סאטמארע נייעס

ובכן צדיקים יראו וישמחו וישרים יעלוזו - ליל שמחת תורה

ארום 12:30 איז רבינו שליט''א אריינגעקומען אין ביהמ"ד צו תפילת מעריב ברוב עם הונדערטער חסידים ואנשי מעשה.
- בעל תפילה: הרה''ח ר' יעקב יוסף פילעפף הי''ו.
נאך מעריב איז דער רבי געגאנגן אין די פריוואטע מקוה שע"י ביהמ"ד הגדול.

אום 1:40 איז רבינו שליט"א אריינגעקומען אין ביהמ''ד מעוטף בטלית שאולה צו אתה הראית.
- פתיחת הארון: הרה''ח ר' יעקב הערש היימאן הי''ו (וומסב''ג).

אום 1:55 האט רבינו שליט''א אנגעהויבן די הייליגע עבודה מיטן טאנצן די געהויבענע הקפות.
רבינו שליט"א האט געזאגט פינף מאל תורה אינמיטן די הקדמה.
- ערשטע תורה: אויפן חרוז 'ידיד נפש אב הרחמן', דורך טאנצן שמחת תורה ווערט מען נקנה צו הקב"ה מיט קנין הגבהה, שמיני עצרת איז א יו"ט ע"ש העתיד, לעתיד גייט מען פסק'ענען ווי רבי שמעון אז אן עבד כנעני ווערט נקנה בהגבהה, טאנצט מען ריקודים של שמחה צו קענען נקנה ווערן צו הקב"ה מיט קנין הגבהה, און אויסגעפירט בבכיות מיט א תפילה צו הקב"ה אז עס זאל זיין ירוץ עבדך כמו איל און מען זאל קענען טאנצן די הקפות כדבעי און אזוי נקנה ווערן צו הקב"ה.
- צווייטע תורה: אויפן חרוז *'הדור נאה' וידבר משה א'ת מ'ועדי ה' א'ל ב'ני י'שראל, איז ר"ת אב"י אמ"י, מען האלט יו"ט שני של גליות צוליב מסורת אבות און אין דעם זכות קען מען מבטל זיין גזירות רעות, ביי די הקפות טרייבט מען ארויס די צדיקים פון גן עדן וויבאלד אויף יענע וועלט איז נישט דא קיין יו"ט שני, און אויסגעפירט אז די אבות ואמהות און די צדיקים אבותינו ורבותיה"ק זיע''א געפינען זיך דא יעצט ביי די הקפות און מען קען זיך אויסבעטן פון זיי אלעס וואס מען דארף.
- דריטע תורה: אויפן חרוז *'הגלה נא' פון מצות סוכה איז א ראי' אז כלל ישראל האט א דין בנים למקום במילא וועט הקב''ה מאכן תחיות המתים, ניצט תשובה און מען ווערט נישט נדחה, מיט די ריקודים של שמחה שמחת תורה בכל גופו ובכל איבריו קען מען מתקן זיין אלע איברים, נאך סוכות ווען עס איז א ראי' אז מען האט א דין בנים למקום און מען גייט אויפשטיין צו תחית המתים און נאר פארדעם ניצט תשובה, טאנצט מען שמחת תורה צו מתקן זיין אלע איברים.
- פערטע תורה: אויפן חרוז *'בראשית תורתך הקדומה' ווען אידן טאנצן הקפות שעות ארוכות לפנים משורת הדין איז הקב"ה מקיים מצות השבת אבידה לפנים משורת הדין ווען א מענטש טוט תשובה און ברענגט אים צוריק זיינע מצות און אזוי איז מען נאכדעם מבטל די עבירות.
- פינפטע תורה: אויפן חרוז *'הקל הגדול' ווען א מענטש הייבט אן זאגן קדושה טראכט ער צו זיך אז ווער בין איך צו זאגן קדושה פאר הקב"ה? זאל ער אבער טראכטן אז אנטקעגן הקב"ה זענען דאך די מלאכים אויך גארנישט און אז די מלאכים קענען זאגן שירה און קדושה קענען מיר אויך זאגן, די בחינה האט אברהם אבינו אונז אויסגעלערנט ווען ער האט מקרב געווען לאבינו שבשמים אלע עוברים ושבים און זיי אויסגעלערנט אז זיי זענען יא חשוב ביי הקב"ה צו קענען זאגן שירות ותשבחות.

מען האט געענדיגט די הקדמה ארום 4:20.
צוליב די שפעטע שעה האט דער רבי געטאנצן אנגעהויבן שוין פון די ערשטע הקפה נאר אויפן באלעמער און אפגעראכטן די ריקודין ביתר שאת מיט א געוואלדיגע התלהבות.
מען האט געענדיגט טאנצן די הקפות ארום 5:25.

נאך די הקפות האט רבינו שליט''א פארגעזאגט שמע ישראל ה' מלך און די אנדערע פסוקים.
- פסוקי שמע ישראל ובעל קורא: הרה"ח ר' יודל ווערצבערגער הי''ו.
עליות.
- כהן: הרה''ח ר' אלי' שאול כ''ץ הי''ו (ב''פ).
- לוי: הרה"ח ר' יוסף לעווי הי"ו (וומסב''ג).
- שלישי: רבינו שליט"א.
- הגבה: הר''ר חיים ישראל קלאגסבאלד שליט''א (לאנדאן).
- גלילה: ר' שמואל בענעדיקט הי"ו (מאנטשעסטער).
מען האט געענדיגט ארום 5:35, און דער רבי האט געוואונטשען א גוט יו"ט פאר'ן גאנצן ציבור בצהלות פניו.

דער רבי איז אריין לחדרו הפרטי אין ביהמ''ד הגדול און קידוש געמאכט און אפגעראכטן די סעודת יו"ט, מיט די זמירות האט דער רבי מכבד געווען הרה"ח ר' נפתלי הירצקא שטיין הי"ו. ברכת המזון: נכדו הרב ישראל דושינסקיא שליט"א (ב''פ).
ארום 6:40 איז דער רבי אהיים לביתו נאוה קודש.

יום שמחת תורה

שמחת תורה אינדערפרי ארום 11:40 איז רבינו שליט''א אריינגעקומען אין ביהמ''ד.
פסוקי דזמרה און שחרית האט מען געדאווענט במהירות כנהוג, בעל תפילה: הר"ר חיים שלמה קרויס שליט"א ביי נשמת האט מען געזאגט האל, המלך און שוכן עד, בנוסח יו''ט, ימים נוראים ושבת כנהוג. די כהנים האבן געדוכענט,
דער רבי איז צוגעגאנגען צו אמירת הלל בהתלהבות אש. מען האט געענדיגט ארום 1:25, און דער רבי איז אריין בחדרו הפרטי.

ארום 2:10 איז רבינו שליט''א אריינגעקומען אין ביהמ''ד צו אתה הראית.
- פתיחה: הרה''ח ר' משה יצחק שטערנליכט הי"ו (לאנדאן).

ארום 2:25 האט רבינו שליט''א אנגעהויבן טאנצן די הייליגע הקפות. מען האט געענדיגט די הקדמה בערך 4:20 .

רבינו שליט''א האט געזאגט 7 מאל תורה, פיר מאל ביי די הקדמה און ביי די ערשטע הקפה, פאר די פערטע און זעקסטע הקפה.
- ערשטע תורה: אויפן חרוז *'ידיד נפש'*, דורך די ריקודין של שמחה, שמחה של מצוה איז מכפר אויך אויף די עבירה אז מען איז געווען בשמחה בשעת'ן טוהן א עבירה.
נאך אן אופן, ווען מען איז בשמחה בשעת מקיים זיין א מצוה וואס א זכר צו א נס איז עס נישט אזא חידוש, משא"כ שמיני עצרת וואס איז נישט קיין זכר צו א נס נאר מען פרייט זיך מיט די תורה און מען טאנצט שהבדלנו מן התועים דאס איז א גרויסע חידוש און הקב"ה האט א שטארקע הנאה דערפון.
- צווייטע תורה: אויפן חרוז פון *'הדר נאה*' אנא קל נא רפא נא לה, אין נא אלא לשון בקשה, שמחת תורה איז אזוי הייליג אז עס איז מעלה אלע תפילות ובקשות פון א גאנץ יאר, א מצוה איז נישט בשלימות נאר אויב עס קומט אן שווער אדער עס קאסט געלט, פארדעם בעט מען די אלע מצוות וואס זענען נישט בשלימות זאלן ווערן בשלימות דורך די קדושה פון שמחת תורה און ארויפגיין אין הימל.
- דריטע תורה: אויפן חרוז פון *'הגלה נא' בסוכות הושבתי את בני ישראל איז א מחלוקה צו ענני הכבוד אדער סוכות ממש, די סוכות ממש וואס די אידן האבן געבויעט און געהאט מסירות נפש האט פארמאגט די זעלבע קדושה ווי די ענני הכבוד און איז עס נאך א גרעסערע חידוש און חשיבות ווי די ענני הכבוד וויבאלד גדולה מעשה צדיקים יותר ממעשה שמים וארץ, פארדעם האט מען געגעבן די תורה פאר כלל ישראל און נישט פאר די מלאכי השרת, אזוי אויך איז די שמחה של מצוה בעולם הזה מער חשוב ווי די שמחה של מצוה בעולם הבא און פארדעם קומען די צדיקים אראפ פון גן עדן ביי די הקפות, און שטארק מעורר געווען זיך קובע עיתים זיין לתורה אפילו נאר א שעה א טאג וואס דאס איז נאך מער חשוב ביי הקב''ה.
- פערטע תורה: אויפן חרוז פון *'בראשית תורתך*' ראש השנה שחל בשבת נעמט הקב''ה די תקיעות פון בזמן שביהמ"ק קיים און הערט עס היינט צוטאגס אזוי קען מען אויספועל'ן אלעס גוטס אפילו מען בלאזט נישט שופר בפועל, דער בני יששכר זאגט אז בראשית איז ר"ת ר'אש ש'נה י'תקעו ת'רועה ב'שופר א'יל, און אזוי אויך ר'צה א'לקים ת'שמרו י'ום ש'בת ב'ראשית, אז מען זאל נישט בלאזן קיין שופר משום חשש חילול שבת, און דאס איז טייטש בראשית תורתך הקדומה רשומה חכמת"ך הסתומה תקיעת שופר איז א חכמה ואינו מלאכה, און אפילו עס איז 'מאין תמצא והיא נעלמה' ווען מען בלאזט נישט ר"ה שחל בשבת אבער דאך הערט עס הקב"ה פון די פריערדיגע דורות.
- די תורה ביי די ערשטע הקפה*, ביים נסיון פון יוסף הצדיק איז נראה לו דמות דיוקנו של אביו, יעקב אבינו פארמאגט די כח צו ראטעווען יעדע איד פון א עבירה, הקב"ה שיקט אראפ יעקב אבינו שמחת תורה צו העלפן כלל ישראל זיך צו פרייען מיט די תורה הק' און פארדעם איז יעקב רישא לחדוותא.
- די תורה פאר די פערטע הקפה* - הקפה פון משה רבינו.
מען האט געזינגען עטליכע ניגוני תורה בהתעוררות רב ובבכיות, און דערנאך האט זיך דער רבי אויפגעשטעלט און געזאגט תורה, ווען א מענטש לערנט די י"ג מידות שהתורה נדרשת בהן איז ער מיט דעם מעורר די י"ג מידות של רחמים, און שטארק מעורר געווען זיך צו מקבל זיין קבלות טובות בעניני לימוד התורה יעדער לפי בחינתו, און יעדער דארף צו וויסן די חשיבות פון לימוד התורה און אז ווען א מענטש איז עוסק על המחיה ועל הכלכלה א גאנצן טאג און קומט אין ביהמ"ד בקביעות לערנען אפילו נאר איין שעה איז עס מער חשוב ביי הקב"ה ווי איינער וואס לערנט א גאנצן טאג, און מען קען מיט דעם מעורר די י"ג מידות של רחמים.
די תורה פאר די זעקסטע הקפה* - הקפה פון יוסף הצדיק, שמיני עצרת ווען מען איז מתקן אלעס וואס מען האט פוגם געווען קען מען זיך פרייען מיט א אמת'ע שמחה של מצוה, און שטארק מעורר געווען אז מען שטייט יעצט פאר די הייליגע זעקסטע הקפה - די הקפה פון יוסף הצדיק, יעדע איד האט עולה געווען היינט אין א ספר תורה, וויאזוי קען א פינגער וואס האט אנגערירט א טמא'נע כלי אנרירן א ספר תורה?! און אויסגעפירט אז יעצט איז די ריכטיגע צייט זיך צו ממקבל זיין קבלות טובות בעניני קדושה, מיט א חרטה גמורה

אויפן עבר וקבלה טובה אויף להבא, און אזוי זיך קענען פרייען מיט א אמת'דיגע שמחה של מצוה, און מסיים געווען בברכת קדשו.

צווישן די הקפות האט מען געזונגען די פיוטים פונעם חרדים, בהתעוררות רב, טייכן טרערן זענען פארגעסן געווארן ברגשי געגועים והתעוררות ביי רבבות אלפי אנ"ש.

פון די צווייטע הקפה איז דער רבי געטאנצן נאר אויפן באלעמער.
ביי די ערשטע הקפה זענען די געסט פון אייראפע מכובד געווארן מיט א ספר תורה, און ביי די פערטע הקפה זענען אלע מלמדים מכובד געווארן מיט א ספר תורה, און ביי די זיבעטע הקפה זענען נכדי רביה''ק בעל ברך משה זיע''א מכובד געווארן מיט א ספר תורה.
ביי די זעקסטע הקפה האט רבינו שליט''א געמאכט די נענועים מיט די ספר תורה בהתרוממות ובדביקות כמנהג רבותינו הק'.
ביי די זיבעטע הקפה ביי די שטיקל פון 'חזק מיחד' האט דער רבי איבערגענומען זיין אייגענעם ספר תורה און געטאנצן די ריקודין ברוב חביבות והתרוממות בשמחה עילאה.

ביים ענדיגן בערך 6:20 האט דער רבי געזאגט ויאתיו, און פארגעזאגט לדוד מזמור פסוק בפסוק.

מען האט געליינט און געדאווענט די תפילות מיט א שנעלקייט מפני קוצר הזמן.

- בעל קורא: הרה"ח ר' יודל ווערצבערגער הי"ו.
- כהן: משב"ק הרה"ח ר' שמואל הכהן פריעדמאן הי''ו.
- לוי: הרה"ח ר' יודל ווערצבערגער הי"ו.
- שלישי: משב"ק הרה''ח ר' חיים שלמה פישער הי''ו.
- רביעי: משב"ק הרה"ח ר' שלמה זלמן שטיין הי"ו.
- חמישי: רבינו שליט"א.

מען האט נאכאמאל איבערגעליינט די קריאה פון וזאת הברכה
- כהן: הרה"ח ר' יעקב בר"ש פריעדמאן הי"ו.
- לוי: הרה"ח ר' שמחה ישראל אפפעל הי"ו.
- שלישי: ר' מאיר מענדל ברח"ש פישער הי''ו.
- רביעי: הב' המשב"ק שניאור זלמן עקשטיין ני"ו.
- חמישי: הרה"ח ר' יואל ברא"ש שווארטץ הי"ו (וומסב''ג).

משמש הרה''ח ר' יואל קויפמאן הי''ו מיט נאך א מקריא האבן פארגעזאגט דעם רשות חתני התורה*, און רבינו שליט''א האט עולה געווען און געליינט בהתעוררות רב די קריאה פון מעונה.
- הגבה: הרה"ח ר' משה אהרן שטיינבערג הי"ו.
- גלילה: הרה"ח ר' יואל ברמ"ב לאנדא הי''ו.

- *חתן בראשית:* הרה''ח ר' משה ארי' פריינד הי''ו (לאנדאן), מען האט אויסגעשפרייט א טלית ווי א חופה, כנהוג.
- הגבה: הרה"ח ר' יוסף ברמ"א פריינד הי''ו (לאנדאן).
- גלילה: ר' יודל שטיין הי''ו (ב''פ).

- חתן מפטיר*: הרה"ח ר' נפתלי הירצקא שטיין הי"ו.
הגבה: הרה"ח ר' יואל ברמ"א פריינד הי''ו (ב"ב).
גלילה: הרה''ח ר' שלום מיטטעלמאן הי''ו (ב''פ).

מוסף האט געדאווענט פארן עמוד הרה''ח ר' אברהם משה לעבאוויטש הי''ו, מען האט פרייליך געמאכט כנהוג. מען האט תיכף געדאווענט מנחה. מען האט געענדיגט 7:25.

דער רבי האט תיכף געמאכט קידוש בחדרו הפרטי און זיך געוואשן צו די סעודה, דער רבי האט בוצע געווען אויף א לענגליכע ראזינקע חלה כנהוג, און אהיים לביתו נאוה קודש.

שלחן הטהור נעילת החג - מעמד ברכות הקודש

ארום 10:05 איז רבינו שליט''א אריינגעקומען אין ביהמ''ד הגדול צום נעילת החג טיש, במעמד אלופי אלפי ישראל.
ביים אריינקומען איז דער רבי ארויס אין א פייערליכן טאנץ אויפן פלאץ פאר עטליכע מינוט און ממשיך געווען די סעודה, און מאריך געווען בניגוני יו''ט, און מען האט אריינגעברענגט קרויט כנהוג.
מען האט געזונגען די ניגוני יו''ט, און דערנאך ניגונים פונעם הייליגן קדושת לוי וואס די יומא דהילולא פאלט אויס א טאג נאך אסרו חג, פארגעזונגען דורך הר''ר הערשל קאהן שליט''א.

דער רבי האט געבענטשט על הכוס.
נאכן בענטשן האט דער רבי געזאגט ברוך המבדיל און משמיע געווען די דברות קודש אויפ'ן מייק,

דער רבי געזאגט תורה אויפן פסוק 'ולכל המורא הגדול אשר עשה משה לעיני כל ישראל' און משלב געווען סוף התורה לתחילתה און געטייטשט אז די סיבה פארוואס משה רבינו איז נסתלק געווארן און איז נישט ארויף לעבעדיג אין הימל איז נאר כדי ער זאל ווייטער האבן א קשר מיט דעם עולם השפל, אזוי ווי עס שטייט אין חז"ל אז לעתיד לבא ווען משה רבינו וועט אויפשטיין צו תחית המתים וועט משה רבינו מיטנעמען אלע מתי חוץ לארץ מיט זיך, דאס מיינט נישט נאר תחית המתים פון די גופים נאר בזמנינו אלה ווען א איד וויל טוהן תשובה איז עס בזכות פון די חיות דקדושה וואס משה רבינו ברענגט אריין אין די הערצער און דאס איז א בחינה פון תחית המתים פאר די נשמות, און אויסגעפירט אז דאס אז אזויפיל טויזענטער אידן טאנצן שעות ארוכות און פרייען זיך מיט די תורה הק' דאס איז נישט די סדר העולם און איז נאר מיט די כח פון משה רבינו און אזוי ווייטער אלעס וואס אונז האמיר היינט צוטאגס איז אלעס מיט די כח הקדושה פון משה רבינו.

דער ייטב לב זאגט אז שמיני עצרת איז א יו"ט ע"ש העתיד, 'אין ישראל נגאלין אלא בתשובה', נאר מיט די כח הקדושה פון משה רבינו איז מען זוכה צו תשובה און דאס דערהאלט אונז עד ביאת הגואל, אונז זעמיר אלע תלמידים פון משה רבינו און זיינע כוחות און השפעות האט נישט קיין גבול און ער קען משפיע זיין סיי רוחניות און סיי גשמיות, און האט מסיים געווען מיט ברכות לרוב פארן גאנצן ציבור.

מען האט ממשיך געווען מיט ניגוני יו"ט, דערנאך האט דער רבי פארגעלערנט די גמרא מסכת ברכות בבלי וירושלמי כנהוג און אריינגעטייטשט שיינע רמזים וענינים.
דער רבי האט זיך אויפגעשטעלט און געזאגט דריי מאל לשנה הבא בירושלים.

מעריב מוצאי יו''ט: משב"ק הרה''ח ר' שלמה זלמן שטיין הי''ו.

נאך מעריב האט דער רבי געמאכט הבדלה און נאך עטליכע מינוט ארויסגעקומען בחצר ביהמ"ד הגדול צום מעמד ברכות הקודש במעמד אלופי אלפי ישראל לכל העם הנאספים סיי פאר די עזרת ישראל און סיי פאר די עזרת נשים.

מען האט געזינגען נגוני שמחה, דער רבי האט געוואונטשן די ברכות הקודש א גוטע וואך און א געזונטער ווינטער, און מעורר געווען צו אויספירן אלע קבלות טובות וואס מען האט זיך מקבל געווען במשך יו''ט יעדער לפי ערכו הקטנים עם הגדולים, און מען וועט זוכה זיין צו א בית רבתי אנגעפילט מיט כל טוב וואס עס פעלט זיך אויס אין א אידישע שטוב, און מסיים געווען ברוב ברכות לרוב.

מען האט ממשיך געווען מיט עטליכע ניגונים, מען האט געענדיגט ארום 11:50, און דער רבי איז אהיים לביתו נאוה קודש.

בביתו נאוה קודש זענען אריין זיך געזעגענען פאר א לענגערע צייט הונדערטער געסט אנ''ש פון ארה"ק, אייראפע, און מאנטרעאל וועלכע האבן געוויילט אויף יו"ט בצל הקודש.

יהי''ר מען זאל האבן געפועלט אלעס גוטס, מיט אלע השפעות וישועות פאר יעדן איינעם, בביאת משיח צדקנו ומלכינו בראשינו

אשרי העם שככה לו אשרי העם שה' אלוקיו

▫️ סאטמארע נייעס 🌴 ▫️

ליל שמיני עצרת זמן שמחתינו

ארום 8:50 איז רבינו שליט''א אריינגעקומען אין ביהמ''ד מעוטף בטלית שאולה, מערבית: הגה''צ ר' משה פריעדמאן שליט''א דומ''ץ קהלתינו ב''פ.

אום 9:30 האט רבינו שליט''א אנגעהויבן אתה הראת בהתלהבות אש קודש וואס האט נאכגעפאלגט מיט א הימלישע געשריי פון רבבות אלפי ישראל זקנים עם נערים, פתיחת הארון: פתיחת הארון: הרה"ח ר' יצחק שווארטץ הי''ו (וומסב''ג).

מען האט אריינגעברענגט די ספרי תורה, דער רבי איז ארויף אויף די בימה און געזאגט דעם לשם יחוד און די משוררים האבן אהנגעהויבן צו זינגן למנצח.

מגדל עוז שם ה' בו ירוץ צדיק ונשגב
בערך 9:45 האט רבינו שליט"א אנגעהויבן עבודת קדשו מיט די ריקודין פון די געהויבענע הקפות, ירוץ עבדך כמו איל ישתחוה מול הדרך בהתלהבות ורשפי אש קודש ובשמחה של מצוה, בראש קהל קדושים רוגשים, די אריבער א רבבה תלמידים וחסידים שעות ע''ג שעות בשמחת התורה, אשרי עין ראתה אהלינו בשמחת קהלינו.

אום 11:15 האט מען געענדיגט די הקדמה און אנגעהויבן די ערשטע הקפה.
צוליב די שפעטע שעה האט דער רבי געטאנצן די זעקסטע און זיבעטע הקפה נאר אויפן בימה.
במשך יו"ט ביי אלע הקפות וואס דער רבי האט געטאנצן אויפן בימה זענען ארויפגעקומען אויפן בימה הגה''צ רב דקהלתינו ב''פ 15 שליט''א און בני רבינו שליט''א, ווען דער רבי האט מקיף געווען די בימה בשעת אמירת הקפות.

ביי די זיבעטע הקפה האט מען מכבד געווען די פולע געסט מארצינו הקדושה מיט א ספר תורה.

נאך די הקפות נאך עלינו האט דער רבי געוואונטשן במאור פניו גוט שבת גוט יו''ט, פארן גאנצן ציבור אין אלע זייטן פון ביהמ''ד. מען האט געענדיגט 1:05.

ארום 2:15 איז דער רבי אריינגעקומען צום שלחן הטהור אינעם זאל בביתו נאוה קודש.
ביים אריינקומען האט זיך דער רבי אראפגעזעצט און פארציילט א לענגערע צייט זכרונות פון די תפילות און טישן ביי רביה"ק בעל דברי יואל זיע''א פון שבתים און ימים טובים, און זכרונות פון יו"ט הושענה רבה און שמחת תורה.

ארום 2:40 האט דער רבי אנגעהויבן כדרכו בקודש שלום עליכם ברגש ובנעימה ביז מלך תמים דרכו.
- אשת חיל: נכד רבינו החתן יחזקאל שרגא טייטלבוים ני"ו בן הגה''צ רב דביהמ''ד ישראל שלום שליט''א.
- הגבהת הכוס: הרה''ג רבי משה הורוויץ שליט''א (ב''פ) חתן הגה''צ רב דביהמ''ד 15'טע עוו. שליט''א.
מען האט געזינגען ניגוני תורה מיט גרויס שמחה.

- כל מקדש: הר''ר יואל בן הגה''צ ר' שמואל בנימין קרויס שליט''א (לאנדאן).
- מנוחה ושמחה: הר''ר יואל ברי"ב שטערן שליט''א (וומסב''ג).

דער רבי האט געזאגט תורה אויפן פסוק 'וביום השמיני עצרת תהיה לכם' און געטייטשט אז ראש השנה און יום כיפור ווערט מכופר די פגם פון די עבירות און דורך ריקודין של שמחה אום שמיני עצרת ווערט מכופר די פגם אויף די צייט ווען מען טוט אן עבירה, און מען באקומט צוריק די מצוות וואס די חיצונים האבן אוועקגענומען.

- קה אכסוף: הר''ר יוסף מאיר שמידמאן שליט''א (מאנסי).
- ברכהמ''ז: בעל שמחה נכדו הרב דוד טייטלבוים שליט"א.
די פרישע חתנים זענען אריבער נעמען פירות. דערנאך איז פארגעקומען די שמחת השלום זכר פון בן הנולד אצל נכד רבינו הרב דוד טייטלבוים שליט''א, דער רבי האט טועם געווען באנדלעך און ביר, מען האט געזינגען ניגוני שמחה און ווארעם אנגעוואונטשן פארן בעל שמחה און פארן גאנצן ציבור.
אויך איז פארגעקומען א שלום זכר לבן הנולד אצל ר' יקותיאל מנשה ב"ר יואל ברא"ז פריעדמאן הי''ו.
- אז ביום השביעי: הרה''ח ר' ישראל יאקאב הי''ו (ירושלים).
מען האט געענדיגט ארום 4:00.

יום שמיני עצרת

שמיני עצרת אינדערפרי ארום 11:15 איז רבינו שליט''א אריינגעקומען אין ביהמ''ד.

פארן דאווענען איז פארגעקומען א ברית לבן הנולד אצל ר' משה יוסף פאללאק הי"ו, ווי דער רבי איז געווען סנדק.

- ברכות: הגה"צ ר' נפתלי הורוויץ שליט"א מראחוב לאנדאן.
- פסוקי דזמרה: הגה"צ ר' מאיר צוויבל שליט"א מרבני קהלתינו הק' וומסב''ג.
דער רבי איז צוגעגאנגען צו שחרית והלל.

- הוצאה והכנסה: הרב חיים הערש בן הרה"ג רבי סיני טייטלבוים שליט"א (ב"פ) און הרב זלמן לייב בן הרה"ג רבי אהרן טייטלבוים שליט"א (וומסב''ג) - נכדי הגה"צ רב דקהלתינו ב''פ 15 שליט"א.
- פסוקי שמע ישראל: הרה"ג ר' שלום טייטלבוים שליט"א דומ"ץ קרית ויואל משה.
- הולכת הס"ת לבימה: הר"ר יוסף בנימין שטערן שליט"א (ב"פ) און הרה"ח ר' ישראל יעקב פאללאק הי"ו (וומסב''ג).

- כהן: הרה"ח ר' יואל שמעון רובין הי"ו (וומסב''ג).
- לוי: הגה"צ אבד''ק מאנסי שליט"א.
- שלישי: הגה"צ רב דקהלתינו ב''פ 15 שליט"א.
- רביעי: הגה"צ אבד''ק וומסב''ג שליט"א.
- חמישי: הרה"ח ר' יואל עפשטיין הי"ו.
- שישי: רבינו שליט"א.

נאכן עולה זיין האט דער רבי קורא שם געווען לרגל הולדת הבת אצל.
- ר' שמואל ב"ר אהרן הערש מיטטעלמאן הי"ו (ב''פ).
- ר' מענדל ב"ר יואל ברב"י ווייס הי"ו.
- ר' יואל ב"ר יצחק טייטלבוים הי"ו.
- ר' ישראל דוד ברז"ל קאפפעל הי"ו.
- ר' יעקב ב"ר אברהם משה לאנדא הי"ו.
- ר' יחיאל אלטר ב"ר אברהם משה טויב הי"ו.

- שביעי: הרה''ח ר' נחום מרדכי וויינבערגער הי"ו (לאנדאן).
- הגבה אויפן ערשטן ספר: הרה"ח ר' משה ארי' פריינד הי"ו מראה"ק בלאנדאן.
- גלילה: הרה"ח ר' מנחם יודא שלעזינגער הי"ו (וומסב''ג).
- מפטיר: הר"ר אברהם יואל לעפפלער שליט"א (וומסב''ג).
- הגבה אויפן צווייטן ספר: הרה"ח ר' מרדכי ווייס הי"ו (סיגעיט).
- גלילה: הרה"ח ר' יוסף לייב כהנא הי"ו (וומסב''ג).

עס איז געווען יזכור. און צוליב די גרויסע געדרענג פון די שווערע טויזענטער אנ''ש ביים אריינקומען נאך יזכור איז אהערגעשטעלט געווארן די ספעציעלע מחיצות אויף אלע פליגלען און ביי די דרום און צפון זייט פון ביהמ''ד צו פארמיידן סכנות נפשות ווען אזויפיל טויזענטער אידן גייען ארויס און אריין אויפאיינמאל.

נאך עטליכע מינוט איז דער רבי צוריק אריינגקומען מיטן קיטל און ווייסן סטראקעס בעקיטשע, און ארום 2:45 צוגעגאנגען צום עמוד און געזאגט די תפילה פאר גשם, לדוד מזמור און קדיש, משמש הרה''ח ר' יואל קויפמאן הי''ו האט אויסגערופן משיב הרוח ומוריד הגשם.
רבינו שליט''א האט געבענטשט גשם מיט גרויס התעוררות.

פתיחה צו גשם: הרה''ח ר' יושע ווערצבערגער הי''ו, צו קוה איז צו געגאנגען הרה''ח ר' יצחק ערענפעלד הי''ו, פתיחה לאנעים זמירות: ר' יעקב וויזעל הי''ו (וומסב''ג). מען האט געענדיגט ארום 3:40.

נאך עטליכע מינוט איז רבינו שליט''א אריינגעקומען צו קידוש אין די סוכה הגדולה כנהוג. דער רבי האט קידוש געמאכט און האט טועם געווען פון מזונות, נאנט, קינדל און פיש, און מען האט געזינגען ניגוני יו''ט.

דער רבי האט געזאגט תורה אויפן 'חג הסוכות תעשה לך' און געטייטשט אז דורך די ריקודין של שמחה ווען מען טאנצט און איז מתקן די אלע רמ"ח איברים און אלע שס"ה גידים, דארף הקב''ה משפיע זיין פרנסה, און מסיים געווען מיט ברכות לרוב מיט פרנסה בהרחבה גדולה פארן גאנצן ציבור.
מען האט געענדיגט ארום 4:00.

דעם מיטאג טיש האט דער רבי געפראוועט אינאיינעם מיט די בני המשפחה, און אחיו הגה''צ רב דקהלתינו ב''פ 15 שליט''א ובני משפחתו, אין די סוכה בביתו נאוה קודש מיט א אפענעם שלאק.
מיט די זמירות האט דער רבי מכבד געווען.
- הפיוט: בנו הרה''ג ר' יואל טייטלבוים שליט''א (ב''פ).
- ברוך ה' יום יום: חתנו הרה''ג ר' משה הורוויץ שליט''א.
- ברוך קל עליון: נכדו הרב זלמן לייב בן הרה''ג רבי אהרן טייטלבוים שליט''א.

דער רבי האט געזאגט תורה אויפן פסוק 'הגלה נא ופרוס חביבי עלי את סוכת שלומך' און געטייטשט אז די שיעור פון א סוכה איז שתי דפנות פון שבעה טפחים ושלישית אפילו טפח, און שו"ע שטייט אז עס איז דא שבעה שמות שאינם נמחקים, די גמרא זאגט אז עס איז דא שבעה ספרים בתורה, כלל ישראל איז א גוי אחד בארץ, קומט אויס אז די ג' דפנות פון די סוכה איז אנטקעגן קוב"ה אורייתא וישראל, און דאס איז מען מתפלל ופרוס חביבי עלי את סוכת שלומ"ך אן די דריטע וואנט איז די סוכה נישט כשר במילא מיז זיין תאיר ארץ מכבודך און הקב"ה מוז זיך מקשר זיין צו כלל ישראל.
- ברכהמ''ז: הגה"צ רב דקהלתינו ב''פ 15 שליט"א.

נאכמיטאג ארום ארום 6:45 איז דער רבי אריינגעקומען אין ביהמ"ד הגדול צו תפילת מנחה.
- בעל תפילה: הר''ר מאיר מרגליות שליט''א (מאנסי).
- פתיחה: הר''ר ישעי' גראס שליט''א (וומסב''ג).
- בעל קורא: הרה''ח ר' יעקב שטערן הי''ו (וומסב''ג).
- כהן: הרה''ח ר' יואל ברז"ל גליק הי''ו (וומסב''ג).
- לוי: הר''ר ישראל יודא ווערצבערגער שליט''א.
- שלישי: הרה''ח ר' אביגדור פרענקל הי''ו (וומסב''ג).
- הגבה: רבינו שליט''א.
- גלילה: הרה''ח ר' אברהם ווייסמאן הי''ו (ב''פ).

נאך מנחה איז רבינו שליט''א אריינגעקומען אין די סוכה הגדולה צו של''ס און זיך געזעגענען פון די סוכה.
דער רבי האט זיך געוואשן און נאך די פיש האט דער רבי טועם געווען פון די עפל, הרה''ח ר' יואל קויפמאן הי''ו משמש האט אנגעגאסן די בעכער פארן רבי'ן, און דער רבי האט אנגעוואונטשן פאר די חברה קדישא און פארן גאנצן ציבור אלפי אנ''ש.

- אודה: הרה''ח ר' מרדכי לאנדא הי''ו.
- שיר המעלות: הרה''ח ר' משה גאלדשטיין הי''ו.

דער רבי האט געזאגט תורה אויף 'הגלה נא ופרוס חביבי עלי' און געטייטשט אז מצות סוכה ווערט אנגערופן א מצוה קלה, מען זעט ביי טיטוס הרשע אז הקב"ה האט געזאגט בריה קלה יש לי, ווייל עס גייט אריין און גייט נישט ארויס, די זעלבע איז מיט מצות סוכה מען גייט אריין אין די סוכה אבער מען גייט נישט ארויס, די קדושה פון מצות סוכה בלייבט אין א מענטש און מען נעמט דאס מיט אויף א גאנץ יאר, הגלה נא ופרוס חביבי עלי את סוכת שלומך מען שפרייט אויס אויף זיך מצות סוכה און עס בלייבט תאיר ארץ מכבודך אויף א גאנץ יאר, און מסיים געווען מיט ברכות לרוב מען זאל קענען מיטנעמען מיט זיך מצות סוכה און די השפעות פון מצות סוכה אויף א גאנץ יאר.

- ידיד נפש: הרה''ח ר' יודל ווערצבערגער הי''ו (וומסב''ג).
- קל מסתתר: הרה''ג ר' נפתלי הירצקא צוויבל שליט''א ראה"כ וומ''ס.
דער רבי האט געבענטשט אויפן כוס.


מען האט ממשיך געווען און געזינגען הגלה נא בהתעוררות רב.
רבינו שליט''א האט אהנגעהויבן ווארפן עפל כמנהג רביה''ק בעל ברך משה זיע''א ולמעלה בקודש מרן הדברי חיים זיע"א, און דערנאך געבעטן דעם משב"ק זאל צו ענדיגן ווארפן וואס ס'איז נאך פארבליבן, און דערנאך געזאגט ברגש די תפילה כשיוצאים מן הסוכה און די יהי''ר, דער רבי האט זיך אויפגעשטעלט און פארגעזאגט לשנה הבאה בירושלים באש קודש, און זיך ארויסגעלאזט אין א פייערדיגע טאנץ בשמחה של מצוה זיך צו געזעגענען פון יו''ט סוכות.

דער רבי איז ארויס פון די סוכה ברקודי קודש און אריין אין ביהמ''ד און ארומגעטאנצן דעם ביהמ"ד עטליכע מאל, אנגעליינט אויף אחיו הגה''צ רב דקהלתינו ב''פ 15 שליט''א און הגה''צ אבד''ק מאנסי שליט''א. דערנאך האט זיך דער רבי אראפגעזעצט אויפן פלאץ און מען האט ממשיך געווען צו זינגען פאר עטליכע מינוט, מען האט געענדיגט ארום 8:25, דער רבי האט געוואונטשן א גוט יו"ט און אהיים לביתו נאוה קודש.

▫️ סאטמארע נייעס 🌴 ▫️

ליל הושענא רבא אושפיזא דדוד מלכא משיחא

צווישן מנחה און מעריב זענען אריין לברך ולהתברך בקו''פ א לענגערע צייט הונדערטער געסט אנ''ש מעבר לים, וועלכע זענען געקומען צו פארן להסתופף בצל הקודש.

פאר מעריב האט דער רבי אנגעצינדן בחדרו הפרטי די געזונטע לעכט פון יום כיפור.
דער רבי האט געדאווענט מעריב ארום 8:20, אנגעטוהן מיטן ווייסן קאפטן, בביתו נאוה קודש, און נאך מעריב זענען אלע דארטיגע אריבער לברך ולהתברך.

ארום 10:00 איז רבינו שליט''א אריינגעקומען אין ביהמ''ד הגדול צו קריאת משנה תורה אנגעטוהן מיט א ווייסע קאפטן און א ווייסע גארטל און געזאגט די תפילה פארן לייענען.
- בעל קורא: הר''ר שלום יוסף סאמעט שליט''א.
מען האט געענדיגט ארום 11:40.

נאך עטליכע מינוט איז דער רבי אריינגעקומען צום שלחן הטהור לכבוד הושענא רבה ואושפיזא דדוד מלכא משיחא בסוכה הגדולה שע"י ביהמ"ד הגדול.

דער רבי האט געזאגט דעם סדר אושפוזין, און זיך געוואשן.
ביי לחיים האט דער רבי געוואונטשן 'א גוט געבענטשט יאר', במשך פונעם טיש האט מען געזינגען ניגוני התעוררות וניגוני ימים נוראים.
די בעלי אושפיזין האבן געשטעלט וויין, און נאך די פלייש האבן די בעלי אושפיזין אויפגעגעבן קוגלען און דער רבי האט פארטיילט שיריים.

מיט די שיר המעלות האט דער רבי מכבד געווען:
- הרה"ג ר' דוד גרינפעלד שליט"א - מו"ץ.
- הרה"ג ר' דוד פערל שליט"א.
- הרה''ח ר' שמואל דוד מארקאוויטש הי''ו (וומסב''ג).

רבינו שליט''א האט געזאגט תורה אויפן פסוק 'קויתי ה' קותה נפשי' און ארויסגעברענגט א מליצה ישרה אויף דעם וואס די זוהר הק' רעדט זיך אפ אז מען איז מתפלל ראש השנה פאר צרכי פרטי און נישט פאר צרכי גבוה, מען פסק'נט אז מען טאר נישט מקריב זיין קיין נדרים ונדבות אום יו"ט וויבאלד א חלק גייט פארן מזבח הייסט עס א קרבן און עס הייסט נישט קיין לכם, ווען א איד איז מתפלל אויף געלט, געזונט וכו' איז עס נישט נאר צרכי הדיוט, מען דארף האבן געלט צו קויפן מצות, ד' מינים וכו', מען דארף זיין געזונט צו קענען קומען אין ביהמ"ד וכו' טראץ עס איז צרכי פרטי האט עס אין זיך א חלק פאר צרכי גבוה מעג מען דערויף מתפלל זיין, און אויסגעפירט מיט א קול בכי אז צרכי עמך ישראל מרובים אידן בעטן זיך ביי הקב"ה אויף אלע סארטן ישועות איז עס אבער הושענא למענך אלקינו עס איז לצרכי גבוה, און מסיים געווען מיט ברכות לרוב.

- ברכת המזון: חדב"ן הגה"צ רב דביהמ"ד אהל פיגא שליט"א.
מען האט געענדיגט ארום 1:20.

נאכן טיש איז דער רבי אריינגעקומען אין ביהמ''ד ברוב עם צו אמירת תהילים. בעל תפילה: הרה''ח ר' אשר יעקב עקשטיין הי''ו, ביי יעדן ספר האט מען געזאגט דעם יהי''ר להושענא רבה און קדיש. מען האט געענדיגט ארום 3:15 און דער רבי איז אהיים לביתו נאוה קודש.

יום הושענא רבא

הו''ר אינדערפרי ארום 11:15 איז רבינו שליט''א אריינגעקומען אין ביהמ''ד מעוטף אינעם טלית, קאפל, קיטל, פון רביה''ק בעל דברי יואל זיע"א, און אינטער דעם די ווייסע סטראקעס בעקיטשע.

פארן דאווענען איז פארגעקומען א ברית לבן הנולד אצל ר' יוסף אשר פעלבערבוים הי"ו, ווי דער רבי איז געווען סנדק.

רבינו שליט"א איז צוגעגאנגען צו ברכות, פסוקי דזמרה און שחרית און אויסגעלאזט בנוסח ימים נוראים, און הלל הגדול כנהוג, און די שירה געזאגט פסוק בפסוק.
ביי הלל האט דער רבי אויסגעלאזט אלע קאפיטלעך פון אנהייב אזוי ווי יו"ט, און מאריך געווען עבודת קדשו ביי די נענועים ברגש קודש, בדביקות ובהתעוררות רב, ווען דער גאנצער ציבור פון אלופי אלפי ישראל זינגן מיט די ניגוני קודש בדמעות שליש. נאך הלל האט מען אראפגענומען די רינגעלעך פונעם לולב כנהוג.

אום 1:55 האט רבינו שליט''א אנגעהויבן די פייערדיגע 'דרשת הושענא רבה' מיטן משל הידוע מרגלא בפומי' פון רבותינו הקדושים זיע''א, הושענא רבה איז די לעצטע טאג וואס דער מלך איז אין שטאט, אבער למענך אלוקינו אז מען מיינט די טובה פונעם מלך פרעגט מען נישט קיין קשיות, און מאריך געווען מיט שטורעמישע בכיות ודמעות, וואס האט מיטגעשלעפט דעם גאנצן ביהמ''ד בבכיות נוראות.

דערנאך האט דער רבי ממשיך געווען באריכות מיט געהויבענע בחינות און דברי התעוררות בבכיות לכבוד היום:
- הושענא למענך אלוקינו: מען שאקלט די ד' מינים אויף די ד' רוחות העולם צו ווייזן אז הקב"ה איז א מוליך ומביא, הקב"ה איז א משנה עתים ומחליף את הזמנים ווערט אפילו אין די עלטערע יארן די תשובה מיראה גערעכנט אלץ א תשובה מאהבה, אזוי אויך יעצט הושענא רבה דער לעצטער טאג וואס דער מלך איז אין שטאט ברענגט הקב"ה אהער די ימי חודש אלול ועשרת ימי תשובה און עס קומט אויס אז עס איז נישט די לעצטע טאג און די תשובה איז יא בזמנה.

- למענך בוראנו: ווען הקב"ה קוקט אויף כלל ישראל ברענגט עס א ברכה, בשעת בריאת העולם האט הקב"ה געקוקט אויף אלע דורות עד היום הזה און די ראי' איז גורם אז מען זאל היינט צוטאגס קענען נתעורר ווערן צו תשובה, און פארדעם איז מען מתפלל הושענא למענך בוראינו אז הקב"ה זאל אונז אנקוקן נאכאמאל און אזוי קענען נתעורר ווערן צו תשובה און זוכה זיין צו השקיפה ממעון קדשך וברך את עמך ישראל.
- הושענא למענך גואלינו: ביי גאולת מצרים האט הקב"ה קונה געווען כלל ישראל מיט קנין משיכה דורך קורא לה והיא בא, און דאס איז מען מתפלל הושענא למענך גואלינו אז הקב"ה זאל היינט אויך מאכן קורא לה והיא בא און נישט ח"ו קיין הכישה במקל.
- הושענא למענך דורשינו: דרשת חז''ל זיך צו פירן לפנים משורת הדין איז איז הקב"ה מחיוב מיט די מצוה פון טעינה ופריקה און ווען הקב"ה זעט אז א איד מיטשעט זיך צו זיין ערליך דארף אים הקב"ה צוהעלפן.
- הושענא למען אמיתך: דורך די כח פון די תורה הקדושה וואס איז אמת האבן די צדיקים א כח פון איבערדרייען ווערטער און מאכן פון צרה צו צוהר' פון מחלה צו הלחם, פון פשע צו שפע, וכו', און משפיע זיין כל טוב.
- הושענא למען בריתך: א מעסער איז געווענטליך עפעס וואס צושניידט א זאך אויף צוויי, אבער די מעסער פון א ברית מילה איז פארקערט און איז מדבק כלל ישראל צו הקב"ה און עס ברענגט אראפ כל מיני השפעות, און דאס איז מען מתפלל הושענא למען בריתך אז דורך מצות ברית מילה זאל הקב"ה אונז משפיע זיין כל מיני ישועות.
- הושענא למען גדלך ותפארתך: דורך די ד' מינים וואס ברענגט אראפ די השפעה פון מוליך ומביא, ברענגט הקב''ה די פלעצער ווי מען האט געזינדיגט צו די מענטש און מען זאל נישט דארפן צוריקגיין צו די אלע שלעכטע פלעצער ווען מען וויל תשובה טוהן, און מסיים געווען מיט ברכות לרוב ף הקב"ה זאל זיין א מוליך ומביא און אראפברענגען אלע ישועות והשפעות וואס מען דארף האבן, די מחסורו אשר יחסר לו.

מען האט געענדיגט די דרשה בערך 2:55, און מ'האט אנגעהויבן מקיף צו זיין דעם ביהמ''ד, רבינו שליט"א האט פארגעזאגט די הושענות בהתעוררות רב, צווישן די הקפות האט געבלאזן שופר הגה''צ אבד"ק וומסב''ג שליט''א כנהוג, נאכן ארומגיין האט מען געזאגט די פיוטים, און נאך קדיש תתקבל האט דער רבי געקלאפט די הושענות 5 מאל און געזאגט דעם יהי''ר כנהוג.

מען האט געזאגט אתה הראית,י''ג מדות, רבש''ע און שיר המעלות פון עשי''ת כנהוג.
- הוצאה והכנסה: הרה''ג ר' אהרן מנחם עסטרייכער שליט''א מו"ץ בקהלתינו הק' לאנדאן.
- פסוקי שמע ישראל: הרה''ח ר' צבי עקיבא ברייטשטיין הי''ו (בית שמש).
- בעל קורא: הרה''ח ר' יעקב אייזנבאך הי"ו (לאנדאן).
- כהן: הר''ר יואל מייזליש שליט"א (וויען).
- לוי: הר"ר יודל וואזנער שליט"א (מאנטשעסטער) - און האט גומל געבענטשט און מוציא געווען הונדערטער פרישע געסט אנ"ש.
- שלישי: הר"ר אליעזר אייכנשטיין שליט"א (ירושלים).
- רביעי: רבינו שליט"א.
- הגבה: הרה''ח ר' יעקב הערש טייטלבוים הי''ו (לעיקוואוד).
גלילה: הר''ר יושע קליין שליט''א (ירושלים).

- מוסף: הגה''צ ר' חיים האלבערשטאם שליט''א.
די כהנים האבן גע'דוכנ'ט.
- מנחה: בעל תפילה: הרה''ג ר' אשר חיים ווייזער שליט''א מו"ץ בקהלתינו הק' ב"פ.
מען האט געענדיגט ארום 4:50.

דער רבי האט זיך געוואשן צום סעודה אין די סוכה בביתו נאוה קודש, מיטן בענטשן האט דער רבי מכבד געווען נכדו הרב דוד טייטלבוים שליט"א (ב''פ) בן הגה"צ רב דביהמ"ד ישראל שלום שליט''א.

בביתו נאוה קודש איז דער רבי געגאנגען אין מקוה לטהר עצמו ברגל לכבוד יו"ט.

▫️ סאטמארע נייעס 🌴 ▫️

ליל ד' דחוה"מ - אושפיזא דיוסף

דער רבי האט געדאווענט מעריב ארום 9:10 בביתו נאוה קודש אויף צאנז קט.
פאר מעריב האט דער רבי געצינדען לעכט לרגל די יארצייט פון די באבע הרבנית רחל ע"ה אשת חבר פון מרן הגה"ק בעל ייטב לב זיע''א.

דער רבי איז אריינגעקומען צום שלחן הטהור אין די סוכה הגדולה ארום 11:20. דער רבי האט געזאגט די סדר אושפיזין, און זיך געוואשן, מען האט אויפגעגעבן די מאכלים אזוי ווי יו''ט, די בעלי אושפיזין האבן געשטעלט וויין, און נאך די פלייש האבן די בעלי אושפיזין אויפגעגעבן קוגלען און דער רבי האט פארטיילט שיריים.

מיט די שיר המעלות האט דער רבי מכבד געווען:
- הרה''ג ר' יוסף לייב קאהן שליט''א,
- הרה"צ רבי ישראל לייפער שליט''א מווערדאן וומסב''ג.
- הרה''ג ר' חיים ארי' כהנא שליט''א רב דביהמ''ד זכרון אלימלך מאנסי.

דער רבי האט משמיע געווען דב''ק אויפן פסוק 'וליוסף אמר מבורכת ה' ארצו' און געטייטשט אז מען דארף מקיים זיין א מצוה מיט א התלהבות און א ברען און דאס איז מקדש די גוף און נאר אזוי קען מען אריינגיין אין די סוכה וואס איז בצילא דהימנותא, 'בית יוסף להבה' מען דארף מקיים זיין א מצוה מיט א להבות אש, הדלקה עושה מצוה, און מעורר געווען זיך צוריקצוהאלטן פון זאכן וואס ברענגן אריין א קרירות אין א מענטש, און שטארק ארומגערעדט איבער די שעדליכקייט פון די נישט איידעלע ניגונים און טענץ ביי חתונות און מעורר געווען די בחורים און אינגעלייט צו שטיין על המשמר אנצוהאלטן די ערליכע ניגונים כבימי קדם, און מסיים געווען מיט ברכות לרוב.

מיטן בענטשן האט דער רבי מכבד געווען חדב''ן הגה''צ רב דביהמ''ד בית חיים יעקב שליט''א.
דערנאך האט זיך דער רבי אויפגעשטעלט טאנצן א לענגערע צייט לכבוד שמחת בית השואבה. מען האט געענדיגט ארום 1:00 .

דאנערשטאג - יום ד' דחול המועד סוכות

דער רבי איז אריינגעקומען צו תפילת שחרית ארום 10:20.
דער רבי האט געצינדן לעכט און געזאגט די קדישים לרגל די יארצייט פון די באבע הרבנית רחל ע"ה.
- בעל תפילה: הרה"ח ר' יואל בר"ע הירש הי"ו.
דער רבי איז צוגעגאנגען צו הלל און אפגעראכטן די עבודת הקודש פון די נענועים, און דערנאך פארגעזאגט די הושענות.

- פתיחה: הרה''ח ר' לייבוש פרנס הי''ו (מאנסי).
- כהן: הרב משה ברח"א כהנא שליט''א (מאנסי).
- לוי: הרה"ח ר' שלום לאנדא הי''ו.
- שלישי: נכד רבינו הרה''ג ר' זלמן טייטלבוים שליט''א רב דביהמ''ד בית מנחם זאב.
- רביעי: רבינו שליט"א.
- הגבה: נכד רבינו הרב אשר אנשיל אשכנזי שליט''א (מאנטשעסטער).
- גלילה: הר''ר מאיר יוסף גראס שליט''א (וומסב''ג).
נאכן ליינען האבן גומל געבענטשט קרוב צו הונדערט פרישע געסט וועלכע זענען געקומען אויף יו"ט שמחת תורה בצל הקודש.

- מוסף: הרה''ח ר' עקיבא וויינשטאק הי''ו.
מען האט געענדיגט ארום 1:00.

דער רבי האט געדאווענט מנחה ארום 5:45 בביתו נאוה קודש.

נאך מנחה איז געווען אויף א באזוך בקו''פ האדמו"ר רבי יאשיהו פינטו שליט''א ראש מוסדות שובה ישראל,עס האט זיך פארצויגן א שיינע שמועס איבער זיינע מוסדות פאר בעלי תשובה איבער די גאנצע וועלט, דער רבי האט אים מכבד געווען מיט לחיים און מאציל געווען מברכת קדשו און ארויסבאגלייט ביז צו די גאס.

אויך איז אריין בקו''פ הרבני הנגיד ר' זלמן לייב קאפפעל הי''ו אינאיינעם מיט די חברי הנהלת מוסדות קרית יואל, ווי ער האט מנדב געווען א גרויסע סכום לטובת די נייע בניני המוסדות וועלכע בויען זיך יעצט אין קרית יואל, הרבני הנגיד ר' זלמן לייב הי''ו האט איבערגעגעבן דעם גאנצן סכום אויפן פלאץ און דער רבי האט אים גאר ווארעם מאציל געווען מברכת קדשו.

▫️ סאטמארע נייעס 🌴 ▫️

ליל ג' דחוה"מ - אושפיזא דאהרן כהנא קדישא

דער רבי האט געדאווענט מעריב ארום 8:10 בביתו נאוה קודש.

ארום 11:00 איז אריין בקו''פ הרב הגאון ר' אברהם שמואל ענגלענדער שליט''א דומ''ץ קהילתינו הק' לעיקוואד, עס האט זיך פארצויגען א שיינע שמועס איבער הלכות ומנהגי יו"ט סוכות, און איבער די שטארקע הצלחה פון די ישיבה קטנה סניף ברך משה לעיקוואד ווי דער דיין שליט''א דינט אלס ראש ישיבה, און דער רבי האט אים מאציל געווען מברכת קדשו.

דער רבי איז אריינגעקומען צום שלחן הטהור אין די סוכה הגדולה ארום 11:15.
דער רבי האט געזאגט די סדר אושפיזין, און זיך געוואשן,
מען האט אויפגעגעבן די מאכלים אזוי ווי יו''ט, די בעלי אושפיזין האבן געשטעלט וויין, און נאך די פלייש האבן די בעלי אושפיזין אויפגעגעבן קוגלען און דער רבי האט פארטיילט שיריים.

מיט די שיר המעלות האט דער רבי מכבד געווען:
- הר''ר משה גראס שליט''א מקערעסטיר מאנסי.
- הרה''ג ר' משולם נתן שפיגל שליט''א רב דביהמ''ד תפילה למשה קאלאשין מאנסי.
- הרב הגאון ר' אברהם שמואל ענגלענדער שליט''א דומ''ץ קהלתינו לעיקוואד.

דער רבי האט משמיע געווען דב''ק אויפן פסוק 'אל מול פני המנורה יאירו שבעת הנירות' און געטייטשט אז ווען אהרן הכהן האט אנגעצינדן די מנורה האט ער משפיע געווען סיי רוחניות און סיי גשמיות, וויבאלד אן קיין השפעה גשמיות איז שווער צו מקיים זיין אלע מצוות, עשירות וואס קומט מצד א ברכה פון הקב"ה אליינס קען נישט שאטן און האט נישט דעם נסיון העושר, די השפעות וואס אהרן הכהן האט משפיע געווען און וואס ווערט נשפע פון ברכת כהנים דאס קומט פון הקב"ה און דאס ברענגט נאר גוטס, אזוי אויך מצות סוכה איז משפיע עשירות כמבואר בספרים הק' און דאס קומט אויך פון בצילא דהמינותא פון הקב"ה אליינס און איז א שטארקע ברכה, און אנגעוואוואונטשן השפעות לרוב פארן גאנצן ציבור.
דער רבי האט ממשיך געווען און נאכגעזאגט פון חתם סופר אז די סיבה פארוואס מען עסט מאכלי חלב אום יו"ט שבועות איז וויבאלד מילך איז גוט פאר אלע מענטשן אינג און אלט, און פון חלב קען מען מאכן פארשידענע מאכלים, פון די בעסטע מאכט מען סמעטענע און פון די שוואכערע מאכט מען קעז וכו', אזוי אויך די תורה הק' איז געגעבן געווארן פאר גאנץ כלל ישראל אינג און אלט און נישט נאר פאר די סמעטענע די בני עליה נאר פאר יעדן אן אויסנאם, און ווען אהרן הכהן האט משפיע געווען חכמת התורה ביי הדלקת המנורה האט ער עס משפיע געווען פאר גאנץ כלל ישראל יעדער וואס נפשו חשקו בתורה איז בארעכטיגט צו קומען אין ביהמ"ד און דאס האט אונז אהרן הכהן אויסגעלערנט להגיד שבחו של אהרן שלא שינה אז מען דארף צושטעלן ישיבות פאר יעדן איינעם און נישט נאר פאר מציונים, און אזוי אויך אז מען דארף צינדן עד ששלהבת עולה מאליה, מען דארף צינדן און צינדן אלע נשמות מישראל עד ששלהבת עולה מאליה און עס צינדט זיך אן א פלאם אינעם הארץ, און מסיים געווען מיט ברכות לרוב פארן גאנצן ציבור.

תיכף נאך די דב"ק איז דער רבי אריין בחדרו הפרטי נעבן די סוכה אינאיינעם מיט הגאון הגדול הדומ"ץ שליט"א ווי עס אנוועזנד געווען עטליכע חברי הצלה און נאך עסקנים ווי זיי האבן פארגעלייגט די פרישע אנטוויקלונגען בנוגע די שאלה העומד על הפרק אויף וואס מהאט געווארט אויפן רבינ'ס הכרעה.
נאך א שטיק צייט איז דער רבי צוריק אריין צום שלחן הטהור און ממשיך געווען מיט די ריקודין.
- ברכהמ''ז: הרה''ג ר' בערל גלאנץ שליט''א מבארדיוב.
מען האט געענדיגט ארום 1:00.

נאך עטליכע מינוט איז דער רבי אריינגעקומען אין ביהמ"ד הגדול צום שמחת בית השואבה רבתי ריקודי קודש דורך אנ''ש חסידים ואנשי מעשה זקנים עם נערים, דער רבי האט זיך אראפגעזעצט אויפן בימת הכבוד און זיך צוגעקוקט און מעודד געווען די ריקודים פאר א שטיק צייט, ארום 1:25 האט דער רבי פארלאזט די ביהמ"ד און אהיים לביתו נאוה קודש.

מיטוואך - יום ג' דחול המועד סוכות

נאך וואס דער רבי מיט'ן דיין שליט''א האבן במשך די נאכט אדורכגעטוהן די נושא און אלע קאמפליצירטע חלקי ההלכה דערפון, איז אין די פריע מארגן שעות אריבערגעקומען הגאון הגדול הדומ"ץ שליט"א אינאיינעם מיט הרה"ג ר' יוסף הערש סופר שליט"א - מו"ץ, ווי מען האט נאך א לענגערע צייט דן זיין און אויסגעארבייט די צדדים, דאן האט דער רבי געגעבן זיין דעת קדשו ופסק הלכה אינאיינעם מיט די דיינים שליט"א אויף די שווערע קאמפליצירטע שאלה.

דער רבי איז אריינגעקומען צו תפילת שחרית ארום 10:45.
- בעל תפילה: הרה"ח ר' יודא אליעזר גאטעסמאן הי''ו.
דער רבי איז צוגעגאנגען צו הלל און אפגעראכטן די עבודת הקודש פון די נענועים, און דערנאך פארגעזאגט די הושענות.
ביי הלל און נענועים איז אנוועזנד געווען כ"ק אדמו"ר מבית יצחק ספינקא שליט''א, און נאך די הושענות האט זיך דער רבי ווארעם באגריסט און אנגעוואונטשן ברכת קדשו.

- כהן: נכד רבינו הרב נחמן כהנא שליט''א חתן חדב''ן הגה''צ רב דביהמ''ד ברך משה שליט''א.
- לוי: הרה"ח ר' משה יעקב אהרן לעווי הי''ו.
- שלישי: בעל ברית נכד רבינו הרב שלום יחזקאל שרגא רובין שליט''א חתן הגה''צ רב דביהמ''ד ישראל שלום שליט''א.
- רביעי: רבינו שליט"א.
- הגבה: הרה''ג ר' חיים דוד רובין שליט''א רב דביהמ"ד אהל תורה וומסב''ג.
- גלילה: נכד רבינו הרב מרדכי יודא האלבערשטאם שליט''א חתן הגה''צ רב דביהמ''ד ישראל שלום שליט''א.
נאכן ליינען האבן גומל געבענטשט צענדליגער געסט וועלכע זענען געקומען אויף שמחת תורה בצל הקודש.

- מוסף: הגה''צ אבד"ק בית אהרן שליט''א.
מען האט געענדיגט ארום 1:15.

נאכן דאווענען איז פארגעקומען די שמחת הברית מילה בהיכל הביהמ"ד.
רבינו שליט"א איז מכובד געווארן מיט סנדקאות ומוהלות.
- סנדק מעומד: הגה"צ רבי יקותיאל טייטלבוים שליט''א.
- ברכות וקריאת השם: דער זיידע הגה"צ אבד"ק בית אהרן שליט"א, ויקרא שמו בישראל: 'משה' נאך רביה"ק בעל ברך משה זיע''א.
נאכן ברית איז מען אריבער וואונטשן מזל טוב פאר רבינו שליט"א.

נאך עטליכע מינוט איז דער רבי אריינגעקומען צו די סעודת ברית בהסוכה הגדולה.דער רבי האט געזאגט די סדר האושפיזין און זיך געוואשן צום סעודה. ביי די סעודה האט אויפגעטרעטן דער בעל שמחה דער אבי הבן הרב שלום יחזקאל שרגא רובין שליט''א.
- מיט די זמירות האט דער רבי מכבד געווען: הר''ר יושע חיים רובין שליט''א און הרב אלחנן רובין שליט''א.
- שיר המעלות: הרב מרדכי דוב רובין שליט''א.
- נכד רבינו הרב מרדכי יודא האלבערשטאם שליט''א.
- הרב אלחנן חיים טייטלבוים שליט''א.
- יום ליבשה: הרב יחיאל מנחם רובין שליט''א,

דער רבי האט משמיע געווען דברות קודש און געטייטשט די שייכות פון מצות מילה צו מצות סוכה ווען אברהם אבינו האט זיך געמל'ט האט ער אריינגעלייגט א כח פון מסירות נפש אין זיינע קינדער און אייניקלעך עד סוף כל הדורות, די ד' מינים וואס ווייזט אויף די ד' איברים פון א מענטש און מען שאקלט צו די ארבע רוחות צו ווייזן אז מען איז גרייט אוועקצוגעבן אלע איברים פאר הקב"ה, און מען איז גרייט זיך צו מוסר נפש זיין פאר הקב"ה, און מסיים געווען ברוב ברכת.

פארן בענטשן האבן די בעלי אושפיזין אויפגעגעבן קוגלען לכבוד יו"ט און דער רבי האט פארטיילט שיריים.
מיטן בענטשן האט דער רבי מכבד געווען דער זיידע הגה"צ רב דביהמ"ד ישראל שלום שליט"א און מיט די הרחמן'ס די בני המשפחה. מען האט געענדיגט ארום 2:40.

נאכן ברית איז אריבערגעקומען אויף א באזוך לכבוד יו"ט הגה''צ רבי יקותיאל טייטלבוים שליט''א, עס האט זיך פארצויגן א שיינע שמועס איבערן הייליגן צאנזער רב זי''ע און איבער מנהגי יו"ט סוכות, און דער רבי האט אים מאציל געווען מברכת קדשו.

דער רבי האט געדאווענט מנחה ארום 7:10 בביתו נאוה קודש אויף צאנז קט.
צווישן מנחה און מעריב איז געווען זמני כניסה פאר אנ''ש מעבר לים וועלכע זענען געקומען אויף יו"ט שמחת תורה בצל הקודש.

אויך איז אריין בקודש פנימה הגה''צ אבד''ק מאנסי שליט''א נאך א שיעור אין ביהמ''ד הגדול, עס האט זיך פארצויגן א שיינע שמועס בהלכה איבער כמה מקצועות התורה און דער רבי האט אים מאציל געווען מברכת קדשו.

דינסטאג - יום ב' דחוה"מ סוכות 'בצל הקודש' פון כ''ק רבינו הגה''ק שליט''א

אינדערפרי האט דער רבי געלייגט תפילין בביתו נאוה קודש פארן בר מצוה בחור ב"ר יעקב יצחק ב"ר בערל שטיין הי"ו.

דער רבי איז אריינגעקומען צו תפילת שחרית ארום 10:20.
- בעל תפילה: הרה"ח ר' אלחנן טויב הי"ו.
דער רבי איז צוגעגאנגען צו הלל און אפגעראכטן די עבודת הקודש פון די נענועים, און דערנאך פארגעזאגט די הושענות.

- פתיחה איז מכובד געווארן הרה"ח ר' זלמן לייב קליין הי"ו (לאנדאן).
- בעל קורא: נכד רבינו הרב יחזקאל שרגא טייטלבוים שליט"א בן הגה"צ רב דביהמ"ד בית ברוך שליט"א.
- כהן: הרה"ח ר' נפתלי הירצקא קאהן הי"ו.
- לוי: הרה"ג ר' חיים נחום גאטליעב שליט"א מו"ץ.
- שלישי: נכד רבינו הרה"ג ר' חיים יעקב רוקח שליט"א רב דביהמ"ד קול אליהו.
- רביעי: רבינו שליט"א.
- הגבה: הר"ר משה יוסף אשכנזי שליט"א (מאנסי).
- גלילה: הרה"ח ר' יואל ראטה הי"ו (ירושלים).

- מוסף: נכד רבינו הר"ר ליפא טייטלבוים שליט"א בן חדב"ן הגה"צ רב דביהמ"ד ברך משה שליט"א.

נאכן דאווענען איז פארגעקומען א ברית לבן הנולד אצל ר' משה ארי' ברא"י גראס הי"ו ווי דער רבי איז געווען סנדק.

ארום 4:10 איז דער רבי אריבער אין ביהמ"ד הגדול צום שמחת הכנסת ספר תורה וועלכע איז אריינגעגעבן געווארן דורך נכדו הר''ר חיים הערש טייטלבוים שליט"א לע"נ הגה"ק רבי שלום אליעזר מראצפערט זיע''א.
דער רבי האט איבערגענומען די ס''ת און אפגעראכטן די ריקודי קודש א לענגערע צייט, און מכבד געווען צו טאנצן די זיידעס הגה"צ אבד''ק ב"פ שליט"א, הגה"צ אבד''ק וומסב''ג שליט"א און האדמו"ר ממאשלוי שליט"א, און דערנאך נכדו הר''ר חיים הערש שליט"א און אחיו הגה"צ רב דקהלתינו ב''פ 15 שליט"א.
דערנאך האט דער רבי פארגעזאגט לדוד מזמור און געזאגט קדיש, מען האט געענדיגט ארום 4:30.

נאך עטליכע מינוט איז דער רבי אריינגעקומען צום מסיבת לחיים בהסוכה הגדולה, ביים אריינקומען האט דער רבי געטאנצן אויפן פלאץ, מען האט געזינגען עטליכע ניגונים און עס האט אויפגעטרעטן הר''ר חיים הערש שליט"א.
דער רבי האט געטרינקן לחיים און אנגעוואונטשן פאר הר''ר חיים הערש שליט"א, זיידעס הרבנים שליט"א, און פארן גאנצן ציבור, און משמיע געווען דב"ק אויפן פסוק 'ולכל המורא הגדול אשר עשה משה לעיני כל ישראל - בראשית ברא אלקים' און געטייטשט אז משה רבינו האט אראפגעברענגט א מורא הגדול לעיני כל ישראל בראשית, אז די גאנצע קיום העולם איז נאר צוליב די תורה הק', און געזאגט אז דאס איז פאסיג צו זאגן ביי א הכנס"ת לע"נ הרה"ק רבי שלום אליעזר מראצפערט זי"ע א זון פון קודש הקדשים דער הייליגער צאנזער רב זי''ע וואס ווער עס איז געקומען קיין צאנז האט דאס געלערנט אז די תורה הק' איז די קיום העולם, און ארומגערעדט איבער די דביקות פון אבותינו ורבותינו הק' צום הייליגן צאנזער רב זיע''א און פלעגן אלץ ארומרעדן איבער זיין קדושה און עבודת השם, ובפרט אביו רביה"ק בעל ברך משה זיע''א וועלכע איז אסאך נתגדל געווארן אין ראצפערט, און ארויסגעברענגט די שמחה אז זיינס אן אייניקל שפירט א קשר צו ראצפערט און צאנז און גיבט אריין א ספר תורה לעילו נשמתו, און אנגעוואונטשן ברכות לרוב פארן בעל שמחה אז די זכות אבות זאל מגין זיין אויף די גאנצע משפחה און מען זאל קענען בלייבן מקושר צו די אבות הק', און געזאגט אז כדאי הוא די צדיקים וקדושים זיע''א אז זיי זאלן קענען מגין זיין און משפיע זיין כל טוב פאר אלע נאספים ומשתתפים, און מסיים געווען בברכת קדשו.
מען האט ממשיך געווען מיט עטליכע ניגונים, מען האט געענדיגט ארום 5:20.

ארום 5:30 האט דער רבי משמיע געווען דב"ק דורך א הוקאפ פאר אנשי שלומינו אין בני ברק ביים מסיבת שמחת בית השואבה לכבוד אושפיזא דאהרן כהנא קדישא, דער רבי האט געזאגט דברי תורה לכבוד יו"ט סוכות און ארויסגעברענגט די הנאה פון די גוטע גריסן וואס מען באקומט כסדר פון קהלתינו ומוסדותינו הק' פון בני ברק און מעורר געווען צו שטיין על המשמר איינצוהאלטן אלע תקנות וואס דער מייסד השיכון רביה''ק בעל דברי יואל זיע''א האט אוועקגעשטעלט בעניני צניעות וכו', און דערביי באגריסט די חשובע נגידים געסט בארה"ק וועלכע האבן זיך מתחייב געווען איבערצובויען דעם בנין הת"ת און ביהמ"ד לשם ולתפארת, און מסיים געווען ברוב ברכות.

ארום 5:45 איז אריבערגעקומען בקו''פ הגאון הגדול הדומ''ץ שליט''א ווי עס איז פארגעקומען א אסיפה דן צו זיין איבער א קאמפלעצירטע שווערע הלכה שאלה וועלכע האט זיך געמאכט אין קרית יואל, און מען איז א לענגערע צייט איבערגעגאנגען אלע פרטי השאלה און שיטת הפוסקים אין די נושא.

ארום 6:45 איז געווען אויף א ביקור חג בקו''פ הרב הגאון ר' אהרן מרדכי בריסק שליט"א דומ"ץ טאשנאד מאנסי, עס האט זיך פארצויגן א שיינע הלכה'דיגע שמועס בכמה ענינים און דער רבי האט אים מאציל געווען מברכת קדשו.

דער רבי האט געדאווענט מנחה ארום 7:15 בביתו נאוה קודש אויף צאנז קט.
צווישן מנחה און מעריב איז געווען זמני כניסה פאר אנ''ש מעבר לים וועלכע זענען געקומען אויף יו"ט שמחת תורה בצל הקודש.

ליל ב' דחוה"מ - אושפיזא דמשה

דער רבי האט געדאווענט מעריב ארום 9:10 בביתו נאוה קודש אויף צאנז קט.

דער רבי איז אריינגעקומען צום שלחן הטהור אין די סוכה הגדולה ארום 11:00.
דער רבי האט געזאגט די סדר אושפיזין, און זיך געוואשן, און מען האט אויפגעגעבן די מאכלים אזוי ווי יו''ט, די בעלי אושפיזין האבן געשטעלט וויין, און נאך די פלייש האבן די בעלי אושפיזין אויפגעגעבן קוגלען און דער רבי האט פארטיילט שיריים.

מיט די שיר המעלות האט דער רבי מכבד געווען:
- הרה''ג רבי יואל מייזליש שליט''א רב דביהמ''ד ברך משה סיגוט.
- נכדו הרה''ג ר' זלמן טייטלבוים שליט''א רב דביהמ''ד בית מנחם זאב.
- הרה''ג ר' יואל אפענהיים שליט''א דומ"ץ בית מדרשינו בשכונת זרע קודש.

דער רבי האט געזאגט תורה אויפן פסוק 'ולכל המורא הגדול אשר עשה משה לעיני כל ישראל' און נאכגעזאגט פונעם תפארת שלמה אז די סיבה פארוואס משה רבינו האט אפגעשטופט מתן תורה מיט נאך א טאג איז געווען צו ווייזן פאר הקב"ה און פאר כלל ישראל אז מתן תורה קומט מיט א תנאי אז הקב"ה גוזר וצדיק מבטלו צדיק גוזר והקב"ה מקיים, און מאריך געווען און ארויסגעברענגט אז די סיבה פארוואס כלל ישראל איז ארויס פאר די צייט איז וויבאלד משה רבינו האט מבטל געווען די גזירה פון גלות מצרים, במילא פעלט זיך שוין נישט אויס אז שאר גליות זאלן משלים זיין און מען קען שוין ארויסגיין פון גלות בכל יום, משה רבינו האט מתפלל געווען פאר כלל ישראל און די תפילות זענען עושה רושם עד היום הזה, לא כהתה עינו ולא נס ליחו און מען איז עומד אינעם גלות נאר אין די זכות פון משה רבינו, און מסיים געווען מיט ברכות לרוב.

ברכהמ''ז: הר''ר דוד משה ראזענבוים שליט''א רב דביהמ''ד תפילה לדוד קרעטשניף.

נאכן בענטשן האט דער רבי פארציילט זכרונות פון די טישן ביי רביה"ק בעל דברי יואל זיע''א אום חוה"מ סוכות און דערציילט ווי רביה''ק זיע''א פלעגט אים מכבד זיין ביי אושפיזא דאהרן אלץ קינד מיט שיר המעלות און אלץ בחור מיטן בענטשן, און ווי רביה''ק האט דעמאלטס פארציילט אז אביו הגה"ק בעל קדושת יו"ט זיע''א האט אים אלץ קינד געהייסן שטעלן טרויבן ביי אושפיזא דמשה זאגענדיג אז עס איז זיין אושפיזא צוליב די פסוק ויואל משה, דערנאך האט זיך דער רבי אויפגעשטעלט טאנצן פאר א לענגערע צייט לכבוד שמחת בית השואבה. מען האט געענדיגט ארום 12:50.

▫️ סאטמארע נייעס 🌴 ▫️

מאנטאג - יום א' דחול המועד סוכות

אינדערפרי האט דער רבי געלייגט תפילין בביתו נאוה קודש פארן בר מצוה בחור ב"ר יחזקאל דוב באנדא הי"ו.

דער רבי איז אריינגעקומען צו תפילת שחרית ארום 10:15.
- בעל תפילה: הרה"ח ר' עקיבא הירש הי"ו (וומסב''ג).
דער רבי איז צוגעגאנגען צו הלל און אפגעראכטן די עבודת הקודש ביי די נענועים און דערנאך פארגעזאגט די הושענות.

- פתיחה: הרה''ח ר' יצחק ברוך ברוין הי''ו (מאנסי).
- כהן: הרה"ח ר' מענדל מאיר גליק הי"ו (וומסב''ג).
- לוי: הרה"ח ר' חיים לעווי הי"ו (וויען).
- שלישי: הרה"צ ר' נפתלי הורוויץ שליט''א מראחוב לאנדאן.
- רביעי: רבינו שליט"א.
- הגבה: הר''ר יוקל שלעזינגער שליט''א (לאנדאן).
- גלילה: הב' הבר מצוה ב"ר יחזקאל דוב באנדא הי''ו.

- מוסף: הר"ר חיים אלעזר ווייס שליט"א מחמעלניק מאנסי.
מען האט געענדיגט ארום 12:40.

נאכן דאווענען איז פארגעקומען א ברית לבן הנולד אצל ר' יעקב ישראל מאיר ווייס הי''ו ווי דער רבי איז געווען סנדק ומוהל.

דערנאך איז דער רבי ארויס פארנט פון ביהמ''ד און זיך משתתף געווען ביי די לויה און מלוה געווען די מטה פון הרה''ח ר' עמרם כהן ז"ל.

דערנאך איז דער רבי אריבער אין שטוב פון הרה''ח ר' חיים בערקאוויטש הי''ו ווי עס איז פארגעקומען א ברית לבן הנולד אצל חתנו ר' ליפא ב"ר העניך שווארטץ הי''ו ווי דער רבי איז געווען סנדק.

אין די נאכמיטאג שעות זענען אריין בקו''פ חברי וועד להוצאת ספרי רבינו און האבן אריבערגעברענגט די נייע ספר לב אהרן על סוגיות הש"ס אויף מסכת גיטין וועלכע איז נארוואס ערשינען פון דרוק, עס האט זיך פארצויגן א שיינע שמועס איבער פארשידענע סוגיות הש"ס, און איבער די ספרי לב אהרן וועלכע האלט שוין ביי די 23'סטע באנד, דער רבי האט געטרינקן לחיים לכבוד די שמחה און מאציל געווען מברכת קדשו פאר אלע חברי הוועד.

נאכמיטאג ארום 6:15 איז געווען אויף א ביקור חג הגה"צ רבי מנחם מאיר ווייסמאנדל שליט"א אבד"ק נייטרא מאנסי, עס האט זיך פארצויגן א לענגערע הלכה'דיגע שמועס פאר קרוב צו א שעה איבער פארשידענע שאלות בעניני יו"ט סוכות וועלכע האבן זיך געמאכט און נאך פארשידענע אינטערעסאנטע שאלות, דער רבי האט אים ווארעם מאציל געווען מברכת קדשו און געגעבן ספרו החדש לב אהרן - גיטין און ארויסבאגלייט ביז צו די גאס.

דער רבי האט געדאווענט מנחה ארום 7:30 בביתו נאוה קודש אויף צאנז קט.
צווישן מנחה און מעריב איז געווען זמני כניסה פאר אנ''ש.

מוצאי יו"ט - ליל אושפיזא דיעקב

צוליב די רעגן האט זיך דער רבי געוואשן צו די סעודה אין די סוכה בביתו נאוה קודש, די אנוועזנדע בעלי אושפיזין האבן אויפגעגעבן קוגלען לכבוד די אושפיזין.
- ברכהמ''ז: משב"ק הרה''ח ר' יושע מענדלאוויטש הי''ו.

דער רבי איז אריינגעקומען צו די זמירות ודברי תורה אין ביהמ''ד הגדול ארום 12:00.
ביים אריינקומען האט דער רבי געטאנצן אויפן פלאץ פאר עטליכע מינוט, מען האט מאריך געווען בשירות ותשבחות ניגוני יו"ט סוכות,
מיט די שיר המעלות האט דער רבי מכבד געווען.
- הרה"ג ר' זלמן לייב רובין שליט"א אדמו"ר מדינוב מאנסי.
- נכד רבינו הרה''ג ר' חיים יעקב רוקח שליט''א רב דביהמ''ד קול אליהו.
- הר''ר יעקב גראס שליט''א.

דער רבי האט געזאגט תורה אויפן פסוק 'ויצא יעקב מבאר שבע וכו' והנה סולם מוצב ארצה' און געטייטשט אז ווען יעקב אבינו האט געזען אז מלאכים גייען ארויף און אראפ איז אים שווער געווען אז אויב אזוי פארוואס האט אויסגעפעלט אז משה רבינו זאל ארויפגיין נעמען די תורה, הקב"ה האט דאך עס געקענט שיקן מיט א מלאך אלץ א שליח? אלא מאי האט יעקב אבינו פארשטאנען אז מתן תורה האט א דין פון תורת קידושין פון הקב"ה צו כלל ישראל במילא האט הקב"ה נישט געקענט שיקן א מלאך אלץ א שליח וויבאלד כל שאינו בתורת גיטין וקידושין קען נישט זיין קיין שליח פאר קידושין, במילא האט זיך יעקב אבינו געטרייסט אז הקב"ה וועט אויך נישט קענען שיקן קיין גט פאר כלל ישראל מיט א מלאך אלץ א שליח, אויב הקב"ה האט א דין בעל לאשה צו כלל ישראל דארף הקב"ה צושטעלן אלע חיובי בעל לאשה, פרנסה, רפואות, און אויסלייזן פון גלות.

דערנאך האט מען ממשיך געווען בשירה וזמרה און דער רבי האט זיך אויפגעשטעלט טאנצן לכבוד שמחת בית השואבה. מען האט געענדיגט ארום 12:50.

▫️ סאטמארע נייעס 🌴 ▫️

ליל ב' דיו"ט

- מערבית: הר''ר יוסף דוד לעווי שליט''א.
מען האט געענדיגט ארום 8:50. נאכן דאווענען איז דער רבי ארויף אויפן ארון הקודש און געוואונטשן פארן גאנצן ציבור צוזאמען 'א גוט יו"ט', און דער רבי איז אהיים לביתו נאוה קודש.

צוליב די ערווארטעטע רעגן האט דער רבי געפראוועט די סעודת יו"ט אין די סוכה בביתו נאוה קודש, דער רבי האט געמאכט קידוש ברגש קודש ארום 10:45.
- הגבהת הכוס: הרה"ח ר' שמחה ישראל אפפעל הי"ו.
מען האט געזינגען ניגוני יו"ט סוכות, דער רבי האט פארטיילט שיירים פון די מייערן פאר די אנוועזנדע, און די בעלי אושפוזין האבן אויפגעגעבן קוגלען לכבוד יו"ט.
- ברכהמ''ז: נכד רבינו הרב אשר אנשיל אשכנזי שליט"א (מאנטשעסטער).
מען האט געענדיגט ארום 11:30.

ארום 12:00 איז דער רבי אריינגעקומען צו די זמירות ודברי תורה אין מבצר הכוללים.
ביים אריינקומען האט דער רבי געטאנצן אויפן פלאץ פאר עטליכע מינוט, און מען האט מאריך געווען בשירות ותשבחות ניגוני יו"ט סוכות.
- מיט די זמירות האט דער רבי מכבד געווען הרה"ג ר' בעריש קאהן שליט"א.

דער רבי האט געזאגט תורה אויפן פסוק 'וירח את ריח בגדיו' און געטייטשט אז דורך דעם וואס מען בלאזט נישט קיין שופר און מען שאקלט נישט קיין לולב אום שב"ק וואס איז נאר אלץ א גזירה פון שמא יעבירנו איז דא א מליצה ישרה אויף כלל ישראל אז א מענטש איז נאר א מענטש און מען קען אמאל פארגעסן, במילא איז מען אייביג דן א מענטש לכף זכות ווען ער טוט אן עבירה אז ער האט פארגעסן.

מען האט ממשיך געווען מיט עטליכע ניגונים און דער רבי האט זיך אויפגעשטעלט טאנצן לכבוד שמחת בית השואבה א לענגערע צייט.
מען האט געענדיגט ארום 12:40.

*יום ב' דיו"ט

דער רבי איז אריינגעקומען צום דאווענען ארום 10:15.
- ברכות ופסוקי דזמרה: הר"ר חיים לייב זילבערשטיין שליט"א.
דער רבי איז צוגעגאנגען צו שחרית, יוצר, והלל און אפגעראכטן די עבודת הקודש ביי די נענועים א לענגערע צייט באש קודש, און נאך הלל פארגעזאגט די הושענות מיט גרויס התעוררות.

- הוצאה והכנסה: הרה"ג ר' משה טייטלבוים שליט''א דומ"ץ ביהמ''ד בית שמואל בנימין און הרה''ג ר' יואל היימאן שליט''א מו"ץ בקהלתינו וומסב''ג.
- פסוקי שמע ישראל: הר''ר שמעון זאב מייזליש שליט''א, חתן הגה"צ אבד''ק מאנטרעאל שליט''א.
- הולכת הס"ת לבימה: הרה''ח ר' ישראל אלעזר טאבאק הי''ו און הרה''ח ר' יעקב סאאל הי''ו.
עליות.
- כהן: הרה"ח ר' נחמן כהנא הי"ו.
- לוי: הר''ר יוסף דוד לעווי שליט''א.
- שלישי: הרה"ח ר' יעקב זוסמאן סופר הי"ו.
- רביעי: הרה"ח ר' אברהם שלום לאנדא הי"ו.
- חמישי: רבינו שליט"א.

נאכן עולה זיין האט דער רבי געמאכט א מי שברך פאר הולדת הבת אצל ר' משה אהרן פרידריך הי''ו.

- הגבה אויפן ערשטן ספר: הרה"ח ר' יחזקאל גאלדשטיין הי"ו.
- גלילה: הרה"ח ר' משה קאפפעל הי"ו (לאנדאן).
- מפטיר: הרה"ח ר' אברהם יודא ראזענבערג הי"ו.
- הגבה אויפן צווייטן ספר: הרה"ח ר' משה יצחק שטערנליכט הי"ו (לאנדאן).
- גלילה: הרה"ח ר' יוסף ברמ"א פריינד הי"ו (לאנדאן).
- החזרת הס"ת: הרה''ח ר' ישראל שפילמאן הי''ו.

- מוסף: חדב"ן הגה"צ רב דביהמ"ד אבני צדק שליט"א.
- פתיחה צו אנעים זמירות: הרה"ח ר' בצלאל בנימין פרידריך הי"ו.
מען האט געענדיגט ארום 2:05.

ביים מיטאג טיש בביתו נאוה קודש האט דער רבי מכבד געווען מיט די זמירות נכדו הרב ברוך רוקח שליט''א חתן חדב"ן הגה"צ רב דביהמ''ד אהל פיגא שליט''א.

דער רבי האט געזאגט תורה אויפן פסוק 'וירח את ריח בגדיו' און געטייטשט אז אין דעם זכות וואס אברהם אבינו האט נישט געפרעגט קיין קשיות אויף הקב"ה ביי די עקידה אין דעם זכות פרעגט הקב"ה נישט קיין קשיות אויף כלל ישראל.
- ברכהמ''ז: חדב"ן הגה"צ רב דביהמ''ד אהל פיגא שליט"א.

דער רבי איז אריינגעקומען צו תפילת מנחה ארום 7:40.
- בעל תפילה: הר''ר יחזקאל געלבשטיין שליט''א.
ביים זמן ר"ת ארום 8:00 אזייגער האט מען געדאווענט מעריב.
- בעל תפילה: הרה''ח ר' יצחק פייערשטיין הי''ו.

נאך מעריב איז דער רבי אריין בחדרו הפרטי אינאיינעם מיט הגאון הגדול הדומ"ץ שליט''א און מען האט א לענגערע צייט פון אריבער א האלבע שעה איבערגעגאנגען פארשידענע שאלות וועלכע האבן זיך געמאכט במשך די ערשטע טעג סוכות.
דערנאך איז דער רבי אריבער אין די סוכה הגדולה ווי דער רבי האט געמאכט הבדלה, נאך הבדלה האט דער רבי געוואונטשן א גוטן מועד פארן גאנצן ציבור אינאיינעם. מען האט געענדיגט ארום 8:55.

יום א' דסוכות

דער רבי איז אריינגעקומען צו תפילת שחרית ארום 10:20.
- ברכות ופסוקי דזמרה: הר''ר דוד פערל שליט''א.
דער רבי איז צוגעגאנגען צו שחרית והלל, און נאך הלל פארגעזאגט הושענות.
- פתיחת הארון ביי הושענות: הרה"ח ר' יצחק יודא היימאן הי"ו.

- הוצאה והכנסה: הר''ר מאיר מאיער שליט''א (ב''פ) און הרה"ג ר' דוד הירש שליט"א מו"ץ בקהלתינו הק' וומסב''ג.
- פסוקי שמע ישראל: הרה"ג ר' בעריש קאהן שליט"א ראה"כ דכוללינו אנטווערפען.
- הולכת הס"ת לבימה: הרה''ח ר' עקיבא הירש הי''ו (וומסב''ג) און הרה''ח ר' נחום וועבערמאן הי''ו (לאנדאן).
עליות.
- כהן: הרה"ג ר' יואל קאהן שליט''א - מו"ץ.
- לוי: הרה"ח ר' ברוך ליפא לעווי הי"ו.
- שלישי: הגאון הגדול הדומ"ץ שליט"א.
- רביעי: בעל שמחה נכד רבינו הר''ר ליפא רובין שליט''א חתן חדב"ן הגה"צ רב דביהמ''ד ברך משה שליט''א, דער רבי האט קורא שם געווען פאר בתו הנולדה לו למז"ט, ויקרא שמו בישראל: חנה נאך די באבע הרבנית ממוזשאוי ע"ה.
- חמישי: הרה"ח ר' דוד שמואל גאלדבערגער הי"ו.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' משה בר"י ביטמאן הי''ו.
- ר' שמואל בהר"ר וואלף דוד ווערצבערגער הי''ו.
- ר' ברוך מרדכי שווארטץ הי''ו.
- ר' מרדכי יודא בר"ל פאלקאוויטש הי''ו (וומסב''ג).
- ר' מענדל וואלף דרוממער הי"ו.

- שביעי: ר' מאיר מענדל פישער הי''ו, און דער רבי האט קורא שם געווען לרגל הולדת בתו למז''ט.
- הגבה: הרה''ח ר' אנשיל ליכטנשטיין הי''ו (וומסב''ג).
- גלילה: הרה''ח ר' לייב לעבאוויטש הי"ו (לאנדאן).
- מפטיר: הרה"ח ר' מאיר הירש הי"ו.
- הגבה: הרה"ח ר' משה יודא טייטלבוים הי"ו (וומסב''ג).
- גלילה: הרה''ח ר' שלמה סאלאמאן הי"ו (לאנדאן).
- החזרת הס"ת: הרה''ח ר' אברהם משה לאנדא הי''ו (וומסב''ג).

- מוסף: הגאון הגדול הדומ"ץ שליט"א.
- פתיחה צו אנעים זמירות: הרה''ח ר' ישראל ווייס הי''ו.
מען האט געענדיגט ארום 2:00.

נאכן דאווענען איז דער רבי אריבער אין סוכה הגדולה צו די שמחת הקידושא רבא לרגל הולדת הבת אצל נכדו הר''ר ליפא רובין שליט''א, מען האט געזינגען ניגוני שמחה און עס האט אויפגעטרעטן דער בעל שמחה הר''ר ליפא רובין שליט''א, דערנאך האט דער רבי אנגעוואונטשן פארן בעל שמחה, פאר חדב"ן הגה"צ רב דביהמ''ד ברך משה

שליט''א, און פארן גאנצן ציבור. מען האט געענדיגט ארום 2:15.

ביים מיטאג טיש בביתו נאוה קודש האט דער רבי מכבד געווען מיט די זמירות נכדו הרב יואל מייזליש שליט''א בן חדב"ן הגה"צ רב דביהמ''ד ישמח משה שליט''א.
דער רבי האט געזאגט תורה אויפן מדרש 'אתה אמרת והשענו תחת העץ, חייך שאני פורע לבניך מצוות סוכה' און געטייטשט אז מצות סוכה וועלכע מען גייט אריין מיטן גאנצן גוף איז בזכות פון אברהם אבינו וואס האט באקומען די ברכה פון וה' ברך את אברהם בכל.
- ברכת המזון: חדב"ן הגה"צ רב דביהמ"ד ישמח משה שליט"א.

דער רבי איז אריינגעקומען צו תפילת מנחה ארום 6:40.
- בעל תפילה: הר''ר יואל בר"ש ווערצבערגער שליט''א.
- הוצאה והכנסה: הרה''ח ר' יודא אליעזר גאטעסמאן הי"ו.
- כהן: נכד רבינו הרב נחמן כהנא שליט''א חתן חדב"ן הגה"צ רב דביהמ''ד ברך משה שליט''א.
- לוי: הרה"ח ר' שלמה משה קלאגסברוין הי"ו.
- שלישי: הרה"ח ר' מרדכי לאנדא הי"ו.
- הגבה: רבינו שליט''א.
- גלילה: הרה"ח ר' יעקב הערש ניישטאדט הי"ו (וומסב''ג).

דערנאך איז דער רבי אריבער צום סוכה הגדולה ווי דער רבי צו של''ס.
- אודה הר''ר יחזקאל לאנדא שליט''א (לאנדאן).
- שיר המעלות: הרב שלמה כהנא שליט''א.

דער רבי האט געזאגט תורה אויפן מדרש 'אתה אמרת והשענו תחת העץ, חייך שאני פורע לבניך מצוות סוכה' און געטייטשט בדרך אגדה אין די סוגיא פון חצי שיעור און ארויסגעברענגט די חשיבות אפילו פון א חצי מצוה.

- ידיד נפש: הרה"ח ר' משה יודא טייטלבוים הי''ו.
- קל מסתתר: הרה"ח ר' יעקב הערש ניישטאדט הי''ו.
דער רבי האט געבענטשט על הכוס.
מען האט געענדיגט ארום 8:10, און דער רבי איז צוריקגעגאנגען אין ביהמ"ד צו תפילת מעריב.

ימים הראשונים של חג הסוכות תשפ"ז בצל הקודש פון כ"ק רבינו הגה''ק שליט"א*

אין די נאכמיטאג שעות האט דער רבי געבינדן די לולב כנהוג.

ארום 7:35 איז דער רבי אריינגעקומען צו אין ביהמ''ד מעוטף בטליתו און צוגעגאנגען צו מנחה. קבלת שבת ומערבית; הר''ר מאיר משה מאשקאוויטש שליט''א. מען האט געענדיגט
ארום 8:50. דער רבי איז ארויף אויפן ארון הקודש און געוואונטשן פארן גאנצן ציבור צוזאמען 'א גוט שבת און א גוט יו"ט', און אהיים לביתו נאוה קודש.

ארום 11:15 איז דער רבי אריינגעקומען צום שלחן הטהור אינעם סוכה הגדולה.
דער רבי האט איינגעלאדענט די אושפיזין און אנגעהויבן שלום עליכם ברגש ובנעימה.
- הגבהת הכוס: הרה"ח ר' אברהם יודא ראזענבערג הי"ו (וומסב''ג).
די בעלי אושפיזין האבן געשטעלט וויין, ביי די מייערן האט דער רבי פארטיילט שיריים פאר די בעלי אושפיזין, און נאך די פלייש האבן די בעלי אושפיזין אויפגעגעבן קוגלען און דער רבי האט פארטיילט שיריים.

- כל מקדש: הר''ר שמעון זאב מייזליש שליט''א חתן הגה"צ אבד''ק מאנטרעאל שליט''א.
- מנוחה ושמחה: הר''ר אברהם וואלף פריעדמאן שליט''א.

דער רבי האט געזאגט תורה אויפן מדרש 'אתה אמרת והשענו תחת העץ חייך שאני פורע לבניך מצות סוכה' און געטייטשט אז אלע גרים במשך די דורות זענען פון די גרים וואס אברהם אבינו האט געמאכט, און זענען ארויסגעקומען רבי מאיר מיט רבי עקיבא וואס זיי האלטן אז כלל ישראל האט א דין בנים למקום און נאר צוליב דעם מעג כלל ישראל זיצן אין די סוכה וואס איז די שרביט של מלך, אזוי אויך די גרים וואס אברהם אבינו האט געמאכט האבן זיך צושפרייט אין די גאנצע וועלט און זיי האבן מזכך געווען דעם אויר אזוי ווי דער תפארת שלמה זאגט אויף די אוכלי משולחנו פונעם בעש"ט זיע''א אז זיי האבן מער נישט געהאט קיין תאוות אכילה, על אחת כמה וכמה די אוכלי משולחנו פון אברהם אבינו האבן זיכער באקומען א קדושה וואס זיי האבן נאכדעם פארשפרייט, און דאס אז כלל ישראל קען היינט צוטאגס אין די טמא'נע גלות זיצן בצילא דהימנותא איז אלעס צו פארדאנקן די גרים וואס אברהם אבינו האט געמאכט.

- קה אכסוף: הרה''ח ר' אברהם שמחה פריעדמאן הי''ו.
- ברכת המזון: הרה"ח ר' אברהם ווידער הי"ו - ראה"ק.
עובדות וסיפורים די וואך האט רבינו שליט''א דערציילט פון הרה''ק קאזניצער מגיד זיע''א וואס די יארצייט איז געפאלן ערב סוכות.
מען האט אויפגעגעבן פירות.
- אז ביום השביעי: הרה''ח ר' אברהם יודא ראזענבערג הי''ו.
מען האט געענדיגט ארום 1:00.