערופן דעם רב שליט"א.
דער רב שליט"א האט געזאגט דברי תורה לכבוד די שמחה און ארומגערעדט בשבח פון די תושבי קר"י און די זכי' וואס זיי האבן זיך צו מסתופף זיין בצל הקודש פון רבינו שליט"א יעדע שבת ובפרט די געהויבענע ימים טובים, און ארומגערעדט בשבח פונעם חשוב'ן חתן און פונעם מחותן חתנו הרה"ג ר' יואל גלאנץ שליט"א, און אנגעוואונטשן ברכות לרוב פאר רבינו שליט"א אז עוד ינוב בשיבה עד ביאת גואל צדק בב"א.
מען האט ממשיך געווען מיט ניגוני שמחה און דער רבי האט זיך אויפגעשטעלט טאנצן פאר א שטיק צייט.

דער רבי האט משמיע געווען דב"ק בדברי דרוש בעניני נשואין און משלב געווען יו"ט חנוכה מיט נשואין, און דערנאך ממשיך געווען מיט הכנה צום יו"ט חנוכה הבעל"ט און מעורר געווען צו לערנען ספר בני יששכר אויף חנוכה אלץ הכנה צו חנוכה, 'דער יו"ט איז גאר אנדערש נאכן לערנען אזא הייליגע ספר בני יששכר' דער רבי האט מסיים געווען בשבח צו הקב"ה אויף די גרויסע שמחה פון חתונה מאכן א דור רביעי למז"ט, און אנגעוואונטשן פארן גאנצן ציבור אז יעדער זאל זוכה זיין צו חתונה מאכן א דור רביעי און זיך משתתף זיין בבריאות השלימות, און מסיים געווען מיט ברכות לרוב פארן גאנצן ציבור.

מען האט ממשיך געווען מיט ניגוני שמחה און עס איז פארגעקומען א פאנעל בדברי בדחנות דורך הרה''ח ר' חיים הערש גלאנצער הי''ו און הרה''ח ר' יואל ברוין הי''ו.

- ברכהמ''ז: דער זיידע הגה"צ אב"ד בארדיוב שליט"א.
- ברכות ראשונות: הגאון הגדול הדומ"ץ שליט"א.
- ברכה אחריתא: הגה"צ אבד''ק וומסב''ג שליט"א.
מען האט געענדיגט ארום 11:15 און מען האט ארויסבאגלייט רבינו שליט"א בשירה וזמרה.

שב''ק פרשת וישלח - שבת שבע ברכות פון נכדת דור רביעי הבכירה פון רבינו שליט''א, החתן הרב אלטר יצחק פאנעט שליט"א חתן הרה"ג ר' יואל גלאנץ שליט"א חתן הגה"צ אבד''ק וומסב''ג שליט"א בקרב קהלתינו הק' אין וומסב''ג

פארן זמן הדלקה"נ האט דער רבי אנגעטוהן די שטריימל פאר החתן יחזקאל שרגא ב"ר ליפא ברח"א טייטלבוים הי"ו.

פרייטאג צונאכטס ארום 5:05 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה.
נאך מנחה האט אויפגעטרעטן הר"ר אלעזר אייכנשטיין שליט"א ממנהלי מוסדותינו הק' לרגל דעם דינער השנתי פון מוסדותינו הק' וומסב''ג וועלכע קומט פאר ווי יאר יערליך כ"א כסלו.
קבלת שבת: הרה"ח ר' משה חיים גאלדשטיין הי"ו (קר"י). מען האט געענדיגט ארום 6:40. דער רבי איז ארויף אויפן ארון הקודש און געוואונטשן א גוט שבת פארן גאנצן ציבור אינאיינעם, און אהיים לביתו נאוה קודש שע"י ביהמ"ד הגדול.

ארום 9:30 איז דער רבי אריינגעקומען צום שלחן הטהור בהיכל הביהמ"ד, און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א. הגבהת הכוס: הגה''צ אבד''ק וומסב''ג שליט''א.

מיט די זמירות האט רבינו שליט''א מכבד געווען.
- כל מקדש: הרה"ג ר' מאיר שנעבאלג שליט"א אב"ד האניפאלי.
- מנוחה ושמחה: הרה"ג ר' משולם נתן שפיגעל שליט"א אב"ד תפילה למשה קאלאשין מאנסי.

דער רבי האט געזאגט תורה אויפן פסוק 'יש לי רב אחי יהי לך אשר לך' און געטייטשט בדרך דרוש אין די סוגיא פון מין במינו.

- קה אכסוף: הרה"ג ר' זלמן לייב מייזליש שליט"א מו"ץ בקהלתינו הק' ב"פ.
- ברכת המזון: הגה"צ אבד''ק ב"פ שליט"א.
- ברכות ראשונות: הגה"צ אבד"ק קארלסבורג מאנטרעאל שליט"א.
- ברכה אחריתא: הגה"צ אבד"ק יאסלא שליט"א.
- קה רבון עלם: הרה"ג רבי יואל האלבערשטאם שליט"א רב דביהמ"ד בית שמואל בשכונת דברי חיים קר"י.

עובדות וסיפורים די וואך האט דער רבי ארומגערעדט און אויסגעשמועסט איבער רבותיה"ק העצי התמרים זיע''א וועלכע האבן געהאט די זכי' זיך צו משתתף זיין ביי די שמחת החתונה פון א דור רביעי.
די פרישע חתנים זענען אריבער נעמען פירות. און עס איז פארגעקומען די שלום זכר ביי:
- ר' אהרן זילבערשטיין הי"ו.
- ר' מרדכי הערש ליכטענשטיין הי"ו.
- ר' יצחק פאגעל הי"ו.
- ר' אברהם ברי"י קליין הי"ו.
- ר' יצחק איידליס הי"ו.
- ר' יעקב יודא ווייס הי"ו.

בדחנא דמלכא הרה"ח ר' מרדכי דוד עסטרייכער הי"ו האט אויפגערופן רבינו שליט"א מיט פאסיגע חרוזים צו די געהויבענע מצוה טאנץ, און דער רבי האט אפגעראכטן די ריקודי קודש א לענגערע צייט און דערנאך געטאנצן מיטן חתן, און דערנאך מכבד געווען די זיידעס און מחותנים צו טאנצן.

- אז ביום השביעי: הר"ר מאיר דוד גלאנץ שליט"א (מאנסי), און דער רבי האט געטאנצן אין א רינג בהיכל הביהמ"ד אינאיינעם מיטן חתן און די מחותנים. מען האט געענדיגט ארום 12:15.

וביום השבת

שב''ק אינדערפרי איז דער רבי אריינגעקומען אין ביהמ''ד ארום 9:20.
- ברכות: הרה"ח ר' הערשל שרייבער הי"ו (לאנדאן).
- פסוקי דזמרה: דער מחותן הרה"ג ר' יעקב שלמה פאנעט שליט"א.
דער רבי איז צוגעגאנגען צו שחרית, און צו חזרת הש"ץ צוגעשיקט בנו הגה"צ אבד''ק שליט"א.

- הוצאה והכנסה: הר"ר פישל בר''פ סופר שליט"א.
- פסוקי שמע ישראל: נכד רבינו הרב אלעזר טייטלבוים שליט"א (לאנדאן).
- בעל קורא: הרה"ג ר' יואל ראזענפעלד שליט"א.
עליות.
- כהן: הגה"צ אב"ד בארדיוב שליט"א.
- לוי: הרה"ח ר' חיים לעווי הי"ו (וויען).
- שלישי: הגה"צ אבד''ק ב"פ שליט"א.
- רביעי: החתן יחזקאל שרגא ב"ר ליפא טייטלבוים הי"ו - באווארפען.
- חמישי: הרה"ג ר' יעקב שלמה פאנעט שליט"א.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' נפתלי חיים שיף הי"ו
- ר' יונה פריעדמאן הי"ו.
- ר' ישי שעהר הי"ו.
- ר' אהרן זילבערשטיין הי"ו.

- שביעי: החתן נכד רבינו הרב אלטר יצחק פאנעט שליט"א.
- הוספות: הגה"צ אב"ד יאסלא שליט"א.
- הגה"צ אבד''ק וומסב''ג שליט"א.
- אחרון: הרה"ג ר' יואל גלאנץ שליט"א.
- מפטיר: הרה"ח ר' חיים יודא לעפקאוויטש הי"ו (ב"פ).
- הגבה: הר"ר ישכר יאקאב שליט"א מנהל מוסדותינו ירושלים.
- גלילה: הרה"ח ר' הערשל ווייס הי"ו (אנטווערפען).

- מוסף: הרה"ג ר' יואל גלאנץ שליט"א.
- פתיחה צו אנעים זמירות: הרה"ח ר' ישראל יצחק היימאן הי"ו (אנטווערפען).
מען האט געענדיגט ארום 12:15.

רעוא דרעווין

דער רבי איז אריינגעקומען צו תפילת מנחה ארום 5:00 אזייגער.
- בעל תפילה: הרה"ח ר' משה פאלקאוויטש הי"ו.
- הוצאה והכנסה: הרה"ח ר' נתן בנימין ראטה הי"ו (ירושלים).
- בעל קורא: הרה"ח ר' חיים העללער הי"ו.
- כהן: הרה"ג ר' בערל גלאנץ שליט"א מבארדיוב קר"י.
- לוי: הרה"ח ר' אלי' משה ראטה הי"ו.
- שלישי: הרה"ח ר' חיים פריעדמאן הי"ו.
- הגבה: רבינו שליט''א.
- גלילה: הרה"ח ר' מנחם יודא פריעדמאן הי"ו (מאנטשעסטער).

זמירות ביי של"ס האט דער רבי מכבד געווען.
- אודה: הרה"ח ר' אברהם יושע גראס הי"ו.
- שיר המעלות: הרה"ח ר' חיים לעווי הי"ו (וויען).

דער רבי האט געזאגט תורה אויפן פסוק 'וישלח יעקב מלאכים' און געטייטשט אז יעדע איד האט אמאל א התעוררות תשובה אבער נישט יעדער האט די זכי' צו בלייבן מיט די התעוררות, 'מי יעלה בהר ה' ומי יקום במקום קדשו', די עצה איז עוסק צו זיין בתורה און טוהן מצות וואס זענען מסוגל צו מבטל זיין די כח היצר, מצות מילה איז מסוגל להחליש כח התאוה, און מצות תפילין איז מסוגל לשעבד בזה תאוות ומחשבות לבינו, און אזוי קען מען בלייבן מיט די התעוררות תשובה.

- ידיד נפש: הרה"ח ר' מנחם גרשון לעבאוויטש הי"ו.
- קל מסתתר: הרה"ח ר' נחמן דוב העללער הי"ו.
פארן בענטשן האט מען ממשיך געווען מיט זינגען ניגוני שמחה והודאה. דער רבי האט געבענטשט על הכוס און געזאגט שבע ברכות.

- מעריב מוצש''ק: הרה"ג ר' יושע געלב שליט"א, מו"ץ.
נאך הבדלה האט דער רבי געוואונטשן א גוטע וואך פארן גאנצן ציבור אינאיינעם. מען האט געענדיגט ארום 7:10 און מען האט ארויסבאגלייט רבינו שליט"א בשירה וזמרה.

ארום 8:30 איז דער רבי אהיימגעפארן קיין קר"י.
ביים אנקומען אין קר''י איז דער רבי צום ערשט אריבער צום נייעם 'מיטב' לאקאציע אויף סאטמאר דרייוו וועלכע פארקויפט אלע גראסערי פראדוקטן פאר קאסט פרייז פאר כלי קודש ולומדי הכולל, דער רבי האט זיך אומגעקוקט אינעם גאנצן געשעפט און דערנאך קובע געווען א מזוזה אויפן הויפט אריינגאנג, און עס איז פארגעקומען א מסיבת לחיים, דערביי האט דער רבי געהערט א באריכט פון הרה"ח ר' ישראל צאהלער הי"ו - רוח החיים ופטרון פונעם געשעפט איבער די ריזיגע סכום וואס די גראסערי האט שוין געשפארט פאר תושבי קר"י, און עס האבן אויפגעטרעטן הרה"ח ר' נפתלי הערש צאהלער הי"ו און הרה"ג ר' וואלף אהרן טעללער שליט"א מנהל מבצר הכוללים.
דער רבי האט געטרינקן לחיים און אנגעוואונטשן פארן גאנצן ציבור. דערנאך איז דער רבי אהיים לביתו נאוה קודש.

ארום 10:50 איז רבינו שליט"א אנגעקומען צום יערליכע דינער 'הנני בני' פון מוסדות אין קרית יואל וועלכע איז פארגעקומען אין די בית רחל אודיטאריום.
דער יושב ראש הרה"ח ר' נחמן ליווי הי"ו האט ממשיך געווען מיט זיין דרשה און אויסגערופן הרה"ח ר' מאיר הירש הי"ו מיט דעם דבר המוסדות, דערנאך האט הרה"ח ר' נחמן ליווי הי"ו משמיע געווען דברי בדחנות לרגל די שמחה בבית רבינו שליט"א מיט די שמחת החתונה פונעם ערשטן אור אייניקל.

רבינו שליט''א האט משמיע געווען דברות קודש און ארויסגעברענגט די הרגשים פון די דערהויבענע נסיעה און שב"ק באתרא קדישא מירון דעם פארגאנגענעם שבת תולדות מיט א געוואלדיגע הצלחה און ארויסגעברענגט לשבח פון די נוסעים וועלכע זענען געפארן מיט א דערהויבענקייט נאר צו רבי שמעון און צוריק און עוסק געווען בתורה אויף די וועגן, און עס איז זיכער אז עס איז געווען א כבוד שמים און א כבוד פאר רביה"ק בעל דברי יואל זיע''א, ווי רוב פון די מיטפארער זענען יוצאי תלמידים פון די מוסדות הק' אין קר"י און דאס איז א שבח פאר די מוסדות אז עס קומען ארויס פון דא אזעלכע חשוב'ע אינגעלייט.
דער רבי האט ממשיך געווען בשבח פון די מוסדות און אויפגעפאדערט יעדעם איינעם צו שטיצן די מוסדות ברוח נדיבה ובפרט צו קענען בויען די צוויי נייע בנינים וואס מען בויעט יעצט פאר די ת"ת און בית רחל, און מעורר געווען צו פירן א אידישע שטוב ווי עס פאסט פאר א תושב קר"י ובפרט מעורר געווען בנוגע ליין מאטריאל און געזאגט אז מען זאל נאר ארייננעמען אין שטוב ליין מאטריאל מיט אן השגחה און פארציילט א מעשה ווי רביה"ק זיע''א האט פארשיקט א בחור פון די ישיבה פארן טרעפן ביי אים א נישט אויסגעהאלטענע ביכל, און מסיים געווען בדברי ברכה פאר די הנהלת המוסדות און פארן גאנצן ציבור.
דער רבי האט געטרינקן לחיים און אנגעוואנטשן פארן גאנצן ציבור. מען האט געענדיגט ארום 12:00.

▫️ סאטמארע נייעס 🌴 ▫️

דאנערשטאג פרשת וישלח 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן.
- לבן הנולד אצל ר' יוסף אלי' סאמעט הי"ו ווי דער רבי איז געווען סנדק.
- לבן הנולד אצל ר' יואל ברש"ח מענדלאוויטש הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פארן בר מצוה בחור ב"ר אברהם עמרם מארקאוויטש הי"ו.
ביים ליינען איז דער רבי געגאנגען הגבה.

נאכן דאווענען איז פארגעקומען א ברית לבן הנולד אצל ר' בערל מאשקאוויטש הי"ו ווי דער רבי איז געווען סנדק ומוהל.
דערנאך איז פארגעקומען א לחיים מיט די בר מצוה בחור און די בעל ברית בחדרו הפרטי.

קול צהלה ורינה שפתינו אז תרננה - שישו ושמחו בשמחת רבינו

שמחת החתונה פון הכלה נכדת דור רביעי הבכירה פון כ''ק רבינו הגה''ק שליט''א
בת לנכדו הרה''ג ר' יואל הכהן גלאנץ שליט''א מו''ץ בקהלתינו בן הגה''צ מבארדיוב שליט''א, חתן הגה''צ אבד''ק וומסב''ג שליט''א חתן הגה''צ אבד''ק ב''פ שליט''א.
עב"ג הבה"ח הרב אלטר יצחק שליט"א ממציוני תלמידי ישיבתינו הק' בקרית יואל בן הגה"צ ר' יעקב שלמה פאנעט שליט"א אבד"ק שערי תפילה קרית יואל יצ''ו.
בן הגה''צ יחיאל אשר פאנעט שליט''א אדמו''ר מקארלסבורג מאנטרעאל.
חתן הגה''צ ר' יושע העשיל וואגשאהל שליט''א אב''ד יאסלא מאנסי, בן הגה''צ ר' שמואל חיים ראובן זצ''ל, בן כ''ק הגה''צ ר' אלטר יעקב יצחק מ'לאנצהוט זצ''ל
וחתן הגה"צ ר' מנשה מאיער שליט"א אב"ד גרינוויל יצ''ו.

נאכמיטאג ארום 1:45 האט דער רבי פארלאזט ביתו נאוה קודש אויפן וועג אריין קיין וומסב''ג, ווי דער רבי איז אנגעקומען ארום 3:00 און אהיים לביתו נאוה קודש שע"י ביהמ"ד הגדול.

ארום 4:45 איז רבינו שליט"א אריינגעקומען אין היכל מאיר זעליג אין ביהמ"ד הגדול ווי דער דער רבי האט געדאווענט מנחה, אויפן וועג צו מנחה איז דער רבי אדורך אינעם היכל התורה און זיך אומגעקוקט אויף די פילע לומדים מיט א שטארקע קורת רוח.
- בעל תפילה: הרה"ח ר' דוד שמעון פראמאוויטש הי"ו.
נאך מנחה איז די גאנצער ציבור זקנים עם נערים אריבער לברך ולהתברך ביי רבינו שליט"א ביום החופה.

דערנאך ארום 5:20 איז דער רבי אריינגעקומען צום קבלת פנים בהיכל ביהמ"ד הגדול. מען האט געזינגען ניגוני התעוררות, און בדחנא דמלכא הרב מרדכי דוד עסטרייכער הי''ו האט אויפגעטרעטן מיט דברי כיבושין און אויסגערעכנט די גרויסע יחוס פון די חתן כלה און די דערהויבענע זיידעס וואס קומען אראפ זיך מיטפרייען ביי די שמחה.

ביים קבלת פנים האבן זיך משתתף געווען צווישן אנדערע כ''ק אדמו"ר מדושינסקיא שליט"א, כ''ק אדמו"ר מוויזניץ וומסב''ג שליט"א און כ''ק אדמו"ר מראחמיסטריווקא וומסב''ג שליט"א.
במשך דעם קבלת פנים האט דער רבי תורם געווען צדקה פאר אחיו הגה"צ רב דקהלתינו ב''פ 15 שליט"א לטובת כולל עצי חיים לצדקת רבי מאיר בעל הנס בארה"ק, און אזוי אויך פאר די גבאים פון כולל שומרי החומות.

דער רבי האט געטרינקן לחיים און אנגעוואונטשן פארן חתן, מחותנים, זיידעס, און פארן גאנצן ציבור, און משמיע געווען ווארעמע דברות קודש און מעורר געווען זכות אבות, ובקול חנוק בדמעות ארויסגעברענגט רגשי לבבו ושבח והודיה אז מען האט די זכיה צו פירן אונטער די חופה א דור רביעי, און אנגעוואונטשן אז ברכת צדיק יחילו על ראשינו און אלע צדיקים פון עולם העליון וואס קומען אראפ צום שמחת החתונה ובראשם מר אביו רביה"ק בעל ברך משה זיע''א זאלן אראפברענגען אלע גוטע השפעות בכל ענינים פארן גאנצן ציבור, און צוגעענדיגט מיט ברכות לרוב.

מען האט מסדר געווען די כתובה. עדי כתובה: הרה"ג ר' יואל אפענהיים שליט"א דומ"ץ בית מדרשינו שכונת זרע קודש קר"י ומנהל ישיבה דרך התורה, און הרה''ג ר' יואל ניימאן שליט"א -מנהל ישיבה שביל התורה.
דערנאך איז מען געגאנגען צום באדעקן אין די זאלן פון קראסנא.

ארום 6:50 איז רבינו שליט''א ארויסגעקומען צום מעמד החופה פארנט פון בית מדרשינו הגדול במעמד אלפי אנ''ש.
מיט סידור קידושין האט רבינו שליט''א מכבד געווען גיסו הגה"צ אבד''ק ב"פ שליט"א.
- קריאת הכתיבה: הגה"צ אב"ד בארדיוב שליט"א.
- ברכות ראשונות: הגה"צ גאב"ד גרינוויל שליט"א.
- ברכה אחריתא: הגה"צ אבד"ק קארלסבורג מאנטריאל שליט"א.
- עדי קידושין: הרה"ג ר' הערשל הורוויץ שליט"א מנהל ישיבה לצעירים וומסב''ג, און הרה''ג ר' נטע מאשקאוויטש שליט"א מנהל ישיבה קטנה סניף מבצר התורה וומסב''ג.
- עדי יחוד: הר"ר אהרן מאשקאוויטש שליט"א און הר"ר בנימין ליכטענשטיין שליט"א.

נאך די חופה האט רבינו שליט"א געוואונטשן ברכות הקודש פארן גאנצן ציבור, און זיך ארויסגעלאזט אין א מחול לצדיקים מיט די זיידעס און מחותנים.

דערנאך איז דער רבי אהיים לביתו נאוה קודש אויף היוז סט. ווי דער רבי האט געדאווענט מעריב.
נאך מעריב איז פארגעקומען א הערליכע מסיבת לחיים לרגל סיום הש"ס פון נכד רבינו הרב ליפא אשכנזי שליט"א בן חדב"ן הגה"צ רב דביהמ"ד אבני צדק שליט"א, ס'איז פארמירט געווארן א הערליכער שמועס מיט די בני המשפחה בקורות גדולי ישראל, מען האט געזינגען ניגוני תורה, הרב ליפא שליט"א האט געמאכט דעם סיום און געזאגט די הדרן, און דער רבי אויפגעשטעלט טאנצן פאר א שטיק צייט.

דער רבי האט געטרינקן לחיים און מאציל געווען מברכת קדשו פאר נכדו, חדב"ן הגה"צ רב דביהמ"ד אבני צדק שליט"א, פאר חמיו הגה"צ אב"ד קארוב שליט"א און פארן גאנצן ציבור, און אויך אנגעוואונטשן פאר הנגיד הנכבד בנש"ק נחום רוקח הי''ו וועלכער איז געקומען וואונטשן ברכת מזל טוב לכבוד די חתונה, און דערביי זיך באניצט מיטן בעכער פון הרה''ק הקדושת לוי זיע''א געשיקט דורך הרה"ח ר' אהרן פריעדמאן הי"ו מגדולי עסקני החינוך בניו יארק, און עס האט זיך פארצויגן א שיינע שמועס איבער די היסטאריע פונעם בעכער און פון פארשידענע חתונות בבית סיגוט.

נאך די סעודת החתונה וועלכע איז פארגעקומען בהיכל ביהמ"ד הגדול בראשות הגה"צ אבד''ק וומסב''ג שליט"א אינאיינעם מיט די זיידעס און מחותנים שליט"א איז דער גאנצער ציבור אריבער צום גיגאנטישער גרינהאוז קאמפלעקס ווי עס איז פארגעקומען די סעודת החתונה דורך רבינו שליט''א און די ריקודין של שמחה און די געהויבענע מצוה טאנץ.

קול רינה וישועה באהלי צדיקים

ארום 9:20 איז רבינו שליט"א אריינגעקומען צום סעודת החתונה אינעם זאל בהשתתפות אלופי אלפי אנ''ש, דער רבי האט געטאנצן אויפן פלאץ פאר א לענגערע צייט מיט גרויס התרגשות און שמחה, און דערנאך זיך געוואשן צום סעודת החתונה.

ארום 9:50 איז דער חתן אריינגעקומען און דער רבי האט געטאנצן מיטן חתן, און מכבד געווען די מחותנים און זיידעס הרבנים הגאונים שליט"א צו טאנצן מיטן חתן, און דערנאך געטאנצן מיט די גאנצע אויבנאן, אויך איז דער רבי ארויס אין א עקסטערע ריקוד מיט בנו הגה''צ אבד''ק וומסב''ג שליט''א און נכדו הרה''ג ר' יואל גלאנץ שליט''א.

ביי די סעודה האבן זיך משתתף געווען כ''ק אדמורי"ם מוויזניץ מאנסי און וויזניץ לאנדאן שליט"א, דער רבי האט זיי מכבד געווען מיט לחיים און מאציל געווען מברכת קדשו און מכבד געווען צו טאנצן מיטן חתן און דערנאך זיך ארויסגעלאזט אין א מחול לצדיקים.
אויך האבן זיך משתתף געווען ביים שמחת החתונה רבני קהלתינו פון איבער גרעיטער ניו יארק און פילע אדמור"י ורבני עיר וומסב''ג צווישן אנדערע כ''ק אדמו"ר מסקולען וומסב''ג שליט"א, כ''ק אדמו"ר מגאלאנטא שליט"א, הגאון רבי מענדל זילבער שליט"א אבד"ק בני משה פריימאן.
דער רבי האט פארלאזט דעם זאל ארום 10:50, און אריין לחדרו הפרטי אינעם זאל.

ארום 11:25 איז דער רבי אריינגעקומען צו ברכת המזון און מצוה טאנץ.
- ברכת המזון: הגה"צ אבד"ק יאסלא שליט"א.
- ברכות ראשונות: הגה"צ רב דקהלתינו ב''פ 15 שליט"א.
- ברכה אחריתא: הגה"צ אבד''ק וומסב''ג שליט"א.

דערנאך האט בדחנא דמלכא הרה"ח ר' מרדכי דוד עסטרייכער הי"ו אויסגערופן רבינו שליט"א צו די ריקודין לפני הכלה מיט ווארעמע חרוזים און מעורר געווען זכות אבות הק', דערנאך האט מען ממשיך געווען מיט ניגוני התעוררות בהשתפכות הנפש ובבכיות של שמחה, דער רבי האט געטרינקן לחיים און אנגעוואונטשן פארן חתן, מחותנים, וכל העם הנאספים, דער רבי האט תורם געווען צדקה פאר פאר די גבאים פון כולל חיבת ירושלים. און דערנאך אפגעראכטן די ריקודי קודש לפני הכלה בהתלהבות אש ובהרגש קודש א לענגערע צייט.
דערנאך האט דער רבי געטאנצן מיטן חתן, מיט בנו הגה"צ אבד''ק וומסב''ג שליט"א, און מיט נכדו אבי הכלה הרה"ג ר' יואל שליט"א ובני משפחתו, און מיט די גאנצע משפחת המלוכה נכדי רביה"ק בעל ברך משה זיע''א, און דערנאך עקסטער מיט אחיו הגה"צ רב דקהלתינו ב''פ 15 שליט"א.

נאכדעם האט מען אויסגערופן צום מצוה טאנץ די עלטער זיידעס הגה"צ אבד''ק ב"פ שליט"א און הגה"צ גאב"ד גרינוויל שליט"א.

דערנאך האט מען אויסגערופן דער זיידע הגה"צ אבד''ק וומסב''ג שליט"א, מען האט געזינגען ניגוני התעוררות און דער רב שליט"א האט אפגעראכטן די ריקודים לפני הכלה מיט גרויס התרגשות און שמחה, און דערנאך געטאנצן מיט אביו מרן רבינו שליט"א פאר א לענגערע צייט.

דערנאך האט מען אויסגערופן די זיידעס הגה"צ אבד"ק קארלסבורג מאנטרעאל שליט"א, הגה"צ אבד"ק יאסלא שליט"א, הגה"צ אב"ד בארדיוב שליט"א, און די מחותנים דער אבי החתן און אבי הכלה שליט"א.
דער בדחן האט אויסגערופן חתן וכלה, מען האט געטאנצן אשת חיל, אויפן וועג ארויס האט דער רבי אנגעוואונטשן פאר די חתן כלה כנהוג. דער רבי האט פארלאזט דעם זאל אום 3:15 און אהיים לביתו נאוה קודש שע"י ביהמ"ד הגדול.

▫️ סאטמארע נייעס 🌴 ▫️

מיטוואך פרשת וישלח 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן:
- לבן הנולד אצל ר' שמואל דוד גאנדל הי"ו ווי דער רבי איז געווען סנדק.
- לבן הנולד אצל ר' בנימין מתתי' הערשקאוויטש הי"ו ווי דער רבי איז געווען סנדק.
- לבן הנולד אצל ר' מאיר אברהם עיבר דייטש הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- ב"ר חיים הערש כהנא הי"ו.
- ב"ר יואל ברמ"ח גאלדשטיין הי"ו.
- ב"ר פנחס שווארטץ הי"ו.

נאכן דאווענען איז פארגעקומען א ברית לבן הנולד אצל ר' שמחה שלום פוקס הי"ו ווי דער רבי איז געווען סנדק ומוהל.
דערנאך איז פארגעקומען א לחיים מיט די בר מצוה בחורים און דער בעל ברית בחדרו הפרטי.

נאך שחרית ארום 12:50 איז דער רבי אריבער צום ציון פון רבותינו הק' לרגל די שמחת החתונה פון הכלה נכדתו דור רביעי הבכירה בת לנכדו הרה''ג ר' יואל גלאנץ שליט''א חתן הגה''צ אבד''ק וומסב''ג שליט''א, ביים אנקומען אין בית החיים האט דער רבי געמאכט די ברכה, אריין אין אוהל געצינדען ליכט ביי די ציונים פון רבותיה"ק בעל דברי יואל ובעל ברך משה זיע''א און ביי די ציון פון אמו הרבנית ע"ה, און געזאגט די תפילה פונעם ישמח משה זיע''א און פארגעזאגט די קאפיטלעך פון ספר רביעי כנהוג און געזאגט קדיש, און דערנאך געליינט קוויטלעך בשעת מען האט געזינגען ניגוני התעורורות, און דערנאך זיך משתטח געווען אויף די ציונים פון רבותינו הק' און פון אמו הרבנית ע"ה. מען האט געענדיגט ארום 1:35.

נאכמיטאג ארום 5:15 האט דער רבי געדאווענט מנחה בביתו נאוה קודש אויף צאנז קט.

אין די נאכמיטאג שעות האט זיך טעלעפאניש פארבינדן מיט רבינו שליט''א כ"ק אדמו"ר מפשעווארסק שליט"א ווי ער האט אנגעוואונטשן א ברכת מזל טוב לרגל די שמחת החתונה.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יוסף הערש מיללער הי"ו און הרה"ח ר' בנציון אליהו זאלדאן הי"ו אין די זאלן פון כינור דוד.
- הרה"ח ר' יחזקאל שרגא בר"ב ווערצבערגער הי"ו און הרה"ח ר' הלל כהנא הי"ו אין די זאלן פון בית רחל פאראדייס.
- הרה"ח ר' יואל שלום שאפער הי"ו און הרה"ח ר' שמעון יואל גוטמאן הי"ו אין די זאלן פון גינת קליין.

זמני כניסה בקו''פ איז געווען פון 8:00 ביז 1:00 אויפדערנאכט בביתו נאוה קודש אויף איהעל קט.

בעת די זמני כניסה האט דער רבי טעלעפאניש מנחם אבל געווען הגה"צ רבי הערשל פיש שליט"א אדמו"ר מזידיטשוב פרעמיסלא, על פטירת אשתו הרבנית ע"ה.

ארום 10:00 איז דער רבי אראפ אין די תנאים זאלן ווי דער רבי האט געליינט די תנאים פון די מחותנים.
- הרה"ג ר' מענדל גאלד שליט"א און הר''ר אלי' באש שליט''א.
- הרה"ח ר' יואל ב"ר בנציון בערקאוויטש הי"ו און הרה"ח ר' אברהם יעקב וויינבערגער הי"ו.

דער רבי האט געדאווענט מעריב ארום 11:30 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

דינסטאג פרשת וישלח 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' עמרם בראך הי"ו ווי דער רבי איז געווען סנדק ומוהל.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- ב"ר שמעון הערשקאוויטש הי"ו.
- ב"ר יואל ברמ"י גאלדבערגער הי"ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

נאכמיטאג איז דער רבי ארויף אין ישיבה סניף קדושת יואל ווי דער רבי האט געלערנט מיט א חברותא מתלמידי הישיבה בחדרו הפרטי. און ארום 5:15 האט דער רבי געדאווענט מנחה אין ישיבה.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
זמני כניסה בקו''פ איז געווען פון 8:00 ביז 11:45 אויפדערנאכט בביתו נאוה קודש אויף היוז סט.

דער רבי האט געדאווענט מעריב ארום 10:45 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

מאנטאג פרשת וישלח 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' איתמר טובי' רובינשטיין הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- בן הר"ר חיים לייב זילבערשטיין שליט"א.
- ב"ר חיים הערש ווייס הי"ו.
ביים ליינען איז דער רבי געגאנגען הגבה. און נאכן דאווענען איז פארגעקומען א לחיים מיט די בר מצוה בחורים בחדרו הפרטי.

נאכמיטאג איז דער רבי ארויף אין ישיבה סניף ברך משה ווי דער רבי האט געלערנט מיט א חברותא מתלמידי הישיבה בחדרו הפרטי. און ארום 5:15 האט דער רבי געדאווענט מנחה אין ישיבה.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יואל משה ווייס הי"ו און הרה"ח ר' יצחק נפתלי מאנן הי"ו אין די זאלן פון כינור דוד.
- הרה"ח ר' חיים מרדכי פילאפף הי"ו און הרה"ח ר' שאול חיים גאלדמאן הי"ו אין די זאלן פון גינת קליין.

זמני כניסה בקו''פ איז געווען פון 8:00 אזייגער ביז 12:15 אויפדערנאכט בביתו נאוה קודש אויף איהעל קט.

ארום 10:15 איז דער רבי אראפ אין די תנאים זאלן ווי דער רבי האט געליינט די תנאים פון די מחותנים הרה"ח ר' מאיר צבי גאלדבערג הי"ו און הרה"ח ר' יצחק אייזיק פישער הי"ו.

דער רבי האט געדאווענט מעריב ארום 11:30 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

זונטאג פרשת וישלח 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן פאר די 'תאומים' לבן הנולד אצל ר' יואל האלפערט הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- בן הר"ר חיים משה לעוו שליט"א.
- ב"ר אברהם מאיר עקשטיין הי"ו.
- ב"ר אלי' שפיטצער הי"ו.
- ב"ר דוד קליין הי"ו.
- ב"ר יחזקאל שרגא הירש הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.

נאכמיטאג איז דער רבי ארויף אין די ישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי. און ארום 4:10 האט דער רבי געדאווענט מנחה אין ישיבה.

פארנאכטס האט דער רבי מסדר קידושין געווען ביי די חופה פון די מחותנים הרה"ח ר' דוד משה ניישטאדט הי"ו און הרה"ח ר' יואל ברב"מ מארקאוויטש הי"ו אין די זאלן פון בית רחל פאראדייס.

זמני כניסה בקו''פ איז געווען פון 7:50 ביז 12:30 אויפדערנאכט בביתו נאוה קודש אויף איהעל קט.

בעת די זמני כניסה איז געווען אויף א באזוך בקו''פ כ"ק אדמו"ר מפאלטישאן שליט"א מקבל זיין ברכת הקודש לרגל נשואי נכדו למז"ט, עס האט זיך פארצויגן א שיינער שמועס, דער רבי האט אים מכבד געווען מיט לחיים און מאציל געווען מברכת קדשו.

אויך איז אריין בקודש פנימה הגה''צ ר' שמעון שנעבאלג שליט"א רב שכונת הר שמואל בארה"ק בן האדמו"ר מזידיטשוב ב"ב שליט"א, עס האט זיך פארמירט א שיינע שמועס און דער רבי האט אים מאציל געווען מברכת קדשו.

ארום 10:15 איז דער רבי אראפ אין די תנאים זאלן ווי דער רבי האט געליינט די תנאים פון די מחותנים.
- הר"ר פישל ברי"צ סופר שליט"א און הר"ר אברהם יוסף אקערמאן שליט"א.
- הרה"ח ר' שמואל יעקב שווארטץ הי"ו און הרה"ח ר' יואל בריח ביקעל הי"ו.

דער רבי האט געדאווענט מעריב ארום 11:30 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

שב''ק פרשת ויצא 'בצל הקודש' פון כ''ק רבינו הגה''ק שליט''א

ארום 3:30 האט דער רבי אנגעטוהן דאס שטריימל פארן אור אייניקל החתן הרב אלטר יצחק פאנעט שליט"א בן הרה"ג ר' יעקב שלמה שליט"א רב דביהמ"ד שערי תפילה קרית יואל המיול"ח הרה"ג ר' יואל גלאנץ שליט"א מו"ץ בקהלתינו וומסב''ג חתן הגה"צ אבד''ק וומסב''ג שליט"א.
דער רבי האט אנגעטוהן די שטריימל און ווארעם אנגעוואונטשן פארן חתן און מחותנים.

פרייטאג צונאכטס ארום 5:10 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הרה"ח ר' יעקב ברז"ל גליק הי"ו (וומסב''ג). מען האט געענדיגט ארום 6:40. און עס איז פארגעקומען אן אפיעל פאר כולל תפארת בחורים וומסב''ג, דערנאך איז דער ציבור אריבער זאגן גוט שבת און דער רבי איז אהיים לביתו נאוה קודש.

ארום 8:35 איז דער רבי אריינגעקומען צום שלחן הטהור בהיכל המתיבתא אינאיינעם מיט די תלמידי הישיבה, אנגעהויבן כדרכו בקודש שלום עליכם ברגש ובנעימה.
אשת חיל נכד רבינו הב' יחזקאל שרגא ט"ב ני"ו בן הגה"צ רב דביהמ"ד בית אלעזר שליט"א. הגבהת הכוס: הרה"ח ר' אברהם שמחה פריעדמאן הי"ו.

מיט די זמירות האט דער רבי מכבד געווען.
- כל מקדש הרה"ח ר' בנימין שעכטער הי"ו (חיפה).
- מנוחה ושמחה: הרה"ח ר' יושע שמואל וויינבערגער הי"ו (וומסב''ג).

רבינו שליט''א האט געזאגט תורה אויפן פסוק 'אסף אלקים את חרפתי' און געטייטשט בדרך דרוש אין די סוגיא פון מין במינו.

- קה אכסוף: נכד רבינו הרב חיים יחזקאל שרגא טייטלבוים שליט"א בן הגה"צ רב דביהמ"ד בית ברוך שליט"א.
- ברכת המזון: חדב"ן הגה"צ רב דביהמ"ד אבני צדק שליט"א.

דערנאך האט דער ארומגערעדט לענגערע דב''ק איבער די מצוה פון הפרשת תרומות ומעשרות וואס מען האט געהאט די זכיה צו מקיים זיין די וואך אין ארה"ק צום ערשטן מאל, דער רבי האט אויסגעשמועסט און מסביר געווען פאר די בחורים דעם סדר אין אלע הלכות פון די הפרשה בטוב טעם ודעת.

- קה רבון עלם: הרה"ח ר' יצחק יוסף מארק הי"ו (ירושלים).
די פרישע חתנים זענען אריבער נעמען פירות.
- אז ביום השביעי: הר"ר חיים בנימין כהנא שליט"א. מען האט געענדיגט ארום 11:10.

וביום השבת

שב''ק אינדערפרי איז דער רבי אריינגעקומען אין ביהמ''ד ארום 9:20.
- ברכות ופסוקי דזמרה: הרה"ח ר' משה יודא גאלדבערגער הי"ו (וומסב''ג).
דער רבי איז צוגעגאנגען צו שחרית, און צו חזרת הש"ץ צוגעשיקט נכדו הרב ברוך רוקח שליט"א חתן חדב"ן הגה"צ רב דביהמ"ד אהל פיגא שליט"א.

- הוצאה והכנסה: הרה"ח ר' דוד אהרן לאנדא הי"ו.
- פסוקי שמע ישראל: הרה"ח ר' אליעזר ווייס הי"ו.
עליות.
- כהן: החתן טובי' ב"ר יצחק אליקים שווארטץ הי"ו.
- לוי: ר' משה אליעזר רובינפעלד הי"ו, דער רבי האט קורא שם געווען לרגל הולדת בתו למז''ט.
- שלישי: החתן יואל משה ב"ר דוד שטוהל הי"ו - באווארפען.
- רביעי: החתן יעקב גדלי' ב"ר יוסף הערש מיללער הי"ו - באווארפען.
- חמישי: החתן יושע ב"ר דוד משה ניישטאדט הי"ו - באווארפען.
- שישי: רבינו שליט''א.

נאכן עולה זיין האט דער רבי גומל געבענטשט נאכן זיך צוריקקערן פון דערהויבענע מסע הקודש אין ארה"ק, דערנאך האט דער רבי קורא שם געווען לרגל הולדת הבת אצל:
- ר' משה יעקב מאסרי הי"ו.
- ר' וואלף בער ליכטענשטיין הי"ו.
- ר' אברהם יצחק גרינפעלד הי"ו.
- ר' יוסף אשר גאטליעב הי"ו.

- שביעי: הרה"ח ר' יוסף ווייס הי"ו.
- הוספות: החתן משה יואל ב"ר אליעזר טעללער הי"ו.
- החתן ב"ר יצחק אהרן האלענדער הי"ו.
- אחרון: משב"ק הרה"ח ר' חיים שלמה פישער הי"ו.
- מפטיר: הרה"ח ר' אלי' ניישטאדט הי"ו.
- הגבה: הרה"ח ר' דוד שטוהל הי"ו.
- גלילה: הרה"ח ר' ישעי' ווערצבערגער הי"ו.

- מוסף: הרה"ח ר' משה גאלדבערגער הי"ו.
- פתיחה צו אנעים זמירות: הרה"ח ר' עקיבא וויינשטאק הי"ו.
מען האט געענדיגט ארום 12:10.

ביים קידוש בביתו נאוה קודש האט מען געזינגען ניגוני שמחה לרגל די שמחת הקידושא רבא פון נכדי רבינו בת הנולדה אצל הרב נחמן כהנא שליט"א חתן חדב"ן הגה"צ רב דביהמ"ד ברך משה שליט"א וועלכע איז פארגעקומען אין ארה"ק, און די שמחת הקידושא רבא לבת הנולדה אצל הרב לוי יצחק טויב שליט"א חתן חדב"ן הגה"צ רב דביהמ"ד ישמח משה שליט"א וועלכע איז פארגעקומען אין ב"פ.

רעוא דרעווין

דער רבי איז אריינגעקומען צו תפילת מנחה ארום 5:05.
- בעל תפילה: הרה"ח ר' יואל בר"ע הירש הי"ו.
- הוצאה והכנסה: הרה"ח ר' יודא ארי' לאנדא הי"ו.
- כהן: נכד רבינו הרה"ג ר' יואל גלאנץ שליט"א.
- לוי: הרה"ח ר' מענדל קלאגסברוין הי"ו (וומסב''ג).
- שלישי: הרה"ג ר' שלמה זאבעל שליט"א דומ''ץ ביהמ"ד בית דוב.
- הגבה: רבינו שליט''א.
- גלילה: הרה"ח ר' יצחק שיפף הי"ו (מאנסי).

זמירות ביי של"ס האט דער רבי מכבד געווען.
- אודה הרה"ח ר' נח גפן הי"ו.
- שיר המעלות: הרה"ח ר' משה גאלדשטיין הי"ו.

דער רבי האט געזאגט אויפן פסוק 'אכן יש ה' במקום הזה' און געטייטשט אז ווען עס איז דא עובדי ע"ז אין ארץ ישראל ובפרט אויפן מקום המקדש איז דא א רצועה יוצאות מארץ העמים און עס איז נישט דא דארט קיין קדושת ארץ ישראל, און נאר אזוי פארשטייט מען וויאזוי עס קען זיין אזא מקום טומאה אויף אזא מקום קדוש ביים מקום המקדש, און ארומגערעדט בדברי רגש וגעגועין בקול בוכים אז מען פארט קיין ארץ ישראל און מען זעט עס צו מיט די אייגענע אויגן שועלים הלכו בה, אוי לעינים שכך רואות אויפן מקום המקדש שמשם יראה יוצאות לעולם, דארט איז געווען די עקידת יצחק, דארט האבן יצחק און יעקב מתפלל געווען, דארט האט די שכינה גערוט בזמן שביהמ"ק קיים, און ליידער זעט מען אזא מקום טומאה אויפן פלאץ, מען האפט און מען איז מתפלל עס זאל בקרוב זיין ותבנהו מהרה ותגדל כבודו בביאת גואל צדק בב"א.

- ידיד נפש: הרה"ח ר' יוסף פנחס סטרולאוויטש הי"ו.
- קל מסתתר: הרה"ח ר' זלמן לייב גליק הי"ו (וומסב''ג)
דער רבי האט געבענטשט על הכוס און געזאגט שבע ברכות.

- מעריב מוצש''ק: הרה"ח ר' משה גאלדבערגער הי"ו.
נאך הבדלה איז דער ציבור אריבער זאגן א גוטע וואך. מען האט געענדיגט ארום 7:25.

ארום 9:30 האט זיך דער רבי אריינגעפארן קיין ב"פ צום דינער השנתי 'אהבה רבה' לטובת מוסדותינו הק' וואס איז פארגעקומען אין די זאל פון עטרת חי'.
ביים אנקומען אין ב"פ האט דער רבי צום ערשט מנחם אבל געווען משפחת הרה"ח ר' אנטשיל ב"ר יצחק גאלדבערגער ע"ה.

דער רבי איז אנגעקומען צום דינער ארום 11:00 און זיך באגריסט מיט די רבנים אויפן אויבנאן, הגה"צ אבד''ק ב"פ שליט"א האט ממשיך געווען מיט זיין דרשה, דערנאך האט דער יושב ראש הרה"ח ר' מאיר פערל הי"ו אויפגערופן דעם מנהל המוסדות הרה"ח ר' אהרן וועלץ הי''ו צו משמיע זיין די דבר המוסדות.
רבינו שליט''א האט משמיע געווען דב"ק אויפן פסוק 'והנה מלאכי אלקים עולים ויורדים בו' און ארומגערעדט איבער די נסיעה קיין ארה"ק פון ווי מען האט זיך נארוואס צוריקגעקערט, און ארויסגעברענגט די שטארקע קורת רוח פון זיך באגעגענען מיט די חשובע בני עליה ותלמידי חכמים מפורסמים וואס זענען אין די בחינה פון 'עולים', אבער מען האט אויך געזען די 'יורדים' די בחורים פון חוץ לארץ וועלכע לערנען אין ארץ ישראל און דרייען זיך אין די דארטיגע גאסן בייטאג און ביינאכט, מען דרייט זיך אויף הפקר אין אלע פלעצער און אויף אלע שמאלע גאסן אנשים נשים וטף, און דאס דארף יעדער איד וואס שיקט זיינע בחורים לערנען אין ארץ ישראל וויסן די סכנה וואס דאס איז בגשמיות וברוחניות.
דערנאך האט דער רבי ארומגערעדט איבער די ביטערע גזירה פון גיוס בני ישיבות בארה"ק און געזאגט אז אינו דומה שמיעה לריאה, ביז יעצט האט מען געהערט פון די גזירה און יעצט האט מען צוגעזען די פחד אין וואס מען לעבט דארט יעדע בחור און אינגערמאן און אזוי אויך די עלטערן אויף די קינדער מען זאל ח"ו נישט ארעסטירט ווערן רח"ל.
דער רבי האט ממשיך געווען בשבח פון מוסדותינו הק' אין ב"פ, די ת"ת די בית רחל די ישיבות קטנות בעיר ובחוץ לעיר און די ישיבה גדולה, און אויפגעפאדערט אנ"ש צו שטיצן די מוסדות ברוח נדיבה, און מסיים געווען מיט ברכות לרוב פאר די הנהלת המוסדות און פארן גאנצן ציבור.
דערנאך האט דער רבי געטרינקן לחיים און געוואונטשן ברכת קדשו פארן גאנצן ציבור, מען האט געענדיגט ארום 11:50.

נאכן דינער איז דער רבי אריבער אויף א קביעות מזוזה ומסיבת לחיים אינעם נייעם הערליכן לאקאל פון ביהמ"ד ברך משה דקהלתינו הק' בראשות הרה"ג ר' משה דוד הורוויץ שליט"א, דער רבי האט קובע געווען א מזוזה און זיך אומגעקוקט אינעם ביהמ"ד.

דערנאך איז פארגעקומען א מסיבת לחיים בהיכל הביהמ"ד, עס האט זיך פארצויגן א שיינע שמועס מיט הגה"צ אבד''ק מאנטשעסטער שליט"א און בנו הרה"ג רב הביהמ"ד שליט"א, דער רבי האט געטרינקן לחיים און מאציל געווען מברכת קדשו פארן רב שליט"א און פאר די מתפללי ונדבני הביהמ"ד. מען האט געענדיגט ארום 12:10 און דער רבי איז אהיימגעפארן לביתו נאוה קודש אין ק"י.

▫️ סאטמארע נייעס 🌴 ▫️

דאנערשטאג פרשת ויצא 'בצל הקודש' פון כ''ק רבינו הגה''ק שליט''א

ארום 7:45 איז דער רבי אריינגעקומען צו תפילת שחרית בבית מדרשינו הגדול אין שיכון קרית יואל בני ברק.
- בעל תפילה: ר' משה ארי' שטרוהל הי"ו.
- כהן: משב"ק הרה"ח ר' שמואל הכהן פריעדמאן הי''ו.
- לוי: הרה"ג ר' יושע הערש יאזשעף שליט"א, מו"ץ.
- שלישי: רבינו שליט"א.
- הגבה: הרה"ח ר' אליעזר פאלאטשעק הי"ו.
- גלילה: ר' שלום אליעזר פוקס הי"ו.

נאך שחרית זענען אריין בקו''פ בבית האכסניא א קבוצה לומדי כוללינו כולל עצי חיים וועלכע האבן מסיים געווען שו"ע יו"ד, דער רבי האט משמיע געווען ברכת הקודש פאר די לומדי הכולל און דערביי ממנה געווען צוויי פרישע מורי צדק אין קהלתינו הק' אין בני ברק, ה"ה הרה"ג ר' שמעון יואל בראך שליט"א און הרה"ג ר' דוד כהן שליט"א, דער רבי האט זיי ווארעם אנגעוואונטשן שלא יצא מכשול מתחת ידיהם ולהורות דבר ה' זו הלכה און אנגעוואונטשן ברכות לרוב.

דערנאך איז דער רבי אריבער אויף ניחום אבילים ביי משםחת הרה"ח ר' בנציון יאקאבאוויטש ע"ה ממייסדי השיכון קרית יואל ומנהל מוסדותינו הק' רבות בשנים, היושבים ע"פ אמם הישישה ע"ה.

דערנאך האט זיך דער רבי ארויסגעלאזט אויפן קורצן וועג צום שטאט לוד ווי עס איז פארגעקומען אין די זאלן פון 'שמים פתוחים' דער מעמד נרגש מסיבת פרידה פאר רבינו שליט''א אינאיינעם מיט'ן סיום חצי ש''ס דורך חבורות יסודי התורה, פאר אלפי אנ''ש תושבי ארה''ק.
ביים מעמד האבן זיך משתתף געווען כ''ק אדמורי''ם מיערוסלוב וטעמעשוואר שליט''א.

דער רבי איז אנגעקומען צו די מסיבה ארום 10:45, מען האט געזינגען מערערע ניגונים, אלץ יושב ראש האט געדינט הר"ר משה מנחם הערשקאוויטש שליט"א פון ירושלים און עס האט אויפגעטרעטן מיט רגשי געגועין הרה''ג ר' מרדכי יאזשעף שליט"א מנה"ר ישיבה גדולה מהרי"ט בני ברק.
דער רבי האט געטרינקן לחיים און אנגעוואונטשן פארן גאנצן ציבור און משמיע געווען דב''ק בדברי דרוש ואגדה על פרשת השבוע ובמשנתו פון התנא האלקי רבי שמעון בר יוחאי, און דערנאך ממשיך געווען מיט לענגערע הדרכה אין אלע ענינים, לימוד התורה בקביעות, זיך פירן ווי א חסידישע איד גיין אין מקוה יעדן טאג, דאווענען אין אונזערע בתי מדרשים בהשקפה אחת מרישא ועד גמירא, מחנך זיין די קינדער לתורה וליראת שמים ומידות טובות, פירן די סעודת שב"ק כראוי מיט זמירות ודברי תורה, אכטונג געבן אויף די צניעות אין שטוב, און שטארק מעורר געווען זיך נישט צו לאזן ווערן נאכגעשלעפט פון די שכינים סיי אין ירושלים און בפרט אין בני ברק סיי בנוגע די הארבע ענין פון ביי-האר און אזוי אויך ביי אלע שייטלען צו גיין נאר בצניעות, רעדן אויף אידיש, נזהר זיין אין נישט ערליכע ליין מאטריאל און אין טעכנאלאגיע און אלע טמא'נע כלים, און שטארק ארומגערעדט איבער די טומאת הציוניות און אלע זייערע נאכשלעפער און פארטייען, און ממשיך געווען בשבח פון קהלתינו ומוסדותינו הק' אין ארה''ק ירושלים בני ברק און בית שמש און געזאגט אז עס איז געווען אן עונג רוחני זיך צו טרעפן מיט אנ''ש יראים ושלימים, און עס שטייגט בכמות ובאיכות בתורה עבודה וגמילות חסדים וקשה עלי פרידתכם.
דער רבי האט ארומגערעדט איבער די ביטערע מצב פון די גזירה פון גיוס בני ישיבות, מען האט געזען די פראבלעמען און צער פון יעדעם איינעם און מען וויינט מיט און מען פילט מיט מיט יעדעמס ווייטאג, און דערמאנט דעם סיום מסכת קידושין וחצי הש"ס און אויפגעפאדערט יעדעם איינעם זיך מחזק צו זיין בלימוד התורה מיט מסירות נפש און נאר אזוי וועט מען בייקומען די רשעים און די גזירה פון גיוס בני ישיבות וועט בטל ווערן, און חלילה צו מאכן פשרות און פארהאנדלען אין דעם ענין, און מען דארף זיך האלטן שטארק, און מסיים געווען מיט ברכות לרוב פארן גאנצן ציבור.

דערנאך האט הר"ר דוד ווייסהויז שליט''א פון בית שמש געמאכט דעם סיום אויף מסכת קידושין וחצי הש"ס, און הרה"ח ר' מענדל קויפמאן הי"ו פון וומסב''ג - מגדולי העסקנים וחבר הנהלת החבורה האט געזאגט קדיש.
דערנאך האט מען זיך ארויסגעלאזט אין א פייערליכען טאנץ פאר א לענגערע צייט.
דער רבי האט פארלאזט דעם מעמד ארום 12:30 אויפן וועג צום לופטפעלד ווי אנ''ש האבן באגלייט רבינו שליט''א בשירה ובזמרה נישט זיך קענענדיג געזעגענען פון די הייליגע געהויבענע טעג.
אין לופטפעלד האבן זיך געזעגענט פון רבינו שליט"א ראשי קהלתינו ומוסדותינו הק' פון ארה"ק וועלכע האבן זיך באדאנקט מעומק לבבם בשם כל הקהל הקודש אויף די געהויבענע טעג וואס דער רבי האט געפראוועט בקרב קהלותינו הק' אין ארץ הקודש, און עקסטער אויף די הערליכע תמוכות וואס דער רבי האט געברענגט פון אמעריקא וואס איז פארטיילט געווארן פאר עניי ארץ ישראל, אריינגערעכנט אלע כלי קודש לערערנס און אברכי הכולל און נאך אנדערע, דער רבי האט ווארעם אנגעוואונטשן און איבערגעלאזט ברכת קדשו.

ארום 2:00 האט זיך געהויבן דער פליגער אויפן וועג קיין אטענס גריכנלאנד א וועג פון ארום אנדערט-האלבן שעה, און ארום 5:30 האט זיך געהויבן די פליגער פון רבינו שליט"א פון אטענס גריכנלאנד אויפן וועג אהיים קיין ניו יארק.
א קורצע צייט נאכן זיך הייבן האט דער רבי געדאווענט מנחה אויפן פליגער, בעל תפילה: הרה"ח ר' מענדל קויפמאן הי"ו

ברוך הבא בשם ה'

ארום 8:50 אויפדערנאכט האט די פליגער פון רבינו שליט"א געלאנדעט אינעם נוארק לופטפעלד ווי דער רבי איז אפגעווארט געווארן דורך פילע אנ''ש וועלכע זענען אריבער שלום נעמען אויך האבן אפגעווארט תלמידי ישיבה גדולה שיעור ד' אין שפיץ פון די ראשי הישיבה הרה"ג ר' ארי' דוב קארנבלי שליט"א און הרה"ג ר' יצחק יעקב ראזענפעלד שליט"א.

דער רבי האט געדאווענט מעריב אינעם לופטפעלד, בעל תפילה: הרה"ח ר' מענדל קויפמאן הי"ו. נאך מעריב האט דער רבי געמאכט קידוש לבנה אויפן גאס.

דער רבי איז אנגעקומען לביתו נאוה קודש אין קרית יואל ארום 11:00 און איז אפגעווארט געווארן דורך הונדערטער אנ''ש בשירה וזמרה און די גאנצע ציבור איז אריבער שלום נעמען פון רבינו שליט"א.

בזמן שהצדיק בעיר הוא הודה הוא זיוה והוא הדרה

▫️ סאטמארע נייעס 🌴 ▫️

מסע הקודש פון כ''ק רבינו הגה''ק שליט''א קיין ארה''ק - שב''ק באתרא קדישא מירון

מיטוואך דאנערשטאג ויצא - בני ברק - מעמד נרגש מסיבת פרידה פאר רבינו שליט''א 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית אינאיינעם מיט תלמידי ישיבתינו הק' ישיבה קטנה און ישיבה גדולה מהרי"ט בבית מדרשינו הגדול.
ביים אנקומען אין ביהמ''ד ארום 9:30 האט זיך דער רבי אומגעקוקט אויף די לימודים און ארום צווישן די טישן און פארהערט די בחורים מיט א שטארקע קורת רוח א לענגערע צייט.

פארן דאווענען האט דער רבי געלייגט תפילין פאר די בר מצוה בחורים.
- ב"ר יצחק יודא שישא הי"ו (בית שמש).
- ב"ר משה דוד טעלער הי"ו (בני ברק)
בעל תפילה: הב' ליפא ב"ר יוסף היילברוין הי"ו.

נאכן דאווענען איז פארגעקומען א מסיבת לחיים בהיכל הביהמ''ד, ביים לחיים האט זיך משתתף געווען הגאון הגדול ר' אברהם יעקב איצקאוויטש שליט"א אב"ד שבט הלוי בראכפעלד.
מען האט געזינגען עטליכע ניגוני תורה, און עס האט אויפגעטרעטן הרה"ג ר' אברהם שלמה כ"ץ שליט''א אב"ד ריסקעווע ומרבני קהלתינו הק'.
דער רבי האט געטרינקן לחיים און משמיע געווען דב''ק צום ערשט איבערגעלאזט א קשיא פאר די בחורים אין מסכת בבא קמא און געבעטן די בחורים זיי זאלן עוסק זיין מיטן טרעפן תירוצים, און דערנאך ממשיך געווען בדברי התחזקות בלימוד התורה, תפילה, מידות טובות, מידת האמת, און ארומגערעדט איבערן גזירות הגיוס, ווי דער רבי האט געזאגט אז מיט די גזירה פארשטייט מען שוין די דאפעלטע לשון וואס מען זאגט מאנטאג און דאנערשטאג נאכן ליינען, אחינו כל בית ישראל הנתונים בצרה ובשביה, בצרה מיינט מען דעם גזירות הגיוס, און בשביה מיינט מען דאס אז די מדינה לאזט נישט ארויספארן די בחורים, וואס ביז היינט האט מען געקענט ארויספארן אבער היינט לאזן זיי נישט, און מסיים געווען בברכות לרוב.
דערנאך האט דער רבי פארטיילט מטבעות פאר די תלמידי הישיבה, דערנאך איז דער רבי אהיימגעפארן מיט די קאר ארום דעם גאנצן שיכון ווי עס זענען געווען אויסגע'שורה'ט די הונדערטער תלמידות פון מוסדותינו הק' בנות ארץ ישראל בית פיגא לראות פני הקודש.

בבית האכסניא איז פארגעקומען א מסיבת לחיים מיט אנ"ש תושבי ב"ב נדיבי ופטרוני המוסדות וועלכע האבן בייגעשטייערט גרעסערע סכומים לטובת מוסדותינו הק' אין בני ברק, עס האט אויפגעטראטן הרה"ח ר' יואל משה גליק הי"ו און הר"ר נפתלי צבי בראדי שליט''א.
דער רבי האט געטרינקן לחיים און אנגעוואונטשן פארן גאנצן ציבור, און משמיע געווען דב''ק די חשיבות פון אידן אין בני ברק וועלכע שטרענגן זיך אן יותר מכפי יכלתם לטובת המוסדות דאס איז א שטארקע חיזוק פאר די תומכי המוסדות פון חוץ לארץ און מסיים געווען בברכת קדשו.
דערנאך זענען די תומכים אריבער מקבל זיין ברכת הקודש.

דערנאך זענען אריין בקו''פ א קבוצה בחורים פון די ישיבה גדולה וועלכע האבן זיך אויסגעצייכנט מיט די סדר אשמורת הבוקר און דער רבי האט פארטיילט ספרו הק' לב אהרן סוגיות הש"ס מסכת ר"ה - סוכה, און אנגעוואונטשן ברכות קדשו.

אזוי אויך זענען אריין בקו''פ א קבוצה אינגעלייט פון קהילת גור וועלכע האבן זיך געשטעלט אויף א פארהער אויף דריי סדרים אין ש"ס, דער רבי האט שארף פארהערט א לענגערע צייט און מאציל געווען מברכות קדשו.

ארום 3:45 האט דער רבי געדאווענט מנחה בבית האכסניא,
בעל תפילה: הרה"ח ר' יואל ברמ"ב לאנדא הי"ו (וומסב''ג).

ארום 4:30 איז דער רבי אריבער אין כולל חלקת יעקב - ברייש, ווי דער רבי האט משמיע געווען א לענגערע טיפזיניגע שיעור אין די סוגיא פון מצוה הבא בעבירה פאר די רבני ולומדי הכולל.
דער רבי האט אנגעהויבן בכבוד אכסניא הרה"ג ר' מאיר לוריא שליט"א ואתו עמו הרה"ג ר' משה ברייש שליט"א, א זוהן פונעם חלקת יעקב, און ארויסגעברענגט לשבח פונעם כולל וואס איז פקיע שמיה און נודה לרבים אלס א מקום תורה חשוב מאוד ווי עס זיצן אידן תלמידי חכמים מופלגים גדולים בתורה שליט"א, דער רבי האט ממשיך געווען מיט די ווערטער אין מדרש 'אין כבוד אלא תורה' אז מכבד זיין מיינט בדברי תורה, בעהט מען דעם באשעפער אז יהיו לרצון אמרי פי. דאן האט דער רבי האט אנגעהויבן דעם לענגערע שיעור אויף די משנה אין מסכת סוכה דף כט: לולב הגזול והיבש פסול אין די סוגיא פון מצוה הבאה בעבירה, און אריין לארכו ולרחבו פון די סוגיא און מצדד געווען אלע שיטות הראשונים, וועלכע האט מיטגעשלעפט אלע לומדים אין א פייער פון שמחת התורה, און דערנאך ממשיך געווען בדרך אגדה א לענגערע צייט, און מסיים געווען בדברי ברכה פאר די ראש הכולל ואתו עמו אלע רבנים און לומדי הכולל און אנגעוואונטשן אז מען זאל קענען לערנען בבריאת השלמות ללמוד וללמד לשמור ולעשות מתוך הרחבת הדעת עד זקנה ושיבה, און די רשעים זאלן נישט קענען שטערן אידישע קינדער לומדי תורה און שומרי מצות ה'.

דערנאך האט דער רבי ארויסגעברענגט די שװערע גזירה וועלכע שוועבט אויף אידישע קינדער אין ארץ ישראל און געזאגט אז אין חוץ לארץ האט מען געוויסט אז עס איז דא א שווערע גזירה, אבער מען האט דא געהערט אידן פארציילן די עגמת נפש פון די בחורים און עלטערן, וואס מען מאכט אלס מיט פון די פחד, אז מען ווייסט נישט מה יולד יום ה"י, און געענדיגט מיט ברכות לרוב אז דער אויבערשטער זאל מפיר זיין עצת רשעים, און מ'זאל קענען לערנען מיט הרחבת הדת, און בזכות לימוד התורה וועט מען זוכה זיין בביאת גוא"צ בב"א.
ביים ענדיגן האט זיך דער רבי מפלפל געווען אין די סוגיא מיט די ראשי ולומדי הכולל בריתחא דאורייתא פאר א לענגערע צייט, דער רבי האט פארלאזט די כולל ארום 5:45.

פון דארט איז דער רבי אריבער אויף א באזוך ביי כ''ק אדמו"ר מבוהוש שליט"א, עס האט זיך פארצויגן א שיינע שמועס ער האט מכבד געווען רבינו שליט"א מיט לחיים און דער רבי האט אים מאציל געווען מברכת קדשו און ער האט ארויסבאגלייט רבינו שליט''א.

פון דארט איז דער רבי אריבער אויף א באזוך ביי האדמו"ר מסאדיגורא שליט"א, עס האט זיך פארצויגן א שיינע שמועס, ער האט מכבד געווען רבינו שליט"א מיט לחיים און דער רבי האט אים מאציל געווען מברכת קדשו און ער האט ארויסבאגלייט רבינו שליט''א.

פון דארט איז דער רבי אריבער אויף א באזוך ביי כ''ק אדמו''ר מדעעש שליט"א בהיכל בית מדרשו, עס האט זיך פארצויגן א שיינע שמועס, ער האט מכבד געווען רבינו שליט"א מיט לחיים און דער רבי האט אים מאציל געווען מברכת קדשו און ער האט ארויסבאגלייט רבינו שליט''א.

דערנאך ארום 7:00 איז דער רבי אריבער אויף א מסיבת לחיים אינעם נייעם לאקאל פון 'אילאוויטש שטריימלעך' אונטער די אייגנטומערשאפט פון הרה"ח ר' שמואל מאיר אילאוויטש הי"ו מגדולי תומכי המוסדות וועלכע האט דערביי מנדב געווען א ריזן סכום לטובת בית מדרשינו הגדול אין בני ברק, עס האט זיך פארצויגן א שיינער שמועס איבער די היסטאריע פון שטריימלעך דער רבי האט געטרינקן לחיים און מאציל געווען מברכת קדשו.
דערנאך איז דער רבי אהיים לבית האכסניא.

ארום 8:00 האט זיך אנגעהויבן די ווייטערדיגע זמני כניסה פאר אנ"ש תושבי בני ברק.

בעת די זמני כניסה איז געווען אויף א ביקור גומלין באזוך בקו''פ כ''ק אדמו"ר מדעעש שליט"א, עס האט זיך פארצויגן א שיינע שמועס דער רבי האט אים מכבד געווען מיט לחיים און מאציל געווען מברכת קדשו.

דער רבי האט געדאווענט מעריב בבית האכסניא ארום 11:15, בעל תפילה: הב' שלום ב"ר שלמה פריינד הי"ו. און נאך מעריב ווייטער ממשיך געווען די זמני כניסה פאר ביז ארום 1:30.

נאך די זמני כניסה איז פארגעקומען א באשיידענע מסיבת לחיים לרגל די שמחה בבית הרה"ח ר' שמעון שישא שליט"א ראש המצילים במרכז עזרה ויעוץ בבית האכסניא, ביים לחיים האט דער רבי ארויסגעברענגט די שוועריגקייט פונעם מצב, ווי ווייט בחורים און עלטערן זענען פארלוירן, און ארום גערעדט איבער די געברויך צו פארברייטערן די אפיסעס און צולייגן ארבייטער צו קענען נאכקומען די גרויסע פארלאנג און העלפן יעדן וואס וויל זיך ראטעווען בפרט אין בני ברק וואס עס איז כמעט נישטא קיין עסקנים, דער רבי האט דערביי אויסגעשמועסט די וואונדער וואס עס איז דא אויף די וואס ווילן ליידער איינגיין אויף א פשרה, זאגנדיג "איך קען זיי נישט פארשטיין!", און דער רבי האט ערווענט אז מען איז אים שוין געקומען מסביר זיין אז ס'איז נישט געפערליך, ס'וועט שלעפן צייט, אבער דער רבי האט געענטפערט אז דער מהלך גייט נישט גוט ארבעטן און עס גייט נאר ערגער מאכן, בפרט מיט מאכן צרות פאר יחידים, און ווער קען מפקיר זיין אזויפיל נפשות מישראל.
דער רבי האט געטרינקן לחיים און אנגעוואונטשן פאר'ן חתן, און ספעציעל פאר'ן מחותן ר' שמעון שליט"א אז די פעולות גדולות זאלן מצליח זיין און ס'זאל אנקומען גרינג, מיט די הילף פון אנ"ש פון איבער די גארער וועלט וועלכע העלפן ארויס מיט די הוצאות לאלפים, און דער רבי האט אנגעוואונטשן ברכות קדשו פאר אלע עסקני המרכז און מען האט געזינגען עטליכע ניגונים לכבוד המאורע.

▫️ סאטמארע נייעס 🌴 ▫️

דינסטאג ויצא - בני ברק 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית אינאיינעם מיט די הונדערטער ילדי מוסדותינו הק' בבית מדרשינו הגדול.
ביים אנקומען אין ביהמ''ד האט זיך דער רבי אומגעקוקט אויף די לימודים פון די תשב''ר און ארום צווישן די טישן און פארהערט די קינדער מיט א שטארקע קורת רוח א לענגערע צייט.

פארן דאווענען האט דער רבי געלייגט תפילין פארן בר מצוה בחור ב"ר משה אהרן דאסקאל הי"ו (לאנדאן).
בעל תפילה: הב' שמואל דוד ב"ר יודל ענגעל הי"ו.

נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים און חרוזים לכבוד המאורע, עס האט אויפגעטרעטן דער מנהל הר"ר אלעזר יונה שטיינמעץ שליט"א וועלכע האט אראפגעלייגט די הכנה דרבה וואס די קינדער האבן זיך צוגעגרייט צו די באזוך פון רבינו שליט"א.
דער רבי האט געטרינקן לחיים און אנגעוואונטשן פאר די מלמדים און אלע קינדער, און משמיע געווען דב"ק והדרכה פאר די קינדער און אנגעוואונטשן ברכת קדשו.
דערנאך האט דער רבי פארטיילט געבענטשטע געלט פאר אלע קינדער, מען האט געענדיגט ארום 12:45 און דער רבי איז אהיים לבית האכסניא.

ארום 3:00 איז דער רבי אריבער אויף א באזוך ביי כ''ק אדמו"ר מנאדבורנא שליט"א, עס האט זיך פארצויגן א שיינע שמועס בסיפורי צדיקים, ער האט מכבד געווען רבינו שליט"א מיט לחיים און דער רבי האט אים מאציל געווען מברכות קדשו און ער האט ארויסבאגלייט רבינו שליט''א.

פון דארט איז דער רבי אריבער אויף א באזוך ביי גיסו כ''ק אדמו"ר מוויזניץ שליט"א, עס האבן אפגעווארט און מקבל געווען רבינו שליט''א בחורי וויזניץ, עס האט זיך פארצויגן א לענגערע שמועס פון זכרונות לבית וויזניץ, ער האט מכבד געווען רבינו שליט"א מיט לחיים און דער רבי האט אים מאציל געווען מברכות קדשו און ער האט ארויסבאגלייט רבינו שליט''א, אויפן וועג ארויס האט זיך דער רבי אפגעשטעלט באטראכטן די בוי ארבעט ביי ביהמ"ד הגדול והמפואר דחסידי וויזניץ אין בני ברק.

פון דארט איז דער רבי אריבער אויף א באזוך ביי כ''ק גאב"ד חוג חתם סופר שליט"א, עס האט זיך פארמירט א שיינע שמועס איבער דעם דרך הלימוד פונעם חתם סופר ובניו, ער האט מכבד געווען רבינו שליט"א מיט לחיים און דער רבי האט אים מאציל געווען מברכות קדשו און ער האט ארויסבאגלייט רבינו שליט''א.

דערנאך ארום 4:45 איז דער רבי אריבער בהיכל ישיבה גדולה מהרי"ט אין זכרון מאיר ווי דער רבי האט געדאווענט מנחה. בעל תפילה: הב' יחזקאל בן הרב הגאון ר' מיכל פריעדמאן שליט"א דומ''ץ קהלתינו בני ברק.

נאך מנחה ארום 5:15 איז דער רבי אריבער אויף א באזוך ביי כ''ק אדמו"ר מטשערנאביל שליט"א, עס האט זיך פארצויגן א שיינע שמועס ער האט מכבד געווען רבינו שליט"א מיט לחיים און דער רבי האט אים מאציל געווען מברכות קדשו און ער האט ארויסבאגלייט רבינו שליט''א.

פון דארט איז דער רבי אריבער אויף א באזוך ביי כ''ק אדמו"ר מזוטשקא שליט"א, עס האט זיך פארמירט א שיינע שמועס ער האט מכבד געווען רבינו שליט"א מיט לחיים און דער רבי האט אים מאציל געווען מברכות קדשו און ער האט ארויסבאגלייט רבינו שליט''א.

פון דארט איז דער רבי אויף א באזוך ביי כ''ק אדמו"ר מסלאנים שליט"א בהיכל בית מדרשו, עס האט זיך פארצויגן א שיינע שמועס איבער די ביטערע גזירת הגיוס בארה"ק, ער האט מכבד געווען רבינו שליט"א מיט לחיים און דער רבי האט אים מאציל געווען מברכות קדשו און ער האט ארויסבאגלייט רבינו שליט''א.

פון דארט איז דער רבי אריבער אויף א באזוך ביי כ''ק אדמו"ר משבט הלוי שליט"א, עס האט זיך פארמירט א שיינע שמועס ער האט מכבד געווען רבינו שליט"א מיט לחיים און דער רבי האט אים מאציל געווען מברכות קדשו און ער האט ארויסבאגלייט רבינו שליט''א. דערנאך איז דער רבי אהיים לבית האכסניא.

ארום 7:30 האט זיך אנגעהויבן די ווייטערדיגע זמני כניסה פאר אנ"ש תושבי בני ברק.

בעת די זמני כניסה זענען אריין בקו''פ צווישן אנדערע הרה"צ ר' ישראל מנחם אלתר שליט"א בן האדמו"ר מגור שליט"א אינאיינעם מיט הר"ר טובי' פריינד שליט"א מראשי 'מכון פאר מקדושים', עס האט זיך פארצויגן א שיינע שמועס און דערביי האבן זיי איבערגעגעבן פאר רבינו שליט"א דעם נייעם איבערגעדרוקטן ספר ישמח ישראל דורך מכון פאר מקדושים און דער רבי האט זיי מאציל געווען מברכת קדשו.

אזוי אויך איז אריין בקודש פנימה הגאון ר' דוד צבי שלעזינגער שליט"א ראש ישיבת מנחת יצחק בני ברק, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

אזוי אויך איז אריין בקודש פנימה הרה"ג ר' משה נחשוני שליט"א רב הקהילה החרדית בראשון לציון, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

אויך זענען אריין בקודש פנימה א משלחת דייני קהילת בעלזא בני ברק, עס האט זיך פארצויגן א שיינע שמועס בדברי תורה און דער רבי האט זיי מאציל געווען מברכת קדשו.

דער רבי האט געדאווענט מעריב בבית האכסניא ארום 11:15. בעל תפילה: הב' שמעון אלעזר ב"ר דוד יואל קליין הי"ו.

נאך מעריב האט דער רבי ממשיך געווען די זמני כניסה ביז ארום 1:00 אויפדערנאכט.

▫️ סאטמארע נייעס 🌴 ▫️

מאנטאג ויצא - בני ברק 'בצל הקודש' פון כ''ק רבינו הגה''ק שליט''א

ארום 9:15 איז רבינו שליט"א אריינגעקומען צו תפילת שחרית בבית מדרשינו הגדול אינאיינעם מיט פילע אנ''ש.
- בעל תפילה: ר' אליקים יודא גרינוואלד הי"ו.
- כהן: משב"ק הרה"ח ר' שמואל הכהן פריעדמאן הי''ו.
- לוי: הרה"ג ר' יושע הערש יאזשעף שליט"א מו"ץ בקהלתינו הק' בני ברק.
- שלישי: רבינו שליט"א.
- הגבה: משב"ק הרה"ח ר' חיים שלמה פישער הי"ו.

נאכן דאווענען איז דער רבי אהיים לבית האכסניא.

ארום 3:15 איז דער רבי אריבער אויף א באזוך ביי הגאון הגדול רבי משה שאול קליין שליט"א רב שכונת אור החיים בני ברק, עס האט זיך פארצויגן א שיינער שמועס בדברי תורה ובעניני מזוזות, און הגאון רבי משה שאול שליט"א האט געגעבן פאר רבינו שליט"א ספרו ויקהל משה און מכבד געווען רבינו שליט"א מיט לחיים און דער רבי האט אים מאציל געווען מברכת קדשו, און ער האט ארויסבאגלייט רבינו שליט''א.

פון דארט איז דער רבי אריבער אויף א באזוך אין לשכת רבני העיר בני ברק ביי די רבני העיר הגאון ר' חיים יצחק אייזיק לאנדא שליט"א און הגאון ר' שבח צבי ראזענבלאט שליט"א, עס האט זיך פארצויגן א לענגערע שמועס בעניני כשרות אין די שטאט בני ברק און אלע רבנישע פונקציעס, און איבער די מהודר'דיגע אריזאנע ווייץ וועלכע רבינו שליט"א האט איינגעפירט צו נוצן, און ווי הגאון הרב לאנדא ז"ל איז איין יאר געקומען שניידן אין אמעריקע בטירחא דגופא כדי צו קענען האבן פון די מהודר'דיגע ווייץ וועלכע האבן נישט קיין חששות, און ווי ער האט מקפיד געווען אליינס ארויפצוגיין אויפן קאמביין צום שניט, די רבני העיר האבן מכבד געווען רבינו שליט''א מיט לחיים און דער רבי האט זיי מאציל געווען מברכות קדשו, און איינגעלאדנט די רבני העיר צו קומען אויף א באזוך אין קרית יואל זיך אומצוקוקן אויף די הערליכע ריינע אויסגעהאלטענע שטאט, און זיי האבן ארויסבאגלייט רבינו שליט''א.

דערנאך איז דער רבי אריבער אין שטוב פון הרה"ח ר' יצחק אייזיק ווייס הי"ו ווי עס איז פארגעקומען א התחלת כתיבת ספר תורה פאר א נייע ספר תורה וועלכע ווערט געשריבן דורך הרה"ח ר' יצחק אייזיק הי"ו, דער רבי האט אריינגעשריבן די ערשטע אותיות געטרינקן לחיים און מאציל געווען מברכות קדשו.

ארום 4:30 איז דער רבי אריבער בבית מדרשינו אין זכרון מאיר ווי עס איז פארגעקומען א קבלת פנים דורך כוללינו כולל עצי חיים לכבוד דעם נשיא הכולל הגה"צ רב דקהלתינו ב''פ 15 שליט"א.
ביים אנקומען האט דער רבי געדאווענט מנחה, בעל תפילה: ר' ישראל אלימלך ב"ר שמעון ראטה הי"ו.

נאך מנחה איז פארגעקומען די מסיבת קבלת פנים בהיכל הביהמ"ד, עס האט אויפגעטרעטן הר"ר שאול יחזקאל שווארטץ הי"ו וועלכע האט באגריסט הגה"צ נשיא הכולל שליט"א, דערנאך האט אויפגעטרעטן הגאון ר' מיכל פריעדמאן שליט"א ראש הכולל ודומ"ץ קהלתינו הק' בני ברק, וועלכע האט מקבל פנים געווען רבינו שליט"א מיטו נשיא הכולל שליט"א בשם די לומדי הכולל און ארויסגעברענגט די מעלות פון כולל עצי חיים און זיך שטארק באדאנקט פאר הגה"צ נשיא הכולל שליט"א וועלכע גייט אליינס ארום יעדן טאג נאך געלט פארן כולל, און מאכט זיכער אז די תמיכה קומען אן צייטליך, און פאר די ספעציעלע תמיכה לכבוד יו"ט.
דערנאך האט אויפגעטרעטן דער נשיא הכולל הגה"צ רב דקהלתינו ב''פ 15 שליט"א, און אנגעהויבן זאגענדיג אז שב"ק ווען רבינו שליט"א האט געזאגט אז מען קען נישט אוועקפארן פון מירון אהן זיך מקבל זיין א קבלה טובה האט ער זיך מקבל געווען צוצולייגן א הוספה צו די תמיכה פאר די לומדי הכולל, און ארומגערעדט איבער די חיבה יתירה פון אביו רביה"ק בעל ברך משה זיע''א צו כולל עצי חיים און זיך באדאנקט פאר די נדבני הכולל פון חוץ לארץ ובפרט הרה"ח ר' רפאל פערלמוטער הי"ו מראה"ק במאנסי וועלכע גיבט זיך אוועק בלב ובנפש פארן כולל, און מסיים געווען מיט ווארימע ברכות פאר רבינו שליט"א און פארן גאנצן ציבור.

דער רבי האט געטרינקן לחיים און אנגעוואונטשן פאר אחיו הגה"צ שליט"א און פאר די רבני ולומדי הכולל, און משמיע געווען א לענגערע שיעור סוגיא ופלפול אין די סוגיא פון מצוה הבאה בעבירה, און דערנאך ממשיך געווען מיט הדרכה פאר די כולל אינגעלייט ובפרט איבער לערנען פארן דאווענען, און ארויסגעברענגט לשבח פון אחיו הגה"צ שליט"א וועלכע נעמט אויף זיך דעם עול און שאפט אליינס די ריזיגע סכומים פארן כולל במסירות נפלאה, און מסיים געווען בברכת קדשו. מען האט געענדיגט ארום 6:10.

פון דארט איז דער רבי אריבער אויף א באזוך ביי הגאון הגדול ר' שמואל אליעזר שטערן שליט"א רב מערב בני ברק, עס האט זיך פארצויגן א הערליכע שמועס בדברי הלכה, ער האט מכבד געווען רבינו שליט"א מיט לחיים און דער רבי האט אים מאציל געווען מברכת קדשו, און ער האט ארויסבאגלייט רבינו שליט''א.

פון דארט איז דער רבי אריבער אויף א באזוך ביי הגאון הגדול ר' יעקב מאיר שטערן שליט"א רב שכונת קהילת יעקב בני ברק עס האט זיך פארצויגן א שיינע שמועס ער האט מכבד געווען רבינו שליט"א מיט לחיים און דער רבי האט אים מאציל געווען מברכת קדשו, און ער האט ארויסבאגלייט רבינו שליט''א.

ארום 7:40 איז דער רבי אנגעקומען בבית מדרשינו הגדול אין שיכון קרית יואל צום הכנסת ספר תורה, דער רבי האט איבערגענומען די ס''ת און אפגעראכטן די ריקודי קודש א לענגערע צייט און זיך עקסטער אפגעשטעלט טאנצן נעבן די קינדער פאר א שטיק צייט, און דערנאך מכבד געווען אחיו הגה"צ רב דקהלתינו ב''פ 15 שליט"א צו טאנצן מיטן ספר תורה און דערנאך האט דער רבי פארגעזאגט לדוד מזמור כנהוג.

דערנאך איז פארגעקומען א מסיבת לחיים בהיכל הביהמ"ד לרגל די שמחת הכנס"ת לע"נ רבותינו הק' זיע''א ולרגל שמחת התחלת כתיבת ספר תורה דורך קהלתינו הק' לכבודו פון רבינו שליט"א, מען האט געזינגען ניגוני דביקות התורה פאר א לענגערע צייט מיט גרויס התעוררות, עס האט אויפגעטרעטן הר"ר נחמן ברוך שיף שליט"א וועלכע האט ארויסגעברענגט די נחיצות פון פארענדיגן בית מדרשינו הגדול און זיך באדאנקט פאר די נגידים און נדבנים פון חוץ לארץ ובפרט הרה"ח ר' יואל בערנאטה הי"ו פון קר"י חבר וועד קרן הבנין וועלכע ארבעט בלב ובנפש צו שאפן די גרויסע געלטער לפאר ולרומם בית מדרשינו הגדול.

ביים לחיים האט זיך אויך משתתף געווען כ''ק אדמו"ר מטשערנאבל שליט"א, דער רבי האט אים מכבד געווען מיט לחיים און מאציל געווען מברכת קדשו און ביים סוף ארויסבאגלייט.

דער רבי האט אריינגעשריבן די ערשטע אותיות אינעם ספר תורה, געטרינקן לחיים און משמיע געווען ברכת הקודש און אנגעוואונטשן פארן גאנצן ציבור.

מען האט געענדיגט ארום 9:30 און דער רבי איז אהיים לבית האכסניא אין שטוב פון הרה"ח ר' יצחק ברוך אילאוויטש ע"ה ווי עס איז פארגעקומען זמני כניסה בקו''פ פאר אנ''ש תושבי בני ברק ווי עס האבן זיך געשלענגלט א לאנגע שורה לויט א ספעציעלע סדר להפקד בדבר ישועה ורחמים.

צווישן אנדערע זענען אריין בקו''פ עטליכע מזקני הרבנים הגאונים ראשי הכולל פון כולל חלקת יעקב ברייש וועלכע האבן איינגעלאדענט רבינו שליט"א צו קומען אין כולל משמיע זיין א שיעור סוגיא ופלפול און דערביי האט זיך פארצויגן א שיינער שמועס און דער רבי האט זיי מאציל געווען מברכות קדשו.

אויך איז אריין בקו''פ אחד מאנ"ש וועלכע האט אריינגעברענגט פאר רבינו שליט"א א באטל אויל וועלכע איז טבל און עס מזכה געווען פאר רבינו שליט"א אז דער רבי זאל קענען אפשיידן תרומות ומעשרות פון א אייגענע אייגענטום, דער רבי האט עס קונה געווען כהלכה און דערנאך געמאכט א ברכה בשם ומלכות און אפגעשיידט תרומות ומעשרות כהלכה און זיך שטארק באדאנקט פארן געבן די זכיה און ווארעם מאציל געווען מברכת קדשו.

אויך זענען אריין בקו"פ א קבוצה עלטערן מאנ"ש וועמענס קינדער זענען אין א סכנה צוליב די ביטערע גזירת הגיוס נאכן באקומען א צו גיוס פון די ציוניסטישע ממשלה, רבינו שליט"א האט משמיע געווען הדרכה און געוואונטשן ברכות קדשו אז מען זאל ניצל ווערן פון די גזירה גרינגערהייט.

 ארום 11:15 האט דער רבי געדאווענט מעריב בבית האכסניא, בעל תפילה: הב' ב"ר אנטשיל אילאוויטש הי"ו.

נאך מעריב האט דער רבי ממשיך געווען אויפצונעמען אנשי שלומינו ביז ארום 12:30 אזייגער.

▫️ סאטמארע נייעס 🌴 ▫️

מסע הקודש פון כ''ק רבינו הגה''ק שליט''א קיין ארה''ק - שב''ק באתרא קדישא מירון

זונטאג ויצא - מירון - אור הגנוז - בני ברק 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית בבית האכסניא ארום 9:15, בעל תפילה: משב"ק הרה"ח ר' שלמה זלמן שטיין הי"ו.

נאכן דאווענען איז פארגעקומען בבית האכסניא א ברית לבן הנולד אצל ר' יואל יצחק ווייס הי"ו (בני ברק), ווי דער רבי איז געווען סנדק.
נאכן ברית איז פארגעקומען א מסיבת לחיים.

ארום 12:45 האט דער רבי פארלאזט בית האכסניא אין מירון, ווי אויפן וועג ארויס האבן אפגעווארט אויסגע'שורה'ט תלמידי מוסד חסד לאברהם סניף מירון וואס שטייט בנשיאות האדמורי''ם מסקולען שליט''א, דער רבי האט ווארעם באגריסט די תלמידים און די תלמידים האבן געזינגען עטליכע ניגונים און באגלייט רבינו שליט"א בשירה וזמרה.
פון דארט איז דער רבי אריבער אויף א באזוך ביי האדמו"ר הגה"צ ר' רפאל אבוחצירא שליט"א נשיא מוסדות מאיר עיני ישראל בבית מדרשו 'מאור אליעזר' אין מירון, עס האט זיך פארצויגן א שיינע שמועס איבער קדושת המקום וקדושת התנא האלקי רבי שמעון בר יוחאי, ער האט מכבד געווען רבינו שליט''א מיט לחיים און דער רבי האט אים מאציל געווען מברכות קדשו און האט געגעבן פאר רבינו שליט"א די ספרים פון זיין זיידן ז"ל וואס ער האט מו"ל געווען און ער האט ארויסבאגלייט רבינו שליט''א בידידות רב.

ארום 1:45 איז דער רבי אנגעקומען צום דערנעבנדיגן ישוב אור הגנוז ווי עס איז פארגעקומען דער מעמד הנשגב פון 'הפרשת תרומות ומעשרות' אינאיינעם מיט שרי התורה חברי הביד"צ וחברי ועד הכשרות של העדה החרדית ירושלים עיה''ק, ביי די אייגנטומערשאפט פונעם אור הגנוז וויין פירמע, וועלכע געפונט זיך אונטער די מהודר'דיגע השגחה פונעם ועד הכשרות שע"י העדה החרדית.
דער רבי האט זיך באגריסט מיט די אנוועזנדע רבנים, הגה"צ ר' מרדכי שיינבערגער שליט"א רב הישוב, און מיט די חברי הבד"ץ העדה החרדית הגאון הגדול ר' אברהם יצחק אולמאן שליט"א, הגאון הגדול ר' יודא פישער שליט"א, און די רבני ועד הכשרות הרה"ג ר' חיים יודא כהן שליט"א און הרה"ג ר' גבריאל נויפעלד שליט"א.
עס האט זיך פארצויגן א שיינע הלכה'דיגע שמועס איבער די פרטים און הלכות פון הפרשות תרומות ומעשרות, און דער רבי האט געמאכט די קנינים זוכה צו זיין אין די שליחות.
דער רבי איז אריין אין א זייטיגער שטיבל און אנגעטוהן א נייעם קאפטן פאר ברכת שהחיינו, דערנאך איז דער רבי צוגעגאנגען צו די פעסער וויין און מפריש געווען מיטן נוסח המקובל א טעפל וויין פאר תרומה, און ברגש קודש געמאכט די ברכה אקב"ו על הפרשת תרומות ומעשרות און געמאכט א שהחיינו בשם ומלכות בקול חנוק מדמעות.
דערנאך איז דער רבי צוריק ארויף אויף די בימה און געזאגט די נוסחאות המקובל און דערביי געעפענט דעם קראן ארויסצוגיסן די וויין לאיבוד פאר מעשר ראשון ותרומות מעשר כהלכה, און זיך ארויסגעלאזט אין א פייערליכן טאנץ בדמעות שליש אויפן ניגון 'והריקותי לכם ברכה עד בלי די' א לענגערע צייט.
עס האט אויפגעטרעטן הג"ר יצחק שלמה בלוי שליט"א ספרא דדיינא, און מכבד געווען הגה"צ רבי מרדכי שיינבערגער שליט"א רב הישוב אויפצוטרעטן, דער רב שליט"א האט מקבל פנים געווען רבינו שליט"א און ארויסגעברענגט די שמחה פונעם גאנצן שטעטל מיט די באזוך פון רבינו שליט"א און די השפעות קדושות וואס די מצוה וועט איבערלאזן פאר אלע איינוואוינער, דערנאך האט אויפגעטרעטן הגאון הגדול רבי אברהם יצחק אולמאן שליט"א חבר הבדי''צ און ארומגערעדט איבער די חשיבות פון די מצוה וואס ווערט געברענגט אין די וואכעדיגע סדרה עשר עשרנו לך און איז משפיע השפעות קדושות און אנגעוואונטשן פאר רבינו שליט"א ברכות לרוב.
דער רבי האט געטרינקן לחיים אויף די וויין פונעם פאבריק און אנגעוואונטשן פארן גאנצן ציבור, און משמיע געווען דב"ק מיט התרגשות איבער די חשיבות פון די מצוה און די זכיה צו קענען מקיים זיין די מצוה פון הפרשת תרומה צום ערשטן מאל, און געזאגט "עס האט זיך געלוינט די גאנצע שפעזן נאר צו מקיים זיין די איין מצוה!" "איך בין מקנא דעם בעל היקב וועלכע האט די זכיה צו קענען מקיים זיין אזא מצוה, וואס אמאל האט מען געמיינט אז כתיבת ספר תורה איז די טייערסטע מצוה אבער היינט נאכן זען וויפיל וויין מען גיסט אויס זעט מען אז דאס איז סאך טייערער, און דאס איז נישט קיין איינמאליגע זאך נאר דאס איז יעדעס איינציגסטע יאר, טראץ וואס לויט רוב שיטות איז עס בזמן הזה נאר א דרבנן", און מסיים געווען מיט ברכות לרוב פאר די רבנים, תושבי העיר און פארן גאנצן ציבור און אנגעוואונטשן מען זאל בקרוב זוכה זיין צו קענען מקיים זיין אלע מצות התליות בארץ.

מען האט ממשיך געווען מיט ניגוני שמחה און דערביי האט דער רבי איבערגעגעבן פאר הגאון הגדול רבי אברהם יצחק אולמן שליט"א חבר הביד"צ, א טשעק מיט א ריזן סכום פון א מיליאן דאלאר פאר א חלוקה מיוחדת פון קרן הצלה וואס וועט פארקומען בימי חנוכה הבעל"ט. די פאנטאסטישע נתינה איז געברענגט געווארן לידי רבינו שליט"א דורך הנגידים החשובים מראשי קהלתינו בארה"ב ר' מנחם גרשון לעבאוויטש הי"ו ר' אברהם בראך הי"ו ר' יחזקאל דוד בערקאוויטש הי"ו ר' יואל עפשטיין הי"ו ר' שלום יצחק יאקאבאוויטש הי"ו און נאך אנדערע, הגאון הגדול רבי אברהם יצחק שליט"א האט זיך באדאנקט איבערראשטערהייט און גאר ווארעם אנגעוואונטשן ברכות לרוב פאר רבינו שליט"א און פאר די נגידים החשובים. איידער מ'האט געענדיגט דעם מעמד האט הגאון ר' אברהם יצחק שליט"א זיך באדאנקט פאר רבינו שליט"א אויף זיינע דרייסטע שריט צוריק צושטעלן דעם מעמד החופה ביי שמחות אנ"ש צום אמאליגן פארצייטישן שטייגער און דער רבי האט געזאגט פארן רבין אז דער פראבלעם איז דא לעצטענס אויך אין אר"י און דורכן רבינס שריט וועט די השפעה זיין אין ארה"ק אויך. מען האט געענדיגט ארום 3:00 און דער רבי האט ממשיך געווען דעם וועג קיין בני ברק.

דער רבי איז אנגעקומען קיין בני ברק ארום 5:00 און תיכף צוגעפארן צום בנין המפואר והחדש בית חינוך לבנות - בית פיגא, שע"י מוסדותינו הק'.
דער רבי איז אריין און זיך אומגעקוקט אויפן פראכטפולן בנין בית חינןך לבנות מיט קענטיגע התפעלות, און ארויף אויפן צווייטן שטאק ווי דער רבי האט געדאווענט מנחה, בעל תפילה: הרה"ח ר' זלמן לייב קאפעל הי"ו (קר"י), און נאך מנחה האט דער רבי קובע געווען א מזוזה אויפן הויפט אריינגאנג און דערנאך ארומגעגאנגען זיך אומקוקן אויף אלע שטאקן.
דערנאך איז פארגעקומען א מסיבת לחיים אינאיינעם מיט די נדבני בוני הבנין. עס האט אויפגעטרעטן הרה"ג ר' שלמה שבתי קעסטענבוים שליט"א מרבני קהלתינו וומסב''ג און הרה"ח ר' ידידי' קלאגסברוין הי"ו לכבודו פון אביו הרה"ח ר' שלמה משה הי"ו נדבן שם הבנין.
דער רבי האט געטרינקן לחיים און אנגעוואונטשן פארן גאנצן ציבור, און משמיע געווען דב"ק מיט התרגשות איבער די שמחה פון באנייען דעם בנין נאך קרוב צו צוועלעף יאר הארוואניע, און ארומגערעדט איבער די שאיפה פון רביה"ק בעל דברי יואל זיע''א צו בויען א בנין פאר די מיידל שולע אין בני ברק, און ווי שטארק רביה"ק זיע''א האט זיך געזארגט פארדעם עד כדי כך אז ערב יום הקדוש האט ער צוזאמגעשטעלט געלט פארדעם, און עס איז זיכער אז רביה"ק זיע''א איז מכיר טובה פאר אלע נדבנים און וועט משפיע זיין כל טוב פאר יעדעם איינעם בכל ענינים.
נאך די דב"ק זענען אלע נדבני ובוני הבנין איינציגווייז אריבער געגאנגען אפנעמען א פערזענליכע ברכת הקודש פון מרן רבינו שליט"א. מען האט געענדיגט ארום 6:45.

בורא עולם בקנין השלם זה הבנין

ארום 7:20 איז רבינו שליט"א אנגעקומען צום מעמד חנוכת הבית פונעם בנין המפואר והחדש, אינאיינעם מיט'ן סיום כתיבת האותיות, אינעם גיגאנטישן שאטער שע''י בית מדרשינו הגדול אין שיכון קרית יואל בני ברק יצ''ו.
עס האבן זיך משתתף געווען פילע אדמור"י ורבני העיר בני ברק צווישן אנדערע.
- האדמורי"ם ממאחניווקא בעלזא, דעעש, נאדבורנא, בוהוש, סלאנים, שבט הלוי, חוג חתם סופר, זלאטשוב, זוטשקא, זוטשקא אמסנא, ביטשקוב, ספינקא ב"ב, צאנז זמיגראד, סערעדנא, האסוקוב.
- הגאון רבי חיים יצחק אייזיק לאנדא שליט"א גאב"ד בני ברק.
- הגאון רבי שמואל אליעזר שטערן שליט"א רב מערב בני ברק.
- הגאון רבי משה שאול קליין שליט"א רב שכונת אור החיים.
- הגאון רבי יעקב מאיר שטערן שליט"א רב שכונת קהילת יעקב.
- הגה"צ רבי מרדכי געלבער שליט"א דומ"ץ מונקאטש, הגה"צ המשפיע רבי אלימלך בידערמאן שליט"א.

דער יושב ראש הרה"ג ר' שלמה שבתי קעסטענבוים שליט"א מרבני קהלתינו וומסב''ג האט געעפענט דעם מעמד און אויסגערופן הרה"ח ר' מאיר הירש הי"ו מראה"ק בקר"י, וועלכע האט אראפגעלייגט די השתלשלות פון די הקמת ובניית הבנין בית החינוך לבנות "בית פיגא", דערנאך האט אויפגעטרעטן הרה"ח ר' מאיר יעקב אינדיג הי"ו מנדבני הבנין וואס האט יעצט אויך מנדב געווען דעם מעמד חנוכת הבית לע"נ אביו ז"ל, און האט ארויסגעברענגט זיינע הרגשים בשם די נדבני ובוני הבנין, און דערנאך האט הרה"ח ר' מרדכי דוד עסטרייכער הי"ו פארגעזינגען ספעציעלע חרוזים לכבוד המאורע.
דערנאך האט אויפגעטרעטן הגאון הגדול ר' שמואל אליעזר שטערן שליט"א רב מערב בני ברק וועלכע האט מקבל פנים געווען כ"ק רבינו שליט"א בשם די הלות הקודש אין בני ברק און האט מאריך געווען בשבח קהלתינו הק' אין בני ברק.

דערנאך איז פארגעקומען א סיום כתיבת ספר תורה פאר די ספר תורה וואס איז געשריבן דורך חברי קהלתינו הק', מען האט געזינגען ניגוני התעוררות ודביקות התורה א לענגערע צייט, דער רבי האט זיך געוואשן די הענט, און אריינגעשריבן די לעצטע אותיות אינעם ספר תורה.
דער רבי האט געטרינקן לחיים און אנגעוואונטשן פאר די אנוועזנדע רבנים שליט"א און פארן גאנצן ציבור און משמיע געווען דב"ק און נאך די דברי אגדה ומוסר על פרשת השבוע מעורר געווען בעניני צניעות ביי נשים, און מאריך געווען בשבח פון קהלתינו הק' אין בני ברק וועלכע האט זיך פארברייטערט בכמות ובאיכות ובפרט מיטן נייעם בנין פאר חינוך הבנות, און דערמאנט לשבח די חשוב'ע נדבנים ובראשם הרה"ח ר' שלמה משה קלאגסברוין הי"ו.
דערנאך האט דער רבי ארומגערעדט איבער די ביטערע גזירה פון גיוס בני ישיבות און אויסגעשריגן די ווייטאג אז יש אומרים אז דא אין בני ברק וועבן זיך פלענער צו מאכן פשרות אין דעם ענין רח"ל, חלילה וחלילה צו מפקיר זיין אידישע נפשות צום מיליטער וואס כל באי' לא ישובין, און גערעדט איבער די קליפות הציונית און מעורר געווען נאר צו רעדן אין די אידישע שפראך.
דער רבי האט ארויסגעברענגט די שמועות טובות וואס מען הערט כסדר פון קהלתינו הק', און מעורר געווען צו זיין מעלין בקודש און מוסיף זיין כוחות און אלע ענינים און ממשיך געווען מיט לענגערע דברי הדרכה, ביים סוף האט דער רבי דערמאנט די חשובע אורחים פון חו"ל וועלכע האבן באזוכט מוסדותינו הק' מען זאל ווייטער שטיצן די מוסדות ברוח נדיבה צו קענען אויסהאלטן די גרויסע הוצאות און דערמאנט לשבח הרה"ח ר' מאיר הירש הי"ו וועלכע האט גענומען אויף זיך די עול צו אויסצאלן די כלי קודש פאר יו"ט פסח און פאר יו"ט סוכות, און מסיים געווען מיט ברכות לרוב פארן גאנצן ציבור.

נאך די דב''ק איז דער רבי געגאנגען הגבה און געטאנצן מיטן אפענעם ספר תורה, מיט גלילה איז מכובד געווארן הרה"ח ר' יצחק אייזיק ווייס הי"ו מגדולי נדבני הס"ת, דערנאך האט זיך דער רבי אויפגעשטעלט און זיך ארויסגעלאזט אין א פייערליכן טאנץ א לענגערע צייט.
מען האט געענדיגט ארום 10:30 און דער רבי איז אריין בבית מדרשינו הגדול אין שיכון צו תפילת מעריב, בעל תפילה: הרה"ח ר' יוסף לייב יאזשעף הי"ו.

נאך מעריב איז דער רבי אריין אין א כיתה אינעם בנין התלמוד תורה ווי עס איז פארגעקומען א אסיפה מיט נגידים לטובת בנין בית מדרשינו הגדול ות''ת אין בני ברק, עס האט אויפגעטרעטן הרה"ח ר מאיר הירש הי"ו, דער רוח החיים פונעם קרן הבנין הרה"ח ר' יואל ב"ר שמשון שווארטץ הי"ו פון וומסב''ג און הרה"ח ר' יצחק אייזיק ווייס הי"ו חבר וועד קרן הבנין פון בני ברק.
דער רבי האט געטרינקן לחיים און משמיע געווען דב"ק איבער די נחיצות פון איבערבויען און פארענדיגן בית מדרשינו הגדול און געבעטן די חשובע נגידים צו זיכער מאכן אז געלט זאל נישט זיין קיין אפהאלט און מסיים געווען בברכת קדשו.

דערנאך איז דער רבי אהיים לבית האכסניא אין שטוב פון הרה"ח ר' משה חיים ווייס הי"ו מנהל המוסדות.

שפעט ביינאכט בבית האכסניא איז דער רבי איבערגעגאנגען די רשימות פון אלע כלי קודש און יושבי אוהל פון קהלתינו ומוסדותינו הק' אין ארה''ק ירושלים, בני ברק, בית שמש, מלמדים, מנהלים, מגידי שיעור, לערערינס און די הונדערטער אברכי הכולל, און מסדר געווען די צדקות פון עניי ארץ ישראל וואס דער רבי האט מיטגעברענגט וואס איז צוזאמגעשטעלט געווארן דורך די שלוחי רבינו תלמידי המתיבתא, וואס איז אויסגעטיילט געווארען אין די פאלגענדע צוויי טעג דינסטאג און מיטוואך וואס איז אהנגעקומען צום ריזן סכום פון קרוב צו א האלב מיליאן דאלאר.

▫️ סאטמארע נייעס 🌴 ▫️