סאטמארע נייעס

מאנטאג פרשת נצבים ב' סליחות 'בצל הקודש' פון כ''ק מרן רבינו הגה''ק שליט''א

ארום 5:45 איז רבינו שליט''א אריין געקומען צו אמירת סליחות אין ביהמ''ד הגדול. בעל תפלה: הרה"ג ר' ארי' דוב קארנבלי שליט"א ראש ישיבה גדולה שיעור ד'. מען האט געענדיגט ארום 6:30, און דער רבי איז אהיים לביתו נאוה קודש.

אינדערפרי איידער תפילת שחרית איז פארגעקומען די ברית'ן.
לבן הנולד אצל ר' זלמן לייב יאזשעף הי"ו, ווי דער רבי איז געווען סנדק.
לבן הנולד אצל ר' זלמן לייב שטיין הי"ו, ווי דער רבי איז געווען סנדק.

רבינו שליט''א האט געדאווענט שחרית אין ביהמ''ד הגדול. פאר'ן דאווענען האט דער רבי תפילין געלייגט פאר'ן בר מצוה בחור ב"ר משה מארקאוויטש הי"ו.

ביים ליינען האט דער רבי עולה געווען שלישי. און נאכן דאווענען געבלאזן שופר, דערנאך איז פארגעקומען א לחיים מיט'ן בר מצוה בחור בחדרו הפרטי.

אזוי אויך זענען אריין בקו'''פ בחדרו הפרטי תלמידי ישיבתינו הק' ישיבה קטנה 'דרכי התורה' במאנסי בהנהלת הרה''ג ר' שאול יחזקאל פערלשטיין שליט"א, ווי זיי האבן זיך געשטעלט אויפן פארהער אויף מסכת גיטין בע"פ, דער רבי האט פארהערט די בחורים א לענגערע צייט מיט א קענטיגע קורת רוח, און דערנאך פארטיילט כתבים פאר די בחורים, ומאציל געווען מברכות קדשו.

זמני כניסה בקודש פנימה איז געווען פון 5:45 נאכמיטאג ביז אום 11:45 אויפדערנאכט, בביתו נאוה קודש אויף איהעל קט.

ארום 7:40 האט דער רבי געדאווענט מנחה בביתו נאוה קודש.

בעת די זמני כניסה איז געווען אויף א באזוך בקו'''פ כ''ק אדמו"ר מאמשינוב ארה"ב שליט"א מקבל זיין ברכות הקודש לרגל דאס זיך אריבערציען קיין ארה"ב, עס האט זיך פארצויגן א שיינע שמועס, און דער רבי האט מאציל געווען מברכות קדשו לקראת השנה החדשה, להיכתב ולהיחתם בספרן של צדיקים לאלתר לחיים טובים.
אים 11:45 האט רבינו שליט"א געדאווענט מעריב בביתו נאוה קודש.

▫️ סאטמאר'ע נייעס 🌴 ▫️

זונטאג פרשת נצבים א' סליחות 'בצל הקודש' פון כ''ק מרן רבינו הגה''ק שליט''א

ארום 5:20 פארטאגס איז רבינו שליט''א אריינגעקומען צו אמירת סליחות בביהמ"ד הגדול.
דער ביהמ"ד הגדול מיט אלע אירע היכלים און קארידארן זענען געווען איבערגעפילט מלא על כל גדותיו.
רבינו שליט''א האט יורד געווען לפני התיבה בהתעוררות רב, מעוטף אינעם טלית און קאפל פון רביה''ק בעל דברי יואל זיע''א, מאוצרו פון הרה"ח ר' אברהם משה פאלקאוויטש הי"ו, און פארגעזאגט אין א סליחות פון רביה''ק בעל דברי יואל זיע''א, מען האט געענדיגט ארום 6:25, און דער רבי איז אהיים לביתו נאוה קודש.

אינדערפרי איידער תפילת שחרית איז פארגעקומען א ברית לבן הנולד אצל ר' חיים פאלקאוויטש הי"ו, ווי דער רבי איז געווען סנדק ומוהל.

רבינו שליט''א איז אריינגעקומען צו שחרית אין ביהמ"ד הגדול. פארן דאווענען האט דער רבי תפילין געלייגט פאר די פאלגענדע בר מצוה בחורים.
ב"ר יעקב שלום הכהן טרעגער הי"ו.
ב"ר יואל פרידריך הי"ו.
ב"ר משה מתתי' מערץ הי"ו.
נאכן דאווענען האט דער רבי געבלאזן שופר, דערנאך איז פארגעקומען א לחיים מיט די בר מצוה בחורים בחדרו הפרטי.

זמני כניסה בקודש פנימה איז געווען פון 5:45 נאכמיטאג ביז אום 11:30 אויפדערנאכט, בביתו נאוה קודש אויף איהעל קט.

רבינו שליט"א האט געדאווענט מנחה ארום 7:40 און תפילת מעריב ארום 10:45 בביתו נאוה קודש, און דערנאך ווייטער ממשיך געווען אויפצונעמען דעם ציבור.

▫️ סאטמאר'ע נייעס 🌴 ▫️

מוצש''ק 'בצל הקודש'

מוצ"ש זענען אריין בקו''פ בביתו נאוה קודש א קבוצה בחורים תלמידי ישיבה גדולה סניף קדושת יואל אינאיינעם מיטן מנהל הגה''צ ר' קלמן האלבערשטאם שליט''א אב''ד צאנז קר''י, מקבל זיין ברכות קדשו לקראת די נסיעה לקברי רבותינו הקדושים באייראפע, דער רבי האט אויסגעפרעגט די פרטי הנסיעה און משמיע געווען דברי הדרכה, דערנאך זענען די בחורים אריבער נעמען ברכות קדשו פון רבינו שליט''א.

ארום 11:30 איז פארגעקומען בביתו נאוה קודש די מעמד חלוקת הוספות התמיכה פאר עטליכע חבורות רבני מבצר הכוללים בקר''י, וועלכע האבן זיך פארהערט אויף פארשידענע מקצועות, בנדבת הרה''ח ר' משה יעקב יוסף בראך הי"ו.
ביים מעמד זענען אויך אנוועזנד געווען הגאון הגדול הדומ"ץ שליט"א, און הגה"צ אבד''ק מאנסי שליט"א וועלכע האבן פארהערט די רבני הכולל, אזוי אויך די ראשי והנהלת הכולל, און דער רבי האט פארטיילט די גרויסע סכומים פאר די אינגעלייט, דערנאך האט דער רבי געטרינקן לחיים און ווארעם אנגעווינטשן פארן חשובן נדבן הרה"ח ר' משה יעקב יוסף הי"ו.

▫️ סאטמאר'ע נייעס 🌴 ▫️

שב"ק פרשת כי תבוא 'בצל הקודש' פון כ"ק מרן רבינו הגה"ק שליט"א.

פרייטאג צונאכטס ארום 7:40 איז רבינו שליט''א אריינגעקומען אין ביהמ"ד מעוטף בטליתו און צוגעגאנגען צו מנחה. קבלת שבת: הרה"ח ר' דוד יודא זילברשטיין הי''ו.

מען האט געענדיגט דאווענען ארום 9:15. דער עולם אריבער געגאנגען גוט שבת זאגן, און רבינו שליט''א איז אריין לחדרו הפרטי.

א קורצע צייט נאכן דאווענען איז רבינו שליט''א אריינגעקומען צום שלחה"ט בהיכל השלחנות אינאיינעם מיט די תלמידי המתיבתא, און אנגעהויבן כדרכו בקודש 'שלום עליכם' ברגש ובנעימה.

אשת חיל: נכד רבינו הב' מאיר אליעזר בן הגה''צ רב דביהמ''ד ברך משה שליט''א, הגבהת הכוס לקידוש: הרה''ג ר' נפתלי צבי בראדי שליט''א (בני ברק).

מיט די זמירות האט רבינו שליט''א מכבד געווען. כל מקדש: הרה''ח ר' אליעזר דוב כהן הי''ו (בני ברק), מנוחה ושמחה: הרה"ח ר' שרגא ענגעל הי''ו (בני ברק).

רבינו שליט''א האט געזאגט תורה אויפן פסוק 'ולקחת מראשית כל פרי האדמה' און געטיישטש אז מיטן כח פון מצות מילה וואס מיינט קבלה במסירת נפש איז מען זוכה צו שכר בעולם הבא בלי קצבה.

קה אכסוף: הרה''ח ר' מרדכי מיטטעלמאן הי''ו (וומסב''ג), ברכהמ"ז: הרה''ג ר' נפתלי צבי בראדי שליט''א (בני ברק).

עובדות וסיפורים די וואך האט רבינו שליט''א דערציילט פון הרה''ק ר' מרדכי דוב האראנסטייפלער זיע"א, וואס די יארצייט איז געפאלן היינט זונטאג כ''ב אלול. קה רבון עלם: הרה''ח ר' יוסף יחיאל ברייטשטיין הי''ו (בית שמש).

די פרישע חתנים זענען אדורך נעמען פירות, אז ביום השביעי: הרה''ג ר' אברהם וואלף פריעדמאן שליט"א. מען האט געענדיגט ארום 12:35.

וביום השבת קודש

שב"ק צופרי איז רבינו שליט''א אריינגעקומען 9:40. פסוקי דזמרה: הרה''ח ר' שלמה ברוך בר''מ טייטלבוים הי''ו, צו שחרית איז רבינו שליט''א צוגעגאנגען.

הוצאה והכנסה: הרה"ח ר' שמעון פריעדמאן הי"ו, פסוקי שמע ישראל: הרה''ג ר' יואל שטיין שליט"א מו''ץ בקהלתינו וחבר הביד"צ דהתאקה"ח לאנדאן.

עליות. כהן: החתן ב"ר יואל כהן הי"ו, לוי: הרה"ח ר' מענדל קלאגסברוין הי"ו (וומסב''ג), שלישי: החתן ב"ר דוד יודא זילבערשטיין הי"ו, רביעי: הרה"ח ר' אברהם ווידער הי"ו, חמישי: הרה"ח ר' מאיר ווערטהיימער הי"ו, שישי: רבינו שליט''א, שביעי: הרה"ח ר' יצחק ערענפעלד הי"ו, אחרון: נכד רבינו הרב ליפא טייטלבוים שליט"א בן הגה"צ רב דביהמ"ד ברך משה שליט"א, מפטיר: הרה"ח ר' צבי עקיבה ברייטשטיין הי"ו מנהל מוסדותינו בית שמש, הגבה: הרה"ח ר' וואלף שווארטץ הי"ו (וומסב''ג), גלילה: הרה"ח ר' יואל בר"ד כהן הי"ו.

מוסף: הרה''ח ר' יעקב מיטטעלמאן הי''ו, פתיחה לאנעים זמירות: הרב חיים מאיר שטיין נכד האדמו''ר מוויזניץ ירושלים שליט''א. מען האט געענדיגט ארום 12:30.

רעוא דרעווין

צו מנחה ושל"ש איז רבינו שליט''א אריינגעקומען אין ביהמ''ד ארום 7:30. מנחה: הר''ר חיים אלישע גראסמאן הי''ו, הוצאה והכנסה: הרה"ח ר' מרדכי שמעי' קויפמאן הי"ו, כהן: הרה''ח ר' יצחק אליקים שווארץ הי''ו, לוי: ר' חיים אלעזר היימליך הי''ו, שלישי: הר''ר מרדכי ארנסטר שליט''א (ירושלים), הגבה: רבינו שליט"א, גלילה: הרה''ח ר' משה שווארץ הי''ו (וומסב''ג).

זמירות ביי של"ש האט רבינו שליט"א מכבד געווען. אודה: הרה''ח ר' נח גפן הי''ו, שיר המעלות: הרה"ח ר' משה גאלדשטיין הי"ו.

ביי די תורה האט זיך רבינו שליט"א געשטעלט אויפן פסוק 'יקומך ה' לו לעם קדוש' און געטיישטש אז אין חודש אלול איז אלעס מיוחד אויפן ענין פון תפילה אסאך מאל איז אבער די בחינה סגר עליהם המדבר עס איז שווער ארויסצוזאגן ריכטיג דבורים פארן הייליגן באשעפער, איז אבער די עצה גניחי גניח ילולי ילול, דער הייליגער באשעפער פארשטייט וואס עס מיינט א קרעכץ פון א אידיש הארץ א טרער פון א איד'ס אויג, דאס איז אבער נאר אויב מען פירט זיך בקדושה, אבער מיטן כח פון שבת וואס איז משפיע קדושה אויף אידן איז מען אויך זוכה צו דעם. און מאריך געווען בבכיות דער אייבערשטער זאל העלפן עס זאל זיין יקומך ה' לו לעם קדוש מען זאל נישט קענען שלעכטס טוען דעם הייליגן חינוך לבנים ולבנות, יקומך ה' לו לעם קדוש איז א הבטחה אז אידן וועלן בלייבן א הייליג פאלק און מען וועט נישט משנה זיין גארנישט אפילו קיין זיז כל שהו אפילו ווען עס איז שווער, און מסיים געווען בברכות לרוב עס זאל זיין תכלה שנה וקללותיה תחל שנה וברכותיה און א כתיבה וחתימה טובה פאר גאנץ כלל ישראל.

ידיד נפש: הרה''ח ר' וואלף שווארץ הי''ו, קל מסתתר: הרה''ח ר' משה שווארץ הי''ו. דער רבי שליט''א האט געבענטשט אויפן כוס און געזאגט שבע ברכות.

מעריב מוצ"ש: הרה''ח ר' הירצקא קאהן הי''ו. נאך הבדלה איז מען אריבער זאגן א גוטע וואך. מען האט געענדיגט ארום 10:05.

▫️ סאטמאר'ע נייעס 🌴 ▫️

דאנערשטאג פרשת כי תבא 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית לבן הנולד אצל ר' אברהם צבי עזריאל שעהר הי"ו, ווי דער רבי איז געווען סנדק ומוהל.

רבינו שליט''א האט געדאווענט שחרית בהיכל המתיבתא סניף ברך משה. פארן דאווענען האט דער רבי געלייגט תפילין פאר די פאלגענדע בר מצוה בחורים.
ב"ר יעקב ישראל קטינא הי"ו.
ב"ר אלי' רייזמאן הי"ו.
ב"ר דוד יודא מאנדעל הי"ו.
ביים ליינען איז דער רבי געגאנגען הגבה. און נאכן דאווענען געבלאזן שופר.

נאכן דאווענען זענען אריין בקו'''פ בחדרו הפרטי די מציונים תלמידי הישיבה סניף ברך משה וואס האבן זיך פארהערט אויף גאנץ מסכת בבא בתרא בעל פה, און דער רבי פארטיילט א ספר תהילים פאר אלע בחורים מיט וואס דער רבי האט זיך באנוצט במשך די לעצטערע וואכן. דערנאך איז פארגעקומען א לחיים מיט די בר מצוה בחורים בחדרו הפרטי.

ארום 1:00 איז דער רבי צוריק אריינגעקומען בהיכל המתיבתא סניף ברך משה ווי דער רבי האט פארגעלערענט דעם פינפטן סוגיא שיעור און די סוגיא פון 'אין שליח לדבר עבירה' און בעפארברייטונג צום דרשת שבת שובה, נאכן שיעור איז פארגעקומען א מסיבת לחיים לרגל סיום הזמן, מען האט געזינגען ניגונים, דער רבי האט געטרינקן לחיים און אנגעווינטשן פאר די רמ"י הישיבה און אלע בחורים, און משמיע געווען דברות קודש והדרכה לימי בין הזמנים. מען האט געענדיגט ארום 1:45.

זמני כניסה בקודש פנימה איז געווען פון 6:15 נאכמיטאג ביז אום 1:00 אויפדערנאכט, בביתו נאוה קודש אויף איהעל קט.

רבינו שליט''א האט געדאווענט מנחה ארום 7:50, און תפילת מעריב ארום 1:00 בביתו נאוה קודש.

▫️ סאטמארע נייעס 🌴 ▫️

מיטוואך פרשת כי תבוא 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית אין ביהמ"ד עצי חיים סיגוט אין וומסב''ג, דער רבי האט געלייגט טו"ת אין ביהמ"ד, און נאכן דאווענען געבלאזן שופר.

אין די נאכמיטאג שעה'ן איז רבינו שליט''א אריינגעפארן קיין בארא פארק צו די זמני כניסה לקראת הימי הרחמים והרצון.

ביים אנקומען אין בארא פארק איז דער רבי אריבער אין שטוב פון בנש"ק הרה"ח ר' מנשה הלוי הורוויץ הי"ו, ווי עס איז פארגעקומען א כתיבת האותיות פאר די ס''ת וואס ווערט אריינגעגעבן דעם פרייטאג נאכמיטאג צו ביהמ"ד ריגליץ אין בארא פארק, דער רבי האט אריינגעשריבן די אותיות, און געטרינקן לחיים ומאציל געווען מברכות קדשו.

פון דארט איז רבינו שליט''א אריבער אויף ניחום אבלים ביי משפחת המנוח הרה"ח ר' זלמן לייב ראזענפעלד ע"ה.

נאכמיטאג ארום 6:40 איז רבינו שליט''א אנגעקומען בבית מדרשינו הגדול, ווי עס איז געווען זמני כניסה בקודש פנימה, און איז גלייכצייטיג פארגעקומען צוזאמען מיט די יערליכע מסיבה לטובת קופת רבינו - אבני חסד, ווי די חשוב'ע נדבנים האבן געהאט די זכי' אריין צו גיין אל הקודש פנימה איבער געבן זייער נדבה.

ארום 7:50 האט דער רבי געדאווענט מנחה בהיכל הביהמ"ד.

צווישן די הונדערטער אנ"ש תושבי בארא פארק וועלכע זענען אריין אל הקודש פנימה להפקד בדבר ישועה ורחמים, האבן זיך אנגעזען, רבני ודייני קהילתינו און צענדליגער רבני העיר וראשי ישיבות ונכבדי העדה. צווישן אנדערע: הגה"צ רב דקהלתינו ב"פ שליט"א, כ"ק אדמו"ר מסעדערהעלי שליט"א, כ"ק אדמו"ר מפאפא ב"פ שליט"א, הגה"צ אב"ד בריזדאוויץ שליט"א אינאיינעם מיט בנו הגה"צ אב"ד ראדאוויץ שליט"א, הרה"ג ר' יוסף מאיער שליט"א ר"י מאור התורה און נאך.
עס האט זיך פארצויגן שיינע שמועס'ן און דער רבי האט מאציל געווען מברכות קדשו.

אזוי אויך איז פארגעקומען א כתיבת האותיות פאר די ספר תורה וואס ווערט געשריבן דורך ר' שמואל יונה שלעזינגער הי"ו, ווי דער רבי האט אריינגעשריבן די אותיות ומאציל געווען מברכות קדשו.

רבינו שליט''א האט געדאווענט מעריב ארום 12:50 בהיכל הביהמ"ד, און דערנאך ווייטער ממשיך געווען אויפצונעמען דעם ציבור, ביז ארום 1:30 ווען דער רבי האט זיך ארויסגעלאזט לביתו נאוה קודש אין ק"י.

▫️ סאטמאר'ע נייעס 🌴 ▫️

דינסטאג פרשת כי תבוא 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית לבן הנולד אצל ר' יואל שלמה זלמן כ"ץ הי"ו, ווי דער רבי איז געווען סנדק ומוהל.

רבינו שליט''א האט געדאווענט שחרית אין ביהמ"ד רב טוב אינאיינעם מיט תלמידי ישיבה גדולה עסק התורה סניף מאנסי.

ביים אנקומען אין ביהמ''ד האט דער רבי געהערט א באריכט פונעם בוי מייסטער און פון די גבאים איבער די הרחבת גבולי הקדושה און איבער די עפענונג פונעם מקוה המפואר דעם מיטוואך, און די חדרי התפילה וואס וועט אנהייבן מיט מנינים שחרית מנחה און מעריב בימי החול.

פארן דאווענען האט דער רבי געלייגט תפילין פארן בר מצוה בחור ב"ר דוד ישעי' ווייסמאן הי"ו.

נאכן דאווענען האט דער רבי געבלאזן שופר, דערנאך איז פארגעקומען א מסיבת לחיים וסיום הזמן, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פארן מנהל, ורמ"י הישיבה, און אלע בחורים, און דערנאך משמיע געווען דברות קודש לרגל סיום הזמן און ארויסגעברענגט בשבח פונעם ישיבה וואס האט קונה געווען א שם טוב, און מסיים געווען בדברי חיזוק וברכות קדשו פאר די בחורים. נאך די מסיבה האט דער רבי פארטיילט א מתנה פאר די תלמידי הישיבה א סעט פון ספר קדושת יואל.

נאכמיטאג איז רבינו שליט''א אריינגעפארן קיין וומסב''ג צו די וועכענטליכע זמני כניסה.
זמני כניסה בקודש פנימה איז געווען פון ארום 5:00 נאכמיטאג ביז אום 1:15 אויפדערנאכט בביתו נאוה קודש.

ארום 7:40 האט דער רבי געדאווענט מנחה, און תפילת מעריב ארום 11:05, און דערנאך ווייטער ממשיך געווען אויפגענומען דעם ציבור.

▫️ סאטמאר'ע נייעס 🌴 ▫️

מאנטאג פרשת כי תבוא 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית לבן הנולד אצל ר' מאיר פרידלענדער הי"ו, ווי דער רבי איז געווען סנדק ומוהל.

רבינו שליט''א האט געדאווענט שחרית אין ביהמ"ד הגדול, פארן דאווענען האט דער רבי תפילין געלייגט פאר די פאלגענדע בר מצוה בחורים.
ב"ר יצחק מרדכי כ"ץ הי"ו.
בן הרב אברהם יואל לאפלער שליט"א.
ב"ר יצחק גאלד הי"ו.

נאכן דאווענען איז פארגעקומען די שמחת הברית מילה פון נכד רבינו בן הנולד אצל הרב חיים שלמה הורוויץ שליט"א בן הגה"צ יקותיאל יהודה שליט"א דומ"ץ מכון להוראה, חתן הגה"צ אב"ד סיגוט שליט"א.
רבינו שליט''א איז געווען סנדק ומוהל. סנדק מעומד: דער זיידע הגה"צ אבד''ק בית אהרן שליט"א, ברכות: דער זיידע הרה"צ ר' ישראל דאכנער שליט"א. ויקרא שמו בישראל שלום דוב נאכן זיידן הגה''צ אב"ד מילדוי זצ"ל שווער פונעם זיידן הרה''צ ר' ישראל דאכנער שליט"א.

נאכן ברית איז דער עולם אריבער וואונטשן מזל טוב פאר רבינו שליט"א, דערנאך איז פארגעקומען די סעודת ברית מילה בהיכלי הפאליש, במשך די סעודה האבן אויפגעטרעטן בדברי תורה דער בעל שמחה אבי הבן שליט"א, און דער זיידע אב"ד סיגוט שליט"א. יום ליבשה האט דער רבי מכבד געווען נכדו הרב דוד טייטלבוים שליט"א,. דערנאך האט דער רבי משמיע געווען דברות קודש. מיט ברכהמ''ז האט דער רבי מכבד געווען דעם זיידן הגה"צ רבי יקותיאל יהודה שליט"א, און מיט די הרחמן'ס די בני משפחה. מ'האט געענדיגט ארום 1:30.

ארום 1:50 איז רבינו שליט''א אריינגעקומען בהיכל המתיבתא סניף ברך משה ווי דער רבי האט פארגעלערענט דעם צווייטן סוגיא שיעור און די סוגיא פון 'אין שליח לדבר עבירה' און בעפארברייטונג צום דרשת שבת שובה, מען האט געענדיגט ארום 2:30.
נאך סוגיא זענען אריין בקו''פ א קבוצה בחורים פון סניף ברך משה מקבל זיין ברכת קדשו צו די נסיעה למקומות הקדושים אין אייראפע.

נאכמיטאג איז פארגעקומען בביתו נאוה קודש די התחלת כתיבת ספר תורה וואס ווערט געשריבן דורך משפחת הרה''ח ר' יואל דאנציגער ע''ה, דער רבי האט אריין געשריבן די אותיות, און ארומגערעדט איבער די שערוריה פון די פסול'ע מזוזות און דערביי געוויזן פאר'ן סופר עטליכע פסול'ע מזוזות. דער רבי האט געטרינקן לחיים און מאציל געווען מברכות קדשו פארן אלמנה און די גאנצע משפחה.

זמני כניסה בקודש פנימה איז געווען פון ארום 6:00 ביז אום 1:00 אויפדערנאכט.

ארום 6:50 איז דער רבי אריבער אין ביהמ"ד הגדול צום הכנסת ספר תורה אריינגעגעבן דורך הרבני הנגיד ר' מאיר ווערטהיימער הי"ו, דער רבי האט איבערגענומען די ספר תורה פונעם נדבן און אפגעראכטן די ריקודי קודש, און דערנאך פארגעזאגט לדוד מזמור כנהוג.
ארום 8:10 האט דער רבי געדאווענט מנחה בביתו נאוה קודש אויף איהעל קט.

בעת די זמני כניסה איז געווען אויף א באזוך בקו''פ הגה"צ רבי חיים יהודה ליבוש באב"ד שליט''א ראש ישיבת תורת חסד לאנדאן, עס האט זיך פארמירט א שיינע שמועס בדברי תורה וחסידות, און דער רבי האט מאציל געווען מברכות קדשו.

רבינו שליט''א האט געדאווענט מעריב ארום 1:00 בביתו נאוה קודש.

▫️ סאטמאר'ע נייעס 🌴 ▫️